رواية الراقصه والسلطان الفصل الثامن والخمسون 58 - بقلم hour writer 🐆

الراقصه والسلطان
#حور حيدر
#الانستغرام: enghour98
الواتباد: eng_hour

❤️ تابع الصفحه وصوت للبارت فضلا وليس امرا †

#يحلوه مشاركه للبارت ♥️

وإِنباگت مَكاتيبي و دروّ بية احبك !!

الف الصلاه والسلام عليك يا حبيب الله محمد.... وبده صوت الهلاهل يملا البيت...

من نزلت العرايس... وسمر وقمر واريج يساعدوهن كعدن بالكوشات

وحرب الهوسات بدت بين العجايز...

وعموري طفي الگلوب خدها يشع ويه الروب...

جبناهه واجت ويانه وبثوب العرس فرحانه...

قمر وتضحك وترگص ومنتبها لمروه الي تخزرها من اول ما نزلت...

سحبت سمر وگفن بالنص گادم نمارق ...

حر رايد رايته وعايف بنات ولايته...

الحاكم كال هذه العرس منين عمامة شيوخ واهل امه سلاطين...

فيان سحبت قمر وهيه تشاورها وشبه تعيط من الهوسه...
بربج گوميني ارد ارگص

قمر حصرتها الضحكه... ولچ ثكلي انتي العروس الج هيبتج اليوم

فيان برطمت... انجبي وگوميني ارگص وعود اني استحي وانتي تچلبين بيه وهم اگلج لا حبيبتي حبابه

قمر تلوي شفتها ... تتعززين براسي انوب امري لله

شويه وسحبتها قمر حتى ترگص...

وفيان عود متقبل...

قمر بدت تعصب حچت بتهديد... يله حبيبي گومي ويانا

فيان وهيه عود خجلانه... حبيبتي ما اگدر

قمر دفعت ايدها... طبج مرض لعد

سمر شبعت ضحك...

قمر... هو اني خلگي بخشمي وظاله تتعاير عليه

وبقت فيان تتوسل حتى ترگص...

گامت الشيخه من مكانها وتوجهت للعرايس وبيدها عليه...

لبست كل وحده سيت ملاوي... مبارك عليچن يمه

فجأه اتحولت الهلاهل لعياط من علا صوت الطلق...

قمر تحاول تهدي بيبيتها... الي تريد تطلع

ورا فتره اختفى صوت الطلق...

حست بنغزه بگلبها وهيه تسمع عامر يصيح سلطان اتصاوب...

الشيخه گامت تصيح... يمه وليدي ولكم جيبولي سلطان

مروه رگضت للشيخه تبچي... شيخه اتصوب الغالي

يمه حزام ظهري... وليدي

والنسوان كامت تعيط... وسمر تبچي

قمر انقهرت عليه وحست بذنب لان چانت تدعي عليه برغم كل شي بينهم بس ما اتمنت يصيرله شي مو زين

وهيه تكول بگلبها... والله مو من گلبي ادعي عليه

سميه تخابر عليهم محد يرد...

شويه ودخل ذياب هدومه متربه وبيده اسلحه...

رگضت عليه الشيخه... ولك شبيه سلطان

وليدي وينه

ذياب... جده ما بي شي اتصاوب بيده وخذو للمستشفى

الشيخه... خذني اله هسع اشوفو بعيوني يله ارتاح

ذياب... جده ما

دخل ابو عامر وراه وهو يحچي بلتليفون... اگلك صوبو سلطان تگلي گوامه...
غير دم قاسم ما رايد وابنك غريمي هسع واين ما الگاه انه گتالو

وسده...

سميه... شصاير ابو عامر وسلطان وينو

ابو عامر بعصبيه ...هذه الخسيس قاسم لامله جم واحد لفو

الشيخه وهيه ادگ على رجليها وتبچي... جيبولي سلطان اريد وليدي

فيان من سمعت بابن عمها هو السبب... نزلت راسها وحصرتها الخنگه وهيه خجلانه منهم ومستحيه لان هيه السبب بلصار كله
...

ابو عامر... يمه سلطان زلمه طفل تبچين عليه
ما بي شي يمه هسع خابرته جاوبني وعين الله عليه

بعد كم ساعه...

