رواية الراقصه والسلطان الفصل السابع والستون 67 - بقلم hour writer 🐆

الراقصه والسلطان
#حور حيدر
#الانستغرام: enghour98
الواتباد: eng_hour

❤️ تابع الصفحه وصوت للبارت فضلا وليس امرا †

#يحلوه مشاركه للبارت ♥️

من هواهم شاب گلبي وشيبت
♡

همس باذنها... عجل رايح انه للدوام وخلي الككو يفيدچ

فجأه فزت فيان وباوعتله بحذر وخوف ...وين تروح يا دوام

عامر ضحك وهو يشوفها شلون گامت بفزه...اسم الله عليچ

اول مره تگعدين بدون متورينو لگليبي

فيان بخوف وهيه تفرك بعيونها... وين رايح عامر

عامر باوعلها وهو يحاول يسهل الموضوع عليها وهو يسحبها لصدره ... التحق للدوام

شبكته وهيه تدحس راسها بصدره مثل البزونه گالت بخوف ... لا لاااا ما اخليك عموري فدوه وين عايفني

عامر باس راسها وگللها بحنيه ... يروحي شلون عجل غير دوامي ولازم اروح

فيان بقهر وهيه تحس حياتها كلها تتوقف من يبتعد عنها صار محور حياتها هو... عوضها عن هواي اشياء جانت فاقدتها
تحسه ابوها ويعاملها مثل الطفله ويدللها وشكد تضوجه وتطلب ميمل منها ويزيد بدلالها... حنون عليها مثل امها ينتبه لاكلها لدواها
كل شي صار الها...
رفعت راسها الي على صدره وباوعتله بكسره ودموعها محظرات للنزول... واني

عامر گلبه ما يتحمل يشوفها تزعل وبشوف نظراتها گللها بحنيه وهو يمسح على شعرها...

شبيج انتي...

فيان استهضمت وهيه تتخيل تنام وحدها او تگعد متلكاه

شلون اكل شلون انام بدونك...

عامر اكثر لحظه خايف منها هاي چان يتمنى يطول اكثر ومن يشوف تعلقها بيه لهل درجه يفرح اي يفرح ميگدر يچذب على روحه ...

انتي هين ويه البنوات تگضين وكتچ وتنسيني بس خطيه انه الي شلون راح انام

باوعتله بنظره كلها قهر وستعطاف وزعل وعيونها مدمعه...
عامر حضنها لگلبه اكثر وهو يگلها...
اووف الله شتحمل هل نظره... اضمچ بضلوعي شلون

فيان... اخذني وياك

حظن خدودها بايده وگللها ... الخشف مالي لو بيدي اضمج بگليبي واخذج وياي...

فيان ... شكد تروح

عامر بخوف من رده فعلها... 14 يوم لا تبچين لتقهريني اكثر

فيان بعد فهم... تبقى يمي اربعطعش يوم

عامر...لا اصعد اربعطعش وانزل سبعه

فيان بزعل وهيه تبجي وتضرب بي... ولي ووللي معليه والله تبقى يمي متروح

عامر ضحك وحظنها ما يگدر يعصب عليها يحسها طفلته ... السانج يعوبه انه وين رايح وعيونچ احاول كم يوم وراجعلج

فيان گامت تشهك وهيه تمسح خدها بگفه ايدها ... جذاب والله

عامر ... افه انه عموري اچذب عليچ

فيان بتوسل وهيه تبوس خده... حبيبي گلبي لتروح اذا صدگ تحبني

عامر وهو ممصدك ... الله واكبر انفكت الجبسه

فيان... اگلك يوميه حبيبي وحياتي وگلبي

عامر... وتبوسني مثل هاي

فيان عبالها بطل ميروح... اشبعك بوساات بس لتروح

عامر ضاعت علمومه... يول بلقران لو بيدي لانعلو للدوام وابقه بحضينچ

شو تعاي...

نومها وگام يبوس بخدودها ويدغدغها...

