الربتج " حالك الاسوداد " الفصل الرابع عشر 14 - بقلم رهف علي

مو كتلك ترد من الحرب مصيوب
سواترهم من خشب لاتلبد بسدهم".

لاتنسون التصويت والتعليقات الطيفه مَثلُكم بين الفقرات قلبي

لو وضعت بين اختيارين ايُهما تختار
الهروب ام المواجهة ؟

ـــــــــــــــــــــــــــ•●•ـــــــــــــــــــــــــــ

فتحت عيوني ع وسعهن مصدومه سمعت صوت
الطلقات الاربعه انهبطت
حتى الدنيا احسها افترت بيه
شديصييييير ليشششش هذا الطلق
وينه هوَ وين ابو عصااااام بس لة قتلوااا
يا اللهي ياربي
السياره احس خنكتني بيها ريحه مو طيبه
تلعب النفس ومنا الخوف
الي موتني صرت ارجف وادفر برجلي
ياربي بس لا مااااات
يارب ما يموت ماريده يمووووت
احس دخت فد مره وعيوني صارن تغوش
ضامه نفسي وجهي صار حار
المكان صار خنكه عليه وتضايقت ردت انزل هستوني
ردت اعدل نفسي حتى انزل بس
تذكرت كلامه من كال لو شنو يصير وشنو
تسمعي ماتنزلين ردت اسحب ايدي
من الباب جان اسمع صوت
أشخاص واكفين بصف
السياره هنا احس قطره دم ماكو بجسمي
نشف الدم واني اسمع
كلامهم .

- مولاي لايوجد شيء أيُعقل المرأة تكذب ؟
اني ساكته استمع رجع رد اله الثاني
- نحنُ قد أتينا في الوقت السريع والمُناسب
لا يعقل انهُ قد هربها من هُنا في هذهِ
السُرعه
حسيت روحي راحت يعني ديحجون علينا
اني وابو عصام يعني هاي البنت هي الي مبلغه
عليناااا صرت ادفر برجلي من
الحركه ياربي يعني ابو عصام وييين ليكون
قتلووووااا
ياااااربي لااا بس لا قتلووووا احس
روحي فرفحت
ماعرففف شنو اسوي اريد اطلع اريد اشوف
وين هو راح معقوله ماااات بهاي السهوله
خليت ايدي ع يده الباب ردت
انزل وسريع تذكرت
كلامه من كال الي اي صوت
تسمعي لاتنزلين ابد اي شي يصير
لا تنزلين ولا تسوين اي شي ابقي
بمكانج هستوني حاطه ايدي جان يجي صوت
واحد منهم

سمعت صوت واحد منهم يصيح
- اباااا العاااصم ابااااا العاصم تعال هُنا
فتحت عيوني ع وسعهن
مصدومه من الفرحه ييييييعني عايششششش
ابا العاصم عايششش
احس الفرحه ملت صدري والبسمة شقت
ثغري من الأذن للاذن الثانيه
الابتسامه مرسومه ع وجهي واني اسمع صوته
يرد عليه
- نعم
يابه غير روحي طارت من الفرح من سمعت صوته
صرت احمد الله بصوت ناصي
حتى مايسمعون واني ادفر برجلي
من الحماس
سريع انحمت هاي الفرحه وهذا
الحماس من وجهي اول ما سمعته سأل
ابو عصام
- ابا العاصم
- نعم
- أين مفتاح السياره ؟
جمدت بمكاني شنو يريد يسوي بالمفتاح
مال السياره ياربي دخيلك هو اذا بس يفتح
الباب يشوفني اني
حاصره نفسي جوه حتى ما ابين
ياربي يعني بس يشوفني راح ياخذني
اله او للامير الي يريدني
احس عركت وصرت كُلي مي اديه رجليه
جسمي كله
حتى النفس ماعدت اتنفس عدل
ودكات كلبي اتزيد ماتنقص
وخفت بس لا ابو عصام ينطي المفتاح واروح
بيها اني وقتها يغدر بيه
سمعته رد عليه
- ماذا تفعل في المفتاح ؟ لقد رحلوا المجاهدين
ولم يبقى هُنا فقط انتَ وابا السعد وابا أمجد
فماذا تفعل في المفتاح السياره ؟
اريد بس يروح بدون هل سؤال
خايفة لا يصر عليه ويأخذ المفتاح منه
غصب عنه
سمعت الشخص الثاني جاوبه
- ما بالك ابا العاصم اجلب المفتاح بدون
اي مُشكله
- لماذا انتم مُصرين إلى ذلك الحد ؟
- لقد سمعنا شيء صادر من هذه السياره
واتينا لكِ نرى ماذا بها
احس انكتمت ع انفاسي يعني سمعوني
عزززززه بعينج يانينا اصخخخام رحتي بيها
والله انوب بيني وبينهم بس الباب
همَ واكفين يمي قرب الباب واسمع صوتهم بوضوح
بقيت حاطه ايدي ع كلبي
اسمع واني ادعي
بكلبي مايفتح الباب
- لا يوجد فيها شيء ماذا اتشك بي ؟؟؟؟
جاوبه الثاني
- لا ليس كذلك وإنما
قبل ما يكمل قاطعه الي راد المفتاح اول مره
وسأل ابو عصام بمكر واضح ع صوته
- ماذا تخفي في السياره ابا العاصم دعنا نرى
انتَ تعلم ما هو عقاب الخيانه
ضحك ابو عصام بصوت عالي
وسكت ساد الهدوء
بقيت جامده ومهبوطه
تخيلت ابو عصام يتخلى عني حتى يأمن
ع روحه صرت اقرا بكلبي
واني اتشاهد

ثواني بس ثواني وبعدها ماحسيت الا
وسمعت صوت طلقه من مسدس مكتوم
اني حيل قريبه وسمعت
حيلي راح صرخت بصوت مكتوم
هااااااي يعنننننني قتلووووااا ابو عصام
صرت ادفر برجليه حتى ما همني رجلي تأذيني او
لا
روحي فرفحت حتى
ردت انزل من السياره وانهزم وشنو يريد
يصير خلي يصير
ماعاد يهمني اي شي
هي الروح وحده اذا مكتوب الي اموت معناها
اموت بدون اي جهد
يكفي الموت الي اعيشه كل يوم واني
احمي نفسي
حسيت بشخص يتحرك يم الباب مال السياره
وحجه بصوت ناصي
- الان اخفي جثتك انتَ في السياره قذر .
هو اني سمعت صوت ابو عصام
لو ردت روحي رجعت اضحك مثل
المخبله مامصدكه هو ما مات ولا قتلوا
صرت اكمز من الفرح لو بيدي اكمز فوك السياره
احس روحي ردت الي من جديد
شعور صعب من تحس هذا الانسان هو الاخير
الي بحياتك وانك تفقده
بكل سهوله وماعاد اكو شخص
يوكف وياك

