رواية الراقصه والسلطان الفصل التاسع والخمسون 59 - بقلم hour writer 🐆

الراقصه والسلطان
#حور حيدر
#الانستغرام: enghour98
الواتباد: eng_hour

❤️ تابع الصفحه وصوت للبارت فضلا وليس امرا †

#يحلوه مشاركه للبارت ♥️

رِدنِي ..
رِدنِي يَالبَّگتنِي
بلِيلة أجيّتك
دَورَّت روحِي أعلىٰ روحِي
لا شِفتهَا ولا لگيّتك ..

الجد صاح... سلطان بنواتنا شيخات ما ينوخذ عليهن

سلطان وهو يباوع لقمر وهو يشوف نفورها منه وكرها الواضح ...

الحچي هذه ما يمشي عندي،

قمر بحرگه گلب تحس روحه متربطه ونار گلبها موجره لهسه بعدها ما مستوعبه باوعت لسلطان الي گاعد بكل برود...

لا جدو خلي ياخذ احد لازمه... لو تاخذ الف وحده بس اني
وهيه تباوعله بتحدي وتاشر لگلبها...

ما راح تطولني...

سلطان گللها ...انهي عليج و اخليج معلگه وانه اتزوج واخلف

قمر باوعتله باحتقار وكره ما چانت متوقعه هل هيج يفاجئها اتوقعت سكوته ورا مصيبه بس مو بهل حقاره بكل بساطه نهى حياتها وربطها بي...

وربك اني گمر عالي  متلوحني...

كتلكم ما اريده وابويه الي حجي ثاني وياه...

عافتهم وطلعت...

الشيخه باوعت لسلطان... كتلك بت بغداد ما ترهملك اخذ من ثوبك

الجد باعتراض وهو يباوع لوضحه... شني بويه بت بغداد البت بتنا وابن عمها اولى بيها سترها وستره 

سلطان  ... غيرها ما اخذ بت عمي ورايدها ولحد يدخل بينه انه اعرف اربيها واعلمها عليه

ابو ناصر... الله يصگعك البت صغيره مو گدك هدي بويه شمالك ثاير عليها...

الشيخه وهيه الوضع كله ما عاجبها... يمخبول المفلوكه ما رايدتك وهل شوفه عينك انتو مثل البارود والنار

سلطان ... كيفها او غصبا عليها تاليها الي

قمر دخلت لغرفتها شمرت جنطتها بلگاع... والدمعه بطرف عينها ناار ناار تشعل بيها... اخر شي تتوقعه هذه من سلطان

گامت تروح وترجع بلغرفه... انهارت اعصابها

گلبها ما مرتاح من شافته الصبح بيوم العرس انقبض گلبها حست ضاملها شي...

حسيت والله هل حقير ضاملي شي... گلبي ما مرتاحله

الله ياخذك واخلص منك...

وهيه تشمر بغراض الغرفه...

گعدت على الجربايه عصرت ايدها بقوه گامت تشاهك من البچي

انفتحت الباب شافته دخل منها...

صاحت... اطلع برااا

لتبچين...

ميخصك...

لا يخصني وحسج نصي لا اكفر بيج...

سلطان غمض عيونه وهو يصبر روحه... گومي لبسي وروحي للمدرسه...

گامت اتقربت منه ورفعت اصبعها گدامه... نجوم السما اقرب الك مني تسمع... ما اريدك اكرهكك افتهم اكرهك

صاح وهو يباوع لعيونها...

سمر... سمر
اجت سمر تركض وهيه متفاجئه...

جيبلي حجاب منج بسررعه
راحت سمر وهيه مو فاهمه شي...

قمر وهيه لو بيدها تخنكه بيدها... احلم بس لتصدگ بيوم اصير الك، اذا مو هذه رادك وهيه تاشر لگلبها...

وهذه يكرهك

جابت سمر حجاب... اخذه منها وگلها روحي

مده لقمر... يله اللبسي بسرعه

قمر وهيه راح اطگ من بروده  ... ما اللبس وما اروح

ليش مصر تخنگني اكثر ما اني مختنكه من شوفتك

سلطان لزم ايدها وقربها منه وگللها بتحذير... ترحين وتلبسين هسع

باوعت اله وعيونها تحجي كميه الكره البگلبها اله...

تدري شتمنى هسه...

باوعت لعيونه بقوه وكالتله بكره...

