الربتج " حالك الاسوداد " الفصل الخامس عشر 15 - بقلم رهف علي

وهل نعود من جديد لو افترقنا !-

لاتنسون التصويت والتعليقات الطيفه مَثلُكم بين الفقرات قلبي
مُتابعه للحساب
akyta_98

لو خيروك بينَ !
لو خيروك بأن تمتلك سرعة الفهد في العدو أو ذكاء الثعلب

اباوع عليه شلون صاح بوجهي بصوت عالي
- لجججج لااا غير تنتبهههين
اني دموعي تصب من بين شهكاتي اصيح عليه
- رووووح اطلع من المكااااان شبييييك
- مااااطلع شبيج باابااا
- لك رووووح الله يخليك راح ينفجر المكان
روح روح
حط ايده ع شفايفي وهو يباوع بعيوني
- اسكتي هسه اطلعج من هذا المكان
- الله يخليك اطلع شُعاااع
- لو نموت سوه لو نعيش سوه طلعه من هذا
المكان الوحدي ما اطلع
الا انتِ وياي
اني بس ابجي دكات كلبي تزيد فكره
انُ اكو متفجره جوه رجلي واني بين الحياه والموت
حيل تخوف ومرعبه بنفس
الوقت
اباوع عليه سحب شعره وصاح
- وووولد ال**** هاي البارحه من اجوي هنا
خلوا المتفجرات
حتى ياهو المو منهم يجي هنا يتفجر
لان البارحه من مشينه من هذا المكان مابي اي
متفجرات

خليت ايدي ع كلبي ورفعت راسي
للسماء البيت مهدوم ف السقف ماكو
نزلت دموعي رجعت نزلت راسي اباوع
عليه هو يباوع عليه وبعيونه لمعه صحت بأسمه
- شُعاع
- ها بابا
شهكت واني احجي ويا
- راح اموت اني راح الحك اخواتي
تقرب عليه بسرعه وصاح بوجهي
- اشششششش لاتحجين هيج هسه راح نطلع من
هذا المكان اشششش
اصبري لاتتحركين اذا تحركتي معناها انتِ
قتلتي روح تريدين تصيرين قاتله ؟
هزيت راسي بقوه واني ابجي
- لااا ما اريد اصير قاتله
- هاهي الي اريده منج ما تتحركين خلي اشوف
شغلي
رجعت هزيت راسي اله بأي
راح ابتعد تقريباً متر
دنك ع الكاع وحط أذنه اباوع عليه شلون ساكت
ماعرف شنو يسوي
ردت احجي رفع راسه
- اششش
سكتت
هو وكف بقى يباوع بالمكان يمنى ويسره
إلى أن شف بالركن اكو حديده
راح الها سريع أخذها ورجع
صار يحفر وحفر شي قليل الا ان طلعت
عبوه ياربي يعني هاي متفجرات صحيح
رجلي خدرت واني باقيه ثابته بهذا المكان وما متحركه
باوع عليه
- هي هاي
- هسه شنسوي عفية ؟
- لازم اوقفها قبل لا تنفجر
- شلووون

بقى صافن يباوع عليها
واني اباوع عليها وارجف هاي اول مره اشوف
متفجرات بالواقع
وحيل خايفة
- وكفهههاااا وكفههههااا حباااب
- اششش نارا لاتتحركين الله يخليج ساعديني
ولا تتحركين الخاطري
سكتت واني مدنكه اباوع ع رجلي شلون
واكفه ع متفجره
دموعي تنزل
جنت اعرف ماراح اعيش وصرت اتشاهد
بكلبي
وشفايفي ترجف
- شُعاع اذا ما تتعطل اطلع منا الله يخليك
عاط بيه
- ششششكلت اني ؟؟؟
سكتت رجعت اتشاهد وانادي برب العالمين
يا الله ساعدنا يا الله خلصناااا
ياعلي ياعلي
صرت اقرا سوره الانشراح مثل ما تعلمتها من
اني وصغيره

بِسۡمِ ٱللَّهِ ٱلرَّحۡمَٰنِ ٱلرَّحِيمِ
أَلَمۡ نَشۡرَحۡ لَكَ صَدۡرَكَ ١ وَوَضَعۡنَا عَنكَ وِزۡرَكَ ٢ ٱلَّذِيٓ أَنقَضَ ظَهۡرَكَ ٣ وَرَفَعۡنَا لَكَ ذِكۡرَكَ ٤ فَإِنَّ مَعَ ٱلۡعُسۡرِ يُسۡرًا ٥ إِنَّ مَعَ ٱلۡعُسۡرِ يُسۡرٗا ٦ فَإِذَا فَرَغۡتَ فَٱنصَبۡ ٧ وَإِلَىٰ رَبِّكَ فَٱرۡغَب ٨
صدق الله العلي العظيم
( اقروا قلبي )

رفعت راسي الشُعاع هو جان ماعرف شيسوي
من عرف بيه اباوع عليه
رفع راسه صارت عيونه بعيوني
هزيت راسي واني امسح بدموعي
شكله عركان وجبينه يلمع
- ها ؟؟؟
هز راسه بهدوء ورد عليه
- لو بالهدف لو بالنجف
- شنو شنو شتحجي ؟
توترت من كلامه رد عليه
- راح اقطع الواير
- يعني ما متأكد منه ؟؟؟
- كولي يا الله يلا راح اقطعه
اباوع عليه ماعرف شنو يتمتم بينه وبين نفسه
وحط ايده ع الواير
اني غمضت عيوني ححححيل وتشاهدت
دكات كلبي صرت اسمعهن
سمعته صاح
- يااااا الله
صارت حركه
وبعدها صااار هدوووووء اني
جامده من الخوف وحتى نفسي قطعته
ورى تقريبا دقيقه
فتحت عيوني ع كيف شوي شوي حتى اشوف
احنه وين
عبالي تفجر المكان
بينه اباوع عليه هو هم ساكت
صفن بوجهي وباوع بعيوني

هزيت راسي اله واني كلبي يدك
- هااا متنه احنه ؟؟
رد بهدوء
- يمكن
- وين احنه شنو فهمني
- يم حور العين بش اشو جهرتج الزفره كدامي
- تروح الها فدوه انتَ وعشيرتك كلهاااا
هز راسه ضحك ورد عليه
- يلا خلصت الحمدلله وكفت يلا امشي
رفعت رجلي شوي شوي خايفه عبالك
بعدها تشتغل
بعدت رجلي بس احسها متشنجه من الخوف
والوكفه ع الأعصاب
اول ما بعدت عنها ركضت كمزت عليه
صاح بصوت
- ومررررض شبيج الهاااايشششة
- ااااي شبيك غير ردت اموت من شويه
باوع عليه بطرف عينه هز راسه
- مو اكلج لنتِ ام سبع أرواح وتجذبيني هاي
جنتي بين اموت والحياه شعرايه وتروحين
سم ابو لهب
بس رجعتي مابيج شي صصل
لميت قبضه ايدي وضربته ع كلبه بقوه
- شبيييك انتَ غير الله كاتب الي اعيش
- اي اي فهمت ..
- يلا تعاي خلي اخليج بمكان
سحبني من ايدي
وطلعني من هذا المكان واخذني المكان ثاني
بس نفسه هم مهدوم وباقي آثار
حيطان نص نص
ومتفلش
وكفني بمكان ورفع ايده يأشر الي

