رواية الراقصه والسلطان الفصل الثاني والستون 62 - بقلم hour writer 🐆

الراقصه والسلطان
#حور حيدر
#الانستغرام: enghour98
الواتباد: eng_hour

❤️ تابع الصفحه وصوت للبارت فضلا وليس امرا †

#يحلوه مشاركه للبارت ♥️

شَريد ٱنسَى وشبگتك ضاله بَزندي ...

يجوز چان يحبها صاحبها بس مفهم عليها وانته جبرته واخذتها منه ...

گلتله وهيه ترفع نظرها اله...

سلطان گللها بهدوء ...

لو چان هاويها ما ضرها...

لو چانت رايدتو ما رضت اركبها واصير خيالها...

المهره ما الها غير خيال واحد...

يحجي وايده بعدها على ايدها وايمسد على الغرور...

شافته يشاور الغرور صار عدها فظول تعرف شيگللها...

فجاا... عااطت قمر او وگعت من صهلت الغرور ورفعت اديها بحماس...

ااااي...

قمر عضت شفتها بوجع وگعتها قويه وگعت وهيه گاعده ...

سلطان راح الها بسرعه نزل لمستواها گللها وهو يلزم ايدها ويباوعلها بخوف واضح...

گللها وهو لازم ايدها ويحجي بهدوء...... وهيه تسمعه يسب ويحجي بصوت ناصي اتوقعت لان ايده ملفوفه ومصعبه حركته...

رجع رفع ايده لخدها سالها وعيونه تباوعلها من جوا لفوگ بقلق ...

اكو شي يأذينج... صار بيج شي

قمر شفت سلطان ركع على رجله گبالي...

وبعيونه نفس النظره ونفس الخوف اجتني ابالي من احتركت ايدي...

قمر باوعتله بحيره وخجل وهيه مكان الوگعه توجعها بس متگدر تگله استحت نزلت دمعتها من الوجع ...

تباوعله بدون متحجي...

سلطان بعصبيه وقلق وهو يباوع لعيونها ... احجي بويه وينو وجعج...

قمر حست بنبره حنيه بصوته...بس متگدر تحجي مستحيل تگله

سلطان مسح وجهه وگللها بحنيه وهداوه...

هسع ليش تبچين

يولو وينو الوجع...

قمر دارت وجهها منه وهيه مستحيه وتغم روحها كل مره تنحط باسخف المواقف بس گدام سلطان...

سلطان فهم عليها عض شفتو وهو يمنع ضحكته گللها ...

احم... هسع گاعد يوجعج بويه لو خف شويه

حزرته قمر بخجل  وهيه تنكت روحها من التراب وتحاول تگوم وهيه تدري بي عرف وتشوفه شلون حاصر ضحكته ...

ااااي...

باوعتله بعصبيه وعاطت بيه تريد توخر روحها من الفشله وطلع عصبيتها بي...

كلها من وراك... مو جنت وحدي

شكد خبيث... شلون تصبر اذا ما تنكد عليه لو تاذيني

سلطان قبض ايده وهو يهدي روحه گللها بحده ...العرمه  لسانج لا اگصو الچ...

الله يصگعو لراسج اليابس ...

قمر خايفه منه وتعرف هيه الغلطانه بس تدري ميسويلها شي ...

لتحجي عليه مو عبالك مكسره وما اگدر ارد عليك

سلطان گللها باستفزاز... لو جسمج كلو يتكسر عظمه عظمه هل بربوك ما يسكت...

وهو يعصر شفايفها بين اصابعه...

قمر فاتحه عيونها بصدمه وتباوع لعيونه متفاجئه من حركته وكلامه....

راد تحجي سد سلطان حلگها وهو يخلي اصابعو عليه... اشش حسج ما اسمعو لتفتحينو

گللها بتحذير...

سلطان راد يگوم وهو يگللها ابرود... هسع حروح اجيبلج وحده من البنوات

قمر بسرعه غصبا عليها من خوفها ...

لزمت طرف ردانه ورفعت عينها اله وهيه مرتبكه كلتله بصوت ناصي...

لتعوفني وحدي وياها

سلطان گلها باستهزاء... سبحان الادب والاخلاق

قمر بعصبيه وهو توخر ايدها منه... روح لو اموت هنا ودوسني حصانك الخبله الف مره هم ما استنجد بيك...

سلطان اتقرب منها خلاها تحجي وحدها حاوط بايده خصرها وهو يسحبها اله ويگومها ...

انته... قمر اتفاجئت لگت روحها بحظن سلطان

ايديها على صدره وتباوعله بصدمه... من استوعبت

وخرت بسرعه ورجعت لورا وهيه تنكت روحها...

سلطان ضحك وهو يحك طرف شفتو باصبعه...شلونو هسه،

چنها صارت زينه

قمر وجهها احمر صار من الخجل والعصبيه بنفس الوقت... ما عرفت شترد عليه وهيه تشوف الشماته بعيونه..

