رواية الراقصه والسلطان الفصل الثالث والستون 63 - بقلم hour writer 🐆

الراقصه والسلطان
#حور حيدر
#الانستغرام: enghour98
الواتباد: eng_hour

❤️ تابع الصفحه وصوت للبارت فضلا وليس امرا †

#يحلوه مشاركه للبارت ♥️

-يا فكة عيون الگلب ياميزتي البيها أنغر .

نزلت عينها عنه بسرعه وكالت بصوت ناصي... منتبهت

رجعت باوعتله وهيه تتجنب تباوع غير لوجهه وهستوها انتبهت گلتله... شعجب جرحك انفتح هيج شنو متعارك

باوعتله بشماته... خاف كاتليك

سلطان سحب كرسيها وقربه اله اكثر كرد فعل منها لحركته... رجعت راسها بسرعه من قربها المفاجئ منه...

گللها بهدوء وبرائه... تعبتي ايدي وانتي بعيده

وكمل بنفس الهدوء...

لا ما متعارك لتخافين عليه ...

قمر نظرتها اتعصبت... مخايفه عليك

كمل وكانو محجت... وگللها وهو يباوعلها

بس چنت راكب الغرور...

قمر بتفاجئ وهيه منتبهه لكل حركه يسويها ... شلون

سلطان رفع شعره بايده عن كصته...

شسوي بويه مشتاگتلي وانه ما اگدر اردها... عزيزه على الدلال

نظراته اربكتها بعدت عينها عنه غصبا عليها وطريقته وياها وهدوئه وحركاته ممرتاحه الهن... متحسه نفسه سلطان

ليش تكرهيني...

رفعت عينها اله متفاجئه من سوالها... هاا

سلطان ابتسم... من كال ها سمع

قمر نزلت راسها بارتباك وهيه اطك باصابيعها...

راح اصعد اني لا يدخل احد

حست بايده لزمت ايدها...

واذا دخل مسوين شي غلط...

رفعت عينها اله

لتخافين مني...

شاف انفعالات وجهها رادت تعترض...

ابتسم وگللها...اشش اعرف بيج وكحه

قمر خزرته وارتبكت من شافت نظراته على نحرها ... مو وكحه اني

راح اروح...

سلطان ونظراته بين عيونها وبين ركبتها... عجل شنو انتي

گام ومشا وسحبها وياه للسنگ...

خله مي بايده ومد ايده الركبتها...

رادت تبتعد... خزرها وتبثها بمكانه وهو مركز بلي يسوي

وهمس الها....دمي برگبتج

قمر وگلبها طااح من قربه ولمسته ... شنو

سلطان سحب بديها مسح المي بي ورجع باوع لعيونها بتركيز ... رگبتج چان بيها دم من ايدي استوعبتي هسع

قمر خزرته... شقصدك بله

سلطان گللها ... ول بويه عيونج تخوفني

هل نظرات... اقوى من البرنو تدرين

قمر وهيه تحس كلها متخربطه گدامه ومن طريقه تعامله الجديده وياها ما گدرت تتحمل وطگتها بوجهه...

انته ليش هيج تعاملني وتحجي وياي...

سلطان سالها بغموض... شلون يعني

قمر وهيه متخربطه ... يعني يعني

صاحت فجا وهيه تباوعله ... صاير متصيح وتحجي بهدوء ولا تستفزني وكل ساع لازم ايدي

سلطان ابتسم من انفعالاتها وصراحتها.. وهل طريقه عاجبتج لو لا

قمر بصراحه باوعتله وگلتله وهو يشوف الخوف والتشتت بعيونها ...

مخوفتني منك

فاتت الشيخه بهل لحظه...

ولكم انتو وتالي وياكم...

ونته يمعثور شمالك مصلخ گدام البت

سلطان وهو بعد لازم ايدها ... جده معلگه كامره لخاطر محمد

تريدني عجل اعوفكم لحد ما الگه البت حبله

قمر فكت عينها وكالت... شبيج بيبي شنو هل حجي

صاحت بيها الشيخه... انجبي انتي السانج بس يمي...

گربي هين ولج... وانتي مو محجبه يگره عيني لو الحرام گدامو حلال...

