الربتج " حالك الاسوداد " الفصل الخامس وثلاثون 35 - بقلم رهف علي

شتات ما بيننا أنتَ بردٌ صاقع، ‏وأنا مهما ‏بردتُ حريق !

كيف حالكم من جديد ؟

◆◆◆◆◆◆

- نارا :- شنو اسمه ؟؟؟
- مصطفى :- علي حسن .

احس توازني اختل وجسمي صار يرجف اطرافي صارت قالب من الثلج شفايفي صارن يرجفن اوضاعي كُلها تكركبت وانفاسي اضطربت الاحساس الي حسيت بي والشعور البشع الي عشته بهاي اللحظه خلتني افقد كُل حواسي هو يباوع عليه شلون
صار شكلي يسألني شبيه رديت عليه وشفايفي ترجف .

- نارا :- كمممل
- مصطفى :- نارا شنو تكمل شوفي حالتج شبيج
- نارا :- تقربت منه خليت ايدي ع ايده وضغطت عليها بقوه هو فتح عيونه مصدوم من تصرفي صرخت بي ، كمممممل ، هو بعد ايدي
- مصطفى :- شبييييج
- نارا :- كممممل كممممل
- مصطفى :- ولج هوَ بس هيج شنو اكمل
- نارا :- شلون شلون بس هيج !!!
- مصطفى :- اي هوَ بس هيج ابويه ما تركه يطلع من الموصل وهاهيَ علمود الشغل
- نارا :- بلعت الغصه الي بصدري ، وعائلته وينهم؟؟
- مصطفى :- رد بأسف ، سمعنا خبر انُ انقتلو
- نارا :- شهكت ، يعني بسبب ابوووك !!!
- مصطفى :- غمض عيونه متحسر ، لو ابويه داز اله سياره جان طلعوا

احس اديه صارن يرجفن بقوه ما مستوعبه الي ديكوله
هسه شهكت بصوت عالي صرخت اضرب ع وجهي
يااااااابوووووووية ياااااابوووووووووية اضرب ع خدودي مصدومه واصرخ اجوي يركضون ع صوت صراخي مصدومين بحالتي يحاولون يخلوني أهدأ بس ماكدروا حتى ما يعرفون شنو الي بيه عرفت مصطفى عرف علي حسن يكون ابويه من صدمته اجتي ام شُعاع
تحاول تلزمني اني دفعتها بكُل قوتي وطلعت اركض برى من هول الصدمه الي اجتاحتني طلعت برى بالشارع اركض بهذا الوقت حتى مصطفى وكف ع طوله يركض ورايه متناسي ألم كتفه اني اركض بالشارع مثل المجنونه والناس كُلها تباوع عليه و ع شكلي واني اركض واصرخ بصوت عالي ياااابوييييه
ابووووووويه ابووووويه

من بعيد صارت بالبدايه الفرع سياره شُعاع تقرب مني
شافني نزل يركض الي وصل يمي بلمح البصر لمني بحضنه وحضني بقوه اني ادفع بي احاول ابتعد اريد اركض ماعرف وين ولا الأي مكان بس المهم اريد اركض من لزمني شُعاع فقدت بعد ماحسيت بنفسي .

فزيت اباوع اني وين لكيتهم كُلهم كدامي وشُعاع كدامي يتنفس بسرعه وكفت ع طولي ارجف دفعت
شُعاع من صدره اباوع عليهم احس راسي مصدع
وبالكوه واكفه ع حيلي رجليه كُلهن تراب عيوني انتقلت بينهم كُلهم مصطفى منزل راسه وشُعاع كدامي بعيونه نظرات اسف ، ندم ، كُل شي حزين يخيب الظن ، دخيلك ربي شنو الي صار ليش هيج انقلبت الأمور بهاي الطريقه ، صار شُعاع كدامي .

سحب نفس بقوه ضغط ع اديه يحاول يهدأ نفسه
حتى يكدر يشرح بطريقه مفهومه الي حتى استوعب
الي صار أكثر

- شُعاع :- نارا وحق هذا الله اني ما الي اي ذنب واني بهذا الوقت ماجنت هنا وتعرفين بوضعي شنو
واني لكيتج بالصدفه وكل شي صار محض صدفه مو اي شي بالج
- نارا :- صدفة !!!!! عن أي صدفة تحجي عنها !!!
صفكت مثل المجنونه ، تعججججبني من تكول صدفة !
ووووووانتَ تعرررررف ابوووويه منووووو تعرررفه
وتعرف ابووك المصون شنو مسوووي بأهلي شُعاع
- شُعاع :- مااااعرف والله ماااعرف ومستحي حتى منج ماعرف شنو موقفي كدامج هسه وحتى من عرفت بس ماجنت اعرف قبل صدكيني ماااااعرف
اني اكتشفت الموضوع قبل فتره مو طويله
- نارا :- لااااااتصرخ عليه لاتصررررخ

هو سكت دنك راسه متحسر مصطفى حجه .

- مصطفى :- نارا مو ذنبنا كل هذا ذنب ابويه مو احنه
- نارا :- رفعت ايدي بوجه ام شُعاع ، صوجج انتِ
كُله بسببج انتِ الفلوس عاميه عيوونج بسبببج
- شُعاع :- ناااارا
- نارا :- رفعت راسي اباوع عليه ابجي واشهك ،
تخيلووووا انتوا شنو سويتوا بعائله كاااامله تخيلوا
يتمتوا بنات وبسببكم انقتلوا أبرياء وشكد ردناااا نطلع من الموصل بس ابويه جان معارض والسبب جان ابوووك ، رجفت من تذكرت ابويه ، تخيلوووا ابويه انقتل كدامي وماكدرت اسوي شي اله وهو جان واثق بيكم ابووووويه فقيرررر والله فقيرررررر شلون هيج سويتوا بييييي
- مصطفى :- والله فاهمين الي تحسين بي بس ما النا ذنب احنه مانعرف شنو جان يسوي ابويه وشُعاع جان مخطوف بوقتها حتى هو مايعرف اي شي .