- تبقين هنا بهذا المكان ما تتحركين اني
راح اروح اجيب السياره وارجع
انتِ تبقين هنا خطوه وحده ما تتحركين لو سمعتي
طلق لو صارت انفجاارات
لو وكع البيت ع راسج ما تطلعين
مفهوم كلامي لو اعيده
هزيت راسي اله
- تمام راح ابقى هنا شبيك
- خوش رايح اني
راح هو واني بقيت بمكاني
انتظره .

صرت اتلفت بالمكان اباوع كُله انقاض
وخرابه دمااار
طابوك متفلش اكو أغراض تلفانه
وغيرها
ل

فت نظري شي مرمي ع الارض
ركزت بي وشهكت بصوت عالي صرت ارجف
واني اشوف اصبع شخص مشمور ع الارض
بقيت جامده بمكاني عيوني عليه
اباوع يااااا الله هذا اصبع بشششر !!!!
ردت ادررّ ع نفسي من الخوف
وبصفه محبس ، ددددخيلك يااااعلي
هاي شنوووو ،
ووووين رااااح وعااافني احس راح اموت
من الخوف اريده يجي سريع
تأخر وهو ماكو كل ظني هو تركني هنا الوحدي
وراح
شوي وسمعت صوت سياره
فرحت كلت اكيد هوَ الي اجه
وكفت ع طولي وردت اطلع اله هستوني مشيت
خطوه ورجعت تذكرت كلامه
من كال الي لو شنو يصير ما تطلعين من هذا
المكان
بقيت واكفه انتظره يدخل
رجعت كعدت بمكاني انتظره شو ما اجه وين راح
هذا شنو ينتظرني برى لو شنو !!!

ثواني وسمعت صوت واحد يحجي
- هاا شو ما بدكوم بعمل
جمدت خايفة هذااا مو شُعااااع
رجعت سمعت شخص ثاني يحجي
- قلتلوا يعمل الي عليه وباقي حرقجات
رجع رد عليه الثاني
- مافي ناس هون لكان شو بنعمل هون ليش اجينا
- قلتلك بندور هون لو لقينا شي اثر
لانُ قالوا سيارتهم هون في هذا المكان
اطلعوا عليهن ولحقوهم
اني هنا روحي راحت يعني هذوووول ديحجون
عليناااا اني وشُعاع لان لحكونا صحيح
حسيت بالخطر يييييييمه يعني راح يدخلون
هسه ويشوفوني ياااربي راح يلزمووووني
شنووو اسوي
سمعت واحد بيهم كال
- اخونا المجاههد خلينا نروح من هون
مافي حدا يقعد هون بهاد الوسخ والريحه المقرفة
خلينا نمشي

سحبت نفس عبالي راح يمشون
شو ما اسمع الا صوت الطلق والصوت
مال الطلق حيييل قريب مني
عبالك كدامي
صرخت واني ارجف
- يييييييمه هذااااا منووووو
يااارب دخيلك هذااا منوووو قتل منوووو
صار الطلق عشوووائي
حتى وصل يمي وصارت تجي الطلقات بالحايط الي
يمي
اني بس اصرخ وارجف
اريد يوكف الطلق احس
هاهي هي هاي نهااايتي
دنكت وخليت اديه فوك راسي اصيح
يااا الله ياااعلي
يااارب سسسساعددني راح اموت
مستمر الطلق وعبالك داخله بحرب ثنيت نفسي
حتى احميها وماتجي بيه طقه
وزحفت يم الحايط حتى احتمي بي وما تجيني طلقه
والطلق مستمر ما وكف
فوك العشر دقايق حتى ماعرف شنو الي
صاير
بقيت مدنكه وماحس الا طلقه اجتي بالحايط
الي اني محتميه بيه بحيث صوت
الطلقه صار بأذني
بقيت جامده بمكاني ارجف وراها اجتي
طلقه ثانيه عشوائيه
ماحسيت الا الحايط النص الي يمي
اهتز و وكع ردت اكوم
حتى انهزم مايوكع عليه بسس ما لحكت
صار نصه وكع فوك جسمي فوك ظهري نصه ،
وتحديد فوك كتفي وايدي
صرخت متألمه
ااااااااااااخ ييييييمه
خويت من الالم الي حسيت بي
روحي فرفحت واني احس بالثقل الي فوكايه
واحس روحي صارت تطلع من جسمي
المكان صار عباره عن تراب ماشوف اي شي
عيوني صارت تقفل من وحدها
الخوف والرعب الي عشته بهاي اللحظه
ماينوصف
ماحسيت ع نفسي الا واني رحت بغير
عالم ..

صحيت ع ألم حيل قوي وصوت اسمعه
بس حيل بعيد
احس يمي ضوضاء وأصوات ما مفهومه
حاولت استعيد نفسي ردت احرك
نفسي بس ماكدرت كأن اني متقيده
ورى كم ثانيه يلا وضح الصوت
بمسمعي
- نااارااا فدوه تسمعيييني احجييي بابا
تسمعيني
ركزت بالصوت هذا شُعاع اي والله
هذا هو رجع الي
حاولت احجي بس ماكدر
التراب فوكايه هو والطابوك وصوتي شكد
ما احاول احجي ما يطلع
سمعت صاح بصوت عالي
- نناااااارااااااا
حسيت بنغزه حيل قويه صحت متألمه
- اااااخ
بس صوتي ما ينسمع
رجع صاح
- بابا موجودددده هناااا انتِ
ماكدرت احجي
حسيت اجه يمي وصار يوخر بالطابوك من فوكايه
صار يرفع بالطابوك ويشمر بعيد
يرفع ويشمر
اسمع صوت انفاسه حيل عالي
كأن هو بسباق
وصل الطابوك الي فوك كتفي راح يرفعه
وصرررخت بصوت عالي متألمه كأن الصوت
رجعلي من الالم
- اااااااااااخ
- ااااااانتِ هنااااا يابه راح تموووتيني
الحمدلله يارب الحمدلله
بجيت من حسيت شي من جسمي انقلع
روحي راحت ويا ما سحب الطابوكه
بجيت بصراخ
- هاااا شبيج شبيج فهميني شبيج
بجيت رديت عليه بالكوه
- لااتحررركهاااا اكو شي بجسمي صاااير
يمكن شيش داخل بكتفي لو حديده