وانته وهيه توجه كلامها لسلطان..

محجبها عن العالم وعليك حلال يبن ناصر...

سلطان وهو يغمز لقمر ... يمه انه اعلمها ما الج خص بيها بعدين انه خطيبها

الشيخه وهيه تباوعلهم بشك... وادافع عنها ربحنه

لا عجل هيج مستعجلين نزوجكم لا تجيبولنه مصيبه... گربي ولچ

قمر... هيه كوه كتلج ما اتزوج بيبي

لشيخه وهيه ترفع عودتها عليها ... استهتري بعد وبعد طلع عينج سليطين

سلطان بابتسامه... عاف ايدها وشاورها روحي لغرفتچ انه احلها ويه وضحه...

الشيخه بعصبيه... حبها بعد حبها گدامي
.......

رجعت قمر وهيه خجلانه وتلوم بروحها تنثول گدامه تگوم تكت بلحجي ...
دخلت ادردم...
يربي شلون حجيت وياه هيج...
ضربت روحها على كصتها...

ااااي شبيه مثل المطي كتيتله كل شي...

الدوده ما صبرت الا فضحت روحي....

يربي بس لا بيبي تگول لابويه وجدي شحجي وشسوي... لا مره ولا مرتين لكفتني وياه...

كل من وراه مثل المغناطيش يشفطني اله... يا مكان هو بي يصخم وجهي واروحله...

سمر وهيه ممطوله على الجربايه وتگلب بلتليفون تباوعلها تحجي ويه روحها ... ها ولج شو ايد ورا وايد گدام

قمر وهيه بعدها تعض باضافيرها بقهر...صمي حلگج انتي ام البلاوي

سمر شمرت عليها المخده وتگلها بخبث حتى تخبلها بلزايد وهيه تكول بعياره ... احترمي عمتج ولج لا اصيح سلطان ابن اخويه العزيزززز اخلي يادبج...

وضمت راسها جوا البطانيه...

قمر عضت شفتها هجمت عليها...دصيحي خلي يلحك عليج هسه

كفشت شعرها... اذا دزيتيني مره ثانيه لسم ابطنج اترفس بنص بنطج والله

سمر وهيه ممستوعبه هل هجوم المباغت.... نعال وخري شعري ولجججج

يممممه لحگيلي...

قمر لزمت ايدها الي تريد تملشها وعضتها....

عااااا يمه الجلبه عضتني... يماااااااا

وخرت قمر وهيه ارتاحت طلعت حرگتها بيها ... والله لو ما عيب

من بابا صارلي كم يوم عرفته...

لاطيح حظج وطلعج بالشارع ...

سمر وهيه تلهث وتدفعها منها... يمه شمالج جنج چلب مسعور هجمتي عليه...

قمر وهيه متگدر تحجي الصار من فشلتها... دخلت جوا فراشها
وما عرفت شترد وهيه گلبها يرجف...
خلت ايدها على ركبتها...
سمر شكت اكو شي... احجي لج شصاير

قمر وهيه جوا الفراش... ماكو شي

سمر بملحه وهيه تعرف قمر متصير عصبيه وبهل وضع الا بسبب سلطان...
شفتي سلطان

قمر بسرعه وخرت اللحاف من وجهها وصاحت... الله يااخذه

سمر.. شصاير صيح عليج حجه عليج ضربج

قمر باندفاع وقهر... يا ريت چان طلعت حركت گلبي بي

سمر... لعد شصاير

عااطت قمر وهيه ترجع اللحاف على راسها... وليي ماكو شي

........

بغرفه عامر... بعد ما شيبته يله قبلت تروح وياه

وهيه بعدها زعلانه وتدلع عليه ما صدگت يرجعلها عامر الحنين ...

وخر مني عموري... هااي اني تسوي بيه هيج عود وتحرگ گلبي

عامر وهو نايم على المخده وحاصرها بحظنه گللها بحب وهو بس يريد يراضيها ... اووف بويه من اشتعل عموري على هل دگه

وباس خدهاا... اسف يلروحي

فيان باوعتله وتخزر بي ومبرطمه وتعصر مخها تذكر كل موقف
قهرها بي ... وليش جنت تضحك وياها

عامر بتعب وملل باوعلها وهو يبوس خشمها... عوفي السالفه بنيتي هسع مو گتلج اسف يرويحتي

فيان بعناد وهيه تزيد دلع عليه ... ماااا احچي ليش تضحك وياها وتاكل من ايدها

وهيه تگرص جتفه باضافيرها... او وين جنت تگضي النهار وعايفني

عامر وهو يلزم اديها باديه ويجتفها بيهن... اااخ وج كافي استعل اصلج...

