الربتج " حالك الاسوداد " الفصل الثاني والعشرون 22 - بقلم رهف علي

"يُدَبِّرُ الأَمْرَ" ماذا بعدُ أخشاهُ
وكلُّ شيءٍ بِيد اللهِ مجراهُ!

لاتنسسون التصوويت والتعليقات الطيفه مَثلُكم بين الفقرات قلبي
حب كبير الكم .

ماذا لو عاد مُعتذراً ؟؟

-نارا :-
بقيت صافنه بعيونه شنو هوَ ابن الدوله يعني
يقصد لان هو ابن ابو ولأن ابو هو بالدولة هيج يقصد
ماكو غير بس هذا الحل
حتى ما رديت عليه بس بقيت صافنه بوجهة
مثل الهبله رفع راسه وضحك
ابتعد عني وصاح..

- شُعاع :- وولك شذومي وينك ..

- قبل لا يدخل الشذام شُعاع همس الي
" عيونج لا ترفعيهن لا افكسهن "
بقيت ارمش بعيوني ياااا هذا شبي
دخل شذام وهو سحبني يمه
حجه ويا

- شُعاع :- حبيبي بس سوي مجال حتى تروح يم
زوجتك وخليها تنتبه عليها
- الشذام :- هاهيَ صار ، اتفضلي اختي المطبخ
هنا كدامج بس تدخلين ..
- شُعاع :- ما تقصر خويه .

- نارا :- التفت الي شُعاع وهز راسه بمعنى ادخلي
هاهيَ لازم ادخل عيب ابقى هيج اباوع
بوجهم مثل الهبله
تمشيت واني احس كلبي يدك ما متعوده
واحس نفسي حيل غريبه واكره حتى اختلط ويا اي بنت
دخلت المطبخ لكيتها رافعه شوي من
ثوبها و واكفه ع الطباخ تقلي والمطبخ صاير
هوسه المواعين ع الميز والسنك عليه فواكه وكل شي
مرتب
وهي منا حامل وبالكوه تمشي حتى انقهرت ع حالتها
وابنها يلعب يمها
بقيت صافنه ماعرف شلون احجي وياها او شنو
اكول هي التفتت عليه وابتسمت بوجهي

- "هلا حبيبتي تعالي ليش واكفه هناك تقربي
اعتبري البيت بيتج "
هزيت راسي وتقربت منها واني ع وجهي ابتسامه
مجامله
رجعت سألتني
- " شلونج انتِ حبيبتي "
رديت عليها
نارا :- زينه
ضحكت بوجهي صح هي ماتعرفني بس
حيل لطيفه واني ماعرف شبيه جامده من ناحيتها
حمحمت وسألتها ،
شنو اسمج ؟ ابتسمت بتوسع وردت عليه

- اني اسمي العنقاء .

- نارا :- اسمها حيل حلو وعجبني ، عاشت الأسامي
اسمج كُلش حلوو
-العنقاء :- حبيبتي مو بحلاتج بعدين شنو هذا
الجمال تخبلين
حقه شُعاع هيج يحبج و متعلق بيج "
- نارا :- هاا ! هي ضحكت ع ردي
- العنقاء :- تعالي هاج هاي السجينه وسوي زلاطه
ساعديني لا تبقين هيج واكفه
مثل الشذام فوك راسي تكدرين لو تتعاجزين ؟
- نارا :- لا عادي انطيني اسوي
- العنقاء :- لعد هاج وهاي كل شي جاهز يمج
بس جهزي ورتبي
- نارا :- تمام ..

