رواية الراقصه والسلطان الفصل السابع 7 - بقلم hour writer 🐆

سمر ...

الليل كله اريد اشيله من بالي ميروح ...اتكلب على لفراش ما اكدر انام ...اخير شي لزمت راسي واصيح
اطلع ...اطلع اكرهك

كلامه باذني يرن ...وكانو كبالي
كمت كعدت لزمت الفون باوعت الساعه 1 الصبح...

اوووف يربي غير يطلع الحقير من راسي ...
طلعت من الغرفه ،البيت فارغ كلها نايمه ،
طلعت للحديقه اتمشيت شويه ...احس نار بصدري اريد
اشم هوه بلكت انسى هذه اليوم المشؤم...

عدنه خيمه  للكعده مسويها بلحديقه مثل البدو ...دائما يكعدون بيها فيصل والولد ...
شفت بيها ضوه ...استغربت منو كاعد لهل وكت
مشيت الهاا ...فتحت الخيمه

شفت سلطان نايم ومخلي شماغه على وجهه وايده على راسه ...
ردت اكعده يصعد لغرفته ...بس فجا لتذكرت الصار وخفت لا هذاكه كايله شي ...
رجعت لوره ودرت وجهي ارد اروح...
فزيت من كالي بصوته الخشن ...
كربي بويه ...

بلعت ريكي بخوف واني لازمه اصابعي بتوتر ليكول مسويه جريمه ...اعرف بي اول ميشوفتي يعرف اكو شي احس روحي كدامه مفضوحه ولا يكول عمته يعاملني مثل بنته ...

شكد يكولون عليه قاسي وما عنده مشاعر بس كل ما اشوفه احس نضراته كلها حزن وجواه طفل مكسور على اهله ...دائما وحيد اول واحد يطلع من البيت واخر واحد ييجي ...

حياته عباره عن شغل بشغل ماكو شي يدخل بي اذا ابدع بي، غامض كلش محد يعرف شنو البقلبه او بشنو يفكر ...
رجعت اله لكيته ع وضعه ونومته...
احم ...لاا ابقى نايم اروح لغرفتي اني

فجا كال  ...الصار اليوم ميتكرر
اني كلي هيج احس قلبي وكف ...معقوله كله
ردت احجي ...
قاطعني صوته الجامد ...
من يبطي عليج ابو محمد ،تخابريني بلعجل

كتله بصوت خافت واني الدم نشف بعروكي ...حاضر
رجع كلي سلطان بس صوته مبين بي التعب ...شون امتحانج ابويه اليوم...

كتله واني منطلقه...الحمد لله فول اليوم والاسئله سهله وحتى صديقا...

قاطعني صوته بحده وانزعاج ...سمر سدي الخيمه ولغرفتج نامي  ...
يربي اليوم مكتوب عليه اكضي بالفشلات والرزايل بس استاهل هسه هو سالني سوال فتحتله راديو عليمن ...
ركضت الغرفتي نمت ...
...........
كعدت الصبح نزلت رحت للمطبخ و سمعت الشيخه تحجي ويه ذياب ...

الشيخه بقلق... ذياب خابر اخوك شوفه وينو ،
سميه بخوف مبالغ بي ودمعتها بعينها...اي يمه رحتلك فدوه شوف اخوك لا يصير بي شي ...

ذياب ...شيخه مو كلج عدهم انذار وميكدر ينزل ويجوز يتاخر يمه على كيفج هسه شصاير مو كدامكم البارحه خابرته وكال كم يوم وانزل ...

الشيخه وضحه ..ولك شوفو كلبي كايد نار عليه ،
ذياب بملل ...جده وراي شغل ارد اروح اخرتوني، هو صغير وتخافين عليه اشو جنه بغل شطوله ...

الشيخه وضحه وهيه ترفع العوجيه تضربه ع ضهره...والله ماكو بغل غيرك ،خابرو لا اكضبك و اخلي العصه تعلم على جثتك ...

