رواية الراقصه والسلطان الفصل السادس 6 - بقلم hour writer 🐆

#حور حيدر
#الراقصه والسلطان
#الانستا: enghour98

واخير شي صار عد شاهين بنيه... الجد نمر جان يتمنى تصير عنده حفيده تشبه وضحه اول ما انولدت اول مشافها كال هاي وضحه الثانيه ونسختها ...
وسماها الوضحه ...

وسوه عزيمه بولادتهاا اجت بيها كل شيوخ عشاير الانبار والكل جان فرحان ...بس الفرحه ما تمت مع الاسف وصار الي محد جان متوقعه ...

انكتلت وضحه ...انخطفت بيوم العزيمه ابويه كلب الانبار كلهاا عليها ما ضل مسوول ما ادخل ...ووره شهر من اختطافها واحد عقيد صديق اخويه شهاب ...

بلغنه كاتليها وذابحيها وجاب ملابسها كلها دم لاكيها بمزرعه قريبه علينا بس جثتها ملكوها وكالو يمكن الجلاب ماكلتها لان صغيره...
اتخبلناا بيومهاا طفله شنو ذبنها هيج يسوون بيها ...
ابويه طلع وكال يصرخ ...العنده عداوه وياي ييجيني ليش يأذي الطفله ...
وجانت هاي اسوء فتره تمر علينا سميه حابسه روحها وتشم بملابس وضحه ... وشاهين من يومهاا حلف لو يبقى يوم بعمره الا ينتقم من القاتل بيده ...

ابويه من بعد هل حادث ما كدر يتحمل سلم المشيخه لشاهين ...

وشغل السلاح صار كله بيد سلطان وذياب ...
ومرت لسنين وسلطان وشاهين ما نسو الثار ...
............

نزلت من الدرج لكيت الكل كاعد ع السفره يتريكون ما عدا سلطان طبعا ...

رحت للشيخه بستها وبست ابويه وكتلهم بسرعه ...صباح الخير ،بباي شيختي
الشيخه (وضحه) ...اكفي يمصكوعه ،شمالج مطيوره
سمر وهيه تاخذ اللفه الي انطتهيا سميه وناسيه الوكت وتحجي منطلقه

...ماميتي الحلوه تره مستعجله واذا اخرتيني اكثر مراح تدخلني الغوله للمدرسه ويفوتني الامتحان وارسب من وراج ...

الشيخه ...ول ول كليتيني يم اللسان ،مدامج خايفه على دراستج هلكثر شمالج كاعده متاخره وتاليها اني لارسبج والله انتو هل جيل ما خربكم الا هل فافون مدري شسمه...

ذياب بخشونه وهو يحجي بجديه وملامحه بارده كدام وضحه...اي جده حكج ،اربعه وعشرين ساعه الفافون على كولتج كاضبته ...ما ينزل ما ايدها

سمر وهيه واكفه بمكانها وره وضحه وتاكل اللفه وتضيك عيونها لذياب اليضحك عليها وتاشرله بمعنى بسيطه ...

انته اسكت اني وامي ما الك شغله ،
اجت عيني ع الساعه واني احجي عطت بصدمه واني اشوفها ثمانيه الا عشره ...

ركضت للباب وهمه يضحكون عليه واني اصيح ...ذياب والله العظيم اذا ما لحكت ع الامتحان محد يهدك مني اليوم واكل السلطان عليك ...

طلعت واللفه بيدي ووالكتب بيدي الثانيه وحالتي حاله ...
باوعت لسياره ابو محمد رجال جبير يشتغل عدنه من زمن جدي وابويه الوحيد يامنه عليه ...ماكو بلحوش
...

رحت اركض للباب الرئيسي بالي بالامتحان خاف مدخلني الغوله اخير مره من اتاخرت ومقبلت ادخلني سلطان لعب بيها طوبه وكللها اذا تكرر هل تصرف انقلج من المحافظه كلها كامت تطقطق من سلطان

...ومن يومها حاقده عليه بس متكدر تحاجيني هو صح الغلط مني بس تولي ما احب اكعد من وكت هيه كوه وبعدين اني سمر على سن ورمح محد يكدر يطردني ...

اركض واعض باللفه طلعت من الباب شفت السياره بس عمو ابو محمد ماكو ضربت رجلي بالكاع بعصبيه واني اصيح ورافعه راسي للسمه ..ربي مصبحه بوجه منو .. شنو اليوم كلها ضدي ...اوووف

رجعت للبيت واني امشي بعصبيه وما منتبهه ...
سمعت صوت واحد يحجي بخشونه ...
يول اتاخرت جثير عليه ...

