رواية الراقصه والسلطان الفصل الثالث والسبعون 73 - بقلم hour writer 🐆

#اهلكتني عيناك 💚
#حورحيدر
#الانستا: enghour98
#الواتباد:eng_hour

تابع الصفحه وصوت للبارت فضلا وليس امرا †

#يحلوه مشاركه للبارت ♥️

روايه حقيقيه لفتاه مراهقه عراقيه جميلة جدأ تجبر على ترك حب طفولتها و الزواج بشخص قاسي اكبر منها بعقود ...

هل سيتركها حبها الاول بعد زواجها، وكيف ستكون حياتها مع زوج قاسي واخ زوج عاشق مهووس لها بعد الزواج ...

............ 💚

مر بيه عشگ اخضر...

اريدك بالحلم خطار مر بيه عشك اخضر
واتيها نجمه بسنينك ادور طيفك الــما مر

خذانه الواهس من بعيد نزف شموعنه بشوكك
مشينه وايد تشبج ايد ننــــــاغي الروح بطيوفك
العمر من غير حب شيفيد لمني بعصرة جفوفك

ياريحة مسج ياهيل
عذبني ونيــن الليل

شكلك وانته نسمة صيف شكــــــــلك يالذهب شعرك
لاجن مـــــــاتحب ياحيف تصد وتعذب بهـــــجرك
وادلل بالصبر سنتين خلص صبري الحمل صبرك

يكــحله بجفن كل سمره
تره الدنيه بطرك عشره

اجيتك من بعد غربه اجيت بليله كمريه
هذاك اني نبع صافي يخايب دغش مابيه
اجيتك والعتب بالعين عتب عاشك بحنيه

واكلك هجرك شسوه
لون ادري فلا اهوه

المشهد الاول :

زهراء كاعده گباله وما اگدر ارفع عيوني بعيونه من الخجل بعد الصار وادري بي هو مكيف...

گلت بصوت ناصي واني احس بنظراته عليه ما شالهن ينتظر بس ارفع راسي ...

عمه صرت زينه واريد ارجع للبيت،

سكتت من سمعت صوته الخشن... احم،احم

بلعت ريگي وكملت واني جسمي يرجف...

"اقصد لبيت خوالي ميصير ابقى هنا اكثر"

عمي باعترأض گال بسرعه ...لا بنيتي مقصرين وياچ بشي سمعتي كلمه غثتچ من احد...

گتله واني ارفع راسي لعمي واتجنب امين احس گلبي لازمي يون بس يشوفه ...

لااا لاا عمو بس خوالي ميقبلون...

كمل عمي وهو ادري بي شكد متعلق بيه وبفاطمه بس ما اگدر ابقى اكثر بعد الصار...

شكو بيها بنيتي والله اتعودنا عليج وعلى فطومه وانه احچي ويه خوالچ ...

وكل الكاعدين صاحو أي ...اي

رفعت راسي ارد احجي صوت طگطگه اصابيع امين... التفت صار امين كبالي عيونه حمر ويخزر بيه وقابظ ايده بعصبيه ...

كلت بسرعه واني اگوم وبدون تفكير ما اگدر ابقى ويه امين بمكان واحد اريد بس اشرد حتى ما عرفت شگلت اعرفه مايلزم اعصابه ويجوز يفظحنا گدامهم ...

والله عمي مرخصتك بس لازم اروح بعدين فطومه تجيكم بين فتره وفتره ...

كتلهم ... عمه والله بيبي وعلي ميقبلون ابقا هيج وقت اعذروني ...

كالو ابراحتج زهوره مانجبرج گاعد اروح واسمع صوت

امين الحاد والعصبي كالي ...اوكفي زهراء

انداريت عليه وعيونه تجدح نار اني هنا صرت مثل الصنم كتله واني امتمت... هاا !!

باوع بعيونه وحواجبه هنا منا يخوفني وانوب عاگدهن حظنت فطومه لصدري اكثر حتى ما ابين رجفه جسمي ...