بويه چنت اعاند بيج واشوف دلوعتي تغار عليه لو لا وتالي اشتعل جدي انه...

ارجع تالي الليل ميت على حضينج... اشبع من ريحتج ابقى للصبح ابوس بيج وانتي تنبل شابعه نوم وعايفتني والصبح ابقى نايم بلسياره

فيان استغلت انشغاله وطفرت من الجربايه ...حيل تستاهل ليش خليتني ابجي بلفندق

عامر بتعجب... ولچ مكاره مو انتي عجل الگلتي طلگني وانه الجايج متلهف حتى اشوفچ بليله عرسنه گلت ائادبج حتى لا تكرريها بعد وتالي انه اتادبت

فيان ضحكت بدلع عفوي... شلون اتادبت

عامر ذاب بضحكتها وهو يگوم الها... اوووف الله وج تعاي ابوس هل ضحكه

فيان بخجل رجعت ورا وهيه تگله بتحذير... اگعد مكانك عقاب عليك ممنوع تقرب سانتيم واحد مو تريد تتزوج خليها تفيدك

عامر لزمها وهو شبعان ضحك...

انجبي يمصگوعه مالي غيرج عاشگج بويه عاشگج ...

طلع گلبج حاقد عليه يولو
تحبيني...

فيان بخباثه... اكرهك كوولش

دفعها وصار فوكاها ... هاا هيج صار

وهسع گليلي بله شتسوين

فيان بدلع ... احبك شويونه

......
نزلت الصبح وشالها على جتفها... اتعمدت تنزل متاخره حتى متلكاه

دخلت للصاله ما لگت احد...

طلعت برا لكتها كلها مجتمعه... مشت الهم ضلت تباوع حمدت ربها ما لگته...

كالت صباح الخير...

ابو عامر اول مشافها... هله بهل صباح تعالي گربي هين يمي

قمر جانت مشتاقه الابوهه اقل وحده تشوفه بسبب شغله وانشغالاته ممتواجد بلبيت...

كعدت يمه وباست خده...

گللها بحنيه... شلون حالج بنيتي

الشيخه گلتله... بنيتك بنص الخير

قمر غمضت عينها باحراج...ااف شحجاج هسه بيبي

باوعت لجدتها شافتها تباوعلها بنظرات كبل دارت وجهها...

وحظنت ايد ابوها وضلت تسولف وياه بصوت ناصي..

قمر شافت ذياب گام بسرعه اول ما دك تليفونه...
اشرت للبنات وگامن وراه...
سمعنا يحجي ويه بنيه... واريج ادردم عليه بقهر

اريج گالت بصوت ناصي... مو گتلجن دايح ميتوب يضحك على بنات الناس

قمر وهيه تباوعلها بشك... عادي شاب وهنه لو شريفات شعدهن يحاجن الولد...
اريج... هذه متعرفنه اكبر لوتي وحجاي وجهين

قمر وهيه تحس اكو شي بينهم... اششش خل نهجم

ذياب وهو مندمج...

يول شوكت اشوفج والزم ايدج الترفه...

دعوفي الزواج لاحگينلو...

فجا صاحو البنات من وراه... جذذااب ميزوجج جذااب

قمر صاحت... ولج ادبسز ما عندج اهل مسربتيج

اريج عاطت ... يا ثوله يا زماله هذه جذاب ميزوجج

سمر وهيه تصربه على جتفه ... مزوجج وملطگ مرتين وعندك اربع ولد وبنيه

ذياب من الصدمه... بعده لازمه وما سده

بعد ما استوعب سد التليفون...

وهنه رگضن وهو وراهن...

گعدن يم الجده....ولجن شكو

واجه وراهن ذياب وهو يخزر بيهن وعيونه بكصته... بس ميگدر يحجي...

