الربتج " حالك الاسوداد " الفصل الثامن عشر 18 - بقلم رهف علي

هالمرة لا تعتذر
ما ظل حلم صاحي
‏وهيَ النتيجة شنو ؟
‏خسران داخل حرب
ومضيع سلاحي
مو ذاك واهس گبل
‏چا طرت بس السمة
ما كفت جناحي

لاتنسون التصويت ضروري ،و تعليقاتكم الحلوه
ع الفقرات قلبي .

لو وقع االاختيار لك انت ماذا تختار
بين القوه والجمال .؟

يحجي بهمس بأذني واني رجف جسمي ولعبت نفسي
اكثر هذا شنو يقصد بكلامه
احس روحي صارت تلوب اكثر
التفتت عليه بالقوه
حطيت اديه ع صدره ودفعته بكل ماعندي من قوه
واني خايفة من عنده ومن كل
هذا كلامه
وصرخت بوجهة
نارا :- شُعاااااااع اني امنت بيك واني ما عندي اي احد
غير بس رب العالمين
تدري شنو امنت بييييييك انتَ الوحيد
وهيج تسسسسوي !!!
بعدني داحجي ماحسيت الا ضرب بعيني الضوه
مال سياره بس هاي
مو سياره شُعاع دخيلك ربي سديت عيوني من قوه
الاضاءه
رجعت فتحت عيوني اريد اشوف
شنو الي صار .
رجعت التفتت الشُعاع صح خايفة وخفت لا يسلمني
الهم او ياخذوني
حجت ويا ارجف
نارا :- هسه هذول اذا اخذوني ماراح اخاف لا
عبالك اخاف فااااهم ،
هو باوع عليه وتقرب مني حطني تقريبا ورى ظهره
وصار بالوجه
ماحسينا الا السياره طبكت يمنا ونزلوا
منها ٤ ..

حجه واحد منهم
- ابا العاصم ماذا تفعل هنا ؟؟؟
رد عليهم شُعاه بهدوء
شُعاع :- قد أتيت انا وزوجتي إلى جمعيات إخوتنا النساء
والان سوف نعود
سنعود إلى بيتنا ..
نارا :- اني بس صافنه عليهم اباوع بس
جسمي كله يرجف تقرب واحد منهم وهو يهمهم وعيونه
ع شُعاع يباوع عليه بتركز
وماعرف شنو يريد يسوي
لزمت كلبي لا يسون شي
اشو هذا تقرب وحجه ويا بس حيل صدمني
بكلامه.
- ابا العاصم
شُعاع :- نعم
- نحنُ نُريدكَ في مُهمه
هز راسه شُعاع وجاوبهم وعيونه مانزلت من عيونهم
شُعاع :- ماهيَ ؟
نارا :- اباوع واحد بيهم راح للسياره ماعرف شنو
يطلع منها
ورى شويه رجع وبيده طفل والجنطه الصغيره مال
الطفل
- ابا العاصم خذ هذا الطفل واتركه عندك ..

بهت وجهي وصفنت بتعجب شنو هي لعبه طفل ماعرف من وين
جايبي وينطوا الشُعاع ع اي اساس
دخيلك ربي
شُعاع :- أين والدتك ؟
- لقد توفيت أثناء الولاده
نارا :- ماعرف ليش رجعت ذاكرتي لاخويه علي الصغير
الغصه وصلت البلعومي
شُعاع :- والده أين اذا ؟؟
- لقد استشهد أثناء الجهاد
نارا :- تيبس الدم بجسمي هيج بهاي السهوله يكولوها
هسه شنو ذنب هذا الطفل
يعني حتى ابو واحد منهم
زين و امه !!!!
اباوع ع شُعاع انطوا الطفل وهو أخذه منهم عادي ولا كأن
هذا صار يتيم بهاي السرعه وهو بعده
حديث الولاده
شنو شفت من حياتك انتَ هسه
التفت شُعاع الي ومد الطفل اليه حتى اشيله اني ما نطقت ولا حرف
واحد اخذت الطفل وضميته
الحضني وهو اخذ الجنطه مال الطفل من اديهم
نزلت عيوني ع الطفل ياربي مثل الملاك

سريع اجه بالي وحسيت يخاطبني بهذا الكلام
وكأن يبرر الي وجوده
بهاي الطريقه وبهذا الشكل
" يكُن ذنبي أتيت إلى الدُنيا يتم ولم يكُن ذنبي بغلط والدااي
لم يكُن ذنبي ولكن أتيت لكِ أعود إلى الله طير من طيور
الجنه
أتيت إلى حضنك احميني من شياطين الارض "

رفعت راسي ع صوتهم وهمَ يودعون شُعاع
صعدوا سيارتهم وراحوا
التفت الي شُعاع
شُعاع :- اصعدي بالسياره
هزيت راسي ب أي ورحت صعدت خليت الطفل بحضني
واني صافنه عليه
الطفل حيل حلو بقيت مركزه بتفاصيله
رفعت راسي لكيت شُعاع يباوع علينا ويبتسم
ماعرف ليش اجه بالي كلامه
من كال الي ( راح تجيبين مني طفل ) استغفر الله
هذا شلون يحجي وياي بهاي الطريقه
هو كل شوي يلتفت علينا يبتسم
ويرجع يسوق بالسياره
ماحجيت اي شي ولا علقت لا ع نظراته ولا ع كلامه
الي كاله الي
اريد بس اصفن بالطفل
كل ما اباوع عليه
اتذكر علي الصغيرون اخويه اااااه ياخويه هسه وين
صار بيك الدهرر
وصلنا للبيت نزلت من السياره ودخلت
وبيدي الطفل
وشُعاع ورايه يقفل بالسياره ودخل قفل الباب مال
البيت
وبيده الجنطه

نارا :- شُعاع
رفع راسه بأتجاهي رد عليه
شُعاع :- هااا
نارا :- هذا الطفل ورى قصه حيل جبيره ليش تركوا يمنه ؟؟؟
هز راسه وجاوبني
شُعاع :- يمكن يدرون بيه ما أذي طفل وسبق وشافوني
هزيت راسي معارضه جوابه
نارا :- شُعاع ترى هذا الطفل انخلق للدنيا وما معروف هوَ شنو
اذا ابن حرام او لا اذا مخطوف او لا
اذا ماخذي من حضن امه وساحبي غصب عنها
من بين حضنها
او ممكن يكون ابن وحده من السبايا الي اخذوهن
هذا الطفل ورى شي
حيل جبير
شُعاع :- تمام اني راح ادور واشوف شنو قصه
نارا:- ياريت بلكت يرجع الحضن امه اذا صحيح مخطوف
شُعاع :- ان شاء الله خير يابه .

