الربتج " حالك الاسوداد " الفصل الخامس والعشرون 25 - بقلم رهف علي

‏"أعرف جروحًا
‏يبكي منها المرء عمرًا كاملاً
‏ولا تطيب."

وماذا عن هذا السؤال ..
‏"أينسى القلبُ إنسانًا لهُ في روحِه مسرى؟
‏أينسى القلبُ أيامًا لها في عمقهِ مجرى؟"

^^^^^^^^^

- نارا :- لا ما موافقه "
سمعت شهكت عنقاء رفعت راسي الها وعيوني مدمعه
همست الي بصدمه
- عنقاء :- شنو ما موافقه ؟؟؟
- نارا :- هزيت راسي واني اسمع الجو انخبص
رجع حجه وياي الشيخ بهدوء
- الشيخ :- بنتِ انتِ مجبوره ع هذا الزواج ؟
- نارا :- لا بس ما اريد اتزوج ما اريد
- الشيخ :- اهدئي راح انطيج ساعه تفكرين بيها وتعيدين
قرارج وقتها اكدر اخذ منج القرار الاخير ..

- نارا :- سكتت ما حجيت والناس صارت خبصه
تقربت مني عنقاء هزتني خايفه وهي تضرب ع وجها
نظرات اخواتها الكُل المعزومين كُلهم
جانوا يباوعون عليه بغير نظرات
بس مو بيدي والله كُل شي صار ويصير اقوه مني واكبر مني اندك الباب سمعت صوت الشذام يكول العنقاء
سوي طريق انريد ندخل
س

ون طريق ومابقى احد يمنه بس اني وياهن وهم دخلوا
رفعت راسي لكيت شذام دخل و ورى شُعاع بس جان حيل
عصبي عاقد حواجبه وقابض ع ايده بقوه بس ساكت
ماسوه شي يحاول مايسوي شي لان لو سوه اكيد يشوه
وجهي سألني بهدوء ..

- شُعاع :- ليش ما قبلتي ؟
- نارا :- وكفت طول بطول وخليت عيني بعينه ، رغم كل الايام الي فاتت بس مستحيل انسى شلون مديت ايدك عليه وضربتني وصلتني للموت شُعاع وتريد هسه اقبل بيك ؟؟ بصفتك منو تضربني ؟ اني طالعه من تعب قوي وانتَ تعرف بي تجي هسه بهذا الوقت الصعب هيج تسوي وياي ... فتح عينه ع وسعهن
- شُعاع :- معقوله ضامه كل هذا الشي بكلبج اتجاهي .
- نارا :- ابتسمت بغصه ، اني ابويه ما يمد ايده عليه ولا مره مدها بس الوقت الاغبر الي ابويه راح بي واستشهد
شُعاع انتَ خوش رجال والنعم منك بس اعتذر ما اكدر
اقبل تعرف اني ما عندي عائله ولا أهل اذا واني مو ع ذمتك
ضربتني وصلتني للموت الباجر اذا صرت زوجتك شنو مُمكن تسوي بيه راح تأذيني اكثر

- شُعاع :- متأكده من كلامج ؟
- نارا :- اني قبل لا احجي افكر وادرس كلامي اني كُلش هوااي فكرت مثل ما حطيتني بموقف حيل حرج كدام
صديقك وزوجته وهم ما يعرفوني راح تسوي غيرها
وزواج اني وياك ماكو حتى لو تعتذر الي
ها وكعده هنا بعد ما اكدر اكعد بصفتي شنو كاعده هنا ؟؟؟
كعدت ع الكرسي واني بكامل هدوئي بس جسمي
يرجف من القهر رد عليه ..

- شُعاع :- تدرين كل الي مريت بي اهون من هسه وكسرتج بروحي ؟ تدرين ما شايف اهلي وشفتج انتِ اهلي ! واكول شبعان لان انتِ يمي

- نارا :- كلامه رجف كلبي سحبت نفس ، سؤال ؟
- شُعاع :- جواب
- نارا :- شنو السبب الي ما يخليك تشوف اهلك
- شُعاع :- هذا الشي ما اكدر احجي بي هسه
- نارا :- صح وحقكك ما تحجي الي هو اني منو وبصفه منو أسألك وانتَ تجاوبني ، سكت صافن بعيوني
- شُعاع :- نارا لاتسوين هيج محتاجج اني لاتسوين هيج لاتكسريني
- نارا :- اني هم اذا ناسي اذكرك احتاجيتك بوقت حيل صعب وقتها شنو سويت هاا اي اكيد اتذكرت
وكلت حقه يشك بيه ومعذور رجعت كررتها واذيتني اكثر ،
قاطعني بصوت عالي صاح بوجهي
- شُعاع :- ناااااارااااا الشارع بي وحوششش وانتِ شنو سويتي طلعتي بدون تفكير ٤ ايااااام وانتِ
ماعندج احد وووين تروحين ؟؟؟؟
- نارا :- درت وجهي سحبت نفس ورجعت اله ، من كُل عقلك تحجي ؟؟؟؟ والي وكف وياي بالموصل شنو ؟
- شُعاع :- ناااراا الي وكف وياج شي وهسه شي ثاني يختلف حتى انتِ هسه شي ثاني
- نارا :- لا مو شي ثاني نفسه الي وكف وياي البارحه
هو اليوم وياي ..

- شُعاع :- نارا ولج بابا انتِ أغلى شي بحياتي ما اتمنى عيني تغفى وانتِ مو يمي مو عاد تطلعين بدون ما اعرف
وينج ومنو يمج بس لا يأذوج او يسون بيج شي غير اتخبل
ادري ما فكرتي
- نارا :- من حقي بعدين اني كعدتي هنا شنو ؟ تحس بشعوري لو لا كاعده بين ناس ما تثق بيه ونظرات حتى صديقك الي يخاف ع زوجته مني ماعرف شبيه اني !
بصفتي بعد شنو ابقى هنا ؟ مستعده ارجع الجحيم داع١١ وانقتل وارجع انقتل مره ثانيه ولا ابقى هنا واحس بنفسي
حيل ثقيله ع البشر ولا الناس تعاملني بهاي المعامله ..
دنك راسه ورجع رفعه يباوع بعيوني بأمل
- شُعاع :- نارا الكبرياء اتركي مو وقته لا تخربين علينا ولا تأذيني بسبب غلطه وندمان عليها لا تعذبين روحي اكثر
- نارا :- نزلت القرآن من ايدي وبالكوه حبست
ادموعي رديت عليه ، مستحيل ماتحس بيه شنو صار من الالم وشنو حسيت بوقتها
متت الف موته بالدقيقه ..