فيان وهيه تضحك واثر الدموع على خدودها...هههههه عاامر بربك كافي

.........
كعدت على صوت تليفونها يدگ...

اخذته وهيه مغمضه عيونها جاوبت وصوتها مبحوح من النوم...

الو

اجاها صوت سلطان الهادئ... صباح الخير

فتحت عيونها اول مسمعت صوته... سلطان

سلطان وهو يبتسم گللها يريد يستفزها...

جعل محد يگولو غيرچ...

قمر وهيه گوه نامت ورا مكالمتهم البارحه تحس روحها تايها كله بسببه گالت بحده وهيه متريد تنطي مجال يأثر عليها تكره روحها لان تخلي ياثر بيها ...

شتريد سلطان

سلطان ضحك ...افه  ليش يعرمه

يله گومي وراج مدرسه...

كامت انتجت على الجربايه باوعت للساعه ب ٧:٠٠...

كالت وهيه تلوم روحها شلون ما حست على روحها هيج...

اصلا كاعده ميحتاج تتصل...

سلطان بتاكيد وهو يبتسم... يعني چنتي كاعده عجل

قمر باصرار وعناد... اي

گللها بخبث...
عجل هيچ صوتي ذوبچ وگمتي تهمسين

قمر عضت ايدها بقهر... انته ليش تلعب على اعصابي

سلطان ضحك بصوت عالي گللها بثقه ... انه ما العب على اعصابج
بويه انه العب على گلبچ...

قمر تحس روحها من تحجي وياه تحبس انفاسها وكوه تاخذ النفس وتحسب لكل كلمه حساب گلتله ابرود وهيه ترجف من العصبيه ...

سلطان اتاخرت ارد اسده

سلطان حاس بيها وهو يضحك ويه كل كلمه منها گللها...

اگفي گمره...

قمر على اعصابها گالت...
نعم استاذ سلطان امر خدمه بعد

تعاي هين

وين اجي...

سلطان ابرود...

عجل ما كتيلي صباح الخير

قمر غصبا عليها ضحكت... لا بله

سلطان بجديه...

وغلاتج ولو انه الاسود طير النوم من عيني

قمر عضت شفتها باحراج وعصبيه ... سدت التليفون وعاطت

سمر بلقران الا اطيج حظج

قمر بعصبيه دخلت لغرفه سمر وكفت على رأسها ...گومي الحيه
عاطت بيها وهيه توخر البطانية...
كلتلها بتهديد وهيه ترفع اصبعها... اشنقچ اذا چذبتي

سمر وهيه تفرك عيونها بنعاس وتنطيها ظهرها...انگلعي وسدي الضواا ما اداوم

قمر كلتلها... طبج مرض شلون گلي عنده الفيديو

قمر وهيه تباوعلها بتربص وشك ... محد صور غيرچ يا حقيره يعني انتي الشوفتي الفيديو

سمر
اهوو يااا تصوير وياا فيديو ولي خلي انام

قمر خنگت رگبتها...

شلون سلطان وصله الفيديو لتخبليني

سمر وخرت ايدها وكامت... ما ياخذج سلطان ويخلصني منج

ولج يا فيديوو

قمر وهيه تاخذ نفس... بلحنه من رگصت وصورتيني شلون هسه التصوير يم ابن اخوج

سمر اخذت جهازها وهيه تشوف وتكول لقمر... يا ثوله شوداه لس

سكتت وهيه تدور على الفيديو ملگته...

سمر باوعت لقمر بخوف... ماكو بجهازي

قمر باوعتلها بحده... بمعنى صدك

سمر باوعتلها بصدمه وبضحكه شماته وهيه تستوعب الموضوع...

عزززه عزززه يعني سلطان شافچ وانتي ترگصين...

گامت من فراشها وهيه تشوف قمر مرتبكه وخجلانه ومتوتره وتضم هل شي بعصبيتها...

هههههههههه هههههههههه يله لتستحين خلي يعرف امكانيات خطيبته ههههههههههههههههه
اويلي تلكي نسم على رگصچ...

