رواية الراقصه والسلطان الفصل الثامن والستون 68 - بقلم hour writer 🐆

الراقصه والسلطان
#حور حيدر
#الانستغرام: enghour98
الواتباد: eng_hour

❤️ تابع الصفحه وصوت للبارت فضلا وليس امرا †

#يحلوه مشاركه للبارت ♥️

يانبعَه الريحانُ حني على الولهانْ،

مر ضلت تباوع ورا سلطان الي عافها وصعد لغرفته  وهيه ممصدگه عضت شفتها بقهر وهيه تباوع للعطور...

هسه لو راگعتهن براسه ومخلصه منه ولا من شاف ولا ، من درا

اتاكدت منه صعد خلت العطور على الميز وفتحتهم... شمت الاول
نفس عطر سلطان الي دائما تشتمه بي ...

من كل عقله جايبلي عطره... يربي شكد مغرور
صح اني حبيته
معقوله بين عليه هيج اني ثوله...

احترت من الشماغ طبعا جان مخلي على شعرها من غير ميلفه...

ااف يربي شكد ثوله اني الجبته الروحي هسه لازم اعانده اله البس كدامه...

صعدت بسرعه لبست حجاب خفيف وخلت العطور على ميز المرايه...

باوعت للشماغ رادت تنزله اله... بعدين ضحكت بخباثه وكالت وهيه تفتح كنتورها وتعلگه يم الشماغ الأول...

خل يولي غير انطانياه صار مالتي...

نزلت شالت كتبها للحديقه وهيه ممقتنعه لحد هسه سلطان راح يعرف يدرسها...

يله بكل الاحوال راسبه اذبها براسه...

راحت للمطبخ حضرت كوبين واخذت الگهوه وگعدت وهيه ادردم على سلطان لان اتاخر...

اااف هسه منو عاتب عليه يدرسني...

اجاها صوته وهو يگللها... يهل سلطان الما ينزل من لسانچ

باوعتله قمر بجفله شافته لابس تراك وشعره مبلل ونازل على جبهته...

كعد گبالها واخذ الكوب مالتها شرب منه وباوعلها باستفزاز...
عجبج العطر

قمر باوعتله بصدمه وعصبيه... مو مسويتلك واحد ليش تاخذ مالتي

سلطان وهو يشرب ومستمتع غمزلها... بي طعم خاص

اخذي كوبي انتي...

قمر  اخذت كوبه وهيه تخزره متگدر ترد عليه تعرف شنو قصده كلتله بامر...

بديتها بالخباثه يله درسني

ضحك سلطان وهو يباوعلها... تدلل گمره شكم وحده عندي

وينو الكتاب... وكربي هين

قمر انطته اله الكتاب ... لا مرتاحه بمكاني اگدر افتهم منا

سلطان باوعلها ابرود وگللها بامر وهو ينزل راسه للكتاب... گربي هين بلا عناد

قمر بتافف وهيه تشيل كرسيها ودردم عليه... اااف بسرعه يتحول گربي هين على اساس يدرسني الذره المعقد

سلطان يسمعها ويضحك بس ميبين الها وهو مسوي روحه يباوع للكتاب  لحد مگعدت بصفه وبعدها ادردم گللها ...

عجيز انتي بس ادردمين

قمر باوعتله صفح... والله ادردم من ناس تجلط وترفع الضغط

سلطان گللها بتهديد... حسج ما اسمعو هسع وانتبهي وياي واذا شرحت شي وسالتج عليه وما جاوبتي اكفخج

قمر گبت عليه ورفعت اصبعها بوجهه... لا بله شحدك

سلطان لزم اصبعها بيده... اگصوو هاا

محست الا سلطان  لزم اصبعها وعضاا

قمر وجهها گام ينطي اللوان... عاطت بوجع

اااي  سلطان

كمل سلطان وهو بعده لازمه بايده ... اگصو اذا رفعتي گدامي بعد

قمر دلغمت وهيه تريد تسحب ايدها منه ... وخرر وخرر مجلوب تعضعض

عصر اصبعها وگللها بتهديد ... منو المجلوب لچ

قمر بعناد رغم هيه متوجعه... انته

قرب اصبعها بتهديد يعضه... انه سهله

قمر عااطت... لاا بربك سلطان مو انته ذيااب مجلوب

ضحك سلطان عليها... اي اتعدلي هيچ

رجع باوعلها شافها كللها بحنيه... يوجعج

قمر بضوجه... ااي

قربه لشفته طبع بوسه عليه...