اخذت السجينه من ايدها بقيت صافنه اتذكرت
الي ضربته بيها بعدين هزيت راسي
طردت هاي الأفكار من راسي
وتقربت اخذت الخيار والطماطه صرت اسوي
بالزلاطه وكل شويه ارفع راسي اباوع
عليها كل شوي تروح من طاوه تقلي وترجع ع الطاوه
الثانيه وترتب ومشغوله
بس تحجي وياي ماتخليني اسكت واحسها تحاول
تلهيني حتى ما اخاف او ارتبك

- العنقاء :- مرتاحه لو لا
- نارا :- ها لا ماكو يعني اقصد اي مرتاحه
- العنقاء :- ولو اعرف بيج ما مرتاحه بس من نكمل
كل شي نروح اني وياج
للغرفه مالتي اشوفج الملابس والمنتجات
والشغلات الحلوه الي عندي
اكيد انتِ تحبين هيج اشياء مثلي ماكو بنت
ما تحب هيج شغلات وبيهن مهووسات بسوالف
المنتجات والعناية والمكياج
- نارا :- اي صح تمام مثل ما تحبين ..

صفن عليها وهي تبتسم
شو هاي اجتي تقربت مني
بالبداية خفت وعبالي راح تسوي الي شي حتى رجعت
للورى خايفه بس هي وكفت
كدامي لزمت وجهي بين اديها وباستني
من خدي بقوه وابتعد تباوع بعيوني وتحجي وياي ..
- العنقاء :- من اليوم اريدج تعتبريني اني اختج
اصلاً هنيالي اذا عندي هيج اخت مثلج

- نارا :- اني بقيت صافنه بوجهة مصدومه هي ابتعدت
عني شويه ، اني اول مره
وحده تتصرف وياي هيج تصرف من
بعد كل هاي السنين
حتى افتقدت هاي الحنيه من زمان
ماكدرت اسيطر ع نفسي نزلت دموعي سريع وبجيت كدامها صرت اشهك
هي شافتني هيج اجتي عليه سريع سحبت راسي
الحضنها وحضنتني الصدرها
تسكت بيه
اني انهاريت كأن حابستها من زمان وهسه
البجيه طلعت كلها بحيث حتى هيَ ع البجي
الي بجيته هي بجت وياي
تحضن بيه وتبجي اني انهاريت حاطه راسي ع
كلبها حتى كلبها يدك سريع ويا كلبي
اريد اسكت ماكدر
طلعت حركه كلبي كلها وكل خوفي بهاي
البجيه الي بجيتها هسه
حتى ارتاحيت بالكوه سكتت ابتعدت عني تمسح بوجهي
وتمسح بوجها هي هم
انتبهت عليها ضحكت وهي ضحكت ..
- العنقاء :- والله هسه يدخلون علينا يكولون هذن
مخبلات ساعه يبجن ساعه يضحكن
- نارا :- امسح بوجهي واحجي ، اي هسه يكولون
مخبلات .

سمعت صوت زوجها يصيح عليها
راحت اله ركض بس اسمع صوته يحجي وياها
وابتسمت ع كلامهم
حتى دلع اسمها حيل حبيته
جان يحجي وياها .

- الشذام :- عناقي
- عنقاء :- ها حبيبي
- الشذام :- ليش هيج تأخرتي بالاكل
زحمه من الناس
- عنقاء :- اي حبيبي هاي خلصت ماكو شي
بس اخذ الاكل واكلوا واني ونارا هنا ناكل
- الشذام :- اي حتى شُعاع كال خليها ويا زوجتك تاكل
لان ماترتاح وهي تشوف جهرتك حسيت نفسي
مهرج
- عنقاء :- ههههههه اي غير يخاف عليها
ع اساس انتَ تختلف عنه
- الشذام :- يلا يابه يلا همي ايدج
- عنقاء :- يلا ها اها كملت ..