رفعت ايدي ارجف أشّرر عليهم كُلهم واحد واحد
بالكوه مسيطره ع جسمي حتى ما انهار واوكع
من فرط الحركه الي بكلبي والنار الي مشتعله بي
صرخت بيهم واحد واحد

- انتووووا السبب شنوو ما الكم ذنب !!! بالوقت الي احنه جنه نشششوف الموت الف مره باليوم انتوا جنتوا عايشين بجو دااافي ب بيوت حلوه هادئه بعيده عن القتل والتعذيب بعيد كل سووووء وعذاااب تاكلون وتشربون واجنه بهذا الوقت حسره علينا قطره المي
وكل هذااا علمود الفلوسسسس وابوكم الفلوس عاميته
- شُعاع :- سحب نفس ، نااارا
- بسسس انتَ اخر وااااحد يحجيييي ردت وجهي الامه ارجف ، انتِ شششلون ينطيج كلبججج علمود الفلوسسسسس ليش ما كلتي شي اله ليشششش
علمود الفلوسسس تسوين سحر شوفي شنو سويتي بولدج ششوفي ، جان كدامي كلاص مي من حركه كلبي شلته وبقوه ايدي شمرته عليها ابجي منهاره
وكع بيها احس نفسي انقلبت صرت مجنونه ماعرف شنو اسوي الكلاص صار براسها اتكسر وراسها صار ينزف دم

شُعاع صاح بصوت عالي وكلها صرخت ويا وهي هم تصرخ تقرب شُعاع يريد يدفعني اني دفعته قبله لا يبعدني هو راح ركض ع امه الي تصرخ شالها وطلع بيها يركض والبنات يصرخن واني اصرخ الله يااااخذججججج ، بقيت واكفه ارجف جسمي يرجف
ماحسيت الا بواحد سحبني من ايدي وكعدني شفته مصطفى صحت بي

- نارا :- منووووو سمح لك تلززززمني
- مصطفى :- شششو اكعدي خليني امسلت
- نارا :- وكفت اصيح بوجهة، ماريد ولا حجايه منكك
- مصطفى :- صاح بصوت عالي ، كععددددددي
- نارا :- صاح بالبنات يطلعن ويعوفنه وهنَ بس يبجن
واني اصيح بيهم ، عسسساكم بالموت
- مصطفى :- ناااارا
- نارا :- خيرررر
- مصطفى :- سحب نفس ، بس فهميني شنو ذنبنا
- نارا :- هزيت راسي اشهك ، الذنب ذنب اااامك وابوك ، ابوووك مات وراح الله أخذه اما انتَ وشُعاع نكول ما الكم ذنب بسسس راح اخذ ثاري من امك
- مصطفى :- نااااراااا
- نارا :- نعاااااال ع ناااارااا غضب الله عليكم دمرتوووونا انتوا حالكم حال داعش احس نفسي كاعده بينهم ، شوفوا نفسكم بيوت وسيارات وكل شي اخر موديل طبه وطلعه وحياتكم حلوه ع حسسساب منووو
- مصطفى :- ومنو كال الج حياتنا حلوه
- نارا :-طبعاااا حلوه ، اااامك يمك ماقتلوهاا، ابوك ما قتلوا كدامممك ما أخذوا عائلتك كدام عيونك ما عذبوك ماعشت الي عششششنا احنه

سكتت اسحب نفس احس نفسي راح خلص
صرت اشهك اسحب النفس رفعت ايدي

- نارا :- والحُسين ما اعديهاااا واخذ بثار اهلي
- مصطفى :- فتح عيونه ، شنو تسوين ؟ تقتلين شُعاع لو تقتليني مثلاً !
- نارا :- لا مو انتَ ولا هوَ اني اعرف أخذه من منو
ولا عباله شُعاع خلص مني لا حسابه ما صفى الهسه
عندي ويا حساب بعدين ليششش ما كال الي ليشش
- مصطفى :- صاح ، يعني تررريدين يكول ابوي كتل اااااااهلج !!!!
- نارا :- ااااااااي يكول الي ااااااي
- مصطفى :- تعبتيني واني اكول الج ما النا ذنب
مو شُعاع الي مشتغل ولا اني نارا ما النا ذنب بكل الي صار الذنب الوحيد هوَ ذنب ابويه

سكتت صفنت بوجهة سحبت نفس هدأت هو يباوع عليه يترقبني هزيت راسي وهمست بكلمه وحده
" تمام " هو صافن مصدوم بوجهي شلون هيج هدأت بعد ما جنت بركان تركته وصعدت فوك دخلت للغرفه وسديت الباب تقدمت فتحت الشباك اباوع
صدُك هسه بينت الحقيقه وعرفت شنو يعني قتل ناس أبرياء طلعنا احنه الأبرياء وعائلتي هي المقتوله بسبب ابو بسببه هوَ ادمرت حياتنا ، اسمع البنات يجبن جوه تقربت قفلت الباب تمشيت وكفت كدام
المرايا اباوع ع نفسي وجهي شصاير بي شنو حاله
عيوني مورمات من البجي حتى ما ينشافن وجهي احمر وبي شخوط من الضرب الي ضربته بأديه

شلت شيشه العطر ضحكت بقهر رفعت الشيشه وبقوه ايدي شمرتها ع المرايا تكسرت صارت طشار
رجعت شلت البقيه العطور واشمر ع الكنتور جان كُلهل جام كُله كسرته ماخليت شي صاحي بي رحت ع الشبابيك كُلها كسرتهن كسرت الجام الي بيهن
اصرخ بكُل حسي من أعماق كلبي بكُل ألم احس بي
وبكُل احساس بشع ماين ماينوصف احس بي ملخت نفسي هلكت نفسي هلاك كعدت املخ بشعري وابجي الباب اتفلش يريدون يدخلون مافتحته ولا كدروا يفتحوا بقيت كاعده إلى أن هدأت انفاسي .

بقيت سارحه بفكري وبكُل الي صار وياي شلون هيج تغير
الوضع بهاي الطريقه بس وداعه ابويه الا اخذ بثار اهلي
ماطلع بنت علي اذا ما ااخذت بثار اهلي ، كمت كعدت ع السرير اباوع ع الغرفه كُلها كزاز مطشر مر الوقت واني صافنه وافكر إلى أن سمعت خطوات ع الدرج مثل الربد القوي عرفته هذا شُعاع من خطوات اقدامه ع الدرج شوي وصار يُدك الباب قوي يريد مني افتحه ويصيح ويصيح واني ما اهتميت بقيت صافنه وماتحركت خطوه وحده الا ان ضرب الباب أكثر من مره وكسره دخل يباوع مصدوم من الغرفه صايره عباره عن رماد كُل الجامد رماد متكسر صاح .