صفنت متعجبه ع امر هذا الطفل اوووف
دخلت الغرفه وحطيت الطفل ع السرير فتحت الكماط مالته
وخليت ايدي ع النبض مالته اقيسه
احس صارت بيه خوفه
هيج وطلع ميت غير انجلط ورى
الطفل جان حيل مرتب شكل البس الي لابسه وحتى
الكماط مالته
رحت فتحت الجنطه مالته لكيت حاطين اله ملابس
والحليب والممه مالته
بقيت ارمش هاي شنو
حتى الجنطه حيل مرتبه مالته صدُك كذب هاي
بقيت واكفه وصافنه
رجعت باوعت لكيت شُعاع هم كاعد بالغرفه ويباوع علينا
رجعت باوعت ع الطفل ابتسمت
شُعاع :- نارا مبتسمه
نارا :- رفعت عيني عليه ، هااا شنو
هز راسه بهدوء وهو يباوع عليه
شُعاع:- طالع اني شوي وارجع
نارا :- تمام ، بس اقفل الباب وراك
شُعاع:- صار

نارا :- تقربت من الطفل ردت أخذه شو هذا تقرب مني
وحجه بنبره شويه عاليه
شُعاع :- شنوو هاي
رفعت راسي مصدومه هزيت راسي
نارا :- شنو شبيك ؟
شُعاع :- صرت اغار منه شو جيبي الطفل خلي ارجعه
منين ما اجه

فتحت عيوني مصدومه غضيت شفتي وصحت بوجهة
نارا :- شششنووو
ويا صيحتي فز الطفل يبجي
رجع الي شُعاع يصيح
شُعاع :- اكول خاتون ترى انتِ ماكاعده الوحدج ترى وياج
طفل صغير هذا صوتج العالي تبطلي
نارا :- مارديت عليه بقيت حايره هذا ديبجي واني ماعرف
شنو اسوي اله حتى يسكت
رفعت راسي الشُعاع حايره حجيت ويا
شُعاع هذا ديبجي
شُعاع :- اي سكتي شبيج يحظي تردين اني اسكته
نارا:- شسوي اله شسسوي ماعرف
شو هذا هز ايده
شُعاع :- شنو الي حاطين بالجنطه مالته
نارا :- هااا ، اي تذكرت حاطين حليب
شُعاع :- اي سويله لعد شبيج صافنه بوجهي يحظي المعفن
نارا :- بقيت مثل الثوله اروح منا وارجع منا
اخر شي رجعت ع شُعاع
اكوووول
شُعاع :- ها كولي
نارا :- اريد اسوي ممه بس مي ماكو روح حرر المي وجيبه
بس مي حار مو بارد لان موزين عليه
يشرب الممه بارده
شُعاع:- زين هذا ماعنده مي معقم شي يشرب لو مي عادي.
قوست شفايفي بزعل ع حال الطفل ورد ابجي
نارا :- شُعااااع
شُعاع:- اصبري يابه لا تزعلين هسه اجي

راح طلع والطفل بس يبجي موتني شكد حاولت اسكته
ماكدرت بقيت اهشهش اله
يمعود يا ابو الغيره بس اسكت ماسكت
ردت ابجي
شوي ودخل شُعاع باوعت عليه بيده مي حار يجوي جوي
هزيت راسي اله
نارا :- شُعااااع لااااا هذا المي حيل حححااار
مايكدر يشربه الطفل
شُعاع:- اي اصبري هسه يبرد وشربي ،
رفع عيونه للطفل ورد ، شبي شو ماسكت الحد هسه؟؟
اني اختنكت فد مره واريد بس ابجي لان مايقبل
يسكت وبس يبجي
هزيت راسي اله وحجيت ويا شُعاع
باوع راح اشيله بلكت يسكت
شُعاع:- شو شوفي يمكن يسكت
نارا :- شلته وبقيت بس افتر بي واحجي ويا
يلا ماما يلا عمري انتَ اسكت فدوه العمرك اسكت
لاتبجي موزين تبجي هلكد
راح صوتك من البجي
احجي ويا واسكته

اخر شي فاض صبري رفعت راسي الشُعاع الي جان صافن علينا
حجيت بعبره صوتي مخنوك
نارا :- شُعاع مايسكت يمكن يريد امه .
بجيت ويا كلامي
شُعاع :- بس اصبري لا تبجين هسه اني اسوي اله
حليب يمكن جوعان ويبجي
هسه اني ماعرف اسوي حليب الج لو اله شو
انتوا الاثنين تبجون

رديت عليه واني ابجي
نارا :- شُعاع عفيييية هذا بس يبجي اني ميته قههر عليه شششلون
شُعاع:- شو اسكتي لاتبجين شو جيبي خلي
اني اسكته ..
نارا :- أخذه مني واني ابجي وهو شاله يناغي
اله حتى يسكت بقت اباوع عليه وهو يناغي
شُعاع :- بششبششش ، حنفوشش يلا حبيبي اسكت
شو يلا ابني اسكت
نارا :- بقيت صافنه عليه وهو يشيله يرفعه
حتى يسكته
وصدُك سكت بقيت صافنه فاتحه حلكي
هذا يمه سكت ويمي فاتح حلكه بس
يبجي
باوع عليه وضحك
شُعاع:- شبيج راح تبجين
نارا :- شو سكت يمك واني يمي يبجي ،
ضحك بصوت عالي عليه
شُعاع :- يلا لا تبجين تعالي اخذي اجه دورج
نارا :- اجيت أخذت الطفل منه وضربته ع كتفه
صحت بي ، ششششبيك
ضحك عليه
شُعاع :- مابيه ، يلا اخذي وسويله ممه خلي يشرب
نارا :- شسمه شُعاع ترى الطفل ماعنده حفاضات
شلون هسه
شُعاع :- شنو منين اجيب اله هسه ؟
نارا :- رفعت كتفي ماعرف منين غير من برى
شُعاع:- زين الباجر اروح للسوك اجيب اله
فتحت عيوني
نارا :- شُعااااع شلون ننتظر للباجر؟؟؟ مايصير غير
هسه يحتاج التبديل شلون
اغير اله الملابس
شُعاع:- ششششني بويه تردين هسه اطلع برى اجيب آله
نارا :- أي عيني غير محتاجهن الطفل
شُعاع :- الدنيا الليل يامدهوره

