رواية الراقصه والسلطان الفصل الثالث والخمسون 53 - بقلم hour writer 🐆

الراقصه والسلطان
#حور حيدر
#الانستغرام: enghour98
الواتباد: eng_hour

❤️ تابع الصفحه وصوت للبارت فضلا وليس امرا †

#يحلوه مشاركه للبارت ♥️

يگول ... انه الداريتك !!
لحد ما خذاني اللوم وي روحي 💔...

حست السياره وگفت شويه وصوته يحچي
ويه احد ورچعت مشت بس ما التفت لجهته
حست بشي ينشمر على رجلها نزعت السماعات
باوعت شافت مجموعه ورج جوري احمر...

غصبا عنها شالتهم تعشق الورد الجوري باوعتله بصدمه... شافته يسوق بهدوء رجعت باوعت للورد...وابتسمت وبداخلها تگول عنده انفصام هل بني ادم

سمعته يگللها بهدوء وهو يسوق ونظره على الشارع باوعلها بنظره جانبيه ...

ديري بالچ عليه ماخذه لجماعه يخصوني ...

قمر باوعتله صعد الدم لراسها من الفشله والعصبيه بنفس اللحظه ما عرفت شنو ترد نزلت نظرها للورد وهيه بگلبها تگول...
شگد حقير اذا ماخذه لحبيته الحيوانه ليش شمره بحظني...
ولا اخليك تتهنه بي...

فتحت الجامه وشمرت الورد منه...

سلطان يباوعلها بطرف عينه بخباثه وهو يبتسم شلون صارت عصبيه من شمرت الورد ما گدر وضحك من گلبه وهو يباوعلها...

خررب عقلچ... وچ هاي ليش مو خطيه الورد

قمر باوعتله بعصبيه تخزر بي وهيه تغلي بداخلها ... عليمن تضحك ترا ممميته على وردك وجماعتك من تروحلهم اخذلهن مو حماله لاحد اني...

سلطان وهو بعده يضحك باوعلها بنظرات هاديه...

ول بويه بارود مو بت يول اشاقه

قمر صفنت على ضحكته... متعرف ليش تحس دا تشوف منظر نادر اتاملت ملامحه والغتره لافها وطالع شويه من شعره حواجبه المعگوده عيونه السود بنظراتها الغامضه البارده هسه نظرته اختلفت وهو يضحك من كل گلبه...

سلطان بابتسامه وهو حاس بعيونها عليه... اذا للوضيحي ما جيب ورد عجل منهو يستأهل

باغتها وهو يباوع لعيونها ويگلها بخبث وابتسامه وهو يغمزلها... حلو مو

قمر درات وجهه وعضت شفتها وغمضت عينها بخجل وفشله من حست على روحها تتامل وجهه وهيه تگول ثول ثول يربي شگد فشله عززه بعينچ هسه شيفكر هل مغرور بيه عزه بعينچ قمر ...

سلطان بهدوء گللها ... لتصدين عني

قمر باوعتله... رادت تحجي دگ تليفونه

سلطان ... هلا هلا بشيخه ال نمر

وضحه بعصبيه... سليطين

سلطان... يروحو وعگلو لسلطان

وضحه... اضحك اضحك عليه بكلامك

سلطان... افاا يوضحه انه هذه دربي

وضحه... سليطين شوكت ترد عجل

سلطان وهو يباوع لقمر ... هو انه بيدي يا نظر سلطان جايج هل يومين شلون اصبر على بعد الوضيحي انه

وضحه... اذا ما تگدر عجل ليش تروح غاد وتفارگني

سلطان... يبوووي الوضحه ما تگدر على فرگاي خيعوني

قمر ابتسمت لا ارادي من مداهره للشيخه... وشلون تحولت شخصيته وياها...
متعرف ليش تحس بارتباك من يصيحلها باسم وضحه...

وصلو للمدرسه نزل سلطان و قمر اول موگفت السياره عينها اجت على مكان صفت سياره حسام الي چان ينتظرها اول كب يوم من تطلع من المدرسه...

ابتسمت بحنين حست حسام ببدلته العسكريه گدامها ويبتسم الها...