حسيت بحركه يريد يفتح الباب
تعدلت اول ما فتح الباب كمزت بحضنه
وتعلقت برقبته حضنته حضنه حيل
قويه كأن روحي وردت الي ماهمني ولا فكرت
بالعيب ونسيت الحرام
الي همني هذا الانسان
بعده عايش
شديت ع اديه حوالين رقبته واني ادفن
راسي بصدره
اتنفس بقوه صدري يعلى وينزل من قوه
انفاسي
هو اديه لازمني بيهن لا اوكع

رفعت راسي اريد احجي ويا
وانصدمت واني اشوف جثتين ورى
يعني هو الي قتلهم هذول الأشخاص
هو الي تخلص منهم مو هو بقيت جامده احس روحي طارت ومابقى قطره دم
بجسمي
جمدت الدموع بعيوني خايفة ومرعوبه اسمع
بس صوته
اما عدسات عيوني مصبوبه عليهم
ماحركت عيوني منهم
اسمعه يحاول يحجي وياي
- نارا بابا اهدئي ماكو شي شو باوعي عليه
ماكو شي لاتباوعين عليهم
واني عقلي طاير حتى رجليه ماحملن جسمي
ردت اوكع هو سريع
نزل ضم رجليه بأديه وظهري بأيد الثانيه
وشالني
وركض بيه للبيت
واني ماحجيت اي شي وعيوني بعدهن ورى
هذول الاثنين الي مرميين ع الارض
والدم ماليهم وينزل ع الارض
دخلني للبيت وللغرفه حطني ع السرير
ويحجي وياي
- ماكو شي ماكو اهدئي ماشفتي شي
انسي ماشفتي
أمن عليه وبعدين راح قفل البيبان عليه وطلع
ماعرف وين يمكن
يأمن ع الجثث ماعرف شنو يسوي
واني بقيت جامده بمكاني
ماتحركت

بقت الأفكار تتراطم براسي ماعرف شنو اسوي
احس كلبي يدك بسرعه وحيل خايفة
زين اريد اعرف هذن الطلقات الي
سمعتهن بالبداية الي بالبيت المنووو ؟
معقوله قتلهم لو شنووو
ليش هو يختلف عنهم ليش هو مو من يمهم
زين شلون قتل هذول
معقوله بس علمودي لان يريدوني
لو شنو
بس اني الي اعرفه ماكو احد يعرف اني هنا
موجوده
صفنت وطخت براسي
صرخت
عززززززه معقووووله نفسسسها الي اجتي
عالجتني !!!!
بس هي تعرف اني هنا موجوده يم ابو عاصم
يااااربي معقوله هي الي بلغت عليه
لان سمعت هذولاك
يكولون المرأه كذبت
يعني اكيد هي الي بلغت علينا
ياربي هاي شلون كارثه
زين ما لزمونا بسببها الحقيره
ماكو غيرها بس
هي
بقت الأفكار تروح براسي منا ومنا
ساعتين ماعرف شكد بالضبط .

حسيت الباب انفتح اني كمزت من السرير
اكيد رجعوا مره ثانيه
حتى يتأكدون
احس كلبي صار يدك بقوه
سحبت البطانيه ولفيت نفسي لف مثل
الدولمايه بس طلعت قرص وجهي
ونزلت ختلت جوه السرير حشرت
نفسي بصف الحايط فيت حتى ما ابين لو دخلوا الغرفه
انفاسي مضطربه واحس كلبي يريد
يطلع من حلكي
ع لحظه اموت
صرت اسمع صوت خطوات بس بدون صوت
جريت نفس بقوه
رجف جسمي من شفت وأحد دخل الغرفه
اباوع بس رجليه تبين لابس اسود
كتمت حتى نفسي
شوي افتر بالغرفه وطلع صرت ادعي بكلبي
خايفة لا يسمعني

ثواني واجه صوته يصيح
- ناااااراااااا لج وينج صكيطه
الضحكه شكت حلكي من سمعت صوته
تقربت من حافة السرير ردت اطلع جان يرجع يدخل
للغرفه يدور ويصح
- لججججج نااااراااا غضضب وين وليتي
سريع طلعت بس راسي من جوه
السرير وحجيت ويا
- اني هنااا
فز من شافني وصاح بوجهي
- ياااصخله يااا هايششه شنو تسوين هنااا
- اكل تبن شششنو يعني شنو اسوي غير خفت
عبالي همَ رجعوا واني دخلت جوه السرير
رد عليه وهو يهز بأيده
- شلون لج غير قافل البيبان شلون يدخلون
هيج بسهوله
- اييي شعرفني اني عبالي هم يكدرون
يجيبون نسخه
- خوش يلا اطلعي شكو خاتله جوه
مثل الفاره
- ياااا اني فاره
- اي انتِ يلا اطلعي
- عااابت هاي طلعت
طلعت لافه روحي بالبطانية وكفت كدامه
منزله راسي
هو من شافني هيج ضحك بصوت
حيل عالي رفعت راسي اباوع عليه صدره يهتز واكتافه تهتز من الضحك
يباوع عليه ويضحك
اباوع عليه
- شبيك تضحك عليه عاااابت
مستمر يضحك أشر ع السرير
- اكعدي اكعدي واسكتي
كعدت ع السرير اباوع عليه هو يضحك عليه

- منو انتَ ؟
- اني ؟
- اي انتَ منو ؟
- الكتال ، الي كتل اهلج ، الي كتل ابوج وامج
صفنت بوجهة مصدومه صحت بي
- شنووووو ، شتحجي انتَ
ماصددك ، انتَ عراقي وعايشش بينهم ؟
رد عليه بهدوء
- لا
فتحت عيوني ع جوابه
- شنو لاا لعد شلون لا تخبلني
- اكو شي يسمونه شغل وعميل سري
بس اني مو عميل سري
صفنت بوجهة حايره شنو بقصد بكلامه
- لعد شنو انتَ تشتغل وياهم ؟
- اي
- زين اذا تشتغل وياهم ليش قتلتهم
مثل هذول الاثنين البرى وهم منكم وانتَ منهم
شلون قتلتهم
سكت صافن بوجهي بعدها جاوبني
- هم الي علموني
عقدت حاجبي
- شنو يعني ؟
- همَ الي علموني اذا الشخص مايعجب
اقتله بدون ما يرف الي جفن ولا يرف
عليه كلبي
هيج بسهوله اقتله وما اهتم
انشل جسمي بجوابه هذا مو صاحي احلف عليه
- معقوله وهيج بسهوله وبدم بارد ومايرف لك
جفن
هز راسه بهدوء وعيونه عليه
- اي ومايرف الي جفن ولا طرف عيني
احس حتى ايدي ماكدر اشيلها من الخوف