بدون ما انتظر جوابه درت وجهي وطلعت من المكان تحت
نظرات الكُل حسيت ورايه صارت صوت ضربه حيل
قويه كلبي وجعني اكيد أذى نفسه بس مو بيدي كلبي حيل مجروح منه والشعور الهسه يدك بكلبي
ويحز بخاطري دخلت الغرفه وسديت الباب ورايه وقفلته
هنا أطلقت العنان الدموعي بجيت وبجيت احس راسي
صار يأذيني وعيوني صارن مورمات من البجي
حسيت الباب ينفتح وصار دك قوي اسمع البنات يصيحن
عليه حتى افتح الباب ، صفنت اني ليش دابجي
مو هو هذا الي ردته شكو البجي ؟
مسحت دموعي بقوه وكمت ع طولي رحت فتحت الباب
سوون عليه هجوم ودخلن كلهن العنقاء وأخواتها
بالغرفه يصيحن عليه ...
رفعت راسي وهمست ..
- نارا :- انسد الموضوع هنا بنات خلص ..

- عنقاء :- حبيبتي نارا ترى الي سويتي ما يصير هذا
الي سويتي مو قليل ابد بحقه
- نارا :- ردت ارد جان ينفتح الباب ودخلت لُجين انتبهت عليها حيل حلوه ومرتبه إلى أبعد درجه شكلها وجها
وكل شي بيها حلوو كامت العنقاء تسلم عليها وهي سلمت ع الكُل واجتي يمنه كعدت مبتسمه ابتسامه هادئه

- لُجين :- اعذروني لان اجيت بوقت متأخر عن العقد
بس هذا ابني عبد الرحمن تعبني هواي وهو مريض وصخونه
ما تركني اجي من وقت ، شنو انتوا عقدتوا لو بعدكم
بس لا فات عليه العقد ..
هزت العنقاء ايدها وردت
- عنقاء :- لج هذا يا عقد تعالي شوفي المصيبه الي صارت
- لُجين :- اسم الله يا مصيبه شكو
- عنقاء :- الانسه ماتقبل بشُعاع وهسه صايره حاميه ورفضته كدام الكُل اتخيلي ، شهكت مصدومه
- لُجين :- ليش حبيبتي ليش ما تقبلين
- نارا :- سحبت نفس وزفرته جان اسلوبها حيل حلو وهادئه وياي رديت عليها ، الأنسان الي يأذي شخص
يحبه وماعنده غيره بحجه مُسمى الحُب و يتعب
الانسان بحجه اني اخاف عليك واحبك
هذا الإنسان مريض
صح مرينا بهواي اشياء صعبه بس مو يأذي
بالضرب ويوصل للموت والقلب يتوقف !!!

هزت راسها بهدوء ونظراتها متأسفه ..

- لُجين :- عابد سولف الي كُل شي بس ياحبيبتي مايصير
اطلعين كُل هذا هسه ولاتنسين هوَ يخاف عليج
- نارا :- ابتسمت ، يخاف عليه وهيج يسوي ؟
- لُجين :- اهدئي هسه اجي أني..
- نارا :- طلعت من الغرفه التفت عنقاء الي
ردات تحجي بس الباب اندك وسمعت صوت الشذام يطلب يريد يشوفني ويحجي وياي ..
هي باوعت عليه بمعنى كومي اني هم وكفن سحبت
العباه خليتها ع راسي وطلعت لكيته واكف
تقربت ، هاا ؟

- الشذام :- انتِ صدك تحجين لو تشاقين؟
- نارا :- هت ضربني
- الشذام :- ادري ياخويه من ضربج صار شكد ما حاسبتي
الا هسه تحاسبي ؟.
- نارا :- هزيت راسي ، انتَ مو شكد انتَ تأذيت بحُب عنقاء
- الشذام :- اي
- نارا :- اذيتها شي يوم بتصرفاتك
- الشذام :- لا
- نارا :- زين هم هيَ غلطت
- الشذام :- حتى لو ما اذيتها لان احبها حتى اغلاطها
حلوه بس ياخويه غلط عن غلط يختلف
- نارا :- ماغلطت بشي بس اني ما اتقبل ابقى عند ناس
احس روحي ثقيله عليهم
- الشذام :- منو كال الج هيج.
- نارا :- انتَ نظراتك الي ، تقبلها ع نفسك لو بيوم حسيت بروحك ثقيل ع احد ماعندك غيره ؟
- الشذام :- خويه اسمعيني شُعاع صح غلط بس انتِ هم غلطتي والمسامح كريم لا تخلين هيج أمور تخرب بينكم
- نارا :- اذاني هواي
- الشذام :- انتِ ليش عنوديه الهاي الدرجه
- نارا :- حقي هذا
- الشذام :- هذا اخر كلام الج
- نارا :- اي

- الشذام :- زين تروحين ويا الاهله؟ يمكن هو اليوم يروح
- نارا :- هزيت راسي بنفسي ، مثل ماراح يطلعون
الناس من هذا البيت اني اطلع وياهم
- الشذام :- ما الج حق تطلعين الوحدج انتِ صرتي بنتنا ومثل اختي
شلون تطلعين الوحدج وين تروحين
بعدين هو ما يقبل تبقين هنا وهو ما موجود
- نارا :- ادري يغار يعني
- الشذام :- مو قصه غيره بس هو ما يقبل
- نارا :- اي وشنو اسوي بصفتي شنو اروح ويا البيت اهله
- الشذام :- ترى اهله ناس مثقفين إلى أبعد حد
- نارا :- هزيت راسي ، وشنو يعني قابل ما يسألون منو
هاي وشنو داخله ويا ابنه بدون شي وبأي صفه
والله شنو طلعني من داع١١ وجابني ويا وحتى يمكم انتوا
- الشذام :- خويه اني غريب عليج لو بيدي اخليج فوك راسي بس انتِ دخلتي البيتي وصرتي مثل اختي.
- نارا :- ادري مثل اختك بس مايصير ابقى يمكم
- الشذام :- شوي وارجع .
- نارا :- تمام .

راح هو واني رجعت يم البنات بقن يحجن وياي ويحاولن
يقنعن بيه يا نتزوج يا اروح ويا
لُجين حجت وياهن انُ يتركني ما يضغطن عليه لا هيج
ما اعرف افكر عدل ابتسمت بوجهي واني
نزلت راسي احس تايهة واريد ماما هي الي تنصحني
وادليني ع الطريق الصحيح
مرت نص ساعه ع هذا الوضع والبنات يمي واني تفكيري
بعيد عنهن حايره وين اروح وعند منو
هسه لو عندي عائله جان رحت الهم لو عندي عشيره
جان لجأت الهم مو همَ الي نكروا وجودي والله اعلم يطلعون خايفين مني او مايريدوني لان بقيت طول
هاي السنين مفقوده
لازم اني اتسلح الهاي الدنيا اذا ابقي هيج ياكلونني
اندك الباب مره ثانيه وهم صوت الشذام شكله رجع
كامت اله عنقاء
طلب منها تجي وياها زوجه عابد
وكفت لُجين تتمايل بجسمها وتمشي بهدوء
بقوام حيل حلو رغم الوضع الي اني بي بس انتبهت ع جمالها طلعت برى الغرفه هي وعنقاء
واني بالي مو يمهم بس افكر
ورى شويه رجعن اثنينهن سوه اجتي لُجين كعدت يمي
سحبت ايدي اني استغربت وهي بدأت تجي وياي ..

