رواية الراقصه والسلطان الفصل الرابع والستون 64 - بقلم hour writer 🐆

الراقصه والسلطان
#حور حيدر
#الانستغرام: enghour98
الواتباد: eng_hour

❤️ تابع الصفحه وصوت للبارت فضلا وليس امرا †

#يحلوه مشاركه للبارت ♥️

ثاري الگلب چَذاب بَس َشافك أشِتاگ...

اتفقت ويه البنات نطلع نتعشه برا... اريد ابقى بمكان بعيد عنه لحد ما نرجع ما اريد التقي بي واحتك بي... من بعد الصار بلليل

حتى الغده اتغديت وحدي بلغرفه حتى ما اشوفه ولا التقي بلشيخه الي اول متشوفتي اتبسمر بيه والمشكله ما اگدر ارد عليها وهاي الغراب مروه لاطشتلي وين مگعدت وتبسمر وكوه متحملتها ما سحلتها گدامهم ...

وحتى ما اشوفه بس منو الي يطلعهن وكلعاده قمر دگت الصدر وكالت عليه...

بعد ما عرفت مكان عامر من فيان... راحت للكعده العربيه بلليل بعد ما اتاكدت الكل بلمجلس...

شافته منطيها ظهره وكاعد گدام النار على كرسي ومتلفلف بغترته ...

ابتسمت بخباثه وهيه تتذكر من خوفها بلليل...

ذبت حذائها ومشت على كيف باطراف اصابيعها....

وصلت يمه فجا خلت ايدها على عيونه وهمست باذنه بلسوري وبدلع...

يا حزرك مين انا...

رجعت همست باذنه بنعومه ... واديها على عيونه

منو الي وعدتها بخدمه...

كلتله بدلال وهيه تقرب منه اكثر وانتجت باديها على اكتافو...

وهسه اريدك تطلعني وغصبا عليك

حست بي جمد بين اديها... عبالها خاف

يله حبيبي مو عبالك تضحك على قمر وتغلس...

باسته بخده...

اول مصار شفايفها على خده وحست بكزكزه لحيته على شفايفها

فكت عينها بصدمه وكلبها هبط من الصدمه ... وهيه تگول لنفسها مستحيل يطلع هو بس عامر ما عنده لحيه ...

من شمت عطره عرفته...

قمر اديه گامت ترجف احس اديه انشلت من الصدمه... ممستوعبه السويته لحد هسه...

اباوعله بعده على نفس وضعه ما اتحرك...

وبگلبي اكول بجاه النبي مو هو... ياا رب مو سلطان

يربي فشله... عززه بعيني اليوم كله شارده تالي برجليه رحتله...
وجهي احسه گب نار...

اتمنى بهل لحظه تنشك الكاع وتبلعني... اريد بس اختفي
وعقلي يعيد السويته وهسه استوعبت ...

بست سلطان...

اني بست سلطان...

لو ميته ولا حاطه روحي بهل موقف...

صخام بوجهج قمر...

وخرت اديه منه بسرعه وعقلي يگلي... اشردي منه

محسيت اله وجهه گبالي وبايده حظن اديه الي لزمتني قبل لا اتحرك...

غمضت عيوني بخوف ما اريد اواجهه هسه  واني اتنفس بسرعه من الفشله اختنكت كمت ما احس بلنفس يدخل بريتي ...

البارحه اگله ما أريدك واليوم ابوسه...
يربي هسه شيگول عليه... صخنت گمت ما احس برجليه

الدمعه بطرف عيني... وگلبي يگلي اشردي قبل لا تسمعيها
هسه يگلي وياكد كلامه... يكلي بت لميعه هسه يكلي بت ليل

دحجيلي...

جسمي رجف من سمعته يحاجيني وصوته غريب وناصي ونبرته حسستني بشعور غريب...

ما گدرت اواجهه شگول وشحجي صعبه والله صعبه ...

لو قبل عشر سنين او واحد يگلي راح تبوسين سلطان وانتي بكامل قواج العقليه هم ما صدگ...

انثولت اعترف صايره ثوله وكله من وراه... اي هو الي خربطني
واني اصلا مجايه اله ولا قصدي ابوسه اله...

ليش هيج خايفه منه... اعرف بنفسي مجنت قاصدنه

رجع همس وايده خلاها جوا حنچها وقمر كلبها جمر من لمستا رفع وجهها اله وهمس  ... گمره

يلكحيله دحجيلي ...

شجعت نفسي وفتحت عيوني واباوع لعيونه بنظرات حاده احاول اظم خجلي وكسرتي گدامه ...

واني منفعله وكتله بانفعال وعصبيه ...

باوع هاي مو اني...

اقصد مو انته...

عامر هو...

وعقلي يگلي  شكاعد تصخمين بلزايد...

سلطان گللها وهيه تباوعله وتحس بي نظراته اكلتها من فوًك لجوه ...

بهيدة يول بهيده عليه جويتي الدلال ما بستي...

قمر عضت شفتها بعصبيه وخجل وخرت عينها عنه وهيه تگله بخجل ...

ما بستك الك... متوهم

سلطان گللها وايده واصابعه صعدت تتلمس حنجها وشفايفها ...

عجل هل شفايف الچوت خدي المن...