رفع راسه الها... وهسع شلونو

وجعو جان بسببي وانه اعالجو

قمر باوعتله وهيه ممصدگه السواه بقت تباوعله بصدمه وخجل...
سحبت ايدها رادت تكوم...
اانته انته شسويت

بستو هل صغير وهو ياشر لاصبعها

قمر كلتله...

سلطان انته عندك انفصام

سلطان باوعلها ونظراته تدور على وجهها ... اگلج شغله

ما صدگت شوكت ارجع اول مره اشتاق للديره هيچ

قمر عرفت شيقصد باوعت لعيونه بتردد...

ليش...
گللها بنبره شوگ...

اشتاگيت لواحد صلف او وكح وحليو گليبي نط عليه
صوتو ما كفاني عفت شغلي واجيت اشوفو

قمر اخذت نفس باوعتله وهيه ترمش بسرعه گلتله بسرعه ... تشرحلي لو اروح

ضحك سلطان على رده فعلها... اويلي بلخجلان راح اسكت بويه

بلش يشرحلها... وقمر اندمجت ويااه وحبت طريقه تدريسه بس طبعا مو قمر اذا گلتله خوش تشرح

بعد ما كمللها الموضوع گالتله بعد ما هلكته باسئلتها...

اعبر الوراه هذه مفتهمته

سلطان باوعلها بمعنى تحجين صدگ ... لو شارحو للاخيضر چان افتهم عجل صار ساعه بنفس الموضوع عگلج محجر

قمر وهيه ممفتهمه شنو الاخيضر... اني عقلي محجر

سلطان عكد حاجبه... انجرحتي من المحجر والاخيضر عادي

قمر شبي هذه انوب منو هذه الاخيضر

سلطان وهو يكتب بلورقه...

لا تعرفينو لا تسبيني بلسانچ

قمر خزرته وكلتله بتهديد... منو الاخيضر احجي لتنرفزني

سلطان وهو يعدل شواربه...

هذه يا شيخه ال نمر الحمار ابو صابر

قمر شهكت وضربته على ايده...

ولي ليش تحجي عليه هيچ خبيث

سلطان وهو يضحك يگللها ويمدلها الورقه...

عرومه لسانج انه احجي بكيفي يله حلي هذه السوال واذا ما عرفتي... اعضج واذا حليتي ابوسج

قمر جتفت اديها وكالت بعناد وزعل... ما حله

سلطان ضحك وگللها وهو يصالحها...

حلي ولج اشاقه

قمر شافت نبرته وشلون يريد يصالحها كلتله بعناد...

ما حل مو اني اخيضر يعني ما افتهم حل انته

سلطان ضحك... رحت فداا منطوگج

قمر وهيه تحل السوال الي انطاها سلطان...

عرومه...

قمر بدون تفكير باوعتله... هااا

باجر اريدج تخلين من العطر اريد اشمو عليچ...

قمر انتبهت على روحها... تعال شنو عرومه

قابل مچذب انه انتي هطول ولسانچ اطول منچ

قمر خلت رجل على رجل وكلتله بغرور وعناد...

