رواية الراقصه والسلطان الفصل الثاني عشر 12 - بقلم hour writer 🐆

#الراقصه والسلطان
#حور حيدر
#الانستا:enghour98

كاعده بلسااحه لامه رجليه لصدري وافكر بدنيتي شنو راح يصير بيه اكثر وين راح توديني الدنيا ...

وشنو تاليتي معقوله اصير مثل لميعه معقوله يبيعوني واصير سلعه ، احلامي ، روحي ، جسمي واتوصخ و اصير قذره مثلهم ...دموعي تجري كمت اشاهك وضامه راسي بين ركبي ...
واهمس بضعف
...لا لاا مستحيل والله اموت روحي وما اصير مثلهم

اتذكرت مره زينب صديقتي شافتني منهاره وجانت هايه اول مره تشوفني بهل حاله بعمري مخليت شخص يشوف ضعفي لو دمعتي او اشكي لاحد برغم زينب اعتبرهه اختي بس هاي الدنيا بكد الشفته منها كمت ما اثق بس بروحي الكل معتبرني قمر القويه والجريئه ام لسان وهل شي مريحني ....

كلتلي من تضيك بيج الدنيا سلمي امرج لله واشكي اله الي متكدرين تشكي للبشر ...الدعاء افضل علاج يريح قلبج وروحج ...

مجنت اعرف شنو معنى كلامها ...
رفعت راسي للسما واديه وابجي من حركه كلب ...

اللهم انت حسبي في ظلمتي ..

وانت حسبي في من اذاني ..

وانت حسبي في من خذلني ..

فحسبي بالله وكفى بالله حسبيا ..

نزلت اديه ومسحت بيها على كلبي ...لان احسه ناار كايده تاكلني شويه شويه

ويه كل كلمه انطقها تزيد دموعي ...واحس كلبي ينظف من همومه ...

دك الجرس ...
شفت زينب اجت من الحانوت مسحت دموعي واخذت نفس اريد اهدي نفسي بسرعه وعدلت كعدتي ...

زينب بتعجب وهيه تلف حجابها... وج ليش مدخلتي لدرس الكيمياء بعد منو يشرحه الج

قمر وصوتها مبحوح من البجي وهيه تكوم وتنفض صدريتها ...اووي مالي خلك اشوف خلقه حذاء بنهايه الدوام ...

زينب وهيه تضحك بصوت عالي مكدرت تسيطر ع نفسها ...عززه بعينج ياا حذاء ولج اسمها حذام ...حذام والله لو تسمعج

قمر وهيه ترفع حاجبها واديها ع خصرهه وتحجي بقوه... حذاء قندره متهمني وخل تسمع ميهمني..

زينب بإعجاب واضح ... وج هو شخبل حسام غير وكاحتج هايه وعنادج

قمر والضوجه بينت على وجهه من ذكرت اسمه وتوترت وسوت نفسها تلعب بضفيرتها ...
زينب كملت من شافتها ساكته وهيه تجاول تحنن قلبها على اخوها ...

وتالي وياج مو تدرين بي يحبج من زمان وكتل نفسه حتى بس توافقين عليه وتزوجيه مو خطيه والله صار كم سنه من اتخرج والوياه كلهم اتزوجو وخلفو وهو منتظرج شوكت تحنين عليه ...

قمر بحده وبقهر ...زينب فدوه سدي الموضوع وتدرين شنو جوابي وكتلج الموضوع منتهي من اول ما اعترفلي الله يوفقه ويه غيري ... اني ما افيده ليش يتعب نفسه واني اتحمل اللوم والذنب من يمج ومن حسام ...

زينب وهيه ملت من كد متحجي وياهه بس شتسوي اذا قمر عنيده فاخوهه مثلها واعند بعد يحبها من جانت اول متوسط وهو جان طالب جامعه ...

يوميه ييجي للمدرسه بحجه ياخذني وهو يكضي الطريق عيونه متفاركها ومن ارجع للبيت لازم تحقيق عن اخبارهه قمر شحجت قمر هم جابت طاريي ...
لحد ما اتخرج ودخل دوره ضباط ...

وما بطل العاده اول مينزل ينتظرهه اباب المدرسه ...واذا ما اجت يوم مينام بي وكل ساع يخليني اتصل عليها لو من يصعد للدوام يتخبل علينه ...