قمر شويه وتبجي بس تريد تشرد موقفها صعب وتريد تخلص روحها متگدر تباوع لعيونه نظراته تحسها تلعب على گلبها ...

سلطان وعيونه ما فارگتها...

الكحيله عجل ليش تتهرب مني ...

قمر غصبا عنها باوعتله وهيه تبتعد عن لمسته و ترجف تباوع لعيونه تريد تشوف نظرات الاستصغار والاستهزاء...

ممتهربه منك...

بس شافته يباوعلها بلهفه حست هل شي بنظراته وبعيونه وحتى بلمسه ايده..

همس الها وايده تنزل لايدها وتشبك اصابعها بايده...

عجل عيونج الوكحه ليش متتلاگه وياي...

قمر عگدت حواجبها وهيه تحاول تشرد منه باي طريقه وعيونها تخزره ...

شبيك سلطان شارب شي... عوف ايدي

سلطان ضحك وعض شفتو ونظراته مصوبه على شفايفها  .. اي بلله بوستج طيرتو لعگلي...

قمر خزرته...

گللها وهو يغمزلها ...

يول بشواي على دلالي... مو حمل خزراتچ

قمر تراجعت بخوف من نظراته وبعدت عنه تريد تروح ...

سلطان رفع نظراته لعيونها گللها بخبث...

ماكو داعي للخوف... ما عرفت الوضيحي العرمه والوكحه تخاف

واذا تخافين عجل شعندج جايه برجليچ اليه يحلوه...

قمر كلتله بتحدي وهيه تباوعله بعناد وهيه تتقرب منه اكثر... تدري بيه ما اخاف

سلطان ابتسم ولي براسه سواه ... كفوو والله

سحب ايدها وكعدها على الكرسي...

حاوط الكرسي وهو ينزل لمستواها... ويكللها بتهديد

خلي ابالچ يول...

هذه شايفتو...مالتي من هسع ما اتنازل عنو

لو تنطبگ ارض وسما هذه ما اعوفو اذا ميصير اليه...

وهو ياشر لگلبها..

كلتله بعناد...

لو تموت ميصير الك... وراح يخلصني الله منك وارتاح منك
واخذ الي يستاهلني

سلطان بعصبيه اتقرب من وجهها وانفاسه تضربها گللها بحده وهيه تشوف عيونه تظلم ...

ولچ ليش تعانديني...

قمر بعناد اكثر ... كيفي ممجبور تتحملني عوفني وخلصني منك

سلطان گللها بنفس العصبيه...

وحگ الله اشگو واطلعو بايدي... اذا ما دگ الي

گلتله قمر وهيه بس تريد توخر لا ييجي احد ويشوفها وياه...

سلطان بلا خبال وخر مني...

سلطان عصر وجهها بايده وهو يرفعه اله...

تردين اعوفج...

قمر وهيه عيونها بعيونه هزت راسها باي...

همس سلطان بثقه ونظراته متشابكه وياها ...

چذابه...

عيونج تگول غير حچي...

قمر خزرته ... لتخليني اصيح والم الكل عليك

سلطان ضحك وگللها بثقه ... اي بلله صيحي انه رايدها من الله

دحجليي يصغيره... عگلي خرب هسع جثير متخبل عليچ
ويريدچ...

صيحي وعلي حسچ وخليهم يشوفوچ بحظني ويجبروني اعقد عليج هسع...

ابتسم بثقه وهو يباوعلها....
 
قمر بخوف گلتله وگلبها انرعب منه  ومن فكره زواجها تدري بي يسويها صاحت ... عوفني سلطان

سلطان ابرود كللها... ليش مستحيه

قمر وهيه متگدر تباوع لعيونه خزرته وگالت بعصبيه وخلت اديها على صدره تريد تبعده وهيه تتجنب اصابته حتى لتاذي ...

ممستحيه وما مسويه شي حتى استحي منه كتلك مجان عبالي انته حسبتك عامر...

سلطان ابتسم على اندفاعها وهو يتلمس خده ... بس انه ما گلت شي بخصوص الصار قبل شويه...

قمر راح تتخبل مگدرت تتحمله اكثر...

ضربته على ايده المجروحه ودفعت الكرسي لوره  ورگضت وعافته بدون متباوع وراها...

دخلت جوا بسرعه... فاتت من البنات حتى ما حاجتهن راحت گبل فوك...

اجتها سمر كلتلها بحماس وهيه تجر البطانيه منها... قمر گومي يله سلطان حيودينه نتعشا برا

قمر ضمت راسها بلمخده ...طلعي برا ما اروح

سمر باستغراب... شبيج قمر مو انتي ام الفكره ديله گومي بلا عياره وما صدگنه انوب سلطان ياخذنه

قمر رفعت راسها وعاطت بيها واثار الدموع على وجهها... طلعييي برااا الله ياخذه ويخلصني منه

راحت سمر...
رجعت ورا شويه وخلت التليفون يم راسها اجاها صوت سلطان

خلاها تفز...

اذا مطلعتي هسع... اصعد وارجعلچ الامانه بنفس الخد

............

صباح الخير...

هل بارت لقمر وسلطان فقط مثل مردتو...

البارت القادم باجر ان شاء الله ❤️