لا بله اصلا راح اذبهن لو صدك حرامات انطيهن لمروه علاقل من عطرك

سلطان عض شفته وگللها بتحذير... سويها وهل مره اكسرو على راسج
عاط بيها...
نزلي رجلچ

اففف بس تكسر وتموت انته واحد مياخذ راحته

سلطان ضحك... وانه مسويلچ شي هسع مشكلتي انتي عنوديه

گللها بخبث... مروه لتشيلين همها جايبلها عطر خاص

قمر حاولت تبين ممهتمه بس غصبا عليها باوعتله بعصبيه وگامت...
بلعافيه عليك وعليها

لزم ايدها سلطان وكعدها بمكانها كللها وعيونه ... ليش ضجتي

قمر تريد تسحب ايدها وكلتله بمكابره ... ما ضجت وليش اضوج

سلطان وهو يباوع لعيونها ولملامحها الي الغيره واضحه بيها ... تغارين

قمر حست على روحها باوعتله وهيه مصدومه من روحها كالت باندفاع... لا طبعا

سلطان وهو يعرف وين يريد يوصلها... عجل ما تضوجين اذا رحتلها هسع او وديتو الها

قمر باوعتله بنظره ناريه... متروح

سلطان ابتسم... ليش

قمر رفعت اصبعها بتهديد والعصبيه والغيره عمت عيونها... متروح وبس واذا وديتلها شي اموتك

سلطان ابتسامته زادت... اووف يابه الغيره عمتها لكحيلتي

قمر كعدت باوعتله وكالت ابرود...

ماا اغار
سلطان ضحك وهو يشوف شلون اتغيرت وصارت كتله نار ...
اعرف
قمر باوعت لعيونه وهيه تكله...

تراا صدك ما اغار
سلطان بنفس النبرة...
واضح...
قمر طكت روحها لان هيه نفسها ممصدگه...
اااف سلطان شبيك وياي
سلطان ضحك...
بويه شبيه انه اگدرلج

قمر باوعتله
رفعت خشمها تعانده...
طبعا متكدرلي...
كملو شرح وهمه بس يتناكرون لحد مصار الفجر...
..........

بغرفه فيان تشوفه يدگ ومتجاوب اخر شي دزلها رساله فتحتها لگته كاتبلها...

"فيان والقرآن اذا مرديتي ما اجيبلج ككو بعد"

هيه قرت هيج جاوبت اول مدگ...

ام بطن سمعتي بلككو جاوبتي وانه من العصر اتصل ليش متحاوبين...

فيان كلتله بزعل... علاقل الككو ميعوفني وحدي ويخليني اضحك من اكله مو مثلك بس تضوجني

عامر... افه هاي انه مضوجج من شوكت

فيان... من عفتني ضوجتني وقهرتني وزعلتني

عامر ضحك وگللها بخباثه... كل هل بلاوي من وراي بويه لعد ما اجي حتى ترتاحين مني

فيان كلتله بسرعه... اموتك والله بس تفكر متجي

ضحك عامر من گلبه... بويه شوف اللسان طولان ورايه
........

طول الطريق ساكته...

لزم ايدها حر وكللها بحنيه ...عجل ليش الحلو ساكت

نمارق وهيه خايفه من الصار ومن شوفت ابوها حاولت تبتسم ما گدرت گالتله...خايفه حر خايفه

حر ضاج اكثر من ما هو ضايج بسبب شوفه خاله... ليش خايفه بنيتي

نمارق ودموعها بدت تجمع...حر خايفه

حر گللها بثقه... وحگ ربچ محد يگدر يفرقنه شنو يگدر يسوي انتي مرتي گدام الله والناس

سحبها لحظنه وگللها بحب وطزز بالكل اهم شي انتي بحضيني
گللها بتهديد... اشلعهن عيونج اذا بجيتي بعد ماشي
ابتسمت وهزت راسها باي...

