رواية الراقصه والسلطان الفصل الثالث عشر 13 - بقلم hour writer 🐆

#السلطان والراقصه
#حور حيدر
#الانستا:enghour98

عدنان اول مشافني ...عاط بيه
طلعي بره لا اجنزج هسه شدخلج هنا ،، وانتي اللصمي لج ويريد يضربها راجدي ...

سحبت السجينه من صدري الي متفاركني من اني صغيره ... كتله اذا اطخها اموتك هسه والله ياا عاار كووم منهاا...

...كتله واني بهل لحظه اريد انهش،لحمه بيدي من كد ما كارهته وكارهه اليوم الصار بي ابويه

كاام يباوع ع السجينه وعليه عيونه ادور بينه ويرفع نفسه عنها وهو يباوعلي ...

صحت بي ...

عدنان وهو يباوعلي ويمسح بايده على صدره ...
قمر لدخلين نفسج، ادفنج والله ابمكانج

من شفته گام كتلها ...گومي بسرعه طلعي

محسيت الا بادين لميعه لازمتني من ظهري وجتفتني
...

هيي بربو# مو كتلج لتدخلين، عدنان الزمها لا تنهزم

واني اتلاوه وياها وبعكسي اضرب على بطنها اريدها تفكني والسجينه بعدني لازمتها بقوه لان اذا عفتها أمر البنيه انتهى وضاعت ...

كتلها واني گلبي احسه ناار صاير ...ربي ليش أني اول بشر يحمي الناس،من اهلها ...ربي شمسويه عندك وانطيتني هيج اهل ....

كمت اعيط وأني اضربها بكل صوتي ارد اخلص روحي منها ...

وج عوفيني يلمحسوبه عليه أم ...وج گلبج هذه ميرف عليها وج وين الامومه العندج انتي ...اذا انتي ما عندج شرف ليش تضيعين شرف لبنيه ...

لميعه بتهديد وهيه تتنفس بسرعه وتحاول تسيطر على قمر لان هيه اضخم منها جسديا ...

بلا لغوه زايده ولدخلين نفسج بكل مره ...هم مدخله نفسج بشغلنه وهم متقبلين ترگصين خليهن هنه يشتغلن لعد ...

دفعتها ورفعت السجينه عليها صحت بيها ...ابعدي  عني ...

صرخت وخرري لدوسيني لتوصخيني مثلج
رفعت اديها لگدام

عدنان لزم البنيه من شعرها عاطت اول ما لزمها خله ايده على حلكها وشمرها على الجربايه وصار فوكاهه ...

لبنيه روحها فرفحت بيده تريد بس تفك نفسها وتجر النفس وجهها صار احمر ...

وهذه العار يصيح بعصبيه ... لج لميعه خابري الحراس خل ياخذونها ام الشرف بنتج ...اليوم اله يعلموج الشرف شلونه واحد واحد ... اخليهم يدوسون شرفج بلقندره ...

كتله وجسمي گام يرجف واني اوجه السجينه لرگبتي خليتها على نحري ...

لا انته ولا جلابك تكدر تمس شعره مني، اذا متركتها أموت روحي هسه...

وتدرون كلش زين اذا صار بيه شي كلكم تنكتلون مثل الجلاب وشوف منو اليركص للباشا مالتكم ...

كامو واحد يباوع للثاني بخوف ويعرفون اذا كلت شي مأ اخاف واسوي لان ما عندي شي اخسره لان ماكو شي خلاني احافظ على نفسي بين هل حيوانات الا قوتي...

وخر ايده من حلكها ...وكام وهو يباوع عليه ويحجي بتحذير والخوف واضح عليه ...
منيلج هل حجي وشعرفج بلباشاا

اجه يتقرب مني ...ضغطت بايدي ع السجين بقوه واحس انجرحت رگبتي من كد منبتت السجين ...
عطت بتحذير ...

اوگف بمكانك عدنان ... اي اعرف كل شي ليش مستغرب اذا اني عايشه ويه ثعالب فلازم اصير مثلهم ...اعرف بلباشا مالتكم الساقط مثلكم الي يسوي صفقات ع البنات للسياسيين واخر صفقه والبيها الهبره الجبيره على كولته صارت عليه ...واذا صار بيه شي راح يمحيكم ...
فهسه اذا معفتها تروح لا أكو صفقه ولا اكو قمر بحح اثنينه ...

لميعه وهيه تلزم ايد عدنان وشاورته ورجعت باوعتلي وگالت
...ماما قموره شلون ترضين يصير باهلج هيج ،ونتي تعرفين هذه شغلنه ولي من وراه معيشيج احسن عيشه واحسن لبس وبأرقى مناطق أبغداد ...

ضحكت بعلو صوتي من قهري و من گلبي ودموعي كامت تنزل ...عن اي اهل تحجين انتي،مقتنعه بلتحجي،

عيشتكم حرام ولو عندي مكان ثاني والله ما اتردد لحظه اعوفكم وخلي الفلوس،تفيدكم،

مو انتو التردون تبيعوني مو انتو السعرتوني وسعرتو جسمي علمود الفلوس  ...