- شُعاع :- شمسوويه !!
- نارا :- ههههه وتسألني ؟؟ اجه تقرب كعد يمي يحجي
- شُعاع :- سحب نفس بقوه ، نارا ماجنت اعرف ومن عرفت بالصار ماردت اكول الج بسرعه لان عرفت هي هاي رده الفعل مالتج ، اخواتي جانن صغار ومصطفى هم ما الهم علاقه بكُل الي صار لاتسوين شي الهم بداعه ابوج
- نارا :- اشششش لاتجيب طاري ابويه
- شُعاع :- صاح بصوت عالي ، اني شنو ذنبي لج جنت مخطوووف
- نارا :- اطلع من الغرفه
- شُعاع :- نارا اسمعيني فدوه
- نارا :- اااااطلع

صحت بي وهو سحب نفس بقوه بقى صافن عليه وعيونه تلمع وكف ع طوله ضرب ايده قوي بالحايط وطلع بقيت افتر شنو اسوي شنو اسوي ركضت ع الجهاز شلته واتصلت ع اخواتي من شافتني انصدمت تسألني شبيج
سحبت نفس سألتها

- نارا :- لو شفتي الي قتل ابونا شنو تسوين اله ؟
- مثل ما نفر الدم من ابويه انفر الدم منه هوَ هم
- نارا :- يعني تقتلي ؟
- أي حتى يرتاح كلبي
- نارا :- اكيد ؟
- اي نارا
- نارا :- تمام
- ششكووو نااارا ؟؟؟
- نارا :- مارديت عليها لزمت وغلقت الجهاز

نزلت جوه شفت شُعاع كدامي غمضت عيوني بقوه ورجعت فتحتهن وهو صافن عليه يباوع
حجيت ويا ، اريد احجي وياك الوحدنا ، هز راسه وكام ع طوله مشيت كدامه صارت غرفه مصطفى كدامي فارغه دخلت بيها وهو ورايه يمشي درت وجهي عليه صار كدامي ينتظرني احجي

- نارا :- اريد ارجع للدراسه وانسى كُل شي صار ، صفن
- شُعاع :- شنو !
- نارا :- مثل ما سمعت
- شُعاع :- شبيج انتِ واعيه !
- نارا :- اي واعيه مثل ما كلت لك راح انسى كُل شي وكأن ما صار شي وبس اريد ارجع للدراسه ، هو بقى صافن مبهوت وجهة ومصدوم ما متوقع مني هذا الكلام
- شُعاع :- شنو جاي تخربطين نارا شبيج خبلتيني
- نارا :- شُعاع حبيبي خلاص انسى الموضوع
- شُعاع :- هههه نارا لا تأذين اهلي اعرفج شنو واعرف هذا الهدوء الي هسه انتِ بي ورى شي قوي وتعرفين بيه ما اكدر اسوي الج شي حتى لو أذيتيهم

-رفعت ايدي اعدل بالاكمام بدون اهتمام الكلامه
رفعت عيني عليه هو حسيته جاي يدرسني وشنو اريد اسوي ، ابتسمت بطرف شفايفي ، صيح مصطفى وتعال
هز راسه وطلع صاح مصطفى صار كدامي مصطفى جليت صوتي وحجيت ويا وهم الاثنين صافنين بوجهي

- نارا :- مصطفى اني راح اخذ بكلامك وارجع الدراستي
حاله مثل شُعاع بقى صافن بوجهي
- مصطفى :- شنو !!
- نارا :- مثل ما سمعت وكلت الشُعاع يقدم الي
- مصطفى :- شوفي تخدعين الكل بس ما تخدعيني
- نارا :- وليش اخدعكم ؟
- مصطفى :- اكو بالج سالفه ؟
- نارا :- لا ماكو بس شفت صحيح ما الكم اي ذنب بالصار
- مصطفى :- ها !!!!
- نارا :- مو صح كلامي لو اكو حجي ثاني ؟
- مصطفى :- ها لا هيج اكول
- نارا :- اممم ، امك وينها
- مصطفى :- بغرفتها
- نارا :- شبيها
- مصطفى :- ٥ خياطات براسها
- نارا :- سلامتها ، ،ردت اكوم صاحني
- مصطفى :- نارا
- نارا :- ها ، دنك راسه ورجع رفعه عيونه حمر
- مصطفى :- لا تأذين اخواتي ولا تأذين شُعاع اذيني ألي بس تركيهم هم ما يعرفون اي شي صدكيني
- نارا :- ابتسمت بوجهة
- مصطفى :- شنو تريدين اني اسوي بس لا تأذيهم خاصه شُعاع
- نارا :- تدري بيه اخاف ماعندي هاي السوالف
- مصطفى :- ابويه الغلطان واحنه نعترف بس احنه ما ...
- نارا :- لا تكمل اعرف
- مصطفى :- اني وياج عليهم بس اخواتي لااا
- نارا :- ابتسمت ، خليك هنا اني طالعه

تركته وطلعت بهدوء رحت تمشيت للمطبخ لكيته فارغ
سحبت المجر شفت السجينه كدامي سحبتها وضميتها
جوه ملابسي ورحت توجهت لغرفتها فتحت الباب ودخلت
هي رفعت راسها تباوع عليه متكدر تحجي مبينه تعبانه
هواي تقربت منها لزمت ايدها وفتحتها خليت السجينه
بأيدها ابتسمت بوجها وهي بهت لونها تقربت منها همست الها " حديها " تركتها وطلعت

ورايه دخلن البنات واني رحت للصاله لكيت شُعاع كاعده
وحاط راسه بين اديه شكله تعبان

- نارا :- اكول ، رفع راسه
- شُعاع :- كولي
- نارا :- ننتقل الهذاك بيتنا ؟ انصدم حتى وجهة جام احمر
- شُعاع :- اي بس خلي ترتاح امي
- نارا :- مابيها شي
- شُعاع :- ناارا
- نارا :- تمام تركته ورحت صعدت للغرفه هو صعد شافها
صفن بيها هز راسه
- شُعاع :- يعني تبقى الغرفه هيج ؟
- نارا :- رديت بهدوء ، اي
- شُعاع :-زفر انفاسه بقوه ، اني نازل للصاله
- نارا :- خوش الله وياك ، تركتي ونزل اني بقيت بالغرفه

طلع بقيت الوحدي افكر وافكر وافكر الف شغله خطرت براسي إلى أن تعبت كمت وكفت يم الشباك اباوع واني صافنه اجتني نسمه هوى حلوه بيها بروده الشتاء ع الأبواب والجو صار حلو رفعت عيوني للسماء ، يارب ساعدني
سجدت ع الارضيه ادعي سمعت صوت الاذان الله اكبر
صابتني قشعريرة حسيت بنفس اللحظه بردت بقوه وكفت ع طولي ونزلت شفت شُعاع غافني بالصاله حتى ما فكرت بي اذا بردان او لا احس كلبي مات رحت توضيت ورجعت اصلي واتحسب عليهم والحسره الي بكلبي تهد جبال
اني واصلي بجيت هو فز ع البجي مالتي اني ما اهتميت كملت صلاتي وكمت تركته

لازم اطلع من هذا البيت ما لازم ابقى بي وبعدها اسوي الي براسي ماكدر ابقى هنا واحد واحد يتحاسب ع كُل شي صار بينا اعرف هذا الشي ما ورى اي رجعه وممكن
يهدم أكثر واعرف شُعاع شكد يحب امه سحبت نفس بقوه
بقيت ع هاي الحاله للصبح كمت غسلت ونزلت

طلعت برى اباوع بالحديقه وتذكرت كلام هذيج المرأة
بقيت احفر واحفر إلى أن حسيت بشي ملمس جوه ايدي
رجف كلبي من سحبته شفته كدامي يعني هو هذا السحر
اول ما لزمته حسيت بهبه صارت بوجهي فزيت خايفه شمرته من ايدي وكمت ركضت للمطبخ سحبت علاكه ورجعت طلعت اركض حتى محد يشوفني خليته سريع بالعلاكه وخفيته بمكان يم الباب حتى محد يشوفه وركضت للمطبخ رجعت اغسل بأيدي قوي كلبي يرجف شلون الها الجرأة هيج تسوي وتسوي سحر وتخلي بالبيت ومو اي سحر الاتعس هذا الابنهااا !!!