وصلو للبيت...
صعدت نمارق تبدل... لحكها حر

حضنها حر من ظهرها... اگلج يول باجر شلون بيه

خلت اديها فوك اديه الي على بطنها... او ليش

حر بضوجه وهو يزيد من حظنها... غير الصخامات تبدي الدوامات يول ما ارتاح الا اشوفج

نمارق ضحكت... حتى تشتاقلي اكثر

حر خله راسه على جتفها ونفسه يضرب نحرها... اضحكي اضحكي شعليج وانه خليتي مشتعل بروحي

اندارت عليه حضنت صدره وخلت راسها عليه... شتتوقع اني ما اشتاقلك

حر كللها ... شحدچ

امشي خليني اشبع من حضينج شويه

خلي اسويلك عشاا

يولي ما اريدو اريدج انتي...

.......
گعدت على صوت تليفون... فركت عيونها مشبعانه نوم البارحه بقه يدرسها سلطان للفجر...
باوعت للشاشه طلعلها اسم سليطين
جاوبت بنعاس...
هاا سلطان...
اجاهه صوت سلطان ضايج...
صباحج خير يعوبه گومي بسرعه راح تتاخرين

باوعت لساعتها 11:45 فزت وهيه تگول بخوف...

عزززه اتاخرت...

اجاها صوت سلطان... بدلي بسرعه انطرج جوا

گلتله وهيه انخبصت شتسوي... هسه هسه ثواني وانزل

اجاها صوت سلطان بهدوء ... بويه لتخبصين روحج بدلي على كيفج وسده...

نزلت مستعجله على الدرج...

لاگتها امها طالعه من المطبخ.. كلتلها
ماما ليش مگعدتيني

سميه گلتلها بعتب وهيه تتقرب منها تعدل ملابسها ... غير تگليلي دوامج ضهري همزين سلطان سئل عليج من گعد وعرف بعدج نايمه

قمر باستعجال... خلي اروح بلكت الحك
دخذي هل لفه... اكليها بالطريق
قمر رادت تعترض

سمية... سلطان گلي متجي الا بيدها لفه، طلعي ينتظرج طلعي حبيبتي بسرعه

باست  امها وطلعت قمر لكت سلطان ينتظرها بسيارته...

فتحت الباب وصعدت گالت باستعجال وهيه تتاكد من كتبها بلجنطه... سوق بسرعه

ما اتحرك باوعت لسلطان لگته يباوعلها

قمر ... استاذ سلطان ممكن تتحرك

سلطان ابرود... گولي صباح الخير مثل الاوادم

قمر وهيه ممصدگه... من كل عقلك سلطان

شافته جاد بكلامه اتاففت وابتسمت بنرفزه... صباح الخير والنور والسرور والورود بس امشي

سلطان هو بداخله يضحك عليها شلون متنرفزه وهو يحرك السياره...
حتى صباحچ معثور مثلچ... اكلي لفتج بين ما نوصل

قمر نفسها مسدوده لان متاخره وبالها يم الامتحان... اكلها من اطلع من الامتحان

سلطان باعتراض گللها... ول بويه شلون تمتحنين وبطنچ فارغه

قمر وهيه بيدها الكتاب تراجع... سلطان والله ما اشتهي بالي يم الامتحان

سلطان سحب منها الكتاب  ... لتخافين اكلي وانه اراجعلج
كامت تاكل وسلطان...
كل ساع يسئلها سوال عن الماده ويراجعها الها...

باوعتله باستغراب... انته شلون تسوق مو ايدك

سلطان غمزلها...لتخافين عليه صارت زينه اگدر احركها

قمر دارت وجهها بفشله وكالت... ما خايفه عليك بس خاف نندعم من وراك...
گللها وهو يضحك... واضح واضح
سكتت من فشلتها...

وصلو شاف الدوام الاول هسه بدو يطلعون ... باوعلها
عدلي حجابج

قمر باوعت للجامه...
عدل سلطان

خزرها سلطان وهو يباوعلها ... لا مو عدل شعراتچ طالعات

قمر تعدل وتشوف مطالع شي گلتله وهيه تعگد حواجبها... ماكو شي وين طالعات

سلطان ثبت وجهها وهو يعدل حجابها مثل ميريد ويضم كم شعره طالعه...
قمر اول متقرب منها گلبها گام يدگ قوي وارتبكت من قربه اتفاجئت من حركته...
گللها هسع تگدرين تمتحنين...