سألته واني خايفة من جوابه وخايفة من سؤالي
- يعني انتَ تكدر تكتلني
قلب عيونه للسقف بعدها رجعها بعيوني
- حتى لو اكتلج تبقين عدله بسبع أرواح
سحبت نفس
- ترى داحجي صدُك ما اتشاقه تكتلني يعني ؟
سكت يباوع بعيوني
- لا ما اكتلج
انصدمت من جوابه
- ليش ؟
اشو هذا ضحك بصوت عالي ورد عليه
- مخليج يمي وكا اكتلج حتى اضحك عليج
فار دمي واحس الحراره صارت تطلع
من عيوني صحت بي
- انتَ ششششكاعد تحححححجي
شنو هاي المسلته مالتك
رجع ضحك وهو يحجي وياي وعيونه تضحك
- اي شبيج مبقيج وما اكتلج حتى اتسلى بيج
انتِ مونستي قبل ما جنت ادخل البيت
ولا الفي بي
هسه هواي ادخل للبيت
- هاااااا
- اي شبيج
- وووجعي التوووجعك ومررررض
ضحك بصوت عالي ومارجع جاوبني
سكتت اتنفس بقوه بعدها سألته
- احجي هسه انتَ منو لا اكوم هسه
لك ماتعرف شنو اسوي بيك
- ايبااااااخ اي بالله شنو تسوين كولي
سكتت عصبيه

عضيت شفني سألته
- انتَ تعرف أسراء ؟
عقد حاجبه
- منو هاي أسراء ؟
شمرت حسره وجاوبته
- هاي صديقتي
- وشبيها صديقتج ؟
ضغطت بأيدي ع رجلي
- هيج مابيها شي
- شنو مابيها ، لعد ليش تسأليني عليها اذا
ماعرفها
- اهووو كلت لك هيج
- بس اني ما اشوفها هيج
- ياكلمه رجعي المكانج مو كلت لك هييييج
- بس اني ما اشوفها هيج
سكتت متعصبه منه
- لعد شنوووو ؟
- اني اشوفها دجاجه
صفنت اباوع عليه وهو يضحك واكتافه تهتززز
عضيت شفتي
- يعني ممكن تسكت وهاي تفاهتك ضمها
مستمر يضحك
- وين اضمها ماعندي محفظه
- اهووووو شكد تافه ياااربي اسسسكت
هو سكت بس يباوع عليه ويضحك
واني محترك دمي بسببه

- شنو يعني عميل سري ؟؟
همهم بهدوء وجاوبني
- الجاسوس أو العميل السري هو الفرد الذي يمارس التجسس، أو أكثر عموما هو الشخص الذي ينشط فيما يتعلق بجمع المعلومات السرية لمكان معين
او جهة خاصه
يأمن ع المعلومات من مكان التجسس وبعدها
ينقلها بصوره امانه للمكان المصدر
اي يعني مكان العمل الي يشتغل بي
بس ذاك من ذاك الي يجيده يعني مو الكُل اكو بيهم
ينلزمون بسبب خطأ واحد بدون قصد
او خطأ تافه لازم
يكون حذر من الكُل وما يثق بأي شخص
مهما كان نوعه
ومهما كان ضعيف كدامه
اذا لزموا الجهة ااي يتجسس عليها يقطعون راسه
هو والكُل الي ويا
اكو بيهم ما يجيبوها الا الي عنده خبره وقوه
عقل وذكاء يكون دهاء
اذا طلع وهو يودي المعلومات للجهة الثانيه
حيكون مراقب من يرجع
بنفس اللحظه يقتلوا
ويا الكُل الي يشكون بيهم
لان اكيد متعاملين ويا ومن نفس شغله
صفنت اباوع عليه و ع كُل كلمه يكولها
وهو استرسل بكلامه
وبيهم يبقون بنفس المكان
خوف من انُ يلزموهم
يعني العميل السري شغله حيل خطر
واذا لزموا وحاولوا يسحبون منه اي معلومه قبل مايقتلوا ف لازم مايحجي حتى لو طبقوا
عليه أقسى العقوبات
لازم روحه مقابل المعلومات
وينسى الجهة الي جان يشتغل الصالحه
اذا ما نقذ نفسه
يعني معناها مصيره الموت

سكتت صافنه ويا كُل حرف يكوله
بعدين سألته
- يعني هسه انتَ عميل سري ؟ لان ماكدرت تطلع
- لا
- لا تشاقه كول انتَ عميل سري
- والله لا
- يعني شنو مو عميل
- كتلج لا شبيج والله لا
كزيت ع اسناني بصعوبه
- يعني شنو ، انتَ منهم ؟
رد عليه برود قاتل
- اي
صحت بصوت
- دخيييلك ربي
- لو اني عميل سري مثل ما تكولين ما احجي
الج كل شي
عقدت حاجبي مستغربه من كلامه
- شلون يعني ؟ شنو تقصد ؟
- يعني لو عميل سري ما ممكن اجيب بنت يمي
وبنفس المكان الي اني ساكن بي اخليها
يمي لان ممكن بأي لحظه تطفر وتروح
تبلغ عني عند الجهة الي هي تشتغل يمها
لو فعلاً عميل سري ما جان حجيت الج عن كُل الشغلات
الي راحت
ممكن تكون الجهة الثانية دازين الي شخص
سري يراقبون ف شلون
اني اكون بهاي السذاجه الهاي الدرجه!!
ف مو بسهوله الثقه
هزيت راسي اله
- زين انتَ تثق بيه ؟
رد عليه بسرعه
- لا ما اثق
- يعني تتوقع مني اغدرك ؟
- بكل زمان وبكل مكان اتوقع الغدر منج او من غيرج
صفنت بوجهة
- ليش هيج ؟ يعني اقصد ليش انتَ صريح
الهاي الدرجه ؟ لعد ليش حجيت الي
عن شغل العميل السري وخطورته
والأشياء الي تخصه
همهم بهدوء وهو يرجع ظهره للحايط
- اولاً من شرحت الج عن العميل السري
هاي معلومه خليها الج وعادي اذا عرفتها
اعتبريها معلومه عامه
اما ثانياً ماعندي شي والموته وحده
ما يحتاج اخاف ولو انفدرت ...