ذياب وهو يفرك جتفه ...جده هدي هدي ،شبيج الواحد ميعرف يشاقه وياج ...ضهري كسرتي ايدج ما شالله خفيفه ...هااي راح اخابرو لعموري بعد شتردين

الشيخه بحده...خابرو بلا حجي زايد

........

بمكان ثاني ...يسوق سيارته ويسمع هيثم يوسف اغنيه (مرات اشوفك حلم) ويدندن ويه الاغنيه ...
بالبريه وهو تعبان بس يريد يوصل لاهله صارلهم خمس ايام انذار واليوم يله كدر ينزل ...

يعرف هسه امه قلبها نار عليه من يوم الحادث ولهسه صارت تخاف عليه هو واخو وحتى سلطان وسمر بشكل مبالغ وتوهوس بيهم... وجدته وضحه الي جانت اكثر وحده معارضه يدخل الجيش تكله الزم حلالنه ويه اخوك وسلطان...

بس كدر يقنع الكل بحلمه من هو طفل يصير ضابط وكدر يحققه ويوصل للاعلى بسنوات قليله ...

قاطعه صوت تليفونه...شاف المتصل وابتسم
فتح سبيكر وكال بخشونه وهو يضحك...هله والله بمرتي ما دريت راح تشتاكيلي بهل سرعه ...

اجا صوت ذياب ...مو اكلهن بغل شعليه صرعن راسي عليك ...

عامر بنفس النبره وهو يضحك بصوت عالي...يول دكول مشتاكلي وخلص ليش تذبها براس جدتي وامي،

ذياب باستهزاء  ...اي حبيبتي مشتاقلج وبس اشوفج ،عاط بوجع
جده شنيه راح تكسرين عصاج بس عليه ،اي هو اني شحجيت لو عمير حاجي جان عسل على كلبج

عامر يسمع صوته وشعبان ضحك عليه...حاجه امه وجدته وطمنهم عليه وكلهم راجع بالطريق ...
سديت الفون مديت ايدي ع المسجل ارد اعلي ...

فجاا طلع شي اسود كبالي طفر كدام السياره ...دست بريك ووكفت السياره وهو انشمر بلكاع ولوما شويه جان سويت حادث بس الله لطف ...
...نزلت واني صاير نار منو هذه الاثول العايف روحه وطفر بهل شكل على السياره ...

شفت جسد صغير مغطى بالاسود من فوك لجوه ممبين منه شي ...
كلت باستفهام ...تكدر تكوم ،تسمعني
ما اجاني رد ...
نزلت لمستواه اسمع صوت انين خفيف كلش انتبهت لجسمه مبينه بنيه...ترددت ارفع الشال المغطي وجهه
مديت ايدي رفعته ...ما اعرف بعدها شصارلي
بس اسمع صوت ناعم يصيح وشي دافي يطخ ايدي  ...
عوف الشال مالتي شبيك...

هزيت راسي اريد اصحه ...معقوله هاي بشر احسها حوريه ووكعت عليه من السما لعيون زرك بلون السمه ومغطيه وجهها ببركع من الزناجيل والشعر ذهب مغطي وجهاا  ...

انتبهت لروحي ايدهاا طاخه ايدي تريد اهد الشال واني لازمه بقوه ...
اتحمحمت ...وحاولت ارجع طبيعي عفت الشال سحبته بسرعه وخلته باهمال على راسها وشعرها مبين منه ...

كتلها بجمود واني احاول ما اباوعلها و اباوع للمكان الطلعت منه ...كلها صحراء وبراري منين اجتي وشلون  الي يوصل هنا لازم ماشي مسافه كلش جبيره لان اقرب قريه لهنا بعيده بمسافه مو هينه... هاي شجابها هنا اكيد وراها مصيبه جبيره ...
بيج شي تكدرين تكومين ...

اشو هاي كامت بسرعه وبعيونها غضب ...
كالت بعصبيه ...اكو واحد غبي هيج يسوق لو صايرلي شي الربح بيك ...