نارا :- دخلت تنطي اله واني اساعدها
إلى أن همَ صاروا ياكلون واني وياها
كعدنا الوحدنا نأكل حتى ناخذ راحتنا وحيل حبيت من
شُعاع اهتم حتى بأكلي
وراحتي وين تكون
كملنا وغسلنا المواعين واني وياها اساعدها
هي مابيها حيل
من خلصنا هي اجتي سحبتني من ايدي واخذتني
وياها جوه
ب

قيت ضاغطه ع اسناني إلى أن وصلنا للغرفه
دخلت
اباوع عليها الغرفه حيل حلوه ومرتبه ارتب من حياتي
هي كعدتني وراحت تطلع المنتجات والملابس
وتخلي كدامي تريد تحسسني ماكو
شي وتكسر الحاجز الي بيني وبينها هيج حسيت اني
كعدت تضحك كدامي
حطت ايدها ع بطنها

- عنقاء :- تدرين الي بطني بنوته
- نارا :- الله يحفظها الج
- عنقاء :- هسه اني مو اختج
- نارا :- اي ..
- عنقاء :- لعد كولي الي شبيج انتِ
- نارا :- مابيه شي
هي بقت صافنه عليه تباوع بوجهي ..
- عنقاء :- زين ليش ما تتزوجون انتِ وشُعاع
- نارا :- لا ما اريد هسه نتزوج ولا اني يعني ما اريد هسه

بقيت اباوع عليها اريد اكول الها الي بيه
حتى تساعدني بس خايفة لا تروح
تكول الهم و قتها يصير الي خايفة منه ويعرف بيه
شُعاع
اريد احجي وافرغ الي بداخلي الوحده قريبه مني
سحبت نفس بقوه
هاهيَ خلي احجي الها بلكت تساعدني حتى تلكه
الي حل واطلع من هاي المصيبه الي
اني بيه

- نارا :- عنقاء ، هي رفعت راسها
- عنقاء :- ها حبيبتي
- نارا :- فركت اديه بعض ، اريد اكول الج شغله بس خايفة ، هي عقدت حاجبها بأستغراب
- عنقاء :- اسم الله من شنو خايفة كولي بلكت اسااعدج
للحظه خلي نروح هناك لا يدورون علينا
ويبقون يصيحون امشي وياي .
- نارا :- تمام ، رحنه اني وياها بس كلبي يدك بقوه
عسى ولعل تلكه الي حل
- عنقاء :- تعالي هنا كعدي يلا احجيلي شنو الي بيج
- نارا :- كعدت اني وياها وهي لازمه اديه
تحاول تخفف التوتر الي عندي حتى اكدر
احجي

- نارا :- اريدج تساعديني عنقاء اني حيل خايفة لااا ...
بعدني ما مكمله كلامي ماحسينا الا الباب ينفتح
بقوه ودخل الشذام رفعت
راسي اباوع عليه احس اني صفريت وكلبي صار
يدك بقوه
العنقاء من شافته دخل تركت ايدي وراحت اله
لزمته من ايده تحجي ويا وتسأله
- عنقاء :- ها حبيبي محتاج شي ؟؟

هو بس صافن عليه ماعرف شبي اني من التوتر
والخوف الي بيه حجيت ويا
بأسلوب زفت خليتهم اثنينهم مصدومين بيه
- نارا :- اانتَ منو سمج لك تدخل بهاي الطريقه ؟
متستحي لو شايل المستحى
ماتكول اكو بنت هنا هاي بعدنا بالبدايه وهيج تفتح
الباب شخليت انتَ !!!!!!
العنقاء حيل مصدومه احسها تكول هاي شنو
اما هو خزرني وصاح بيه

- الشذام :- انتِ شنو تريدينه من عنقاء ؟؟؟
- نارا :- ماا اريد منها اي شي شبيك ، حسيته ماخذ
حذر مني إلى أبعد درجه ويخاف ع زوجته وصديقه مني
اني يمكن شُعاع حجه اله من وين عرفني
وعرف قصتنا لان نظراته هسه متغيره اتجاهي
حسيت نفسي حيل منبوذه بينهم كلهم
ضجنت فد مره
- الشذام :- تمام اذا هيج .
خزرني خزره قويه وطلع ولا كأن صار هنا شي ولا اي شي
وكأنهم لازمين عليه لزمه ويحاولون
يحاربوني حرب نفسي قبل الجسدي
بقت عنقاء يمي واحسها صارت تسأل هواي اسأله
وتحاول تسحب مني الكلام
واني ما انطيها جواب كامل مجرد اختصر الها وارد
عليها