سكت هزيت راسي اله اريده يحجي
- اي كمل ؟
- اذا نغدرت هذا الشي طبيعي جداً طبيعي
- يعني عادي عندك وشي طبيعي اذا انغدرت
وانقتلت؟؟؟؟؟
هز راسه بهدوء
- اي عادي عندي تدرين ليش ؟
- ليش ؟؟
باوع بعيوني ورد
- لان بني إسرائيل هنا
فتحت عيوني ع وسعهن
- شنووووو ؟
كام وكف ع طوله حط اديه بجيوبه وعيونه عليه
- هواااي تثرثرين انتِ
هزيت ايدي
- شنووو هواي اثرثر ترى جاي نسولف
بعدين انتَ هم الي تثرثر مو بس اني
هز راسه بهدوء وجاوبني
- اي اني هم اثرثر
عافني وطلع

ضربت راسي بقوه وصحت
اريييييد اعرف اني شلون هيج احضنه بهاي
الطريققققه وليش فرحت من شفته ملميت
هاااا ناااارا هاي شنو
انوب جديده الشغله شنو يعني تفرحين
اذا ما صار بي شي
عجيبببب امرج
انجبي لاتسوين هيج مره ثانيه
رجعت صفنت بيني وبين نفسي
زين اريد اعرف اذا هو اذا من الجيش
العراقي شلون وهو هذاك اليوم
حجه عنهم معقوله يكون منهم لو مو منهم
ياربي دخت صارت الأفكار شي بطن شي ثاني
زين اني متأكده هو نفسه
الي شافني بسوق السبايا الي
جنت بي اني وامي واخواتي وجانوا عارضينه للبيع
هو نفسه الي اجه
يمي وراح للبائع حتى يسأل عني
والدليل هي عيونه نفسهن نفس العيون
ونفس طبره الحاجب
زين ليش اجه نفسه سأل عني وبعدين عافني
وراح واجه ورى ابو الوصخ نوح واشتراني
زين هو اذا مايريدني ليش
اني هسه ويا الحد هذا الوقت ومرات يخاف
عليه ومرات لا
ليش من البداية ما اخذني ليش عافني
وهسه اني ويا
يووووووو احس نفسي " كأن امشي بطريق
حيل طويل وبعدين الكه الطريق مسدود
وارجع الطريق ثاني هم امشي بي حتى اوصل
النتيجه مرضيه وهم الكه الطريق مسدود
وابقى بالنص حايره "
هاي هي حالتي
وماعرف شنو اسوي بقيت فوك الخمس ساعات
اني ع هذا الوضع
بس افكر وافكر تعبت نفسيتي
وما لكيت اي جواب لأي سؤال لاسألتي

سكتت من سمعت الباب انفتح
وماعرف ليش الضحكه ملت شفايفي
حسيت بالأمان وهو موجود
واحس روحي تهدأ من يكون قريب بغض النظر
عن كُل الأشياء الي صارت قبل
اول ما دخل انمحت ابتسامتي واني اشوف
وجهة جان غريب وماعرف شنو
الي بي
ماحجه وياي اي شي
تمشى بالنص الغرفه
وراح مدد ع الارضيه و وجهة للسقف
ورجع يدندن بنفس
الدندنه الي سمعتها اوب مره من شفته
واخذني بيها
نننننننن تتتتننننن ننننننن
خوفني وماعرف شبي شنو الي صاير ويا
سألته
- شبيك ؟
رد بهدوء
- مابيه ، ولا تسمعيني صوتج
عقدت حاجبي بعدم فهم
،رجعت سألته
- شنو صاير وياك ؟
- جججججء شكلت اني ؟ ماريد اسمع صوت
سكتت حايره ماعرف شنو الي بي
بقيت كاعده واباوع عليه
ماحرك ساكن وجهة موجهة للسقف وحتى
مايباوع عليه و يدندن

فجأه سكت بعدين سألني سؤال صفني بي وما توقعت يسألني مثل هذا السؤال
- نارا
- ها
- انتِ تحبين السنه ؟
- شنو هذا السؤال شلون تسألني هيج
شي اكيد احبهم شلون ما احبهم هم بشر حالهم من حالنا وخلقه الله شحلاتها خلقت ربي
واذا تقصد ع الطائفه
ف مابيها اي مشكله ولا اي شي يصير الريبه
همَ دينهم الاسلام مثل الكُل
فقط شريعه تختلف
واذا اختلفت الشريعه مو يعني مو مسلمين
بالعكس
مثل ما ذكر بالقرآن الكريم
"إِنَّ الدِّينَ عِندَ اللَّهِ الْإِسْلَامُ ۗ"
يبقى الدين واحد هو الاسلام كُل الطوائف
ومهما كانت الطائفه يبقون بشر
وكُلهم ينحبون مابينا اي تفرقه ولا اي فرق
هسه مثلاً لو شخص وقع بمأزق او
مشكله وانتَ ماتعرفه مو تروح تساعده
وانتَ حتى ما تعرف اذا كان هو من هاي الطائفه
او من غيرها وحتى لو عرفت
هم تساعده وهمَ كذلك نفس
الشي
ترى مو يعني اذا اكو شخص مو زين معناها
الكُل موزين مثله
لا مو كُل أصابعك سوه اكو الزين واكو الموزين
واكو حتى بكُل طائفة هذا الشي يعني
مو بس فئه معينه
هو ساكت يستمع الي رجع سألني
- واذا كان ضد الامام علي ؟
سكتت اريد اعرف مغزى كلامه شنو الي يقصده
بس مالكيت اي جواب
مع ذلك ما اهتميت للمغزى الي يريد
يوصل الها وجاوبته
بالمؤمنه بي والي فاهمته واعرفه
- باوع كُل شخص عنده عقل وعنده رأي وتعبير
وآله حق يعبر عن رأيه والفكر الي عنده
والله سبحانه وتعالى
انطى لكُل شخص عقل يفكر بي
يعرف الصح من الخطأ
ف لا اني ولا غيري الي يجبر الشخص يكون ويا
شخص أو يكون ضده
ميخالف نشرح ونبين وننطي دلائل وبراهين
لكن الشي الأساسي
يكون عند قناعه هذا الشخص
بغض النظر عن الطائفه الي يكون الها
او الأفكار الي يفكر بيها
مثلاً هسه اكو هواي أشخاص من كُل الطوائف
يكفرون حتى بالله ويشركون بي
طيب هل اعتمدت هاي ع طائفة معينه ؟
اكيد لا
لذلك بكُل مكان تلكه شي زين وشي مو زين
طيب أسألك اني
- شنو
- تعتقد انتَ مايحبون الامام؟
رفع اكتافه
- خليني اني اجاوبك
بمره من المرات اني رحت زياره للنجف
دخلت صحن الامام علي
- اي كملي
- تدري شنو شفت
- شنو ؟
- شخص من غير طائفة مكتف اديه ويصلي
بنص كُل هاي الناس وبنص صحن
الامام علي ، زين لو هو مايحبه هل ياترى هو يزوره
ويصلي بالصحن وكدام
كُل هاي الناس الي من غير طائفة او طائفة
ثانيه كانت بيوم من الايام حرب او أعداء بينهم
؟؟؟؟
اكيد الجواب يحب الامام ويجي يزوره حاله
حال بقيه الناس
لذلك مو الكُل سوه لاتقيس انتَ او غير
مجموعه بشخص واحد وبسس
احنه نحترم باقي الاديان وباقي الطوائف
مثل ما هم يحترمونا ويحبونه
سكت بدون جواب واني انتظر جوابه
رجع حجه
- اني ما اتعمق با النقاشات الدينيه لان بيها الف طريق والف سؤال وجواب
بس انتِ السانج مترين
- ياااااا اني شعليه غير انتَ سألتني واني
جاوبتك انتَ الي بديت
- يعني انتِ تحبيهم ؟
- سؤالك ما اله اي معنى ، شي اكيد احبهم
هم وغيرهم وكُل الطوائف ع راسي
واتمنى شي يوم من الايام تنتهي
هاي الشغله والمحاربه البين الاثنين
اتمنى شي يوم مايكون السؤال انتَ من اي طائفة
ياريت يكونون قلب واحد
بدون جدال بدون خوف شخص يصلي
بدون خوف شخص يحجي
ويعبر عن رأيه
وما تكون هناك الا الطيبه والمحبه .
ساد الهدوء بالمكان
هو بقى هادئ اخر شي طلع وعافني .

