رواية الراقصه والسلطان الفصل التاسع والأربعون 49 - بقلم hour writer 🐆

الراقصه والسلطان
#حور حيدر
#الانستغرام: enghour98
الواتباد: eng_hour

❤️ تابع الصفحه وصوت للبارت فضلا وليس امرا †

#يحلوه مشاركه للبارت ♥️

گاعد على كرسي ويدخن جگارته ويباوع لحال صديقه النايم على الجربايه وفاقد الوعي...

لام روحه شلون تركه... لازم يحل كل شي يشوف لباله اول شي لان كل موقف دا يزيد شكه اكثر واذا طلع كله اوهام لازم يبعد حر عنها ويخلي ينسى ميگدر يعوفه اكثر يدمر نفسه...

يباوع لحر وهو يلعن الحب شلون يخلي البشر يضعف ويتغير ويتنازل عن مبادئه ويذل نفسه...

شلون رجال مثل حر بساحه المعركه اله مكانته وقيمته ابو حرب واسمه عليه شلون هيچ بسبب مره دمر حياته وفقد طعمها...

گاعد ويفر بسبحته وهو يفكر بلي شاك بي لازم يخلص كل شي اليوم ولي زاد شكه تصرف دكتور احمد اليوم من خابره وبلغه عن حاله حر وشلون فاقد الوعي بغرفه ذيج الدكتوره...

رفع ايده وهو يتلمس لحيته ومندمج بالتفكير وبعد شويه لمعت عيونه البارده وهمس بمكر... اجه وكت دينچ يبت العم

وره شويه دگ تليفونه... طلعه من جيبه باوع للاسم لگاه فيصل اخذ نفس و انطاه رفض وهمس... هسع مو وكتك بعدني مفارغلك واشتغلك على البارد صديقي گال اخر كلمه باستهزاء

طلع برا يتمشى بلحديقه بين ميگعد حر... رجع دگ جهازه أبتسم اول مشاف الرقم جاوب...

الله حيوو بالشيخه وأم الشيخ هله بلصوت وراعيته

وضحه جاوبته بعصبيه... سليطين لا تضحك على عگلي

سلطان بضحكه ولهفه متطلع الا ويه عدد قليل ومنهم وضحه كلامها ذكره بوحده بگلبه يگول الله يعيني نفس اللسان...

افه افه، ول بويه منهو مضيگ خلگج يبعد حيلي انتي

وضحه بزعل... وانه اهمك ويهمك ضيج خلگي

سلطان بصدق ... وضحه گلبي اطش على رجلينو كيماوي بالقرآن ليغث خاطرچ بچلمه

وضحه بعصبيه وشك گالت بسرعه... گلي هسع شنهو ظامين عليه

سلطان وهو يهز راسه ويضحك بقله حيله نفس سالفتها كل ما ييجي لبغداد ... هاا يوضحه گلبچ رد يلعب، خاف ارجع واجيبلچ وحده من بغداد

وضحه وهيه تعرف اكو شي... انته لو ازوجگ لو تكف ياخه من بغداد يله ارتاح منك

سلطان بگلبه الله يستر من تعرفين المصيبه جايه من عامر گللها بصدق وهو يعرف سبب زعلها الحقيقي كل ما يسافر تسوي هل اسطوانه تريده من تشتاگله وتريده يرجع ...

نها اتصاله ويه الشيخه بعد ما سمع صوت حر گعد... راح بسرعه للغرفه

دخل لگاه يوخر الكانونه بجسمه يريد يگوم بس وجهه هادئ...

حمحم سلطان واتقدم اله بهدوء ... هاا خويه ابو حرب

حر بهدوء غريب... اگلك سلطان انه شجابني هنا

سلطان باوعله واحتار شيگله اجيت برجليك الها او وگعت بغرفتها ورجلها اتصل بيه ولا يگدر يچذب لان شويه شويه راح يتذكر...

