رواية الراقصه والسلطان الفصل الثاني 2 - بقلم hour writer 🐆

#حور حيدر
#الراقصه والسلطان
#الانستا:enghour98

عاطت معترضه بصوتها المبحوح ... وهيه تكوم وعيونهاا تجدح من العصبيه رفعت اصبعهاا بتحذير ...

وعيونهاا تريد تاكل  الكاعده كبالهاا برغم كبر سنهاا ...لابسه دشداشه مذهبه ومدلعه وتبرز جسمها اكثر مما تخفي... بشعرها الاصفر الشعشاع والالوان الماليه وجها  ...و مخليه رجل على رجل وصوت طكت العلج يرن بحلكهاا المختوم بحمره حمره   ...
ألف مره  كتلج..ركص ما اركص  ،سمعتيني زين لميعه ،قمر متركص لاحد ...

وهيه ترفع اصبعهاا بغرور وحده وبكل حركه شعرها يطير بكل عنفوان ...لاي واحد اني مو رخيصه مثلج ومثل العاهرات الي يشتغلن عندج ،

لميعه وهيه ترفع حاجبهاا وتحجي باصرار وهيه مصره تقنعهاا اليوم ،لان رقبتهاا توكف على موافقه بتها العنيده وهيه تعرف شكد راسهاا يابس وهل مره مو مثل كل مره ،هل مره الي طلبها شخص يكدر يهدمها بطكه اصبع منه ...

لازم تقنعها باي طريقه وهيه تشوف عيون زباينها كلها عليها والكل يطلبها بس جانت ترفض اغلب العروض لان ضامتهاا لاحد يقدر سعرهاا حسب ضنها وتفكيرها...وهيه تعرف شنو تكدر قمر تسوي ...بس هل مره واحد مختلف والكل يحسبله الف حساب ... وطالبيهاا بالاسم لو هيه لو ميريدون غيرهاا ،،، و كلهم يكتلوهم مثل الجلاب ومحد يدري ...

ولج يعوبه لشوكت تبقين شالعه قلبي ،مو كوه واكفه بوجه عدنان عنج ،ريحي قلبي هيه ليله وحده وبعدها نصير فووك ،فوك وانتي تاخذيلج هبره فلوس تعيشج ملكه ...
وهيه ترفع ايدهاا ،وعيونهاا تلمع بلطمع وهيه تذكر العرض الي انعرض عليها مقابل هل ليله ...

قمر وهيه تضرب الكلاص بقوه خلت لميعه تفز بخوف وهيه تشوفه يتحول اشلاء ... بعد مجان ع الميز وتصرخ بصوت اعلى وهيه تعبت من اصرار امهاا ،او الي محسوبه عليهاا ام ولي الدنيا جبرتها تصير تحت رحمتهاا وتعيش حياتها الي كتبتها الهاا بين الشرب والركص وبمسمى اصح تعيش ابيت "دعا***"...

و حاولت هل سنين كلها تحمي نفسهاا وتلتهي بدراستهاا ومتخلي احد يشوفهاا ...الي كل املها تخلص دراستها وتشرد منهم ...و تخلصها من هل عيشه قبل ما تتلوث وتغرك ومحد يكدر يخلصهاا ..وهيه تشوف النضرات المفترسه من ضيوف بل كم مره الي لمحوها بيها ...وبدت بيها معاناتها...
زبائن امهاا الي اغلبهم أصحاب مناسب بالدوله وظباط وشخصيات مهمه ،واذا واحد حطها اباله مراح يعوفها ...بس هيه مو قمر اذا خلت احد يسلمها

وج انتي شنومن بشر ،مشبعتي من الحرام ...اعتقيني
ماا ريد اصير كو** مثلج ...
الفلوس الي فرحانه بيهاا مقابل تبيعين جسمي بيهن،ما ريدهن ...
وذاك العاار ،المحسوب ع الزلم ميخوفني ولا يهز شعره مني وهيه تلزم خصله من شعرها الاسود ...

لميعه تركض للباب تسدهاا وترجع لقمر الي مخليه ايدها على خصرهاا وواكفه بكل شموخ وقوه ...لميعه و تلزم زندها بقوه وتحجي بخوف وحده بنفس الوكت ...
ولج نصي حسج ،لا يسمعج عدنان والله يدفنج بكاعج ،انتي شنو محد يوكف بوجهج  ...
لزمت حنجهاا بقوه وحجت بهمس وعصبيه...
هيه كلمه يقمر تركصين لو والله اسلمج بيد عدنان ،كاافي تعبت بكل مره اضمضم الج واتحجج وواكعه اني براس المدفع كدام عدنان على مودج واكول هااي بتي الي طلعت بيها من الدنيا...
تاليتها بيدج توديني للموت ...
وبتهديد ...وانتي ادره بعدنان ميرحم احد ويدوس على راسج ويبيعج لاوصخ واحد هناا بعد ما يكسرج ...

وبنبره اقل حده واقرب للاقناع ...
وهيه تباوعلها من فوك لجوه ونضراتها تزور جسمهاا ...
وج انتي عندج كنز ...بس لو تصيرين ذكيه وهيه تغمزلهاا ...
اكبر راس بلدوله تخلي جوه جناحج ...
وتلزم بيدهاا خصرهاا المنحوت ...هزه من خصرج توكع اكبر رجال ...هذه مفعوله اقوه من المخدرات والشرب ...

#حور حيدر
#الراقصه والسلطان
الانستا:enghour98

........
صباحكم ورد ...واخيراا بلشناا 🥳 وبعد انتظار مطول طبعا خلصت إمتحانات الاحد الفات ...واخذت راحه اسبوع جتى نبلش بلروايات الجديده 😉👍...

موعد التنزيل الراقصه والسلطان حيكون ...
كل احد وثلاثاء وخميس وسبت ...

اما روايه The killer lover
يوم الاثنين ...
وروايه the love of the dead
فيكون يوم الاربعاء
والجمعه ريست اليه😌😎...

رجائا اي اعتراض ع موعد التنزيل ما اريد لانو الكل دا ينتضر الروايات الباقيه من متابعيني محبين الفصحه ...فهذه انسب جدول

وهسه نجي لاهم نقطه اول شي اريد تفاعل كلش قوي من الكل ... ثانيا من هسه حبايبي وورداتي اتوقع انتو تعرفوني كلش زين وتعرفون اسلوبي الجريئ بالطرح ...وهماتين احيانا تاخيري فمن هسه الي يريد يتابع كل الهلاا بي وع الراس مكانه💫...
اما الي ميحب اسلوبي او ميحب هيج نوع من الروايات ...فمن هسه لتابع ...توماام يااب😎👍...

#يفدوه
#احبكم توومه😻😻