رواية الراقصه والسلطان الفصل الرابع 4 - بقلم hour writer 🐆

#حور حيدر
#الراقصه والسلطان
#الانستا:enghour98

سمر ...عفته ورحت محسيت بي غير كاضب ايدي اتفاجات من جرائته روحي طلعت انداريت عليه واني ناويه امسح بي الكاع واني ارد اسحب ايدي ...

بثانيه صار بلكاع رفعت راسي شفت عيونه تباوع لعيوني نفس ذيج النظره العصبيه الي اخترقت قلبي ،اول لقاء الي مستحيل انسا حسيت واحد ذاب قالب ثلج عليه من الصدمه اخر شخص اتوقع اشوفه بعد هل سنين ...اول ما شفته قلبي كام يدك بقوه احسه يريد يطلع من صدري ونفسي زاد وجسمي كام يرجف نسيت كل العتب وكل الكره والحجي الي جنت محضرته اله ... الجنت واهمه قلبي كل هل سنين عليه ...
نظراته نزلت لجسمي واستقرت على ايدي الي لزمني منها جاسم باوعلي وضيك عيونه وهو عاض شفته بعصبيه وقابض ايده بقوه...

قبل لا يكوم جاسم ،رجع بلكاع بضربه اقوى منه ما خلاه يكدر يتنفس ،
واكفه مصدومه وعيني عليه نسيت جاسم ونسيت الدنيا عيوني بس عليه والذكريات قبل ست سنوات يمرن كدام عيوني وكانو البارحه صارت ...

قبل 3 سنوات ...

كعدت مفزوعه باوعت للساعه سبعه ونص...لطمت ع صدري عززه اتاخرت ع المدرسه واليوم اول يوم امتحانات نص السنه ...

طفرت من الجربابه ...جريت قميصي من الكنتور لبسته فوك ملابسي ولا حاسه بروحي ولبست صدريتي كوه دخلت لان لابسه جواها ملابس النوم ...
لفيت شالي واخذت ملازمي وركضت جوه ...
هااي عادتي اليوميه ما يوم دخلت للمدرسه بوكتهاا ...
اني سمر بت الشيخ نمر البنيه الوحيده بالعائله واصغر وحده بالعائله وعمه الشيوخ كلهم اكيد حتكولون شلون اصغر وحده وشلون عمه الشيوخ ...ابويه الشيخ نمر متزوج اثنين ...
الاولى بت عمه الشيخه وضحه ... ابويه جان قاسي كلش كلها تشبه سلطان بي استلم المشيخه بعد وفاه جدي ...هوايه عشاير يهدوله نسوان مجان يقبل ...بس من يوم الشاف الوضحه عشكهاا عشق مخابيل من صغرها ...جانت الصغيره والمدلله واحلى وحده ابنات عمه جانت عايشه يم خالتها بالديوانيه لان ميصير عدها اطفال فماخذه الوضحه ومربيتها اجت مره زياره للانبار تشوف اهلها العشيره كلها تحجي بحسنها ،وهل شي خبل ابويه بقاها بالانبار و منعها من الطلعه والمدرسه واذا شافها لو لمحها اباب بيتهم ...
اتقوم القيامه وهيه عنيده جانت تحب تعانده وتطلع ويه ابوها لو اخوانها وتخلي يتخبل اول ما بلغت عقد عليها جان عمرها 13 سنه وهو عمره 30 سنه ،محد قبل ياخذها وخصوصا امه جانت تكرها وتريده ياخذ بت اختها ...
وشكد رادت تمنع الزواج مخلاها واخذها
سوالها عرس تحلم بي كل بنيه ودللهاا دلال الاميرات اخذلها بيت وسجله باسمها وعيشها بي خاف امه تضوجها ... يعاملها مثل بنته بس مقابل هذه جان كلش شديد عليها اذا واحد لمحها يطلع النمر الي الكل تخافه منه ...
الى ان اجه يوم صارت مشكله جبيره بين عشيرتين وانجبر يقبل بلمره الهدوها اله حتى يمنع الدم ...
مجان يريد يكسر وضحه بس انجبر يقبل ...
وتم الزواج ...
واجه لوضحه ووياه زوجته الثانيه ...
بس الي فاجاه تصرفها استقبلتها و رحبت بيها وباركتلها ...
بس ما طخ لسانها بلسان ابويه ...
يطب ويطلع تقوم بواجبه وتضحك وتحجي ويه الكل الا هو يريد يحاجيها يفهمها متنطي مجال وعازله فراشه عنه ...
اتخبل صار لا ليله ليل ولا نهاره نهار البيت كام ميطيقه ...
ما دخل على مرته الجديده ولا سئل عليها ...
لحد ما فد يوم ابويه عنده هوايه اعداء حسب شغله ...صارت مواجهه ع الحدود ويه عشيره جانو يريدون يهربون سلاح من الحدود ...
طب للبيت يصيح واخذ سلاحه ويريد يطلع...وضحه شافته ركضته تريد تمنعه ...
حظنته من صدره وتبجي ...نمر اذا اليه بكلبك شويه معزه لتعوفني وتروح ...