بقيت صافنه ويا نفسي اني شلون راح اعيش
بينهم هذول كُلهم ليش
هذا الشي ديصير وياي احس طاقتي نفذت
وقررت قرار ما اله اي رجعه هل مره من صدُك
نويت اطلع من هذا البيت حتى لو اهرب..
حتى شُعاع اتركه ماريد اي واحد بيهم من صدُك طك كلبي
وبعد ماعندي القدره حتى اتحمل
وهاي هم من البدايه وهيج وياي كأن اني متهمه
كدامهم ويحققون وياي ولا كأن اني
المظلومه
،رحت من دون ما ينتبهون خليت ملابسي بمكان
حتى من اطلع اكدر اخذهن وياي
بدون ما يحسون
كلت باليل كُلش اطلع حتى يأمنون اني موجوده
من ينامون اطلع
وصحيح صار الليل اخذت ملابسي
فتحت الباب ع كيفي مال البيت الرئيسي" وطلعت "
دكات كلبي احسهن صارن يدكن براسي
وحدي امشي بهذا اليل
صح خايفة ومرعوبه بس اني عشت شي أكبر من
هذا الشي المفروض ما اخاف بالعكس
المفروض اكون حيل قويه
استمريت امشي بالشارع وهو فاااارغ مابي اي احد
بس صوت الكلاب حيل بعيد
مشيت إلى أن طلعت الشمس وصار الصبح ...

صباحاً ..

- الشذام :- صباح الخير خويه
- شُعاع :- صباح النور ، ووووينك شذام !!
- الشذام :- ها خويه شكووو ؟؟؟
- شُعاع :- نارا وين ؟
- الشذام :- شنو ؟؟
- شُعاع :- استغفر الله شبيك نارا وينها يمكم جوه ؟؟؟
- الشذام :- لا ، ليش هي ما اجت يمك !
فتح عيونه ع وسعهن من الصدمه
- شُعاع :- انتَ تحجي صدددك !!! نارا وينهاااا ،
ناااااااررررا
- الشذام :- بسرعه البرق طفر كدامي
دخل يركض جوه بالبيت واني ورى اركض

- الشذام :- دخل الغرفه الي هي نامت بيها واني
دخلت ورى انتبهت ع شُعاع شاف كدامه ورقه
مأخوذة من سجل ومحطوطه ع الميز ومكتوب عليها ملاحظه او رساله صغيره
سحبها وهو يرجف من العصبيه
مكتوب بيها " اني رايحه شُعاع شُكرا ع كل شي سويته وياي و وقفتك الي وقفتها وياي ماقصرت ابد "
حط ايده ع راسه فاتح عيونه ع وسعهن دك
ع راسه بقوه ايده صاح بصوت
- شُعاع :- طلعععععععت خررررب لك شذذذذام طللللعت
روحححح بسرعه رجع الكاميراااات لا اهجمممم
ااااالبيت هسسه بسرررررعه ..

- نارا :- ماعندي مكان اروح اله لكيت حديقه
دخلت كعدت بيها لمده يوم كامل بقيت كاعده بيها محد انتبه عليه واذا اكو احد ينتبه اغير مكاني
وارجع
بس ابقى كاعده ومانمت وبيتنا القديم ما اندله ناسيته
وين بقيت لمده ٣_ ٤ ايام واني
بالشوارع ماكو مكان اروح اله
بقيت صافنه إلى اتذكرت اسم المنطقه الي
سابقاً جنت بيها عايشه
رحت آلها وصلت بس ما اندل بيها اي شي
مرمّمين البيوت كلها ومغيرين بيها هواي شغلات
حتى بقيت واكفه وماعرف شنو اسوي
فكرت ارجع الشُعاع بس خفت منه ما يرجع يستقبلني
مره ثانيه
الهذا غيرت رأيي وما رجعت