هو من سمع كلامي صاح بصوت عالي "

- يااااااعلي دخيلك يااااااعلي

جمد جسمي واني اسمعه ينادي ياعلي
احس جسمي نشل امر ما هو هسه
مشلول ماعرف إذا سمعت صحيح لو يتخيل الي
بس صوته صار ترس أذني
سمعته يصيح يا علي اي والله سمعته
رغم الوضع الي اني بي بس قشعر جسمي

احس بحراره صارت تنزل من كتفي
شهكت متألمه صاح
- تكدرين اطللللعي ؟؟؟
رديت عليه بالكوه
- اي بس ما الي كلب اطلعه يوووجعععني
سمعته استغفر ورجع يحاول
يقنع بيه كأن طفله كدامه
- يلاا بابا يلا عيوني حاولي وياي حتى انطلعه
من كتفج
الخاطر اهلج الخاطر ابوج عينيني خلي انطلعه
ونطلع من هذا المكان
صرت احس عيوني تقفل من التعب
احس الحديده داخله بكلبي
صرخت متألمه
- احسسه بكلبي عفية خايفة اني راح اموت
رجع صاح بصوت
عالي
- ناااااراااا الخاطر علي طلعيهاااا من يمج تحركي
من يمي ماكدر اطلعهاااا
بابا فدوه الج ابوس ايدج يلا تحركي

حاولت اتحرك وكل ما اتحرك
احس سجينه تدخل بيه
مديت ايدي حتى اطلعه وصرخت متألمه
الدم ينزززف
واني كل ثانيه اغيب عن الوعي
حاولت اسحب ايدي ورجعت صرخت
صحت واني ابجي
- مااااكدر عفية داتوووجعني
سمعته تنهد بصوت عالي واحس بصوته
حيل مخنوك كأن يبجي ماعرف يمكن حسيت هيج شي
سكتت وطول سكوتي صاح
- وووينج تسمعيني
ضغطت ع نفسي
- اي
- يلا كولي يا الله وسحبي ايدج
بقيت اجر بأيدي واني اصرخ هو يصيح
- هاااا احجي وياي لا تسكتين
سمعيني صوتج
بجيت
- اني راح اموت شُعااع
- لااا ماتموتين انتِ ام سبع أرواح انتِ البطله
ما تموتين
- اااخ بابااااا راح اموت
كل ما اصرخ هو يصيح من يمه
- ياااااااا الله
سحبت ايدي وجريتها بقوه وطلعت من الحديده
هنا بعد حسيت بجسمي صار بي شلل
ماكدر حتى اتحرك
هو صار يشل بالباقي الطابوك ويشمر
بعد ما حسيت بنفسي غابت روحي .

ورى فتره صحيت حسيت نفسي بالسياره
صحيت بسبب
المطبات مال الطريق
اسمعه يصيح بأسمي حتى يصحيني
- ناراا انتِ وياي تسمعيني
صلي على محمد بابااا افتحي عيوونج تسمعيني !!
اااصحححي
اني بالكوه افتح عيوني واسدهن هو يصيح
- لا تغمضين خليييج وياااي
اني ماشوف كدامي اي شي بس غواش
حتى الصوره كدامي مو واضحه
الالم مووووتني احس كأن جسمي كله
بي سجاجين
غمضت عيوني من حسيت السياره وكفت
انفتح الباب الي يمي
وشالني مابيه احرك نفسي اسمع يحجي وياي
يحاول يصحيني واني ما ارد ماكدر
كأن بعالم ثاني
دخلني المكان ماعرف وين هذا
وحطني ع القنفه بس ريحه المكان حيل طيبه
صح ما انتبهت عليه بس حسيت بي
واشتميته

حسيت بي سحب شي عرفته الكرسي
فتحت عيوني لكيته صاير كدامي
حيل قريب مني
وماعرف شنو البصفه مثل الجنطه الصغيره
فتحها وصار يطلع منها اشياء
عرفتها اسعافات أوليه
رفع عيوني وصار يباوع ع الجرح الي بكتفي
اني ميته من الالم وبس اون
ماكدر احجي
سحب نفس وحجه وياي
- اتحملي بابا
مارديت بس اون شكد مكان الجرح وصار يعقم
بي واني احس عبالك يحط تيزاب فوك
جرحي
صار يعقم بالجرح من فوك ويحجي وياي
- هسه نخلص يلا ما بقى شي
شويه وتنامين
ماتحسين
ماحجي بس اون رجع لزمني من كفي
وسحبني صرت نايمه ع الجانب مالتي
شك الثوب من ورى وصار يعقم
بالجرح الي بظهري
واني بس اصرخ و أون احس حتى جسمي
طار من الالم رجع
باوع عليه
- راح اخيط الجروح ما أطول خليج قويه
انتِ اساسًا حيل قويه اعرفج سبعه تتحملين
ماحجيت
حسيت ع جكه ابره صحت متألمه
اااخخخ
وبعدها صار يخيط
بالجروح الي بيه
واني اون
خيطهن ع السريع واني ماعندي غير بس
الدموع
ابجي من الالم
كمل الخياط اخر شي للف ايدي كلها
ورجعني المكاني
عدلني

حسيت تقرب مني وضغط بين صدري
اني افتح عيوني واسدهن روحي دتنسلب مني
من شفت حط ايده بين صدري
حاولت ابعده خايفة لا يستغلني واني بهاي
الحاله ياربي ساعدني صافنه عليه
هذا شنو ديسوي
ضغط بين صدري حيل ماصرخت
حجه
- جيد جداً
رجع ضغط ع كتفي الثاني هم ضغط عليه
حيل بايده
باوع عليه ما صرخت
رجع حجه
- جيد جداً
رجع نزل ضغط ع رجلي
تلممس برجليه وصار يضغط عليهن
اني بس صافنه ماعرف شنو ديسوي
اون من ألم كتفي
واغمض وارجع افتح
صار يتلمس برجلي
باوع عليه سألني
- تحسين ؟
- شنوو ؟
رجع ضرب ع رجلي صحت بصوت مكتوم متألمه
- اااخ
هز راسه بهدوء وعيونه عليه
- جيد جداً
وكف ع طوله وطلع اني صرت اغمض عيوني
وافتحهن درت للجهة الثانية وماحسيت
بعد بشي يمكن من الابره الي ضربها الي

