رواية الراقصه والسلطان الفصل الرابع والخمسون 54 - بقلم hour writer 🐆

الراقصه والسلطان
#حور حيدر
#الانستغرام: enghour98
الواتباد: eng_hour

❤️ تابع الصفحه وصوت للبارت فضلا وليس امرا †

#يحلوه مشاركه للبارت ♥️

ﻳﺎﻟﻠﺬﺗﻚ ﺇﺑﻤﻬﺠﺘﻲ
ﻭﻳﻦ ﺃﻟﻜًـﻪﻣﺜﻠﻚ ﻫﻮﻯ
ﻟﻮﻻ‌ﻙ ﻭﺍﻟﻠﻪ ﺃﺧﺘﻨﻚً
ﻫﻴٌﻪ ﺷﺮﺍﻛﺔ ﻧِﻔَﺲ
ﻟﻮ ﺳﻜﺖﻛًﻠﺒﻚ ﺳﻜﺖ
ﻛًﻠﺒﻲﻭﻳـِﺪِﻙَ ﻟــﻮ ﻳـِﺪِﻙ

سد التليفون من سلطان استغرب نبرته حس بي شي... يعرف سلطان زين نادرا ميتعصب...

باوع لغرفه فيان زعلانه منه من البارحه فقد اعصابه عليها من سالته على سفرها ...

ما گدر يتحمل يحس بيها اوقات متعلقه بي بس بلحظه كل شي ضاع ما اتحمل كلمه منها ... ومنا بيت عمها كل ساع دازين طارش يردون گعده وما ناووين على خير...

گام يصيح عليها وهيه تشلع گلبه بفهاوتها چنها طفل تزعل بسرعه ... ومن تزعل ما تاكل تدلع هوايه وهو مو متعود يتعامل بليونه ويه احد يحاول ميقسى عليها...

ما فتح وياها موضوع روحتهم للانبار  وميگدر يبقيها هنا لازم يلتحق مستحيل يعوفها هنا ميامن عليها الا يم اهله ومشكله بيت عمها بعدها...

گام لغرفتها فتح الباب وهو مسوي روحه عصبي لازم يعلمها على طبعه ويبطل يدلعها ويسوي لتريده...

لگاها گاعده  گدام المرايه وتمشط بشعرها وظهرها اله  ...

اتقدم منها واديه بجيبه... صار وراها باوع لانعكاسها بلمرايه
شاف خشمها وخدودها حمر من البچي وعيونها وارمه ...

گلبه نغزه من شافها وبقه يشتم روحه لان هو سبب دموعها...

گللها بحنيه بنبرته الرجوليه...

ليش هاي الدموع مو حرام ...

فيان نزلت نظرها وما باوعتله وبقت تسرح بشعرها... وما ردت

عامر ... بويه مو قصدي وعيونچ ازعلچ واحجي عليچ انه هيج من اصير عصبي ما اعرف شيطلع مني حچي

شافها برطمت وشفايفها بدت ترجف ودمعتها طاحت على خدها وگامت تشاهگ...

عامر كسرت گلبه شلون مهضومه... حار شيسوي
گللها وحاول يكون حنين وياها...

لا تبچين...

گامت تشاهگ اكثر وكعت المشط من ايدها  وضمت وجهها باديها الاثنين...

خله ايده على شعرها يطبطب عليه واول شي خطر على باله گللها ... كومي اشتريلچ حلويات بس لا تبچين

فيان گامت او وخرت ايده منها باوعتله... وديني لبيت خالو ما اريد  ابقى يمك بعد...

عامر نضرته اتحولت للحده  گللها بنبرته الرجوليه الحاده ... شنو هل قوانه الجديده طلعه تحلمين تطلعين والسفر انسي افتهمتي خليها ترچيه باذنچ...

فيان فزت من صوته باوعتله بنظره دمرته وعيونها ممليه دموع...
اختنگت ما متعوده احد يصيح عليها...
وديني لامي ما اريدك...

عامر سحبها لحظنه لمها وايده على رأسها خلاه على صدره... اسف اسف اسف وحگ الله مو قصدي انه حيوان وحقير بعد شتردين بس لا تزعلين مني

فيان همست بين دموعها... واعوب هم

عامر ضرب راسها على كيف... ايا عوبه هيج صارت انه عموري اهون عليج

فيان بزعل... اي تهون ليش تزعلني وبس تصيح عليه ادري مثگله عليك وبلوه وابتليت بيها بس شسويلك انته جبتها لروحك

عامر ضحك على كلامها وگللها... اي بلله بلوه

فيان  عگدت حواجبها وباوعتله بخزره...