بقيت اغسل واغسل احس بأيدي بيها دم و وتراب احسسها وصخه رجعت اغسل بيها بكُل قوتي إلى أن فزيت ع صوت شُعاع

- شُعاع :- نارا شنو تسوين ترى ايدج نظيفه
- نارا :- سحبت نفس ، شنو شمكعدك؟
- شُعاع :- اصلاً جنت كاعد حسيت بشخص خانكني وفزيت
- نارا :- شلون يعني ؟
- شُعاع :- ما اعرف بس كلت الج خانكني
- نارا :- شُعاع أخذني البيت زوجه ابوك
- شُعاع :- ليش ؟
- نارا :- هيج اريد ارتاح يمها
- شُعاع :- خوب اخذج البيتنا
- نارا :- شُعاع !!
- شُعاع :- هاهي يابه براحتج
- نارا :- هسه حتى يمهم اتريك يم البنات
- شُعاع :- نارا ؟
- نارا :- شبيك حباب
- شُعاع :- زفر نفسه ، تمام روحي البسي

ركضت صعدت سحبت العباه وضميت الساعه مالته ع كيف اول ماطلعت من الغرفه شفته كدامي خازرني فزيت
- ها شبيك ؟ بقى خازرني اشر الي
- تعالي اتقربي
- تقربت منه وكفت كدامه ما خايفه منه ، خير ؟؟
هو دنك راسه غمض بقوه ورجع رفع راسه فتح عيونه احسه ضايع
- هاا شبيج !!
- شبيك ؟
- اني شبيه شنو سويت ؟
- هزيت راسي اله ، لا ما سويت شي انتَ

هو سكت نزل واني ورى اخذت الثوب مال عمتي وياي ومن وصلت للباب اخذت العلاكه طلعتها وياي
وطلعنا بالسياره هو يسوق واحسه حيل مختنك صار وجهة احمررر وبالكوه يجر بالنفس اختنك فد مره وكف السياره بسُرعه حط ايده ع رقبته صحت

- نارا :- شششششبيك عزززه شُعاع
- شُعاع :- راااح امووووت اختنكت نااااراا
- نارا :- نزل من السياره بسرعه يركض واني نزلت ورى اركض صار ع صفحه وصار يتقيء ، يتقيء ويرجع يصيح ' راح اموت اختنكت ' خشمه طك دم
اباوع شلون صارت حالته خليت ايدي ع ظهره ادلكه
واحجي ويا حتى يهدأ وهو احس روحه رايحه بالكوه
واكف ع طوله إلى أن سحب نفس حجيت ويا كُتله
شُعاع صلي ع محمد صلي شو وكف دفعني قوي وهو كدامي صار
- شُعاع :- امشي بسرعه خلي اخذج راح اموت
- نارا :- هزيت راسي خايفه من شكله شلون صار
احس ع لحظه يموت

صعدت بالسياره وهو رجع يسوق بس كُل شويه يوكف
يختنك من يشوف نفسه جر النفس يتحرك
إلى أن وصلنا للفرع مال بيت زوجه ابو من قربنا من البيت بعد ماكدر إلى أن طفى السياره حط ايده ع عيونه وفقد ، صرخت فازه من شفت اغمى عليه
حاولت اكعده بس ماكعد نزلت من السياره اركض للبيت دكيته بقوه طلعوا مصدومين من شافوني كدامهم أشرت ع السياره وصرخت بيهم كلت الهم شُعاع الحكوااا بالسياره ، إخوانه من سمعوا هيج طلعوا يركضون اله واني جانت الأغراض بيدي صارت خالتي كدامي انطيتها الأغراض عرفت هو وكع بسببهن

- ام شيت :- شبييي يمه
- نارا :- اغمى عليه بسببهن اعرف ، وطلعوا اله
هسه بس بعدتهن يصحى شويه ويجيبوا
- ام شيت :- اسم الله ياعيني مايستاهل هذا الرجال هيج يصير بي
- نارا :- بقيت واكفه ورى شويه دخل شُعاع تعبان وإخوانه ورى لازمي بس جانت نظراته الي طبيعيه
تقربت منه ، شلون صرت ؟
- شُعاع :- زين اني رايح للبيت
- نارا :- تمام انتبه النفسك ، هو هز راسه وراح

اول ماطلع رحت اني وخالتي اخذت الجفيه مال ابو شُعاع وطلعنا رحنا للمرأة اول ما وصلنا عرفتنا
خليت الأغراض كدام ام شيت والمرأة وطلعت الساعه
باوعت عليها
- نارا :- خاله راح اكسرها
- ام شيت :- لا خاله هاي مال ابو شُعاع
- نارا :- زين انطيني شي درنفيس افتحها هي راحت جابت الي ورجعت أخذته منها وصرت احاول افتح بيها بس اني وافتح بيها احس كلبي يوجعني وأجر بالنفس بالكوه صرت حمره وايدي صارت ثقيله المرأة تباوع عليه راحت كامت جابت ملح خشن وخل صارت تقرأ عليه خلت الأوراق والثوب مال ام شُعاع وصارت تقرأ عليهن ام شيت صارت بالكوه تسحب النفس هي هم اباوع هي مستمره تقرأ وتقرا مر الوقت
بعدها رفعت راسها تباوع عليه و ع ام شيت

- كمل
- نارا :- سحبت نفس قوي ، والله !!! هي صافنه بيه
- شبيج ؟؟؟؟؟
- نارا :- شكوو ؟ التفتت ام شيت اليه وشهكت
- ام شيت :- نااارا عيونج شبيهن
- نارا :- صفنت بوجها ، شبيهن ؟ اكو مرايا ع الحايط
ملزوكه كم وكفت ركضت عليها اباوع ع عيوني شهكت من شفتها عباره عن قطعه حمررررره
درت وجهي اسألها ، شبيهن عيوني ؟؟؟؟
- اهدئي
- نارا :- ركضت شالت الأغراض كُلهن خلتهن بطاسه
حسيت جهازي اهتز اباوع هذا مصطفى ماعرف ليش خفت من هذا الاتصال رفعت الخط خليت الجهاز ع اذني وهسمت اله