...رفعت راسي شفت واحد منتجي ع سيارته لابس دشداشه بيضه وشماغ احمر مقلم بابيض ويحجي بالتليفون وعيونه عليه يخزرني بعصبيه عيونه سود تجذب شفايفه تتحرك واني سارحه بلحيته وشواربه المحاوطه شفايفه ومحدد بشكل يخبل ...

اتصنمت بمكاني ما اكدر استوعب الفشله الاني بيها وفوكاها صافنه بوجه الرجال ...
اجاني صوت ابو محمد ...اتاخرت عليج بويه عذريتي بس رحت اجيب مي للسياره ...

شتت نظري واني اباوع لابو محمد بس بالي يمه منوو وليش واكف ابابنه الشارع كله لكرايبنه ولا مره شايفته ...

فتحت باب السياره ما اعرف ليش انداريت لجهته شفته بعده يباوعلي ونظراته زادت غضب ..
كلت شبي هذه نظراته تخوف حسسني مسويه جريمه ...لو كاتله احد من اهله
رفعت حاجبي واني اباوعله بنظره احتقار حبيت ارجعلها اله...

...وصعدت بسرعه بخوف لان شكله صدك يخوف
وصلت للمدرسه وشكله ميفارك خيالي الحقير يخبل
...
وطبعا وصلت كالعاده متاخره ...والحمد لله ملكيت المديره فوتني الحارس ...

امتحنت وجانت الاسئله سهله ...كوه ركزت ميروح من بالي ما اعرف شبيه اليوم، كافي سمر شبيج اول مره واحد حلو مثله مثل غيره شنو اول مره تشوفين شاب...

طلعت من الامتحان اني وصديقاتي نسولف ونضحك ونحشش ع المديره ولا اطيح من الساني ...

طلعنا لا صار وكت جيت الخطوط ...ملكيت ابو محمد كل البنات راحن بقينه بس اني وصديقتي المهى ...
خابرني ابو محمد كال يتاخر السياره عطلانه بلطريق ...
اووف ابو محمد مراح ييجي هسه السياره عطلانه ... عطلانه ،روحي انتي واني انتظره
المهى ...

من كل عقلج اعوفج وحدج امشي اخويه وصل يوصلج ويايه ...

سمر باعتراض واني اسند ضهري على حايط المدرسه واضم كتبي لصدري ...

مهاوي روحي هسه ييجي ابو محمد ...
ضلت تلح ...ما قبلت واني اكلها روحي لان اخوها خبصها كل ساع داك ... لحد ما ملت وعافتني

ما انتبهت للسياره الصعدتهاا دايره وجهي للجهه الثانيه اشوف بلكت وصل ابو محمد ...

وره فتره متت حر ...خدودي احسهن راح ينفجرن من الحر ...اباوع ما بقت ولا طالبه
كلش خفت لزمت التليفون ارد اخابر على ابو محمد ...

فاتو اثنين ولد عيونهم عليه ويضحكون متت بكاعي من الخوف ...
كربو مني اني رجعت لوره ...
حجه واحد ...شوف العسل ولك تفاح مو خدود
اني ضميت كتبي لصدري واديه ترجف واقره كل شي حافظته من القران ...

عطت بي واني اخزرهم ...انجب يا رخيص ..بعد لا الم عليك الناس يا خايس ،

صااح بحقاره ...اموت على الوكح اني
الثاني وهو يباوع لجسمي بنظرات مقرفه واني اتصنع القوه وارجع الوره كتله واني ارفع اصبعي بتهديد ...لتكرب ،والله اذا كربت

كال وهو يضحك جسمي كام يرجف من الخوف وكمت ابجي واني اردد "ربي مسني الضر وانت ارحم الراحمين "...

...شتسوين ، يله كربت واسوي اكثر ...لك شوف اويلي هذه جسم لو كارثه وهو يمد ايده يريد يلزم ايدي عطت بخوف ...وخر ياا جلب لتكرب

غمضت عيوني ودموعي ملت وجهي كلت انتهيت ...
حسيت بايد خشنه لزمتني بقوه وسحبتني حيل صرت وره شي صلب شميت ريحه عطر رجاليه دوختني من قوتها ...

