الربتج " حالك الاسوداد " الفصل التاسع عشر 19 - بقلم رهف علي

مُرهق لِدرجه أنَ كُل عَظمة
في جسَدي تَقول للاخرى :
لا تتكئي عليَ .

لاتنسسون التصويت ضروري
والتعليقات الطيفه مَثلُكم بين الفقرات قلبي

لو كان القرار في يدكَ
أيهما تختار
الحقد أم المسامحة؟"

-السلام عليكم
ا-Life has difficulties in living, and if you do not have the ability to bear the hardships, you cannot live in this life
(الحياة فيها صعوبات في العيش، وإذا لم تكن لديك القدرة على تحمل الصعوبات، فلن تتمكن من العيش في هذه الحياة)
- ناااارا شنو ااسوي ؟؟؟
- اشش خليك بالسياره واني راح أدبر الأمر
- يعني اثق بيج ؟؟
- اخذ ثارهم واحد واحد كُلهم ماتوا كُلهم استشهدوا
- ناارا لا تتصرفين تصرف غبي
- ثق بيه
- اثق ب بنت علي ؟
- ثق بيه ، خليك ورى ، معليك انتَ
تقدمت خطوه للكدام والسجينه تحت عباتي
نزلت بهلع اكو احد ديلحكني ، شنووووو
هذيج السياره مالته
اول ما التفت الي صار بوجهي
خليت السجينه ببطنه وصعدت ركض للسياره
اتنفس بقوه
وهلع
صاح بصوت عالي
- ووووووووولج ابوووووس دييينج اااااانااااا ..
- يلاااا يلااا تحرك بسُررررعه ..

" لن أنسى تلك اليله التي قضيتها في فراشي
كجثه هامده ، قد انسى كُل شي لكن اتذكر
بوضوح
ذلك الشعور الذي نهش جوفي
اتذكر مرارته بشده كبيره .."

كحيت واني احس بالخنكه التراب
احسه دخل الصدري
انفي انمله بالتراب حتى النفس ما اكدر اتنفس
طبيعي
رفعت راسي ماكدرت ارفعه رجعت
التفتت للجهة الثانيه اباوع البيت
مهدوم وصاير تراب مخسوف للارض
اباوع اني مشموره المكان بعيد شوي عن البيت
صرت اغمض وافتح عيوني بالكوه
ماكدر احس جسمي
عبالك سياره فوكه ماشيه بقيت فتره استوعب الي صار
واحرك بجسمي
اتذكرت شُعاع يااااا الله شُعاع وووووووين !!!!
بس لا استشهدددددد
زين الطفل علي ووووووووينه !!!! جان بأيدي
وين راح
هو ويا شُعاع اثنينهم مو يمي وين راحوا ياربي

حاولت اكوم بس ماكدرت احس جسمي
مكسر تكسر
حسيت بأيد انمدت الي رفعت راسي صار ضوء
حيل قوي بعيوني ماكدر اشوف اي شي
بس ضوء قوي
دنكت راسي وغمضت عيوني من شده قوته
ماحسيت الا الصوت صار بترس اذني
- هيا ابنه علي
بحيث حسيت جسمي انرفع من وحده عن الارضيه
وكفت ع طولي بحيث بقيت
مامستوعبه اباوع التفت بكل الجهات
اليمنه واليسره البيوت كلها مهدومه واكعه من
القصف
التفتت للكدام صارت عيوني ع سياره شُعاع
اباوع عليها عبارع عن تراب صااايره
رجعت اباوع واني عاقده حاجبي كل شي حواليه
صاير تراب
دنكت اشوف التراب الي جوايه
" هُنالك شي ما يحدث في هذا العالم على
الدوام هُنالك ما يموت واخر يولد ،
هُنالك فراق وللقاء في الوقت نفسه ،ذلك يعني انهُ يستحيل علينا أن نحزن
إلى الأبد " ...

رجعت احجي بخوف وقلق ..
نارا :- وين اني
اجاني صوت ماعرف من وين مصدره
- اكملي مسيره حياتك
فزيت مرعوبه من الصوت الي صار بأذني
كعدت ع التراب من الفزه والخوف
رجع اجاني الصوت يحجي ..
- أليس انتِ ابنتِ ، وأبنتِ قويه
نارا :- هزيت راسي خايفه ششششنو الي ديصير
منو اني وشنو الي ديصير هسه
وهذا الصصصصوت ! زين زين شُعااااع وينه
صرت احجي ويا مصدر الصوت واني ماعرف وينه
اكو اكو ولد اسمه شُعاع ووووينه ؟ استشهههدددد !!!
ووووينه ...
ا-Find someone you love to find your heart
نارا :- رجعت وكفت بكل حيلي ع رجليه
احس جسمي مطحون طحن بالكوه وكفت اسمع شخص
يحجي بأذني
" ابنه علي انا معك قومي "
صرت اصيح ماااااا اشششوف ماااا اشووووف
ماكدررررررر
احسس الضوء اجه بوجهي حيل قوي
عمى عيني ماكدر حتى اشوف كدامي
من الرهبه الي عشتها حسيت نفسي اني بغير عالم
وكل الي يمي من وحي
الخيال
الصوت هذا يتردد براسي والضوء حيل قوي
،رجعت اصيح
ممممممنوووو اااانتَ !!!!!! منووووو
مايجااوبني
بجيت بقله حيله وماعرف شنو اسوي
صحت ، ااااني وووين ؟؟؟
رد عليه
- تحت رحمه الخالق
كلبي اهتز من الرهبه شعور اجتاحني حيل قوووي
حسيت بظلمه مخيفة رجف كلبي
صحت بخوف
نارا :- ليشش الدنيا ظلام ليشش ماكو
ضوء ليشش ماكو نوور
اهتز جسمي من رجع الصوت بس بعيد
- افتحي عيناك ..

صرخت منهااااره
نارا :- ااااني فاتحتهههههن فاتحتتتهننننن
،رغم اصيح اني فاتحه عيوني بس طلعت صحيح
سادتهن فتحتهن سريع وشهكت بكل
حيلي
ااباوع بحضني طفل عينه طالعه وهو جسمه بحضني
ص

رخت مفزوعه حسيت صار شي
ظلام ع عيوني وصوت رجع بأذني
- ااانهضي
خليت اديه ع راسي وصرخت بهلع خايفه
اششششششش كافي اششششش
حسيت جسمي اهتزززز وكأن شخص
مشاني اني احس بجسمي يمشي بس مغمضه عيوني
ما مفتحتهن خااايفة من
الي ديصير
رجع صار صوت بأذني
- ااانقذي عبد من عباد الله

فتحت عيوني ع وسعهن تذكرت شُعاع ياااربي
دخيييلك شُعاع ووووينه
صرت ادور عليه وهنااااااااك لكيت جسد واكع
متمدد والدم مالي الارضيه شهكت
شهكه طالعه من أعماق كلبي وصرخت بألم
لااااااااااااااا شُشششششعاع ...
ركضت عليه اركض واني ارجف وصلت اله
اباوع وجهة مليان دم وكُله تراب
كعدت يمه نزلت راسي همست اله برجفه
نارا :- شُعاع انتَ ما ميت صحيح ؟؟؟
اباوع عليه مايتحرك عيوني وكفت حتى بعد ماكدر ارمش
صرت اهز براسي بقوه
نزلت ايدي ع رقبته اريد اقيس
النبض مالته
شهكتتت بصوت عالي
نارا:- مااااااكو نبض ماااااااكوووو
رفعت راسي للسماء ابجي واشهك هزيت راسي
يااااارب هذا اختباااااارررررر اللهي هذا اختبااار .
سديت ايدي بقوه
وضربت صدره ع مكان كلبه بكل قووووتي
اصيح
لك شُششششششعااااااع اكعد لاااااتمووووت
الله يخليك لا تموووت والله اني اموت
ويااااك
اكعددددد شُعاع اكعد