لو عايفني بذاك المكان  ولا شايفتك

سلطان وهو ضاغط على سنونه فجا غمضت عيونها من قوه لزمته لايدها حست باصابيعه نبت بلحم ايدها...

سمعي لج مو حبنا بيچ انه خاطبج...

همس قريب على اذنها... حتى اكسرو لخشمچ

ومحد يگدر يتدخل بيج غيري...

اخليچ لعبه اتسلى بيها.. واكسر صلافه عيونچ

ومن امل منها اشمرچ... وادوس عليچ واخذ شيختچ

بروحه لابويه اذا ما لبستي ومشيتي عدل لاعقد عليج هسع
واخذج حالج حال المنهوبه...

.....
حس بيها تتسحب من حضنه... سحبها بايده الي محاوطه خصرها اله...

سمع صوت التليفون...

نمارق تريد تاخذ تليفونها اكيد اخوها لان بالها يمه راح بيوم الحنه بدون مگال السبب وتتصل عليه ميرد...

توخر ايد حر يرجع يحبسها بين اديه اكثر... صار يومين وهمه على هل حاله مثل الطفل ميفارگها لحظه وحده ...

تعبت المحاولات... خلت ايدها على خده وحجت بصوت ناصي

حبيبي بس اجاوب وارجعلك...

حر وهو مغمض عيونه... اشش خليني نايم

نمارق وهيه تحاول تسحب روحها... نام وخليني اگوم

حر وصوته كله نوم دحس راسه برگبتها ... انچبي وخليني مرتاح هين...

نمارق وهيه تحس بانفاسه على نحرها والتليفون بعده يدگ ومهاين عليها تخرب نومته...

حر بضوجه... قفلي لا اكسرو اريد انام

نمارق حصرتها الضحكه... وخر خلي اقفله وارجع

حر فتح عيونه باوعلها بنعاس...شبيچ چنج فاره بس تحوسين

نمارق باسته بخده وهيه تدري بي يتخبل اذا ضلت تتحرك بحظنه نومه خفيف كلش...
واستغلت انشغاله بلسوالف گامت من حظنه...

اخذت التليفون وجاوبت ...

الو

ماما ننانق...

نمارق ضحگت بفرح اول مسمعت صوته... يا گلب وروح ماما

تئاي متاقلچ...

نمارق وهيه تگزگز على صوته كلتله بحب... واني مشتاقتلك يا روحي...

اااي...

فجا عاطت من حست بحر يگرص بخصرها...

ضربته على ايده وخرزته...

ننانق بيج...

نمارق وهيه تعض على شفتها من وجع گرصات حر...

احم مبيه شي گلبي...

حر سحبها من حصرها وخله راسه على بطنها...

نمارق وهيه ... حر بربك وخر

حر بعناد وهو يخليها جواه وينام... اشش انتي گعدتيني انتي تنوميني

نمارق تريد توخره همست وهيه تحاول تبين عصبيه... وخر حر لتصير طفل

حر جر التليفون من ايدها... يله بابا روح اشرب حليب ونام
ونمارق مو امك مرتي انه

نمارق تباوعله بصدمه وهيه ممصدگه السواه... هاي شسويت انته

حر وهو من كل عقله يغار من هل طفل ... انه طفلج

عض خصرتها...

نمارق عاطت بوجع... اااااي حر اتخبلت شبيك تعضعض

حر بزعل ... حتى تسمعين كلامي مره ثانيه

رجع عضها مره ثانيه...
نمارق... ولك حرر كافي حزعل والله صدگ شسويت اني

حر وهو يبوس مكان عضاته ويگلها... الف مره گلت وانه نايم بحضينچ ومرتاح لتگعديني ولتحوسين...

والفين مره گلت لتتغزلين بغيري الله يصگعو لراسچ

نمارق بزعل وهيه تريد توخره... دگوم مني ابو عقل الصغير يغار من طفل...

حر رفع راسه من بطنها ... ولچ منو عگلو صغير

نمارق وهيه تدير وجهها... انته اكو غيرك

حر گام وهو يباوعلها بشر... نمارق استغلت الفرصه دفعته على الجربايه ورگضت اخذت الجهاز ودخلت للحمام وقفلته عليها...وهيه شبعانه ضحك عليه...