- لُجين :- اعتبريني اني اخُت الج حالي حال عنقاء تمام حبيبتي
- نارا :- هزيت راسي بأي
- لُجين :- اسمعيني
- نارا :- شنو
- لُجين :- تبقين انتِ يمنه
- نارا :- رفعت عيني عليها مستغربه ، وين ؟؟.
- لُجين :- يم اهلي اني والدي متوفي وماعندي اخوان
بس عني ٥ اخوات واني السادسه وامي موجوده وبس
تروحين يمنه تبقين احسن من هنا ما تكدرين تاخذين راحتج وماكو احد يزورنا يعني اطمني بس البنات موجودات
ماتكدرين تروحين عند أهل عنقاء لان عندها ابوها موجود
فا خاف تتقيدين هنا تجين وياي ها شكلتي ؟
- نارا :- اني اروح ؟؟
- لُجين :- اي وهسه من نطلع ناخذج ويانه
- نارا :- عنقاء من سمعت هذا الكلام صارت تبجي سحبت نفس وكمت حضنتها واني هم مقهوره
مو هين عليه ، كافي حبيبتي لا تبجين هاي أراده الله بس ما اعوفج اني صدكيني بين فتره وفتره اجيج
- عنقاء :- توعديني
- نارا :- وعد ، ابتسمت وسمعنا صوت لُجين
- لُجين :- يعني وافقتي يحلوه
- نارا :- هزيت راسي بأي ، اي

وافقت لان ماعندي حل وماعندي اي مكان اروح اله
وبيت لُجين انسب مكان لان بس بنات ع الاقل ما اتقيد
اذا اكو رجال بالبيت مثل عنقاء وماكدر ابقى بالشارع
اروح وياها إلى أن الله يفرجها يمكن بهاي الفتره الكه
اخواتي وقتها نعيش سوه وبدون أي مساعده من احد
وهم اشوف اذا لكيت نفسي ثقيله عليهم اتركهم ،
ماقبلوا نطلع الا نتعشه اني بالكوه اكلت اجه شذام سأل عنقاء اذا اني موافقه لو لا وهي جاوبته موافقه هز راسه وراح طلع ، الناس كلها راحت وبس احنه بقينا وبعدها

لُجين كاعده بصفي وتحاول تغير جو الي وكُل شوي
تسألني عن عمري وعن الشغلات الي تحبه وتحاول تحسن العلاقه بينه حتى ما احس بغربه هناك يمهم حيل جانت هادئه وشكد دعت الي
وكل شوي تكول " ان شاء الله تتونسين عند اهلي وترتاحين "
إلى أن كالوا يلا نروح وكفت ع طولي ودعت عنقاء وهي خلصتها بس بجي وطلعت مشيت ورى لُجين و صعدت بالسياره مال عابد
سديت الباب رفعت راسي لكيت شُعاع كدامي
نظراته جانت حيل مكسوره وحسره واضحه بعيونه
شفته صارت يتمشى بأتجاهي اني سريع نزلت
راسي ..

حسيته صار حيل قريب مني واني دكات كلبي زادت
ما اريد أضعف ما اريد انزل هسه وارتمي بحضنه واقتنع
بكل شي ما اريد يشوفني اني سهله المنال وبكل مره
يكدر يسيطر عليه واكون تحت رحمته الحُب مو كل شي
وين الاحترام الي بينه اذا هسه اقتنعت ومشيت ويا
معناها راح يرجع يعيد الي صار من جديد وقتها ما يفيد ويا
اي أعتاب ومن حقي اكون الي شخصيه يحترمها وتكون
فوق كل شي

وكف بصف الباب سمعته جر النفس بقوه وهمس
- شُعاع :- اني بطرك النفس بين الحياة والموت
- نارا :- هزيت راسي وبالكوه مسكت ادموعي ، بسببك وبسبب ايدك ، ماحسيت الا ضرب باب السياره
بقوه ايده بحيث حسيت ايده انكسرت رجع ضربها برجله
رفعت عيني عليه فكه مشدود رد عليه
- شُعاع :- موووو بسببي بسبب هذااا ..
- نارا :- ضرب ع كلبه بقوه ، ومتندم ؟؟
عيوني لمعت شهكت هزيت راسي ورديت عليه
" شُعاع ما اريد حُبك خليني اني الله يحبني "
صاح بصوت عالي
- شُعاع :- شششششبيج لا تخبليني
- نارا :- سحبه الشذام من كتفه وهو ناااار كبرى ما يتحاجه

صعد عابد بسرعه من شاف الوضع شغل السياره ومشى
اني مل اتحملت بس اختفيت عن نظره صرت
اشهك بالبجي احس كلبي يريد يطلع من مكانه كأن تاركه شي يخصني ومهتمه بي
سمعت صوت عابد و لُجين يحجون وياي
- عابد :- خويه صلي ع محمد
- لُجين :- حبيبتي كافي هيج تأذين نفسج .
- نارا :- نزلت راسي وحاولت اكتم شهكاتي إلى أن وصلنا البيت اهل لُجين يلا سكتت
رفعت راسي اباوع البيت مالتهم حيل فخم
والمنطقه حيل راقيه
نزلوا واني نزلت وياهم تقرب عابد يدك بالباب ولُجين
بصفي تبتسم بوجهي وتحاول تخليني ابتسم
وياها بس اني ماكدر محروك كلبي واحس النار مشتغله
بداخلي

انفتح الباب وطلعت وحده شويه كبيره بالعمر بس ما مبين
عليها ابد حيل حلوه وجها نوراني بس شفتها حسيت بالراحه جانت قصيره و لابسه قصير عطرها يفوح منها
وحيل طيب والمحبس الي بأيدها يلمع لمع شعرها
لونه اشقر ع برتقالي اني بقيت بس منتبهة عليها
وصافنه انتبهت لُجين تقربت منها وسلمت عليها حضنتها وبوستها وهي ترحب بينا