والله مرات احسدهه على حب حسام الها لان مشايفه شخص يحب شخص بهل شكل
والمشكله انو قمر ولا يوم انطته وجه او جاملته بكلمه دائما حديه وياه ولسان ...
بس هو كل هذه يزيد حبها يكول اخذهه واني ابتلي بلسانها ما الكم دخل بيها ...

يكلوله وكحه ...يكلهم خل تتوكح عليه عسل على قلبي
لحد يدخل غير قمر ما ااخذ انتظرهه تكمل سادس ونتزوج ...
امي يوميه عركه وياه تريد تخطبله ميفيد اخر شي يعوف البيت ويطلع ...

وامي مره من كد متعبت وياه كلتله خل اشوف لمخبلتك هايه اجت للمدرسه وشافت قمر طبعا جانت ناويه تتعارك وياهه بس اول مشافتها انعجبت بجمالها لان قمر مشا الله اسم على مسمى الشعر بني فاتح يصير اشقر بالشمس والعيون لوزيه مكحله ...

والشفايف صغار وعدهه خدود تخبل ورصعه بالخد الأيمن زايدتها جمال بضحكتها ...

حاجتها امي وكلتلها اريد اخطبج لحسام واريد احاجي اهلج ...
طبعا قمر ابساطه كلتلها ...طلبج مرفوض
وعافتنه وراحت وهل شي اكدلي اكو سر بحياه قمر
امي بيومها اتخبلت من اسلوبها ورجعت للبيت وكامت تحجي على حسام ...

وكلتله تاخذ بت خالتك وهايه متدخل البيتي

ولي خبلها اكثر وخلاهه تكره قمر اكثر ...
عصبيه حسام الي كللها ...منو كلج ترحين الها وتخطبيها مو كتلكم هل موضوع يخصني قمر تخصني ما الكم دخل بيها ...واذا احد ادخل بعد لو حاجه قمر حجايه وحده اعوف البيت وبعد متشوفين وجهي ...

طلعنه اني وقمر من المدرسه بعد ما مليت من الحجي وياهه ...طبعا رغم كل هذه بس ما اكدر اكرهه لان مواقف قمر ويايه اخت متسوي لسوته اليه ...

قمر ...اول موصلنه للباب شفت حسام لابس نظارته و منتجي ع سيارته ومجتف اديه لصدره بزيه العسكري موعد نزوله بعد 4 ايام اكيد المخبل شرد مثل كل مره ...

اول ما اشوفه كلبي ما اكدر اسيطر عليه احسه يعوف جسمي ويروحله من كد ممشتاقله ...
بس عشقي اله مستحيل ...كل يوم اموت االف موته من اشوفه واشوف لهفته عليه ...وميدري وره هل صد والقسوه وجع وقهر لان لو عرف منو اني ومنو اهلي اكيد راح يكرهني ...

لو يعرف ابويه عدنان الي لازم يحميني ويكون سندي ويحفظ شرفي
... يباوع لبنته باوصخ نظره ،، نظراته ادمرني
وامي الي تبيع جسمي للي يدفع اكثر
...ذؤله اهلي وهذي اني مو الملاك الي شايفه ولي حبه وكاعد يحارب على موده ...

زينب يوميه تحجيلي عنه وعن حبه تريد تحنن قلبي عليه متدري اني اموت الف موته من تجيب طاريه ...
بس شتريد اكله ...اكله موافقه ازوجك وذوله اجداد اولادك بكل فخر ...

حيحبني بلبدايه بس بعدهه ، راح يعايرني بيهم وراح يكرهني ماا اريد اوصل لكل هذه خليني بعيده خلي عذابي بيني وبين قلبي...
ميدري اني يوميه اعد الليل ثانيه ، ثانيه حتى اكعد واشوفه حساام ، حسام هو ملاك حياتي هو نوري بهل ضلمنه الاني بيها ...

هو الشي الوحيد المصبرني ع الاني بي ...مجرد اشوفه من بعيد اشوفه بخير هذه كافي لكلبي ، واكيد راح ييجي يوم ويمل مني ويتزوج وينساني بس المهم يكون سعيد واكيد راح افرح اله ...