قمر باوعت لوجهه وگالت بهدوء هيه تنزل... باي

لزم ايدها اوگفي...

باوعتله قمر بمعنى شنو...

گللها... گولي وراي

"اللهم اني توكلت عليك لا منجا ولا ملجأ الا اليك"

قمر كررت الگاله وهيه تباوع لعيونه...
يله انزلي وركزي بالجواب

هزت راسها اله ونزلت...

سلطان بقه يباوع لحد ما دخلت للمدرسه هو حرك سيارته اتصل عليه فيصل قرر يجاوب...

اجاه صوت فيصل عصبي... زين اتنازل الامير وجاوبني

سلطان كله ابرود وهو يضحك عليه... احجي لك شرايد

فيصل صااح... بلقران اذا مترجعلي مرتي انهبها وغصبا عليك مو حاله هااي اريدهااا يبشر اريدهاااااا

سلطان وهو شبعان ضحك اكثر واحد يعرف فيصل مسودن وهسه واصل اخر مرحله بالاخبال ...
تخسى يلسربوت اكسرو لضهرك بلقران

فيصل بقله صبر ... وتالي سويت كل التريدو بربك سلطان كاافي بشر وغلط الخاطر الكائنات حلها كافي

سلطان... مرلي باجر واشوف

فيصل وهو اكثر واحد يعرف شنو سلطان واسلوبه البارد ... سلطان لتلعب على اعصابي بروح ابوك كافي اليوم جايك

وين جاي يمخبول خلي اشوف راي سمر ترضى بيك لا

فيصل بعصبيه وهو يروح ويرجع بلغرفه ... ترضى كللها ما الها غير فيصل...
سلطاان تردها الي لو اكتل روحي

سلطان يضحك عليه وهو قرر اليوم يحسم الموضوع...
دتعال ويصير خير...

فيصل وهو ما صدك سلطان يلين... جايك هسه لعد

سلطان كله بخبث...
ولك وين جايني بلليل عود تعال واذا باجر تسوي فضل ما اريد البت تنصدم تعرف كارهه شوفتك

فيصل...خل اجي اليوم واشوفها شلون كارها شوفتي سلطااان قسما بالله جايك العصر واشوفها غصبا عليك

سلطان كله بتهديد...
تخسى ليش تخليني أخذها لبغداد شهر واجيبها

فيصل... سلطان بربك لا تحقر وياي

..........

طلعت من المدرسه لگت سلطان منتظرها فرحت لان شافته متدري ليش بس تريد تشوفه وتضوجه...

اول موصلت للسياره كللها بقلق...
ها بويه بشري

قمر گلتله بغرور... فوول طبعا ميحتاج تسئل

سلطان... شوف الغرور ولا يكول البارحه للفجر ادرسها

صعدت قمر وهيه تكله...
تدريسك مو هلگد بس ما ردت افشلك

سلطان انطاها مي وهو يباوع لوجهه ... دخذي الخديدات صايرات طماطه

اخذته شربت وكلتله ...
غير اگلك الصراحه خوش مدرس

سلطان رفع حاجبه...
هاا هيج صرت انه... خوش بس بعد ما ادرسج وخلي اشوفج اباقي الامتحانات...

قمر... تهددني حظرتك اخلي ابويه يخليلي مدرس علاقل ميحجي عليه ولا يعضني...

سلطان وهو يحرك السياره كللها بخزره وهو يخلي بحظنها كيك وعصير... انجبي شحدچ غيري محد يدرسج واضح

قمر وهيه تفتح العصير... افكر عود

سلطان باوعلها وملامحه جامده...

وتكول ليش تحجي عليه هسع تخليني اكسرر لعگلها لصغير اليابس

گللها فجأ اليوم اتصل بيه فيصل

التفت اليه تنتظره يكمل وهيه تاكل...