هزيت راسي
نارا :- شُعاع هذا المي برد
شُعاع:- اي سوي اله ممه وشربي
نارا :- خوش ، خليت المي بالممه وخليت اثنين ملعقاات حليب
بقيت صافنه التفتت آله شُعاع احط ويا شكر مو ؟؟
شُعاع:- اي وبعد حطي ويا هيل اذا عندج
شبيج لج غير طفل حديث ولاده شنو
تخلين اله هو مي وحليب
نارا :- اااي شبيك تصيح ، سويت الممه ورجيتها تركتها ع صفحه
اكول لازم اكمطه مايصير ينترك هيج
صفن بوجهي
شُعاع :- تعرفين ؟؟
نارا :- شفت ماما شلون تكمط اخويه علي صح ماجربت بس شفتها
هز راسه الي وسألني
شُعاع :- صدك هو شنو اسمه
ابتسمت بوجهة ورديت عليه
نارا :- علي خلي نسمي علي ونخلي هذا الاسم
بينه اني وياك
هز راسه بقبول ورد ألي الابتسامه
شُعاع:- هاهيَ يُبا

خليت الطفل ع رجليه ولفيت الكماط ع جسمه
قوي مثل ما ماما سوت
شو هذا فز وصار يصرخ فزيت ويا الصراخ مالته
شُعاع :- شبيج ولج مو هيج خنكتي الطفل
نارا :- هااا ، تقرب مني وفتح الكماط ع كيفي سوه
مو قوي ، اوكف ..
شلته وخليته بحضني والممه خليتها بحلكه
هو صار يشرب فدوه اله
صرت اهز برجلي وادندن اله حتى ينام
" ياعنبر ياتعب روحي يابعد اليهز مهدي
يابعد الوكع من غير يومه "
ادندن اله ودموعي نزلت ويا بدون ما احس
رفعت راسي ع صوت شُعاع يحجي وياي
شُعاع :- بابا نارا لاتبجين
هزيت راسي بنفي واني انزل راسي
نارا :- ماكو شي
رجع سألني
شُعاع:- نارا منو الوكع من غير يومه ؟
سحبت نفس ايجي نزلت راسي وعيوني ع الطفل
اباوع رموشه وصوت انفاسه وهو يتنفس
بأنتظام
وخرت الممه من حلكه كمت خليته ع السرير
وغطيته
التفتت آله رديت ع سؤاله بدون روح
نارا :- ابويه
هو دنك راسه وسحب حسره حيل جبيره
رجع رفع راسه يباوع عليه
شُعاع :- هسه اجيج .
نارا :- تمام
هو طلع واني بقيت يم الطفل رحت مددت يمه
خليت راسي ع المخده واباوع عليه
رفعت ايدي ع خده امرر اصبعي ع خدوده
بشرته حيل ناعمه وترفه
بقيت اباوع عليه إلا أن ماحسيت بنفسي وغفيت ..

فزيت ع صوته البجي اباوع ع الساعه ٦
بقيت صافنه كل ظني الي صار حلم مو حقيقيه
رجعت التفتت اباوع ع الطفل يبجي
ورى وين يلا استوعبت هذا الشي حقيقي
وكل الي صار مو حلم
ارتبكت اخذت الطفل وشلته اسكت بي
لكيت شُعاع جايب اله حفاضات بس حجم جبير مو صغير
وهو ماكو بالبيت طالع
هزيت راسي اباوع ع الطفل اكيد
يحتاج اله تبديل
اخخخ ياربي
خليته ع السرير وفتحت الكماط مالته
وهو يصرخ ناط من البجي واني تفرفح ويا خايفه
لا يموت من البجي
بقيت لازمه كلبي وادعي مايصير
بي شي
كله بسببي نمت وعفته يااربي
كله بسببي
ركضت شفت مي شويه أخذته وشربته المي
فتحت ملابسه ونزعته الحفاضه
الي لابسها ورحت غسلت اله ومسحت وجهة
بس شنو لعبانه نفسي
اول مره بحياتي اغسل الطفل
رجعت للغرفه لبسته ملابس نظيفه وخليته بحضني
وحطيت الممه بحلكه
هو سكت يشرب
وفاتح عيونه خلص الممه شلته وطلعت بي برى
بالحوش كعدت
الهوى جان حيل حلو وبارد
بقيت صافنه ع الطفل واحجي ويا
- وين اهلك انتَ اريد اعرف شنو الي عشته
ليش افترت بيك الدنيا وجابوك يمي
اني واساساً اني الي ماعندي احد شلون رهمت
هاي
ابتسمت بوجهة ونزلت همست باذنه
الشهاده هو طلع صوت رفعت راسي اضحك
كزكزت عليه بسته وشميته
حيييل من رقبته ريحته تجننن حضنته ع كلبي
احس بالفرحه ماعرف لان صارلي فتره
ماشايفه طفل او لازمه طفل
حجيت ويا
ووولك علي حسستني اني ام بدون زواج
انتَ البسمه الي بحياتي
من بعد تعب طويل ..