- لُجين :- ماما هاي البنت الي حجيت الج عنها وعابد حجه وياج ، تعالي نارا حبيبتي
- نارا :- تقربت منهن هي سريع حضنتني وباستني
- ام لُجين :- حبيبتي انتِ امي ياروحي لا تخافين ولا تخجلين البيت بيتج ولا تحسين انتِ غريبه
- نارا :- ردت ارد عليها بس اجه صوت امي براسي
وصرت اسمع صوت الطلق صوت اطفال تصرخ وأصوات
براسي صارت حيل قويه لا ياربي مو هسه لااا مابيه
حيل دنكت خليت اديه ع راسي أسد بيهن اذاني
حتى ما اسمع صرخت بصوت عالي ، لاااااا اطلع من رااااسي اطططططلع
- ام لُجين :- ااامشي ماما جيبي مي بُسرعه البنت متأذيه
- لُجين :- اشش اهدئي نارا حبيبتي ماكو شي
ارفعي راسج هاي احنه يمج
- نارا :- انخبصن بي خبص واني احس روحي تايهة
الاصوات تضرب براسي ودخت
- ام لُجين :- يمه بنيتي دخيلك ربي شبيها
- لُجين :- عفية ماما راح تروح من ادينا صيحوا عابد
- نارا :- كعدت بالكاع اشهك واديه ع أذاني
احس صابتني هستريه فضيعه
لميت نفسي وحضنتها اصيح ، اطلع من رااااسي اطلع

اجه عابد يركض
- عابد :- الله الله شبيج خيتي
- لُجين :- عااابد اتصل بشُعاع ضروري هو يعرف الها سريع
- عابد :- اي اي هسه اتصل ، الو .. شُعاع خويه ماعرف شبيهاا اي اي حالتها تعبت وتصيح ياريت تجي
تمام منتظرك ..
هسه يجي شُعاع
- لُجين :- احسن بلكت يعرف شبيها ، عززززه شوف شكلها راح يغمى عليهااا ، ماماااا
- ام لُجين :- اهدئي بنتِ هسه ترتاح بدون صوت

- نارا :- فتحت عيوني احس جسمي خدران ومابيه حيل
اتحرك ركزت لكيت شُعاع كدامي حتى نسيت اني وين
ثواني يلا كدرت اتذكر الي صار
اباوع كُلهم موجودين يمي منتظرين اصحى باوعت ع شُعاع جان شكله حيل خايف سحب نفس بحسره وزفره
يخاف يتقرب مني لا انفره واصيح بي وكفت ع حيلي وأم لُجين سندتني دخلتني جوه بدون ما احجي وهيَ تحمد الله
من دخلت سمعت صوت شُعاع صاح بحسره
- شُعاع :- ااااخ يابويه ااااخ
- عابد :- اطلع اطلع
- شُعاع :- فهمني شلون اطلع واعوفها بهاي الحاله
- عابد :- هي ليش ما تريدك ؟
- شُعاع :- ماااااا ادري مااااعرف شبيهااا تخبلت عليه
- نارا :- اختفى صوتهم من دخلت مابيه حتى افكر
راحوا الكُل البيته واني طلبت منهم ابقى الوحدي
بالغرفه وهم طلعوا رغبه الي بقيت الوحدي بالغرفه ..

البيت جان حيل فخم وكبير الأثاث مالته جان كلاسيكي
والبنات اخوات لُجين حيل حلوات ولبسهن كُله
قصير والشعر مرتب والعطر الفواح
حيل نازكات وهادئ البيت مالتهم بقيت الوحدي بالغرفه
اصارع الالم الي بداخلي واحس اني وحيده
ماعندي اي احد
ليش هيج سويت يا شُعااااع ليش مو جنت انتَ الوحيد
الي بحياتي ليش خوفتني اكثر من الي اني عايشته
بسيطه الا اطلع اله كَلب جديد بصف كَلبك
رفعت راسي اباوع كدامي شفت آخر شخص
جنت متوقعه اشوفه شهكت بكل قوتي احس الشهكه طلعت من أعماق كلبي صحت

بااااااباااااااا !!!!!
وكفت ع طولي اركض واصيح بااااااباااااااا اريد اروح
اله الزمه والله شفته كدامي شفته
الباب مال الغرفه انفتح ودخلن البنات واني بس اصرخ
- دخيلك ربي ششششبيهااااا ؟؟
- ماااعرف عزه شببيهاا ليش تصرخ ماكو احد كدامها
- اخاف تتخيل
- نارا :- اصرخ منهاره ماحسيت الا وحده ضربتني تحاول توعيني وسحبتني الحضنها واني ارجف رجف مو
طبيعي ، اريد بابا اريده
- اشششش اهدئي حبيبتي اني يمج
- نارا :- باباا اريده ، اسمعها تقرأ ع راسي
- لا إله إلا الله العظيم الحليم، لا إله إلا الله ربّ العرش العظيم، لا إله إلا الله ربّ السَّماوات، وربّ الأرض، وربّ العرش الكريم .
- نارا :- رجعت لزمتني شمرت الشال من راسي رفعت راسي بأيدها وخلت عيني بعينهاا تحجي وياي
- اني يمج لا تخافين صلي ع محمد
- نارا :- بقت لازمتني الا ان جسمي صار يرجف يرجف
- كوومي جيبي بطانيه بسرعه
- اي هسه راح اجيب ..

راحت جابت البطانيه والثانيه بصفي ما تركتني ابد
لفتني بيها شكلت الكانونه بأيدي وخلت الي
المغذي وضربت بي ابره حتى مابيه حيل اسألها بس الواضح وحده من البنات الطبيبه راحت وحده منهن سوت الي أعشاب وجابته الي شربته الي ع كيف وهن فوك راسي ما تركني ابد
بقت حاطه راسي بحضنها وتمسح بشعري حجت ويا عائلتها

- اتركوني الوحدي وياها ، اذا تريدون ابقوا هي هم نارا ماينشبع منها هههههه
- نارا :- ابتسمن البنات وطلعن وبقيت بس اني وياها بالغرفه الوحدنا مسحت ع راسي وحجت وياي ..
- نارا انتِ مشيتي وتعبتي كملي طريقج لا توكفين ع انسان ولتوكعين بسبب اي عقده تصير بحياتج
الانسان يمر بهواي أمور لازم يحارب
- نارا :- صافنه اني ما انطي اي رده فعل
- شو اكعدي
- نارا :- سحبت نفسي وسندت ظهري ع القنفه
- ادري بالج هسه مو يمي وادري بمنو تفكيرن بس ..
- نارا :- قبل لا تكمل كلامها قاطعتها ، الأنسان الله ويا ما ينخاف عليه ، هي ضحكت
- نارا يا نارا
- نارا :- ما واكفه ع احد ولا بالي يم احد كل شي أراده الله
اني اريد شي بس الله يريد شي ثاني واني قابله بكل شي
يصير وياي بس قبل شويه اني حزنت شويه
- ادري بيج
- نارا :- اي لعد سدي الموضوع احسن
- ههههه صاحبه شخصيه هم
- نارا :- صفنت بوجها ، خلي البنات يجن هنا عيب
- هسه يجن يسون هجوم عليج ديجهزن نمنميات وكرزات
- نارا :- هاا خير ان شاء الله
- هااا صدُك خليت السرير مالتج بصف السرير مالتي
لان بعد انتِ مثل اختنا
- نارا :- هزيت راسي ، شُكراً الج ..ابتسمت الي
- تدلل نارا .