ورى فتره ماعرف شكد حسيت بواحد
دخل للغرفه و اجه تقرب وكف فوك راسي
بعدها
حسيت بشي حاد انحط ع رقبتي
ماكدر اتحرك جسمي مخدر
احسه مشلول
حسيت بحروره انفاسه يم اذني
فجأه حجه
- عبالج تروحين مني !!!
اني ماكدر اسوي شي حتى صوت شُعاع نسيته
وماعرف منو هذا بالضبط
حسيت بجكه بأيدي صحت متألمه اون
اخخخ رجع جكني مره ثانيه
اريد افتح عيوني واشوف منو هذا
بعدها ايدي انلفت
بقيت اون
- امممممم
صار صوته قريب مني
- اااسسسسسس
بعدها ماحسيت هم رجعت نمت
ماعرف شنو ديضربني وشنو الإبر الي يخليهن
كل الي اجه أبالي هذا منوم
لان من يضربني ما اصحى الا ورى ساعات
طويله
وهل مره من صدُك ماصحيت الا ورى
١٦ لو ١٧ ساعه

صحيت وحاولت افتح عيوني بس اشوف
كل شي مغوش
نزلت عيوني لكيت واحد كدامي
كاعد ملثم
فزيت خايفة اريد اركز منو هذا بس ماركزت بشي
ونيت متألمه من ايدي هو التفت الي
سمعت صوته
- واخيرااا صحيتي ، صحت الاميره
ماركزت بي صحت
- شُعاااع
رد عليه
- راح إلى جنات النعيم
ماركزت رجعت رديت عليه
- انتَ منو ابو عصام ؟
- منو ؟
رديت
- وينه شُعاع
غمضت عيوني بتعب رد عليه
- قتلته
اجوبته جانت تنرفز وقصيره
- انتَ ابو نوح لعد ؟
ضحك بصوت عالي واني الغبيه ما ركزت بصوته
من الالم اريد بس جوابه
يكول اني منو
وكف ع طوله وتقرب الي
خفت منه وعيوني كل شوي افتحهن واسدهن
غمضت عيوني
من وصل يمي
حجه بوجهي

- اخاف من اعوفك بعد ما اشوفك

وكعن دموعي من التعب حلكي احسه خدر
- ليش هيج تسوي بيه ؟
- احب اشوفج صاحيه
- ل.. لا تسويها
مشه ايده ع وجهي واني مغمضه
- تخافين عليه مو ؟
هزيت راسي بنفي رديت عليه
- ليش ؟
- شنو ليش ؟
- ليش انتَ ملثم
- هيج يابه شعليج ، شلون صرتي ؟
- اني وين ؟
- بعالم الموازي
فتحت عيني وغمضتها
- اااني تعباااانه حححيل
- عيااره هاي غير مخلي الج مخدر وماتحسين بنفسج
- هاااا
- اي
ماعرف شنو جابها ع بالي سألته
يمكن اهلوس
- وين أسراء؟
لزم كتفي وضغط عليه
- اششش لاتحجين
- صرت اهلوس بكلمات ما مفهومه وهو يحجي عليه
-كل شي ما فهمت منج يمكن اني انطيتج
جرعه زايده شو رحتي زايد
وصرتي تهلوسين وانتِ مفتحه عيونج
- شنو انطيتني انتَ
- مخدر
- شلون انطيتني يمكن اموت
- لا ماتموتين اعرف بيج سبع أرواح
اطمنت اكثر من عرفته هذا شُعاع حتى واني
بهاي الحاله يحشش عليه

مر اليوم وهو ابد ما عافني
كل شوي يجي يشوف المغذي
صار فوك راسي اجه يجيك المغذي
فتحت عيوني
باوع عليه
- تدرين اني تبرعت الج دم ، اني يراد الي
دم لان انتِ خلصتي الدم مالتي
شلون بيك بس تخرخرين دم ما اتوبين
- دمك كله وكع القديم
- اي يابه غير نزفتي هواي
- وين راح نروح بعدين ؟
- ماعرف اشوف النه مكان نروح بي ماعليج
انتِ ارتاحي
هزيت راسي اله ب اي وهو ماعرف وين راح
دخل الوحده من الغرف

طلع ورى شويه شايل بيده حاسبه
استغربت كعد كدامي
وماعرف شنو يسوي
اني بقيت اباوع عليه اريد افهم شنو يسوي
بس هو جان مشغول
ورى شوي حسيت اتصل بشخص لان
سمعت صوته الواضح يحجي ويا
كاميره
رفع راسه الي واشر ع شفايفه
- اششش ماريد ولا حرف واحد
بقيت صافنه عليه شوي وسمعتهم اثنينهم
يحجون بالانكليزي
استغربت وماعرف شنو يحجون بالضبط ..

شُعاع :- Yes, it is a very beautiful country that fights for Islam. We are happy to have you join it and we are honored as well.
فتحت عيوني ع وسعهن
نارا :- شششنو !!!!!
رجع رفع راسه خزرني وصاح بيه
شُعاع :- صوتج
ماسكتت رديت عليه واني مستغربه
- شششنو انتَ مو عراااقي ؟؟شنو تقصد
بكلامك هذااااا
رجع صاح بيه حيل عصبي وهو خازرني
شُعاع :- كتلج ااااااسكتي
سكت اسمع هذاك يكول اله
الطرف الثاني :- What does the state contain and for whom does it work?
سكتت اسمع حوارهم واني مستغربه
شُعاع :- For the sake of long life and the satisfaction of God, and there are also resources and weapons of all kinds with explosives, and it is Islamic, and there are also women of jihad there
الطرف الثاني :-? What are you fighting
شُعاع :- Enemies of God
الطرف الثاني :- Okay, write my

اباوع اخر شي داس دكمه بالحاسبة ونهى الاتصال
شُعاع :- اشششش
واني صافنه راح رجع دخل ضم الحاسبه
ورجع
سألته خايفة
نارا :- منو انتَ ؟
شُعاع :- كتلج من قبل
رجعت بيه الذاكره ليوم الحادث صفنت بعدين سألته
مستغربه
نارا :- بس انتَ كلت يا علي اني سمعتك
شُعاع :- شوكت ؟
نارا :- من وكع عليه الحايط واني سمعتك
كلت يا علي
شُعاع :- لا يتخيل الج
نارا :- لا تجذب عليه والله اني سمعتك هيج كلت
شُعاع :- كلت الج يتخيل الج جنتي بنص
الموت واكيد من الخوف هيج سمعتي
نارا :- متأكد؟
شُعاع :- اي قابل اشاقه وياج
نارا :- ماعرف يمكن
رفع الي حاجبه
شُعاع :- خوش
نارا :- هذا البيت مال منو ؟
شُعاع :- احد المجاهدين .
صحت بي
نارا :- شنوووووو
سند ظهره ع الحايط ورد عليه
شُعاع :- اي بس انقتل واني جبتج هنا بهذا المكان
نارا :- وشلون جبتي هنا
شُعاع :- والله ياست الحسن ماكو مكان ثاني
اكثر امان بهذا الوقت .
سكتت صافنه عليه