كلت لزينب باي ومشيت بسرعه وسويت نفسي مشفته
امشي بسرعه واحس حركه ورايه ...
والخطوات دا تقترب مني اكثر ...
لحد مصار بصفي باوعتله يمشي واديه بجيبه وعلك نظارته بقميصه ...

همس اليه اشكد احاول اسرع خطواتي هو اسرع ...
معقوله الوكح مالتي ما اشتاقلي ...

اتجاهلته واني اعصر أصابعي بجفي حتى لا اضعف ...
رجع همس بنفس النبره الحنينه والمهمومه...
لعد شبي المصخم مالي اول ما اعوفج اشتاقلج ...اووف لو اصير بقساوه قلبج الوكح

وكفت واني اباوعله شفت الفرحه بعيونه واضحه كلش ... احاول ما اضعف كدام عيونه بنفس نظراتي الممهتمه الي ابينهم اله وبنبره عصبيه ...
حسام اتوقع انته جبير وواعي بما فيه الكفايه حتى تفهم كلامي ...الف مره كتلك ماا اريد ومراح اتزوجك فحركات المراهقين بطلها ...
وما اتوقع اكو شي من كلامي ممفهوم ...

درت وجهي بسرعه لان دموعي نزلت ما كدرت اشوف نظره الكسر والضعف بعيونه ...

بقه واكف ابمكانه وملحكني وهمس بنبره وجع ...
حسي بيه لخاطر محمد مو راح اشيب وكلبج القاسي لهسه ما حن عليه مو كاافي صد مو كافي كبرياء مو كاافي غرور ...

حسي بيه يبت الناس تره ذنبي بركبتي اذا اجيتج بلتابوت وبقيتي انتي بنفسي وبروحي بقيتي انتي غصه بكلبي ...
...ذنبي بركبتج حجاهه وحسيته ابتعد

كمت اشهك وايدي على كلبي يوجعني من كلامه ...واني اهمس عسى يومي قبل يومك ...اسفه والله اسفه مو بيدي ما ريد انزل من نظرك انته الوحيد ماا اريدك تعرف ...

امشي ودموعي تنزل وحدهه ...اووف شكد صايره دمعتي رخيصه ...
وصلت لمعتقلي ...شكد اتمنى ما ادخله اتمنى احركه هو والبي ...وانقذ الناس من هل قذاره

دخلت كبل لغرفتي وقبل لا اقفل الباب وكفني صوت عياط بنيه ...ذبيت جنطتي وطلعت وكل ما اتقرب يزيد صراخها وستنجادها ...
صعدت فوك شفت لميعه واكفه كبال غرفه ركضت الها ...ارد افتح الباب
عاطت بيه ...امشي يمعزايه وين داخله

عطت بيها ...شنو طرشه انتي متسمعين لعياط شكو بلغرفه ...
واكفه وساده الباب بطولها ...وكالت وهيه اطك العلج
شغل متعرفين يعني وحده كح### مسشترفه براسنه وكاعد يربيها عدنان ...

قمر اتخبلت والبنيه صريخها دا يزيد بهستيريه ...وتصيح فدوه عوفني اذا تحب الله عوفني
وتصرخ ...يااا علي اني بشده ياا علي اني دخيلتك ،اااه يمه ،

وعدنان بكل قذاره يكلها ... لو ينزل ## اليوم ميهدج من ايدي برب###

محسيت بروحي الا واني ادفعها من الباب وافتحه ...
شفت منظر لو ميته ولا شايفه هل منظر بنيه صغيره بكدي تقريبا وجهه كله كدمات وملابسها مشككه ...
وعدنان فوكاهه يريد يغتصبها اول مشافتني ..
ومبين عليها تريد تفقد الوعي تعبت من الضرب والمقاومه ...دخيلج ساعديني موتيني بس لتخلي يقترب مني ...

عدنان اول مشافني ...عاط بيه طلعي بره لا اجنزج هسه شدخلج هنا ،، وانتي اللصمي لج ويريد يضربها راجدي ...

سحبت السجينه من صدري الي متفاركني من اني صغيره ... كتله اذا اطخها اموتك هسه والله ياا عاار

☆ خل يطفالي كل شي ولا ضوه عيونه .. 🍂🥀
#الراقصه والسلطان
#حور حيدر
#الانستا:enghour98

_جمعه مباركه على الجميع❤

انشالله حيطون التنزيل 3 بارتات بالاسبوع ❤