- الشذام :- سحبت نفس اباوع عليه شلون يهز برجله
بعصبيه واعصابه تلفانه حقه الي صار مو هين ،
كوم خويه اخذ راحتك وارتاح
- شُعاع :- لا ما اريد روح انتَ اخذ راحتك
- الشذام :- لا يابه كاعد وياك شعندي ، مارد عليه بس همهم بهدوء وباله مو يمي وصافن
رجعت سألته ، شُعاع ليش ما تروح الاهلك الحد هسه
- شُعاع :- تصدك مشتاقلهم، ومشتاق الحضن امي
كلشش
- الشذام :- لعد ليش ما ترجع ؟
- شُعاع :- والله ياخويه بهاي الشركه بيها هواي ملفات فساد واكو بيهن مسجلات بأسم ابويه
-الشذام :- بقيت صافن مصدوم ، شنو تحجي انتَ ؟
- شُعاع :- اي ومسجلات بأسمه مبلغ حيل جبير وبعد هواي شغلات خلت عقلي يفتر وخايف لا ابويه متورط
بهذا الشي
- الشذام :- انتَ من وين جبت هذا الحجي ؟
- شُعاع :- جايك خويه ، هاي الشركه الي اخذتها واشتريتها اجاني خبر من لؤي هاي الشركه بيها ملفات تخص ابويه وشغلات تحير العقل
- الشذام :- لعد ليش أخذت صاحب الشركه ؟
- شُعاع :- اريد اتأكد بالأول يمكن هاي كلها مؤامرات ضد ابويه
- الشذام :- واذا هو مسويها ؟
- شُعاع :- وداعه نااارا وداعه عافيتي لا اشوفهم ولا اتشرف بيهم اهلي
- الشذام :- زين انتَ هم تشك بكلام هذا الي أخذنا؟
- شُعاع :- يمعود اني جاهل حتى اصدك كلام واحد يخاف من الموت .
اسمع من جنت يمهم شنو الي صار
- الشذام :- احجي ..

- شُعاع :- قبل من جنت عندهم
دخلت اسمعهم يحجون بأسم ابويه انُ يطنيهم من الفلوس
مبلغ حيل ضخم في سبيل يتركوني
وهذا الشي لان صار عندهم نقص فأ يحاولون
يعوضون هذا النقص بالفديه الضخمه
وهسه من رجعت اني ردت اتأكد من كلامهم واذا ابويه متهم لو بريء وما اكدر احكم عليه لان ابو نوح هنا
يعني بكل بساطه هسه أصابع الاتهام تشر عليه
- الشاذم :- سحبت نفس وزفرته تفكير شُعاع كله صح بس مو الحقيقه لان الهسه هو مايعرف شنو الحقيقه
الي ضاميها عليه وتبرئ والده ، شُعاع
- شُعاع :- ها
- الشذام :- اريد احجي لك شي واصارحك بس اريد منك
تهدأ ، هو فز خايف
- شُعاع :- خيرررر شكو نارا بيها شي ؟؟؟؟
- الشذام :- لا ما بيها بس اريد اصارحك بما انُ انتَ
جاي تبحث عن الحقيقه وهي عندك
- شُعاع :- ااااحجي شششبيك صارحني لا تخلي اعصابي تتلف اكثر من هيج

- الشذام :- شُعاع والدك متوفي من زمان ..
هو بقى صافن بوجهي مصدوم رجعت كملت كلامي .
محد عرف بالخبر ولا نشروا ولا شي لان راح تصير مشكله جبيره ياخويه لا تمشي بالخطأ ترى ابوك مات من قهره
عليك جابوا اله خبر استشهادك ومات قبل الأحداث الي تصير هاي يعني ما اله اي علاقه . اني احجي ويا وهو صافن
- شُعاع :- يعني ابويه ميت ؟
- الشذام :- اي
- شُعاع :- ههههههه انتَ ماتضحك عليه ؟
- الشذام :- أهدأ شُعاع
- شُعاع :- اني هادئ ، شوكت توفى ؟
- الشذام :- تقريبا ب 2017
- شُعاع :- شنووو !!!
- الشذام :- اي ومحد يعرف
- شُعاع :- لا تخبلني شلون شلون صار هيج
- الشذام :- لزم راسه وصار يصيح
- شُعاع :- ششلووون مااااات
- الشذام :- جانت جلطه علمودك والله
- شُعاع :- لك شذاااام هذا ابوي تعرف شنو ابووووي
- الشذام :- اي والله اعرف ابوك اتأكد حتى ما توكع بيها اني متأكد ابوك بريء ولازم تكون حذر اذا عرفوك وعرفوا وجودك راح تنقتل شُعاع

بدون ما يرد عليه سحب السويج وطلع من البيت
ركضت ورى ماقبل يحجي حتى وياي
شخط السياره بسرعه ومشى خررررب اتصلت ع عابد سريع
- الشذام :- لك عابد شُعاع طلللع
- عابد :- شكوو شنو صااار
- الشذام :- لك شُعاع عرف بأبو اني بلغته ابو متوفي
- عابد :- خررررب ليش حجيت اله
- الشذام :- سده بوجهي قبل لا ارد عليه اني أعلمه
بقينا ندور عليه ومالكينا فص ملح وذاب
اتبعنا السياره مالته ومالكينا طالع من بغداد يعني بعده موجود والسيم كارت مالته مبين كاسره وين راااح ويييين
- عابد :- يجوز راح الاهله
- الشذام :- معقوله
- عابد :- امشي نروح نتأكد
- الشذام :- خوش ، رحنه الاهله دكينا الباب من طلعوا
ماشفنا اي رده فعل منهم صادمه او قويه ادل ع رجعته
وقتها تأكدنا هو ما راح الهم
- عابد :- هسسه شلووون فهمني وين راح الزلمه
- الشذام :- هاي صار النا شكد ندور عليه وما لكينا
- عابد :- حيااااته بخطر شنو ما يعرف
- الشذام :- حجيت وفهمته بس عقله قااافل
- عابد :- ليش حجيت اله عن ابو
- الشذام :- اول وتالي راح يعرف خاصه بهذا الوقت لان شاك بأبو عنده ملفات فساد وهو اله ايد بالمداهمه الي صارت قبل كم سنه من انخطف
- عابد :- استغفر الله هاي صار النا ٣ ايام ندور عليه وماكو
بس لا صار بي شي
- الشذام :- كول يا الله ترى شُعاع ذكي متأكد ما يصير بي شي