انفتح الباب رفعت راسي شفته شُعاع هز راسه مستغرب
وسألني
شُعاع :- ليش كاعده مو جنتي نايمه وليش هنا بهذا البرد انتِ ويا كاعدين
نارا :- مو كعد يبجي غسلت اله
ضحك علينا وهز راسه
شُعاع :- تمام
نارا :- طلعت هنا لان مايرضى ينام
باوع بعيوني وعقد حاجبه
شُعاع :- عيونج حمر
رفعت اكتافي
نارا :- عادي
شُعاع:- دخلي جوه الجو بارد مو زين
نارا :- أي، شلت الطفل ودخلت جوه
خليته ع السرير وصفن عليه
دخل ورانه شُعاع التفت عليه واني احجي ويا شُعاع
شُعاع :- ها
نارا :- أذن بأذن الطفل
شُعاع :- هااا !
نارا :- أي شبيك اذن بإذنه هو بعده صغير
شلته من السرير وأخذته اله
مد ايدك لشوف ، هو مد ايده خليت الطفل بحضنه
هو رفعه يم راسه وقرب شفايفه من اذنه
وأذن باذنه
اني ميته فرح ماعرف شبيه الطفل ابتسم
اني ع ابتسامته صرخت
فرحانه
يبوووووووووو
رفع راسه شُعاع مصدوم
شُعاع :- شبيج ولج
نارا :- ضحككككك
ضضضضضحك والله ضحك انتَ من اذنت باذنه هو
الطفل ابتسم
ميته ضحك اني انتبهت ع شُعاع هو هم توسعت
ابتسامته
فتحت عيوني شفت شُعاع عنده غمازه خفيفه بخده
رجعت ابتسم

رجع كام وكف يريد يرجع الطفل
بحضني تقرب حطه بحضني صار وجهة قريب من
وجهي كُلش اني خجلت نزلت راسي
هو ابتعد
شُعاع :- ااحم شنو هذا ما ينام ؟
نارا :- هاا ، لا ما ينام يمكن ما نعسان
شُعاع :- جيد جدا

خليت الطفل ع السرير ورجعت باوعت عليه
صحته شُعاع..
أنتبه عليه
شُعاع :- ها
نارا :- شايف فرحه هذا الطفل
هز راسه بمعنى اي ، استرسلت بكلامي
مثل فرحته بأبسط شي اني راح افرح
هيج من اطلع من هذا المكان ومنك انتَ هيج فرحتي
راح تصير، خلي بالك انتَ اخر شخص
افكر احبه او ارتبط بي
واخر شخص افكر اثق بي
لاتشوف تعاملي وياك هيج بهدوء وما اسوي شي
لاتفكر اني خايفة منك
وكل كلامه عن اهلك و والدك يا ابن المدلل
كلهن ما اصدك بيهن ولا اثق بكل
كلمه تكولها الي
حتى كلامك مايهزني ولا يهز روحي
واني اشوفك حالك من حال البقيه الي يسلكون الشخص بعدين يغدرون بي
وهذا الطفل اني متأكده ورى قصه
حيل جبيره وانتَ تعرفها بس ساكت ما تحجي
الي
شُعاع لا تشوفني غبيه
لان اني مو غبيه فاهم كلامي ..
اني احجي ويا وهو صافن عليه رد ..
شُعاع :- ادري بيج ماتنسين كلام البارحه
نارا :- هاي الفتره الي مريت بيها تدري ٤ مرات متت
والله رجعني للحياه
ماعرف ع ايد منو راح اموت ولا شلون بأي طريقه
اموت ولا اعرف شنو مصيري
فلا اخاف منك ولا اثق بيك ولا خايفه من الموت
علمتني هاي الحياه درس بعمري ما راح انسى
وللموت.
هز راسه رد عليه
شُعاع :- ادري
نارا :- هذول الي مسمين نفسهم الدوله والي مسمين نفسهم مجاهدين وغيرها من أسماء
لا يهمهم شخص قوي
ولا يهمهم كبير أو صغير ولا حتى شي
ماعرف اني ليش باقيه يمك الحد هسه
الف شك يدخل تفكيري وبالي ما انام ابد ٢٤ ساعه بس
افكر التفكير ياخذني شنو الي تريدونه
مني
ماعرف حتى هذا الطفل ليش اني بالذات
بقيتوا يمي
لاتشوفني ساكته لا تستغفلني لا تغدرني ولاشي.
دنك راسه

شُعاع :- انتِ مثل سالفه المنجمون
مرات يصدفون ومرات لا ف كلامج هم نفس الشي نصه
اي يصدف وبالهدف ونصه الثاني لا
نارا :- مايهمني هذا كله ولو تكتلوني انتَ او غيرك
ما يهمني اروح يم الكريم يم ارحم الراحمين
احسن و اهون
من عيشه ويا كلب
شُعاع :- رحم الله والديج سويتيني اني الكلب !
نارا:- اهلااا ..
هو كام متنرفز طلع وركع الباب ورى
رجعت تذكرت كلامه مال البارحه والطفل الي يريده مني
الحقير غميت الباب ورى ..

التفت للطفل اباوع عليه اجته ام العوافي
اجيت عليه فركت صدره ع كيف ورفعته خليته
ع كتفي وادك ع كتفه وافركه ع كيف
حجيت ويا
-يبعد امك فدوه رحتلك هههههه صدقه لك .
ماحسيت الا تقيء عليه
غميت كصتي ورجعت حجيت ويا
- جيرررره بكصه امك ع هاي السالفه
منين هسه اجيب ملابس الي كول منيين
يحظظظي
اباوع ريحه الحليب تخنك يبووووو
رفعته من حضني مسحت حلكه ورجعته للسرير
الحليب كله بحضني
لزمت طرف ثوبي وركضت برى
المشكله ماعندي ملابس
رحت غ غرفه شُعاع الي ينام بيها
ابد ما احب ادخل الها وهي ظلمه هندس عبالك
داخله بنفق
اباوع ملابسه مطشره ع الارضيه
جيررره بكصتك ع هاي العمله غير ترتب الملابس
وراك يحظي

اجيت تقربت ادور بملابسه أنوب ملابسه
مثل ملابسهم كلها سود
سحبت نفس ماعندي الا هذا الحل
اخذت بجامه من مالاته وتشيرت واثنينهن لونهن اسود
بس حيل كبااار
اخذتهن ورحت للحمام اغسل
هستوني ردت البسهن واسمع صوت الطفل يبجي
من الارتباك والخوف عليه لبست الملابس
سريع حتى ما اندليت دربي
ركض ركض لبستهن وطلعت اركض اله
بدون ما انتبه جان تنضرب رجلي بحافه الباب
واصبعي راح بيها
غير شاطت روحي وفرفحت من الالم نزلت عيوني اباوع
ع رجلي اصبعي صار يطلع منه
دم
ما اهتميت وكملت ركضتي للطفل
شلته احاول اسكت بي