بلمستشفى سلطان وهو لازم ايده الملفوفه ومعلگه برگبته... يله كل واحد ياخذ مريتو وينگلع

عامر وهو منزل راسه وساكت من اول ما اجه ... شعوفك والصار بيك كله مني، والقران لاكتلو هل خرگه

سلطان...ما الك خص انته، يول كل شي بوكتو هسع روح لمرتك وما وصيك عليها وانته الثاني يله ولي منا مليت من وجهكم

حر وهو يباوع للولد ... عگلو طار الولد

فيصل الي ما عاف سلطان لحظه وحده وشاله بسيارته وداه للمستشفى گله باستفزاز...

بلعكس هسع اشتغل عگلو انه اول واحد رايح اخذ مرتي

سلطان ابرود...اگلك حر ابو خالد عندو خوش ولد

فيصل بعصبيه ... لانعل ابوه لابو ولدو السرابيت

حر ضحك...ولك استر علينا هسع

سلطان بتعب... حاجزلكم بفندق يله البنيات ينتظرنكم وانه هسع جايني ذياب يوديني للبيت ما بيه شي

حر... ما عوفك لحد ما تطلع ويانه

........

حبيبي... اهده مو شفته الحمدلله اصابته مو خطره

حر وهو يسوق ويغلي على صديقه...

نمارق وهيه تحظن جف ايده بايدها وهيه تدري بي اذا يتعصب يصير بارود... حررر
گلبي...
ابو حرب...

حر باوعلها وابتسم ... عيونو

نمارق... اكرهك

حر... افه ليش

نمارق وهيه تلعب باصابيع اديه وتكله بدلع...من صعدت لهسه لا اتغزلت بيه لا دلعتني لا باوعت بوجهي رجعني لبيت اخويه اذا متريدني

حر رفع ايدها لشفايفه يبوسها بعمق ... ول بويه ابقي زعلانه وثگلي الزعل وانه اراضيچ بطريقتي...

ستري على زلمتج خليني اكمل دربي هسع

نمارق بزعل... هسه اني شكلت

وگف السياره گدام الفندق الحاجزه...

نزل حر فتح الباب لنمارق ساعدها تنزل وعدللها البرگع اتاكد ماكو شي طالع منها...
لزم ايدها ودخلو...
صعدو للغرفه اول ما فتح الباب شالها حر...
شهكت نمارق بتفاجئ ولفت اديها على رگبته...

يمممه حر نزلني...

سد الباب برجله... مشا بيها حر وهو يباوعلها ويبتسم

الله يعينو لگليبي...

ول يشمامه روحي... ما مصدگ لهسع انتي بين اديه

وايدچ الحلوه بيديه...

نمارق بخجل وهيه كوه تشوفه من البرگع... حر اختنگت نزلني

ماا نزلچ يأ عگلو وگلبو لحر

ضيعتچ مره من اديه... وچانت غلطه عمري

وهسع رجعلي عمري برجعتچ...

نزلها على الجربايه وكعد بصفها... مد ايده فتح البرگع وشمره

همس وهو يعض شفته... اشتعلت روحك صادق مو بت

مد ايده لشعرها...

اووف يا هواچ العم عَلية...

نمارق بارتباك... حبيبي عوفه اني افتحه

حر وهو بغير عالم ... لا تحاجينو لحبيبج اليوم

حر سحبها اله ودارها عليه بحيث ضهرها صار اله... بدت يفتح شعرها...
همس وهو يدحس راسه بشعرها...

سَير يا هَوى الله صويحبك غَرگان ...

مد اديه حظن خصرها وسحبها اله اكثر... وراسه بشعرها

همس بخدر وتعب وهو يشم بشعرها ومغمض عيونه...

نمارق ونفسها زاد بلمستا همست... حر

گللها...

چانن ثيابي گبل علي غربه قبل جيتك...

شكثر اتعذبت بحبچ... شكثر روحي فرفحت عليچ

احس هسع تعب السنين راح...

شفتچ بذبچ الليله يلكحيله و علگتي گليبي ... لوعتني بحبچ

حلفت على غير متنچ الترف ما نام...

نزل شعرها على متونها گام يوزع بوسات على شعرها...

گربي اكثر مني... همس باذنها

ورده سگيتها من دمع الجفون... وصارت بالحسن فتنه للعيون

.....
عامر من اخذ فيان من بيت اهله... وهيه ساكته وهادئه عكس طبعها....

وصلو للفندق نزلها دخلها للغرفه...

طلگني...