شگد متريد تنسى ذيچ الايام
بس تحس حسام ميستاهل تنساه او تنسى ذكرى مرت بيها هيه وياه غمضت عينها واخذت نفس ...

فزت ورجف جسمها من سلطان صاحلها منتبهت لنبره الحده الي بنبره صوته...
حدري هين مو وكت صفنات

باوعتله قمر بتيهان نزلت بصمت...سبقته ما ردت امشي وياه

سمعته يدردم بعصبيه... شلابسه  وظاله تهز

اتقدم الها وصار يمشي وراها ميفصلهم مسافه... دخلو للمديره

بعد ما خلص من الاجراءات... وقمر تباوع بتعجب مدرساتها كل ساع وحده جايه لسلطان تريد تساعده...
والتعرفها تسلم عليها وبحجه تعرفها تسولف وياه...
وهو محافظ على رزانته وهدوئه...
وره شويه...

كللها تسبقه للسياره... لان الدوام راح ينتهي وتصير ازدحام

طلعت من المدرسه ... رادت تروح باتجاه السياره

قمر...

التفت بسرعه اول مسمعت صوته... عگدت حواجبها باستغراب من سمعت الصوت  التفتت بينت الصدمه على وجهها...

وهمست... حسام

حسام بلا وعي ممصدگ قمر گدامه نزل من السياره بدون ميسد الباب ركضلها وهو يصيح قمر والضحكه ملت وجهه...

وگف كبالها وهو يلهث يباوعلها وهو ممصدگ...قمر ليش هيچ سويني بيه او وين جنتي

قمر باوعتله وهيه متدري شنو ترد... مصدومه من شوفته

حسام... قمر ردي عليه عرفت كل شي ليش رحتي ليش ما گلتيلي

قمر ما عدها اجابات بس تباوعله...

قمر ردي معقوله ما عندج ثقه بحبي الچ

قمر اتذكرت سلطان حافت لا يطلع ويشوفهم سوا ... خفت حسام خفت منك متصدگ بيه

حسام لزم ايد قمر... حبيبتي

محس الا بضربه وگعته وبعدت قمر عنه ولگه نفسه بلگاع

سلطان باوع لقمر بنظرات رعبتها ونبرته جمدتها ... روحي للسياره

حسام لزم خشمه اتلمسه گام ينزف باوع لقمر... قمر منو هذه

سلطان مشا عليه والشر بعيونه لوه ايده ... كلامك وياي يا ردي، بلقران ايدك اللزمتها بيها اكسرها
وسلطان يضغط عليها

حسام بصياح وهو يحس ايده راح تنخلع... وانته منو وشنو دخلك بقمر اخوها عمها

سلطان لزمه من فگه وهو ميشوف گدامه  ... اسمها لتجيبو على لسانك لا اگصو بالقران

قمر رگضت الهم لزمت ايد سلطان... عوفه سلطان شبيك وخر منه

سلطان عاط بيها وهو يخزرها ... گتلچ انگلعي للسياره حسچ ما
سمعو ...

حسام وهو يبعد ايد سلطان ويريد يدفعه عنه ويضربه بوكس...

لتحچي ويه قمر اني رايدها بالحلال وراح اخذها غصبا عليك

سلطان اتلافا وجفته من ملابسه... دحچلي هين وهو يفر يوجهه بايده...
انه سلطان ال نمر اسمع اسمي زين... غصبا عني ميصير شي  ادوس راسك بقندرتي واعبرك

حسام ... لك انته واحد همجي هاي حبيبتي

باوع لسلطان بتحدي.. رايدها وهيه رايدتني

قمر شهكت وباوعت بسرعه لسلطان...

سلطان دمه فاار يباوع لقمر ونظراته مال واحد راح يرتكب جريمه ورجع باوعله...

مسح طرف شفنه باصبعه الابهام... تحبك مو

وتوله حسام بوكسيات صارت مضارب بينهم بس بنيه سلطان اضخم من حسام...