طلعه ما الچ من هل بيت... وهو يباوعلي بتحدي

وكمل...

منا لعرس هشام

كتله واني انزل راسي واتجنبه... ما اگدر خويه ابقى لعرس هشام بعد شهرين ...

صااح وصوته بي عصبيه... گتلچ ماكو طلعه من البيت

فطومه صاحت بحظني ... باابه، باابه
وهيه تمد اديها لامين...

ما صدگ گام بسرعه وشبخ يمي وهو يباوعلي واني انزل راسي لا احد ينتبه علينه وانفضح...

هذا كل ما شي يهمه ... بحجه ياخذ فاطمه خله ايده فوگ ايدي وعصرهاا حيل...

ارد اسحب ايدي مااكو لواا اصابعي ...

تعالي باباتي... مسوي روحه يحاجي فطومه وهيه ذابه نفسها عليه اول ما اجه...

عضيت شفتي من الوجع... اخزر بي ميفيد

اليوم تنامين بحظن بابا...

يربي ولا يستحي ولا يهمه احد... اني متت بدمي حمدت ربي ظهره سااد عني كل شي ميبين مني من ضخامته...

همست واني اخزره... عوفني

باوعلي بخزره وهو يرفع حاجبه...

بگلبي اقره وجعلنا من بين ايديهم سدا...

ما صدگت عافني... طلعت بسرعه شبه اركض واني گوا اخذ النفس وقررت لحظه ما ابقى بمكان يجمعني بي...

هستوني دخلت الغرفه سديت الباب دا لم غراضي ..

انفتحت الباب بقوه باوعت امين ومبين من عيونه مناوي على خير ...

دخل وقفل الباب وراه واتقدم باتجاهي ...

~~~~~~~~❤️ مشهد ثاني

وانه ما رايدتك ...

حچيت وابتليت على روحي... شو هذا نزل فاطمه واتقدم اليه

رجعت للحايط واديه ترجف مرعوبه من عصبيته وعيونه تريد تنط من مكانهن محسيت الا اتقرب مني الحجاب ردت اخذه بسرعه علاقل استر روحي بي...

عته من اديه وشمره... اديه عصرت خدودي حيل عطت بوجع

ااي ااامين گاعد تاذيني ...

ما اهتملي وزاد ضغطه اكثر... رفع راسي اله وهو ضاغط على وجهي احس باصابعه انطبعت بخدي...

گال بتهديد وحسيت عيونه...

سمعيني زهيره زين الكلام هذا ما اعيده ...

من گال زهيره عرفته ميتفاهم بعد...

توافقين عليه غصبا على الخلفوچ...

لعبچ هذا مو على امين اعرف شگاعد تفكيرين...

بس اناظر لعيونچ يفضحنچ...

اشر لفاطمة الي تباوعلنه وتضحك وتصفگ وهيه عبالها نلعب...

بعلي اخذ فاطمه واحرمچ منها... واخذ رشيه مره الي واكسر راسچ فامشي عدل وياي

قرب راسه مني وهمس بعصبيه جر اذني بايده انمردت روحي شطت من الوجع...

وهذا امير تشيلي من بالچ غير امين ما الچ...
مو لبالچ اجيتي هنا... تلعبين من وراي واطبين وطلعين
بااب البيت متوصلينه...
لحد ما اعقد عليج واخذچ ...

اني جاب طاري فاطمه انملخ گلبي... ادري بي كل شي يگدر يسوي نزلت دمعتي ولزمت ايده...
امين ...

............ ❤️

مساء الورد... ❤️

عيدكم مبارك وكل عام وانتم بخير ❤️جعلكم من العايدين الفايزين يارب ❤️

نبلش بروايه جديده بعنوان اهلكتني عيناك... وهل قصه حقيقيه ان شاء الله نبلش بيها بعد العيد...

ان شاء الله تعجبكم...

والي اريده تسوون مشاركات بكل مكان ❤️

والي ممسوي متابعه يتابع الصفحه حتى يوصل اشعار وقت التنزيل 😉👌...

واهم شي طبعا رايكم...