اضرب ع صدره وماكو لانفس ولا حتى رمش عين يتحرك
رجعت اضرب واصيح
ياااارب اخذذذته حتى هووو يااااربي
اللهي هذااا القربببباااان؟؟؟
رجع صار صوت بأذني حيل قوي ..
- اتكفرين في الله !!!
دنكت راسي اشهك هزيته بقوه ونفي
نارا :- لاااا مُستحيييل ما اكفر بالله
رجع اجاني صوت امرأة بأذني بقيت جامده بمكاني
- صبرتي ك مولاتي زينب لماذا تُعاتبين من نفخ
الروح في الجسد من حارب من أجل الدين !.
نارا :- بقيت مثل المجنونه كل الي ديصير
احسه حلللم مو حقيقه وكل هذا احس نفسي عايشه
بغير عالم عالم يختلف
ضحكت والحسره بكلبي
يعني شُعاع استشهددد !!!!
بقيت اصيح ييييييعني استشششهد ششششُعاااااع
لا ياااربي لاااا
اتخبلت واني اباوع الدم بكُل مكان
احس فعلاً صرت بدون عقل ويا كل الي صار وياي

مسستحيل يموووت لا مايموووت
رجعت رفعت نفسي وسديت اديه خليتهن
ع كلبه وصرت اضغط عليه اسوي القلبه انعاش
اريد بس يرجع
يدك
ماكو مايفيد
صرخت بصوت عالي واني أسد ايدي مره
ثانيه واضربه كل قوتي ع كلبه
نارا :- للللللك شُعاع اكعدددددد لاااااا تموووووووت
ويا ضربه ايدي ع صدره
هو صار يكح كأن شخص يسحب انفاسه الاخيره ..
شهكت بكل قوتي ونمت ع صدره ابجي
بصراخ
شهكت بألم حجيت ويا واني ابجي
- شُعاع اذا جان هذا يومك وراح تموت ف هنيئاً لك الشهاده
صار يشخر شخره الموت انفزعت واني اشوفه
يتنفس انفاسه الاخيره واسمع
صوت الموت بانفاسه
نزلت راسي وصرت اردد بأذنه الشهاده وأهمس
اله برجفه
نارا :- شُعاع اتشاهد شُعاع اتشاهددد
رجعت اردد بأذنه ..
اللّهُمَّ إِنْ حالَ بَيْنِي وَبَيْنَهُ المَوْتُ الَّذِي جَعَلْتَهُ عَلى عِبادِكَ حَتْماً مَقْضِيّاً فَأخْرِجْنِي مِنْ قَبْرِي مُؤْتَزِراً كَفَنِي شاهِراً سَيْفِي مُجَرِّداً قَناتِي مُلَبِّياً دَعْوَةَ الدَّاعِي فِي الحاضِرِ وَالبادِي..

هناك وسمعت صوته الشُعاع بالكوه ينطق الشهاده
صرخت ارجف يعني راح يموت
يعني راح يروح من بين اديه صرت مخبله
اصيح عليه
نارا :- لاااا شُعاع لاااا تموت الله يخليك لا تعوفني
الوحدددي
صرت افرك بصدره
لاااا الله يخليك شُعاع لاتروح دخيلك يااااعلي
لاااا لااااا لااااا تمووووت
رفعت راسه وخليته بحضني وهو ينزف
دم
هزيت راسي متهستره اشوفه يموت بأيدي
ماحسيت الا صااار قصف ثاني
والصوت الدوي مالته حيييل عالي
صرخت بكككل صوتي واني احتمي بشُعاع وهو راسه
بحضني
اصرخ خايفة

رفعت راسي بعد فتره اباوع الناس صارت
تطلع تركض ماعرف من وين
تطلع من اي مكان وين جانوا ماعرف
بس كل الي اشوفه كدامي يركضوون بشكل عشوائي
من القصف
واني باقيه بمكاني اني وشُعاع
ماكو احد اجه علينا او ساعدنا
اباوع ع راسي ماكو اي حجاب وبصفي شفت الحجاب مالتي
جوه الانقاض سحبته بقوه حتى بي
تمزق خليته ع راسي واني ابجي
رجعت كعدت يم شُعاع وخليت راسه بحضني
كأن ماكو امل حتى نعيش من جديد
صرت احس بجسم شُعاع صار ثقيل
بحضني وجهة
صار يصير اصفررر
خليت ايدي ع كلبه النبض مالته ححيييل ضعيف
حسيت روحي راحت
هناك وتذكرررت علي ااااالطفل نزلت شُعاع من
حضني وركضت ادور عليه
بالمكان الي انشمر من ايدي
صرت مخبله ادور هنا وهنا وابجي بهسترررريه
إلى أن لكيت الطفل
مشمور بمكان وكله دم وتراب اساسًا شكله
كأن ميت
ركضت عليه شلته وضميته الكلبي مابي
اي نفس
ورجعت بي الشُعاع
خليت الطفل بحضني ورفعت راس
شُعاع خليته هم بحضني
والطفل كله دم بقيت فاتحه عيوني اباوع عليهم
اثنينهم كدامي بدون روح ...

بقينا بس احنه بهاي المنطقه اني وشُعاع والطفل
الطفل علي ميت بحضني
وشُعاع ع رجلي الثانيه حاطه راسه
صارت الدنيا لليل واحنه بنفس مكانه ما متحركين
حتى رجليه احس صار بيهن
شلل
الجوه صار دااااامس ومُرعب بشكل مُخيف
الطفل علي ميت بحضني
وشُعاع ماعرف إذا راح يموت او لا هو هم حيل
تعبان
بقيت صافنه ع علي شلون نايم مثل
الملاك ومغمض عيونه وهو بحضني جسد بدون
روح
رفعت ايدي وصرت امسح بوجهة انظفه من
التراب والدم
مر الوقت والطفل صار ينتفخ وازرك مر عليه وقت
وساعات طويله وهو ميت
ماكعد ولا فتح عيونه
دفعت شُعاع ع كيف من حضني وأخذت الطفل
شلته ع كلبي
ادور اله مكان اخلي بي
دورت الى ان لكيت مكان
نزلت خليته ع الارضيه
وبأثنين اديه صرت
احفر اله قبر صغير ع كده بقيت احفر واحفر
هووواي حفرت بأيدي بحيث ماعدت
احس بأديه
إلى أن صارت الحفره عميقة
سحبت النفس لفيت الطفل بالقطعه الي عليه
وخليته بالقبر
بقيت اباوع عليه اخر مره بعدها خليت التراب
فوك جسمه الملاك ..
شهكت بقهر واني اباوع جسمه صار
جوه التراب وهو طفل بدون ذنب
طفل بريء صار جوه
التراب ...