رجعنا للبيت من بعد التعب حتى الشغل هملنا
نطلع من شغلنا ندور بس ماكو ماعرف وين اختفى هل الزلمه
رجعت للبيت اني وعابد تعبانين وحظنا طايح كعدت وبصفي عابد جان يندك الباب
رفعت راسي اباوع ع شاشه الكاميرات وهناااك وشفت هذا شُعاع وكفت ع طولي وركضت طلعت برى حتى
افتح اله الباب
فتحت الباب انصدمت بشكله جان عباره عن تراب
من فوك للجوه وحالته حاله صافن بوجهي دخل خطوه وحده
و وكع بالكاع ركضت حضنته
صحت ، عاااابد ممممماي بسرررعه
سندته ، خووويه شُعاع اكعددد اباوع عليه فاقد لا يا الله
صرت اطبطب ع وجهة حتى يستعاد وعيه
بس احسه بغير عالم
شمرت مي ع وجها إلى أن رجع شوي شوي يفتح عيونه
سحبت نفس بقوه وزفرته انصدمت من شفت شُعاع يبجي
اول مره اشوفه بهذا الضعف سندته
وكعدته عدل اهدي بي .
كول يا الله خويه ليش هذا حالك

- شُعاع :- لازم اروح الاهلي
- الشذام :- بس فهمني ووووين جنت صار النا ٣ ايام اندور عليك ، رد عليه بتعب
- شُعاع :- جنت ادور لأبويه ماا ارتاح وهو متهم
- الشذام :- وشنو لكيت
- شُعاع :- طلع صحيح كلامك ابويه بريء وما مشارك بكل
هاي العمليات ولا الفساد الي صار بهاي السنوات
ولا حتى مشارك بالمداهمه الي صارت بس لكيت شغله
هو منطي الهم الفلوس علمودي اني فديه حتى يرجعوني
وباقين مهددي بيه اني لان ماخذ هاي الفلوس من
الدوله لان مبلغ ضخم وهمَ باقين مهددي بيه
- الشذام :- صدك تحجي
- شُعاع :- ااااي وماكو احد سنده وجابوا اله خبر موتي وراح بيها ااااخ ياااابه
وعبالهم ابويه ما يموت حتى يبقون يستغلون بي ويخلون كل شي فاسد براسه ويطلعون هم مثل الشعره من العجين
وابوي يدخل السجن بتهم باطله ويروح بيها
إعدام
- الشذام :- صفكت ايد بأيد ، انذذذذال شلون خطط عليهم
- شُعاع :- بس وحق من انزل القرآن ع محمد وروح ابوي
الي جوه التراب وقتها كابلوني و*** بوجهي

- الشذام :- رفع راسه وجر حسره
- شُعاع :- اني رايح هسه الاهلي
- الشذام :- وياك اني وعابد ما نعوفك
- شُعاع :- تمام
- الشذام :- صعدنا احنه ويا ومشينا الاهله إلى أن وصلنا
هو جان مو ع بعضه ومقهور كلش ع موت ابو وحقه
نزلنا وهو ملهوف رفع ايده ودك الباب
اجانه صوت وحده من البنات
- منووو ؟؟
رد عليها شُعاع بلهفة
- شُعاع :- هذا اني اني
- منو انتَ ماكو احد بالبيت ؟
- شُعاع :- هذا اني اخوج
- يييمه يا اخوووو
- شُعاع :- اني شُعاع خويه افتحي الباب
- الشذام :- ما فتحت الباب الا اني حجيت وياها ، خويه اني الشذام افتحي الباب صاحت
- وووولج ييييمه تعااااالي
- الشذام :- صاحت بصوت عالي ورى شويه انفتح الباب
وصاروا بوجهنا اخواته وأمه
اول ما شافته امه شهكت مصدومه وهو واكف كدامهن
وكعت امه ع الارضيه تصرخ وتضرب ع راسها
وتبجي بشكل هستري ركض الها شُعاع يحضن بيها ويبوسها من اديها ومن راسها من وجها حتى
رجليها هم باسهن وهي بس تصرخ وتبجي مصدومه ما مصدكه
اخواته متجمعات دائر مدائره يبجن ويحضنن بي
حقهن مصدومات بي بعد كل هاي السنوات يلا يرجع الهن من بعد ما عرفوا بي هو مستشهد
امه بعد ماكدرت تتحمل واغمى عليها بقاها بحضنه يبوس بيها
وراها كعدت بس تون وتبجي تحضن بي وتبوس
كل هذا واحنه واكفين بالباب بس كل شي كدامنه
نشوفه الموقف الي شفنا يعصر الكَلب مو هين
الي عاشوا واني جنت شاهد ع كل لحظه سيئه عاشوها بفقدانه

تقرب مني عابد يحجي وياي ..

- عابد :- شذام
- الشذام :- ها
- عابد :- تعال خلي احضنك واحضني
- الشذام :- انجب لك شبيك هيج رجيج
- عابد :- والله ياخويه لو ما عيب جان هسه اني طبيت الهم وحضنتهم ع الواهس غير سوو عندي نقص
عاطفي والتصحر صعد الراسي
- الشذام :- دسكت اسكت لا هسه اصفكك اعمي عينك
- عابد :- ديلا عفت الحضن اني جوعان اريد اكل اكل
- الشذام :- اصبر شبيك خلي نشوف هذول وين يصفى بيهم الدهر
- عابد :- عندي فكره حلوه
- الشذام :- اي اتحفني
- عابد :- نعزمهم بيتهم وانجيب نارا هنا بلكت اتشوف اهله وتقبل وتقتنع احسن ما همَ الاثنين متعذبين
- الشذام :- والله خوش تفكر طلعت وهسه شُعاع حيل تعبان هم محتاجها يمه
- عابد :- بالضبط ، أعجبك اني بس انتوا ما مستغلين موهبتي ، اي هسه عندي اني خطه بس لازم توكف وياي
- الشذام :- شنو هي الخطه مالتك كول
- عابد :- نترك شُعاع هنا يم اهله واحنه نروح النارا
نثرم عليها حجي بخصوص شُعاع كذا وكذا ونخلي يوصل للموت يعني بعيد الشر عنه إلى أن تنهبط عليه وبعدين
انجيبها ونجي هنا
- الشذام :- الله يطيح حظك ع هيج خطه شنو تكول الها شُعاع حامل
- عابد :- لا شبيك نكول آلها تعبان وابو متوفي
- الشذام :- ها
- عابد :- اي شبيك وهيج نجمعهم ونعزمهم الباجر شكلت
- الشذام :- تمام ، خير ان شاء الله