مر اسبوع كامل وهو يهتم بيه وبالجرح
يعقمه ويخاف لا يلتهب واتأذى
جنت حيل احب هذا الاهتمام
ماعرف ليش وهو ما حاول يضايقني طول هذا الأسبوع
ورى اسبوع جنت كاعده بملل كالعاده
جان يدخل عليه
شُعاع :- نارا
نارا :- ها شوشه .
بقى صافن عليه مصدوم شلون هيج نطقت
صاح بوجهي وهو يرفع حاجبه
شُعاع :- شنو ؟
رديت عليه
نارا :- شبيك شُعاع وابو عصام بالكوه انطقهن فهذا
أسهل
صفن بوجهي وطك ايد بأيد
شُعاع :- الحمد لله ع وعدك ياربي.
بقيت صافنه ع جملته هاي بابا جان يكولها هواااي
شُعاع :- هم يلا نرجع للبيت
نارا :- وين نرجع
شُعاع :- البيتنا
نارا:- شنووووو
شُعاع :- اي شبيج
نارا :- شلووون لا تخبلني مو دخلوا اله وفتشوا
وشكووو بيك
شُعاع :- اي بس هسه صار امان
يعني فتشوا وماكو اي شي الوضع امان هناك
وهم احسن حتى تكونين قريبه عليه
وكل شوي اشوفج
وأامن عليج
نارا :- بس عفية
شُعاع :- اطمني بابا ماكو شي حتى دخلوا اله
هيج فجأة حتى يسوون كبسه
بس مالكوا اي شي ف الوضع امان

سكتت احاول احجي ويا واقتنعه نبقى هنا
نارا :- زين شلون وايدي خليها أطيب فد مره
ونبقى هنا وبعدين نرجع
شُعاع :- ماكدر
نارا:- ليشش غير افهم
شُعاع :- لان واحد من المجاهدين راح يتزوج
وهذا البيت راح يكون اله .
صحت بي
نارا :- شششششنو نعال عليه يتزوج شنو منو يتزوج .
ضحك بصوت عالي ورد عليه
شُعاع :- والله ماعرف يتزوج منو اذا تريدين اسأله
الج .
سكتت خجلانه منه رجعت حجيت ويا
نارا :- بس كتفي يوجعني
عقد حاجبه
شُعاع :- شنو ما صار احسن ؟
هزيت راسي بلا
نارا :- لاا ماكدر احرك ايدي يوجعني
شُعاع :- قابل امشيج ع ايدج هيَ سياره وتصعدين
بيها تصعدين ورى وتنامين واكو بطانيه
خليها عليج
نارا :- هااا تمام ، شوكت نطلع ؟
شُعاع :- الباجر الساعه ٣ باليل حتى محد يشوف
نارا :- تمام

راد يمشي صحته
نارا :- شعشوع
هو رجع عليه بسرعه عاض شفته
شُعاع :- يابه شبيج انتِ اكول الج ابا العاصم تكولين ابو عصام
اكول الج شُعاع تكولين شعشوع
شنو كدامج طفل اني
نارا :- اووو شبيك انتَ هسه شكلت لك
شُعاع :- خلصيني شنو تريدين
نارا :- اريد اكل جوعانه
شُعاع :- خوش هسه اطلع اجيب اكل واجي ،
راح طلع يجيب اكل ورى نص ساعه رجع
اول ما دخل صاح
شُعاع :- وينج ااالووو
مارديت عليه رجع يصيح
شُعاع :- بشبووش ، حنفوشش وينج
فتح عيوني عطت بي
نارا :- شنووو اني مرتك حتى تدلعني هيج
شُعاع :- اهووو شكد تتمضيكين هسه شكلت اني
نارا :- باوعت ع البيده جايب اكل ريحته وصلت الخشمي
سألته، شنو جايب ؟
شُعاع :- لحم شوي

اجه حطه كدامي اني صافنه اباوع خايفة لا يكون
لحم بشر
حتى ما الي نفس اكل
رغم ميته من الجوع
باوعت عليه
نارا :- هذا اللحم منين جايبه
صفن بوجهي عرف شنو اقصد
شُعاع :- من زروري
صفنت بوجهة
نارا :- شبييك هذا اللحم منين جايبه
شُعاع :- شبيج هيج خايفة اكلي اكلي ،
شال وحده واكلها رجع كمل ،
اكلي ولج ترى اني هم اخاف ع نفسي والا اتأكد منه ،
نارا :- شلت وحده وفتحتها بيدي قربتها
ع خشمي اشتمها
باوع عليه صاح بوجهي
شُعاع :- جيره بكصتج وبكصتي اني هم
ماتشوفيني جاي اكل ماتاكلين شبيج
نارا:- شو اخاف من هذا اللحم
شُعاع :- ياعمي وحك هذا الله هذا اللحم مال
الطليان يعني لحمج انتِ شنو ماعرفتي
نارا:- هاااا
شُعاع :- اي والله
نارا :- مو لان شفته هذا لحمك ف لعبت نفسي
وما اكلته
صفن بوجهي
شُعاع :- شنو تقصدين ولج
نارا :- يعني للحم مطاية
صاح بيه
شُعاع :- ايااااا مطية انتِ بنت ال..
راد يكمل خزرته رجع حجه ، بنت الحلوه
نارا :- امك الحلوه
شُعاع :- اي والله طالع عليها اني
نارا :- لعد اسحب كلامي مو حلوه ،
هو سكت اكلنا وكملنا

صار ثاني يوم الساعه
٣ باليل جهزنا نفسنا وهو شال البطانيه
لفني بيها لف صعدت ورى ومشت السياره
وصلنا يم السيطره كال
شُعاع :- لفي نفسج ولا تحجين هاي سيطره .
سكتت وصل يم السيطره سمعته حجه وياهم
شُعاع :- كيف حال المجاهدين
- بخير كيف حالك ابا العاصم
شُعاع :- أنا بخير
- يرزقك الجنه ابا العاصم
شُعاع :- امين
مشت السياره ورى شويه صاح
شُعاع :- اياااا انذال دازين ورانه سياره تراقبنا .
خفت وجسمي صار يرجف وهو
يغلط ويسب بيهم
إلى أن وصلنا بدون ما يلتفت حجه وياي حتى
ما ينتبهون اكو احد ويا
شُعاع :- نارا اني راح ادخل جوه وانتِ ابقي بالسياره لاتتحركين
الا ان يروحون واني اطلع ادخلج خوش
نارا :- هزيت راسي ب أي وهو نزل وقفل
باب السياره
بقيت بالسياره ساعه كامله بحيث
حتى جسمي خدر ع نفس النومه وما متحركه
طلعت خشمي من البطانيه اتنفس
حيل اختنكت
حسيت ع شخص قريب من السياره
روحي راحت وخفت بس لا حسوا بيه
انفتح باب السياره واني مرعوبه
ماحسيت الا ايد صارت ع رجلي بقيت جامده
ماتحركت
كلت بس يسوي شي ادفره وانهزم
فتحت عيوني ع كيف اباوع عليه
صار بوجهي
شُعاع :- دكومي كومي شلون لافه نفسها لف