رجع ورى تقريبا ٤ لو ٥ سااعات
دخل عركان وهل مره من صدُك صاير شي
لان ملامح وجهة وتعابير شكله ادل
ع هذا الشي
قبل لا احجي او افتح حلكي هو سبقني
وحجه .
- لازم نطلع من هذا البيت
فتحت عيوني
- شنووو ليش ؟
- كلت الج ضرووووري نطلع نااارا ضروري
خفق كلبي بقوه واني اباوع عليه
- شنو يعني ممكن يدخلون مره ثانيه يدورون هنا
عليناا مو
احجي ريحني حباب
هز راسه وهو يحجي
- ممكن بأي وقت يداهمون المكان ضروري
نطلع
توترت وبهت وجهي
- شلووون نطلع شلون ياربي هاي شلون حاله
شلون
- لازم ما نطلع من البيت بجهل لازم نطلع بتفكير
حتى ما يلزمون شي
- شنوووو يعني يراقبون !!!
- اي
- ياربي دخيلك وين نروح
- امنت ع بيت ع الحدود مال الموصل
يعني جاي منا
- الله عليك اذا ع حدود الموصل خلينا
نطلع
من الموصل
رد عليه وهو عيونه بعيوني
- لا
- زين طلعني بس اني الله يخليك بداعه غيرتك
بقى صافن بعيوني ماعرف
شبي
احس نظراته بيهن اتهام وكأن واثق مني راح
اغدره او اطعن بي
واضح من تصرفاته حتى ثقه واحد بالميه
ما واثق مني مارد عليه ابد
ولا رد ع كلامي الي وجهتة اله
- اليوم باليل راح أقرب سيارتي من الباب
الزكها فد مره باليل حتى ما يشوفون
وانتِ صعدي بيها تمام ؟
- تمام
هزيت راسي اله وهو عافني ماعرف وين راح

مشيت اني ولملمت الملابس الي
عندي كم قطعه احتاجها
ورحت لبست العباه السوده والنقاب الأسود
صرت من فوك للجوه
قطعه سوده
باوعت ع رجليه مالابسه لا حذاء ولا حتى
نعال
بقيت صافنه المشكله ماعندي
ولا وحده وابو عصام مو هنا حتى يحل
الي هاي المشكله ويجيب الي شي البسه
بقيت صافنه افكر
صرت اتلفت بالبيت
ادور ع شي حتى البسه إلى أن وكعت عيني
ع الحذاء مالته
رحت اهرول اله واني اكمز
أخذته بقيت صافنه بي اتمعن رجله حيل جبيره
واني رجلي صغيره ماعرف شلون
راح يثبت برجلي
لبست عبالك سفينه برجلي ، ورجلي تطلع واطب
بي
يلا المهم اكو شي برجلي قابل امشي حافية
القدمين تذكرت كاظم الساهر وحافية القدمين
ضربت راسي وجع مو وقت سخافه
رجعت كعدت بمكاني
انتظره يجي ورى فتره دخل رفعت راسي
واني منزله النقاب ع وجهي متجهزه

- أعوذ بالله ان كان سحر فابطله يارب
رديت عليه واني
متعصبه
- ومرررررض شنو شااايفني حتى تحجي هيج
ضحك بصوت عالي
- لج عبالي جني وكاعد هنا
هزيت ايدي معاجبني
- انتَ الجني مو اني شوف وجهك ما ينطلع
بي منا الراس الشارع
رجع ضحك بصوت
- وين اكو ماسحه لابسه عباه ( يقصد لان ضعيفة )
فتحت عيوني ع وسعهن اني يشبهني
بالماسحه ياااا
رفعت النقاب عن وجهي واني ارفع حواجبي
اله
رجع عيونه ع عيوني وهز ايده
- دمشي لج امشي حواجبج عبالك تايرات
نزلت النقاب واني اتذمر
- دمشي انتَ حاجبك مطبور جنك زومبي
مشى كدامي يضحك واني امشي ورى

حجه وياي ينبهني
- باعي السياره قريبه من الباب راح اصعد وافتح الباب الثاني
اريدج مثل البرق تطلعين من البيت وتصعدين بالسياره
مفهوم
-اي اي مفهوم
راح طلع شفته فتح الي الباب
من جوه النقاب رفعت العباه وحطيتها بحلكي
ثبتت أصابع رجليه بالحذاء حتى من امشي
مايفلت من رجلي
وبايد لزمت ملابسي وبالثانيه العباه حتى ما اعثر
بيها اباوع ع نفسي عبالك داخله حرب
مو صعده سياره
مشيت بأقصى سرعه عندي واني اكمز
من رجلي المجروحه
وصلت للسياره
خليت رجلي الأولى بالسياره
هستوني خليت رجلي الثانيه ردت اصعدها
جان تجلب من جوه بالسياره ونلزكت
ع وجهة
صحت
- ااااخ ييييمه
رجعلي
- جيرررره بكصتج اذا هاي ما دبرتيها
نزل شال رجلي وصعدني
بالسياره و هوه يدردم عليه
- امداج وامده الي يعتمد عليج ثول ، ثوله انتِ
صعدني وسد الباب
رجع صعد واني اصيح اخخ يمه
عدل المرايا وباوع عليه
رجع حجه
- شبيج جنج مطي اجيتي ادرعمين
جيتي من بداية البيت تركضين
عضيت شفتي خجلانه
- غيررر انتَ كتلي بعدين علمود بسرعه اصعد
هز ايده
- والله جيره بكصتج
- جيره بكصتك انتَ يالفكر
- دسكتي اسكتي احسن
لا أدير عليج هسه واجعص بطنج
- اهوووو اكل تبن