نمر وهو معصب منها شكد ما هو ضعيف كدامها وخرها بسرعه وعيونه تعاتبها على هجرها اله كاللها بتحذير ...
يولي بعدي من كدامي لا اطلع حركه كليبي بيج ...
عافها وطلع ...وضلت تبجي وتلطم الليل كله وكل ساع تسئل عليه لا هيه التكدر تطلع من البيت ولا هو الجاي ومبرد كلبها ...

لحد ثاني دخل عليها وايده مشدوده وكوه يمشي من التعب ...
ركضتله كامت تدك على وجهها من شافته فرفحت روحها مثل الطير المذبوح...
نمرر شبيها ايدك ،،
دخلته للغرفه وكامت تركض بسرعه ما تعرف شتسوي ودموعها ملت وجهها ...

كللها بتعب وكلبه وجعه على بنته ومحبوبته ...كربي يبت روحي خليني اشم ريحتج وكل وجعي يروح ...

ركضت نامت على حظنه وهيه تشاهك مثل الطفل ...
كللها بعتب ...هيج تسوين بيه يبت كلبي، مو تدرين هل كلب ما يلكه الراحه الا بحظنج
..ليش هل قسوه ،والمره تدرين بيه مالي نفس بغيرج لو تصير حوريه ،بس جنت مجبور اخذها واكطع الدم ولو تردين اطلكها تولي بس لا تجافيني ...
ولا تحرميني منج ...ابويه إنتي

ومن يومها صالحته وضحه وما خلته بيوم يزعل منها ...وصدك ما قرب لمرته الثانيه ولا يسئل عليها لان يعرف وضحه متقصر منها ومخليها معززه مكرمه وجانت تعاملها مثل اختها مع انو هيه جانت اكبر من وضحه واسمها سمر ...

خلفت منه وضحه اثنين ولد...ناصر اخويه الجبير سماه على اسم ابو اتزوج بت خاله ساره وخلفو ...سلطان اول حفيد لنمر ووضحه ...من شافه ابويه صار مثل الطفل وياه وميفاركه دقيقه وحده ...
حبلت ساره بعد سلطان وبيوم بنص الليل ساره كامت تصرخ تريد تولد اخذها ناصر اخويه للمستشفى وبنص الطريق سوو حادث طالعه بطريقه تريله مارده السياره ومطلع منها احد ...
كلهم ماتو سلطان بوكتها جان عمره 9 سنوات ...رباه ابويه وعوض كسره بناصر بي صار سلطان اعز من روحه اله نص الاملاك كتبها اله ...وعلمه ع شغل السلاح من هو وصغير جانو عشيره ابويه يشتغلون بالاسلحه ولازمين الحدود ميدخل او يطلع شي بدون علمهم ...لحد مصار سلطان عمره 26 صار نسخه ابويه بس اقسى باضعاف ...
وبعد اخويه ناصر ييجي ...

