الربتج " حالك الاسوداد " الفصل السادس والعشرون 26 - بقلم رهف علي

من كون الك بـ الطيف جيه
بشرني أحط حنة بـ اديه.!

ماذا لو سألتك عن قلبك هل هوَ
بخير ؟

^^^^^^^^

- نارا :- شو هذا فتح عيونه ع وسعهن مصدوم صاح بوجهي
- شُعاع :- كوووووووولي والله
- نارا :- هههههه والله شبيك
شو هذا وكف ع طوله الضحكه شكت حلكه صاح بصوت عالي
- شُعاع :- وووووولكم تعاااااالووووو
- نارا :- وكفت اني ع طولي اريد أسد حلكه هرجنا بس يصيح حتى خجلت منهم هسه شنو يكولون
اسمع عابد وشذام من برى يصيحون خير خير
وشُعاع كدامي رفع ايده وصار يطك اصبعتين صاح
- شُعاع :- اريد اركص ركص واكسر الكاشيه
- نارا :- خليت ايدي ع شفايفي مصدومه واسمع من برى
صوت عابد صاح الله بصوت عالي وصار يهلهل
والشذام يمه يضحك وحتى النسوان صارن يهلهلن
اني معت بمكاني
شُعاع بغير عالم مره يطك اصبعتين ومره يصوفر حسيت
نفسي ماعرف وين كاعده
خجلت فد مره واحس جسمي صار نااار
تقرب مني وهو يضحك
- شُعاع :- بيت وحدنا حبيبي
- نارا :- هزيت راسي بأي هو باسني بالهوى وطلع

اول ما طلع دخلن البنات عنقاء ولُجين يتمايلن
رافعات اديهن ويصفكن فرحانات الي هواااي ضحكن بوجهي

- لُجين :- هااا
- نارا :- هاا
- عنقاء :- ولج شنو هااا شصااار
- نارا :- ضحكت هن سريع ضحكن ع ضحكتي وعرفن
- عنقاء :- اااااي واخيراااااا
- لُجين :- هيج من زمان واقتنعوا
- نارا :- اني بس ساكته حيل خجلانه
- عنقاء :- الله وهسه راح يحددون يوم العقد وهلاااا هلااا
- نارا :- بقينا كاعدين ورى شويه ما طولوا
ماحسينا الا الشذام اجه يصيح احنه من مكانه سمعنا صوته
- الشذام :- ااااالعقد بعد يوووومين تجهزووووا هذا الرجال
ما بي يتحمل اكثر راح يطك رااااسه
- نارا :- بقيت فاتحه حلكي عزززه فضحنا هذا الزلمه
شويه ودخل النسوان كلهن الي موجودات
ومن ضمنهن امه وأخواته
كعدن يمي واني العرك احسه ينزل حتى جسمي
احتررريت فد مره
كعدن يسألني ونزلن عليه فرد اسئله ..

- ام شُعاع :- مسحور بيج الولد عيني
- نارا :- رفعت راسي مافهمت قصدها رديت عليها ، شُكراً
- ام شُعاع :- اهلج وين ؟..
- نارا :- رفعت عيني اباوع عليه اني مصدومه شنو ماتعرف بيه لو ما كال الها شُعاع عني عضيت شفتي اكتم باقي كلامي ورديت عليها ، شنوو ؟
- ام شُعاع :- اهلج وينهم
- نارا :- مستشهدين
- ام شُعاع :- ها الله يرحمهم
- نارا :- شُكراً ، بقيت صافنه عليه تباوع مركزه بيه إلى
أبعد درجه شبيها ليش هيج شكلها !!!
- ام شُعاع :- شعرج طويل لو قصير ؟؟
- نارا :- هاا طويل
- ام شُعاع :- شو افتحي خلي اشوفه
- نارا :- سحبت الشال من راسي همزين شعري مرتب
وسرح فتحت شعري هي من شافته استغربت
- ام شُعاع :- اللهم صل على محمد وآل محمد تخبلين
يحرسج الله
- نارا :- تسلمين يحفظج انتِ هم

سكتت بس احس تصرفاتها غريبه عكس كلامها
حتى نظراتها اتجاهي اخواته يمي يضحكن ويسولفن بس حيل نازكات وحتى لبسهن حيل راقي وكلامهن اكثر
ما اتوقعت اهله هيج اني كل الي بالي اهله ناس بسيطين
بس طلعوا العكس اسمع صوت الولد برى يضحكون
ومن بينهم صوت شُعاع حيل مميز بحيث ميزته عن الكُل
جان يحجي وياهم ويفهمهم شنو يسوون ع العقد
لان بعد يومين وخلال هاي اليومين يعزم ويجهز كل شي

رجعنا للبيت خلال هاي اليومين ما كعدت ع الارض ابد
احس تكسرت فد مره كل شويه طالعه المكان يا الصالون
يا المحلات مال البدلات لان هو عقد وهو نيشان
تلبيس الذهب حتى الذهب اشترى الي ما خلاني احتاج ولا شي بسيط وحتى ابسط الشغلات جان يهتم بيها
بس من كل كلبه حيل فرحان

بعد مرور يومين واجه يوم العقد جنت لابسه بدله
ذهبيه والمكياج والتسريحه وكل شي يجنن حتى اني من شفت نفسي بالمرايا استغربت شكلي
حيل حلوه ماخلوا شُعاع يشوفني الا من نعقد يلا يشوفني
اني بقيت خجلانه بس الحمدلله عنقاء ولُجين وياي
خطوه خطوه ولا لحظه تركني الوحدي بالعكس هنَ الي
يرفعن من معنوياتي اجوي نااس هواي حتى اكثر من
العقد القديم الي راح هل مره كل الناس وكل المعارف من كل الجهات اجوي حتى اصدقاء ابو بحيث الشارع
انترس من الطول للطول المشيه جانت تسد عين الشمس
ماخلاني احس اني وحيده ابد او انُ يكون عرسي او خطوبتي هادئه رادها تتذكر ويفتخر بيه كدام الناس

صاحوا يلا بسرعه راح يعقدون اني احس صرت مي
من الخجل كعدوني وسوو الي كامل الطقوس
اني ارجف رجف مو طبيعي شُعاع سوه كل شي سريع جان يخاف لا اقلب عليه واغير رأيي
صار الشيخ يردد ويحجي بعدين راد ياخذ الموافقه مني
اني
يمه هنا كلبي صار يدك بقوه حتى ما مستوعبه نفسي
اني هسه راح اتزوج وهاهيَ
سمعته ..