هزيت راسي بالسياره قرفانه من ريحتها
وهو يمشي
سديت خشمي
- ااااايييع ريحه سيارتك تلعب النفس
مثل جهرتك
ضحك
- دسكتي هاي الي ما تعجبج شكد دفنت
أعداء الله
هل مره ما هجمت عليه ولا صيحت
سكتت ورى شويه حجيت
- ابو عصام
رد بعصبيه وهو يتذمر من ملحتي
- **** بأسمي شكم مره كلت الج ابا العاصم موو ابو عصاااام
- اي اي عود ميخالف المهم اكول
- ها شنو
- انتَ عراقي ؟
باوع عليه بطرف عينه من المرايا ورد
- اهووو شكد تلحين انتِ
شخط السياره وكفها
- ها شكو شبيك ؟
- لازم مو منا اروح خرب لازم ارجع اندار ع الطريق
الثاني
- تمام

هستوه يريد يمشي جان يصيح
- خخخخرب شااافوناااااا
صرخت بصوت عالي مفزوعه
- شنوووووووو !!
- ال**** شافوناااااا اشتعلوا ابهاتكم *****
احس حيلي باد من صار يصيح
وهو يصيح ويصيح وفر السياره وناس
بانزيل وصار يمشي
بسرعه وهمَ ورانه يمشون ويرمون طلق
الطلق اسمعه واحسه حيل قريب من يمنه
روحي راحت احس
نفسي صرت بفلم مُرعب
اني ابجي واصرخ وهو يصيح ويغلط
ابجي وابجي
ماعرف شنو اسوي حتى الادعيه نسيتها
من الرهبه الي عشتها
صرخ بيه بصوت عالي من شاف راسي
رافعته اباوع
- دددددنكي لاترفعين راااااسج دننننكي
دنكت راسي ابجي وارجف اسمعه يصيح
- يااا الله يااارب ياااارب ياااارب ما تجي بالتااايرررر
احس السياره
اطير بينا طير بحيث جسمي يروح من جهة
ويرجع بالجهة الثانيه بالكوه
لازمه نفسي لا اوكع
يمشي سريع
يراوغهم حتى ما يلزمون بينه
إلى أن خف صوت الطلق وصاروا بعيدين علينا
وكف السياره
اباوع من الجامه عبالك
المكان اشبه بالصحراء كُلها تراب ومابيها
بيوت كأنها بعالم ثاني حيل
مرعبه
صاح بيه بصوت عالي
فزيت من مكاني
- ااانززززلي نااارا يلااا سريع انزلي انزلي
ماكو وقت
يلا لا تفهمين ..

نزلت وياا هو شمر السياره بمكان
ومشينا سوه اني وياا
اجر بنفسي جر
الهبطه الي عشتها حسيت اخذت من
عمري عمر كامل
امشي واحس روحي مخدره وكأن مو اني الي
امشي كأن واحد يمشيني
مشينه مسافه وشفنا تل
- تعاي هنا نكعد لبين ما يهدأ الوضع
- اي اي
رحت ويا امشي وكعدنا ورى التل
فحطانين اثنينا ونتنفس بقوه
اني كوه اسحب النفس سحب
حاطه ايدي ع كلبي وأجره بالكوه
اباوع عليه هو هم يتنفس بقوه مد رجلينه
ورفع راسه للسماء يباوع
يحجي ويا نفسه
- اااخ ياابه شلون شلون
مسحت دموعي واني اسحب النفس
احس رجلي تصل عليه صل
حجيت
- ابو عصام رجلي رجليي
رد عليه
- صوووتج صوووتج لا تحجين اشش
سكتت ابجي رجلي موتتني
وكلبي خلص ويا كل الي صار صعبه والله صعبه
خليت ايدي ع كلبي مره ثانيه

وصرت اردد
بيني وبين نفسي
" نَادِ عَلِيّاً مَظْهَرَ الْعَجَائِبِ تَجِدْهُ عَوْناً لَكَ فِي النَّوَائِبِ لِي إِلَى اللَّهِ حَاجَتِي وَ عَلَيْهِ مُعَوَّلِي كُلَّمَا رَمْيَتُهُ وَ رَمَيْتَ مُقْتَضَي كُلِّ هَمٍّ وَ غَمٍّ سَيَنْجَلِي بِعَظَمَتِكَ يَا اللَّهُ وَ بِنُبُوَّتِكَ يَا مُحَمَّدُ صَلَّى اللَّهُ عَلَيْهِ وَ آلِهِ وَ سَلَّمَ وَ بِوَلَايَتِكَ يَا عَلِيُّ يَا عَلِيُّ يَا عَلِيُّ أَدْرِكْنِي بِحَقِّ لُطْفِكَ الْخَفِيِّ، اللَّهُ أَكْبَرُ اللَّهُ أَكْبَرُ اللَّهُ أَكْبَرُ أَنَا مِنْ شَرِّ أَعْدَائِكَ بَرِي‌ءٌ بَرِي‌ءٌ بَرِي‌ءٌ اللَّهُ صَمَدِي بِحَقِّ إِيَّاكَ نَعْبُدُ وَ إِيَّاكَ نَسْتَعِينُ يَا أَبَا الْغَيْثِ أَغِثْنِي يَا عَلِيُّ أَدْرِكْنِي يَا قَاهِرَ الْعَدُوِّ وَ يَا وَالِيَ الْوَلِيِّ يَا مَظْهَرَ الْعَجَائِبِ يَا مُرْتَضَى عَلِيُّ، يَا قَهَّارُ تَقَهَّرْتَ بِالْقَهْرِ وَ الْقَهْرُ فِي قَهْرِ قَهْرِكَ يَا قَهَّارُ يَا ذَا الْبَطْشِ الشَّدِيدِ أَنْتَ الْقَاهِرُ الْجَبَّارُ الْمُهْلِكُ الْمُنْتَقِمُ الْقَوِيُّ وَ الَّذِي لَا يُطَاقُ انْتِقَامُهُ وَ أُفَوِّضُ أَمْرِي إِلَى اللَّهِ إِنَّ اللَّهَ بَصِيرٌ "

ع طول بابا يوصيني بينا بهذا الدعُاء
وجنت ع طول اردده حتى
حفظته مثل اسمي
هو رفع راسه شافني اردد سكت ماحجه شي
مسحت دموعي
فجأه سمعنا صوت سيارات
بس حيل بعيده
يعني مو قريبه يمنه
فتحت عيوني ع وسعهن من سمعت كلام ابو عصام
بهت وجهي

ضرب ع رجله اردف ..

- يابه ما اطلع ولا اتسمه شُــعـــاع اذا لزمونا .