- نارا :- ها مصطفى، اجاني صوته يصيح
- مصطفى :- شُعاع رااااااح يمووووووت
- نارا :- بهت وجهي ، شنو !!!
- مصطفى :- والله
- نارا :- اسمع صوت بجي اخواته بقيت جامده
- مصطفى :- واليرحم اهلج تعاااي بسرعه خلي واحد من الولد يجيبج
- نارا :- اي اي جايه ، درت وجهي احجي وياها ، خاله شُعاع راح يموت
- اي بنتي طبيعي هذا الشي اني راح انطيج حرمل تبخرين بي وخاصه بيتج الجديد وانطيج مي هم وهسه من تروحين تسوين الحرمل وخلي ويا عطر تمام
- نارا :- اي والساعه شلون اشدها ؟
- شكليها شلون ما كان ورجعيها
- نارا :- هزيت راسي ورجعت أشكل بالساعه من بعد ما فتحناها وطلعنا البيها هسه رجعت اشدها بعد ما خلصنا وكفنا بسرعه ورجعنا

رجعت لبيت ام شيت واني كلبي يرجف خايفه وتعبانه صار شيت بوجهنا حجت ويا امه

- ام شيت :- يمه اخذ نارا لبيت زوجها لان شُعاع هم واكع تعبان
- شيت :- شنوووو يمه شبي شُعاع
- ام شيت :- أهدأ يمه مابي شي

- نارا :- أخذني شيت للبيت يسوق وهو خايف ع شُعاع وصلنا هو نزل قبلي يركض واني امشي بهدوء ورى شيت اعصابي بارده دك الباب فتحه مصطفى اباوع حتى مصطفى وجهة احمر سألته ، شنو صار ؟
- مصطفى :- ماعرف دخل للبيت مخنوك وصار يتقيء
لازم رقبته يصيح مخنوك ما اكدر اتنفس وخشمه طك دم
روحه مفرفحه وجهة صار احمر راد يموووت
- نارا :- رديت عليه بهدوء ، أهدأ هذا الشي طبيعي
هو انصدم من رده فعلي تركته ورحت الشُعاع

رحت تقربت منه بس بعدين ابتعدت كلت الهم هسه اجي تركتهم ورحت صعدت اخذت بخور من العلاكه ونزلت للمطبخ خليت الحرمل ع الطباخ وصرت اطكطك بي هم مصدومين من تصرفي بس همزين الحرمل بي عطر طيب يعني حتى ما تشك بي ام شُعاع اخذت الحرمل ورحت الهم وكفت يم شُعاع وصرت امرر الحرمل فوك راسه وهم صافنين كُلهم عليه مصدومين شنو اسوي ماحجيت وياهم ولا بررت الهم حتى شُعاع يباوع عليه احس نظراته تكول شنو
جاي تسوين من بعد ما كملت رجعت الحرمل للمطبخ ورجعت الهم

رحت كعدت يم شُعاع لزمته من راسه رفعته وخليت راسه بحضني امسح ع راسه بهدوء وهو عيونه ماوكعت من عيوني مسحت ع كيف شعره وهمست اله
- نارا :- شلون صرت ؟
- شُعاع :- هاا صرت زين
- نارا :- يعني ما مخنوك هسه ؟
- شُعاع :- رد بهدوء ونظرات أهدأ، لا
- نارا :- هزيت راسي ، الحمدلله، رجعت خليت ايدي ع راسه امسح ع شعره واقرا ايه الكرسي والاخلاص ع راسه ودعاء اله وهوَ ساكت هادئ رفعت راسي الوفاء ، وفاء جيبي الي مي " هي راحت جابت واجتي انطته الي اخذته قريت عليه ايه الكرسي
وقربت المي منه هو شربه جليت صوتي وحجيت ويا

- نارا :- كوم شُعاع مابيك شي ، هو كام احسه رجع طبيعي وهادئ وهم مصدومين يباوعون عليه شنو سويت اله شلون هيج صار وتغير بهاي السرعه وقبل شويه جان منتهي
- شُعاع :- مابيه شي !!!!
- نارا :- احسه هو هم مصدوم ابتسمت، اي مابيك شي ، مصطفى جان يباوع عليه كام وكف راح للمطبخ وصاحني
- مصطفى :- نااارا
- نارا :- كمت وكفت ورحت اله جان واكف ، شبيك ؟
- مصطفى :- شنو سويتي ؟
- نارا :- عقدت حاجبي ، شنو سويت ؟
- مصطفى :- ضغط ع ايده ، نارا شنو سويتي الشُعاع
- نارا :- ماسويت بس قريت ايه الكرسي ع المي وبخرت البيت
- مصطفى :- وشنو هذا التغير وهيج رجع شُعاع طبيعي
- نارا :- يمكن الله يحبني واكف وياي ليش هيج تحجي
- مصطفى :- ها !!!
- نارا :- هزيت راسي ، اي شبيك ، هو تقرب مني نزل راسه الي بسبب مسافه الطول الي بينه وقرب راسه يمي همس الي
- مصطفى :- ديري بالج تسوين شي من ورى ظهري
- نارا :- ضحكت بوجهة ، وأنتَ منو ؟
- مصطفى :- اني مصطفى
- نارا :- ههههه ع نفسك مو عليه
- مصطفى :- اذا تحاولين تنتقمين ترى تخسرين واذا تريدين تساعدينه كولي
- نارا :- اها وانتَ الهيج تحجي وياي ؟ ضرب الكاونتر بقوه وصاح
- مصطفى :- ناااارا ما تفهمين اخواتي واخوي روحي من الدنياااا
شفتي شُعاع شنو صاااار بييييي
- نارا :- رديت بهدوء ، ادري هو انصدم
- مصطفى :- شنو تدرين ؟ شعرفج
- نارا :- رفعت كتفي بعدم مبالاة ورديت عليه ، ماعرف ، عفته وطلعت من المطبخ .