انصدمت هاي النتفه هذه لسانها فوك ما هيه الغلطانه وطفرت على سيارتي تغلط كتلها بحده واني قابظ ايدي من العصبيه من كالت غبي ...
كضبي لسانج يبت ،وحق الله لو زلمه كدامي جان هسه جثتو بمكانج على كلمتج ...

عفتها ودرت وجهي ارجع للسياره واني دمي فاير ...سمعتها كالت بسرعه
اوكف ،اوكف اسفه والله
فتحت باب السياره باوعتها بجمود وكتلها ...
اسفج ميفيدني ...يبت الناس ردي لبيت هلج
سمعتها تكول ما عندي اهل ...
صعدت سيارتي شغلتها ارد احرك كلت اكيد وراها مصيبه ... واكفه كبال السياره دكيتلها هورن ...شبيها هاي مخبله

لازم السترين واشرتلها باصبعي بمعنى وخري ...
هزت راسها بلا ...
وكالت بصوت عالي ...ما اوخر توصلني للكراج يله

فتحت الجامه وكتلها بحده ...بعدي غادي بلا حركات اطفال ...

اباوع لعيونها دمعت كالت وحده مهضومه...بس انته تكدر تساعدني ...واذا مساعدتني راح تكون السبب بموتي ...
كالت كلامها ووخرت من كدام سيارتي ...

حركت السياره بدون تردد ...واني جواي شي يكلي ارجعلها ودموعها احسها جوت كلبي ...
لكيت روحي ارجعلهاا واني حاس من شفت عيونها دخلت بمصيبه مراح اطلع منها ...

لكيتها واكفه بمكانها ...وكفت السياره بصفهاا وفتحت الباب البصفي واني اباوع لكدام ...
اشو مصعدت كلت شبيها ...درت وجهي كلبي هاج من شافها ... مبرطمه شفايفها مثل الطفل وعيونها مدمعه وتباوعلي بزعل ...

همست وايدي على كلبي ...اهده يلغبر لا تفضحني
كتلها بجمود ...صعدي

هزت جتفها باعتراض وهيه تباوعلي بنفس النظره ...
رفعتها حاجبي ...
كالت بنبره زعل جنها طفله وهيه تحجي ...لويش عفتني ورحت كلي اسف ...

يربي هاي من كل عقلها تحجي وحده بوضعها وهيج تحجي شكيت بيها خبله ...
كتلها واني اضبط اعصابي  ...بويه انتي صاحيه لو مخبوله ...

كالت بنفس النبره ...يعني هم دعمتني وهم صيحت عليه وهم عفتني بالشارع وحدي واني استنجدت بيك ...

من كالت استنجدت بيك حسيت صدك اني غلطت مهما يكون شلون افكر اعوف بنيه لوحدها بالشارع لو شايفها احد غيري الله العالم شصار بيها ...

كتلها واني اول مره اعتذر لاحد بحياتي وفوكاهاا لوحده شفتها صارلي خمس دقايق ...
بويه انه اعتذر صعدي تره متاخر على اهلي ...

كالت وحجيها كله دلع ولهجتها مبينه مو من ديرتنه ...
شنو هاي مدا حسه طالع من كلبك ...

صدك فورت دمي كتلها بعصبيه ...لتخبليني راح اطلع واعوفج ...

صعدت بسرعه وهيه تضحك وصوت ضحكتها يغوي ويه شفايفهاا الحمر اتعوذت من الشيطان ودرت وجهي واني امسح وجهي
...لا لاا شبيك الواحد ميشاقه ...

حركت السياره واني ماا اباوعلها ولازم لستيرن بقوه دا حس عندي مصارعه ...