دستريح يخوي هسع وبعدين نفتهم

حر باوعله وهو تايه... الي يعرفه چان يشرب بلبيت ونام وحلم  ه. وياها راحلها وشكه الها حاله وبعدين هو  نايم وحاظن ايدها ما چان يريد يگعد من هل حلم ...

همس بحذر... سلطان اخر شي جنت بلبيت اشرب شجابني هنا

سلطان بهدوء... حر مو وكتها هسع گلنه

حر بده يعصب وصور ذكريات تجي براسه لنمارق شايله طفل... لك لتكفرني گلي شصخمني وجابني هين

سلطان ببرود باوعله وگله ببساطه... سكرت وأخذت تكسي واجيتها هين للدكتوره وطحت بغرفتها...

حر صدره گام يصعد وينزل ونفسه عله وهو يضرب راسه من صورتها هيه والطفل الي ملت عقله...
اطلعي اطلعي من راسي... رجع لزم راسه بقوه
سلطان يعني ما چان حلم...
حر فقد عقله من استوعب الصار گام وهو يصيح بقهر بعلو صوته...

ولد... ولد وهو يأشر بره
ولك عدهاا ولد من ذااك... ولك سلطان انتهيت
عيونه دمعت ما گدر يكمل كلامه... راد يطلع لزمه سلطان من صدره
گله... حر أسند روحك وصل على النبي كل شي اله حل

حر باوعله رفع اديه بقله حيله وهو يبتسم بوجع... ما يگدر يحجي اكو حسره بگلبه اكبر من كل كلمه يكدر يعبر بيها

سلطان بقهر... ولك خويه انته ابو حرب ماا عاش ليكسرك افهم

حر يباوع وهو ساكت وبگلبه كسره وخنگه وعقله يتذكر شلون سحبت ايدها منه وشلون چان محتاجلها وردت روحه بگربها بس عافته مثل كل مره وراحت لابنها...

هل سنين كلها چان صابر واكو امل بگلبه يگله هيه هم مثلك ما گدرت تنساك وهم وگفت حياتها...
ما يعرف ليش بس گلبه الخاين چان يگله متخلي احد يدوسها غيرك...
باوع لسلطان وگله بكسره  ... تالي طلع گلبي يضحك عليه خسرت كل شي سلطان ، وهي هي مخلفه منه نستني وهنت عليها

حر باوع لسلطان وگله بحسم... راح اسافر واعوف الدوام

سلطان رجع للبيت بعد ما وده حر لبيته وهو يسوق بسرعه يريد يخلص... وصل العماره طبگ سيارته ونزل...

وصل الشقه دگ الجرس ما فتحها بالمفتاح العنده...

فتحله الباب عامر... الله حيو ابو شاهين

سلطان وهو يدخل بسرعه... هله عامر

دخل الصاله شاف الكل گاعدين... سلم عليهم وعينه ادور على قمر شافها گاعده بصف فيان اشرلها تلحگه...

قمر رفعت حاجبها باستغراب اشرلها لو تتهيئ... طنشت وره شويه سمعت صوته يصيحها... قمر

ابو عامر وهو يباوع لقمر ... روحي بويه شوفي ابن عمچ يصيحچ

قمر مشت للمطبخ وهيه مستغربه... دخلت شافت سلطان واگف ومجتف اديه اول مشافها گللها ببرود...
الحليم من الاشاره يفهم

قمر يربي هذه جايبني يرفع ضغطي گلتله... هسه شرايد مني تنطيني حكم

سلطان ابرود وبنظره سكتتها... ميفيد وياج، المهم افهمي رايدچ

قاطعته قمر وهيه فاتحه عيونها وصاحت... شنوو

سلطان وهو يعض شفته يحاول يهدي روحه... حسچ خلي اكمل
رايدچ تساعديني بشغله بس كل الي تسمعي او راح تعرفي ينمسح من عگلچ

قمر وعقلها گام يروح منا ومنا بشنو نوع الشغله الرايدها منها رغم فصولها گلتله بغرور... وليش اساعدك ممجبوره