التفت عامر... شنو

فيان بهدوء رفعت البرگع وهيه منزله راسها ... طلگني

عامر بعصبيه نزع الرباط وشمره ونزع الستره... رجعنه لحجي المزعطه

فيان بنفس هدوئها... اني ما رايدتك من البدايه وراح اسافر وكل واحد يروح بطريقه

عامر فاار دمه من كلامها... مشا الها
لج انتي غبيه... زعطوطه م

دارها عليه رفع راسها بايده... سكت وهو يشوف الدموع ماليه عيونها وتناشغ...

اخذ نفس واستغفر الله گللها... اي ليش تبچين

فيان وهيه تناشغ... راد يموت بسببي فدوه عوفني خل اسافر ارتاح واريحكم مني

عامر حضن وجهها بيده گللها بحنيه... وانه

رفعت عيونها الممليه دموع اله...

كمل... انه المن عايفتني

گلتله وشفايفها ترجف... انته هم تخلص مني ومن همي

سكتها وهو يكللها... انچبي الله يصگعو لراسچ الصغير

فيان وخرت اديه منها ... عامر اني قررت طلگني ليش تتحمل هل مساكل بسببي

عامر عاط بيها ... لتخليني اتخبل عليچ هسع

انه هاويچ افتهمي...

وهل سگط قاسم انتي مالج خص بي

عافته ودخلت للغرفه وقفلت عليها الباب...

عامر يمسح وجهها يريد يهدي روحه...

فتحي فيان

طلگني يله افتح

فيان بلقران اذا فتحتو لاكفخو لراسج بلحايط

.............

نزلت بلليل...

شافت بيبيتها بلصاله گاعده استغربت...

قمر... بيبي شعندچ لهسع گاعده

وضحه... يمه ارد اصعد لسلطان گلبي شاب عليه وما بيه

قمر وهيه تشوف شلون خايفه عليه... بيبي رجعي نامي هسه نايم هو والصبح شوفي

وضحه وايدها ترجف... يمه صعديله انتي شوفي خاف جوعان عطشان...

قمر بگلبها هسه اني شنزلني... بيبي حبيبتي تلگي بسابع نومه من العلاج

الشيخه بعصبيه وهيه ترفع عوچيتها... صعدي شوفي ابن عمچ يمعثوره لا اكسرها

قمر وهيه تبعد... رايحه رايحه ابتليت بي اليوم

الشيخه... شتبرطمين ولج

قمر طنگرت وهيه تصعد... ما گلت شي صاعده

اندارتلها... بيبي سمر گاعده حگللها هيه تشوفه خطيه خاف يريد شي ويستحي مني...

الشيخه وهيه ... صعديلو

صعدت قمر وهيه تغم بروحها شنزلها... وصلت لغرفته وهيه گلبها يدگ بسرعه وتحس بطنها انمغصت من الخوف...

بقت واگفه وتفكر ادخل لو لا... اخر شي گالت وهيه تشجع نفسها

هسه قابل راح ياكلني اشوفه واطلع هسه اكيد بسامع نومه ...

فتحت الباب لگت ضوه خافت...

دخلت وهيه تمشي على كيف مثل الحرامي وگلبها يدگ بسرعه ...

عگدت حاجبها وهيه تشوف جربايته فارغه...

شتسوين هين...

شهگت واندارت بسرعه لصوته الي اجه من وراها وايدها على گلبها...

شافته واگف وراها... كامت تمتمت متعرف تجمع كلامها من الصدمه

اني... الشيخه، اقصد

سلطان وهو يباوعلها ... اشش جيبيلي مي

قمر وهيه تغم روحها شمالني انربط الساني گدامه... انطته المي

رادت تطلع...

دحگيلي...

باوعتله... هاا

گللها بهدوء... ليش اجيتي

قمر... احم بيبي ضل بالها عليك وگاعده بالصاله گالت شوفي

فز اول ما سمع... تعاي وياي

نزلت وياه... شافته شلون راح لحظنها وباس ايدها

الشيخه بحنيه وخوف... يمه ليش نزلت بس لا هل مصگوعه گعدتك

قمر رفعت حاجبها... فوگاها انوب

سلطان وهو يباوع لقمر ... اي يمه لمست ايدها ثگيله على جتفي وگعدت

الشيخه... مصرگعه مو متاذي لوليد

قمر فكت عينها همست... كسر بجتفك يجذاب

قمر بدت تتسحب منهم...

امشي سويلي عشا جوعان...

قمر باوعتله وعضت شفتها بقهر... اصبر كم ساعه ويصير الريوگ مو زين عليك تاكل بلليل....