تسمعه يصيح عليها... اتصلت على اخوها واعتذرلها ما گدر ييجي للعرس  حست اكو شي بصوته مو طبيعي... حست اكو شي ضامه عليها...

بقت تحجي وياهم تقريبا نص ساعه وهيه تبچي لان چانت تتمنى اهلها وامها او علاقل اخوها يكون بعرسها ومن گد ما مشتاقتلهم ...

حر يسمعها ومن عرف بيها كملت سمعها تبچي ... صاح وهو نايم على الجربايه وهو يريد يشاقيها...

يول تعاي... گليبي يوجعني تعاي عالجي انتي مو دكتورتو

نمارق وهيه تمسح دموعها گلتله من ورا الباب... لا هسه اني باجازه روح لدكتورو هسه ينطيك اله علاج...

حر وهو يريد ينام بحضنها ...

علاجي لمن تجين يمي

وكل ميعجبني احضنج

ابوسج اعضج

اكتلج

يبو حتى خشمج اعضه

نمارق عاطت... يعععع حرر عابت

حر وهو مستمر...

هيج الزم رموشج وابوسهن واعضهن

وافكس عينج...

نمارق تسمعه وخربانه ضحك عليه ...

شهل عنف عود تتغزل بيه حظرتك...

حر   ... يول انه غزلي گول وفعل ما حب اصرف كلام

دطلعي خلي اطبق

نمارق... ما اريد

بداعت شيخ جمشيد طلعي...

نمارق باستغراب... منو هذه

حر بخباثه ... دطلعي وانه اشاورج واگلج

طلعت نمارق تمشي على روس اصابيعها حتى ليسمعها حر...

محست الا حر حاظنها من ورا...

وانفاسه تضرب نحرها... عض خدها ورجع باسع

دحس راسه برگبتها وهمس وهو نفسه ثگيل واديه حاوطت خصرها وصدره العاري حظن ضهرها ...

اتيه روحي بريحتك واحتار من يا صفحه اشمك...
انه من جمعني وياك من شدني ويا طولك...
طعمك بيه وصرت حلوك ومرك...

اديه تصعد وتنزل على خصرها...

او ويه كل كلمه يطبع بوسه على نحرها...

گالو يحبك...

دارها الها بهل لحظه...

وهمس گدام شفايفها وعيونه كلها شوگ وحب بعيونها ...

گلت من شاف گلبه...

.....

رجعت من المدرسه وهيه مدمره كلش ما فهمت اي شي...
راسها انفجر من التفكير... ليش هيج يسوي وياها
ليش هيه بالذات... الف سوال براسها
مخليها براسه...

تدري بي بلحظه ينفذ تهديده...

وصلت لفكرة انو لازم هل فتره تحاول متحتك بي ولا تعانده...
لحد ما تلگه حل...

اول مدخلت شافت مروه وامها گبالها كاعده يم الشيخه وامها هم موجوده ونسوان ما عرفتهم بس شايفتهم بلعرس ...

همست اول مشافت مروه... شهل يوم الفكر يربي

ما الها خلك تجامل احد وهيه روحها كارهتها وكفت بعيد حتى لا تضطر تباوسهن...

ابتسمت بمجامله وهيه تنزع الحجاب...

السلام عليكم... ردو عليها السلام

سميه گامتلها وهيه فرحانه من شافت بتها لابسه حجاب شگد جاولت تحاجيها بس قمر عنيده وهيه ما تريد تكسر بخاطرها او تزعلها منها...

وياهو الييجي ويگلها بنتج شوكت تتحجب وليش هيج لبسها... ابو عامر هم گللها وطلب منها هيه تحاجيها وتفهمها...

ما عرفت شتسوي ما تريد تضغظ عليها او تجبرها وتخاف تگول لزوجها يتصرف وياها غير تصرف وتنفر منهم قمر وهيه ما صدگت تلگاها وترجع لحظنها...

گلت لسلطان تعرف بسلطان قاسي وممكن بس حنين ويعرف يتصرف تعزه اكثر من ولدها...

ومن خطبها سلطان طارت من الفرح ...

من قبل لا تدري ابنتها عايشه چانت عدها بنيه وتصير من نصيب سلطان...

وهسه فرحت اكثر متريد بعد هل تعب بتعا تروح منها للغريب وهيه بكل جلسه ياهو ليشوفها من النسوان يخطبها...