- بنتي هل تقبلين النكـــ/ــاح اذا قبلتي قولي نعم
- صفنت بكلمته وشهكت فتحت عيوني ع وسعهن
مصدومه من كلمته شنووووو يا الله هذا شنو ديحجي
بقيت ساكته ارجف رجف مو طبيعي
عنقاء بصفي هزتني حتى اجاوب رفعت راسي الها عيوني مدمعه سألتها
- نارا :- عنقاء هذا شنو ديحجي شنو هاي الكلمه
- عنقاء :- لج نارا تخبلتي جاوبي دينتظرون
- نارا :- اني صرت نااار واحس صعد الراسي هزيت راسي بنفي رديت عليها ، مُسسسسحيل هذا ديكول
عقد النكـــ/ــاح وهذاااا موجود عند داعـــ/ــش شلووون هسه ديكوله هذااا ليش تخبلوني
هي سريع سدت حلكي خزرتني صاح بيه بهمس
- عنقاء :- لججج اشششش فضحتينااا هذا هو العقد هيج
شجاب هذولاك هنااا لج حبيبتي هو العقد يتم بهاي الطريقه يعني شلون افهمج حتى يصير كل شي بينكم
حلال وهذا العقد أمام الله ورسوله وكدام كل هاي الناس
- نارا :- بهت وجهي ، شنووو ؟؟؟؟

رادت ترد جان الشذام صاح " ها وينكم "
ردوا عليهم لحظه العروس خجلانه حتى ما تصير اي هوسه ام شُعاع تباوع علينا اني وعنقاء لان نتهامس ع كيف هزت راسها وسألتنا
- ام شُعاع :- صاير شي ؟
- عنقاء :- لا خاله بس نارا خايفة
- نارا :- تقربت مني مسحت ع راسي
- ام شُعاع :- لا تخافين ماما حبيبتي اني يمج واني امج
- نارا :- حسيت بالحنان وقتها جنت محتاجه هيج كلام
وهذا كلامها اجه بوقته
طبطبت ع كتفي وابتعدت شويه رجع الشيخ سألني مره
ثانيه
- عنقاء :- يلا نارا دينتظر انطي الجواب مو خليتي
نار بكَلبهم خطيه

سحبت نفس بقوه ورديت عليه ..

- نارا :- موافقـــــه ..
رجع سأل شُعاع وهو رد عليه بصوته بي بحه حلوه وفرحه مبينه بصوته
- شُعاع :- موافـــــق
تم العقد وصرنا متزوجين أمام الله ورسوله ..

اول ما تم العقد علت الهلاهل وصاروا كلهم يهلهلون ويهوسون اله والزلم جوه تبارك اله واصواتهم حيل
عاليه ام شُعاع بصفي صارت تهوس
" منين جابوك يامشمش كربلاء شُعاع الجكليت
ومرته النستله "
جان صوت الاغاني حيل عالي صاحن البنات طفن الاغاني خلي نسمع هوسات الزلم برى هن طفن الاغاني ونسمع
برى يهوسون هوسات تخبل
ص

اح واحد بيهم " اليوم معرس واحد من بيت الباشا "

صار وراها رمي حيل قوي واني من سمعت الرمي انهبطت خليت اديه ع راسي احس الذكريات التعيسه كلها رجعت براسي خفت صحت خايفه
- ووووكفووووووهم مااااريد ررررمي وكفوووو الرمي
هن سريع راحن دزن واحد يحجي وياهم حتى يوكف الرمي
سمعت صوت شُعاع صاح بيهم لاترمون وهم وكفوا الرمي
اني بقيت مهبوطه راحن جابن الي مي شربني كعدت للن جسمي صار يرجف رجف مو طبيعي
صاحوا الشُعاع حتى يدخل هو صاح يا الله هن سون اله طريق وتركنا الوحدنا ودخل
شاف شكلي تقرب مني خايف عليه

- شُعاع :- ها بابا ها حبيبي
- نارا :- ليش ليش يرمون
- شُعاع :- ياروحي غير فرحانين
- نارا :- لزم ايدي فتحها وباس باطن ايدي
- شُعاع :- لاتخافين هاي اني يمج ما اعوفج اعرف بيج خفتي الهذا خليتهم يبطلون رمي
- نارا :- واكفين تقرب مني وباسني من جبيني اني منا رجفه جسمي بعدها من الرمي وانوب هو تقرب مني احس
علومي ضاعت
- شُعاع :- اهدئي بابا
- نارا :- هزيت راسي وهو شاف الكيك
- شُعاع :- هاي شنو كيك هم
- نارا :- اي غير ع اساس لازم نقطعه وهل سوالف مال أعراس
- شُعاع :- خوش لعد خلي نكعد اني وياج نكصه وناكل
- نارا :- عيببب شُعاع غير هم شافوني خايفه وصاحوك
- شُعاع :- يُبا غير من حقي هسه اصيحهم ويدخلون
انكص الكيك وناكل كدامهم ها بعد شنو

صدُك صاحهن ورجعن دخلن فرحانات ويهوس
كصينا الكيك وكلني واني وكلته بس شنو حيل خجلانه وهو كل شويه يتقرب مني والبدله مالتي الدلعه حيل جبيره
ومبين منها جسمي هو عينه كل شوي تروح المكان واني
احاول اشتت فكره
لبسنا الحلقات سحب ايدي كدامهم وباسني من ايدي
وهن من يشوفن هيج يزيدن بالهلاهل
،رجع رفع راسه لزمني من وجهي وباسني من جبيني
ونزل باسني من خدي اني صرت مي وجهي دخخخن
صااار ناااار ماعرف شلون عركت وصخنت جسمي يرجف
هن ع سوالفه يطشن فوكانه جكليت ويهوسن
" اسم حنطاوي كل القوط تلوك عليه "

تقرب مني نزل راسه وشاورني بأذني

- شُعاع :- شوفي شلون يتغزلون بيه
- نارا :- رفعت ايدي وكرصته بقوه من ايده هو من شاف رده فعلي ابتسم بوجهي وضحك بصوت عالي
عضيت شفتي من ركزن بينه تقربت منه همست اله ،
لا ما يتغزلن بيك بس هن هذن هيج الهوسات ..
رفع حاجبه مبتسم بوجهي
- شُعاع :- ها يعني ما تغارين عليه
- نارا :- لا ، رجع تقرب وهو يضحك
- شُعاع :- غير يرحن الج فدوه كلهن ع شنو تغارين
- نارا :- ابتسمت وتقربت منه همست ، ايي هواااي ، هو ضحك وكعد يمي
شنو ما تطلع ترى هواي طولت هنا ؟؟؟
تقرب من اذني همس
- شُعاع :- جيرررره بكصتج
- نارا :- يااااا شو تعال تقرب مني خلي اعض اذنك هسسه
الا اعضهاااا واخليك تصيح هنا

هو من سمع كلامي ضحك بصوت عالي باسني خطف
و وكف يريد يطلع هن لزمنه مايخلنه يطلع
بس هو طلع برى يم الزلم واحنه بقينا هناا اني كاعده
شفت وحده من النسوان الكبار كامت وكفت وهنَ كلهن
صارن يمها صارت تهوس وهنَ يردن وراها
واني بس مبتسمه ع الهوسات مالتهن حتى حفظتهن حفظ مانسيتهن ابد

" خيبه شلون الـــــ اهااا خيبه شلون وهنَ يردن الـــ اهاا "
بصوت حيل عالي واكو بيهن يهوسن رجعن اكو بنات اثنين
دخلن بالنص يهوسن
" شُعاع اريده هلة هلة ياالحيه ام راسين طبي بجدرهم
هلة هلة وسمي عيال البيت اهاااا وعوفي اااابنهم اهاااا وشفت ضوه من ابعيد وكلت احتركناااا هلة هلة والحد ما وصلت البيت والريحه عندنا اهاااا اهاااا "
رجعت الثانيه تهوس
" خيبه شلون الـــــ اهااا خيبه شلون الـــــ اهااا
اثاري البنات أشكال اهااا شكل الجفافي وحده تخون بساع و وحده توافي اهااااا "

اني بس بقيت صافنه ع هوساتهم ماعرف حسيتهن
بسامير ماعرف شنو بقينا هيج إلى أن انتهت الحلفه
ردت بس انزع البدله واغسل وجهي حسيت بتعب حيل قوي بس ماقبلن اغير بدلتي لان شُعاع يريد يدخل يحجي وياي بقيت بالبدلة انتظره بس قبل لا يدخل سحبت البرنص وخليته ع اكتافي اغطي بي جسمي الي طالع من البدله لان فضيحه
انفتح الباب ودخل جان لابس اسود من فوك للجوه