لا لاااا حبيبي اسكت شو ماما لاتبجي
فدوه لك اشششش لا تبجي
اهز بي ارفعه احاول اسكته
شنو الي تريده ماما شبيك هسه شربت الممه
مالتك ليش تبجي
اسكت يمعود يا ابو الغيره اسكت ما سكت
بقيت اسوي ويا مثل ما سوه شُعاع وسكته
ارفع بي وانزله وهو
ع عيطه الوحده ما سكت
شسوي هسه شسوي اتذكرت ماما اخويه علي
هم جان يبجي
وشفتها من اخذت زيت زيتون وصارت أدلك بظهره
وهو سكت
زين هسه اني منين اجيب زيت زيتون ماعندي
اخاف ظهره يوجعه ويا ما يبجي
اني ابجي ويا
اصبعي يكت دم و عيوني دموع اباوع حتى ملابسي
لابستهن
بالمقلوب استغفر الله
رحت للمطبخ اكو زيت مال الطبخ أخذته ورجعت
للغرفه
ركضت عليه فكيت الكماط ونزعته الفانيلة
مالته هو صار ازرك من البجي
سوده بوجهي عزه
الطفل راح يروح بيها
ياربي دخيلك
خليت الزيت ع ظهره وصرت أدلك اله ظهره
ع كيف وهو زاد بالبجي واني ابجي
ع بجيه
حيره الطفل ما يحجي ومايكول شنو
الي يوجعه حتى نعالجه
بقيت ادلكه واقرا عليه ساعه كامله يلا
سكت متت الا ما سكت
حتى حلكه يبس سحبته الحضني
حضنته وابوس بي واشم عطره هو مالابس ملابسمن فوك
لان اني نزعتهن اله
خليته بحضني بدون ملابس وسحبت
الغطه غطيته شربته
مي شوي و
خليت ايدي ع راسه وصرت اقرا ع راسه
ع كيف ..

أعوذ بكلمات الله التامة من كل شيطان وهامة ومن كل عين لامة أعوذ بكلمات الله التامات التي لايجاوزهن بر ولا فاجر من شر ماخلق وذرأ وبرأ ومن شر ماينزل من السماء ومايعرج فيها ومن شر ماذرأ في الأرض ومن شر ما يخرج منها ومن شر طوارق الليل والنهار ومن شر كل طارق إلا طارقا يطرق بخير يارحمن

خليت راسه ع كتفي وصرت اهز بي بعد ما كملت
الدعاء هو هدأ وسكت
صرت اهز بي ع كيف واناغي اله وادندن
دلدول يبني يا الولد دللدول عدوك عليل وساكن
الجول يمه دللول
هب الهوى واندكت الباب ترى يايمه
حسبالي خشت احباب يمه
اثاري الهوى والباب جذب يايمه
ع ظلمتي ودموعي تجري
اني واناغي وادندن اله ابجي ودموعي تنزل
كاعده وحاطه الطفل ع كتفي
احس اسمع صوت امي بصوتي من ادندن بهاي
الطريقه
رجعت اهز بي نام يا ابني يا الولد دللول نااام ..
ماحسيت الا انفتح الباب ودخل شُعاع
عيونه حمرررر دم
يباوع عليه واني اباوع عليه حتى انفه احمر
ماحسيت عليه
الا اجه كعد ع السرير بصفي
وحط راسه بحضني بقيت جامده الطفل لازمته اني ع كتفي ساندته
وشعُاع راسه صار ع رجلي بحضني
نفس الحاله ذكرني من خليت راسي بحضن ماما
وهي جانت تنوم بعلي كدامي
مسحت دموعي حتى اركز عليه
فجأة سمعت صوت شُعاع وهو يبجي !!!!
رجف جسمي بصوته وهو يبجي
دائما اسمع الرجال ضعيف من يبجي بس هسه أيقنت
هذا موو ضعف لاااا هذا غير شي يمكن
اشتياق
دموعي نزلت ع صوته شلون يبجي
خليت ايدي ع راسه واني احجي ويا
- شبيك امي شبيك احجي شُعاع ليش تبجي ..
احجي صاير شي ليش هيج
حالتك
شُعاع احجي لا تخبلني
هو مستمر يبجي وصوت الرجال يختلف بحيث
خشن يبجي بخنكه
رفع راسه من حضني باوعت عليه
عيونه بيهن لون ومن بجه صارن حيل حمر
انعصر كلبي بشكله حجه وصوته كله عبره
شُعاع :- نارا
نارا :- هاا كول شنو الي بيك
هز راسه بنفي
شُعاع :- هيج ماكو شي .
عافني وطلع أيقنت هو سامعني واني أدندن ويمكن
اشتاق لأمه هو هم مو بس اني الي
اشتاقيت الماما ..

ذبيت حسره طلعت من كل كلبي
تحركت ونزلت الطفل من كتفي لكيته نايم سوده
عليه
عدلته وردت اكمطه فز كمطته سريع وهزيته
رجع سريع نام
خليته ع السرير غطيته وطلعت
ويا طلعتي دخل شُعاع من برى ماحجيت باوع عليه
وهو الي حجه
شُعاع :- اشم بيج ريحه امي .. اشم بيج حضنهاا
نارا :- شكد كلامه يجرح ويأذي بس احاول ما
ابين اله ولا اتعاطف ويا
سحبت نفس
نارا :- شُعاع لازم نحجي نكعد نسولف لازم
شُعاع :- تمام
نارا :- بس تعال هنا يم الطفل خاف يكعد
ونصي صوتك
هو هز راسه ب اي
دخلنا وكعدنا
سألته..
نارا :- انتَ قاتل واحد عراقي يعني من الحشد او الجيش ..
سكت يباوع بعيوني بعدين هز راسه بلا
رجعت سألته
شلون احجي ؟؟؟
هو سحب نفس وبلش يحجي ..