تعرف بنفور قمر من سلطان بس واثقه راح يعرف يحتويها وتعؤف هاي انانيه منها بس واثقه ييجي يوم وتشكرها على سلطان...

هلا بنور البيت... هلا هلا ببنيتي الشطوره

اتقربت منها وحظنتها...

قمر عدها عتب وكلام هوايه لأمها شلون مخليها بيد سلطان ومثل مگال لعبه وصدگ كلامه من اول ما اجت وهو متحكم بيها ومحد يدخل منهم ولا يگول هيه بتهم...

وبرغم كل البيها حظنت امها ما رادت تبين شي گدام الموجودين وخصوصا مروه...

سميه بفرح وهيه تشيل جنطتها ... انطيني يمه انكسر ظهرج منها

مروه وهيه تضحك... ياا خاله صغيرونه وتشيليلها جنطتها

سميه وهيه تباوع لبتها بحب... طبعا صغيرة ما حصلتها بلساهل
انهد حيل ابوها حتى يشوف طولها

ام مروه وهيه تلوي حلگها... اي حقكم خيه مو سهله

الشيخه وضحه وهيه تشوف قمر متحجبه...
سويت  لبراسك يسليطين...

تعالي هين يمي...

سميه... امشي يمه يم بيبيتچ

مروه وهيه تباوعلها بحقد... هاا اتحجبتي قمر متغير شكلج مو كلش لايگلج

قمر باوعتلها صفح باحتقار وما ردت عليها

وحده من النسوان... ددحچي شلون محلوه بلحجاب عين الله عليج يمه...

الثانيه... اي بلله حلوه وزاده حلا جنها بيبيتها حبايه مگصومه نصين

مروه... لا منين دشوفو صور عمتي من جانت صغيره جنها گمره

الشيخه ... لا يمه قميره جدها يحبها من حبي

مروه... لعد الچانو مربيچ ما سالو عليج

قمر ابرود... وانتي شنو دخلج

بكل شي مدخله خشمج...

ام مروه بفشله... لا يمه مريوه تتشاقه وياج

قمر بنفس البرود وهيه روحها بخشمها... ومنو گللها اني اشاقه وياها

سميه وهيه تحاول تهدي الوضع ... يمه صعدي بدلي بين ما احظرلج الغده

قمر وهيه ما صدگت خلصت من هل گعده التخنگ... لا ماما اريد انام من اگعد اكل...

الشيخه بأمر ... حدري فوگ بدلي وتعالي هين هسع يجون الولد و نتغده ويه خالتج ام مروه...

قمر ما الها خلگ تجادلها... صعدت بدون كلام

دخلت لغرفتها وهيه تعارك ذبان وجهها...

الخايسه صايره شريفه يمي... دخذي امداج انتي وياه
ميته عليه كتلتي روحج عليه...

اتفاجئت وهيه تشوف علاليك مال ملابس على جربايتها...

استغربت شجابهن لغرفتها...

فتحتهن شافت حجابات هوايه واغلب الوانهن اسود...
وعلاگه ثانيه... ملابس محجبات

يمهن ورقه مكتوب بخط حلو عليها...

هسع ما الچ حجه... اذا طلعتي وما لابستهن اكسرو لراسچ

خطيبج...

قمر شمرتهن فورت اعصابها...خيطو جفنك وخلصوني منك

وهيه تعيب وترجع تقرا رسالته... اكسرو لراسج الحقير

ما اتسمى قمر اذا خليتهن على جسمي...

نزلت وهيه لابسه تراك اسود مخصر عليها...

لگت سمر گاعده ويمها اريج... ارتاحت شويه من شافتهن اريج صح اخت مروه بس الفرق بينهن مثل السما والگاع...

رفعت راسها وفر گلبها من شافته گاعد يباوعلها...

وخرت نظرها منه ومشت گعدت بصف سمر...

سلطان باوعلها گللها... شلونه دوامج

سمر نغزتها بخصرها وشاورتها... جاوبي ولج لتخلين سلطان لو امي يحجون عليج گدام مروه

قمر جاوبت من ورا خشمها وبگلبها تكول اجيت والله جابك ... زين

شاورت سمر... شعنده الزلمه گاعد يم النسوان لو اجه يمتع نظره بشوفه حبيبه القلب...

سمر... لج دخل واتفاجأ هنه موجودات وابتله على عمره چلبت بي ام مروه الا يگعد...