الشيخه بعصبيه وهيه ترفع عوجيتها... امشي ولج سويلو اكل

قمر تخزر بي وهو يبتسم الها باستفزاز... همست وهو سمعها
سمم

سلطان صااح... اذا طعمو طيب اكلو من اديچ

بعد يومين... واليوم اول يوم دوام لقمر نزلت الصبح وهيه لابسه ملابس المدرسه رادت تطلع...

وگفها صوته...

گربي هين...

التفتت شافت سلطان گاعد بلصاله وحده...

قمر رفعت حاجبها وهيه واگفه بمكانها... نعم

سلطان وهو يباوعلها من فوك لجوه ... ردي لبسي حجاب يله تطلعين وهل صدرية تنزع

قمر بدون اهتمام... لتدخل

سلطان باستفزاز وثقه ... منا وجاي محد يدخل بيج غيري

قمر ضحكت... هههههااي حلوه هاي وبصفتك شنو تدخل

سلطان ابرود وهو گاعد مخلي رجل على رجل.... خطيبتي

قمر ضحكت باستهزاء وهيه ممصدگه... يمكن مضروب براسك مو ايدك

سلطان بابتسامه بارده واستفزازيه... گربي هين وتاكدي

قمر تدري سلطان ميحجي شي بدون ميعني بدت تشك ... انته شكاعد تحجي شنو خطيبتي

سلطان وگف اتقدم منها... من هسع انتي مالتي والي اگولو تنفذي بالحرف الواحد

قمر لحد هسه ممصدگه رادت تعوفه وتروح... لا انته مو صاحي

سلطان لزم ايدها وهمس الها... دحجيلي هين ولتصدين عني اسئلي ابوج وامج كلها تعرف انتي صرتي الي

قمر بقلت صبر تريد تسحب ايدها جسمها بده يرجف ... سلطان وراي مدرسه مفارغتلك وخر

سلطان... ماكو طلعه

قمر بعصبيه وعناد... لا بله

اي بلله

شبيك اتخبلت انته اشو اطلع وزلمه ليگدر يمنعني

سلطان... احجي حچي بگدچ وهسع صعدي لبسي حجاب يله اطلعين وغيري هاي وهو يلزم صدريتها

قمر وهيه تعض شفتها بقهر واعصابها بدت تنهار عقلها يفكر بكلامه مستحيل يسويها...انته متجوز مني ما عندك غيري يا اخي فك ياخه مني

سلطان يباوعلها ابرود... حسج ميرفع عليه يله گدامي فوگ ماكو طلعه

قمر بعناد... ما اصعد وما ابدل وغصبا عليك الا اطلع

سحبها من ايدها لغرفه جده والشيخه...

عگلو هل مخبوله... وطلعه ما الها الا تلبس حجاب

الجد... شبيكم بويه

قمر عاطت... شوف بعينك هو شله دخل بيه مخلي خشمه بكل صغيره وچبيره تخصني

سلطان ضغط على ايدها بقوه وگلها بتهديد... حسج لا اطيحو لحظچ

الجد... سلطان هد البت

سلطان اخذ نفس او وخر ايده منها...

حدري هين...

گال الجد وهو ياشر بيده علتخم بصفه...

قمر خزرت سلطان ومشت لجدها...

گعدت بصفه... جدو گله ما اله شغله بيه

الجد... ما يصير هل حجي بويه سلطان هسع خطيبچ

قمر انقبظ گلبها حست بواحد... تشاقه جدو مو

الشيخه وهيه تباوع لسلطان... انتي بنيتنه ولگيناچ بتالي العمر وما شاء الله خطابج كثرو وابوج ما يريدج بعيده عنو... ويزوجج للغريب وابن عمج اوله بيج

قمر اتخبلت صاحت... منو گلكم اريد اتزوج اني

ابو ناصر... بويه انتي حديثه وكل بت تاليها تتزوج...

ما تزوجون هسع بس انتي لابن عمج

قمر والصدمه شلتها باوعت لسلطان الي ما نزلت نظراته عنها... ما اريده

الشيخه بعصبيه... قميره سلطان ما ينرد ولو بيدي لاخذلو الي تعشگو وتتمنى رضاه

قمر باوعتله ورجعت باوعتلها وگالت بقوه... اخذيها اله

حفيدج ما اريده ابقى عمري كله بدون زواج وما اخذه

سلطان تغيرت نبرته گللها ابرود ... اخذج غصبا عليج لو اخذ عشره فوگاج هم تبقين اليه غصبا على خشمچ

الجد صاح...

..........

صباحكم ورد ❤️