رواية الراقصه والسلطان الفصل الثالث 3 - بقلم hour writer 🐆

"ما احلل اي احد ينقل الروايه بدون ذكر الحقوق"
#حور حيدر
#الراقصه والسلطان
#الانستا:enghour98

تنزل من الدرج بعجله وصوت كعبها يرن قبلهاا وعينها ع الساعه وصلت للباب رادت تفتحهاا اجاهاا صوت من غرفه امهاا ...
سمرر ..سمرر حدري هين ...
سمر اجتي تمشي سريع وهيه تلهث وايدها ع صدرهاا وكوه تجر النفس...
اجيت شيخه شصاير من الصبح هدو علينا ...
الشيخه وهيه كاعده ومتكيه ع عوجيتها حجت بصوتها الجهوري وبحده...هدو عظامك العدو كولي امين وينج ازكح عليكي يمصكوعه ...

سمر وهيه تتعدل بوكفتها وتتحمحم وهيه تعرف امها ليش معصبه وشتريد منها كالت بهدوء وهيه تحاول تتهرب من هل موضوع شكد متكدر ...
.. شيخه رحتلج فدوه محاظرتي نص ساعه وتبدي ،
خليني اروح ومن ارجع نحجي...

ذبت كلامها وهيه تريد ادير ضهرهاا ...
ااكفي هين ...هيه جلمه وحده يسمر العصر تجي ام جاسم تخطبج لابنهاا
زهبي حالك ...
وكفت بمكانهاا بعد ما صرخت امهاا بصوت عالي وحاد غمضت عيونهاا واخذت نفس طويل حاربت نفسها حتى متنزل دموعهاا ...

كملت طريقها بخطوات بطيئه وصلت للباب وقبل لا تطلع من الغرفه ...حجت بصوت ضعيف تكدر تسمعه امهاا ...
يمه زوج ماا ازوج ...لتعب روحها وتجي

صاحت الشيخه بعصبيه ...تاخذي ورجلك فوك راسك ،البنوات لبكبرك كلهم تزوجو ...

سمر ابويه روحي ... ابو محمد صارله جثير ينتظر بره ...
اجاها صوت اخوها الجبير ابو عامر وهو يخلي ايده ع جتفهاا  ...

طلعت تركض ما صدكت من اجه وانقذها تحس روحهاا اختنكت لو باقيه اكثر متعرف شنو جان صار بيهاا ...شافت السايق ينتضرها فتحت باب السياره وصعدت ... خلت راسها ع الجامه تباوع ع الطريق ودموعها غصب عنها كامت تنزل ...وهيه تذكره

ابو عامر وهو يكعد بصف امه بعد ما باس راسها ...
صبحج الله بالخير...معصبه الشيخه

الشيخه بنفس الحده...صباااح النور يمه ،يعني قابللهاا انته موكفه حالها من يوم طلقهاا ابن الفهد ...وذاك ابو بغداد رايحلي غااد اخرها تتحندلي وحده بركبتو ويجيبها اليه اكله خلي اخطبلك وحده من بنوات خوالك ما يقبل الكاع ما تكضبو  ...
ابو عامر بهدوء ...ول ول ول يم نمر كل هذه من الصبح ،،سلطان جبير شيخه وبعدين تعرفي ما يطيق احدأا يجبرو على شي ...وبعدين هو رايح غاد يشوف شغلنه ...

..........
وكفت السياره كدام الجامعه نزلت تمشي بكل ثقه عكس الي داخلهاا ...سنين وهيه مجبوره ترسم وتمثل القوه بسببه ...دمرهاا بيوم لازم تكون بي اسعد يوم بحياتها...
سمرر اواش اواش ...
التفتت استغربت جاسم شيريد ...وكفت وباوعتله وحجيت بجمود ...

اتفضل ...شتريد جاسم

جاسم يحجي بلهفه وهو يحس الحجي يضيع من يشوف عيونهاا ... بارتباك
...ممكن نحجي عشر دقايق ونرجع

سمر باعتراض وحده ...جاسم عندي محاظره ما عندي وكت،عندك شي احجي بسرعه

جاسم ...مو ميصير هين نحجي اي دمشي للسنتر مراح تطير المحاظره ...
سمر يربي شجلب هذه الف مره رفضتك دحس ،كتلو قبل لا اعوفه  ...ما اتوقع اكو بينه حجي ،واختصرلك من الاخير طلبك مرفوض ورجائا بعد لتحاجيني وتعرضني لموقف سخيف مثل وكفتنه هين الي ما الها داعي ...استاذن

جاسم الي اتعود على اسلوبهاا ونفورها ورفضها اله ورغم حدتها وياه وهذه اكثر شي خلاه يتعلق بيها اكثر ،عكس كل البنات الي يعرفهن من قبل ...
بتسرع كضب ايدهاا وهو يكول بانفعال ...
اواش سمعيني سمر ...