رجعت الشُعاع كعدت يمه وخليته بحضني
نزلت عيوني عليه وجهة ديصير
ازرك شوي شوي
صفنت عليه وحجيت بهمس كأن خايفة
افززه ..
نارا :- انتَ هم ناوي تعوفني وتخليني ادفنك
جوه التراب ؟ بس فهمني شنو
يصير بحالي ..
سحبت راسه اكثر الحضني امسح بوجهة واحجي
ويا
هااا هم ادفنك ياروح بنت علي ؟ هم انتَ
صعدت روحك للسماء يابعد كل جرح
بجسمي يابعد كل تعب الي بجسمي
وكل ألم بكلبي
يابعد صدمات حياتي الي عشتهن كول هم ادفنك
بأيدي انتَ هم ؟؟
رجع صار صوت بأذني قوي
- اكملي مسيرتكِ وابتعدي ..
هذا الصوت بقى يتردد براسي شلون اكوم واتركه
ماكدر اعوفه واروح
رجع تكرر الصوت براسي يحثني حتى اكوم
واكمل مسيرتي الوحدي
سحبت نفس كأن مُسيره مو بأيدي
بعدت شُعاع عن رجلي وكمت وكفت
صرت اباوع ع البيوت الي يمي
كُلها مهدومه واكو ناس يمكن جواهااا مثلنا
ومثل حالنا
اباوع بغير مكان اكو جثث
مرميه ع الارض رغم ظلام الليل بس مبين
جسد الانسان
رجعت باوعت ع شُعاع اخر مره التفتت
تركته ورى ظهري ومشيت .

مشيت خطوات واني كُلي ألم وخيبه
حسيت صار ضوء حححيل قوي بعيوني من شده
الضوء سديت عيوني غمضت
ماكدر افتحهن
حاولت افتح بس ماكدرت
بقيت واكفه بمكاني
ورى شويه كدرت افتحهن بس مالكيت اي شي
كدامي
مااااكو اي شخص كدامي من وين اجه
هذا النور القوي ماعررررف
تمشيت خطوات قليله
لكيت بطل مال المي موجود
كعدت ع الارض احس رجليه بعد ما تعيني حتى اوكف
زحفت بالكوه إلى أن وصلت للبطل
مال المي
أخذته بأيدي
صفنت عليه بي مي ماعرف بس حسيت
صار بجسمي قوه
وكفت ع طولي ورحت ركض
الشُعاع رجعت اله اررركض واتنفس بقوه

وصلت عند شُعاع كعدت يمه ارجف شمرت مي
ع وجهة وغسلت وجهة من
نفس هذا البطل الي لكيته
متروس مي
خليته بصفي وصرت ارجع اسوي اله انعاش
واضغط ع صدره حتى
يرجع يكعد
صحت بصوت عالي
شششششششُعاااااع اااااكعد اررررجع..
رجعت اسوي انعاش واصرخ اجاني صوته
التعبانه
شُعاع:- بنت علي ..
صرخت فازه ما مصدكه
رجع كعد
نارا :- ياااااا الله يا ابو فااااضل ددددخيل اسسسسمك
ياااااعلي
اباوع عليه ابتسم الي بالكوه
و صار يكح مختنك رفعته من كتفه بالكوه
جسمه حيل ثقيل
واكتافه عريضه حاولت اسنده
بيه وما بيه من حيل حاولت ارفعه
نارا :- شُعااااع ساعدني الله يخليك ارفع نفسك
يلا عيوني ارفع نفسك
رفعته بالكوه وهو ساعدني بس شوي
صار كاعد بس ظهره مستند ع رجلي
يكح ومختنك
نارا :- اخذ نفس ع كيفك فدوه لك ع كيفك ..
شُعاع :- ما احس بجسمي
احس نهبطت من كال ما احس بجسمي
اجه بالي يمكن تضرر وصار بي شلل
رجعت رديت عليه بهلع
نارا :- اششش اسكت مابيك شي أهدأ
شُعاع هسه راح تمشي ع رجليك
ماكو شي عيوني
هو هم سكت ماحجه شي لان حيل تعبان
بقينا ساكتين ماحجينه
هو ساند ظهره ع رجلي واني كاعده وصافنه
احس روحي بغير عالم
وكل الي صار بينا مثل الفلم الرعب حرفياً

بقينا كاعدين الا ان يقوه وترد اله شويه
من صحته
إلى أن صارت الساعه ٤ الفجر
واحنه ع نفس المكان ما متحركين
شُعاع مغمض عيونه مابي حيل واني طكيت من البجي
صرت اشهك بسكوت حتى ما يحس
بيه
دموعي صارت تنزل بقله حيلة
ذكرياتي صارت ترجع الي واني وين صرت هسه
سمعت صوت شُعاع طلعني من نوبه البكاء
الي صارت بيه اباوع عليه
مغمض ويحجي بالكوه
شُعاع:- عطشان عطشان..
هزيت راسي امسح دموعي واني ارد عليه
نارا :- يابعد در حليب امي هسه
التفتت اريد اشوف البطل الي غسلت اله منه
لكيته بصفي بس العجيب بالموضوع انُ
المي كأن هوَ ما ماخذه منه سبحانك ربي
رفعت البطل وفتحته شميت بي ريحه حيل طيبه
بحيث غمضت عيوني واستنشقتها
قربت البطل من شفايفه وصار يشرب
ع كيفة قطره قطره
بس جان حيل عطشان
خلص بعدت البطل عنه ورجعت سديته
هو رجع غمض عيونه
سحبت نفس بقهر واني اهمس اله بخوف
نارا :- ليكون هاي انفاسك الاخيره يا شُعااااع؟؟؟
خلي نطلع من الموصل سويه الله يخليك
دنكت راسي
مقهوره ااااخ يااااربي شنو نشوف بعد اكثر من هيج
هاي احنه هسه بنص الموت
ومحد يعرف بينه
اباوع ع شُعاع راسه وكع من رجلي ع رجلي
الثانيه صار جثه هامده بحضني
عرفت وقتها روحه غادرت جسمه
واستشهد ..

رفعت راسي اششهك بالبجي
نارا :- دخييلك ربي دخخخخيل النبي لااااتكسر ظهري
هاي الكسررره بس هو باقي الي
لاا يموت والله ماا اتحمل
لااا تاخذ روحه يارب ساعددددني
اترجااااك ..
ماحسيت الا شخص صار يمشي باتجاهي
التفتت اباوع عليها مرأة
ماعرف ليش حسيت بأحساس مُختلف
اجتي من بعيد وكعد يمي
هزيت راسي واني احاول اعرف هاي منو
حجيت وياها واني ارجف
نارا :- ااااانتِ منوووووو ؟؟؟؟؟
ماجاوبتني رفعت عيني عليها اريد اعرفها منو
هاي حسيت نفسي صرت اهلوس
وماعرف شنو ديصير وياي
،رجعت حجيت وياهااا
ااااانتِ منووووووو ؟؟؟؟
ردت عليه والصوت صار بترس اذني
( اسندي ظهرك بحق امي الزهراء )
جمدت بمكاني من قوه الكلمه الي سمعتها
احس روحي صارت تفرفح
معقوله الي سمعته ياااااارب دخيلك
بعدها ماحسيت بنفسي الا واني مغمي عليه ...
صحيت ورى فتره فتحت عيوني
وما اشوف الا شُعاع بوجهي يباوع
عليه ومبتسم ..