شُعاع..
بالضبط الساعه ٢:٣٣ دقيقه
صار هجوم حيل قوي وكالوا ضروري انتَ تسوي كمين
بيهم وتقتلهم كلهم
جان بوقتها همَ هم شاكين بيه
رديت عليهم ب أي اسوي الكمين ماعندي اي مشكله
خططت وياهم الخطه المدروسه
وحتى الكمين يتنفذ بصوره
دقيقه وحذره حتى الي يجي من غير
جهة مو من طرفهم يروح بيها ويصيرون بعالم ثاني
نفذنا الكمين نهاية الجانب الأيسر
بس نهاية الجانب حتى من
يجون الحشد كلهم راح يروحون بهذا
الكمين
لان ماعندهم اي علم بي
اني رحت حطيت العبوات بالكاع بس يدوسون
ع الخط المتصل بيهن تنفجر
همَ كالوا نخليها بدون ما تبين
عاد اني رحت وغيرت بدون مايعرفون فريته عليهم
يدون ما ينتبهون
من فريته أول مايروحون اله تنفجر بيهم
اكو واحد بيهم
اثول اني خليت البطل المي ورحت بعيد
هو راح يجيب البطل المي
واني ابتعدت اكثر
هم بقوا يم الكمين ملتهين من شفت هذاك الاثول
راح برجليه للكمين اني عرفت
راح يتفجر بيهم
ابتعدت اكثر واكثر
داس عليها وانفجرت عليهم كلهم حوالي ٩ نفرات
راحوا بيها ...
همَ الباقين يعرفون اني طالع وانفذ الكمين
ولزموني شكو بيه اني السبب
ودخلوني بتعذيبات ماكو مثلها ماكو شي ماسوو بيه
كل شي يخطر ع البال انواع
العقوبات واني احاول افهمهم مو مني السبب
مع العلم اني السبب بس ردت
اوهمم حتى استمر
وهم ما اقتنعوا
بحيث صاروا يجيبون السجينه ويشيلون بلحمي
مثل الي يشرحوا
اكول الهم هو راح للكمين برجليه محد يصدك
ورى اسبوع كامل اني تحت
التعذيب
اخر يوم دخلوا بالنتاله ماخلوا عليه شي وصاروا
يطبقوها عليه
واني اصيح " هوووو الي راااح برجليه مو اني "
إلى أن دخل واحد طلع عايش
بينهم وكال الهم صحيح هو هذاك راح برجليه
للكمين وانفجر يعني مو اني السبب
رجعوا حققوا وياي ليش ما متت وياهم اذا صحيح
ورجعت هم اقنعهم " رحت اشوف المكان من بعيد
حتى انصب الثانيه وما لحكت عليهم "
وقتها يلا فرجوا عني
وكدرت اطلع منهم بسلام بس هم لزموني
بشي ثاني والا اطلع
(قناص) حتى يتأكدون مني ..

ضروري يطلع وياي واحد يوكف ع راسي
من غير الأشخاص الي
ما اعرفها جانوا محاصرين المكان
صارت الوقت وطلبوني اكون القناص بينهم
حتى ترصد الحشد والجيش
اكو واحد بيهم مايعرفني تقرب مني وراح وياي
فوك حتى انفذ امرهم وصار
يحجي وياي
قبل وقت التنفيذ
-أيُها البطل اخبرني ماذا تتكلم وماهي لُغتكَ !

شُعاع :- يُبا أنا أماراتي بحت

- ههههه اذاً انتَ اصلي النسب
شُعاع:- أي يُبا الي تبي انا اتكلم
- اذاً هيا لنذهب إلى القتال

شُعاع:- اا' Let's go fight the enemies

تمدد بمكان عالي وبيده قناص
عيونه كانت تشاهد الكُل وفوق راسي السلاح
من كُل جانب من تحتل التل مُحاصر
لا مهرب سوه الدماء !!!!
سحب نفس ورددت

_ ياعلي ماتجي بواحد منهم
دخيلك ربي ماتصيب واحد من ولدنا ياصاحب
الزمان ماتصيبهم بقيت ارمي بعيد عن
الولد واذا الكه شخص قريب عنهم ارمي
عليه بدون ما ينتبهون
وقتها قتلت ٣ منهم بدون ما يحسون وبدون
مل يتأذى اي شخص من
الحشد
حجيت وياه
شُعاع :- قتلت ٣ منهم
ضحك بصوت عالي
إلى أن سمعت صوته وهو يبعد السلاحه من راسي ..

_ هيا أيُها الابطل لنعود
وكفت واني متجهز للراح اسوي دخيلك
ربي خطوه مُهمه وبنفس الوقت مُهلكه ،رددت
" يا الله " بسرعه وكفتو التفت بقوه سحب سلاحه وضربه بالخماسي ع راسه بقوه ايدي
هو وكع واني كملت عليه
نزلت طلعت السجينه وذبحته

طلعت رجعت الهم ورجعنا سوه ما انتبهوا
الهذا الشخص الي وياي مختفي
من رجعنا حققوا وكلت الهم قتلت ٥ أشخاص
من الطرف الثاني الي يعادوا
بس شنو رجعت الهم حيل فرحان حتى ابين
علامه النصر وهم مايعرفون اني ذابح
منهم
هم من شافوني هيج منتصر فرحوا وياي
سألوني ع الشخص الي وياي
كلت الهم ماعرف وين راح
،رجعوا سألوا حتى يتأكدون واني رجعت وهمتهم
انُ اني ردت يرجع بس هو ما اجه وراي
وهمتهم هو الي ما اجه وياي ورجع
ع اساس ييجي بس ما اجه وهم
صدكوا بيه ..