انتبهت اكو سيارات أجره تقربت ع وحده من السيارات
وحجيت ويا صاحبها
- نارا :- تروحون للنجف ؟؟؟
رد عليه وهو يباوع الي
- اي
- نارا :- بشكد ؟
- بــ ٣٥ الف
- نارا :- بقيت صافنه بوجهة ، شنو ٣٥ ؟
- اي مو تكسي وتبريد هم
- نارا :- ربع واحد بجيبي ماكو ليش هلكد هوااي ،
نزل عيونه وصار يباوع عليه من جوه للفوك
بنظرات وصخه ورد عليه
- انطيني ... واني اوصلج بلاش ..

شهكت مصدومه من كلمته حسيت نفسي
انسانه ثانيه
بدون ادراك رفعت ايدي وضربته
كف ع وجهة بقوه ايدي
صحت بوجهة
- نارا :- فاااااسسسسق حححقيرررر حيووووووان
شلون تحجي هييييج وياي شلووون ،
لزمت ودفعته بكل قوتي ماخليتها بكلبي خليته مايندل
دربه حسيته مثل هذول الحقراء الي
سلبونا
ارجف ارجف واحجي عليه بحيث كل الموجودين
من السواق يباوعون علينا مصدومين من رده الفعل
مالتي وشلون احجي ويا
اجه واحد تقرب مني يحجي يحاول يهديني
- خاله صلي ع محمد بس اعصابج
- نارا :- اني حلكي احسه يبس وجسمي يرجف
مجرد ما اتذكر الكلام الي كاله الي اموت الف موته
ياربي هاي الناس ليش هيج
وحوش الهاي الدرجه يارب ساعدني
بقيت ابجي وارجف عفتهم ومشيت

استمريت امشي
اباوع مرت سياره من يمي عاليه وسوده
ماعرف ليش من شفتها حسيت كلبي طار من مكانه
وروحي صارت بيها
بقيت صافنه عليها ماحسيت الا السياره
شخطت بريك و وكفت مسافه كم متر عني اني من
شفتها هيج جان النقاب ع راسي رافعته
سريع نزلته ع وجهي ودرت وجهي ومشيت بس
احس كلبي صار يدك بقوه
وانفاسي صارت حيل سريع
سمعت باب السياره انفتح التفتت اباوع
وهنااااااك وشفت شُعاع نزل من السياره
يركض ركض حتى بااب السياره ما سده ورى
يركض بأاتجاهي والسياره مالته تاركها
بنص الشارع وسد الطريق ع بقيه الناس
وهم يصيحون حتى يبعد سيارته وهو
ما اهتم
يريد بس يوصل الي
احس كلبي وكع بين رجليه رجعت التفتت وصرت اركض
خايفة منه خاصه
انتبهت ع ملامح وجهة ومبين حيل عصبي
اذا لزمني يعدمني ..

اركض وهو ورايه اريد الحك ابتعد بس
هو شكله حيل سريع ماحسيت الا ايدي انجرت بقوه
شهكت مصدومه
بحيث انضربت بصدره رفعت راسي ماحسيت
الا ضربني كف ع وجهي
وسحبني من ايدي بأتجاه السياره اني جسمي
كله يرجف وخدي احسه صار نار
سحبني وصلني للسياره الباب الثاني مسدود
فتحه بكل قوته ودفعني بالسياره صعدت
حتى ردت اوكع ع وجهي
بس كل هذا واني النفس قاطعته حسيت اليوم اعدامي
راح يكون
دام هاي العصبيه منه