فزيت بهلع مصدومه ششششنو الي صاااار
اخر شي شُعاع ماااات بين اددددديه
والمرأة الي حجت ويييياييي شنو يصيررررر
رفعت راسي الشُعاع مصدومه
اباوع عليه ساند نفسه بالطابوكه
واني سانده نفسي عليه
صحت بصوت مهزوز وخااايفة
نارا :- شنوووو ااااالي صااااار هناااااا
رد عليه وهو مبتسم
شُعاع :- انتِ اقوه بنت اشوفها بحياتي
الي صار معجزه
بعدت نفسي عنه بسرعه
مصدومه اصيح
نارا :- وووووينهاااا اكو وحده جاااانت هناااا
وين رااااحت
هو رجع ابتسم بوجهي بتعب
رد عليه
شُعاع :- نارا اني جنت بعالم ثاني شلون وكفوا
الكل وياج
نارا :- هزيت راسي مصدومه ومبهوت وجهي
كمت وكفت ادور ع البطل مال المي والقبله
ماعرف وين رفعت راسي للسماء ورجعت
سجدت ع الارض ابجي
التراب دخل حلكي واني منا حلكي يابس
صرت اردد
الحمدلله يا الله لك الحمد ع ما اصبتني
لك الحمد ع ما عشته لك الحمد ع نعمتك
لك الحمد استجابتك إلى الدعاء
ابجي واحمد الله ع كل شي صار بيه

رفعت راسي اباوع ع شُعاع مهدود حيلة
باوع عليه هز راسه بهدوء
وسألني بس سؤاله
كسر ظهري
شُعاع:- نارا ، علي وين ؟؟
باوعت عليه وعيوني ماتحركت من عيونه
همست اله
نارا :- دفنته ..
فتح عيونه مصدوم من كلمتي
شُعاع :- دفنتي !!!
نزلت راسي ماكدر احجي اكثر بالموضوع
حيل يأذيني
سحبت نفس ورجعت رفعت راسي
اباوع عليه
نارا :- تكوم ؟ حتى نروح من هذا المكان
لان مانكدر نبقى هنا
تكدر تكوم انتَ ؟
هو هز راسه ب اي
شُعاع:- اي تعاالي سنديني
نارا :- رحت يمه بالأول غسلت وجهة من المي
الي بالبطل
شُعاع:- غسلي وجهج بالمي هذا
نارا :- لا ما اريد ،
ماعرف ليش ما غسلت من هذا المي
بس جنت حابه اضمه الي
بالكوه رفعته مابي حيل يكوم ابد
نارا :- عفية شُعاع ساعدني حتى اكدر ارفعك
شُعاع:- اي باابا بس عينيني ..
نارا :- لزمته من ايده وبالكوه رفعته وهو سانده نفسه
عليه بحيث الثقل مال جسمه كله
صار عليه
سحبت نفس ياااا الله
ومشينا اني ويا هو حاني ظهره مايكدر يمشي
عدل واني ماكدر امشي بسبب ثقله ع جسمي

استمرينا نمشي
بس كل شوي نوكف من التعب
الى ان طلعنه من منطقه ودخلنا منطقة ثانيه
اصلاً مانكدر نطلع من الموصل
بهذا الوقت
اباوع هاي هم المنطقة مقصوقه والبيوت مهدومه
بس الناس موجوده
ودتطلع
عبرناها واستمرينا نمشي بس حيلنا انهد من
التعب إلى أن وصلنا المنطقة
مالتهم من نفس جماعتهم
صار وقت الظهر
وكفت عن المشي
نارا :- شُعاع اكعد هنا
شُعاع:- ها شكو
نارا :- صار وقت الصلاه
اباوع عليه شو هذا صفن بوجهي .
شُعاع :- شنو ؟
نارا :- أي شبيك هذا وقت الصلاه هسه
يبدي عند زوال الشمس
صفن بعيوني
سألني
شُعاع:- يعني ؟؟؟
نارا :- يعني هسه بدأت
شُعاع :- شلون ؟
نارا :- مابين طلوع الشمس إلى غروبها تصير نصفين
وقت زوال الشمس هي وقت الظهر وينتهي
وقت الزوال عند دخول صلاه العصر
بقى صافن بوجهي شلون احجي اله
شُعاع :- ناارا
نارا :- ها
شُعاع:- انتِ منو ؟
ابتسمت بوجهة ورديت عليه
نارا :- انتظرني ، رحت اتيممت بالتراب
ورجعت
وكفت اريد اصلي
شُعاع :- والقبله ؟؟
نارا :- من تشوف الشمس تباوع ع موضع الشروق
والغروب
هوو سكت بس يباوع واني بديت اصلي
اباوع عليه وجهة صار حيل اصفر وتعب فد مره
اصلي واني ادعي الربي واحمده لما هو
ما نطلع من هيج قصف قوي
خلصت الصلاه ورجعت عليه
شُعاع:- شلون تصلين بهذا التعب كله ؟
ابتسمت اله
نارا :- والحسين ؟؟
شُعاع:- منو انتِ ما اصدك اني بنفسي الي يصير !؟
نارا :- ليش ما اصلي بهذا تعبي ها ؟ واني
مقصره بحق ربي تدري الله نقذنا من نص
الموت تدري لازم مانكون قليلين ايمان
ونضعف بسهوله
وكل هذا اختبار من ربي شكد ما تكول ماا اصدك
بس لا لازم تصدك ..
ابتسم بوجهي ابتسامه باهته من التعب
بس واضح عليه شلون فرحان بيه و بكلامي
شُعاع:- نكوم ؟
نارا :- ها ما تصلي انتَ
شُعاع :- ماكدر ماعندي القدره حتى اوكف ع طولي
نارا :- اني اساعدك والله، يلا حباب حتى الله
يوفقنا
شُعاع:- صار بابا
نارا :- كومته هم تيمم وكعد يصلي
حيل فرحت صح الوقت والوضع موتمام بس الصلاه تستحق ربي يستحق وقتي
وان كنت بأتعس حالتنا

خلص صلاه وكفته وصار كدامي
الشمس صارت بعيونه
اباوع عيونه النرجسيه وضوء الشمس عليهن
صارن حيل حلوات
ابتسم بوجهي وبانت غمازته الخفيفه
ماعرف ليش حسيت
كلبي رجف وهو صافن عليه نزلت راسي
خجلانه من نظرات عيونه ...

ضغط ع ايدي بقوه
شُعاع:- يلا نمشي
نارا :- أي يلا
رجعنا نمشي إلى أن وصلنا بالمكان الي موجودين
همَ بي
بس هذا الشي صار كدامنه
ضغك ع ايدي مره ثانيه رفعت راسي اله
شُعاع:- قويه خليج قويه خوش
هزيت راسي وعيوني بعيونه
نارا :- أي اني قويه
هم أول ما شافونه عرفوا شُعاع ع انُ هو أبو عصام
وهو ع اساس منهم ف اخذوا
سريع حتى يعالجوا
واني دخلوني للبيت يم وحده من زوجاتهم
باوعت عليها اني مقرفه منها
ولعبانه نفسي منها
باوع ع نفسي حيل متربه
حجيت وياها
نارا :- اريد اسبح ..
هزت راسها وردت عليه
- تفضلي من هُنا
مشت ادليني مكان الحمام واني وراها
دخلت وسديت الباب ورايه
صرت جوه المي واني مو بعقلي
احس كل الي صار مو بعقلي مصدومه من كل الي صار
مابقيت هواي بالحمام بس نظفت نفسي
وطلعت سريع بنفس ملابسي
سألتها
نارا :- عندج نقاب وعباه
- نعم
نارا :- انطيني
هي راحت جابت الي وانطتني لبستهن
- هذا بطل الماء
اباوع بيدها البطل مال المي
الي اخذته وياي ولكيته هناك بالقصف كدامي
ركضت عليها سريع
جريته من ايدها بكل قوتي هي تباوع عليه
مصدومه
من تصرفي
ابتسمت بوجها بقرف .
نارا :- هاي لان اني عطشانه ف أخذته منه
هيج
هزت راسها الي بدون ما تجاوبني

شُعاع ماموجود واني ما أأمن ابقى هنا
الوحدي يمهم سألتها
نارا :- وين زوجي اخذتوا ؟؟؟
- مع المجاهدين
نارا :- اريد اشوفه
هزت. راسها ب أي
- سوف اقول لهم واعود لكِ
نارا :- تمام
راحت طلعت ماعرف وين حاطي تأخرت
ومارجعت ورى وقت شوي طويل
يلا رجعت واني بس اتصفن الوحدي
- بأمكانكِ ان تذهبي اليه
نارا :- احس طرت من الفرحه رحت وراها
إلى أن وصلتني للمكان الي هو
بي فتحت الباب ودخلت