شاهين (ابو عامر) عمره 41 ...جان كلش هادئ عكس ابويه وميتصرف تصرف اذا ما يكون يعرف نتائجه ...بس اذا عصب اعصار ميشوف كدامه وهل شي نادر ...
جان يدرس ابغداد ...وعنده صديق اعز من روحه درسو وتخرجو ...
واضطرو يتفاركون وشاهين يرجع للانبار...لحد ما خابره صايره عنده مشكله ثار ميت ابو وواحد من ولد عمه نها على اخته ...ويريد ياخذها بالغصب وهمه طمعانين بورثها ...
فرافضين وصايره عركه بينه وبين ابن عمه ورافع عليه سلاح متلاوي وياه ضاربه بالغلط ...
شاهين كله ...جيب اهلك وتعال
وصدك جابهم وشاهين امن الهم الطريق وصلو وجانو سرمد وامه وأخته اول مشافها شهاب كلبه كام يدكلها...
كعدهم ابيت من بيوته ...
وضلو فتره امنو ماكو خبر من ابن عمه ...
فسرمد صديق شاهين قرر يروح لبغداد يصفي املاكه ويرجع مقبل شهاب ومنعه وجان متخبل لا ياخذ اخته وياه وتبعد عنه ...
بس هو استهان وامن بالوضع وكله مهما يكون ابن عمي مياذيني ...
رجع لبغداد ورفض شاهين يروح وياه ...
وثاني يوم رجع الهم خبر سامر مكتول شاهين حلف ياخذ بحق صديقه وراح بلليلتها لبغداد رجع هو والتابوت بي سرمد والكتله دخل للسجن ...امه اول ما سمعت الخبر ماتت بكاعها ...
بقت بس اخته الي كضت ايام الفاتحه فاقده الوعي وضحه بقت تداري بيها وعاملتها مثل بتها ...
اتزوجها شاهين بعد ما وصته امها عليهاا قبل لا تموت جانت خايفه لا ييجون وياخذوها ...وصدك اتزوجها اول ما خلصت الفاتحه ...واجو عمامها يطالبون بيها اتخبلو من درو بيها متزوجه شاهين ...
وجابو الشرطه وكالو غاصبين البينه وهيه متريده ...
شاهين ما اتحمل تماديهم ...
طردهم من المحافضه وحذرهم اذا دخلو روحهم تطلع قبلها ...
خلف من سميه ...
عامر ...ذياب
وبعدهم اني صار عنده من سمر بنيه بعد ما جبرته وضحه يدخل عليهاا كلتله شنو ذنبها اهلها ضلموها احنه هم نضلمها تعيش بدون طفل وزوج ...
رغم هل شي جان سجاجين بقلب وضحه تشوف زوجها ويه غيرها وبيدها هيه تسلمه ...
ما كدر يكربها الا مره مو بيده روحه معلكه بوضحه حتى ما كدر يكمل الليله وينام بعيد عن وضحه ...ما بقه ساعتين ورجع لحضن وضحه لكاها شابعه بجي ...
وبلليلتها وشائت الاقدار وحبلت سمر منه ...
طول فتره حملها كضتها مرض ووضحه جانت اداريها وجان لازم تسقط الطفل خطر على حياتها بس سمر ما قبلت وقررت تولد الطفل واكتشفو انو هو بنيه هل شي فرح نمر الي جان يتمنى تصير عنده بنيه من وضحه ...
وبيوم الولاده ...قبل لا تدخل لغرفه العمليات لزمت ايده وضحه كلتلها وهيه كوه اتجر النفس وتحجي بخفوت ويضعف والعرك يصب من وجهاا والالم ينهشهاا ...
اا سفه اذا ،،بيوم ضوجتج وزعلتي بسببي بس والله مو ذنبي ...ودموعها تنزل ههمه جبروني
وضحه ودموعها تجري وياها...سكتي حبيبتي مو وكت الكلام ...
سمر بتعب ..بننتي امانه عندج ،ربيها مثل بنتج الله يبخليج ...خلليها تكمل دراستها وتسوي الما كدرت اسوي ...
الدكتوره ...دخلوهاا بسرعه
وهيه تريد تدخل صاحت بخفوت ...بنتي وضحه امانه عندج ..
ولدت سمر واتوقت اثناء الولاده مكدرت تتحمل الالم ...
كلها حزنت على سمر وخصوصا وضحه ...الي اخذت الطفله القلبها اول ما انولدت سمتها سمر ...
وصارت اعز من ولدهاا ..
وصرت سمر بت الشيخ نمر وعمه سلطان وذياب ومعاذ مع انو اني اصغر منهم ومحد منهم معترف اني عمته ...عمري 17 بعد 3 اشهر وادخل ب 18 طالبه سادس علمي طبعا احنه بعشيرتنه البنات قليل يخلوهن يكملن دراسه بس الي شجعني ومنع اي واحد يدخل بيه او يمنعني وجان يدرسني وهو الي خلاني ادخل علمي "سلطان" ...
اقرب واحد اليه رغم الكل يخافون منه خصوصا اذا عصب ...كلها تكول عليه قاسي وميحب الكلام ومغرور الا اني اشوف بي حنيه الدنيا بقلبه خصوصا ويه الشخص ليحبه ... بس مشكلته ميحب يبين مشاعره ...
واخير شي صار عد شاهين بنيه... الجد نمر جان يتمنى تصير عنده حفيده تشبه وضحه اول ما انولدت اول مشافها كال هاي وضحه الثانيه ونسختها ...
وسماها الوضحه ...

#حور حيدر
#الراقصه والسلطان
#الانستا:enghour98

.............
صباحوو ورد ...سوري ع التاخير وكتعويض للتاخير باجر حنزل بارت لعيوناتكم اهم شي الحلوين ميزعلون ...بس انتو اتعودو نشري بلليل ...

Shahoda_ShoSho

_huda_hussain_
يستحقون متابعه ...

#حور
#يفدوه