- نارا :- شبيك عبالك جير
- شُعاع :- غير بكصتج انتِ
- نارا :- ههههه شنو رايد مني
- شُعاع :- رايد حقوقي ادري شبيج شايله المستحى انتِ
ما تخجلين

- نارا :- عاد اني من صدُك خجلت من كلامه نزلت راسي
وهو تقرب مني كعد بصفي مد ايده الفكي لزمه ورفع راسي
صارت عيني بعينه
تقرب مني واني حرت وين اخلي عيوني حيل خجلت منه
احس دكات كلبي زادت خاصه من تقرب حيييل من وجهي
ومبينه شنو نيته ماحسيت الا حط شفته ع شفتي وباسني
اني هنا صرت ارجف اول مره اجرب هذا الشعور والاحساس احس نفسي بغير عالي حتى اذاني صارت بيها وشه حيل قويه واديه صارن يرجفن بقوه
رفعت ايدي ودفعته من صدره ع كيف لان احس نفسي خامله
هو ابتعد سحب انفاسه وعيونه ذايبه واني مو احسن منه

- شُعاع :- اوووف لك عسل انتَ شنو هذا الجمال لك شطاالع
- نارا :- نزلت راسي خجلانه ، وخرر
- شُعاع :- اي اوخر بس ليش مغطي جمالك ولك
عني
- نارا :- خوف منك
- شُعاع :- لا تخاف ولك احسبني اي شي
- نارا :- هااا
- شُعاع :- اي يابه مثل كيمر ومغطى ليشش
- نارا :- لان ....
- شُعاع :- كووليهااا لان حرام موو شحدج بعد صرتي مرتي
- نارا :- ضحكت ، لا شبيك
- شُعاع :- يلا حبيبي اني راح اجهز البيت إلى أن نتزوج حتى نستقر بي وين تريدين اخذج هسه تبقين يم اهلي
لو يم بيت ام لُجين لو عند عنقاء اختاري براحتج انتِ
- نارا :- اهلك اني استحي منهم أخذني عند البنات اقصد يم بيت ام لُجين احسن لان بس بنات
- شُعاع :- هاهي مثل ما تريدين جهزي نفسج حتى اوصلج
- نارا :- تمام

نزعت البدله ولبست فستان مريح مرتب وحيل
حلو كلت هناك من ارجع اسبح لان هنا ما اكدر
اجه شُعاع اسمعه يصيح
- شُعاع :- مااااشا مااشتي يلا وينج
- نارا :- وكفت سلمت ع عنقاء والباقين سحبت العباه لبستها وطلعت هو جان واكف ينتظرني فتح الي الباب
صعدت بالسياره وهو سلم عليهم واجه
شغل السياره وطلعنا
- شُعاع :- تحبين نفتر ؟
- نارا :- اي خلينا نفتر شويه بس حباب نزل الجامه شويه
- شُعاع :- دمشي لج شنو انزلها ماتشوفين نفسج يشوفونج هسه
- نارا :- اي غير لابسه عباااه شبيك
- شُعاع :- اشش نارا
- نارا :- شُعاع السياره تخنك نزل الجامه شويه
- شُعاع :- لا باوعي هيج احسن مضلله ومحد يشوفج هيج اني ارتاح
- نارا :- ترررى ما يصير هيجج
- شُعاع :- اششش نااارا
- نارا :- عفست وجهي وحيل ضجت ، شنو هاي شُعاع من هسه بديت
- شُعاع :- تريدين عصير لو موطه
-نارا :- ماا اريد

التفت الي عض شفته حتى ما يغرد عليه

- شُعاع :- ولج بابا اغاار اغار عليج من الهوى شلون تريدين اخلي الناس تشوفج وبهذا الشكل هو اني ما اتحمل
- نارا :- اي بس اني اختنكت
- شُعاع :- ابوس المختنك اني ابوس اليدلل عليه وعلى كلبي لج هذا اظفرج اني اغار عليه مو عاد شكلج الي يجيب التايه
- نارا :- سكتت ما ضغطت عليه بعدين رديت عليه ، اريد عصير شو هذا التفت شد فكه بقوه يحجي وياي وهو
كاز ع فكه
- شُعاع :- ووودي هيج هسه احضنج اكسر ضلوعج بحضني وما اعوووفج دقيقه وحده
- نارا :- نزلت راسي خجلانه نظراته حيل تحرجني
مارديت عليه هيج اني انثول ما اعرف ارد
هو نزل جاب عصير ورجع

بقينا نتفر بالسياره وهو مشغل اغنيه " الله الله ياجمالك "
عفست وجهي
- نارا :- شُعاع طفي الاغاني
- شُعاع :- شنو يُبا تريدين اشغل الج باسم الكربلائي
- نارا :- شنو تصنف عليه
- شُعاع :- لا مو قصدي
- نارا :- صوتها عالي
- شُعاع :- اي كولي نصيها موو طفيها
- نارا :- مو اريد هدوء راسي صار يأذيني
- شُعاع :- يدلل الحلو وهاي طفيتها لعيونك الحلوه
- نارا :- ابتسمت بوجهة وبقينا نفتر راح جاب الي بقلاوة
هم وبعدين وصلني للبيت الا دخلني يلا راح ..

دخلت البيت استلمني البنات هلاهل وكلهن فرحانات بيه كل شويه وحده تحضني وتبوسني
ماتركني الا أخذنا صوره هووواي لان مايصير امسح المكياج الا اخذ تذكار اله احتفظ بي
اخر شي تبعت رحت سبحت غيرت ملابسي ورحت سريع
ع السرير دخلت بالفراش واني جسمي تعبان ميته من
التعب حتى نسيت نفسي الا ان نمت
مرن يومين طبيعيات جنه كاعدين بالمطبخ نتريك
الصبح واندك الباب
راحت ام لُجين تفتح الباب سمعت صوته لو حسيت روحي
الي فزت من جسمي مو بس كلبي الي فز
اسمع يحجي ويا ام لُجين

- شُعاع :- يُبا عندي مره يمكم أريدها شنو هاي
- ام لُجين :- يا خاله شنو قابل خاطفيها احنه
- شُعاع :- اي يُبا غير ماخذين مرتي مني
- ام لُجين :- ادخل ادخل فضحتنااا ههههه
- شُعاع :- وين مرتي شو ماكو
- ام لُجين :- كاعده تتريك ويا البنات هسه اصيحها
لك
- شُعاع :- يعني مو الوحدها
- ام لُجين :- لا خاله يمها البنات
- شُعاع :- بلا زحمه صيحيها الي
- ام لُجين :- تدلل يمه

البنات يمي بس يضحكن يسمعن كلامه ويا امهن يباوعن عليه يغمز الي ويضحكن حتى خجلني وهو السانه شطوله
ولا سكت اجتي خالتي واني رحت
طلعت ركض اله هو شافني ضحك

- شُعاع :- اووووف شوف الحلو شوووف
- نارا :- ههههه شبيك
- شُعاع :- ابوووسسك شو تعال ابوسك
- نارا :- عييب ، شلونك
- شُعاع :- هسه بشوفتج صرت عال العال بخير اذا انتِ بخير بابعد الخير كله ويا صباح الله ويا بعد العيون الي اشوف بيهن ويا بعد طولي
- نارا :- خجلت من كلامه بس اضحك نزلت راسي
- شُعاع :- ابوسس الخجلااااان , شو تعالي بالسياره
- نارا :- لا تعال ادخل جوه
- شُعاع :- لا عيب
- نارا :- لا غير همَ بحساب اهلي وانتَ خطيبي راح ادخل
اخذ اذن من خالتي واطلع
- شُعاع :- تمام منتظرج

ركضت جوه اسمعه يضحك ورايه رحت لكيتهن كلهن
كاعدات اني منزله راسي منحرجه شلون اطلب
منها هل طلب واحس ثقلت عليهم
- نارا :- خاله
- ام لُجين :- ها ماما كولي
- نارا :- حبيبتي ممُكن يدخل شُعاع
البنات ضحكن
- ام لُجين :- وصار الج ساعه خجلانه وماتعرفين شلون تحجين علمود هاي ، دخلي حبيبتي بالصالة
اخذي راحتج
- نارا :- ابتسمت بفرحه ، شُكرا ..
طلعت اله فرحانه دخلته جوه وسديت الباب
هو جان يضحك ع ضحكتي وفرحان حيل
بيده علاكه حيل جبيره

تقرب باسني من راسي وكعد يطلع بالاغراض ويحجي
وياي ويفهميني .