رحت كعدت يم شُعاع جان اخو شيت كاعد يمه وشكله شُعاع الهسه زعلان مني لان ضربت امه حجيت ما جاوبني هزيت ايدي وكمت همَ انصدموا من حركتي عفتهم وصعدت فوك للغرفه اباوع لازم اضم الأغراض ومالازم شُعاع يشوفهن فتحت الكنتور وضميتهن حيل جوه الملابس جاي اعدل بالملابس وانفتح الباب رفعت راسي شفته شُعاع دخل

- ها ؟
- لمي اغراضج هل يومين نروح البيتنا
- بعد احسن
- اريد احجي وياج
- هزيت راسي واني عيوني عليه ، اتفضل
- تقرب شويه سحب نفس ، نارا اني احبج وامي غلطت ويا ابويه اثنينهم غلطوا بس مو هيج تضربيها
- بس امك قتلت اهلي كُلهم
- هذا مو حجي مو هيج
- تنكر يعني الكلام شُعاع؟؟
- لا ما انكر
- هي بسببها جانت تحجي برأس ابوك حتى ما يطلعون اهلي من الموصل واني اسوف ابويه مايطلع بينا والخاطر يحوم علينا وبسببهم ما طلعنا وتشتتنا بين كُل هل انذال الي سبونااا مو بسببهااا !!!
- فرك عيونه بقوه ، ناارا
- اشششش خلاص شُعاع انتوا حالكم من حال الي سبونا رجعت ارتب بالاغراض وانطيته ظهري ثواني مجرد ثواني وحسيت البيت اهتز بصوته العالي يصيح بصوت عالي

- نااااااااااراااااا مااااااا الهم ذذذذنب هذا صوووج ابويه الك**** ، اخواااتي واخوي ما الهم ذذذذنب جاي تسمعين ااافهمممممي ما النااااا ذنب بالصاااار ولا نعررررف ، رفع ايده وضرب الكنتور بوكس قوي خسفه ، لوووو احنه الناااا ذنب والله اخذ حقج وحق اهلج من بين عيونااااا لو مصطفى مسوي هذا الشي والله اذبحججه بيدي لو اخواتي الهن علاقه والله اذبحهنن بأديه الاثنين لو اني الي السبب شنوو تريددددين اسوي الي وحتى ترتاحين لو ابويه عايششش الا اخذ حقج وحق اهلج من بين عيونه بسسس مييييييت هوَ ميييييت يا اسلااااام يااااا دين محمد ابوووووي ميت شلون اخذ حقججج منه شلون

- نارا :- اباوع عليه يهد ويرعد يصيح بصوت عالي وحتى من ضرب الكنتور احس ايده انخسفت ويا الكنتور لان الضربه قويه بحيل وحركه حجه وحجه وبعدها طلع من الغرفه مثل البركان نار يغلي كأن عاصفه هبت عليه وبعدها تركتني وراحت اسمعه هو ينزل يصيح ' احرررك البيت عليكم احرررركه ' اني بقيت واكفه بمكاني شويه وصعد مصطفى يركض
- مصطفى :- نارا والله تعذبنا بروح ابوج كافي
- نارا :- ما مسويه شي اني ! وحتى راح نشيل خاف تكول مسويه شي اله
- مصطفى :- هاا !!
- نارا :- وحتى راح ارجع الدراستي من كُل عقلك اسوي شي خلاص شي وراح انسى مو ذنبكم الي صار
- مصطفى :- دنك راسه بأسف ، لعد ليش ما اصدكج؟
- نارا :- رفعت كتفي ، ماعرف ، هو تركني ونزل خايف مني

صار اليل دخل شُعاع اني كاعده
بغرفتي وساكته

- الصبح ننتقل للبيت
- هزيت راسي بهدوء ، ماشي ، ماحجيت ويا أكثر
درت ظهري ونمت هو طلع اني رجعت كعدت اباوع ع الميز موجوده الساعه مالته رحت شلتها بقيت اقلب بيها يمنه ويسرى بعدين رجعتها المكانها درت وجهي للشباك رحت وكفت يمه اباوع واني ساكته احس روحي من الداخل عاصفه بس مظهري الخارجي
مثل هدوء المقابر
رجعت جهزت الأغراض مالتنا إلى أن تعبت رحت خليت راسي ونمت

فزيت الساعه جانت ٦ يا ربي فاتتني صلاه الفجر رحت ركضت توضيت وصليت كعدت ادعي اريد كلبي يرتاح اريد ارجع نارا بسنه ٢٠١٠ ماهمها غير دراستها وبس اريد ارجع مثل قبل كافي تعب كافي تعذيب ياريت بعدني صغيره ولا كبرت وشفت كُل هذا الهم والعذاب الي اني بي هسه احس حياتي يوم بعد يوم تنهدم أكثر صارت حياتي فارغه مابيها احد احس الكُل مو وياي واني الوحدي مشاعري صارت بارده حياتي صارت ابرد من قساوة وبروده الطقس
اني عايشه ويا أشخاص هم السبب بمقتل عائلتي
حتى إذا طلعت هسه وين اروح اذا عمامي نفوني
ومتبرين مني وماعندي اي احد أسند نفسي عليه
واخواتي مبتعدات عني ومو مثل قبل من جنه عايشين سوه هنَ تغيرن واني تغيرت أكثر سجدت وصرت ابجي بقله حيله حسيت صار صوت بأذني اني وابجي
سمعته بكُل وضوح " انا أقرب إليك من حبل الوريد "
فزيت من هذا الصوت ارجف بس بنفس الوقت
حست بالأمان.

كمت كملت الأغراض اباوع عليهن واضحك بس اريد افهم شوكت راح تستقرن بمكان ثابت مو بس انتن تعبتن اني تعبت أكثر منجن يوميه بمكان مختلف كملت وكفت يم الشباك احس الهدوء هو الملجأ الي اباوع ع السيارات اجتني نسمه هوى بارده غمضت عيوني وابتسمت حسيت هاي النسمه بعطر ابويه صرت ادندن بيني وبين نفسي بصوت هادئ
تعال وخل احضنك حيل ياحيل
وخل جمرة حنينك هسة تجويني
وأريد اصفن عليك وكطع الأنفاس
واسمع صوت قلبك من يناديني
وظل كاعد اكبالك واكتم الصوت
وافهم لغة عينك من تحاجيني
وابوسك من جبينك وادعي من الله
طولة عمر اوياك ينطيني

انفتح الباب ودخل شُعاع بيده صينيه يباوع عليه
مبتسم

- شُعاع :- تعالي يا ريحه هوى بلهفة الشوك
- نارا :- ابتسمت ، ما اشتهي
- شُعاع :- تعالي حبيبي سويته علمودج اني بيدي سويته الج

حط الصينيه بالكاع وهو يباوع ع الأغراض
هز راسه
- شُعاع :- ما صحتيني اني اساعدج بيهن
- نارا :- لا ما يحتاج
- شُعاع :- تعالي لعد اكلي
- نارا :- نزلت كعدت يمه هو قسم الخبزه وانطاني اني اخذتها منه واشتميتها هو رفع حاجبه
- شُعاع :- شدسوين ؟
- نارا :- هيج ولا شي
- شُعاع :- اريد احجي وياج
- نارا :- اي شنو ؟ عدل نفسه احسه يباوع عليه بلهفة
- شُعاع :- نارا اني حيل تعبت واذا هسه يكولون الي الموت حلال اني اموت صدمه ابوي حيل جبيره وخاصه هي تخصج انتِ شي ورى شي جاي يهد الحيل
- نارا :- بس انتَ رجال
- شُعاع :- ليش الرجال مو انسان ! كُل قوي اله زمان يلين بي وخاصه اذا اجتي الضربه من اقرب شخص اله
- نارا :- هم صح
- شُعاع :- اني حيل احبج وما اكدر اتخلى عنج فهمتي الي اريد اكوله مو انتِ مرتي وتبقين مرتي
- نارا :- بقيت ساكته
- شُعاع :- ها ع فكره اني رجعت الشركه السيارات
- نارا :- صفكت اله ، الله يعني شركات وكذا سيارات وملابس و تشتغل بالدوله هلا هلا
- شُعاع :- دخيلك ربي
- نارا :- لا تخاف ما احسد
- شُعاع :- مو بس من حقي هذا حق الكل
- نارا :- اعرف
- شُعاع :- وتعرفين اني بوقتها وين جنت
- نارا :- تبقى ابنه
- شُعاع :- خير ان شاء الله اكوم انزل الأغراض اني .