اول ماشفته ركضت اله
هو من شافني سحب نفس بكل قوته وابتسم
بوجهي
رحت يمه بعدني ما حاجيه شي هو
سبقني محذرني
شُعاع :- نارا اترجااااج اترجاااااج لاتسوين اي شغله
غلط
باوعت عليه بتعب واني عيوني تلمع
نارا :- شُعااااع
شُعاع :- ها بابا
نارا :- خلي نطلع من هذا المكان بسرعه
والله مدا احس بالأمان هنا
سحب نفس
شُعاع :- فدوه العينج اتحملي بس شوي إلى أن
ترجع صحتي شوي واكدر
اوكف ع طولي
حتى نطلع من هذا المكان
ماتشوفين شلون بالكوه اتحرك
وهذا الشي يعيق تحركنا
نارا :- والله اني تعبانه واصلاً احس اكو شي مو زين
راح يصير ما مرتاحه وخايفة
وحتى هاي الي خليتني يمها ما مرتاحه
الها نظراتها تخوف
شُعاع :- سهله سهله بس خلي الكه بيت
وبعدين نطلع من هذا البيت
انتِ الهذاك الوقت لا تبينين اي شي
اساساً اعتقد
اكو امل بدخول الحشد للموصل وتحريرها
نارا :- فد فرحتتت طرت من الفرح
احس كلبي طار وصار يرفرف
ضربت ايدي بأيدي الثانيه بحماس وهتفت
يااااااربي واخيرراااا والله مشتاقه اطلع
من هذا الوضع
لان تعبت ..
هو يباوع عليه ويضحك بخفة ع تصرفاتي ..

نارا :- شُعاع..
شُعاع :- شنو
نارا :- بس نطلع من هذا المكان خلي نروح
نزور كربلاء الامام الحُسين والعباس( عليهم السلام )
شُعاع:- سهله بس خلي نطلع وأخذج
نارا :- الله ششششكد مشتاقه الكربلاء
اكعد بحضره واصلي بيهااا .
باوع عليه ورد بتأنيب
شُعاع:- نااراا لاتبينين الهم فدوه العينج لاتبينين
خلينا نطلع بالبداية وبعدها سوي
الي تريدي
هزيت راسي اله واني مبتسمه احس
اكو امل نطلع من الموصل
نارا :- تمام ..

صفن بوجهي ابتسم بعدها حجت وياي بهمس
شُعاع :- تدرين اني وياج مثل الماشا والدب
ضحكت مستغربه التشبيه
نارا :- ليش ؟
شُعاع :- الفرق الي بيني وبينج حيل شاسع
وغريب انتبهي وشوفي الفرق
كأن انتِ الماشا واني الدب
نارا :- ضحكت بصوت عالي ، الله حبيت
هذا التشبيه ، سكت يباوع بعدها
رد الي
شُعاع :- انتِ ماشتي ، ماشا شُعاع

صفنت بوجهة وبهت وجهي احس
الحراره صعدت الراسي واحس
بكلامه يحرجني اكثر واكثر التفتت للباب
ماحسيت الا خيال يم الباب لزمت كلبي
بأيدي
واشرت الشُعاع ع الباب هو رفع ايده
يسكتني
هزيت راسي اله وحجيت بصوت
عالي
نارا :- اباا عاصم كيف حال المجاهدين ؟؟
اباوع ع شُعاع شلون صفن بوجهي مصدوم
حصرتني الضحكه
تعابير وجهة تضحك بالكوه سيطرت ع نفسي
حتى ما اضحك
ضربته ع ايده لان مارد عليه وبقى ساكت
هو استوعب كلامي
هز راسه مبتسم
شُعاع :- المجاهدين بخير في أحسن حال
هزيت ايدي معاجبني بس الضحكه
لازمتني
نارا :- ابا العاصم يجب أن أذهب الان
رد عليه
شُعاع:- نعم نعم اذهبي ..
نصه صوته وهمس الي
انتبهي ع نفسج بابا
ابتسمت بوجهة وحسيت الخيال
الي بصف الباب راح
شكد حقراء يتسمعون علينا
رجعت للغرفه شويه مرتاحه لان شفت شُعاع

اول ما دخلت صارت بوجهي نفسها
الي اني بقيت يمها
ابتسمت بوجهي وحجت وياي
- لقد جهزنا لكم البيت لكِ تسكنوا فيه
نارا :- فد فرحت همزين حتى اخلص منهم
بس بنفس الوقت بقيت
لازمه كلبي خاف وراهم شي
بقينا يمهم يوم كامل
وثاني يوم رحنا للبيت الي جهزوا النا
اول ما دخلنا للبيت
بقينا الوحدنا افتريت شويه وانتبهت ،
باوعت ع شُعاع
نارا :- باووع
شُعاع:- شنوو
ضحكت بوجهة ورديت عليه واني اباوع بعيونه
نارا :- اكو شي بالبيت
عقد حاجبه مستغرب
شُعاع :- شنو ؟
نارا :- راح تنقتل ، شبيك والله لا تبقى تباوع
عليه هيج
شُعاع :- اي شلون ؟
نارا :- تقربت منه حيل وهمست اله ع كيفي
اكو كاميرات حاطين بالبيت اني شفت
الكاميرا موجوده
شُعاع :- وين ؟؟؟؟؟
نارا :- موجوده هنا بالغرفه
شُعاع :- تمام تعالي وياي
دخلنا للغرفه ماكو اي احد بيها
باوعت عليه وضحكت همست اله
نارا :- شوشي
هو رفع راسه الي ما اعترض ع الاسم ضحكت
شُعاع :- هااا
هزيت بحواجبي واني أاشر اله ع المكان
بعيوني
همست اله
نارا :- نهاية السرير

هوو تقرب من السرير باوع صحيح لكه كاميرا
ضحك والتفت عليه
رفع حاجبه الي
شُعاع :- ذكيه بنت علي
نارا :- أعجبك عيني
صفن بوجهي وباوع بعيوني حجه بهمس وكأن
بس اني ويا
شُعاع :- اكيد تعجبيني شلون ما تعجبيني
بقيت صافنه بوجهة ارمش
ماعرف شنو ارد عليه
شافني سكتت هزز راسه يضحك ع شكلي
ورجع التفت للكاميرا

شُعاع:- لازم ننتبه
نارا :- زين اكسر الكاميرا
شُعاع :- اني راح اكعد وانطي ظهري الهاا تحجب
الصوره وانتِ مدي ايدج حتى ما تنشافين
من ورى وكسريها
ضحكت بحماس احب هيج شغلات
رديت عليه
نارا :- الله احس روحي كاعده بفلم اكشن
وهاي مهمه سريه عندنا
ضحك هو بصوت عالي واهتزت اكتافه صار يكح
بصعوبه
سكت هز ايده ورد عليه
شُعاع :- بس لو تعوفين الأفلام ع جهة وخلينا
نحل السالفه
نارا :- أي أي يلااا ، هتفت بحماس
راح كعد واني مديت ايدي وكسرتها
بعدين افترينا البيت كلها ودورنا زين يلا كدرنا
نرتاح ونكعد براحتنا بدون
اي تحسب الكلامنا