عامر وعيونه غركت ابحر عيونها همس برجوله...بوويه رصاص برنو مو نظرات

فيان... يعني اني بلوه صدگ

عامر وهو يمسح خدودها من الدمع... احلى بلوه ومصيبه يول اذا هيچ البلاوي ادعي ربي يمطر عليه بلاوي

وبغمزه حلوات وعسل وعيارات ودلوعات

فيان كامت تدور بعيونها بارتباك...

عامر كمل بنبره حده... وانچبي لتكولين هل حجي انتي مرتي هسع مسووله مني،
انه بس سوال شاغل بالي ومحيرني...

فيان بفضول... شنو هو

عامر... وانتي بهل فهاوه شلون دبرتيها شردتي من بيت عمچ

فيان بنرفزه رفعت حاجبها وكلتله بغرور... وهل فاهيه خلتك تعتذر منها وهيه ترفع اصابعها كدام عينه... ثلاث مرات
وهيه تسبله بعيونها...

عامر عظ شفته ... بويه حافظچ ورا كل زعله ولازمتها اعتذر واعتذر گلت اختصرها واكتهن مال تلاث زعلات لگدام

فيان... دكوم اشتريلي حلويات يله مو گلت

عامر كرص خدها... هاي ما تنسيها ماكو حلويات مماكله شي من البارحه

فيان برطمت... يعني متشتريلي

عامر ... ولچ اشتري بلقران اشتري بس ناكل ونحظر جنطنه

فيان گاطعته بخوف وزعل ... راح توديني لبيت خالي

عامر فرح من شاف رد فعلها يعني متريد تبعد عنه گللها وهو يسوي روحه جدي
... غير انتي ردتي ترحين وتعوفيني

فيان باوعتله وعيونها بدت تجمع الدموع گالت ... عود صدگ راح تخليني اروح

عامر هز راسه الها... ومن داخله مكيف على تعلقها بي  شايفين من تختبرون طفلكم وتگلوله راح اعوفك واروح وهو يزعل ويبچي ويچلب بيك وميخليك تروح مكان بدونه وتفرح انته من تعلقه وحبه الچبير الك ... هيج عامر يسوي وياها يعرف انانيه منه

عامر شافها استهضمت كللها وبعدت عنه سبحبها لحظنه ... چذب چذب بس لا تبچين ادري شاده صوندات بعيونچ حصره عليه گتلچ كلمه شغلتي ماطور عيونچ

فيان باوعتله ابرائه وهيه تناشگ گلتله... انزل وهيه تاشرله يخلي طوله بطولها...

عامر استغرب من طلبها بس اجه على باله تبوسه كيف ... نزل وهو يباوعلها بلهفه...

فجا اتحولت ملامحه للالم... من حس بفروه راسه تتعش بايدها ويه شعره...
عاط بوجع... اااخ خرب يمخبوله شتسوين

فيان... سخيف حتى لتضحك عليه بعد

عامر بعصبيه ... هدي شعري لا العن يومج

فيان خافت منه بس تعرفه مياذيها مهما تسوي بي قوت گلبها و گلتله...
اعتذر مني عشر مرات يله اهد

عامر صدك اتاذه لزم اعصابه ميريد يزعلها اكثر  لزم ايدها الكامشه شعره...
دنچبي يمعثوره هدي والله ائاذيج ترا

فيان بعناد ... لا اعتذر لك يله بسرعه 

عامر انصدم وضحك رغم وجع شعره... هلو هلو هاي انه تگليلي لك الفاهيه
فيان وهيه تقوي لزمتها... اي انته واعتذر لتاخرني جوعانه

عامر بتوعد... حلو استهتار فول صاير عندچ

فيان بضحكه ودلع وهيه تباوع لاضافرها... فوگ متتصور

هااا حلو حلو  حقچ بويه...