محس غير وهو بالكاع وواحد فوكاه ...
وحك الله اليوم ...روحك اطلعها بيدي
سمر بصدمه ...فيصل

..........

رجعت من المدرسه امشي وحدي بالطريق واني لازمه كلبي بيدي ما ريد ارجع للبيت ...
وكفت كبال الباب ما ريد ادخل ...كعدت ع الرصيف واني الم رجليه لصدري واني اتذكر الصار البارحه ...

صحت بيهاا واني اجر ايدي منها بقرف ودموعي تجري بحركه ...انتي شنو من ام شلون تحجين هيج ،وج انتي امي تعرفين شنو امي ...تردين ابيع جسمي علمود تاحذين كم فلس حرام وج والله احركه احرك روحي ولا خلي واحد من ذرله الكواو** مالتج يلزمني...

لميعه وايدها على خصرهاا صاحت باستهزاء...كاافي ولج لتبيعيلي مثاليات وهل كم كلمه المتعلمتها بالمدرسه ،هو انتي شطيح حظج غير هل مدرسه المدري شنو فايدتهاا ...

مدرسه بعد ماكوو ...
التفتو اثنينهم ...اجاها اكثر صوت تكرهه بالدنيا ...
قمر تباوعله بكره صرخت باعتراض.. مو بكيفك وغصبا عليكم اثنينكم اداوم ..
لميعه وهيه تضرب على وجهاا وحجت بصوت ناصي ...سكتي ولج وكليله اي
قمر ضحكت باستهزاء ...وشبيج خايفه اجه صكارج هاا وهيه تاشر باصبعها على عدنان ...
بس اني هذه ميخوفني لان ما معتبرته رجال اصلاا...
عدنان وهو يباوعليها من فوك لجوه بنظرات تخليها تقرف من روحهاا وهو يضحك...
مقبوله منج بنتي ومراح اعتب عليها ...

قمر بنبره كره ...اني مو بنتك ما اتشرف اصير بت واحد هئ شبه رجال ...

عدنان صااح وهو يضرب الباب بيده ...قمر هواي متستاهل وياج لتخليني اجي اكسر اعضامج ،فسمعي الكلام وصيري حبابه  وباجر بلليل راح ييجي شيخ جبيرر كلش كلش ،
جايج يا حلوه اريدج تحضرين نفسج مثل السباعيه
وترضي ...

قمر ...خلي وحده من كح***بك  ترضي ولو اكلك عليمن اذا هيج عاجبك وتريد ترضي مترضي انته ...

محست الا وشعرهاا بيد عدنان اخر شي وعت عليه وهو يسحلها ولميعه تفك بينهم ...
كعدت الصبح لكت رحها بفراشهاا وراسهاا يريد ينفجر من الوجع باوعت لروحها بالمرايه ثواني وكامت تضحك بهستيريه ودموعي تصب ...

هااي اني قمر صارلي عايشه بالدنيا 17 سنه الشي الوحيد النصفتني بي اسمي ...مفهمت منها شي غير بس الزنا والشرب والركص والحرام ...كلها تكول عليه وكحه وقويه وهذه الشي استخدمه وسيله دفاع اليه بحياتي مشفت احد يستاهل احترمه لا الي جابتني ولا الي رباني ...
امي لميعه وابويه عدنان الي كل ما اشوفه واشوف نظراته إليه أكره روحي واكره الساعه الي انولدت بيها بهل بيت كم مره حاولت انتحر بس توكف بعيني البنات الي يجيبوهن هنا بالغصب ويحولوهن لعاهرات ويبيعوهن وأحاول اشردهن علاقل اخلصهن مدام اني هذه قدري ...
#حور حيدر
#الراقصه والسلطان
#الانستا:enghour98

................
صباحكم ورد🥰...

كل الي يشوف الروايه يتفاعل ...
حبايبي تعرفون موعد النشر ماتلي الي متعودين عليه الي هو بلليل فمهما اتاخر الوقت اني حنزل اوك ...واليوم الي ما انزل بي اني ابلغكم

#حور
#يفدوه