سلطان رفع حاجبه وعلى شفايفه ابتسامه مكر... عجل وديني الي برگبتچ

قمر ما تگدر تمانع گالت بسرعه ... شنو نوع المساعده

سلطان ابرود... خلي ينامون ساعه ونطلع وانه افهمچ على كل شي

طلعت قمر وبعدها طلع سلطان للصاله...
شويه وگامت تمثل تتثاوب قمر وراحت تنام...
وبعدها راحو عامر وفيان... انسحبو واحد واحد
اتأكد سلطان الكل نايمين...
راح لغرفه قمر دگ الباب على كيف ماكو رجع قواها هم ماكو... اضطر يفتح الباب على كيف...
هز راسه وهو يشوف قمر نايمه...

همس بعدم تصديق... هسع هااي المتفق وياها تمثل النوم

فكر يعوفها نايمه وياجل الموضوع بس اتذكر قرار حر بالسفر ميگدر يتأخر اكثر...

أتقدم الها للجربايه وهو لازم سبحته...

حجه بصوت ناصي... قمر

مد ايده يوخر البطانيه رجع سحبها بتوتر... وهو يباوعلها شلون نايمه بهدوء همس باستهزاء... ليشوف هل أرنب شلون نايم ولا يصدگ نفسها ذيج الساع اللبوه

صاح بصوت شويه عالي... قمر گومي

قمر فتحت عيونها شافته ورجعت سدتها شويه وكمزت بصدمه وصاحت... انته شتسوي هنا وشلون تدخل الغرفه واني نايمه

سلطان گللها ببرود... اشش حسچ، يول شنو متفق وياچ انه

قمر بنعااس تحك رايها و تنزل من الجربايه... هااا

سلطان وهو يبتعد يريد يطلع ... الج خمس دقايق جهزي حالچ

طلع وعافها بعد فتره همه بالسياره گدام المستشفى...

سلطان وهو يباوع لقمر... عرفتي الغرفه وعرفتي اسمها مثل ما فهمتچ تسوين

قمر بملل... افتهمت والله افتهمت كاافي تعيد

سلطان ابرود... ولو مايس منچ انه

قمر بغرور وهي تفتح الباب وتنزل... نشووف

بقه سلطان ينتظر وهو منتجي على كرسي السياره... عدل گعدته على الكرسي اول مشاف قمر جايتله...

قمر وهيه تصعد حچت بضحكه ثقه وفرحه جانت كلش مقهوره من سمعت قصتهم واتمنت تگدر تساعدهم...

سلطان وهو يشوف ضحكتها ... ها بشري

قمر بضحكه... شكك صحيح نمارق ممتزوجه وهل اثنين اللعب عليهم وكل واحد ذاب اللوم على الثاني وشايل منه...

..................

ذياب وهو يتمشى وتليفون على اذانه ويحجي بضحكه... بوويه لا تدلعين عليه ما اتحمل...

ضحك بصوت عالي... من رد الطرف الثاني

ذياب بغزل... فديت الصوت وراعيته انه،، يبعد هاي انتي

اجااه صوت من وراه خلاه يشمر الجهاز. ..

ادلعو على جنابك الشياطين يلسربوت الهايت ....

ذياب بلع ريگه وهو يريد يرجع لوره وهو يشوف الشيخه ولازمه عصاتها... جده صلي على النبي هذه صديگي

وضحه وهيه تلبكه على رجليه بلعصاا ... هتلي جذاب وصديگك تگلو لا تدلعين

ذياب وهو يكمز ويفرك مكان ضربته... جدده كاافي لخاطر النبي

وضحه بعصبيه وهيه تلبكه العصا الثانيه على ضهرو... تبرأ منك النبي ابو البنات تحاچي البنوات يلهتلي

ذياب بوجع... توبه جده توبه

وضحه وهيه ترفع عصاتها... انته متوب الا اگول لجدگ أليوم

باوع ورا جدته شاف اريج الي تضحك عليه عرف هيه وراها... لان جدته متطلع اصلا الحديقه...

.............. صباح الخير ❤️