بقينا ٦ ايام بهذا البيت ما اطلع لأي مكان
واحس شُعاع تغير فد مره
إلى درجه كبيره واحسه صار بعد مايكدر
يعيش وياهم اكثر من هيج
يريد يطلع من هذا
المكان ومنهم اليوم قبل الباجر
وهو تعب اكثر شي بهذا القصف الي صار
طلع العصر ورجع دخل بس هل مره
وجهة حيل تعبان
نارا :- شبيك شُعاع شكووو
شُعاع :- نااراا
نارا :- احجي عفية راح اوكف كلبي
شُعاع :- راح ننقصف مره ثانيه
فزيت خايفه الحد هسه القصف الي قبلها باقي براسي
مايروح
نارا :- عززززه شُعاع شنووو نسوي هسسسه
شُعاع :- هل المره القصف ع جميع البيوت
يعني للمكان بأكمله
نارا :- بهت وجهي، شنوووو !!!!
شُعاع :- اي والله
نارا :- وهسه شنو حيصير
اتنفس بقوه ورد عليه
شُعاع :- العلم عند الله
صفنت بوجهة ورديت عليه بحيره
نارا :- يعني راح نستشهد مو !!
بقى يباوع بعيوني
شُعاع :- اذا ما طلعنا ولا صارت النا فرصه نطلع
من المحتمل نروح بيها
بس جاي احاول حتى نطلع بدون ما اثير
الانتباه حتى يتم القصف
نارا :- هزيت راسي اله وعيوني صارن
يحركني رديت عليه
، طيب اذا هيج ...

عفته ودخلت للغرفه كعدت
كعدت بتعب دنكت راسي خليته بين اديه
وبجيت احس كلبي تعب فد مره من كل الي
ديصير
ياااربي والله تعبت اخذ روحي إذا هذا يومي
اخذ روحي والله بعد مابيه حيل اشوف اكثر
ولا اسمع اكثر
بقيت ابجي احس عيوني رادن يطلعن
انفتح الباب ودخل شُعاع رفعت راسي
باوع بعيوني
شُعاع :- نارا
نارا :- هاا
شُعاع :- شبيج
نارا :- مابيه شي ، دنكت راسي
شُعاع :- باوعي عليه نارا لا تشلعين كلبي
اكثر والله تعبت اني هم
نارا :- رفعت راسي اله هزيت راسه بقله حيله ، شُعاع
شُعاع :- ها نارا
نارا :- روحي سند الروحك
ابتسم بتعب
شُعاع :- تدرين ماعندي احد غير الله ومحمد وعلي
اما هنا ماعندي غيرج انتِ وحق هذا الله
سحبت نفس واني متأكده من كلامه
نارا :- زين هسه شنو تسوي لا لازم تكمل مهمتك
وتأخذ حقك هاي الناس كلها وحقك انتَ
هم
شُعاع :- لج نارا شنو تحجين فعل واحد بس
تروحين بيها انتِ هم
ايام قليله والحشد يدخل الموصل
ويتحرر الموصل من كل هاي القذاره
هسه اي واحد يلزموا شاكين بي يعدموا
جبير صغير طفل شايب اييي واحد يلزمووووا ويعدموووا
صدك تحجين انتِ.
نارا :- شُعاع بس ع كيفك أهدأ صلي ع محمد
وخلي انكمل الطريق مثل ما ادخلنا .
باوع عليه بهدوء
شُعاع :- تمام

نارا :- ترى اني الي جنت اخاف شو هسه
انقلبت صرت انتَ الي تخاف ،
ضحك بصوت عالي واهتزت اكتافه
رد عليه
شُعاع :- ابد اني خايف عليج انتِ ماخايف ع روحي
صارلي سنين وياهم
ماخفت ولا مره بس هل مره خفت لان انتِ
وياي
نارا :- صفنت بوجهة، هاااا
هو ابتسم وتقرب مني صار حيل قريب
مسافه الي بينه قليله
نزل نفسه حتى يصير بطولي
تقرب من وجهي اني دكات كلبي احسها صارت
ادك براسي مو بكلبي
رجفت وخجلت
هو ابتسم وعيونه يمررها ع وجهي
اخر شي استقرت عيونه بعيوني همس
بهدوء قاتل
شُعاع :-
‏يامن طَـرْقَتِ الفُـؤادَ بِبَسْـمَــةٍ
‏رِفْقًا فَـإِنِّي بِها اليَـوْمَ مَأْسُــورٌ
‏كَالبَدْرِ حَسَنًا بِالنُجُومِ مُحاطَةٌ
‏وَصـائِفُ حَوْلَـها كَالـدّرِّ مَنْثُـورٌ

نارا :- بقيت صافنه بوجهة حتى رمش
ماكدرت ارمش
مصدومه من كلامه وحتى من الشعر االي
نطق بي
بوجهي ماكدرت احجي ولا كلمه ولا حرف
هو ضحك بخفة وابتعد عني
راد يمشي صحته
شُعاع ..
رد عليه
شُعاع :- ها
نارا :- انتبه النفسك
هز راسه وابتسم
شُعاع :- ماشي
نارا :- عافني وطلع اني بقيت الوحدي
كعدت وخليت راسي بين رجليه واديه ع أذاني
ماعرف شبيه
شنو الي ديصير وياي فجأة
رفعت راسي حسيت بشعور حيل مرعب
حسيت بشعور الموت يفتر يمي حتى حسيت
شخص يمشي بصفي
فزيت التفت اباوع اذا اكو احد بس ماكو
اني وحدي هنا
بقيت بنفس مكاني اباوع بكل الجهات جسمي احسه
خدر بعد ما اكدر اتحرك
بقيت صافنه بنفس المكان وبالي راح البعيد
ع نفس كعدتي ع نفس مكاني بقيت
الثاني يوم واني ع نفس الكعده
اسمع الأصوات برأسي بس ماكدر اسوي اي شي
حسيت ع الباب انفتح
ودخل شُعاع حسيت بي من دخل
اجه كعد كدامي شافني صافنه
ضربني ع كيف

شُعاع:- شبيج بابااا شنو هاي الحاله مالتج
نارا :- اني ماكدر احجي احس حلكي متخيط
احس بي بس ماكدر احجي
رجع يضرب بخدي ع كيف وهو يصيح عليه
شُعاع :- وووولج شبيييييج شووو اصحي
انتِ مفتحه عيونج ليششش ما تردين
انطيج عمري كله بس احجي لا تسوين هيج بيه
نارا :- ماكدر احس روحي طايره وجسمي
ماعرف شبي اسمع صوته بس ما اكدر
اسوي شي
حركني هزني و وكعت بحضنه سمعته يصيح
شُعاع :- لجججج لااااتكسرين ظهررري
بيج
عيوووني انتِ بابا ردي لااا تبقيييين هيجججج
دخيل محمد لاااااا ياربي لااااا
لاتاخذذذها مني
نارا :- حط ايده ع رقبتي يقيس النبض
موجود نبض بس اني بغير عالم احس بنفسي
هو تخبل يشوفني مفتحه بس
بدون اي حركه مثل الجامده
عافني يصيح وراح طلع يركض واني باقيه ع نفس
حطتي ما تغيرت
حسيت جسمي صار يهتز بشكل حيل قوي
وصار يطلع شي من حلكي
كأن كهرباء سرت بجسمي
رجع هو يركض للغرفه كعد كدامي شك الفانيلة
مالته وحطها بحلكي
حتى ما اعض الساني بقيت ارجف رجف مو طبيعي
هو بس يصلي ع محمد
ويفرك جسر انفي واذاني ويحجي وياي بخوف
شُعاع :- اهدئي ماكو شي اششش ماصار شي
هسه ترجعين طبيعيه لاتخافين
نارا :- بقى مستمر وياي ومايعرف شنو يسوي
الي اكثر من هيج
شُعاع :- لاتروحين مني ناااار ديربالج تعوفيني
نارا :- مر وقت الا ان هدأ جسمي
وخفت عندي هاي الرجفه القويه الي صابت جسمي
حسيت كلبي راد يطلع من
مكانه
بقيت ارجف من البرد واني راسي رجله
هو طابك رجل والرجل الثانيه مادها وراسي عليها
من شافني وعيت شهك
شهكه حيل قويه وسحب نفس يردد
شُعاع :- الحمد لله يااا الله الحمدلله
اللهم يامن رددت يوسف على يعقوب ويامن اخرجت يونس من بطن الحوت أخرجنا يا الله
نارا :- احس روحي سكنت و وجهي مليان دموع
هو شال الفانيلة الي بحلكي
ومسح وجهي
يحمد الله
بس اني روحي رايحه