قمر وهيه تباوع للشارع تريد احد يوخره من حسام ماكو گامت

تعيط... سلطان وخر منه

سلطان... لك كو،  خرگه

اجو حراس المدرسه يركضون وكوه بعدو سلطان عنه وحسام وجهه مدمه...

سلطان بتحذير... هاي گرصه اذن عينك مترفعها عليها بعد

حسام وهو يمسح الدم مله عينه... اخذها وگدام عينك

سلطان راد يرجع يضربه بعدو عنه...

سلطان سحب قمر من ايدها ومشا للسياره وهو ميشوف گدامه من العصبيه ... فتح باب السياره ودفعها على الكشن قمر اذاها بدفعته بس ما گدرت تحجي شي خايفه منه وعينها على حسام مستند على سيارته ...

حرك السياره وشخها بسرعه حسام صار گدامه ما هده السرعه...
قمر فكت عينها ونفسها ضاگ لزمت ايد سلطان اللزم بيها الگير و تگله... سلطان انتبه راح تدعمه... سلطاااان

شافت حسام طفر بسرعه من گدام السياره

نتر ايدها من ايده...

غطت وجهها بايدها ممصدگه الصار كله ما اتوقعت بيوم تنحط بهيج موقف ... رجعت باوعت لسلطان غترته على چتفه ودشداشته مفتوحه من جهه صدره ومكتف رداته شكله مثل الوحش الجان يفترس فريسه وانفاسه عاليه من العصبيه...

ليش سويت هيچ...

ما رد

مو دا احجي وياك ترا ما سوالك شي وهيج تتهجم عليه بهل وحشيه...

عااط بيها وهو يباوعلها ... لچ انتي شنو جنسج من بين البشر

لچ شايفتنه كواو،، واشوفچ واگفه ويه ذاك

الصگط ولازم ايدج بنص الشارع

قمر... انته سبب المشكله چان يحاجيني الي شنو دخلك

سلطان ضرب ستيرن السياره وهو يريد ينفجر... عجل من اشدلي گرون،، واشوفچ بحظنو ويلعب بيچ

اگلو شلونها بتنا عجبتگ...

قمر  باوعتله بصدمه دمعتها نزلت جرح كرامتها واهانها... انته شلون تحجي عليه هيج

سلطان عاااط بيها... طبچ مرض امجذب انه
انتي مو مال احترام عجل انه شترجه
من وحده متربيه ابيت دعا...
يگلي بكل گوه وصلافه حبيبتي اصفگلو
واگلو خذها بلعافيه...

قمر فقدت اعصابها باوعتله بحقد وكره وعناد... احبه اي احبه وغصبا عليك ازوجه

محست الا سلطان ضربها راجدي راسها انظرب بالكشن...

اتخبلت قمر وگامت تضرب بايده وعيونها غوشت من الدموع عاطت بي وهيه تريد تفتح الباب ... نززززلني نززززلني لا والله اشمر روحي منا

نزززلني اكلك...
سلطان وهو يباوع لگدام وما التفت الها...

قمر شافت رد فعله البارد وهيه متخبله...

سلطان عصر وجهه بايده زمخ بيها وعيونه تباوعله مثل الصگر وبيده فريسه

حسچ ما اسمعو لا بلقران اموتچ هين ...

عرمه صلفه...

قمر نزت من عيطته وجسمها گام يرجف سلطان الرزن الهادئ البارد ماكو شافت غير واحد اتذكرت من هددها كم مره بس ما توقعته هيچ... صدگ انرعبت منه اليوم طلعت متعرفه ابد حسته وحش تسمعه يدردم وجسمها ينتفض

بس ما تطلع قمر اذا ما جادلت وعاندت... ماگدرت تتحمل تسمعه يحجي عليها ويضربها النار تاكلها ضربها واهانها لازم تاخذ حقها بس تحس روحها ضعيفه گدامه  ...
گتلته وهيه مهضومه ودموعها على خدها...

والله سلطان ما انساهه الك واول ما ارجع الا اگول الابويه عليك

گليلو طز بيج خلي يعرف ابنتو التتمعشك من وراه...

مو من حقك تحاسبني...