عااااااا... عاطت فيان من جر شعرها عامر

فيان بوجع صرخت او وجهه مقابل وجهه عامر وهمه واحد لازم شعر الثاني ...اااي عامر هد شعري

عامر يضحك على روحه لو يشوفه احد من الجنود ميصدك هذه نفسه القاسي ما عنده رحنه بالتدريب الي مطيح حظهم صار مثل الجهال يلعب گللها وهو يباوعلها بتحدي ... هدي انتي اول ام لسان

فيان وهيه تباوعله منظره حصرتها الضحكه رغم وجعها   ... هدني  اول واهدك  والله حباب دا تاذيني

عامر ... ولچ انتي مو ثقه تهدين شعري يله اعوف شعفتچ

فيان وتحس الدم اتجمع بوجها والضغط زاد ... عموري الله عليك عوف شعري والله يتاذه بسرعه

عامر وهو يلعب بحواجبه ... تؤ تؤ عجل شعري ابن كلب غير يتاذه

فيان... زين نحل سوا احسب لل للتلاثه ونحل اثنينه

حسبو سوا وعيونهم بعيون بعض... واحد اثنين اتلاثه

رفعو رأسهم اثنينهم وهمه كل واحد يفرك براسه ويباوعون واحد للثاني ...

طگوهاا بضحكه من كل گلبهم ...
لحد ما گعدو بلگاع...
عامر يباوع شلون تضحك گللها وهو تايه بيها ببحه رجوليه... جعل الله ما يحرمني من ضحكتچ يبعد طولي طولچ...

فيان نزلت راسها بخجل وعيونها تباوع لكل شي بلغرفه عدا عامر...

عامر اتقرب منها لزم ايدها گللها بحنيه... فيان راح نروح لاهلي بلانبار...
شاف صدمتها وخوفها اول مذكر الانبار...
حظن ايدها بين اديه... لتخافين راح تحبيهم

فيان بخوف... بس ما اريد اروح هناك

عامر بتفهم وهو يحاول يقنعها بهدوء... فيان مو كل الناس هناك بيت عمچ، هل سفتي ابويه وسلطان وقمر اكو احد اذاچ لو ما حبيتي...

فيان... هزت راسها بلا

عامر بابتسامه.. عجل لو تشوفين الشيخه وامي سميه والباقين  راح تحبيهم اكثر مني

شاف خدها ورد ونزلت راسها..
عامر بمشاكسه وهو ينزل راسه وياها ... خاف ما تحبيني

فيان سحبت ايدها منه... اعتذر يله اكلك وجيبلي حلويات هوايه

عامر باحباط ... انتي خو ما تفكرين الا ابطنچ

الله يصگعج كومي اسويلج اكل وبعدين اشتريلج التردي...

...........

صف السياره گدام العماره وهو ينافخ الطريق كله ويسوق بجنون...
نزلت اول مطبگ السياره...

دخلت للشقه وركضت لغرفتها ما لكت احد للشقه... قفلت باب غرفتها وگامت تشهق بوجع...

الطريق تبچي بسكوت متريد تبين ضعفها گدامه اهانها اليوم او وجعها كلش اول مره تحس بعجزها وضعفها اليوم گلبها كرهه كره بحياتها محست هل شعور لغيره...

دمرها رجعلها احساس اليتم الجانت تحس بي ابيت لميعه باضعافه لان هناك مجامت تحس همه اهلها بس هل مره ماكو مهرب...

كسر گلبها وهو كلمره يذكرها باصلها الي انفرض عليها وصار عار انوشم بيها  ...

صح عدها اب وام بس واثقه الف بلميه اذا اشتكت الهم هسه من سلطان راح يخلون الغلط بيها ومينطون بي ...
تسال روحها...
شنو فرقه عن الجان يسوي بيها عدنان...
شنو ذنبها هيج يجرحها ويخجلون منها... ما اختارت تنخطف ما اختارت تعيش ابيت دعا**... همه السبب همه الي لازم يتحملون الذنب مو اني...
دموعها تنزل من وجعها وكسرتها... بس گلبها نار ما بردت

من خوفها منه ما گدرت تنطق رغم هيه مقتنعه ما سوت شي غلط...
صح فاجاها حسام من لزم ايدها ما جامت متوقعه هيج يسوي...

بس محد يگدر يحاسبها هاي حياتها قبل لتعرفهم   ... حسام ماضيها الحلو وذكرياتها النظيفه الوحيده بماضيها...