سمعت صوتها وهيه تكول بنعومه ...فيان
انداريت عليها ماده ايدها اليه ...وعيونها تلمع دخت بيهن ...
واني اباوعلها مستغرب وانزل نضري لايدها ...
رجعت كالت بابتسامه شعلت جدي ناويه عليه هاي اليوم ...
اسمي فيان ...وانته

................
سمر ...
رحت للدوام خفت لا هم اشوفه بلباب ،بس مشفته
امتحنت وخلصت والمهى كل ساع تحاول تحاجيني اني متجاهلتها ما اعرف ليش ...
بس معصبه لان ذاكه طلع اخوها ...

لحد ما طلعت من الامتحان ...
ردت اطلع كبل لزمتني المهى من ايدي ...
شبيج سمر ليش تتجاهليني ومتردين عليه ،يعني اني شنو ذنبي ...

كتلها ...يعني يرضيج هيج يحاجيني اخوج صح ساعدني ومشكور بس ما اله اي حق يلزم ايدي ويصيح عليه ...

المهى بضحكه ...وانتي عساس قصرتي وج والله لو اجاحي هيج جان شمرني من السياره ..فيصل كبريت كلش عصبي ...

كتلها ...على نفسه وبعدين هو شعنده رجع انتو مو رحتو من زمان ...
المهى بخبث وهيه تغمزلها..والله صعدت الاخ صافن بالمرايه اصيح يله ،فيصل اطلع ...
ساعه احاجي اخير شي الاخ كلي ...
هاي شعدها بعدها واكفه وحدها ...
كتله منو ...كلي صديقتج
سمر بفضول ...هاي بعينه شنو ما عندي اسم ،ااي وشكال بعد 

المهى وهيه تضحك ...كتله السايق اتاخر
اشو هذه كام يصيح ...كال ما تخابر سلطان لعد لو مكيفه واكفه وحدها بلشارع والرايح والجاي يباوعلها

سمر بعصبيه وهيه تضرب المهى ...وج هذه اخوج شكد ميستحي ،اووف يربي شكد مستفز

المهى ...اووي واني شلي دخل هو كال

سمر ..اي وبعدين
المهى ..ما اكول انوب هم اطيح بيها ...
سمر بلولكه وهيه ترمش بعيونها...هدهد حياتي ،احجي

للمهى ...اوف منج ،ضل يباوع بالمرايه ويحجي بصوت ناصي بس ما اسمع اليحجي ...
وما حسلج الا مره وحده ...نزل وطبك السياره حيل
وج من رجعنه بعد ما نزلتي ...
صار بارود ...يعارك ذبان وجهه
سمر وهيه تضحك بشر ...حيل عساا بالاكثر

المهى وهيه تضربها ...انجبي ولج هذه اخويه
سمر وهيه تطلع لباب المدرسه ...صلوات شلون اخو ود ...
سكتت وهيه تشوفه واكف كبال المدرسه كدام سيارته ويباوع الها ورافع حاجبه ...

المهى...مو تنسين عوبه العصر تجين عيد ميلادي
سمر اتجاهلته سويت روحي مشفته اصلا ...رجعت لمهى واني اضحك وابوسها بعناده شاورتها ...

خوما الغول موجود بالبيت ،ما اجي تره

المهى وهيه تكرصني ...والله لو اكله على سوالفج ،ارتاحي مموجوده مييجي الا اخر الليل

فتت من كدامه واني ااشار المهى بمعنى بااي ...مدري شبيه من اشوفه بس اريد اعانده واعصبه ...

...........

فيان ...

عامر...☝️☝️
............
صباحو ورد ...😻
طبعا حمدلله طلعت ناجحه ...🤟😎وصرت رسميا stage 3 ...

وحابه اكول شي ...اخاف احد زعلان او شايل بخاطره مني💔...اتوقع انتو اكثر الناس تعرفوني وتعرفون انتو شنو بالنسبه اليه واتوقع اني اكثر كاتبه متابعيها همه اصدقاء الها وعلاقتنه شخصيه...
فاني ما اقصد اسائه لاي شخص ...هذه كلامي للناس لتحبني 😻 وبس ....
#حور
#يفدوه