نارا :- هو يحجي واني صافنه بي مصدومه
هزيت راسي
"شُعاع ليش اني ما اصدك بيك ؟؟؟؟
سحب نفس ورد عليه
متحسر
شُعاع :- طبيعي الي عشتي مايخليج تثقين لا بيه
ولا بأي شخص .
ابتلعت ريقي
نارا :- شُعاع
سحب نفس ورد عليه

شُعاع :- ها سنابيلي الجميلة

نارا :- بعدني ما صفنت بكلامه وفز الطفل يبجي
،،ركضت عليه اسكت بي
اششش حبيبي سور سليمان يحفظك يبعد روحي
اشش ماما لاتبجي
شُعاع صافن عليه واني اسكت بالطفل
،رجعت اصلي ع النبي واسكت بي
ماحسيت الا شُعاع صاح
شُعاع :- ولج هاي ششنو
نارا :- ها شكو شنو
شُعاع :- هاي ملابسي لابستهن
نارا :- نزلت عيوني ع الملابس ساكته
هو ابتسم
شُعاع :- حتى لابستهن بالمقلوب شنو هاي
نارا :- أي شسوي الطفل بجه وتقيء عليه
ماعندي ملابس ومالحكت البس عدل بسببه
نزل نظره الرجلي
شُعاع :- وهذا اصبعج شششبي ليش هيج بي دم !!!
نارا :- هاي من ركضت عليه انضربت
بدون ما انتبه
هز راسه وتحسر
شُعاع :- شلون بيج انتِ غير اديرين بالج
يا بابا
هزيت راسي وضحكت
نارا :- ااااي صدُك بابا لازم أدير بالي منك انتَ هم
صاح بيه بعصبيه
شُعاع :- ااااهووووو انتِ كوم مال عنااااد شبيج
انتِ شبييييج
نارا :- لاااا تعلي صوتك علييييه لك
شُعاع :- ولجلااااجه
نارا :- خااااب شوووف هسه اشيل الطفل واركعك
بي كتلك لا تصييح عليه صوووتك ما اسسسمعه
شُعاع :- اي مو هوَ ريمونت حتى انصي
نارا :- شُعااااع ايييييع صووووتك نصصصي
يقزززني
شُعاع :- خووووش راح اسسسكت
نارا :- ااااي تسوي فضل اااطلع
اباوع عليه كام وكف يريد يطلع شو هذا
تقرب مني نزل راسه بأذني وصاح بصوت عالي
شُعاع :- صصصصصكييييطه
نارا :- عافني وطلع مثل الطلقه اني صحت ورى
وممممررررررض زرفت اذني
زززززرفت شبيييييك
بقيت الوحدي يم الطفل ..

::-( الحجي بينه بنات نينا فد وحده كزابه ع كولت
شُعاع عياره
انزل الجن صوته فد يوم ع الانستا وانتن احكمن هههههههههههه )

فات اليوم كامل وشُعاع ماكو واني بقيت
ويا الطفل الوحدنا ورى وين دخل شُعاع
للبيت ركض بدون ما اشوفه
ودخل للحمام
طلعت انتظره لان احس اكو شي
هو طلع جان ضام اديه
سديت عيوني بشك وحجيت ويا
نارا :- شُعاع شنو مسوي ؟؟ شو انطيني ملابسك
شُعاع :- لا عوفيهن
نارا :- انطيني ملابسك شُعاع شبيك وين جنت انتَ
شُعاع :- والله ماااكو شي شبيج صدكي
وحق علي ماكو شي
نارا :- زين اريد احاجيك تعال ، شو انصدمت بي
وبرده الفعل مالته
ملابسه بأيد وحده وحاطهن ورى ظهره
مايريدني اشوفهن
طلع برى ع اساس يشرهن
ورجع
نارا :- ها شُعاع وين شريت ملابسك ؟؟
شُعاع :- هاا ذبيتهن
نارا :- ليش ذبيتهن؟
شُعاع :- قديمات صايرات وذبيتهن شسوي بيهن
نارا :- رفعت حاجبي ما مصدكته هو صاح
شُعاع :- شبيج انتِ شكد ادققين

نارا :- شُعااااع انتَ عميل سري ؟؟؟
شُعاع :- لاا والله ولا ضابط ولا عميل
نارا :- وين اداوم انتَ ليش مخليك هنا ابوك وين يداوم
شُعاع :- ابوي بالدوله
نارا :- يادوله ؟؟
شُعاع :- الدوله العراقيه يابه
نارا :- يعني شنو منصبك
شُعاع :- اذا تقصدين ابوي ف هوَ مسؤول بالدوله
نارا :- صفنت مصدومه ، زين وانتَ ؟؟؟
شو هذا غمز الي ورد عليه
شُعاع :- بعدين تعرفين صَفاوتي

نارا :- زين همَ يكدرون يقتلون ابوك ؟
شُعاع :- لا ما يكدرون بس كلت الج يمكن
توقف كلبه بسببي من بعد ما بلغوا خبر استشهادي
نارا :- ياااا
شُعاع :- اي والله صدك اكول
نارا :- شنو ؟
شُعاع :- سمعت الحشد راح يقصف داع١١
نارا :- صرخت فرحانه صصصصصدُك !!!
شُعاع:- اي والله الحمدلله غير انتِ ثوله احنه عايشين
وياهم متدرين ننقصف لوولا
ضحكت
نارا :- أي عادي نموت ع ايدهم عادي
شُعاع:- شبيج انتِ اني اكلج اريد ادور منفذ
حتى نطلع من هذا المكان وهي شوف
شتكول
نارا :- ها نطلع
شُعاع :- اي يحظي شبيج اكو شي خايس بعقلج
مايخليج تفكيرن عدل
نارا :- سكتت مارديت عليه

شُعاع :- اكلج تجين نطلع شوي
نارا :- وين خاف يلزمونه
شُعاع :- لا شيلزمون مو دكوا الأسماء مالتنا بالحاسبة
بس بعدهم مراقبينا وممكن يغدرون بينه
نارا :- هاااا صدُك
شُعاع:- اي يابه وانكتل وتنكتلين
نارا :- يااااا بعد المن طالعين خلينا هنااا نبقى
هو ضحك بصوت عالي
شُعاع :- تعالي خلي نطلع دنيا الليل الجو
برى حلو نمشي شويه
نارا :- هاا اذا هيج ماشي
رحت اخذت الطفل وحظرت الي عندي ممه وحليب ومي
خاف يبجي ويحتاج ممه ما اضمنه
وطلعنا