قمر وهيه تباوع لمروه الي الاعمى يشوف نظراتها لسلطان... تلكي ما صدگ يتمعن بهل حوله...
دباعيلها .. الگبر يلفج مسحوله عليه

سمر بتبرير ... من وعت وعينها غير سلطان ما شايفه حقها

قمر لوت شفتها... مو كتلج حوله

راكضه ويه خيل الحمزه وداعتج

سلطان وهو يفر بسبحته وعينه ما نزلت منها يباوع على كل حركاتها ... شدي حيلج حسبي حسابچ 99 ما اريد بلشهاده

الشيخه وهيه تايده... اي يمه هلله هلله بلدرجات الزينه

عينك كلتها ما طايره منك

قمر همست وسمر تسمعها ... تسعه وتسعين شيطان وجني يركبوك ويخلصوني منك

سمر ما گدرت تتحمل... فطست من الضحك

مروه... شلون صارت ايدك سلطان

سلطان وعينه بلگاع... بخير خويه جعلج سالمه

ام مروه... يمه فد خافت عليك وكلساع تتصل تطمن

قمر باوعت لسلطان ورجعت باوعت لمروه...
اتقربت كالت لسمر يتبادلون بلاماكن  صارت بصف مروه وشاورتها...

اگلج مروه... ذاك اليوم رحنه للمول وسلطان وصلنه
واخذلج كم تبديله ونسيت انطيها الج

مروه وهيه ممصدگه سلطان جايب الها هو كلام گوا يحاجيها...

صدك يعني جايبلي...

قمر بخباثه... اي شبيج لعد مو خطيبج ليش مستغربه

مروه وهيه تباوع لقمر بحقد... اي طبعا فوا رحتلو دائما يذكرني

وانتي ليش لعد ما انطيتيناهن وظامتهن يمج...

قمر وهيه بگلبها تكول... هااي چذب وشلتي خشمج هيج
صدك مو وجه نعمه...

حاولت تبلعها حتى تكمل لبراسها...

مو سلطان استحى ينطيهن الج... گدام الكل

فگلي من تصيرن وحدجن يله تنطيهن الها وراد يشوفهن عليج...

مروه وعيونها گامت تطلع گلوب وهيه تباوع لسلطان...

قمر حاصرتها الضحكه...

زين هسه شلون البسهن...

قمر وهيه تباوع لسلطان بتحدي... گومي وياي واني هسه اساعدج
ادللي...

تحاجيها وعيونها بعيون سلطان... الي مستغرب نظراتها وحاس وراها شي...

صعدت مروة او وراها قمر...

دخل ذياب وهو يدندن...

هلا هلا بهل جمعه الكريمه... وهلا بشيختي هلا بلوضحه

الشيخه... وينك يلدايح صارلك يومين ما لافي البيت

اريج ضحكت بخباثه...

ذياب باوعلها... جعلج ضحكتي بلا ضروس

احم شيخه چنت بسفره ويه جماعتي...

گعد بصف سلطان...
عامر نايم بلعسل...

ذياب بضحك  ... لك هذه صاحبك هم چنو سحب علينه

سلطان وهو يلعب بشاربو وباله يم قمر الي صعدت ... ابن الاوادم حتى تليفونو سادو صار يومين

ذياب بنذاله... اگلك انه مشتاگلو وچثير امشينه عليه ورا الغده

سلطان بابتسامه... جبتها نمرلو ونرجع لعامر سرابيت ازوجو ونسونه...

وجه كلامه للشيخه ولسميه... يمه حظرو روحكم بعد يومين نروح للمزرعه ونسوي عزيمه المعاريس هناك...

سميه... اي عاشا ايدك خوش فكرة بس ليش ما نخليها باجر

سلطان بسرعه گال... لا باجر خميس والبنوات عدهم دوام ما ريدهم يغيبون...

سمر كالت بسرعه... لا خل نروح اني واريج ما عدنا محاظرات

سلطان وعينه على الدرج گال... بس قمر عدها دوام

سمر رادت تحجي قاطعها...

وغياب انسي اخليها تغيب...

شويه ونزلت قمر وعلى وجهها ضحكه چبيره او وياها مروه الي مغيره ملابسها ولابسه كوستم بنطرون قماش وستره طويله وحجاب مقارب الهم... وبيدها باقي العلاليگ

گعدت قمر بنفس مكانها...