لچ سكتي بربو** اعوفج ع حل شعرچ تردين

لك يا اخي انته شبيك ويايه شااد... بابا گله مخايفه ممسويه شي غلط سمعته رايد يتزوجني...

سلطاان عااط بيها وهو يضررب الستيرن... لچ سكتي لتخليني اكفر بليوم الشفتج بس...

لزم تليفونه... عامر حظر روحك وخبر عمي راح نرد للانبار هسع

........

يسوق ولازم ايدها كل ساع بايسها لحد هسه ممصدگ صارت حلاله بعد هل سنين والتعب من سمع نطقت ال نعم سجد لربه شكر ...
امنيه حياته اتحققت ما قبل لحظه تبعد عنه بقى لازم ايدها والغرفه ما خله احد بيها غير مجتبى والشيخ وسلطان... واول ما عقدو اخذها وشرد بيها...
ما قبلت يسوق خافت عليه كل ساع تشوف اصابته...
يباوعلها نايمه الطريق كله ما خلاها تنام صار نص ساعه من خلاها تغفه بعد ما اتوسلت بي شويه تريح عيونها... تگله تعبانه ونعسانه جايه من خفاره ...

اتخبل عليها يگلها... ذيچ السنين نايمه وشبعانه نوم بدوني هسع صرتي مريتي تردين تتركيني وحيدي...

حبيبي... يله گومي

ماكو رد...
حر مد ايده يتلمس وجهها ويگرص بخدودها... بنيتي گومي كافي نوم اشتاقيتلچ

نمارق بانزعاج وضح على ملامحها توخر ايده وهيه همست بنعاس... امممم وخرر اموري حبيبي شويه واگعد

وگف السياره واندار عليها بكل جسمه وهو يدردم بعصبيه... اشتعل اصلچ واصل اموري الشابع بحظني وانه محروم

گرصها بزرها وگال بقهر... گومي يول

نمارق عاطت بوجع طلع صوتها بدلع غصبا عليها وهيه تفرك مكان كرصته... ااي حر

حر اتخبل رجع گرصها بخصرها... نعلعه ابيچ شهل صوت اذوب عليچ
وهو يجرها لحظنه وحاوط ضهرها باديه وشبكها حيل...

نمارق بوجع وهيه تضرب ايده وگالت بضوجه... اوووي حر انچلبت

حر رفع حاجبه... شقصدچ ولج عريمه انه چلب

نمارق ضحكت غصبا عنها...

حرر... هاا لازم عجبچ الچلب

نمارق بنعاس ارتاحت على صدره فركت خدها بصدره مثل البزون كالت ببحه وهدوء...

حشاك يروحي بس سوايتك مو مال عاقلين

حر وهو يسوي روحه زعلان وعصبي وعيونه تاكلها اكل... انه ابن ابوي صرت مسودن

نمارق بضحكه وتعرف بي گاعد يتحجج حتى يزعل... انته ابو العقل كله

حر وهو يتلمس جسمها ... ولچ جاهل گدامج وتاخذيني ع گد عگلي

نمارق تعرف مراح تخلص الا تسوي لباله توخر ايده يگرص ايدها ويرجع ... رفعت راسها وباسته بركبته...
روحه للفندق انساها...

حر بعناد وعصبيه... مو بكيفج انه امشي عجل الا نروح وتنيمني بحظنج لا بس

نمارق بضوجه وهيه تذكر امير من گاعدين كل ساع يوخر حر منها ويحظنها واذا يلزمها يضربها ويصيح عليه يكله...
وخرر ماما ننانق ماتي..

وحر من كل عقله ضاج منه وكل ساع يريد يشيله من حظني... شلون فرفح بچي عليها من راحت  رادت تاخذه بس مجتبى ما خلاها رادهم ياخذون راحتهم...

لا تذكرني بي والله گلبي اتملخ عليه...رحت فدوه لطوله وليدي

حر كرصها من گلبه بقوه هل مره...

نمارق شهگت  وعضت اصبعها من المستحه... عززه بعينك

حر بخباثه... هااي حتى گلبج يتملخ بس عليه وكل ما تجيلين طاري الفصمه ذاك تاخذين گرصه بذاك المكان ويجوز تتطور تصير غير شي الله اعلم...