قمر وهيه تحرك بروحها كل ما تذكر شجانت لابسه والحركات السوتها بعناد مروه وتغم بروحها كل ما تذكر  ...
لچ سكتي لا اطلع روحج بيدي... البيه كافيني من ورا اين اخوج

سمر وهيه تباوعلها بخباثه... لحظه لحظه لج  يعني بينكم اتصالات

قمر كلتلها بلا مبالاه ... مالج شغل

سمر بنذاله... الا اگول للشيخه ولابو عامر ولسميه ول

قمر ابرود ومتدري شلون طلعت الحجايه منها ...

كوليلها وشوفي سلطان شيسويلج

سمر فكت عينها بصدمه... لااااه لااااه شنو راح تنگلب الدنيا اليوم

ياابه شنو هااي صايره دهن ودبس انتي وياه...

قمر بعد ما استوعبت الحجته شردت للباب وكالت بتحذير...

اذا اخذتي بعد صوره بجهازچ لنعالي  اترفس ابطنج

عافتها وطلعت وهيه تسمع سمر تخبث عليها...

دخلت لغرفتها وهيه تحجي ويه روحها يربي شصايرلي... معقوله هل كلام يطلع مني...

قررت تبدل وبعدين تتفرغ لسلطان ولسيطرته عليها...

نزلت قمر وهيه متحظره للدوام ومخليه الحجاب على چتفها شافت ابوها گاعد وامها تصبله جاي... صباح الخير
ابو عامر اول مشافها نزلت...
هلا هلا بهل صباح صبحج الله بلخير بنيتي كربي يمي گعدي

وصلت قمر... گعدت يم ابوها

سميه گامت... صباحج عسل يمه اگوم احظرلج ريوگ

باس خدها وگللها يبتسم...اي جيبي لبنت ابوها ريوگ اريدها تسمن تصير دبدوبه...

قمر وهيه كلبها يرفرف ويه كلام ابوها تحب اسلوبه وتعامله الها كلش كالت بدلال ...بابا ما اريد اسمن

ابو عامر بعتب... بويه وضحه ليش، تخلين ابوج مشتاگلج

قمر وهيه تحس باحساس غريب وكل تگعد يم ابوها وامها تحمد ربها اتعرفت عليهم حتى لو متاخر...

انته ترجع متاخر بابا،

ابو عامر ... عجل انه ما استاهل تنطريني شويه اشوفج اسولف وياچ بويه ما شايع من هل وجيه الحلو

قمر بفرحه وتحس هذا احلى صباح مر عليها بكل حياتها وهيه تخلي راسها على چتفه ... تدلل باباتي يوميه انتظرك بعد

ونصت صوتها وگلتله بشقه... بس خاف سميه تغار

ابو عامر وهو يباوع لسميه وهو يشاورها... دحجي دحجيلها تريد تاكلنه

سميه وهيه تجيب الريوگ وتباوعلهم بشك ... شهل تبتبس انته وبنتك

ابو عامر بشقه رفع اديه .. بنتج تگلي ويانه مدرسه حلوه متاخذها وتعوف سميه كبرت

قمر فكت عينها بصدمه وباوعتله... بابا

سميه وهيه تسوي روحها عصبيه باوعتله... بنتك لو انته عاجبتك وجاي تخرب عگل البت

قمر باوعتله بشماته وخربت ضحك... اي ماما اقنع بي اكله بابا عيب بس هو الله يهدي

ابو عامر ضحك بصوت عالي وهو يكرص خدها... بت سميه بعد انه كادر على امها حتى اكدر عليها

سميه وهيه تسوي لفه لقمر وتنطيها متخليها تاكل بيدها... وشبيها بنيتي

ابو عامر وهو يغمز لسميه... عسل على امها

شالت سميه الاكل بعد ما كملو...

ابو عامر وهو يشوف قمر تلبس حجابها...

بنيتي تصلين...

قمر هزت راسها باي...