- شُعاع :- باعي اشتريت الج جهاز وبي سيم كارت
- نارا :- فرحت لان اشترى الي وذكرني
- شُعاع :- وهاي حلويات اشتريت الج خاف تستحين وما تطلبين منهم جوه جبت الج وكل ما تخلصين اتصلي بيه اني اشتري الج الي تحتاجي
- نارا :- اي
- شُعاع :- وهذا الفستان من جنت جاي امشي بالمنصور عندي شغل شفته كدامي تخيلته عليج يطلع يخبل عليج
ماعرف إذا جبير او لا
- نارا :- احس كلبي انترس بالفرحه مبتسمه بوجهة وهو
مستمر يحجي

- شُعاع :- ودخلت المكان بي سوالف نسوان وأخذت الج
كم شغله
- نارا :- شنو وين ؟
- شُعاع :- هاي شبيج دخلت الكوزمتك وطلبت من صاحبه ينطيني سوالف مال النسوان
- نارا :- شنو هي ؟؟؟
- شُعاع :- شبيج مال النسوان الي تخلوها ع وجهجن
- نارا :- تقصد ميكاج كونسيلر وهل شغلات
- شُعاع :- اي اي هو هذا أصعب من الجبهة غضب الله عليجن
- نارا :- ياااا شبيك ههههه
- شُعاع :- اي واشتريت الج ثمود
نارا :- شنو هذا ثمود ؟؟؟؟ طلعه الي من شفته خربت من الضحك ، شُعاع هذا قلم كحله
- شُعاع :- ااي شعرفني بيهن وهاي اشتريت الج عطور
خاف تستحين من البنات خليهن هذن الج
ولاتستحين مني اطلبي الي تريدي اعتبريني ابوج
- نارا :- ضحكت ودنكت راسي
- شُعاع :- لا تكولين الهن شي كولي الهن هديه
- نارا :- تمام
- شُعاع :- وهذا معجون اسنان وفرجه أسنان كريمات
وصيتهم وهم خلوا الي بعد اذا تحتاجين شي بس اتصلي
عليه وهذا رقمي موجود بالجهاز

اني ما اتحملت اشوفه هيج حنين عليه والهاي الدرجه
كمت وشمرت نفسي بحضنه حضنته بكل قوتي
وهو ما صدك
حط راسه بأذني
- شُعاع :- اشتعلووووا توخرين مني لو هسه احـــ*** تؤام
- نارا :- صفنت بكلامه ابتعدت عنه سريع رجعت ذاكرتي
حسيت بالخوف وجهي صار اصفر ورجعت بيه كلمه الدكتوره من كال الي " انتِ مو عذراء "
هو انتبه عليه
- شُعاع :- شبيج ؟ لج والله اتشاقه وياج
- نارا :- كام وكف تقرب مني واني بس صافنه احس كلبي يدك بقوه
صار كدامي سحبني من ايدي وضمني الصدره
حضني بقوه وصار يمسح ع راسي بهدوء يحجي وياي ويحاول يهديني
- شُعاع :- بابا حبيبي والله اتشاقه وياج
- نارا :- كعد وسحبني بحضنه كعدني
- شُعاع :- باعي نارا لو شنو تطلبين اجيبه الج اني حلفت
و وعدت مستحيل حتى أمد ايدي عليج وشنو تحتاجي
اني يمج اني ابوج اذا ردتي لا تحسبيني زوجج
وخلي بالج عبالج اجبرج ع شي !!
مستحيل اجبرج انتِ روحي من هاي الدنيا تمام ؟؟

دنكت راسي رديت عليه تمام ، بس صعبه عليه
اكول اله وبنفس الوقت خفت لو حجيت راح اخسره
اني مجرد ما تركته اتمرضت بغيابه وماكدر اتحمل
فكره خسارته لو خسرته بعد منو الي واني وحيده
صح هو حينين عليه هواي ويحبني بس لو عرف ماكدر
اضمن رده فعله ممُكن يتركني بأي لحظه من يسمع بالخبر وممُكن ما يصدكني وانُ اني الي انطيت نفسي الهم
تعبت من التفكير حيل تعبت ..
كال الي اني راح اروح وراح مر اسبوع كامل وهو ما تركني ابد بالعكس متعلق بيه حيل واني أكثر تعلقت بي
بعد هذا الأسبوع صاروا يجهزون للعرس واني من خوف
الخوف اكبر منه ويا كل لحظه تجهز بيها العرسنا ..

الشذام :- جنت اني وشُعاع بالسياره وهو عالكها بالأغاني
صحت بي ، ولك شُعاع طفي الاغاني اذا تريد الله يحفظكم سوه ويحفظ الحب الي بينكم لازم رضى رب العالمين
اول شي لا يصير شي وانتوا بالكوه يلا صرتوا البعض
شفت شلون قبلت بعد ما انت شصار بيك وحتى من حجيت وياها هي عاقله سريع استجابت
ماطول حياتك جاي تمشي صحيح لا تخلي شي يضرها مثل الاغاني هيج أمور حرام وشيطانيه مانعرف ع اي ساعه نموت
هو باوع عليه رد..
- شُعاع :- خلي نوصل واخلي تفتح الحوزه مالتك
- الشذام :- شُعاع بدون شقه
- شُعاع :- يابه اني جسد ونارا هي روحي شنو تعلمني بروحي
- الشذام :- هاهي خويه

سكت شويه بعدها سألني سؤال ماكدرت اجاوبه ..