نزل الأغراض مالتنا كُلها واني نزلت ورى حتى ما سلمت ع اي احد تركتهم وطلعت صعدت بالسياره
مصطفى اجه ورانه يباوع مصدوم لان حتى هو ما سلمت عليه درت وجهي منه نظراته خجلتني كأن يعاتبني بيهن ماحجيت ولا حرف شُعاع جان ضايج
شغل السياره وطلع ، مشينا مسافه باوعت عليه
طلع المسدس سحب الأقسام مالته وحطه قريب منه
ماحجيت ليش إلى أن وصلنا للبيت جان قريب كُلش من بيت الشذام نزلت اباوع ع البيت

اااااوف راح ابدي حياه جديده بعيده ومن جديد
هو ينزل بالاغراض واني افتر بالبيت هو كال راح اجيب باقي الأغراض من الولد وهسه تجيج زوجه الشذام
هزيت راسي وهو طلع وركع الباب ورى اني ضحكت
بقيت افتر واطلع بالاعراض شويه واندك الباب
طلعت لكيتها العنقاء سريع ضحكت وارتميت بحضنها

- عنقاء :- شلونج ولج
- نارا :- موزينه حيل تعبانه
- عنقاء :- شنو صاير ياستار
- نارا :- تعالي نرتب واحجي الج

صرنا نرتب بالاغراض واحجي الها وهي كل شويه
تنصدم صدمه اقوه من الأولى

- عنقاء :- نارا خلي افهمك انس اختج ولو بمكانج ما اسوي هيج بهاي السرعه لان السرعه وراها ندم
ماتعرفين شنو يصير ممكن تخسرين بس انتِ والبنات مثلنا مايعرفون اي شي وانتِ شفتيهن ومايعرفن بشغل ابوهن وأما شُعاع هو جان مخطوف ومصطفى ماجان اي شي بأيده صغير ابو ما يدخله بهيج شغلات
نارا انتِ اختي اريد مصلحتج ابدي بحياه جديده
اذا تريدين تحاربيهم ف حاربيهم حرب نفسي هيج راح ادمريهم اقصد ع الي بي السبب مو الشخص
البريء
وانتِ مو مجرمه حتى تاخذين ثارج بالقتل انتِ انسانه
لا تصيرين مثل غيرج بدون رحمه اهلج الله يرحمهم شُهداء اذا صار كل شي مثل ما تخططين اله وين راح
تروحين ؟ عشيرتج الي ما تعرفيها شلون نكرتج المنو تروحين ؟ ترى شُعاع هو الي باقي الج سند يبيع
الدنيا علمودج شفتي وعرفتي طبعه شنو وهو مستحيل يتخلى عنج لان يحبج حتى وانتِ تخططين الاذيه اهله

- نارا :- هي تحجي واني صافنه عليها رفعت راسي شفت سياره حمل بيها أغراض جديده ، عنقاء اجه شُعاع
- عنقاء :- مثل ما فهمتج
- نارا :- خير ان شاء الله

نزلوا الأغراض بقوا فوك الساعتين يشدون بالاغراض
وبعدها اجه الشذام حجه هواي ويا شُعاع ماعرف شنو
دخلوا جوه يحجون حتى ما سمعنا الهم صوت وراها اخذ عنقاء وراحوا

رحت للغرفه اباوع عليها بقيت صافنه ع نفسي بالمرايا سحبت العطر خليت منه غمضت عيوني
فزيت ع فتحه الباب رفعت راسي شفته شُعاع دخل للغرفه بقيت ساكته وهو صافن عليه نظراته تحجي الي ما ينحجي باللسان سحب نفس بقوه وسند ظهره ع الحايط يباوع عليه اني بقيت بمكاني ما تحركت
بسبب نظراته وبسبب الي عشته كله عيوني انملت
بالدموع سحبت نفس دخلته الصدري لميت اديه ببعض
همست اله .

- نارا :-جِنت أتمنى أشَوفك كاعُد بلَمه أهليِ

جنت اتمنى تكون بين اهلي هسه وهمَ يعرفوك
جنت اتمنى لو حياتنا تختلف عن هسه
جنت اتمنى ازي اكون مثل أي بنت وانتَ
جنت اتمنى تكون مثل أي نسيب لابنتهم
تطلع وتاخذني الهم تكعد وياهم يعرفوك تعرفهم نسهر سوه ونعيش أيامنا سوه ازعل يمهم ومن اضوج
اروح اشتكي الهم حتى لو اشتكيت تدري ماما راح
تساندني بس ما يخربون بيتي بالعكس يكولون الي هذا
زوجج ساعدي اوكفي ويا لا تتخلين عنه بس مايصير هذا الشي مستحيل ولا بعمره راح يصير لان ..

اني ما عندي أهل وحيده بهذا العالم المُرعب الوحدي .

- شُعاع :- اششش لا تحجين هيج نارا اني يمج
- نارا :- مو يمي شُعاع مو يمي
- شُعاع :- انتِ بعيوني تعرفين شنو يعني بعيوني !!
- نارا :- يبقون اهلك
- شُعاع :- ما الج علاقه بيهم
- نارا :- ما اكدر
- شُعاع :- مستحيل اتخلى عنج انتِ عيوني الاثنين
- نارا :- شُعاع خلي ننفصل
- شُعاع :- مستحيل
- نارا :- افهمني

- شُعاع :-
نارا اني ضامج بعيوني من الكل
ولو ابتعدي عني عيوني تنعمي

- نارا :- نزلت راسي من شفته تقرب مني
وكف كدامي لزمني من اديه ضغط عليهن

- شُعاع :- اذا تحبيني ولو شوي لا تخليني بيوم اكول
" عيوني الجِانت تحبج و ضامج بيهن انعمن "

- شُعاع !
- نارا اشش خلي نعيش حياتنا خلينا نرجع مثل قبل
لا ذنبج ولا ذنبي ذنب الوقت الي خلانه نعيش هذا الشي قدرنا مكتوب هيج ما بالأيد حيله
- وكلبي ؟ همست اله واني ابجي
- اداوي اني ، تصير سند واحد للثاني ونكون العلاج الي نحتاجه البعض
- نزلت راسي ابجي هو سحبني الحضنه
- نرجسيتي الأحبه ، توليب روحي احبج
- نزل ايده حطها جوه رجليه وايد الثانيه جوه ظهري وشالني خليت راسي ع صدره وبجيت بصوت عالي
كعد ع السرير وكعدني بحضنه راسي ع صدره كلبه يدك بقوه
- اششش ابوي انتِ دموعج توجع كلبي ، جاي تسمعين شلون يدك قوي ، هذا كلبي يدك بس الج
- غمضت عيوني ع اثر دكات كلبه ودموعي تنزل
همست اله ، كلبي يوجعني
- وكلبي ويا كلبج .