شُعاع :- شو كومي تكدرين تكومين هااا نارا
نارا :- انتبهت ع روحي حيل قريبه منه
ابتعدت سحبت روحي
بس جسمي احسه مطحون طحن
ماعرف شنو الي صاير بيه سحبت نفس
سألته
نارا :- شنو الي صار ؟
باوع بعيوني صفن بعدها رد الي
شُعاع :- لزمت نوبه مال الصرع .
فتحت عيوني مصدومه
نارا :- بس اني اتذكر طلعنا اخر شي
شُعاع :- اااااخ بسسس ، لعد من شوكت فاقده
انتِ
نارا :- ماعرف
هز راسه متحسرره
شُعاع :- سهلة سهله اطلعج من هذا المكان
يعني اطلعج
نارا :- مممم ، مابيه حيل ارد عليه
همهمت اله وبقيت ساكته هو
هم تركني ارتاح وطلع
بقيت طول اليوم نايمه احس جسمي حيل تعبان

مرت الايام واحنه بعدنا بهذا البيت
اما القصف بس جان عنده خبر عنه هم راح يقصفون
وراح يتم تحرير الموصل
وبعدنا ننتظر
ف جنت كاعده بالغرفه كالعاده
دخل شُعاع للغرفه بسرعه لزمت كلبي من
الي راح يكوله
شُعاع :- تعالي خلي نطلع بسرعه
نارا :- وين ؟
شُعاع :- ااامشي نطلع بسرعه
نارا :- ما اعترضت بعد ما بيه حيل حتى اعترض
او استفسر
لزمت لبيت العباه وطلعت
صعدت السياره ومشى
بقيت افر براسي ماعرف وين رايحين
مشينا إلى أن وصلنا السيطره
شُعاع:- هاي السيطره اذا مانعبرها راح ننقتل
نارا :- ششلون ؟
شُعاع :- استغفر الله العظيم
نارا :- شُعاااع باوع عليه
شُعاع :- هااا
نارا :- ارجع للورى ولا انزل شُعاع
شُعاع :- شلووون ؟؟؟
نارا :- الله يخليك بدون كلام ماعندنا ووووقت ابد
بسرررعه بدون ماتنزل من السياره
ارجع للورى بسسرعه
هو رجع للورى واني اخذت مكانه
بسرعه قبل لا يوصلون النا
هستوني كعدت بمكان شُعاع جان يجي واحد من
هذول الي بالسيطره
وتقدم بتجاه السياره مالتنا
اني دكات كلبي صارت ازيد ادك بسرعه بسرعه

اني من شفته تقرب قبل لا يوصل للسياره
نزلت من السياره ركض ورحت
باتجاهة قبل لا يوصل ويشوف
شُعاع لان هذا الشخص طلع يعرفني اني شايفني
ويا ابو نوح
معناها بس يشوف شُعاع راح يعرف
كل شي وانُ شُعاع هو مو وياهم
لان هذا قريب من ابو نوح ، ركضت باتجاهة
وصحت
نارا :- اااااكو واحد ديلحكككني ساااعدني
ماحسيت الا رفع السلاح مالته سحب
الأقسام وحطه براسي
صاح بيه
- ممممااا الذي تفعليه هُناااااااا
رفعت راسي للسياره اباوع ع شُعاع راد ينزل من السياره
وهذا ما منتبه عليه لان صارت السياره ورى
صحت بصوت عالي
الشُعاع
اوووووووكف ...
بنفس الصرخه وبنفس اللحظه
طلعت السجينه الي اخذتها من البيت من طلعت
وضميتها بملابسي
طلعتها سريع وحطيت السجينه ببطن
الكدامي
هو ما جان متوقع هذا الشي مني صرخ متألم
باوعت عليه شلون فاتح عيونه ع وسعهن
سحبت ايدي ع السريع
ورجعت اركض للسياره

صعدت بالسياره و شُعاع صاح بصوت عالي
شُعاع :- لجججججج ابوووووس البطن
الي جااابتج ابووووووس هاي القووووه الي عندج
لج ناااارررااا
نارا :- أي ايييي كافي شبييك
شُعاع :- لج تدرين انتِ كلبج مات
اخاف بعدين هم تسويها بيها وتكتليني تخلين
السجينه بنص كلبي
نارا :- بكلبي حجيت " خلي بالأول اعيش بدونك يلا
بعدين اكتلك " هزيت راسي اله وجاوبنه
اي ديربالك لا اكتلك انتبه ولا تلعب بذيلك
وياي
ضحك بصوت عالي ورد عليه
شُعاع :- ماعندي ذيل
نارا :- نششششوف ...

مشت السياره بينا اباوع ع ايدي كلها دم
هو انتبه ع ايدي
شُعاع :- اصحي شبيج هسه تغسلين ايدج
لحظه يمكن اكو بطل مي هنا بالسياره
نارا :- دور ولكه بطل مال المي
وكف السياره فتحت الباب غسلت سريع
ورجعت وهو حرك السياره
نارا :- وين هسه نروح
شُعاع :- المكان ثاني صح هم يمهم بس ع الاقل
شوي امان لبين ما يتم القصف
بس اطمني هذول يعرفوني
نارا :- هزيت راسي بدون ما اجاوبه
يلا هانت راح نطلع من هذا المكان
وصلنا للمكان ونزلنا هم رحبوا بشُعاع ع انُ هو واحد منهم
ودخلنا جوه اني بقيت يم البنات بس
هنَ الحقيرات صارن يتحارشن بيه
لو يكرصني لو يسمعني كلام
وحده منهن كامت فتحت الكتاب الي عندها وصارت
تقرأ هواي شغلات خلت شعر راسي
يوكف وكلهن كذب بكذب
عن الإمام وغيره بحيث مغسول عقلهم فد مره
اني حسيت قشعر جسمي من مدى
الكفر الي عندهم ماتحملت
وهنَ يعرفن بيه اني من هاي الطائفه بالذات

وكفت بطفره
وركضت عليها بسرعه نمت فوكاها وصرت اضرب
بيها اشيل براسها واركعه بالكاع
وهن يتصارخن
الثانيه تحاول تبعدني عنها واني نايمه عليها
كاتمتها هلست شعرها تهلس
بأديه
وهي تصررررخ
هن رجعن عليه صارن يضربني بقوه
بحيث لا بقى نقاب ولا حجاب
شعري طلع وصرت مثل القرقوز
كفشتي شكبرها
بس ما استسلمت اضرب وين ما تجي بيدي
شغله راسهن رجليهن عيونهن
وين ما كان
وحده منهن لزمت شعري بكل قوتها وسحبته
بحيث حسيت قبق راسي طار
اباوع بايدها خصله كامله من شعري
اتهسترت من شفتها
رجعت اضرب بيهن وادفر برجليه
وهن يضربن بيه