- شُعاع :- صمد وينه شو ماشفته من رجعت الحد هسه
شنو معقوله ما سمع بيه ولا اجه شافني
- الشذام :- بقيت ساكت ماعرفت شنو اجاوبه
- شُعاع :- شذاام !! صمد وينه ليش ماكو
- الشذام :- صمد عزيز روحنه وصديقنا الرابع هو وشُعاع الروح بالروح كلش يحبه ويعزه سحبت نفس من شفت نظراته اتجاهي ، صار ازدحام وكف السياره التفت
الي صاح بصوت
- شُعاع :- شوووو انطيني الرقم مالته الجديد اكيد مغيره
- الشذام :- ردت احجي جان يدك جهازه جان حاطه مشكله بالسياره باوعت ع الشاشه شفتها نارا ، سحبت نفس و زفرته هو فتح الاتصال اسمعه يحجي وياها
- شُعاع :- ها حبيب روحي ، تريدين اجيج هسه
تمام عيوني اخلص شغل وأمر عليج ، الله وياج
- الشذام :- بلعت ريكي من التفت عليه
- شُعاع :- شذام شبيك انطيني رقم صمد شبيييك

ماكو مهرب من الموضوع اولها وتالي راح يعرف

- الشذام :- شُعاع
- شُعاع :- احجي
- الشذام :- صمد استشهد
بقى صافن بوجهي
- شُعاع :- منو ؟
- الشذام :- صمد
- شُعاع :- شوكت ؟
- الشذام :- بـــ ٢٠١٨ جانوا مسوين اله كمين هو وزوجته بس هو استشهد بحضن زوجته وهي حالياً شبه الاواعيه ع نفسها لان استشهد بين اديها
صاح بصوت عالي يرجف
- شُعاع :- شتححححجي انتَ شذذذذام
- الشذام :- أهدأ شُعاع أهدأ بروح صمد سحبته وحضنته
جان ما واعيه ع نفسه سحب نفسه من عندي ونزل من السياره والناس ادك هورن تريد تطلع ركضت ورى نزلت
هو يصيح بنص الشارع مصدوم طار عقله ما متوقع هيج صدمه خاصه استشهاد صمد حضنته بقوه احاول أهدأ بي
بس بالكوه يلا سكت رجع للسياره صعد يركض ركض
واني ويا شغل السياره وطلع
ووين رايح شُعاع ؟؟؟
- شُعاع :- للنجف
- الشذام :- أهدأ ياخويه ع كيفك هسه نوصل لا تسوي هيج ..

هو ساكت ما يحجي بس يمشي سريع متهور كلش
حاولت شكد احجي ويا حتى يرد عليه بس ما رد
وصلنا للنجف بعد ساعتين من الطريق نزل من السياره يركض يدور ع قبر صمد بمقبره الشهداء اني ورى اريد
ادلي بس ما ينطي مجال إلى أن شاف قبره مكتوب اسمه عليه والمكان حيل نظيف وكف يم قبره فتح عيونه ع وسعهن ما مصدك هذا صديقه جوه التراب وهو ما يعرف بي
كعد يم قبره حط اديه ع اسمه وجهه اصفر ورى شويه
صاح بصوت عالي ييييياخويييه صوته مكسور وظهره محني ع القبر شُعاع بهذا الوقت عقله طار منا ابو ومنا صديق عمره احس حتى حيل بعد ما بي بقى فوك الساعه هو يم قبره بعدها رفع راسه سألني ..

- شُعاع :- شلون ؟
- الشذام :- والله يا خويه جان هو وزوجته طالعين وأثناء طلعتهم حاصروهم ورموا عليهم زرفوا السياره بيهم
وتركوهم..
هو مدنك ع القبر حجه بخنكه
- شُعاع :- والله اذا ما أخذ بثارك مربع ما اتسمى ابن ابوي
- الشذام :- كام وكف ع حيله ومشى كدامي حاني راسه
احسه حيل انكسر بموت صمد
رجعنا البغداد وهو ما حجه ولا حرف بس يدخن وصلني البيتي وطلع ماعرف وين وماقبل يحجي ولا يكول وين
اروح ...

- نارا :- كاعدين نتشاقه ونضحك اني والبنات جان يندك الباب راح ام لُجين تفتحه اني وكفت اشوف منو
صاحت اله منو رد عليها اني شُعاع احس انترس كلبي بالفرحه قبل أكثر من ٥ ساعات اتصلت بي وكال عندي شغل بعدين اتصل بيج واني بالي يمه
خالتي فتحت اله الباب ودخلت اباوع عليه شكله حيل تعبان خالتي صاحتني اني طلعت اله ركض وصلت يمه
سألته ، شبيك ؟؟؟؟
- شُعاع :- اريد اكعد وياج
- نارا :- تعال تعال ادخل دخلت اني وهو ورايه دخل وسد الباب اباوع عليه سحب ايدي ومشى للقنفه
كعدني وهو كعد بصفي رفع اديه من حضني وحط راسه بحضني اني جمدت من حركته همست اله ، شبيك شُعاع؟؟
رد عليه بصوت تعبان
- شُعاع :- هذول الانذال كاتلين صديقي واستشهد واني ما اعرف بي
- نارا :- شهكت مصدومه ، ششششنو ؟
- شُعاع :- اااي ، ااااخ ناصبين اله كمين
- نارا :- الدواعـ/ــش؟؟
- شُعاع :- ااااي ، لج نارا هذذذا روحي

- نارا :- جان يحجي وهو مكسور وصوته مخنوك ححيل
خليت ايدي بشعره والعب بفروه راسه حتى يهدأ
سحبت نفس همست اله بهدوء
- أهدأ حبيبي انتَ أهدأ ياروحي ..
هو حضني حيل من خصري ودفن راسه بحضني بقى شويه بعدها ماحجه اي شي انتبهت عليه لكيته غافي بحضني بس وجهة حيل تعبان همست بهدوء
- نارا :- شُعاع ؟ رد عليه بصوت
- شُعاع :- ها
- نارا :- شنو نمت
- شُعاع :- بس عوفيني شويه بحضنج حيل تعبان اريد ارتاح
- نارا :- سكتت وبقيت ايدي بشعره وهو نام
ورى تقريبا ساعه كامله دك جهازه هو فز ع الصوت رفع راسه
- شُعاع :- شنوو
- نارا :- اسم الله شبيك ، هو باوع عليه وحضني بقوه
- شُعاع :- احبج
- ابتعد عني يفرك بوجهة
- شُعاع :- ليش ما كعدتيني
- نارا :- ما هان الي اكعدك وانتَ نايم ، اسوي لك اكل ؟
- شُعاع :- لا اريد اطلع عندي شغل تأخرت عليه
- نارا :- هاا تمام انتَ شلونك ؟ صفن بوجهي
- شُعاع :- الحمدلله

كام وكف باسني من راسي ومشى يريد
يطلع اني مشيت اله حضنته بقوه وابتعدت عنه
- نارا :- شُعاع كل احنه نموت واليختاره الله شهيد هنياله
شفت اهلي شلون راحوا كلهم شهداء وهنيالهم والله
هاي الدنيا تكسر الظهر
خلي إيمانك بالله قوي وكمل طريقكك لا توكف انتَ اقوه انسان اشوفه بحياتي .
سحبني الحصنه باسني من راسي بقوه وابتعد
- شُعاع :- احبج من تّتفلسفين
- نارا :- لا صدُك احجي
- شُعاع :- اموت ع الصدك مالتج
- نارا :- لا تقلد ، ضحك بخفه وطلع اني بقيت افكر بي
ماراح من بالي وحتى بصديقه افكر
ولا مره حاجي الي عنه
منو هذا ياربي الله يرحمه ويصير عائلته وزوجته.

الشذام :- مرن كم يوم اجاني شُعاع سلمت عليه
- شُعاع :- خلي انروح لابو نوح نشوفه ونشوف الإجراءات الي جاي تمشي اله
- الشذام :- ماشي ، طلعنا اني ويا وهو باله شارد مو وياي
- شُعاع :- اهووووو شلون نسيت بعد كم يوم العرسي ولازم اجهز كل شي
- الشذام :- هاي عود انتَ العريس ونسيت ، عوف ابو نوح هسه وامشي نجهز الي ناقصك
- شُعاع :- خوش
- الشذام :- طلعنا اني ويا وجهزنا كل شي وحجزنا
ورتبنا الوضع بعدين طلعنا مناك لابو نوح
لكينا كما هو ولا متغير ولا بي اي شي صل ولا حتى يحجي سألنه عليه كالوا حكم الإعدام يتنفذ بعد اسبوع
انتبهت ع شُعاع اتصل ع المحامي وطلب منه
كل شي يتم بشكل قانوني ودفع اله مبلغ حيل قوي
وكال اله امشي بالموضوع وماريده يخرب والمحامي ماقصر رجع اتصل ع شخص معروف بالدوله علمود ابو نوح
بخصوص الحكم مالته خاف يجي شخص ويطلعه
وهم ماقصر كال الشُعاع ( دزه الي بدون ما تسولف لان اعرفك واعرفه ) عاد شُعاع دز اله كل المعلومات والموقع
مالته حتى هو يتولى الموضوع
كملنا كل شي ورجعنا من بعد كل هاي الفرات ..