تعرفه اكثر ما تعرفهم، حسام الحبها بدون مقابل بدون لا يعرف عنها شي وحتى من عرف بقه متمسك بيها...
مو من حقه ييجي بلحظه يجردني من كل شي... بسبب غروره او وحشيته...

همست بضعف بين دموعها... ربي اني يتيمه مالي غيرك ربي اخذلي حقي منه، ضلمني وطعن بشرفي هوايه وسكتت لان مالي لا اب ولا ام يدافعون عني بس عندي الأحسن منهم عندي ربي ما ينساني

مسحت دموعها وهيه تردد... حسبي الله ونعم الوكيل

وگفت ومشت للمرايه... شافت خدها صاير احمر  اثر اصبابيعه على خدها اتلمسته وهمست بحقد وكره...

الله يكسر ايدك...
اخذت شويه خافي عيوب وخفته اذا شافها ميفرح ويتشمت بيها ...

قمر مو من النوع اليتمسكن لاحد حتى بتعاطفون وياها بلعكس تحب دائما تبين قويه متنكسر حتى لو بداخلها العكس...
اتاكدت اختفى...
سمعت صوت طگطكه بره اتوقعته هو... اتأكدت الباب مقفول

گامت تجمع ملابسها بلجنطه وهيه ناويه لو تنطبق السما على الگاع متصعد وياه بعد ...

سمعت الباب تندگ
لزمت گلبها خاف هو ... ما ردت لحد خاف يريدها ترجع وياه
زادت الدگات... لحد ما سمعت صوت عامر يصيحيها يله فتحت

باوعلها عامر... چنتي نايمه صارلي هوايه ادك بلباب

قمر بابتسامه مجامله گلتله... لا جنت مخليه سماعات مسمعتك محتاج شي...

عامر... لا حبيبتي اجيت اخذ جنطتج حتى نطلع سلطان گال اخذچ وياي لان ابويه عنده شغل يلحگنه بلطريق...

قمر ارتاحت من سمعت راح تروح ويه عامر...

نزلو سوا شافته گدامها منتجي على سيارته يباوعلها ...

دارت وجهها عبرته وصعدت سياره عامر وخلت سماعاتها وغمضت عينها متريد تتواصل ويه اي احد...

بعد كم ساعه وصلو لبيتهم...

صف عامر سيارته ونزل عامر وفيان وقمر...

سلطان اجه بعدهم وگف سيارته گدامهم ... نزل منها واجه باتجاهم

عامر... ابو شاهين الشيخه عليك

قمر اول ما اجه سلطان حست عيونه عليها... عافتهم وراحت للباب دخلت...

سلطان بضيگ... سهله خويه سهله اهم شي فهمتها على الگلتو الك

عامر... اي خويه

يله بويه فوتي...

أتقدم سلطان وعامر وفيان وراه..

عامر يهمس لفيان... مثل مكتلج مو تنسين مزوجين زواج طبيعي وعن حب افتهمتي اي مخلوق كان تگليلو هل كلام

فيان وهيه تحس برهبه گالت بملل... افتهمت والله شگد تلح

عامر لزم ايدها عصرها بجف ايده...

فيان باوعتله وعاطت... ااي

عامر  خفف لزمته ايدها... اتادبي لعد

دخلو للصاله اتلگتهم سميه بضحكه... بهتت اول مشافت عامر لازم فيان...

عامر ابتسم... هله هله بسميه اتقدم وباسها من خدودها وراسها

وجهه كلامه لفياان... امي

سميه باوعت باعجاب واستغراب بنفس الوكت لفيان... منو هاي يمه

عامر گال بثقه... مرتي

سميه باوعتله بصدمه ودگت على صدرها گالت... عززه ولك شوكت اتزوجتها ومنين هيه وليش هيج متزوجها

فيان من شافت رده فعلها ختلت ورا عامر بخوف وهيه تلزم قميصه...

عامر... يمه مرتي على سنه الله ورسوله احبها وأخذتها بسرعه لان  اتوفت امها وابن عمها يريد ينهي عليها وماكو وكت فعقدت عليها وسلطان وابويه ويايه...

سميه... يعني كلها تدري وانه اخر من يعلم

عامر حظنها وباس راسها...

ما ردت احد يخبرچ غيري
شاورها حتى لتسمعه فيان... يمه البنيه يتيمه وما تتحمل من كلمه تبچي بداعتي لتسمعيها حجايه وتخربين فرحتها...