نارا :- يمعودددد خوفتني هسه من ادفرك
احد يكول ليششش
شُعاع :- حتى اكسررر رجليج يلا نزلي بسرررعه
نارا :- قبل لا انزل لفني لف وشالني
وحط فوكايه مخده حتى ما أبين
ودخلني جوه بالبيت
دخلني للبيت وللغرفه وداني خلاني ع السرير
وطلع حتى يقفل البيبان
اني بقيت صافنه بالغرفه واضحك
ماعرف ليش حسيت هذا البيت صار جزء
مني لان اني عايشه بي
رجع دخل للغرفه لكاني مبتسمه
شُعاع :- ها خير شو مبتسمه ؟؟
نارا:- مو فرحانه بهذا البيت لان هو احتواني
بكُل تعبي من بعد ما جنت جثه .
هو همهم بهدوء ورد عليه
شُعاع :- خوش

مر اسبوع نفس المنوال ماكو شي جديد
والوضع امان ماكو احد يحاول يسوي شي ولا يتهجم
ع البيت مثل قبل
وهو يجيب اكل صرت اطلع برى بالحوش اخذ نفس
وارجع يعني الأمور زينه بس هو
مشغول هواي وعنده شغل يجي قليل
وماعرف شنو يسوي
يختلي بنفسه هواي ومن يطلع ما يحجي وياي
واني عايفته ماالح عليه

ورى هل اسبوع دخل عليه تقريباً الساعه
١٠
شُعاع :- نارا تعالي يمي
نارا ؛- هل شكو ؟
شُعاع :- هسه تعاي شبيج
نارا :- مشيت ورى ودخلنا للغرفه
اباوع عليه طلع المسدس وحطه بيده خفت بالبدايه
شُعاع :- تعرفين ترمين ؟؟؟
نارا :- هو غير بس ادوس منا وهاهيَ ؟
أشر الي حتى اجي يمه واني رحت يمه
كعدت ماعرف شنو يريد يسوي
شُعاع :- باعي هذا المسدس خلي يمج .
نارا :- فتحت عيوني مصدومه ، شنووو ؟؟؟ اكو
شي صاير ؟
شُعاع :- لا بس لازم نطلع المكان بعيد ولازم
يكون يمج شي تحمين نفسج بي إذا صار شي
نارا :- خفت من كلامه ، شنو وين تروح وتعوفني ؟
شُعاع :- شغل بابا شغل
نارا :- هزيت راسي بس خايفة
هو سحب الشاجور
شُعاع :- تعالي حطي طلق بي
نارا :- خليت اول وحده والثانيه ماكدرت اخليها
عاد هوَ حطهن وعلمني
شُعاع :- اسحبي
نارا :- سحبت مثل ما علمني
شُعاع :- ومنا ترمين
نارا :- باوعت عليه مبتسمه ، يعني ارمي هسه ؟؟؟
هز بايده ورد عليه
شُعاع :- تريدين تفضحينا انتِ
رجع باوع عليه وضحك
شُعاع :- اكلج خاف تموتيني بي
واطبقين هذا المثل
" علمته الرماية فلما اشتد ساعده رماني "

نارا :- ضحكت بصوت عالي ، ورديت عليه ، يمكن .
شُعاع:- مثل ما علمتح وخلي هذا المسدس يمج
نارا :- صفنت بوجهة خايفة سألته ، شنو راح
تعوفني ؟؟؟
رد عليه بهدوء
شُعاع :- لا
نارا :- ماعرف ليش كلبي وجعني ، شُعاع ،
هو رفع راسه
ينتظرني احجي حجيت ويا بعبره
لاتعوفني حباب
هو صفن بعيوني واحس طول بصفنته كأن
يتأملني
سحب نفس وزفره
شُعاع :- منو كال الج اعوفج
نارا :- أي لعد لا تعوفني
شُعاع :- لا بابا ماعوفج
نارا :- ضغطت ع ايدي وسألته، هم يجي يوم
وتسلمني الهم ؟؟؟
هز راسه بنفي
شُعاع :- مستحيللل اسلمج، اسلم روحي الهم وما اسلمج
نارا ؛- دنكت راسي احس روحي مهمومه وحيل خايفة لايصير شي مو زين
شافني ساكته حجه وياي وهو يدك ع ايدي
شُعاع :- ام النون
نارا :- رفعت راسي اله
شُعاع :- شلون اعوفج اني
نارا :- هزيت راسي بحيره ، شنو السبب ؟
صفن بوجهي وهو يتنهد رد عليه

شُعاع :- غير النرجسي مال عيني صرتي

باوعت عليه مصدومه يقصد عيونه لونهن
نرجسيه ويقصد صرت اني هنَ
ردت ادارك خجلي
نارا :- مو كأن رحت زايد
شُعاع:- لاا
وراها مرن ٣ ايام نفس الشي ماصار شي
مجرد روتين عادي والحياه الي عايشتها
هادئه وماكو اي شي

بليله من اليالي جنت كاعده اسبح واقرا ادعيه
هو دخل عليه ماعرف شبي
شُعاع:- تعالي كعدي يمي
نارا :- اجيت كعدت يمه هو بقى صافن بعيوني
شُعاع:- نارا
نارا:- ها شنو ؟
شُعاع:- اني خايف
نارا :- عقدت حاجبي مستغربه ، من شنو ؟؟؟
شُعاع :- خايف افقد شي يخصني شي قطعه من روحي وكلبي
احس قطعه من روحي راح تروح
نارا : خفت من كلامه ، شبيك شُعاع حباب من شنو ضايج حتى هيج تكول
شُعاع :- ماعرف بس احس بروحي
مختنك
نارا :- صفنت بوجهة كلت خاف يريد ينطيني
الهم وجاي يمهد الي الطريق سألته خايفة ، احجي شكو ؟
شُعاع :- ماكو شي بس كتلج خايف ع شي ماعرف شنو هوَ
نارا :- اباوع عليه عيونه لمعت وكان راد يبجي
دنك راسه وطلع
اني بقيت صافنه مبهوت وجهي مو فاهمه شكو
وشنو جان كلامه وشنو يقصده
وكفت وركضت ورى
اباوع عليه يغسل بوجهة
سألته