- نارا :- طول هاي الفتره قبل العرس جانت ام لُجين وعنقاء ولُجين وكل البنات وياي ما تركني
السوك المولات الصالونات العنايه بالبشره والجسم
بحيث صرت وحده ثانيه اهتمن بيه إلى أبعد درجه
وكل ما يجي وقت العرس اني اخاف أكثر وتفكيري احسه صار لا يُطاق صرت اخاف حتى من روحي
اجه وقت العرس وكالوا راح نسوي الحنه اني من سمعت دخلت بنوبه مال بُكاء بحيث ساعه كامله اني بس ابجي
كُلش تعبت وبوقتها حتى طلعت الي حبه بوجهي
وزدت بالبجي اكثر التفكير بالماضي والمستقبل دمرني
إلى أن اجت يوم الحنه مالتي
كالوا نسوي الحنه عند بيت الشذام لان بيتهم جبير ويوسع

اجه يوم الحنه لبست بي بدله حمره ع ماروني
وأخذت وياها فستان حتى البيه بعدين بس البدله جانت حيل حلوه والمكياج يجنن البنات سوون الي
الصينيه والكيكه جانت حيل حلوه طابقين مكتوب عليها اسمي واسم شُعاع
بوقتها جابوا للحنه علي الدلفي
تقربت امه من عندي وحنتني وهن صارن يهوسن ويشمرن
هوسات اني الخوف الي بداخلي موتني حيل خايفه
شويه وكالوا العريس راح يدخل
رجف كلبي من سيرته شويه ودخل ..

دخل واني اديه بس يرجفن هو كعد بصفي لزم أديه
بقوه وهمس الي
- شُعاع :- شبيج حبيبي ؟
- نارا :- هاا لا ماكو شي
- شُعاع :- بابا تعلميني بيج حتى صوتج مخنوك تريدين نكعد الوحدنا نسولف سوه
- نارا :- اني من الخوف هزيت راسي ورديت عليه ، اي
عاد هو وكف وسوه طريق سحبني ويا
وهن يهوسن هاااا هاااا وين أخذت العروس وهو ما مهتم
بيهن طلعنا من الهوسه ودخلنا الغرفه الوحدنا
معزوله عنهم هو حضني يحجي وياي يحاول يطمني
- شُعاع :- بابا لا تخافين ليش هذا الخوف اني وياج ما اعوفج من وين خايفه يابه وحق الحُسين
كلت الج ما اسوي الج شي ولا اتقرب منج الا بأرادتج الل بقبول منج وشنو تريدين اني جاهز اله حتى
لو تريدين نسافر هم احجز النا ونسافر سوه شهر عسل
واذا تريدين عرس ما نسوي هم ما اسوي الخاطر عيونج الحلوه بس بطلي خوف مو عليتي كلبي .
- نارا :- اني مدنكه الخوف كاتلني همست اله ، وين نسافر .
- شُعاع :- نروح التركيا
- نارا :- هاا
- شُعاع :- اي حبيبتي اني حتى حاجز النا عود ردت اسويها الج مفاجئه ، لاتخافين من الهوسه وبعد حنتي هم
فدوه اروح الج اني من اشوفج هيج كلبي ينمرد
تريدين اخليهم يروحون وعرس ما نسوي ونسافر ؟؟؟

- نارا :- هزيت راسي ، لااا ، بس اني ميته فد مره
هو سحببني وحضني اني خليت راسي ع صدره
ونزلت دموعي احس كاتمه ع كلبي حيل ع لحظه انهار
همست بخنكه ، شُعاع اهلي ..
- شُعاع :- اشش اششش اني اهلج اني ابوج واني امج واني كل شي اذا تريدين بس لاتبجين
- نارا :- حضني قويه احسه يريد يدخلني بروحه
- شُعاع :- يابعد اهلي يابعد روحي ، لا تشوفين اهلي برى ترى انتِ اهلي
- نارا :- شُعاع
- شُعاع :- روحه
- نارا :- اني خايفه منك وماعندي ثقه بيك شسوي
- شُعاع :- عادي ياروحي لا تثقين المهم اني يمج بس كولي شنو تريدين واني اسوي تريدين اخليج الوحدج
- نارا :- لا عيب من البنات ، جان يندك الباب
اسمعهن من برى يصيحن ويضحكن
( عيني يا العرسان اطلعوا انتَ يالعريس اطلع )
- شُعاع :- هههههه يلا حبيبي اني طالع هم يريدوني برى الحنتي هسه ياكلون مخ راسي
اكمل وادخل اني وياج نركص كدام الكل بعنادهم
- نارا :- خجلت ، اي
- شُعاع :- ولج ركصي كدامهم وقهري بكلبهن واضحكي
اكو هواي شماته هنا خاصه هسه يجن
خالاتي والفرقه مالتهن
- نارا :- بهت وجهي ، هاااا ؟
- شُعاع :- هههههه شوف الغيره ر اسمعي اريدج ترفعين خشمج هذا الحلو عليهن وتلعبين بيهن لعب
ماريد يشوفنج سهله ولا اريدج هيج ضعيفه اريد يكولون هاي زوجه شُعاع القويه
- نارا :- ضحكت بخفه ، تمام ..

باسني من راسي وراد يطلع جان منطني ظهره
راد يفتح الباب اني بدون ما احس ع نفسي ركضت ورى اني والبدله مالتي
وحضنته حيل من ظهره خليت راسي ع ظهره وهمست اله
- نارا :- شُعاع اني احبـــك .
هو التفت عليه مصدوم صاح
- شُعاع :- ااااااخ الله ، خرب عشيرتي اشتعلوووووا
ششششو دتعااااي يمي .
- نارا :- سحبني وحضني بقوه واني اضحك
نزل راسه وعضني من زندي صحت ، اخخخخ وخخر شبيك
- شُعاع :- لج يا وخررر يا وخررر مو حركتي عشيرتي وشعلتيني شعل ، شنوووو هااي كيمرررر خما كيمر
- نارا :- هههههه اطلع يلا عيب هي هاي هم سالفه تعضني
- شُعاع :- احبج ولج

- نارا :- طلع يضحك وسوون البنات عليه هجوم
لُجين وعنقاء من شافني عاطن
- عنقاء :- هااااااي شششنو ليش هيج وجهج ، خرب بيومج المكياج كُله خرب
- لُجين :- عزززه المكياج كُله سايح
- نارا :- جابن المكياج وكعدن يعدلن بيه حتى بودره حطن ع اديه وصدري لان صاير احمر
طلعنا برى ورجعت كعدت بمكاني
وراها شويه سحبني اركص وياهن ركصت شويه وبعدين رجعت كعدت مابيه حيل وتعبانه
مر الوقت وصارت الحنه وراها كالن إلبنات ( شُعاع راح يدخل
يريد يركص ويا مرته عيني )
هل مره دخل علمود الحنه لان قبلها ماسوينا شي
جان يهدأ بيه