وصوت يحجي بعصبيه بصوت ثابت وواثق سامعته هل صوت مو غريب عليه ...
يله كرب ،خل اشوفك لمهات شتجيب يا خنثه ...
فتحت عيني اجاني ضهر واحد طويل وأصله اني جوه كتفه بهوايه حسيت روحي نتفه مقابل هل ضخامه اباوعلهم يباوعوله بخوف ...

قبل لا يشرد راسه انظرب بالحايط المحصوره جنت بي ...
صااح وهو يلزم راسه الكام يصب دم...شيخ المسوحه والله متنعاد ...غلطه
اباوع لصديقه واكف ومنزل راسه راحله ضربه راجدي استغربت لويش ميضرب ميدافع عن نفسه وين راحت قوته ليش هيج خايفين منه ومن كله شيخ اتوقعت يعرفه ...

حجه بنفس النبره وهو رافع ايده بتهديد ...اليوكف البنوات العالم بنص الشارع ويتحرش بيهن هذه مو زلمه ،والله اذا تنعاد لاكظبكم وكل واحد منكم حقه طلقه واذب جثتو للجلاب ...
يله انكلعو ...

راحو يركضون ...اندار عليه انصدمت هذه نفسه الشفته الصبح ويباوعلي بنفس النظره ،واني ارجف ،شجابه هنا ...
ارد احجي ما اكدر ...
كضبي ...
باوعت لايده مدلي كتبي حتى محسيت شوكت وكعت من ايدي ...

ايدي ترجف اخذتهم منه بسرعه ما اعرف ليش ردت ابرر اله وكفتي لوحدي بهل وكت والشارع فارع
..كتله بصوت ناصي
شكراا الك ...السايق اتا

قاطعني صوته الحاد وهو يمشي كدامي واتجاهلتي وراح لسيارته وهو يفر السبحه بايده ...
ما سئلتج شصار ...بلا هذره وحجي زايد صعدي اوصلج لهلج ...

احس شياطين الدنيا التمت بوجهي شكد حقير ومتكبر ومغرور ...فشلني
كمت اعظ بشفتي من القهر ...
كتله بقهر ...ماا اصعد شكرا لخدماتك

التف عليه وهو رافع حاجبه ووجهه بارد بس نظراته تخوف...
كتلج صعدي ما حب اعيد كلامي ...

كتله بعناد ...وكتلك ما اصعد

كال بنفس النبره وهو يباوعلي من فوك لجوه ...واضح الوضع عجبج هين ،الرايح والجاي يتحرش بيج ...
وانتي لازكه الثوب ع جسمج ...ومسويه عرض

فتحت عيوني بصدمه من حجيه واحس ناار كايده بيه ...عطت بي بعصبيه
انته واحد بلا اخلاف مغرور عبالك الناس كلها مثلك ،احترم نفسك يا حقير ...

بلعت ريكي وخليت ايدي على حلكي حسيت حجيت شي مصيبه من رده فعله التخوف...
كرب مني كضب ايدي بقوه واحس ايدي راح تنمرد بيده من قوه عصره لايدي ...

فتح باب السياره وشمرني بيها ردت اعيط ...شفت المهى وانصدمت ...
ارد افتح الباب مقفوله ...عطت بي ..افتح الباب انته شنو شايف روحك...

مهى شاورتني وهيه تلزمني...وج سكتي دهر فرج لا يشمرج من السياره والله...

صعد وهو يباوعلي من المرايه ونضراته نار صاح بصوت خلاني اخنس بمكاني ...هشش حسج ما سمعه يبت الناس ...اعصابي كوه لازمها ...

مهى بخوف...فيصل اعصابك شصاير
فيصل بحده ...كضبي البصفج وخليها تلزم لسانها لا اكصو الها ...خاف متعرف منو شيخ فيصل اني اعرفها

لدموع تجمعت بعيني مشكلتي ماا اكدر اسكت ...شنو هذه يصيح عليه...كتله بصوت باجي واني احارب روحي ما ابين دموعي وضعفي ...نزلني

حرك السياره ولا كانو احجي وياه ...كلش اتنرفزت وروحي طلعت ...نزلني كتلك انته متفتهم
شخط السياره وانضرب راسي بلكشن الكدام عطت
..ااخ ،انته شبيك مخبل تريد تموتنه

عااط بيه وهو يضرب لستيرن ...يولي تسكتين لا وعلي
اسوي شي اخليج عمرج ما تنسى ،محترم سلطان وما ريد اغلط بحقه ...
خلي ابالج ...صبري اله حدود

مهى ...وج سمر شبيج اتخبلتي اليوم سكتي متعرفين فيصل اذا عصب والله يسوي كارثه فدوه حبيبه سكتي ...