صعدت السياره بس اول ما صعدت نفسي
قلبت هل مره ريحتهاااا ححححيل تلعب
النفس مقرفه إلى
درجه مو طبيعيه
لعبت روحي بس ماحجيت اباوع ع شُعاع حتى
هوَ هل مره كاشه نفسه وملامح وجهة
معفوسه
فتحت الجامه وطلعت الجنطه
حتى اسوي ممه
طلعت الحليب ردت اسوي ممه للطفل
فتحت خليت المي
حجيت ويا
نارا :- شُعااااع الريحه مال السياره تخنك
التفت عليه من مارد اباوع وجهة ااااصفر
شبيك شُعاع؟؟؟؟
شُعاع :- مابيه وصوتج ما اريد اسمعه
نارا :- خااب دمشي فوك ما اسأل عليك
التفت اريد اسوي الممه وما احس الا شخط السياره
سرعه وكفها
حتى المي وكع من ايدي
وتبدى عليه و ع الطفل صحت بصوت عالي
شششبيك شُعاع ماتشششوف جان سويت حادث ،
مارد عليه ونزل من السياره يركض
انصدمت بي خليت الطفل بالسياره
ونزلت ورى اركض
اباوع عليه صار يتقيء
خليت ايدي ورى ظهره وبكل قوه ضربته ع ظهره
مثل ما هو يضربني وايده ثكيله
اني ضربته قرب رقبته بكل قوتي
صاح بيه
شُعاع :- لج ووووخري
نارا :- اني الضحكه خنكتني ، شبيك ع كيفك
نزعت النقاب ومسحت بي وجهة
هو ااااصفر
ركضت للسياره جبت مي واجيت عليه
غسلت وجهة

ماحسينا الا سياره طبكت يمنه
ونزلوا منها
وهم شايلين سلاحهم شُعاع جان منزل راسه
ماعرفوا عبالهم غير واحد
حطوا السلاح براسه
يصيحون
- مااااذا تفعلون هنااااا
اني خفت الصراحه كلت هاهي رحنا بيها
شُعاع منزل راسه يكح ورايحه روحه
واصفر بالكوه يجر النفس
واني بدون نقاب صاروا يصيحون
- ماااااهذاااا استري نفسك يا امرأة
رفع راسه شُعاع من شافوا فتحو عيونهم ونزلوا سلاحهم
- اباا العاصم هذا انتَ ماذا تفعل هنا
ومن هذه الفتاة
رد عليهم شُعاع
شُعاع :- لقد تناولت الطعام ولا أعلم ماذا حدث إلى
معدتي
التفت عليه وصاح بيه
اااركبي إلى السياررره يابنت ألم ترين المجاهديين
اذهبي هييييا
نارا :- اني طفرت سريع وصعدت بالسياره وهو
بقى يحجي وياهم لكيت الطفل ناط
من البجي
بقيت اهز بي الا ان سكت
اجه شُعاع ورى شويه صعد شغل السياره ومشى

ورى شوي التفت الي يحجي
شُعاع :- اكو مطي هيج يضرب ع الظهر؟؟؟
باوعت عليه
نارا :- شُعاع ترى انتَ أطول مني ما الوحك
بعدين ارتبكت وضربتك هيج
هوو هز ايده
شُعاع:- هاي عود انتِ دكتوره وهيج
نارا :- يمعود يادكتوره ترى اني مرحله ثانيه خلصتها
واخذوني يعني بعد سنين دراسه يلا
اصير دكتوره
يعني شعرف اني يلا بالبداية
شُعاع :- يلا اسكتي
نارا :- لا تعلي صوتك عليه
شُعاع :- ايييييبااااخ تعالي بعد اخذيلج كف ارتاحي
نارا :- أي اضرررب ليش لا
شُعاع :- عبالك اخوي مصطفى وكاعد يمي مو نارا
لج شنو هاي القوه الي عندج
نارا :- اهووو هسه شسويت
شُعاع :- كصري حسج يامره ولا تتمايلين عليه
بالكلام
نارا :- سكتت وصلنا للبيت نزلنا
ورحت نومت الطفل سريع لان تعب
واني هم غفيت ويا من التعب ..

فزيت ع صوت الطفل يبجي كمت اريد
اسوي اله الممه
وما احس الا البيت انرررررج رجه حححيل قووويه
سريع ركضت الغرفه شُعاع اريد
اشوف وينه لكيت ماااااكو
احس رجليه بادت والحيل راح مني
الطفل بيدي واني بقيت اقرا آيات واصلي ع محمد
وشُعاع ماااكو مختفي
طلعت برى بالحوش اخاف لا البيت
يوكف فوك راسنه وما احس
الا صااارت هززه اقووووه من القبلهاااا وصوت
طبه حيل قويه والجو صااار عباره
عن تراب ماعرف دخان ماينشاف
صرخت بصوت عالي ، ددددددخيلك رررربي
شصصصصصاير

ماحسيت الا الباب اندفر ودخل شُعاع يصيح
شُعاع :- نااااارررراااا سريع البسي
خلي نطلع سريع
نارا :- شششكو شُعاع شصاير
شُعاع :- صاار قصف يلا سرررريع البسي خلي
نطلع من هذا المكاااان
نارا :- شهكت ابجي انطيته الطفل وركضت
جوه حتى البس
هو اجه ورايه يصيح
شُعاع :- يلاااا بسرعه
نارا :- هاك هاي مالات الطفل
انطيته الغراض ولبست سريع سريع اخذت الطفل
منه وهو لزم الأغراض وطلعنا نركض
ركض ماصاير
شُعاع كدامي يمشي يخلي الأغراض
بالسياره واني امشي ورى اريد
الحك عليه
ماحسيت الا صار صوت
حيل قوي والبيت الي طلعت منه هستوني
انقصف صرررخت مفزوعه ماحسيت
الا الطفل طاار من اديه واني انشاليت
من ارضي ونشمرت
بغير مكان ..
" مثل طلعه روح بلا اهل حزني يشبه كل رصيف
تبيعه خطوات الدرب "

رُبَما غدًا او بعدَ غَد
رُبَما بَعد سنين لا تُعَد
رُبَما ذاتَ مَساءٍ نَلتَقي
في طَريقٍ عابرٍ من غَيرِ قَصد.
اااااخ هيج و
نتلاگة واضمك
بالمكان الميت بدونك
نتلاگة وتدمع عيني وعيونك
يتبع ..

التووووقعاااااات بسسسسساع ..