احس اختنگت وصوتي انبح من العياط ... والله لو تبقى ثانيه بعمري هم ما اعتبركم اهلي ولا يوم اصيحلكم ماما وبابا لان حرامات بيكم ...

عدنان گوه لازم نفسه لو بيده يملخني اعرفه بس لازمته من ايده التوجعه اعرفه اكثر من نفسه يموت مني ...

گال وهو يباوعلي بحقد ...باعي لج ترگصين اليوم وتسهرين ويه الزبون اعوفها تولي، بقيتي على لسانج وصلافتج وعنادج ...
تعرفين شراح يصير وهو يباوعلي من فوگ لجوه ويضحك بحقاره ...

قمر واني اباوعله باحتقار ... وشنو الضمان مراح تعوفوهه بعد ما اسوي التردو ...

لميعه كالت ...اذا رَضيتي الباشا نعوفها ولو خساره للشغل بس لخاطرج اول متكمل السهره ونضمن رضا الباشا بيدج اخليج ترحين ويه الحرس توصليها ...

ا

لبنيه كالت وهيه تبجي ومرعوبه ...فدوه رحتلج خل يعوفوني والله اهلي يموتون اذا صارلي شي،

قمر وبعد ما عندي طاقه اكثر حتى اواجهم ...لويش متعوفيها هسه كتلج راح اسوي التردي

البنيه كالت وهيه تبجي ومرعوبه وتلف ملابسها تحاول تستر نفسها ...
فدوه رحتلج خل يعوفوني والله امي تموت اذا صارلي شي، اهلي مالهم غيري وامي مريضه عايشه على الدوه  متتحمل رحت اجيبلها الدوه وخطفوني واذا طولت گلبها يوكف ...

عدنان صاح بيها ...كاافي انجبي بلا نوح وعياره طبج مرض انتي وامج، مترجعين لحد ما تخلص سهره اليوم، وبعدين وين متولين ولي ...

كتلهم واني ائاشر بلسجينه للباب ...طلعو بره اثنينكم ورجلكم متعتب لهل غرفه لا انتو ولا اي واحد من جلابكم ،

واني اباوعلهم بقوه واستصغار ...

واول متخلص القذاره مالتكم تتركوهه واذا تسوون لعبه لو لوفه والله افضحكم واصير احقر منكم واخلي الباشا مالتكم يحركم بگاز وصخ ...

عدنان عااط وهو يريد يهجم عليه لزمته لميعه بسرعه وهيه تهدي
..عدنان كافي يا عيني منريد مشاكل 

فاتو من يمي وعدنان من صار گدامي همسلي بتوعد...سهله قمر سهله ...الج يوم تصيرين اليه و توگعين جوه ايدي وبيومها مراح ارحمج

سحبته لميعه وطلعو ...واني واگفه بمكاني ارد استوعب كلامه شكد جنت اشك واقرف منه من اشوف نظراته اليه وحركاته ...

بس هل مره اتاكدت هذه مستحيل يكون ابويه لو شكد مجان حقير وخسيس بس مو توصل لهل كلام ...
وحتى لميعه ما احس،بيها امي بس مرات اشوفها تحن عليه وتحاميلي من عدنان ...

صحاني من صدمتي صوت البنيه وهيه تلزم ايدي تريد تبوسها ...وخرت ايدي بسرعه

كتلها بصدمه ...هااي شدا تسوين

كالت وهيه تبجي ...خل ابوس ايدج فدوه، هذه اقل شي ، انتي متدرين شنو سويتيلي مو بس انقذتي حياتي ، ساعدتي امي وابويه لان همه مرضه واذا صار بيه شي يتبهذلون،الله يسعدج بحياتج، وينصرج على ذوله الحيوانات...

كتلها واني احظنها كتلها ...

حياتي من اليوم انتهت بعد هل ليله مستحيل اشوف السعاده يجوز هاي اخر ليله بحياتي ...

كالت بضعف وتوسل ...كله من ورايه اني شجاني طلعت لو الله اموتني ولا طالعه وصار الصار ...اصير خدامه جوه رجليج بس لسلميني الهم بعد ...

قمر بهمس وبصوت تعبان... كافي لتبجين وتصيرين ضعيفه مالج شغله اني اهلي مجرمين انتي ما الج ذنب ...

باوعت لملابسها مشككه من وره هذه الحيوان ...
راح اجيبلج ملابس من عندي لبسيهن وابقي بلغرفه لليل تقفليها عليج ومتفتحين لو ينهجم البيت لحد متسمعين صوتي ...بساعتها اخذت واوديج لاهلج

عفتها ورحت للباب اخذت المفتاح وانطيتلهيا بيدها ...
گتلها قفليها بين ما اجي ...جبتلها ملابس، وأكل

ورجعت للغرفه قفلتها ...

#السلطان والراقصه
#حور حيدر
#الانستا:enghour98