ثاني يوم الصبح كعدت لكيت نفسي بعدني بحضنه
مقيدني بقوه بين اديه بقيت صافنه واني ما اعرف وين راح توصل ويانه بعدين فتح عيونه صارت بعيوني
ابتسم بوجهي

- صباح الخير حبيبي
- صباح النور
- شلونج اليوم
- اممم زينه
- خير ان شاء الله
- شُعاع اريد أسألك
- اسألي
- ليش احسك انتَ ما تحب اهلك يعني رده فعلك ماحسيتها قويه مو مثل ما توقعت كلت راح يكتلني !
عدل نفسه وسند ظهره ع تاج السرير
- لأنهم دمروا حياتي ابوي امي ، عدا اخواتي واخوي
- بس يبقون اهلك
- بس اذوني هواي
- يعني ما تحب امك معقوله
- احبها شلون ما احبها بس مو مثل حب الابن الامه
- بس هيَ تحبك
- بعديش !!
احبها اي بس اني الي دفعت ثمن كل شي
- لو احد أذى وحده من اخواتك او مصطفى شنو تسوي؟
- امحي من الدنيا كلها
- ههههه لعد اعذرني امك محت اهلي من الدنيا

دنك راسه مقهور "

- وهو هذا الي كاسر ظهري
- كمت وكفت هو وكف ورايه
- احبج والله
- تدري حسيتك مجرم
- عقد حاجبه مستغرب ، شلون ؟
- كلبك بارد مشاعرك بارده
- الي صار مو شويه
- هم صح

تركته وطلعت من الغرفه دخلت للحمام اسبح
افكر شنو وافكر وافكر البالي راح يصير لو لا !!!!

اندك باب الحمام اسمع يصيح
- هاي ملابسج
- ضحكت ، شُعاع خليهن يمك
- دفتحي الباب واخذيهن
- ههههه انتَ مو أمان
- هاي شبيج لج بيكووو افتحي الباب لا تعرفين شنو اسوي
- زين زين لاتلعب تمام
- تمام خلصيني
- فتحت الباب سريع جريت الملابس وسديته وهو يصيح لان ايده انضربت بقيت اضحك
كملت وطلعت لكيته واكف بالمطبخ يسوي الريوك
ومشغل اغنيه تقربت منه حضنته من ظهره

- اوووف عطرك يخبل حبيبي
- ضحكت ، أحبك اني ، التفت عليه حضني وشالني يصيح
- جنج مااااشااا شوفي شكدج بطول ايدي اضمج بكلبيييي تضيعين
- نززززلني راح اوكع ، هو رفعني أكثر
- انتِ طفلي المدلل ووووولك
- شُعاع راح اوكع ههههههه كافي
- ماتوكعين لازمج اني
- اممم
- شنو تريد حبيبي حليب لو جاي
- لا بس جاي ، تقرب الي وجهة بوجهي
- جا والحليب ؟؟؟
- خلي لك ما اريد
- هههههه خوش

حط الريوك وماقبل اتريك الا وهو مكعدني
يشيل ويحط بحلكي خنكني شويه ويبوسني من خدي
ويرجع يصيح اخ اخ ابني خلاني انثول وبطني انملت
بالاكل من بعد ما كملت هو كام دخل للحمام اسمعه يصيح
- اااااحبهاااااا هل بنيه اااااحبهااااا
- اني رحت للغرفه اجفف شعري هو طلع من الحمام
دخل للغرفه شافني اجفف شعري ابتسم تقرب مني وكف ورايه سحب السشوار من ايدي وسحب المشط يسرح بشعري ويباوع عليه كل شويه بالمرايا يضحك
دنك راسه اشتم شعري بقوه ورفع راسه مكزكز
- الله الله ع هذا العطر اليدووخ
- هههههه
- خلي اسوي الج تسريحه
- هزيت رجليه بمرح ، يلااا
- صار يرفع بشعري ويرجع ينزله سحب شعري ، اووي شعري شُعاع
- اوكفي اوكفي خلي اسوي هل شكل
- رجع سحب شعري
- يااااا شُعاع ، سحب شعري اله
- احب شعرك الطويل الي جنه خصل ذهب
- ابتسم بوجهة

- راح اطلع حبيبي
- وين ؟
- عندي كم شغله كم ساعه وارجع
- زين شنو تحب اسوي ع الغده
- احبك انتَ
- يوووو شُعاع كول هههه
- سويلي باميه تعرفين ؟
- تحبها
- اي واحبج انتِ هم
- هههههه مو تدلل

راح غير ملابسه وكالعاده لبس الأسود وكفت تقربت منه رفعت رجليه اعدل بالقميص مالته هو حط اديه ع خصري وسحبني اله يباوع بعيوني باسني ابتعدت سحبت العطر خليت اله ورجعته رفع اديه الاثنين لشفايفه وباسهن بعمق
- يانبعه الريحان
- احب غزلك الي ، حضني
- الله مايحرمني منج ولا من حبج وحنيتج الي
- ولا منك انتَ

طلع واني طلعت ورى هو فتح الباب راد يمشي بس وكف اني هم وكفت اباوع عليه شبي شويه ودنك سحب شي من الارض تقربت منه وكفت لكيت بأيده
ورقه
- شُعاع شنو هاي الورقه ؟؟؟
- ماعرف
- فتح الورقه رجف جسمي من شفت الي موجود بيها
حسيت كلبي صار يدك بقوه وجمدت بمكاني
اباوع طلع الطلقه من الظرف والرساله مكتوب بيها
" اذا ما جبناك يمنه انجيبك وانتَ بيتك ، الله ، رسول ، محمد " وبصفها بصمه بالدم !!!! .

" وماذا عن عوده شي كٌنت ولا زُلت تخشاه " !!
يتبع 🤍

التوقعااااااات شنو راح يصير برأيكم ؟؟؟
.