باوعتله... البنيه مالها ذنب بس انته وابوك ليظم عليه حسابكم بعدين...

سميه وگلبها انكسر عليها وهيه ارتاحتلها اول مشافتها... تعاي يمه هله بيچ ابيتچ

اتقدمت فيان منها وهيه تباوع لعامر وهو يشجعها... حظنتها سميه
صدقه لله شهل جمال... خساره بعمير

عامر بقهر... يمه ردتچ عون

سميه... اسكت ولك ما الك حجايه ويايه شيخلصك من الشيخه

فيان ضحكت... وهيه تمشي ويه سميه

عامر وهو يمشي وراهم ... هاا ولج كيفتي

سميه... براحتها ما الك شغله بيها
فيان تهزله جتفها بعناد...

عامر رفع حاجبه من اتفاقهن السريع عليه صاح...سهله

اول ما وصلو للاستقبال لكه سلطان بصف الشيخه وسمر وذياب يمهم...

گال وهو يشوف نظرات وضحه مطمن بس حمد ربه سلطان موجود لان هو مفتاح وضحه يعتبر معزته غير عدها ... الله حيو جده

وضحه وهيه منتجيه على عوجيتها وهيه توجه حجيها لفيان ... تعالي يمه گربي هين

اتقدمت فيان وهيه تباوع للشيخه الها هيبه او وقار ... گعدت فيان بصف الشيخه بالجهه الثانيه...

عامر وهو يباوع لسلطان الكاتم ضحكته... جده شلونك

وضحه اتجاهلته وحاجت فيان... شسمچ يمه

ذياب طگها بضحكه... وهو يمهس لعامر ولبسسه

جاوبت... فيان

شمحلا منطوگج...

يمه هذه بيتچ وسميه امچ وانه جدتج، وكلنه هلج وهل سربوت وهيه تاشر بعوجيتها على عامر

  اذا كدر خاطرچ بجلمه... كليلي واكسرلج ظهرو

فيان هزت راسها وحظنت الشيخه...

عامر ... عجل وانه

وضحه وهيه توجه كلامها لسلطان... سلطان اطلعو برا وما يدخل هين ليوم زفتو ويه حر

ذيااب بشماته...عفيه بوضحه رئيسه وزراء ال نمر بس مو چنها قليله... سحبي سيارتو انطي فد عجلين

وضحه... اكل تبن انته ابو البنوات مكسراتك ما نسيتهن

عامر وهو مصدوم... لا جده شنهو برا

وضحه بأمر ...سلطان

عامر باعتراض... جده مرتي شلون اعوفها لحالها

سلطان گام سحب عامر من ايده وهو يگله... احمد ربك ما سمعت البت كم حجايه مگدور عليك انته لو تگل لجدي تصير علوم

طلع من جيبه... دحجلي هاك مفتاح بيتي بعد شارعين وانه نص ساعه وجايك

عامر وهو مايعرف شلون يعوف فيان وحدها باول ليله الها هنا...
ومرتي

سلطان بهدوء... شعليها هسع تروح ويه البنوات وتتسلى وياهن

عامر اندار باوع لفيان... شافها تباوعله حاير شلون يعوفها وكلام جدته ما يگدر يكسره

بعد ما راح عامر... بقو يسولفون ويتعرفون على عامر

سميه وهيه تحاجي سلطان... عمك وينو ليش ما اجه وياكم

سلطان... عندو شغل كم ساعه وتلگينو هين

ذياب وهو يوجهه كلامه لامه... يمه نصيحه لوجه الله انتي امي وعزيزه عليه...

گلبي ما مرتاح لزلمتچ... جنه والعلم عند الله ماخذ الثانيه وهل كثرت روحاتو لبغداد...

وضحه ... ولك يلغبر انته ما اتوب الا يجي ابو عامر واگلو

ذياب طفر لجدته باس راسها... لا جده اضحك وياكم ابويه وين اكو منه

بعد ما وصل ابو عامر... اتفقو يسوون عرس حر وعامر سوا

بدت التحضيرات وسلطان والولد ملتهين بلتجهيز وتوزيع الدعوات

*******❤️

صباحكم ورد... التكمله غدا

تصبحون على خير

لان نعست حرفيا 💔...