نمارق رادت توخر من حظنه ما خلاها عصرها بحظنه وهو يبوس راسها ...

وسم شكد متستحي ليش تخجلني هيج

حر... وانه شمسوي حلالي دايس شي بلحرام

نمارق بعناد...

حر يتمسكن  ويكول ابرائه ... يول مو رجلج مكسر وگوه جاي اسوق غير تريحيني وديرين بالج عليه

نمارق وتعرف بي يقشمر عليها بس عاجبها باوعتله وگالت بنعومه ودلع... يوجعك شي هسه

حر داخ... صدري وجر شوفي يول مورم يريد دكتورته اداوي

نمارق رغم خجلها منه بس تحب يدلل عليها ويعصب عليها تحس بروحها ما فارگته نفسه حر القديم گالت بدلع وهيه تلعب بياخه قميصه ...
مو بلطريق خلي نوصل وداويك يروح ونفس دكتورتك

حر ذاب بيدها انتهى... وچ لا تتنعوصين هو انه
من شوفتچ گدامي كاضي
... هل عيون الذابله بهذلن حالي 

نمارق من شافته تغيرت نبره صوته اتغيرت ونفسه ثگل ولمساته بدت تتجرء اكثر رادت تبعد عنه...

نمارق  وايدها على صدره كالت بتحذير... قلبي بلطريق احنه لازم توصل للامام نظيف

حر خلاها توخر نزل من السياره تباوعله ... اتمشى شويه كلها بساتين ماكو بشر حواليهم وحتى سيارات قليله تفوت

شويه ورجع صعد شغل السياره ولزم ايدها قربها لشفته باسها وهو يگللها...
يله حبيبي عشر دقايق ونوصل حظري عباتج

نمارق ابتسمت طلعت عبايتها من العلاگه... لبستها ولفت روحها بيها

حر باوعلها وگلها بغزل... صدقه لربچ على هل خلقه الله يصگعو لعدوج شمحلاها عليچ العباه

نمارق ...

وصلو للنجف گايد ايدها ومشو للامام سوا...
وگف گدام الامام رفع ايدها وگال يداحي الباب انه سني واجيتك قبل سنين او وگفت جوا گبتك مهضوم والدنيا ضلمه بعيني طلبتها منك گتلك مولاي كل الابواب انسدت بوجهي وسمعت بيك ما ترد نخوه محتاج وانه ناخيك يبو الحسنين...

مولاي علويه رايدها بشرع الله وگربها الي صار شبه مستحيل هزيت شباچك وگلت رايدها منك ...
وهل صارت مرتي
ما قصرت يبو تراب وانه جايك اوفي نذري

نمارق عيونها تصب دموع بس هل مره دموت فرح... باس ايدها
وتركها وچتف ايده وام بيها صلت وراه...
الناس تمر منهم البعض متسغرب وبعض يبتسم لهل منظر الجميل والنادر...
وبعض يتحسر بگلبه ويتمنى يكون مكانهم...

يا كثر ما فرقت الطائفة بين گلوب...

يا كثر ما كسرت گلوب...

خلصو صلاه... اندار حر لنمارق وابتسامته ماليه وجهه وعيونهم اثنينهم بيها اثر دموع...

حاوط وجهه وهو يهمس... اوعدچ جوه نفس الگبه الحصلتچ منها
احطچ جوه گلبي وعيوني... لا اظلمچ بيوم ولا اقهرج وعسى الامام يعمي عيوني اذا شافن غيرج
علويه گلبي...
باس راسها وحظن ايدها ومشو...

راحو للضريح دخلها من دخول النساء قبل متدخل كللها وهو خايف يعوفها وحدها لا اتيه...
حر ... قلبي توگفيلي بنفس المكان مثل مكتلج نص ساعه نلتقي هناك

نمارق هزت راسها وابتسمت اله... ودخلت

دخل حر من مدخل الرجال قرا الزياره وصلى...

حر يحس براحه وانشراح بصدره...