كمل وعينه على الطريق... متخبل يريد ارجعلو سمر

قمر... وشراح تسوي

انطاها نظره...
انتي شتگولين

قمر باوعتله وهيه بداخلها مستغربه اول مره سلطان ياخذ رائيها بشي...

هو صح عملته مال احد طايح حظ بس بين صدگ يحبها وندمان
وحتى سمر تحبه وانته اخذت حقها منه والصار لازم يتصلح

سلطان انطاها نظره... صايره عاقله اليوم

قمر باوعتله صفح بضوجه... وشگلولك جنت خبله

سلطان وهو ينتظر رد فعلها...
ما گلولي انه شفت بعيوني...

قمر شمرت باكيت العصير بلكشن الورا...
يربي ميرتاح الا ينرفزني

سلطان ضحك بصوت عالي وهو يباوعلها... شخبله يربي
يول احب خبالاتچ

قمر باوعتله وهو يضحك وهيه گلبها تحسه ينبض ويه ضحكته ... خنست ودارت وجهها

سلطان مد ايده اخذ ايدها بايده... زعلتي

قمر حابسه نفسها گلتله وهيه تحاول تبين نفسها طبيعيه...
وانته تسوي شي غير تزعلتي عوف ايدي

وهو يخلل اصابعه بين اصابيعها...

ااافه ااافه هذه انه

قمر متوتره من حركته ولمسته تحس بقشعريره بجسمها...
اي انته
جيب ايدي

سلطان وهو يحظن ايدها اكثر...

مرتاح بيها عوفيها
قمر بعناد...
عوفها
سلطان باوعلها بنظره هزت كيانها ونبره حنينه...
يول على كيفج وياي

بشواي عليه مو خطيه انه

ارفگي بحالي

ما عاف ايدها لحد ما وصلها...
.........

نزلت للغده گعدت بصف سمر وفيان من الجهه الثانيه...

الشيخه گالت لفيان... يمه اتصل عامر طمنج

فيان كلتلها... اي بيبي خابرني البارحه

قمر شاورت فيان... اويلي على عيارتج

لعد شبيج خبصتينه زعلانه ماا اريده

فيان... حبيبي ما ازعل منه

قمر وهيه تقلد فيان... سمرر ما اريده زعلانه منه اريد حظنه الحگيلي

سمر ضحكت... اويلي عليك عموري مشتاقتلك

فيان وجهها كام ينطي اللوان... حقيرات اسكتن راح يسمعون

شويه ودخل ابوها وسلطان وياه ...
ابو عامر بعد ما گعد...
صدگ سلطان دريت لزمت الشرطه قاسم ويگولون مصوب
سلطان گله وعينه على الاكل ... اي دريت انه السلمتو

الشيخ بعصبيه... واذا تدري ما كتلتو مو تدري دمه مهدور

سلطان باوع لجده ... جدي حقي اخذتو منو وما رايد غيرو

ابو عامر... يعني انته المصوبو

سلطان بثقه... اي

الجد... ما وراك اهل انته تصرف من راسك

قمر عافتهم وگامت... شويه ولحگها سلطان للحديقه

اجاها صوت سلطان من وراها
شبيج ضجتي

قمر باوعتله اتجتفت گدامه

ليش جذبت عليه

سلطان رفع حاجبه وهو يبتسم من منظرها گللها وهو يسايرها...
بشنو جذبت يگمره

قمر... ذاك اليوم بلمزرعه من چان مفتوح خياطك كتلي جنت راكب الغرور

سلطان بتاييد... تقصدين من داويتيتي مو

قمر خزرته وهيه تعرف بي يريد ينرفزها ويحرجها... سلطان لتغير الموضوع
ليش مكتلي جنت متعارك...