ردنا نروح سلمنا ع شُعاع رادنا ندخل بس اتعذرنا منه
ورحنه النارا حتى نقنعها ونحجي وياها بلكت تقتنع
ويذوب الجليد الي بينهم
وصلنا البيت اهل زوجه عابد دكينا الباب طلعت ام لُجين رحبت بينا هذاك الترحيب الي يفتح النفس سلمنا ودخلنا
طلبت منها تصيح النا نارا نحجي وياها وهي راحت ورى شويه دخلت نارا جانت لابسه عباه ع راسها و وجها
نوراني كأن بي نور النبي ابيض جانت منزله راسها
سلمت علينا وكعدت بعيد عنه

- الشذام :- شلونج خويه
- نارا :- الحمد لله
- الشذام :- مارفعت راسها من الكاع سحبت نفس وزفرته بتعب ، خويه محتاجينج
- نارا :- ابشروا ؟؟؟
من صاحوني اني لزمت كلبي خاصه طول هاي الايام
ماعرف اي شي عن شُعاع مختفي وما سمعت اله اي اثر
المشكله نظراتهم البعض قلقتني كأن خايفين يحجون
او وأحد يشمرها ع الثاني حتى يحجي بداله ، اتفضلوا ؟
- الشذام :- خويه شُعاع تعبان كلش
- نارا :- فزيت مرعوبه ، ششششبي ؟؟ شكوو شنو صاير ؟
- الشذام :- اهدئي خويه خلي نجيج وحده وحده
- نارا :- كوول وييين شُعاع والله كلبي حاسسني بي شي صارلي ٣ ايام كلبي يكول بي شي مو زين عرفت صاير بي شي
- الشذام :- اهدئي شُعاع ابو متوفي
- نارا :- فتحت عيوني مصدومه شهكت ، شنووو !!
- الشذام :- من زمان اتوفى وهسه من عرف شُعاع كلش تعب وحالته مو زينه
الي نريده منج الباجر عازمين الكل ونريدج تروحين ويانه الهم بس يشوفج اكيد تتحسن حالته
- نارا :- نزلت ادموعي بقهر عليه هزيت راسي ب أي ..
- الشذام :- خويه ليش تبجين احنه يمج

- نارا :- بس اني ما اكدر أوافق
- الشذام :- هسه لا تفكرين اكعدي بينج وبين نفسج وفكري صح واحسبيها من كل الجهات وقتها انطي قرار
مو هسه وانتِ هم الج الحق بكل شي لان هذا زواج
وانتوا الي عشتو شي صعب مو هين حرب وغيره
- نارا :- اي تمام
- الشذام :- الباجر ان شاء الله نروح
- نارا :- خير ان شاء الله..

راحوا طلعوا واني رجعت يم البنات من عرفن بالموضوع
انخبصن ويصيحن لازم تعدلين نفسج ولازم
ترتبين نفسج وتسوين كذا وكذا واني صافنه عليهن
وحده منهن انطتني فستان حيل حلو جديد بعده ما ملبوس وعباه جديده وشال ابيض بي مثل الورد وكل شي جديد وكعدن عدلن وجهي ورتبني ويصيحن هاي اول مره
راح تشوفين اهله لازم تطلعين غير لوك
وحتى نمت من وقت إلى أن صار ثاني يوم واجه الشذام حتى ياخذني
لبست وتعدلت والبنات حطن الي ميكاج حيل بسيط
ورتبني بحيث حتى ما عرفت نفسي
وخاصه وجهي تعدل يمهن لان ع طول يهتمن بيه
يحاولن يخلني مرتاحه إلى أبعد درجه

- الشذام :- ام لُجين ماتجين ويانه ؟
- ام لُجين :- لا والله يمه نريد انروح الخوال البنات مانكدر
- الشذام :- هاهي خالتي براحتكم ، يلا نارا
- نارا :- اجيت صعدت ويا وهو كالعاده اناقته مثل صديقه
فول والعطر يسطر سطر
حتى يدوخ لان قوي اني التوتر صعد عندي فول بحيث اديه
ماعرف وين اوديهن
- الشذام :- خويه من توصلين هناك شنو الي بكلبج طلعي كدامه لا تخلين ولا شي ضامته حتى يكون كل شي
بينكم صريح وماكو اي شي يمنع او ما يمنع
واختمي الحديث اما اي او لا وكون الكلمه نهائيه مو لعب
وتتراجعين بعدين
- نارا :- جعصت اديه بحضني واني خايفة من الي بداخلي
ماكدر احجي همست اله ، بس اني اكو شي ماكدر
احجي
- الشذام :- زين احجي الي اني هم اخوج
- نارا :- لا اقصد الموضوع ماكدر احجي بي
- الشذام :- يابويه هاي ال لا مالتج دمرتنا وخاصه دمرت شُعاع
- نارا :- هو احجيها اله
- الشذام :- بعد احسن اذا اله
- نارا :- اي اي ...

بقينا نمشي الا ان وصلنا البيت حيل حلو وفخم
والمنطقه هم راقيه مبينه وكف السياره يم هذا البيت
واني احس بطني مغصتني شلون راح اواجه الكُل
شلون بأي صفه ياربي والله احس نفسي متوتره وماعرف شنو اتصرف نزلت اني ويا الشذام
رفعت راسي لكيت شُعاع واكف بالباب مال البيت وساند
ظهره ع الباب ومكتف اديه ويباوع علينا
اني شفته لو روحي راحت جان شكله حيل تعبان وحتى ضعفان والسواد جوه عيونه اني من شفته هيج
احس الدموع التمن بعيوني وحصرتني البجيه ع حالته ليش هيج صاير سوده عليه
حتى ردت اكمز واحضنه بالكوه لزمت نفسي بس كلبي
يغلي غلي عليه
تقربت منه وهو عدل نفسه بتعب
- شُعاع :- شلونج ؟
- نارا :- زينه
- شُعاع :- اتفضلي ادخلي .