فتحت عيوني مصدومه هذا شنو
ديكول !!!!!!! احس افترت بيه الدنيا وانثولت
لو ما سمعت عدل
تقربت منه وهمست بصوت
ناصي
- شنو شُعاع انتَ اسمك شُعاع ؟؟؟؟
جان يلتفت عليه حط ايده ع حلكي وهمس
- اششش يابه مو وقتها اهدئي
هاي اجوي خليج هادئه بدون صوت
اني بقيت صافنه بي هت رفع نفسه ع كيف
حتى ما يشوفوا
سيارته راكنها بمسافة صح بعيده
بس تبين
رجع نزل راسه
- الانذال وصلوا للسياره هسه همَ يمها
فزيت مرعوبه همست
- ويعرفونهااا السياره لك ؟
رجع جاوبني
- وغبي اني الهل درجه حتى اجي بسيارتي
الي متعودين عليها
هي السيارات كلها تشابه
واني اخذت وحده منهن
سكت بعدها همس
اسكتي لاتحجين

بجيت بقله حيله
لزمني من اكتافي وقربني الصدره
صار راسي ع صدره واني ابجي همست اله
- شدسوي هسه احنه بيا حال
وسوالفك الطايح حظهن بيا حال
شبيك انتَ مسطور
ضحك بدون صوت واهتز صدره واني راسي بعده ع صدره
- شبيك انتَ
رجع همس الي وهو يتنهد
- اششش خليج هنا
ضغط ع راسي كأن يريد يدخله بصدره
وحط فكه ع راسي
حجيت متذمره
- شبيك ترى فكك زرف راسي
رد عليه متذمر
- والله اني صافن عليج انتِ وينج و وين الرومانسيه
بقاني ع صدره
وبأيده أشر ع مكان معين
- هسه شتريد مني
- اسكتي اني يمج لا تخافين ادري بيج خايفة
عوجت حلكي ورديت عليه
- اي مو انتَ راح تلزم الطلقات بأيدك
ويحمييني
- اهوووو شكد تحجين هسه غير لو تسكت
بقيت ساكته إلى أن مرت
الساعات مانعرف شكد بالضبط
بس تقريبا ٣ ساعات

وكف ع طوله وحجه وياي
- يلا كومي
- وين ؟
- نروح
- وهذول ؟
- امشي راحوا
- خاف يلزمونا
- دمشي جاي اكلج راحوا ولج
شو كومي يلا كدامي
شكد ملحه انتِ شنو لزكتي بالكاع
- انتَ الملحه اذا لزمونا
بدون مايتعب نفسه سحلني ورى
وجرني جر غصب عني امشي رجعنا نمشي
للسياره
إلى أن وصلنا الها
اول ما وصلنا ضحك
- شبيك ؟
أشر بعيونه
- تشوفين هذا الخيط؟
- اي شبي
- اذا اصعد السياره وامشي بيها
تنجفر لان هذا الخيط خيط قنبلة
شهكت مصدومه صرخت
- شششششنوووو !!
- اي والله
- هسسه شلون
- باعي رابطيها بالتاير حتى من ارجع تو امشي
تنفجر وماتخلي اثر
- يعني شنو ؟؟؟
- يعني تفجرناا يابه ماتخلي بينه شي صاحي

انرعبت بالزايد وصرت ادك ع راسي
دخيلك ياربي شنو هاي
راح نموت هسه شلون
- تعالي امشي خلي نمشي
عوفي السياره هسه
- شيوصلنا بهاي المتاهة ماتشوف شلون
حالتنا
- هسه امشي ومعليج
صرنا نمشي وهو يمشي بحذر
سألني
- شبيها صديقتج
- منو تقصد
- أسراء
حجه اسمها ولزم ايدي
وخرته
- شبيك وخر عوف ايدي
- لا هنا كلها وايرات يدفنون يعني اذا فات
اي شخص عليها ينفجر ويموت
- هاااا
من سمعت كلامه انصرعت
مشيت لزكت بي لزك ولوما حرام جان
خليته يشيلني
- اي شبيج قابل اتشاقه وياج
استمرينا نمشي بحذر
والهدوء خيم بينا استرسلت بكلامي وجاوبته
- جنه طالعين من الكُلية وصار رمي
وهي اجتي طلقه بيها
تشحرج صوتي من الغصه وكملت
جانت صديقتي الوحيده القريبه مني
والاحبهة بهاي المحافظه الي اني غريبه بيها
سكتت اجر نفس
وهو تحسر

سكتنا وصرنا نمشي كسرت الصمت
- انتَ عندك صديق
- لا
- يعني ما عندك صديق هنا
سكت ثواني بعدها جاوبني
- لا عندي صديق احبه كلش
- وينه ؟
سكت ثواني كأن يتذكر أيامه ويا او شكله
- ماعرف
عقدت حاجبي
- شنو ما تعرف وينه !
- اي ماعرف
- شنو اسمه ؟
ابتسم وملامح وجهة ابتسمت بأشراق
كأن اتذكر احلى شي عنده
سحب نفس ورد

- الشَـــــذام

ابتسمت
- اسمه حلو
- اي
- تثق بي ؟
- اي اثق بي ثقه عمياء
- شلون تثق بي
- الاناء ينضح بما فيه
- شلون يعني
- يعني مثل الكلاص الابيض ينضح بالموجود
بي
وان وصل أقصى الامتلاء
- صحيح كلامك.
- اي
سكتنا ورجعت حجيت
- وينه هسه صديقك ؟
- ماعرف وينه
- شنو يعني ماتعرف وينه
- اي ضايع
- شلون ضايع يعني هو صغير وضايع
احاول اسحب منه كلامه بس هو جوابه
يجاوب بأختصار
موتني
وبس يصفن من يجاوبني
- لا مو صغير
- لعددد ؟؟؟
- مو صغير بس مرات الشخص ينخطف
لزمت كلبي خايفة
سألته
- شنو يعني صديقك خاطفي ؟
ذب حسره وجاوبني
- اي
هزيت راسي بأسف
- اسفه
- لا عادي ، عندي صديق ثاني
اسمه عـــــابد
- اسمه عابد؟؟
- اي

جنه نحجي إلى ان وصلنا المكان كُلش قذر وريحته
مو طيبه
قلبت نفسي من ريحته
وحتى دخت
جان عباره عن بيوت مهدومه وقديمه
بقيت صافنه يعني هنا جانوا عايشين ناس
بس بلحظه وحده انهدمت هاي البيوت علييها
وطشرتهم
الغصه صارت بصدري
حيل مقهوره واني اشوف المكان هيج صاير
بهاي
الطريقه المزريه التعبانه من بعد ما جانت
مدينه تنور بأهلها
بس المكان حيل يخوف كأن بي حتى جن
ومسكون
لان مرعب بصوره مو طبيعيه ومهجور