راح لمكان النذور چان متفق ويه واحد يجيبله الطليان لگه سيد واگف مستغرب من عدد الطليان ... بعد ما سلم عليه

شيخنا انه من الانبار وجاي اوفي نذري بلا امر عليك ...

السيد بابتسامه ود... كل الهلا بيك وليدي، والله يكثر خيرك

بعد ما سلم حر مبلغ النذر الجان ناذره ودع السيد وراح بسرعه  لمكان الينتظر بيها نمارق خاف لا يتاخر...

اجت نمارق حر اول مشافها مشا الها...
نمارق كلتله بصوت ناصي... زياره مقبوله حبيبي
حر لزم ايدها... يروحو لحبيبچ الله يتقبل اعمالچ، يله مشينا
نمارق وگفته... اوگف حر وهيه اطلع بيرق
وتگله مد ايدك..

حر باوعلها باستغراب... ومد الها ايده بدون ممانعه

لفت البيرق على معصمه وهمست وهيه تمسح على ايده... يحفظك الامام الي

حر ابتسم وعيونه تباوع لعيونها بفرح يحس روحه رجع طفل لا هم ولا وجع...

طلعو من الامام اندار حر للمرقد وهمس... راجعلك يبو الحسنين وبيدي علي وامه...

افترو بلسوگ اشتهت نمارق دهينه والا تريد من دهينه من ابو علي رغم الازدحام العليه...

حر ما خله نمارق تتقرب گعدها يم اثنين نسوان بمحل عصير وراح جابلها واجه...

رجعو استوگو هدايا والعاب اخذت لامير واخوانه وحر اخذ سبحه لسلطان...
ما عدهم ملابس ينامون بيها...
حر اخذله تراك... وما خله نمارق تختار الها الا هو
راد يشتري قميص نوم اتخبلت گلتله اذا تاخذه نرجع تعرف بي ميتامن...
تالي اخذه واخذلها وياه دشداشه قصيره للركبه ربع ردن...

شكد تحاول وياه ميسوي الا لبراسه... يگلها اي ويسمعها ويرجع ياخذ ليريده هو...

دخلو لفندق حجز حر سويت الهم ليله...

اول مدخلو الغرفه ذبت نمارق العبايه وحر ذب العلاليگ...

نمارق خجلانه بس تحاول تبين نفسها طبيعي... اندارت لحر وهيه تدري بي توجع وتعب هوايه والعلاليك ما خلاها تشيل شي...

حبيبي ادخل اسبح حتى اطلع من الجنطه الغراض واشوف اصابتك...

حر يباوعلها بنص عين... هو هيچ المره المعدلة اداري زلمتها

نمارق تدري بي ميگعد راحه حاولت تصير جديه وتضم ضحكتها من منظره... شلون لعد تصير زلمتي

حر وهو يتقدم وعيونه نظراتها ملعبه... غير تنزعه وتسبحه وتلبسه

نمارق وهيه ترجع لوره وگلبها يريد يطلع من مكانه... دصير حباب وادخل واني انتظرك هنا حياتي

حر وهو يتقدم الها ويهز راسه بمعنى لا...

نمارق وهيه تحاول تقنعه مثل الطفل... حرر يله حبيبي لتعاند

حر وبنفس نظراته... تؤ

وهو ياشر عليها وهو يفتح ساعته ويشمرها على التخم... انتي تسبحيني وانه اگعد حباب

نمارق وگفت من باب الغرفه مسدود صار وراها...
حر وگف كبالها ميفصل بينهم سانتيمات... مد ايده  لشالها فتحه
وذبه...

مرتي صرتي هسع كل شي بيج حلالي

فتح القراصه من شعرها وشمرها نزل شعرها مثل ليل وغطا على النهار...

بقه يتامله بنظرات اشتياق... دارها وصار ظهرها عليه تعرف شراح يسوي...
حر يتلمس طوله وجسمها ويشبره بيده همس بضوجه... طولان بس گاصته...