دخل شُعاع بس شنو بقيت بس اضحك هو يهز كفت
اول مره اشوفه هيج فرحان سحبني من ايدي ودخلني بالنص اني ويا كدام الكُل وصار يركص وياي واني أخذني الواهس ويا اركص
هو صفر بصوت عالي وصاح
( وووولج يمه شووووفي جنتج غيرر تشك شششك )
وهنَ يضحكن ويهوس اله انتبهت اكو بنات معزولات ومو ويا الجو رفعت راسي الشُعاع هو بس يركص ذب لحم
تقرب مني وشالني من خصري ورفعني اني شهكت
ما اتوقعت يسوي هيج خليت اديه ع كفته
وهو فرني صاح بصوت عالي
- شُعاع :- لججج احببببج احبببج
ضربته ع كتفه اضحك ورجع نزلني يضحك ويطك اصبعتين
سمعت عابد من برى صاح ع شُعاع
- عابد :- خووويه تعال اركص ويااااي
- شُعاع :- طيررر لك وجهك مبحلس شركص وياك
نارا :- رجع يركص وهن يهوسن صاحت وحده من النسوان
( أطلع ولك اطلع يم الزلم يريدوك )
التفت الي شُعاع
هو غمز الي وأشر معناها هن هذن الي حجه عنهن خالاته والفرقه مالتهن

اني بعنادهن ضحكت وتقربت منه خليت اديه
ع صدره ورفعت نفسي كدامهم
- نارا :- احبك ..
هو رجع صاح
- شُعاع :- ااااخخخخ الله شوف شسوت بيه
- نارا :- كعد وهن يضحكن ويصيحن كوم ولك وهو ما يسمع الهن امه تصيح ولك كوم فضحتنا يرجع يرد عليها ما اكدر هاي البنت خدرتني
واني بس اضحك ع رده فعله امه رجعت صاحت
- ولك يمه كوم يريدوك
- والله يمه ترى هسه أخذها واطلع
- وووولك اططططلع
- ياطلابه الي ما تخلص طااالع طااالع ..
نارا :- طلع وهنَ يضحكن عليه رجعن البنات جرني وصارن يركصن وياي ردت البس الفستان بس عنقاء كالت بعدين
مو هسه لان يريد راح يبدي التصوير
- نارا :- راح تبدي الحنه مو
- لُجين :- اي
- نارا :- اريد اشوف ، سحبني وصعدني فوك اباوع كلهم موجودين حتى البنات الي جوه صعدن يباوعن
لان حنه الولد برى تقربت اباوع الشارع مليان بشر هووووواي
انتبهت ع عابد وشذام شكد ركصوووا وذبوا لحم
بحيث يركصون ركص وطايرين من الفرح وكل شوي يتقربون من شُعاع يركصون كدامه
وهو ع الواهس وياهم يضحك وفرحان دخل مصطفى اخو شُعاع بالنص وصار يردح ردح مو طبيعي بحيث
كلها صارت ويا الشذام وعابد ويركصون
شوي وشالوا شُعاع همَ الثلاثه ويهوسون إلى أن خلصت الحنه ..

تعشوا الناس واني اكلت لان جنت حيل جوعانه
ورى شويه كالوا راح ياخذج للتصوير لبسوني البرنص
وطلعنا بالسيارات صاروا يراوغون بالسيارات
وعالكين الجوه والسيارات هووواي بنص الطريق نزلوا يركصون بالشارع يصيحون
" معرس واحد من ولد الباشا معرس واحد من ولد الباشا ، ولكم معرس ابن الدوله ياااابه ، معرس ابن المددددللل "
بيدهم جفيه ويهوسون ويركصون
إلى أن وصلنا للمصور وهم كل شوي نازلين يركصون
دخلنا صورنا وبعدين رجعنا هم نفس الشي
تعبت فد مره رجعت البيت ام لُجين لان الباجر العرس ولا نتجهز
من الصبح علمود الصالون حجزوا قاعه حيل جبيره
لان الناس الي عزموها حيل هوااي حتى اصدقاء ابو شُعاع واصدقاء شُعاع وكلهم بحيث صار العرس كُلش ضخم
الناس كلها اجتي

ثاني يوم الصبح راحت عنقاء وياي للصالون واختها بقت يم الأطفال
كعدت اشوف الحذاء لكيته كبير ع رجلي بنص الصالون كعدت ابجي
- عنقاء :- لج اوكفي هسه اتصل ع الشذام لا تبجين
- نارا :- صدك اتصلت عليه وبلغته وهو دز بيد الولد وجابوا الي حذاء ثاني ع قياسي
كملت المكياج ولبست البدله واني قطره دم مابقت بجسمي ودي اختفي واختل بنفسي
كالوا شُعاع هو والشذام سوه مايكدر يجي وراح يجي عابد يأخذنا
رتبني عنقاء ولُجين ولبسني البرنص
ورى شويه طبكت سياره سوده يم الصالون بس حيل حلوه
و كبيره صعدت بالسياره واني خايفه احس بطني مغصتني
وصارت توجعني وماعرف شنو اسوي
هم حاجزين قاعه للبنات وقاعه للزلم لان عازمين هووواي ناس بس قبلها رحت للبيت
كعدوني وكالوا ارتاحي ورى شويه جابو الي اكل لان ما ماكله اي شي اكلت شويه وخربت حمرتي رجعن عدلنها
ورى شويه اجه شُعاع حتى نروح للقاعه

اول ماشافني بقى صافن بوجهي حتى مايعرف شنو
يسوي راد يتقرب يبوسني واني عطت بي لا يخرب المكياج
مسح ع وجهة وصعدني بالسياره
- شُعاع :- اكلج خلي افر السياره ونروح للفندق وطز بالعرس كله
- نارا :- لاااااا ، ضحك بصوت عالي اول مره اشوفه هيج فرحان من بعد الخطوبه جان لابسه قاط اسود والساعه سوده والحذاء سوده تلمع لمع
وصلنا للقاعه اباوع الشارع متروس سيارات
وناس هوووواي بمعنى الكلمه عرفت قاعه البنات بصف قاعه الزلم بقيت فاتحه حلكي كلت هذا العراق كله هنا
موجود بالعرس
كلها لابسه لبس رسمي وبيهم كبااار وبيهم اكو وياهم حمايه من صدُك العرس فخم صار
دك ع شذام سحب سيارته وهو حطها بمكانه حتى تكدر انزل لزكني كُلش يم باب القاعه وهو يصيح
راح يشوفوج وهو ماكو احد يكدر يشوفني لان قريبه وهو صاير حايط الي

ما ابين اريد احط رجلي بالكاع حتى انزل ماكدر لان الكاع بعيده والسياره عالي هو من شاف رجلي طالعه صاح بيه
- شُعاع :- لج رجلييييج رجليييج خرب بحظي
- نارا :- اوووي شسوي غير الكاع بعيده عني
وما اوصل آلها
- شُعاع :- اي غير جنج بطريق ما توصلين
- نارا :- شووو رجعني رجعني ما اريد اعرس
- شُعاع :- يُبا استري ع روحج وانزلي
- نارا :- تقرب مني لزمني من خصري ونزلني يمه لو الوحدي ما اكدر انزل الا اطفر
دخلني للقاعه وطلع اني بقيت خجلانه لان ناس هواي
واول مره اشوفهم ..