ابو عامر بفخر ... سباعيه

كمل كلامه...
ابن عمچ استاذني قبل ميگلج على الحجاب... وانه وافقت وانطيتو ما ريدج تزعلين بنيتي...

انه ما رايد اجبرج على شي... بس الصار لمصلحتچ وخلي ابالج عندي علم بكل شي...

وانه الگايلو يتصل هسع عليج ويگعدچ...

قمر يعني ممتصل من ذاته عساس ميته على اتصاله دشوف بعد اذا رديت عليك...
قمر تريد تحجي بس متردده تريد تگله... ميحتاج تكله

ابو عامر بلهجه غير قابله للمناقشه... سلطان ميحتاج توصاه اكمل الشغل العندي هل ايام والي گعده وياچ

گام وهو يكلها...
يله بويه اليوم انه اوصلج للمدرسه...
..........

نزل على الدرج مستعجل وهو بكامل اناقته ميريد يتاخر على موعده يدندن ...
وصل لاخر  سمع صوت اريج ابتسم و غير مساره ورجع للصاله...

السلام عليكم... وهو عيونه تدور عليها

الشيخه... زين شفناك

ذياب وهو يباوع لاريج... جده انه مثل الگمر شوفتي غاليه

الشيخه عوجت حلگها.. عشتو،
سميه ضحكت... وليدي بدر

ذياب وهو يريد يخبث على اريج... بداعتچ سميه شلون طالع
ولو ناس تباوعلك بحقد وبداخلها تتمناك
گعد يم قمر الي گاعده بصفها اريج...

سمع صوت الشيخه تگول... تستاهل اريج كل خير بس سالتو عليه زين

ام مروه... وياها بلجامعه ولد مؤدب سئل عليه مصطفى گرايب ام محمد مرت الدلال

الشيخه وهيه تباوع لذياب... والنعم منهم خوش ناس

ذياب اختفت ضحكته
وگال بحذر... منو انخطب

الشيخه كلتله وبعونها نظره خذلان ... تعال بارك لاريج انخطبت

سكت يستوعب الصدمه... التفت لاريج بسرعه

گال بجمود... وافقت

ام مروه... بعد يمه نا ردينالهم خبر بس ما عدنه اعتراض على الولد ان شاء الله...
قمر حست بذياب راح يسوي مصيبه اتغيرت ملامحه...
شاورت اريج وكومتها طلعو للحديقه...

ثواني ولحگهم ذياب والشر بعيونه...

وگف گدام اريج وهو خازرها...

منين عرفتي لج هذه الخاطبج

اريج باوعت باستغراب... زميلي أنعجب بيه وخطبني
نهت كلامها وهيه تباوعله بنظره باستهزاء

ذياب بحده وهو يباوعلها بعصبيه ...

راح ترفضين

اريج گالت بعناد... لا موافقه

ذياب وهو فقد السيطره على اعصابه...
راد يلزمها قمر وكفت بينهم... كافي ذياب سيطر على اعصابك شبيك

قمر عرفت من البدايه اكو بينهم شي ورده فعلهم هسه كشفو كل شي... رادت تسيطر على الموقف حست مراح يعيديها على خير

كتلتله بحذر وهيه تلزم ايده... ذياب كافي لا يسمعون ويصير غير شي

ذياب بعصبيه باوع لقمر وهو ياشر لاريج... گليلها قمر بلقران اموتها اذا وافقت

اريج بعناد وتحدي... الا اوافق عليه رجال انعجب بيه وخطبني ما ضحك عليه و بنصاص الليالي حياتي وحبيبتي مثل غيري

ذياب وهو يعصر ايده ... وحگ ربچ غصبا عليج ترفضي

اريج باوعت لعيونه كلتله ... ليش ما اوافق گلي ليش... يله ما راح اوافق گلي شنو السبب ولد ما عنده زايده وناقصه وابن عائله ويحبني ومحترمني مراح الكه احسن منه

ذياب فقد اعصابه لزم ايدها بقوه عاط بيها ... منين عرفتي يحبچ لچ... رايحه تتمعشگين بلجامعه

اريج الدموع اجمعت بعينها باوعتله بخذلان وتحدي... مو اني مثل التعرفهن ولو من گد ما تعرف گمت ما تفرق بين البنات ارتاح الولد دز بنيه وهيه وصلتلي يستحي يگولها گدامي...