گاعده ومخليه رجل على رجل وتباوعله بتحدي شافته يباوعلها ابرود وملامحه اتغيرت ...
حست ،راح يگوم يكتلها كدامهم...

وخرت عينها منه وتلهت وهيه تسولف ويه سمر...

ام مروه وهيه تشوف بتها مبدله... يا يمه مريوه منيلج هل ملابس

مروه وهيه خجلانه گعدت بصف امها وشاورتها...

ام مروه بفرح وهيه تباوع للشيخه ورجعت باوعت لسلطان...

يا يمه ليش متعب روحك

ابتسم الها سلطان وهو يخزر قمر... تعبج راحه عمه هاي هديه بسيطه من الشيخه...

مروه اتغيرت ملامحها وباوعت بسرعه لقمر...

شاورت قمر... انتي مو كلتي من سلطان

قمر... شبيج يستحي يگلج كدام الكل، بيناتكم عود مو گدامنه
سمر... والله حاسه وراج مصيبه

قمر وهيه تجيب ضفيرتها لكدام وتلعب بيها
...بعدين احجيلج

الشيخه... سلطان شني هل هدوم وشتكول عمتك

سلطان وهو يعض شفته... حفيدتج ذبحها على ايدي

شويه وشافت سلطان طلع للحديقة ورا طلعت مروه...

قمر مشت حتى لحد ينتبه لغرفه بيبيتها الي اطل على الحديقه...

شافت سلطان طلع جكاره وبده يشربها وهو يفتر واضح من ملامحه وحركاته العصبيه...
وهيه تضحك وتراقبه بتشفي...
اختفت ابتسامتها...

من اجت مروه من وراه خلت ايدها على ايده المتصوب بيها...

اندار بسرعه سلطان من حس باحد...

شاف مروه...

همس بعصبيه وهو يباوع للشباك الي تباوعله منه قمر... الله يصگع راسج ام المصايب

اندارت وگلبها هبط من حست بي دخل وقفل الباب...
........

فتح الباب بلمفتاح الجابه من الرسبشن...

دخل عليها شافها نايمه على الجربايه وبعدها ببدله العرس...

وگف كل غضبه اتبخر جان يتهدد ويتهدد بس يشوفها يبرد گلبه وكل تهديده يطير بلهوا ويتبخر ...

نزع قميصه ودخل بصفها... ضحك وهو يشوفها شلون نايمه وحاظنه روحها رغم كبر البدله بس متغير نومتها...

اتقرب منها شاف اثر الدموع على عيونها...

مد ايده لشعرها يوخر الماشات... شلون نمتي لخاطر محمد وهل بسامبر بشعرج

همس وهو يمسح خدودها ... بلقران مخبوله، وخلتيني وياج مخبول...

سند راسه بايده وبقه يباوعلها جر حسره وهمس وهو يتلمس خدودها وشفايفها...

اوووف منج يولو تعبتيني 

سحبها الحضنه حس بيها تدحس روحها بي اكثر...

ابتسم وباس راسها وغطاها ونام...

گعدت الصبح على عطرو ودفو جسمه... فتحت عيونها شافت روحها بحظنه وشلون مجلبه بي...

غمت روحها... رادت تگوم بدون ميحس

شافته فتح عينه... انصدمت رادت تحجي

عافها وانطاها ظهره...

ضلت تباوع لظهره انقهرت من رد فعله...

بقت بمكانها وتباوعله...

شويه وگام... بدون ما يباوعلها او يحجي وياها

انقهرت بالزايد...

سمعته يحجي بالتليفون طلعت وراه متحب تشوفه هيج يتجاهلها...

فيان وهو منطيها ظهره نزلت راسها بخجل وهيه تشوفه ما لابس شي بس شورت ...
عامر...

عافها ومشا ولا كانو تحجي وياه...

راحت وراه وهيه تسحل ببدلتها... وكل ساع تعثر بيها

گالتله بقهر وهيه تلزم ايده... عامر مو احاجيك

عامر نتر ايده منها وكللها ابرود... هسع خابرت الشيخ نروحلو واطلگج واوصلج لبيت خالج...

فيان باوعت وهيه عيونها انترست دموع ممصدگه هيج يتخلى عنها...
گالتله وهيه تشاهگ... يعني راح تعوفني عادي

..............

صباح الخير، ♥️

كاتبه تستحق الدعم 👇👇

Halak_18