- نارا :- جان حيل بارد واني منا احس كلبي وجعني من بروده وياي ومن شكله التعبان
دخلت جوه واني مرتبكه ومتوتره من كل شي
اباوع صارن كدامي هواي بنات كبار وصغار وبكل الأعمار
احس روحي حيل عركت
هنَ مستغربات مني لان اول مره يشوفني واني هم مستغربه منهن
حسيت اجاني صوت شُعاع من ورايه
- شُعاع :- يمه هاي نارا الي حجيت الج عنها ، نارا هذول اهلي تكدرين تسلمين عليهم
- نارا :- اباوع عليه اشر بعيونه حتى اسلم واني انثولت من الخجل تقربت اسلم هنَ اخواته يمكن اجني يسلمن عليه
ومبتسماات بوجهي
اشر الي ع امه رحت دنكت سلمت عليها بس هي
شكلها ما مرحبه بيه وضايجه مني هو إلا شافني واطمئن
عليه يلا تركني وراح يم الزلم
بس بقيت خجلانه

الا ان رفعت راسي وشفت عنقاء صارت كدامي
ركضت آلها فرحانه ما مصدكه ع الاقل هي اعرفها احسن من الباقين الي ما اعرفهم
حضنتها بقوه
- نارا :- مشتاقه اااالج هوااي
- عنقاء :- واني أكثر مشتاقه الج حبيبتي شلونج شنو هاي صايره تجننين ما شاء الله
- نارا :- هههه الحمد لله وانتِ شلونج شو هذول الحلوين جايبتهم وياج اخذت اطفالها ابوس بيهم شكد حلوين
كعدت يمها همست الها ، شبيهن هذن بس يباوعن
عليه هيج ؟
- عنقاء :- مستغربات عوفيهن بعدين يتعودن عليج
- نارا :- صحيح ابو شُعاع متوفي
- عنقاء :- اي ولج
- نارا :- الله يرحمه ، شويه ودخلت لُجين
حضنتها فرحانه بيها وسلمت جهزوا الغده والكُل كعد ياكل اني بالكوه اكلت شي بسيط وما الي نفس
خاصه الكُل عينه عليه عبالك كائن غريب

ورى شويه عنقاء سحبتني وراها مشيت وياها لكيت شذام
واكف يم باب وحده من الغرف اني استغرب
بقيت صافنه هزيت راسي بشنو ؟
- الشذام :- خويه ادخلي هنا بهاي الغرفه
- نارا :- رديت عليه بخوف ، شكوو ؟؟؟
- الشذام :- خويه هسه يجي شُعاع يحجي وياج هنا اكعدوا وتفاهموا وحلوا كل شي وكل سوء فهم بينكم
- نارا :- اني صرت حمررره ناااار كلبي صار يدك بقوه
وحسيت صخنت حتى بين ع وجهي وحيل توترت
هم ضحوا
- الشذام :- خجلت خجلت
- عنقاء :- حرام عليك اتخجل اختي هيج ما اقبل
- الشذام :- خوش ههههههه

دخلت كعدت بالغرفه واني كلبي يدك عبالك
ليله عرسي هو غير لو كلبي يهدأ بدون ما يخبصني هيج خبصه
ماحسيت الا ورى ثواني الباب انفتح اني حتى أنفاسي
صرت اسمعهن بقوه
ودكات كلبي صارن براسي يدكن هو دخل بهدوء
كعد كدامي رفعت راسي اباوع عليه جان لازم الجكاره بأيده يدخن بيها ولابس اسود من فوك للجوه
بنطرون اسود وقميص اسود يجدحن جدح والعطر مالته حيل قوي يدوخ

هزيت راسي وهمست .
- نارا :- هاا
- شُعاع :- شلونج ؟
- نارا :- زينه ، سحب نفس من الجكاره وزفره
- شُعاع :- ااااي نااارا
- نارا :- اي ؟
- شُعاع :- شنو تريدين مني اطلبي القمر اجيبه الج
- نارا :- تمد ايدك عليه! هو مد ايده بأتجاهي وفتح الكف مال ايده كدامي صفنت ارمش واني اباوع ع كف ايده
- شُعاع :- شوفي
- نارا :- شنووو هاي ؟؟؟ اباوع ايده عباره عن حروك وشخوط
- شُعاع :- عاقبت الايد الي انمدت عليج
- نارا :- دنكت راسي مقهوره
- شُعاع :- شنو تريدين مو جرجرتي كلبي شنو تريدين لعبي بيه لعب
- نارا :- رفعت راسي جانت نظراته الي مثل الطفل الي منتظر مني الموافقه
هزيت راسي ، شبيك تريد تبجي مو امك برى ؟
- شُعاع :- اهلي بكون وانتِ بكون ثاني
- نارا :- بس اني ما اريدك
- شُعاع :- بس اني اريدج

اتذكرت شنو الي بيه ردت احجي اله بس خفت
حيل خفت وتراجعت ماكدرت احجي اله
عن الي بيه خفت وسكتت

- شُعاع :- نارا انطيج ماي عيني وحتى بيت الوحدج ما اعوفج يم اهلي اذا ما تقبلين بس أقبلي
فدوه اروح الج والله تعبت اني انشششلع كلبي حسي بيه
احس روحي بكفه وجسدي بكفه ثقي بمحمد
حتى الليل ما جاي اكدر انامه من يجي اليل الي اني
اهج برى نارا شلعتي روحي من جسمي
- نارا :- رفعت راسي اباوع عليه هو سكت صفن بوجهي
من اشوف وجهة ونظراته اتجاهي احسه
حيل بريء
ما اتحملت وابتسمت
- شُعاع :- يابعد شاربي يابعد كل البيض الي بحياتي
- نارا :- يا بيض ؟
- شُعاع :- سلك او طك بكيفج
- نارا :- هههههه لا تنكت
- شُعاع :- فدوه رحت الج لو ما حرام هسه الزم ايدج وابوسها
- نارا :- هلو هلو تعرف الحرام
- شُعاع :- هااا لعد تريدين اجرب
- نارا :- تقرب راد يسحب ايدي سحبتها قبله عطت بي ،
شدسسسوي
- شُعاع :- اسف اسف
صفنت بوجهة هزيت راسي
- نارا :- ما اريدك ، صاح بصوت عالي
- شُعاع :- شلوووون بيه ياباب خيبرررر شلوووون
اسمعيني لج والله اكتلج واكتل روحي إذا ما قبلتي لان اني كلش تعبت ااافهميني اني عايششش بيج
انتِ لا تكسرين كلبي
- نارا :- باوعت بعيونه وصفنت لمعتهن حيل جذبتني

شُعاع :-
الخمرُ يُسكرُ من يُعاقر كأسه ،
وعيناكِ خمرُ بِلا كؤوسٍ تُسكرُ ."

- شُعاع :- ناري يابعد النرجسي مال عيني ، صفااوتي ، توليب روحي انتِ يامستنقعي الحلو
يابعد كل الضمائر المتصله بكلبي سنابلي الجميله
تقبلين تتزوجيني ...؟
- نارا :- ابتسمت بتوسع هزيت راسي بفرحه عارمه بداخل كلبي واحس الفراشات تتطاير مني
اي اني موااااافقه ..

♡♡♡♡♡♡♡

لَا السَيفُ يَفعَلْ بِيّ ما أنتِ فاعِلةٌ
وَلا لِقاءُ عَدّوي مِثلَ لُقياكِ ..
لو باتَ سَهمٌ مِنَ الأعداءِ في كَبِدي
ما نالَ مِني ما نَالتْهُ عيناكِ
يتبع ..

التووووقعااااات بسرررعه ✨️✨️🦋

.

.