- عفيةةةة هذا المكان يخوووف خلي
نطلع مناااا حبااااب بسرررعه
- لا بابا لازم نبقى هنااا مايصير
نطلع
- حباااااب خلي نطلع
- اذا طلعنا ومشينا كدامنا راح تصير سيطره
ويلزمونا بيها تريدين نلزم !! مايصير
يا بابا
ماكدر اروح اني وياج لان انتِ وياي يلزمونا سوه
اذا وحدي اكدر ادبرها
خلي نبقى هنا حتى الصبح
اطلع اني اروح اجيب السياره واجي
الوحدي
لان قريبين ع بيتنا صرنا
- شلون يعني ؟
- اي هسه اذا مشيت راح نلزم لان انتِ وياي
- تمام
سكتت بس احس مرعوبه وحيل
خايفة

كعدنا وصارت كعدتنا بالبيت مهدوم
وباقيه بي بس اثاره
يبين مثل البيت القديم المتروك
وانوب ريحته تكتل تموووت بحيث حاطه النقاب
وايدي ع خشمي وحلكي
حتى ما توصلني الريحه
لفت نظري شي
ع الارض
ركزت بيها شفت شعر فتحت عيوني ع وسعهااا
رجف جسمي واني اشوف
الشي الي كدامي
جثثثة بنت !!!!
عيوني بقيت فاتحتهن ع كبرهن
حجيت برجفة
- ابو عصام هاااي هاي هنا شوف جثه
هو لزم ايدي واخذني بعيد عنها ودار وجهي عليه
يحجي وياي يحاول يخليني ويا واعية
- اششش ماكو شي ماكو شي هناا هاي ولا شي
اهدي اششش
صار يفرك بأيدي ويحاول ينسيني
بس اني شلون بيه
شنسى
صرت ارجف رجف مو طبيعي
لزمت ايده بقوه وهو يفرك بأديه
حتى أهدأ ويتشتت بالي

ما تخطيت الصدمه بعدني وجان نسمع صوت
سيارات
لو كلبنا راح
من الخوف
لمنيي و سحبني الحضنه وعصرني عصر بحضنه
نزل راسه وهمس بأذني
- ولا صوت نارا اشش اقطعي النفس
قطعت حتى النفس خايفة وارجف
وهو كل ما يحس برجفتي يعصرني اقوه
ويلمني بحضنه
فوك العشر دقائق واحنه ع هذا الحال
وهمَ ماعرف شنو يسوون
اني راسي صاير ع صدره
واذني ع كلبه
بحيث اسمع دكات كلبه السريعه
والمضطربه يدك سريع
اني ايدي ترجف هو شاف ايدي ترجف
لزمها حطها بيده وضغط عليها بقوه
دفنت رأسي بصدره اريد تخف الرجفة الي بيه
احس راح يغمى عليه بأي لحظه

ورى عشر دقائق شغلوا سياراتهم والأحوال
يعني كل هذا الوقت هم ماعرف شنو
سوو هنا يلا راحوا
ابتعد عني سحبت نفس بقوه احس نفسي
حيل دايخه
اباوع عليه سحب طابوكه من الكاع شمرها
ورى ومد نفسه ونام عليها
رفع راسه فوك وهو يحمد الله
يردد " الحمد لله الحمد لله "
التفت عليه واني جامده ماعرف شنو اسوي
باوع
- اسكتي لاتحجين اي شي منا
الحد ما تطلع
الشمس
- بس شلون نبقى هنا شلون فهمني باوع المكان
وهناك اكو جثه بنت
- حاولي تنسين ماكو شي هاي اوهام
- زين ليش دنحجي بالهمس
- ناارا بابا نامي ورانا تعب ويوم طويل
باوعت ماكو شي انام عليه
- شلون انام ها ؟
- تعاي نامي ع ايدي
بقيت صافنه عليه بس هو مايحجي بشقه
يحجي من كُل عقلة
- تحجي جد لو شقه ؟
- لا فندق
بقيت صافنه عليه
- ها
- هو بس انتِ فالحه بس بهااا يابه وجعاا
بقيت بصراع بيني وبين نفسي
اخر شي نمت ع طرف ايده وهو نايم
ع الطابوكه بس اليل ماكدرت انامه
كل شوي افز وهو احسه مو نايم
يراقب ومن اكعد الكا قبلي كاعد يسألني شبيج
بقينا هيج إلى أن صار الصبح وطلعت الشمس

- يلا كومي خليني نروح من هذا المكان
- اي يلا
كمت وكفت عدلت نفسي وهو مشى
قبلي واني امشي
ورى وكف التفت عليه باوع صفن بعدين
سحب ايدي بأيده
ودخلها بنص كف ايده ومشى سحبني ورى
اني بس صافنه عليه
و على تصرفاته
ضغطت ع ايده ومشيت ويا
رجع التفت عليه
- يابه نارا
- ها شنو
- ايدي أريدها
- شنو انوب
اباوع ع ايدي لازمه ايده بقوه ماحاسه ع نفسي
لازمته بصوره حيل قويه سحبت ايدي
ونزلت راسي
حتى خجلت من نفسي
هو رجع سحب ايدي ومشى
- امشي امشي لا تصفنين

بعدني جاي أمشي ورى و وكفت
مصدومه صحته واني ارجف
- شُعاااع
هو التفت عليه يباوع
- شبيج ؟؟؟
رفعت النقاب
دمعت عيوني ونملت بالدموع همست بصوت
يرجف
- ماكدر اروح وياك عوفني هنا .
هو فتح عيونه ع وسعهن
- شنو شبيج شنو هذا الحجي ؟ امشي بابا
- ماكدر امشي وياك انتهت الدنيا
بالنسبه الي
لزمت ودفعته من ايده صحت بي
- اااااطلع من هذا المكان وعوووفني
هناااا
- لجججج شبيج لاتخبليني شبيجججج !!!
نزلت عيوني ع الارضيه واني ابجي
هو نزل عيونه بالمكان الي اباوع
بي من شافه صاح بصوت عالي
- خرررررررب ، غيرررررر تنتبهههههين
يا الله لااااا .
رفعت عيوني عليه واني ابجي واشهك همست
واني ارجف
- اطلع شُعاع راح ينفجر المكان
اااااطلللللع ..

ــــــــــــــــــــــــــ•●•ـــــــــــــــــــــــــــ

شنوووووو تتوقعوووون
اتحفوووونااااي

طبعا البربر ردت اسوي أطول من هيج
برغم هسه قرب ال 6k كلمه
بس يعرفن البنات بالقناة شنو
صار امس اكتب بي لساعه ٣ الفجر وفجأة سجل خروج ونحذف كُل البارت ورجعت
عدته من جديد
بحيث حتى النوم ما نمت
رجعت عدته من الفجر للعصر اكتب بي
الا ان كملته