نارا :- شكوووو شُعاع لاتخبلني شبيك ،
اشو ماحسيت الا اجه عليه سريع وحضني بكل قوه حسيت اعضامي تكسرت بحضنه
كأن راح اطير منه
دخلني بحضنه وعاصرني عصر
اني بس صافنه ما انطيت اي رده فعل وهو كل شوي
يتنفس بقوه ويحضني اقوه
شُعاع :- لا تعوفيني
نارا :- شُعاع لا تخبلني بس فهمني شصاير حتى هيج تحجي
شُعاع :- ما صاير بس احس شي راح يروح
مني
نارا:- ضحكت كتله ، يعني اني راح اموت ؟؟؟
رجع ضغط ع جسمي قوي وحضني اقوه
صاح بيه بصوت مكتوم
شُعاع :- انجبي لاتحجين هيج
نارا :- ضغط عليه حيل وكتفي صار يوجعني
حجيت بتذمر ، خااااب ايدي راحت كتفي
راااح
هو نزل ايده يباوع بعيوني
شُعاع :- بعد لا تحجين هيج مره ثانيه

نارا :- شكو احجيلي
ابتعد عني يصيح
شُعاع :- ماااااعرف ماااااعرف
نارا :- عيونه صارن حمر دم وعافني وطلع
اني بقيت صافنه كاعده وافكار براسي
تجي وتروح حتى ماعرف شنو اسوي
شبي ليش هيج حجه شنو الي صار ومعقوله راح يصير
شي سيء ياااربي
والله حيل خايفة انوب تصرفاته تخوفني اكثر
ورى ساعتين رجع
شُعاع:- كال الي ماكو شي لا يبقى بالج "
نارا :- بقى صافن بوجهي
شُعاع :- نارا
نارا :- هاا
شُعاع :- رغم ضعفج تبقين حلوه ورغم
حواجبج وشواربج ضبه مال وايرات بس تبقين
حلوه
نارا ؛- فتحت عيوني مصدومه هذا قصفني، ممكن تسكت ع الاقل احترم مشاعري اني أنثى
وكلامك يجرح مشاعري
هز ايده
شُعاع :- هو انتِ اخوي وكاعد كدامي

صفنت وسألته
نارا :- عندك اخو ؟
شُعاع :- اي عندي
نارا :- صغير لو جبير ؟
شُعاع :- اي صغير وما متزوج
نارا :- شنو اسمه ؟
صفن بوجهي
شُعاع :- تريدين اسجلج ويانه بالعائلة ؟؟
نارا :- يا هسه اني شنو كلت ، هو هز ايده
وطلع اني بقيت صافنه ورى
ليش مايقبل يحجي
وين اخو وين عائلته ؟؟؟
ليش مايحجي عنهم ، زين امه وينها وصحيح ابو
ميت مثل ما كال الي قبل ؟؟؟
زين ليش مرات يحجي خليجي ومرات
يحجي بغدادي ومرات اجنبي
احس عقلي طار

جعت خلي اسوي اكل احسن من التفكير
افتريت شفت اكو طماطه
وبصل دورت لكيت اكو طاوه محتركه اي احسن من ماكو سويت البصل وخليت الطماطه فوك
البصل وحمستها
طفر عليه الدهن صحت
ومشرت الطاوه متعصبيه بعدين مثل الحبابه
رجعت عدلتها وخليتها ع النار
اباوع البصل احترك ضحكت من تذكرت الشوربه
مالته من جابها الي البصل
مالتها محترك
كملت واستوت اخذتها وخليتها بصينيه قديمه
هستوني كعدت ردت اكل جان يدخل
شُعاع
شُعاع:- ها شمسويه
نارا :- باوعت عليه ، طماطه حمس
شُعاع :- اييي والله اجت بوقتها ميت جوع
نارا :- اشو هذا اجه سحبها من يمي
وصار ياكل عزم نفسه بنفسه وبالجذب
ما كال تعالي اكلي وياي
شُعاع :- شبيج ؟
نارا:- تقرب يمه ، اكول اهلك وين ؟
شُعاع:- ماعرف
نارا :- شنو ماتعرف يعني عايشين ؟
شُعاع :- اي
نارا :- لعد وينهم ؟
غلس ع السؤال
شُعاع :- الطماطه طيبه
نارا :- ادري
شُعاع:- اخذت مالتج تردين اسوي الج ؟
نارا :- لا اني اسوي اكل انت بالعافية

شُعاع :- نارا اني راح احجيلج هسه كلام
ولازم تفهمي
نارا :- عدلت كعدتي لان جان حيل جدي
بكلامه، شكو
شُعاع :- اكو شي راح يصير ولازم تكونين حذره
اني ماعرف شنو بالضبط ولا تسأليني شنو
بالضبط بس اعرف واحس اكو شي راح
يصير مو زين ف كل الي اريده منج تكونين حذره
حتى وانتِ نايمه اريدج تكونين فطنه
وحريصه اذا سمعني اي حركه الزمي سلاحج
وخلي يمج تحسب لأي وضع طارئ ممكن يصير
وحاولي تكونين هادئه حتى تكدرين تتصرفين
صح
نارا:- بقيت صافنه ع كلامه شكد حاولت افهم
ليش هيج حجه بس مافهمني
وخلاني مثل الأطرش بالزفه

مرن كم يوم جنت نايمه اني حسيت صار
فوك راسي
حمحم فتحت عيوني هو صفن بوجهي
شُعاع :- تدرين انتِ حيل حلوه وانتِ ونايمه
شواربج يلمعن
نارا :- ضربت جبيني ، شُعاع بس فهمني انتَ
الله دازك عليه حتى تحجي هذا الحجي المزعج
شُعاع :- يمكن انتِ مسويه شي مو زين بحياتج
والله بلاج بيه
نارا :- صحت بوجهة واضضضضضح حيل وااااضضضح
هوَ كعد بصفي اني عدلت نفسي
حط ايده ع رجله ورفع راسه يباوع بعيوني

شُعاع :- نارري

نارا :- صفنت بوجهة مصدومه من كلمته ، هاا
شُعاع :- اني خايف
نارا:- ضربت ع رجلي ، بس فهمني انتَ
مسويلك سالفه ماصخه وتريد تسدها بهذا
كلامك
شُعاع :- ججججء
نارا :- لعد اني نعسانه خلي انام هسه والباجر
الصبح اكعد اواسيك
رفع ايده وضربني ع راسي وكف صاح بيه
شُعاع:- مو صوجج صوج الي يحجي وياج
دنااامي نامي ، نامت عليج طابوكه
نارا:- أي عود ميخالف ، سحبت الغطه وغطيت
نفسي ونمت وهو طلع