الشذام :- اول مره اشوف شُعاع هيج فرحان بهاي الطريقه
بحيث ما خفى فرحته عن الكل دخلنا نلعب جوبي
كلنا سوه وعابد فرحان اكثر من العريس عبالك عرسه
هرج الدنيا هرج هو ومصطفى كل شوي طافرين يركصون
ما همهم احد
اباوع ع مصطفى نزع الستره مالته وشمرها دخل هو وعابد بالنص صاروا يركصون سحب روحه الشُعاع لزمه من ايده ودخله حتى يركص وياهم
حتى لؤي هم موجود بس مصطفى ذب لحم وما تعب
صحنا بي " ولك اكعد لا توووكع "
- مصطفى :- ولكم هذذذذا عرسسس اخوووي شلون اسكت هذاااا ضلعي وروحي شخيكم معرس اليوممم
" لك الماخذ ثار اهلي منين ما اجيبك احطك ماخذه "
هلااا يابه بعرس الززززين هلااا ياابه ..
- الشذام :- كلنا ضحكنه ع الهوسات مالته دخل لؤي يهوس " اليوم معرس ضلع من ضلوعي واليوم معرس "
رد عليه عابد " بعرسك هذا بعرسك جم شامت دسنا عليه وبعرسك هذا بعرسك "
جانت الموسيقى حيل عاليه
راد يطلع شُعاع
- الشذام :- ها
- شُعاع :- راح اطلع يمهم
- الشذام :- غمزت اله مثل ما علمتك ، هو ضحك وطلع ..

- نارا :- جانوا مشغلين ساجده ويركصون كالوا بالمايك
العريس راح يدخل هنَ كلهن لبين شالات
وغطن نفسهن انفتح الباب ودخل شُعاع اني بس شفته
كلبي صار يدك بقوه وجسمي صار يرجف
تقرب مني يمشي وعينه ما نزلت عني مايشوف احد بس يشوفني اني وصل صار كدامي صوفر وعيونه اكلتني اكل
مد ايده الي رفعت ايدي ترجف خليتها بأيده
كومني سحبني اله حط ايده ورى ظهري وسحبني اله
ونزلني من الستيج بنص القاعه
هم شغلوا النا اغنيه " عبالي حبيبي "
اني احس دكات كلبي زادت وراد كلبي يطلع من صدري
بنص القاعه والاضواء علينا بس احنه
وركصنا اني ويا كل ما انزل راسي خجلانه منه هو يرفع
راسي اله يكول الي " حطي عينج بعيني "
فرني بهدوء ونزل جسمي صرت كأن نايمه ع ايده بعدين وكفتي عدل ورفعني من خصري وفرني بنص
القاعه اني بس ارجف اول مره يصير وياي هذا الشعور
رجع نزلني يركص بهدوء
خلصت الاغنيه ورجعوا شغلوا اغنيه تركيه
انصدمت من ابتعد عني نزع الستره مالته شمرها
وصار يركص ركص تركي مثل الأتراك خلصت الاغنيه
واني مصدومه
وكف تقرب مني حضني بقوه وباسني من راسي

- شُعاع :- تدرين بشنو تشبهين
- نارا :- بشنو ؟
- شُعاع :- تشبهين الهوى الي بحضره الإمام الحُسين ( عليه السلام )
- نارا :- ابتسمت بوجهه ودغدغه صارت بكلبي
- شُعاع :- مثل الهوى انتِ الانسان من يشتمى يرتاح
واني هسه يمج حيل مرتاح ، نارا
- نارا :- ها يعيونها
- شُعاع :- انتِ مسك الختام كلبي قفل عليج وتيه مفتاحه

دنكت راسي حيل فرحانه بس بداخلي حيل خايفه
دفعني بخفه للورى ورجع سحبني من ايدي الحضنه
دنك لزمني من رجليه وشالني يفتر بيه واني بس اضحك خجلانه بس تصرفاته صدمتني
- شُعاع :- غناتي وليف الروح .
نزلني وهو يضحك بوجهي سحبني من خصري
- شُعاع :- شنو ذري
- نارا :- ههههه شبيك
- شُعاع :- لج اااخخخ كرفصه صارت بكلبي
- نارا :- ههههه اوووي
- شُعاع :- اوووي مو اشتعلووووا
- نارا :- ضحكت عليه ورى ما خلصت الحفله
كالوا هسه وقت الزفه اني هنا من صدُك خفت
جهزني البنات وهو سحبني ويا وصعدت بالسياره
هو الي يسوق والزفه صارت حيل جبيره والسيارات ورانه هوووواي
من الجهتين سيارات وعابد والشذام ومصطفى هرجوا العرس بس يدكون هورن لو يركصون
إلى أن وصلنا للفندق شُعاع حاجز النا سويت كامل
نزلنا ودخلنا للفندق
وهنا من صدُك اكول بلش وقت الجد والخوف ع حقيقته .
كعدت بالغرفه ارجف حتى بين عليه عنقاء ولُجين يمي
يحاولن وياي ويضحكني حتى ما اتوتر
وعنقاء كل شويه وكالت الي
- عنقاء :- لا تفشلينا ، بعدين احنه هنا يمج لا تخافين حتى عابد حاجز هنا لا تخافين.
- نارا :- واني بالي مو يمها خايفه بعد شويه شنو راح يصير
هنَ تركني وراحن شويه ودخل شُعاع للغرفه
اني واكفه استعداد خايفه ..

تقرب مني مبتسم بوجهي انطيته ظهري ضميت اديه
خايفه الرجفه موتتني هو صار ورايه
مد ايده حضني من خصري حط راسه برقبتي باسني بهدوء ويتنفس اني روحي راحت
حسيت بايده صارت ع السحاب مال البدله
- شُعاع :- شكد اتمنيتج وصرتي الي
- نارا :- اني بس ارجف رجع باسني من رقبتي بهدوء يحاول يرخي اعصابي الي ترجف لان حس بيه
ما اتحملت دفعته بخفه
- شُعاع :- شبيج حبيبي
- نارا :- شُعاع اريد احاجيك
- شُعاع :- تمام حبيبي انتظري هسه نحجي
- نارا :- لا اريد هسه ، احس قوتي راحت وبس ارجف اريد احجي اريد اوقفه هو تقرب جر السحاب مال البدله
هي وكعت سريع سحبتها غطيت نفسي بيها
هو عباله اني خجلانه شالني وتوجه بيه للسرير
اني احس الدموع اتجمعت بعيوني حسيت ماخذني للاعدام
حطني ع السرير وصار حيل قريب مني
- شُعاع :- لا تخاف حبيبي ما اسوي لك شي يضرك ياحلو
- نارا :- شُعاع
- شُعاع :- ها ياروحه ..

غمضت عيوني وسحبت نفس ارجف خايفة ومرعوبه
احس هاي اخر ايام حياتي
لازم اكون قويه لازم اوجهة بالحقيقه لازم فتحت عيوني
صارت عيونه بعيوني
ضغطت ع اديه هو صافن يباوع عليه منتظرني احجي
طلعت الكلمات من شفايفي مثل الطلقه وصابت كَلبه
- نارا :- شُـــعاع اني مو عـــذراء ..

×××××××××

براحتَك
ماشايَل بكلبي حَقد
بَس أنتَ مختار البُعد
مَوجود يَمته ما تِرد
و الطوبة هَسه بساحتَك
واضَح كلامَي و صَدكه
و مِن تَمشي راسَك دَنكه
مَثلي إذا كَلبك لِكه
ساعتها أرفع هامتَك .
" يتبع "

التوووووقعااااات بسرررررعه شلون قفله تجلط
هلولوووو ..

.

.