نمارق تدري شعرها خط احمر عنده ويتخبل اذا گصته او صبغته او لعبت بي گالت بخوف وصراحه... ادري بيك تحبه حاولت اقصه كله وانتقم منك بس ما گدرت ما طاوعني گلبي

حر اتعصب... چان گصيت رگبتچ لچ ليش تلعبين بي مو تدرين روحي معلگه بي

نمارق وهيه تهدي... حبيبي والله يتعبني حيل

لزمه ولفه على ايده مال بجسمه عليها غمض عيونه وهو يشمه بحنين ...
وهمس وهو يملي ريته من عطره...
اااه نفس العطر الولع گليبي
يا الله شحب شعرج الليله انام وانثره على صدري

دارها عليه فتح عيونه على عيونها اللوزيه... منا ورايح انه اسرحو واغسلو بيدي ممنوع تلزمي...

نمارق هزت راسها باي وهيه تبتسم على خباله ودلاله الها... بس اذا تعبك مو تحجي عليه

حر گرص خدها... ما اتعب منو لتتحججين وهسع يله سبحيني

نمارق يربي ما نسه والله مخبل شسبحه هو اني وياه بنفس الغرفه وگلبي صاير مدفع من الخوف... بعد محاولات وتوسل يله اقتنع
وهددها اخر مره هو يسبح وحده...

عدلت الغراض تحاول تشغل روحها باي شي الغرفه ما فتحت بابها كل متباوعلها تحس بمغص من خوفها...
صح من عرفته وهيه تتمنى اليوم لتصير اله وتجمعهم غرفه وحده  وجربايه وحده...
بس من صارت صدك متتخيل جسمها كله يرجف خوف وارتباك...

انفتح باب الحمام طلع منه حر وهو لابس برنص...حاس بيها يشوفها شلون خايفه ومرتبكه وعلب الادويه تتهزز من رجفه ايدها ابتسم وهو يتقدم الها...
هاا يحلوه...

انتفض جسمها من سمعت صوته...

حر گعد على ركبه گدامها لزم ايدها وخر الدوه باسهم بعمق ورفع راسه الها وهمس بحب وحنيه وهدوء...
هااي هيچ انه اخوف...
نمارق هزت راسها بلا...

حر بابتسامه اطمئنان... عجل ليش بنيتي ترجف
نمارق ما گدرت تجاوب شعور ورهبه الخوف سيطره عليها...

گللها بصدق... كل شي ميصير الا برضاتج لتخافين لو انتظرچ بعد سنين عادي المهم نايمه بحظني كلش كافي...

نمارق باوعتله والدمعه بعينها... صدگ

حر بضحكه... اي وداعتچ بس ها يولي مو تصدگين سنين حدج اسبوع

من شاف ضحكتها ضل صافن على ملامحها التخبله وتلعب على گلبه عيونه اكلتها ونزلت لرگبتها بلع ريگه من اجت عينه على شامتها الي بنحرها...

استغفر ربه بداخله وگام بسرعه  وهو يگلها يله دخلي سبحي وغيري ملابسج حتى تطلعين تغيرين جرحي ونام...

نمارق بارتباك... لا مرتاحه هيچ

حر بحده... بلا عناد يله گومي منتظرچ كلش تعبان ارد انام

اخذت نمارق دشداشتها ودخلت للحمام...
سبحت وبدلت بلحمام... بقت حايره وهيه تشوف نفسها بلمرايه

الدشداشه كلش ضيگه ومفصله جسمها بدقه...

ااوف منك حر ادري بيك ما تگعد راحه ماخذلي أصغر قياس
كله مني اجيب ملابس وياي... خرب حظي

طلعت بعد ما دك حر الباب اكثر من مره يستعجلها

طلعت وهيه لافه البرنص فوگ الدشداشه..شافته مبدل ولابس تراكه...

حر يباوعلها وكاتم ضحكته وهو يشوف الاحمر طالع من فتحات البرنص...
نعيمها حياتي شنو نسيتي تاخذين ملابس وياج

نمارق بورطه... هاا اي

.................❤️

صباحكم ورد...

باجر بارت عرس حر ونمارق ملحگت اكمله ...

وشي مهم بنات حينشر بعد كم يوم مقطع صوتي على الانستا بصوت... سلطان 🌝✌️🌚

تابعو حسابها وادعموها

_____xoxxo____9