كعدت الساعه ١١ الصبح اباوع اكو ايد
بصفي ع السرير
فزيت خايفة انصدمت من شفته شُعاع نايم
بالغرفه يمي وحاط ايده ع السرير
شبي هذا اول تالي يسويها !!
يااااا شبي هذا الرجال نايم هنااا
عجيب أمره صاير ماعرف شي هاي الايام
معقوله يحرسني لو يراقبني حرت ويا
ضربت ايده بخفه واني اصيحه حتى يكعد
نارا :- شُعاع ، ششوشوو ، مشمش ، شوشايه ، ابو الشووشش
اباوع عليه فتح تك عين يباوع عليه
شُعاع :- بعد بعد شعندج غيرهن بعد
بس ناقص تلبسيني ربطه واصير بنت كيوت
نارا :- ضحكت عليه بصوت عالي ، ليش نايم هنا ؟
شُعاع:- ماحسيت غفيت من التعب لاتخافين
ماميت ع جهرتج أصبح بيها من الصبح
نارا:- خاب دروح وين صاح لك تصبح بوجهي
الي ينور
شُعاع :- جيد جيد
نارا:- يااا قابل اشاقه وياك شبي هذا شو مايتحاجه
اللهم ثبت العقل عنده
وخلي يعقل
شُعاع:- طالع اني
نارا:- ياااربي شكد دايح ٢٤ ساعه برى
هوو رجع عليه سديت حلكي بسرعه
شُعاع :- شكلتي ؟
نارا:- هيج هيج ولا شي
شُعاع:- عبالي

هو طلع بس تذكرت كلامه وكفت سريع رحت ورى
نارا:- شُعاع
هو التفت الي
شُعاع :- ها
نارا:- لزمت ايد بأيدي الثانيه خجلانه نطقت
بهدوء ، انتبه النفسك
هو بهت وجهة وبقى صافن بوجهي
عيونه صارت تلمع انصدمت من رده فعله
اشو هذا انطاني ظهره وطلع بدون ما يرد عليه
بقيت صافنه واكفه بمكاني
شبي هذا الرجال تسودن ع الاخر
دخيلك ربي رجع اله عقله رحت كعدت ماعندي شي
اسوي

ورى ماطلع فجأه اندك الباب
جمدت بمكاني من الخوف شنووو منو هذاااا
دخيلك ياربي شُعاع مايدك الباب هذا منو
الي دكه
تقربت من الباب اريد اسمع منو
ياربي اذا شُعاع راح يحجي اذا ناسي المفتاح
بس هذا ماحجه اي شي
انهبطت وكلبي وكع برجلي
من صارت دكه الباب حيل قوويه
سمعت سحبه السلاح لو روحي راحت
صرت ارجف رجف مو طبيعي
تذكرت ابو نوح اتوقعت هو َ لكاني
ركضت للغرفه اتنفس بقوه جسمي كله يرجف رجف
هستوني دخلت الغرفه
جان اسمع صوت طلق بالباب
شهكت بقوه
صخاااااام فتحووووا البااااب فتحووووا
رجع صارت صوت طلقه ثانيه وطلقه ثالثه
وراها حسيت بيهم دخلوا للبيت
اني بقيت انكز من الخوف
حتى ماعرف شنو اسوي واني الوحدي هنا حتى
شُعاع مو يمي
اسمع صوتهم يصيحون
- ااااين انتِ أيتها الفاجررره ..
احس روحي راحت من سمعت صوتهم واكثر
من واحد شكلهم هواااي

ركضت ع السلاح الي انطى الي شُعاع
سحبت اقسام ويا سحبه السلاح
دخل واحد للغرفه شهكت مصدومه وهو ضحك بوجهي وجهة يلعب النفس
- ااااين انتم لقد وجدتهااا انهاا هُناا
اني من خوفي وتوتري
رفعت السلاح بوجهة هو يضحك
سريع ضربت طلقه اجتي بي وكع ع الارضيه
يصرخ
ع صوت صراخه دخل الثاني اني بس ارجف
جسمي كله يرجف اباوع عليه
الثاني من دخل ضرب طلقه قريبه مني
بصف الحايط وصاح بيه
- ااااارمي المسدددسسس
اني اباوع عليهم هذا نايم ع الارض ينزف
والثاني يصيح عليه حتى اشمر المسدس
واني ماكدر احسه هو
الوحدي الي راح ينقذني منهم
عبالهم ما راح اضرب مره ثانيه وجهت السلاح
ع الثاني ابجي واصرخ خايفة
وضربت طلقه اجتي الطلقه بنص كلبه
اباوع عليه وكع ومابي نفس
والدم ينزف
منه

اباوع الباقين دخلوا للغرفه واحد صار بصفي
ما انتبهت عليه
ضرب ايدي و وكع المسدس من ايدي
صرخت خايفة
جرني من شعري بقوه وصاح بوجهي
- فااااسسسقة فاجججره
سحبني من شعري واني اصرخ
وابجي
نارا :- شُعااااااااااااع وينك سسسساعدني .
ابجي واصيح اريد يجي ينقذني من
بين اديهم
اجه الثاني واحد لازمني من شعري والثاني
اجه بقوه ايده ضربي ع كتفي مكان
الجرح لو احس روحي راحت مني
صرخت متألمه لان بعده جرحي ما طاب
اني اصرخ اريد يبتعدون عني
ماحسيت الا وحده صارن كدامي
رفعت النقاب شهكت مصدومه هاي نفسها
الي عالجتني
اني نزلت عليها نزله اغلط عليها واصرخ
هي اجتي لزمتني من شعري وجرته حيل صاحت
بوجهي
- اتعتقدين اترك الشخص الذي احبه لكِ انتِ
ياااا فاسسسقه
نارا :- تفففف عليج ياحقيرررره حيوووانه ، ماكو فاسسقه غيرج انتِ
بعدني اصرخ وجان يجي الثاني رفسني بقوه
ع رجلي
صحت متألمه
ااااخخخخخ يممممه
سحبوني من شعري وجروني جر وراهم
- خذوهاااا إلى السياااره الان .
سحبوني من شعري صرت انازع بين اديهم
صرخت بصوت احس احبالي الصوتيه
تقطعت
" لاااااااااااااااا عوفووووني ، شُعااااااع ساعدني "

أَنا مؤمِن بِـ أننا سَـنلتقِ حتمًا ،
كما يَلتقِ ، حرفُ الحَاءِ بـِالباءِ .
يتبع ..

توقعاتكمممم ؟؟؟ اتحفوناااي