سلطان... بويه وين مغيرو غير نفسو اليوم الطحتي بي بسبب العنود

قمر بعصبيه عاطت... سلطااااان

سلطان... اششش حسج

صيري حبابه وعوفي الوكاحه يول
كمل باستفزاز وهو يباوع لعيونها...
ما كتلچ
صغيروه وميهونلي اخلي هل كحيلات يبچن عليه

قمر انطته ظهرها وكلتله بتكبر... وليش ابچي عيني بس اني ما حب احد يچذب عليه واني مو صغيره
ليش هيج سويت بالولد

سلطان گللها بصدق ... دحجيلي اذا ما خليلو حد مره لاخ الگاه يكتلو لعامر

وانه صوبتو بايدو اخذت حگي جنت اگدر اكتلو وهاي ديه صوابي بس انه افكر بامو ليش احرگ گلبها عليه سلمتو للشرطه

كمل كلامه بخبث... بعدين ليش اله اگلچ

قمر ما توقعت سواله وهيه نفسها استغربت من نفسها ليش ضايجه منه... رادت تروح

لزم ايدها وسحبها اله وهو يباوع لعيونها بجرائه....

لااا لتشردين وگليلي هسع ليش ضجتي مو انه ما اهمچ وما تحبيني...
قمر ما عرفت شتگول كالت بعناد وهيه تباوعله بدون خوف... كيفي

سلطان لزم ايدها ... هاا هيچ صارت

قمر ... انته متلاحظ روحك صاير وياي كلش

سلطان اتقرب منها وهو يباوع لعيونها... شلون يعني

قمر بارتباك واحراج وهيه وخرت نظرها منه ... يعني كل ساع لازم ايدي لو لو

سلطان وهو يريدها تكمل... لو شنو

قمر عصبت وهيه تعرفه شيريد يخليها تحجي... اففف عوفني اريد ادرس
..........

دك سلطان غرفه سمر... ودخل
اتفاجئت سمر بسلطان كامت كللها سلطان
گعدي بويه... عندي حجايه وياج

گعدت بصف سلطان... حضنها سلطان
سمعيني بويه... انه جاي اخذ رايج
وخلي يكون بعلمچ ما راح يصير شي الا برضاج

فيصل طيحتو لحضو خليتو يعتذر الج گدام الزلم كلها
تردين ترجعيلو لو لا...

سمر وهيه بداخلها قررت ترجعله بس رادت تشوف راي سلطان ... بكيفك انته شنو شايف

سلطان بجديه...
عوفج مني انتي شنو رايده، رايدتو لو اطردو الج

سمر نزلت راسها...

ابتسم سلطان... بويه گليلي رايدتو لو اگلعو براا واخلي يحلم يشوف ضفرج

سمر ضحكت... جنك انته تريدني اگول ما اريدو

سلطان ضحك وهو يكلها بشر... حتى اخلي يمشي بلشارع ويصيح سمر....
للعصر اجت مشيه الزلم...
..........

وكف سيارته كبال المستشفى باوعلها
العصر اجيج...

نمارق... ليش اتعب روحك مو كتلك اروح بسيارتي

حر لزم ايدها ... ليش تضوجيني

قلبي ادري بيك تتعب من الدوام وطريق المستشفى بعيد عن دوامك...

حر كللها بنبره غير قابله للنقاش... لتحاولين وكل ما تفرغين تتصلين عليه...

نمارق وهيه تلعب بشواربه ... تدلل

واحمد خليج رسميه وياه

تدلل...

حر... خل انزل اشوف الدوام خاف احد يضوجج

نمارق بضوجه... حررر طفله قابل اني

حر... اووف منج انتي
دنطيني بوسه علاقل

نمارق بخجل خزرته...
حرر منا العالم

حر بعناد... خل يولون

نمارق اخذت جنطتها ونزلت... بلبيت تطلبنياها

..........

مساء الورد...

دا اكتب بلبارت الي بعده اول ميكمل ينزل

اخويه مسوي عمليه ومن الخطار گوا دا اكتب... ححاول اكمله بسرعه ❤️