تحجي واني بالي مو يمها ...منين يعرف سلطان
عززه العزاج يسمر ،لو يعرف سلطان بلصار والله يموتني ويمنعني من المدرسه ...

وفوكاها لو يدري كاعده بسياره صديقه واتعارك وياه
...رجال غريب شلون احجي وياه
شبيج سمر اليوم نسيتي تربيه وضحه نسيتي المستحى وثقه سلطان بيه...
ما حجيت ولا كلمه مهى تحاجيني دايره وجهي ع الجامه ودموعي تصب ...

وكف السياره اباب البيت نزلت بدون ما احجي ولا كلمه ...
دخلت للبيت ركضت كبل لغرفتي قفلت الباب والصار كله يمر كدامي ...كمت ابجي بحركه واني اتذكر كلامه اني الجبتها الروحي لو ساكته ومحترمه نفسي مجان كدر يهيني ...

ذبيت روحي على الجربايه دزيت رساله لابو محمد كتله رجعت ويه صديقتي، ونمت بملابسي ...
كعدت على صوت دك الباب ...رفعت راسي الم بي مو طبيعي ...
اجاني صوت ام عامر ...سمر يله كعدي صار الليل

صحت واني راسي موتني ...ااي عمه اجيت
ام عامر ... كومي بنتي صلي ونزلي اتعشي الشيخه خبصتني عليج نزلي شوفيها ...

سمر يربي خطيه هسه امي اكيد قلقانه عليه ...كمت سبحت وبدلت وصليت الفروض الفاتتني ...
شفت التليفون لكيت مكالمات ورسايل من مهى كومه ....
ما فتحتها شمرت الفون ع الجربايه ونزلت لامي ...
دخلت لغرفتها ركضت الحضنها جنت محتاجه حضنها الحنين عمري محسيت بالامان الا بحضنها وكمت ابجي ما اعرف ليش حسيت بروحي اريد ابجي وافرغ همي بحضنها ...

الشيخه بخوف...شبيج يحبيبتي ليش هل بجي
سمر وهيه تشهك من البجي ...يمه مشتاكتلج واريد انام اليوم بحضنج ...
اجاني صوت ذياب ...
شني نونو انتي وتنامين بحضن الماما
الشيخه...ما لك غرض ببنيتي شما تكبر تبقى الصغيره وغلاها يعادلكم كلكم ...

احس روحي بردت بكلماتها شكد جنت مقهوره ...بس بحضنها ارتاحيت ...بعمري ما حسيت وضحه مرت ابويه يمكن لو امي جانت عايشه مجانت عاملتني وحبتني مثل امي وضحه ...

رفعت راسي من حضنهاا ...واني ارفع حاجبي لذياب واطلع اله لساني ...اكو ناس شكد تحب تفشل روحها مو شيخه ...

بقيت لليل يمها لحد ما اجه ابويه ...وشافني نايمه بحظن ماما وضحه ...
شعندج سمر هنا بويه ...

كتله واني اضحك ادري راح يطردني ميقبل احد ينام يم امي غيره ...شكد احب حبه لماما وضحه وغيرته عليها رغم كبرو ومرت عليهم هل سنين ولا قل بلعكس غيرته تزيد حتى منه احنه جهاله واحفاده ...

اليوم امي كالت نامي ابحظني لان راسي يوجعني ما قبلت اروح لغرفتي
كال بحده...اخذيلج دوه وروحي لغرفتج ابويه انتي وامج ما الها غيري ينام يمها ...

وضحه ...ابو ناصر لبنيه مريضه عوفها خليها تنام بخظني الليله ...
نمر بعصبيه وهو يشمر شماغه ...هاا هيج صارت يوضحه لعد وانه وين انام كومي بويه لا اكلب البيت اليوم ...مو على اخر عمري بزر تاخذج مني ...

سمر كمت بسرعه من شفته صدك عصب ...فلتت لغرفتي ...

#حور حيدر
#الراقصه والسلطان
#الانستا :enghour98
..............
صباحو ورد ...
صوره فيصل ☝️☝️😎

#حور
#يفدوه