انطته ظهرها... رادت تروح

صاح وراها...

يول تعاي...

قمر حتى الوجع اختفى من الفشله... شويه وتبجي من القهر

حست بي يلزم ايدها همس الها بعصبيه .. عجل مو اصيح عليج انطرشتي...

استغربت من نبرته...

حست بي يضمها ورا ظهره ويصيح...

اوگف مصطفى بمكانك... وبلا امر عليك انطيني ظهرك الاهل هين

اندارها وخزرها وگلها بحده ... مو كتلج متطلعين الا حجابج بيدج

باوع لملابسها... عض شفته بعصبيه

الله يعثرچ يمفلوكه على العناد الشايلتو...

وخر شماغه ولفه عليها...

قمر باوعتله وگلتله بقهر وخيه خايفه منه بس لازم تحجي لبكلبها واستغلت وجود مصطفى...

اووف شگد غثيث... المعقد

كلتله وشردت...

هز راسه وهو يباوع الها...
...........

نمارق عافته وانطته ظهرها

حر حظنها من ورا وهو يحس روحه تريد تطلع منه ببعدها... اطيحو لحضج اذا حجيتي هيج

سنين وانه محرم النساوين عليه من بعدج...

وهل سم شربتو من وراج... حتى انساج

عصرها بين اديه اكثر...

بس صورج چانت اطيبني...

چنت اتخبل بلليل اتسودن وانه اتخيلج بين اديه لو باسج لو جظنج
يحجي وهو يعصرها بحظنه اكثر...

اتاذه...

الغيره تنهش دلالي...

ما لگيت غير هل سم يخليني انساج بلليل...

نمارق گامت تشهگ تحس بوجعه بس متگدر تسكت هل شي چبير  ... حر بعد متشرب اذا تريدني

حر بضعف وهو يخلي راسه على جتفها.. ما اشرب بلقران اخر مره

رادت توخر نمارق... ابقي

نمارق وهيه تخلي ايدها على خده ... امشي اسبح بين ما احظرلك شي يصحيك

حر بعناد... ما اسبح وحدي الا انتي تسبحيني

نمارق وهيه تمسح دموعها... روح اسبح حبيبي

حر وهو يسحبها من ايدها وراه... ما اسبح والله الا وياج

..........

دخلت للمطبخ دزتها سمر تجيبلها اكل  ....

دخلت ادردم...مسويه روحها عمه عليه...

لوما استحي من أبويه چان سحلتها سحل

صاحت... بسسم الله وهيه تشوفه گدامها

گاعد على الميز ومخلي گدامه ادويه وشاش وفاتح ظماد ايده والدم يسيل منها...

انتبهتله اول مره تشوف سلطان بغير الدشداشه لازم فانيله بيضه وبجامه سودا...

ما باوعلها ولا رفع راسه... گللها وهو يلهث بتعب ويمسح جرحه بالگطن

گربي هين...

قمر وهيه تخاف من الدم كل شي ولا الدم وهم خجلانه من منظره لاحظت روحها كل متشوفه يخليها تخجل ... گالت بخوف وهيه منزله عيونها ...

هاا لا منا كافي

سلطان وهو نفسه عالي رفع عينو الها ونزلت وياه شعرو على جبينو...

ما عازمچ على گهوه... گلها بحده

گربي

قمر وهيه تغم روحها على حظها الفكر... اتقدمت منه
كالت وهيه دايره وجهها من الدم...

هاا اجيت احجي...

سلطان گللها بأمر ... دحجيلي

قمر اشرتله بايدها بمعنى لا... احجي بدون شوف

دحجيلي هين....

سلطان وهو گوه لازم أعصابه جرها من ايدها نزلها لمستواه...

شهگت قمر من شافت روحها مقابل وجهو لسلطان... وعيونها بعيونه...

بقت تباوعله وجسمها يرجف سمعته يگللها...

گعدي گبالي ولفيلي الشاش...

گعدها بصفه... فتح ايدها وخله الشاش بايدها

قمر گلبها يلعب من منظر الدم رفعت عينها لعيونه...

شافته يباوعلها...

رجعت باوعت لايده رفعت ايدها الترجف

گلتله... سلطان والله اخاف

سلطان گللها بهدوء... دحجيلي

رفعت عينها اله...

لزم ايدها وخلاها على جرحه وگام يلف الشاش ويعلمها...

كملي هسع...

قمر صفنت على ملامحه عيونه السود ونظراتهن البارده شافت بيهن اليوم غير شي...

وجهها عرگان من التعب وشعره الاسود نازل على جبينه...

بقت سوله بيها تريد تشيله من گصته...

صحاها صوته وهو يگللها وخله ايده على ايدها...

وعينه تباوعلها بنظره غريبه ...

گمره على كيفج... بويه خففي ضغطج

..................❤️

صباح الخير....

بارت صغيروني هديه 🤎 ابو 1000 كلمه