من شافته سكت ضحكت باستهزاء نترت ايدها منه ،كلتله كمل طريقك اتاخرت على موعدك
عافتهم ودخلت...

قمر ... روح ذياب هسه وصل الصوت لجوا

ذياب عاط ... نشوف كلامي لو كلامج اليمشي

.........

انته شعندك هنا..

حر اول مشابه وكف گدام نمارق وباوعله  بكل حرگه گلب باوعله بتحدي لو ما ابوها چان موته بيده على الالم السببه اله والها بنفس الوقت ...

بس هل مره مختلفه هل مره هو المنتصر هل مره هيه على ذمته محد يگدر ياخذها منه حتى ابوها...گله بفخر
جاي انه ومرتي ازور ابو مصطفي

شاف الصدمه على ملامحه... منو مرتك

حر ابتسم بفخر وكله... نماارق

سيد صادق باوع لمجتبى الي نزل راسه الجان خايف منه صار من درا ابوه اجه لبيته عاف العرس ورجع حتى ليخرب فرحه اخته...
ومن اجه ابو گله مسافره ايفاد ويه احمد...
وهل مرا چان جاي وناوي يزوجها لابن صديقه...

شلون تزوجها اله من ورايه...

حر... ميفيد بعد كلامك سيد صادق

حلالي صارت...خالي

گالها وبعيونه نظره انتصار وتحدي يگله اخذتها غصبا عنك

نمارق اول مشافته حست بلخوف اول مره تشوفه من سنين چان كل ما تدري بي ييجي لو تبقى خفاره او تروح لبيت احمد ابن عمها في سبيل متشوفه... اتذكرت نفسها قبل كل شي مر گدامها مثل الفلم...
شافت ملامحه الي واضح عليها الكبر شگد شافت منه بس تبقى تحن اله...

خلت امير على التخم حست بأيد حر شبكت ايدها الترجف...

سيد باقر بعصبيه... ولچ يا ### شلون تتزوجي من ورايه

راد يضربها غمضت نمارق عيونها بخوف وهيه تستعد للضربه بس ما حست بشي...

مجتبى صاح وهو جان خايف من هل لقاء... ياابه لا

ورا شويه فتحت عيونها شافت حر لازم ايد ابوها...

حر گله ... وحگ الله لوما انته ابوها وادري بيها راح تظوج چان ما رجعتها الك بخير وهو ياشر لايده...

نترها... لتفكر تاذيها كافي حقد بطل

حفظتها اكثر منك...

وانتظرتها عمري كله وانتظر اكثر، وانته بعتها

يله حبيبتي امشي...

.........

كاعدات بلصاله سمر وفيان... نزلت قمر هيه وكتبها

گعدت يمهن... اشرت على فيان الي كاعده وحدها

شبيها مبوزه...

سمر تعوج بحلگها... عيني الحب راح للدوام وهاي حالتها من الصبح... وحتى ما قبلت تشوفه وتسلم عليه...

ومن راح خبصتني بس تعوي شلون ما سال على ست فيان وشدو روسكم يگرعان..

وهاي هيه مبوزه گدامج

قمر وهيه تنثر كتبها گدامها ... دعوفي العياره هاي لان بعدج عروس...
بعد شهر الگاج تنتظري بس يروح

فيان وهيه مدلغمه ... لتحجين على عموري هيج

قمر ضحكت وهيه اطلع جهازها... وتخابر على عامر
ياابه ليش مزعل فيان...
مد الجهاز الها...

هاج اخذي يريد يحاجيج

فيان بزعل وهيه تعلي صوتها...