ابو عامر... بويه شصاير شبيجن مخروعات

قمر ببرائه وابتسامه مرادت ذياب يحصل رزاله من جدته بسببهن... ماكو شي جنه نلعب

سمر بتاييد اي ماكو شي

الشيخه وهيه ممصدگه... عجل ذياب شمالو

اريج بخباثه وهيه تباوع لعامر وبداخلها مقهوره وتريد تقهره مثل ميقهرها ... هذه ذياب جنه نمشي وسمعناه يحجي ويه وحده
ويكلها حجي... ما اكدر اكوله
فاحنه رحنه نگله عيب وعندك خوات... ركض ورانه يريد يضربنا

وهيه تشوف ذياب... يباوعلها بتوعد ونظرات فهمتها

الشيخه ضربته برجله بعصاتها ... سربوت ابو البنوات

ذياب بوجع ...ااااخ بويه شوف امك ما عدها غيري تناگر بي

ابو عامر... ولك ذياب اكضب لسانك وهل عاده النگسه ما تبطلها

اجه تليفون لابو عامر...

ذياب استغل الفرصه راح وهو يروح باوع لاريج... البومه بسيطه

................

واگفات كلهم بلمطبخ الظهر يتحظرن للغده ... سميه تطبخ وتوجهن شيسوون...

قمر بتعب وهيه واگفه ومنتجيه على الكاونتر وتثاوب... يمه هسه ليش هل تعب اطلبي جاهز وخلصينا...

سميه وهيه تگطع اللحم... حبيبتي ميصير باجر وراج زواج وسلطان من نوع يحب مرته تطبخله وتهتم بي وتگوم من الصبح وتسويله ريوك

قمر باوعتلها بمعنى تحجين صدگ... لا بله واني شنو دخلي بي وبمرته...

سمر بخباثه وهيه تدير الدبس... غير خطيبته انتي،

قمر بعصبيه... انجبي انتي

سميه بتحذير وهيه تتقرب منها ... قمرر يمه شنو هل لسان ميصير هيج بنيتي عمتج واكبر منج احترميها...

سمر وضحكت الانتصار شگت حلگها... وهيه تلعب بحواجبها بعناد قمر

قمر... هو شنو كله قمر

سميه بحنيه... گليلي بصراحه وما اريدج تجامليتي سلطان اخلاقه مو زينه لو متحارش بيج...

قمر نزلت راسها ما گدرت تحجي شي وهيه تذكر اول لقاء بينهم... وبوسته الها بغرفت جدتها ....

خجلت وهزت راسها ب لا

سميه زين شايفته يشرب او يتعاطه شي ما يرضي الله

قمر وهيه بگلبها تگول هل ايام شاكه بي يتعاطه شي تصرفاته خبلتني...

كالت لا

سميه وهيه تبتسم لوجه بتها... زين شايفه شكله مو حلو مبعجبج

قمر باوعت لامها بصدمه... هاا

سمر بتشجيع ... اي كولي حبيبتي يجوز شكله مو حلو

قمر وهيه تذكر البارحه وملامحه مرن على بالها ... لا

سميه لعد مدام عاجبج هيج ليش متقبلين بي

قمر وهيه متدري شجاوب... ما عاجبني منو كال عاجبني

ما اريده وها هيه...

شافت فيان فاتت للمطبخ ما صدگت... فيان حبيبتي مشتاقتلج

وراحت حظنتها...

وفيان مستغربه...

قمر وهيه تجرها برا المطبخ... تعالي نسولف مشتاقتلج كوومه
......

شافته منطيها ظهره... ابتسمت بخباثه وهيه تتذكر من خوفها بلليل

ذبت حذائها ومشت على كيف باطراف اصابيعها....

وصلت يمه فجا خلت ايدها على عيونه وهمست باذنه...

يا حزرك مين انا...

منو الي وعدتها بخدمه...

كلتله بدلال...

وهسه اريدك تطلعني وغصبا عليك

حست بي جمد بين اديها...

باسته بخده...

فكت عينها بصدمه... وهيه تگول لنفسها مستحيل يطلع هو

من شمت عطره عرفته...

..............

البارت القادم... باجر ان شاء الله ❤️