إلى أن اجانه صوت حيل عالي من شخص
- ياااااا ام الميمممن
هنَ بسرعه وخرن من عندي وصارن يبررن
اله
- هي التي بدأت وضربتناااا
نارا :- اني اتنفس بقوه دخل شُعاع شافني هيج
ركض عليه اجاني ضمني الصدره
يحجي
شُعاع :- ما الذي يحدث هناااااا ايها المجاهد ؟؟؟
ضحك الي دخل ورد ع شُعاع
- امرأتك تضرب في نسائنا ابا العاصم
التفتت شُعاع الي باستفهام
ورد رجع عليه
شُعاع :- لماذا ؟؟
- لا أعلم ابا العاصم
رجع التفت و سألها
- لماذا ام الميمن ؟؟؟
- لأننا كُنا نتكلم عن علي
نارا :- ماتحملت تحجي عليه بعدت عن شُعاع
وركضت عليها ودفرتها بكل قوتي
هي صرخت بصوت عالي
شُعاع اجاني سحبني بقوه وحطني جوه جناحه
عصبي لان سويت الي
حذرني منه
رد واحد منهم مصدوم
- هل هذه الفتاة رافضيه ؟؟
نارا :- شُعاع ما رد عليه التفت عليه وصار يعدل
بشعري ودخله جوه الحجاب
بس احسه أعصاب ع لحظه ينفجر
رجع سأل مثل الزكه
- هل هذه رافضيييية !!!!!!

ماحسيت الا سحبني من شعري
وصرخ بوجهي بصوت عالي
شُعاع شافه هيج سوه لو تخبل تقرب شُعاع
بكل سرعته سحبني منه وصار يتعارك
هو ويا
بس شعُاع لعب بي طوبه
ماخله شي صاحي بي
مستمر يضرب بي إلى أن انتهى بأيده و وكع
وهذن الي بصفي صارن يتصارخن
فجأة دخلوا علينا هوووواي
اني بقيت ارجف وخايفة ع شُعاع لا يصير
بي شي لان عرفوا هو ضدهم
ما اشوفهم الا تقربوا من شُعاع وشالوااا كلهم
واخذوا وياهم وهو يصيح عليهم يغلط
واني اصرخ
نارا :- لاااااااااا شُعاااااااااع وووووين مااااخذي
تررررركووووواااا
طلعوا واخذوا مني
هن حبسني بالغرفه يومين كاملات واني ما اعرف
وين شُعاع ولا اعرف وين اخذوا
كل الي اعرفه انحبس يمهم واكيد
هسه ديعذبون بي
احس روحي تفرفح عليه
اريد بس اشششوفه
يارب يارب لا تاخذه مني لابصير بي شي والله امووووت
بقن حابساتني بهاي الغرفه
المنعزله وهن موجودات بالبيت
مايقربن من يمي بس يشمرن الي قطعه خبز
أكلها ويطلعن

دنكت خليت راسي بين رجليه ميته من
الخوف وبالي يم شُعاع ماعرف شنو
الي صار بي
ماحسيت الا صااار صووووت حيل قوي
والمكان اهتزززز هززززززه حيل قويه
صرررررخت بصوت عالي والي وياااي يصيحن
من الصراخ والصوت مالتهم العالي
كأن مفزوعين عرفت " الحشد دخلوا الموصل "
صرت اصرخ مفزوعه
وصار طلقه ححححيل قووووي
بحيث احس الصوت
مالته هز المكان وزرف اذني
ززرف حيل قوي وعااالي
اباوع اني وهذن بس يتصارخن
اسمعههن يصيحن بصوت عالي
- ووووووووكع ااااالبيييييت وكع

اني شهكت بصوت عالي هو شُعاع
كالوا ماخذي بالبيت الثاني
يعني البيت وكع ع شُعاع صرخت
بكل صوتي
لااااااااااااااا شُشششششعاع
روحي راحت واني اصرخ وهنَ الي يمي يصيحن
- مسكووووا ابا العااااصم اخذووووه
ينعتوه بالداعشي
نارا :- اني هنا راحت روحي يعني الحشد لزموا
شُعاع ع انُ هو داعشي صرخت مفزوعه
روحي راحت
ماحسينا الا البيت وكع فوكانا صرخت
من هول الفزع والرعب ...

سحبوا شُعاع من داخل البيت
المهدوم اعضامه متكسره
ومابي نفس بالكوه حجه وياهم ويحاول يفهمهم
هو منو والمنو تابع
طلعت وحده من تحت البيت المهدوم
سألوها
- اكووو احد نجى من هذا البيت ؟؟؟
ردت عليهم
- لا الكل ماتن
صاح شُعاع بصوت عالي وهو يحاول يفك نفسه
منهم
شُعاع :- لااااا هي مااااتعوفني كاالت ماااا اعوووفك
اتأكدوووووا اكيد هي بعدها جوه
الانقاض عوووفوني اني ادددخل ادورها
دخخخيلك يااااعلي
شدوا قوتهم ولزموا حتى ما يمشي
ضحك واحد من الحشد لأنهم متأكدين منه هو
مو منهم
- ياااعلي ؟؟؟؟
رجع صاح بيهم
شُعاع :- بسسسس تااااكدوووا اكيد هي جوووه
رد واحد منهم
- روحوا تأكدوا وارجعوا هي شنو اسمها ؟؟
شُعاع :- كووول ماشا وهي تعرررف نفسسها راح تسمعك ..

نارا :- انهدم البيت نصه وصارت الانقاض كدامنه
اني والبنات مانكدر نطلع بس ولا وحده
تأذت منه
شكد حاولنا نطلع بس مانكدر
الا شخص من برى يبعد الانقاض حتى نطلع
ورى شوي سمعت صوت واحد
يصيح
- ماااااشششاااا ، اكوووو احد هنااااا
نارا :- رجف جسمي اول ما سمعت الاسم
هذا شُعاع يصيحني بيييي بس هذا
مو صوته
رجعت اصرخ ، اااااني هناااااا ساعدوووووني
اني عايششششه
حسيت الانقاض صارت تتحرك عرفت بيهم سمعوني
صرت ابجي يارب رحمتك ساعدني
اخذ وقت يلا كدروا يسوون مثل الفتحه
الصغيره حتى نطلع منها
ركضت اني اول وحده طلعت منها
لكيت كدامي أشخاص
لابسين زي عسكري
شهكت فرحانه واحس الروح ردت بيه
هم عبالهم اني من ضمن التنظيم
صاحوا بيه
لزموني
واني اصيح عليهم ..
نارا :- ااااني مااااشاااا والله اني ماشاااا ،
سحبوني من ايدي
وطلعوني برى
صاحوا بيه
- نززززلي رررراسسسسج
نارا :- نزلت راسي ابجي حيل مقهوره بس اكو
فرحه بداخلي ع الاقل هذول الحشد

اتمشيت برى بخطوات
إلى أن طلعت رفعت راسي واباوع هوووواي
ناسس الحشد والجيش وهواااي
أشخاص وهناااااك جان اشوف
شُعاع لازمينه صرخت بكل صوتي
شششششششُعااااااااع
سحبت ايدي من أدين الي لازمني وركضت
بكل قوتي بتجاه شُعاع
حسيت المسافه الي بيني وبينه حيل طويله
إلى أن وصلت يمه
حتى ما انتبهت الحالته
،ركضت اله وارتميت بحضنه وحضنته بكُل
قوتي واني ابجي .....

سيأتي نهار
أصححُ فيه شعوري و أذبح فيه غروري
و أغسلُ إرث القبيلةَ في داخلي
و أعلنُ فيه الخروج على شهريار
سيأتي نهار
اسـرحُ فيه جنودي
و أطلق فيه سراحَ خيولي
و أختم فيه فتوحي
و أخبر شعبي
بأن الوصول لشاطئ عينيكِ
كان أهم انتصار
يتبع..

التووووقعاااااات بسسسسرعه 🫂