ما اريد احاجي...مزاعلته

يا بالگلب... ليش زعلان

يول انه اواسي الروح تصبر على فراگچ

فيان وهيه مشتاقه لصوته ولا كانو الصبح راح...
كلتله... ارجع

يول شرجع

قمر عقلي الخبله اليمج وخلي تتصل عليه

قمر شبعت ضحك ... والله اخويه شغلتك صعبه

........... بعد اسبوع وقمر عدها امتحانات من بدت بلمدرسه بادين بلفصل الثاني فلازم تمتحن وياهم...
فصارت تقرا لوقت متاخر حتى تلحگ على الامتحانات...

رجع سلطان بلليل...دخل من الباب راد يصعد لغرفته وگف وهو يشوف قمر بلصاله گاعده وناثره كتبها وتدرس... ومندمجه
وهو يراقب حركاتها ويبتسم...

انتجه على الباب وبقى يباوع الها بدون متحس عليه لحد مگامت راحت للمطبخ...

مشا وراها شافها مخليه دله الـكهوه على النار...

صار قريب عليها...

حست قمر باحد وراها اندارت بسرعه...

شافت عيونه انصدمت همست وطلعت منها نبره تفاجئ ... سلطان

بقت تباوعله وساكته...

وسلطان يباوع لعيونها وطول نظره عليهن وگللها بهدوء ... عيونو

فجأ قمر كلتله بأمر...

دير وجهك ملابسه حجاب...

سلطان رفع حاجبه وعلى طرف شفته انرسمت ابتسامه ونظراته منزاحت من عيونها وهو يشوف نظراتها لمح الهبث البيهن ...

كملت قمر بتحدي واستغلت سكوته...

مو كتلي اتحجبي فانته اول واحد لازم اتحجب عنك مو لو اني غلطانه..

سلطان ابتسم وهو يلعب بشاربه...

لا بويه انتي متغلطين...

گللها بسوال..
هسع عجل ميصير اشوفج

قمر بتحدي وهيه تراقب نظراته ... لا

اتقرب منها سلطان خطوه قمر هبط گلبها ويه خطوته وعطره صار ويه نفسها  ...

نزع شماغه وخلاه على شعرها ولفه عليها وهيه تباوعله وخانسه من حجمها گدامه...
همس الها...

هسع يصير يكحيله ادحجلچ ...

كمل بخبث وعيونه بعيونه وهو يعدل شماغه على راسها...

وهاا صارو هسع اثنين يمچ...

باوعتله بحده وهيه تعرف يقصد يستفزها بيوم وگعت بسبب الفرس...

مدلها علاگه... اخذي

قمر باوعت باستغرب...

شنو هاي...
كللها بهدوء...
فتحيها وتعرفين...
كمل بتحذير...
بس هاا هل مراا اذا ما شميتو على نحرچ اكصو

وهو ياشر بايده على رگبتها

فتحت العلاگه شافت علب عطور... شمت واحد رفعت راسها اله بعصبيه عرفته عطره...

ابتسم وگللها بثقه...

حتى من اسافر منا وجاي متشتاگيلي

قمر كلتله ابرود

راح اقبلها تدري ليش...

كملت وهيه تباوعله بنظرات تحدي.

يكولون العطر فراگ... يعني راح اخلص منك وافارگك

سلطان خله اصبعه على جبينها... وگللها بحده

هنا اكو خباثه وعرامه
بس لتفرحين محد يگدر ياخدچ من سلطان

وغصبا على هل راس اليابس...

وربچ مردچ الي...

قمر هزت كتفها بلا مبالاه... كتلك تفسيره بس ليش عصبت

سلطان ابتعد كم خطوه منها وگللها ...

ليش كاعده لهسه...

عندي امتحان ومدا افهم ...

امتحان شنو...

فيزياء

سويلي گهوه وياج ولحكيني على الحديقه... ابدل واجيج

............

مساء الخير...

وعذراً على التاخير... ملحگت اكمله البارحه

ان شاء الله يعجبكم

قرائه ممتعه ❤️