صاح بصوت عالي بوجهي وهو يمشي
بالسياره

- شُعاع :- اااااااليوم اشوووفج الي ما شايفته بحياتج
ششششايفه شنو يعني الي ما شايفته بحيااااتج
اااصبررري خلي نوووصل واني اعلمج
- نارا :- صحت بي ، ماااريدك شدعووووه انتَ هلكد مجلب
بيه شبييك انتَ ؟؟؟ وهو انتَ منوووو حتى
تضربني .. ضرب المقود بايده بقوه وصاح بيه
- شُعاع :- خااااف يم داع١١ ماعذبوجج اصبريلي الا ما اربيج ع ايدي يااااااا ****
- نارا :- لااااااا تصيح علييييه ، هو يمشي سريع
واني فتحت الباب مال السياره وردت اشمر نفسي
منها صحت ، والله يااااا شُعاع اشمرررر نفسي
هسسسه
- شُعاع :- ناااااااااارااااااا سددددي الـــ****
- نارا :- لاااااااااا تصيح علييهههه ،
تقرب مني لزم الباب وسده بقوه وقفله من يمه
حتى ما ارجع افتحه ..

مشى الطريق وهو كلها عصبي ويصيح
إلى أن وصلنا للبيت
شخط السياره والتراب صار كُلش هوااي
نزل من السياره يمشي عبالك يركض ركض سريع
اجه يمي فتح الباب من جهتي
لزمني من ايدي وسحبني بقوه نزلني من السياره
ودخلني للبيت
جان الشذام و عنقاء موجودين
من شافوني تقربوا يريدون يسحبوني من عنده
بس ماكدروا
صاح بيهم صيحه ابتعدوا عنه بسرعه
سحبني يمشي سريع حتى كل شويه اتعثر بخطواتي
شذام اجه يركض ورانه
وعنقاء تصيح حتى ما يأذيني وتحلفه
دخلنا جوه بالصالة وشمرني بقوه ايده ع الارضيه
حسيت جسمي تكسر
من شمرته
اني اشهك النفس اتنفس بقوه
وهو فوك راسي ..

يصيح ويصيح اذني حسيتها راح تنفجر
من صوته العالي

- شُعاع :- ووووولج ليشششش هيج تسوين
بييييه ليشششش
تنهزمين منننني ااااني بسسس فهميني
هسسه شنو اسوي بيج
اسوي الج وجججه ثااااني ادمرررررج هسسسه
شسووووي بيييييج ...
- نارا :- ماحسيت الا تقرب مني وصار يضرب بيه
بحيث الضربات صرت ماعرف من وين تجي
اني اصيح اريده يبتعد عني
ماحسبت راح يسوي وياي مثل هذا التصرف
حتى كلت ياريت ما طلعت
مستمر يضرب بيه ضربات كل وحده تكول اني اقوه منج
جسمي صرت ما احس بي
وهو ويا كل ضربه يصيح
- شُعاع :- ليششش انهزمتي ررررحتي الهم موووو "
- نارا :- مافهمت كلامه ولا شنو الي يقصد بي
اخر شي حسيت بي
شالني فوك وركعني بالكاع صرخت متألمه
ااااااااخ "
اسمع صوت الشذام يصيح عليه ويحلفه حتى يتركني
وصوت العنقاء تصرخ وتصيح حتى يعوفني
خشمي صار ينزف دم
دخت فد مره
اخر شي سمعت صوت شذام
- الشذام :- لالالالالالا خويه عوفهااااااا .
بعد ما حسيت بنفسي ..

بقى صافن يباوع عليها شلون واكعه بدون
نفس تقرب منها رفع راسها حطه بحضنه يطبطب ع خدها
وهو يتنفس بسرعه
- شُعاع :- نااارااا شو كعدي ، لككك شذاااام بسرررعه
اركض جيب ماااي بسررررعه ،
ركض شذام جابه سحبه منه صار يشمره ع وجها
يحاول يصحيهاا
- اكعدددي ناااارا لا تكسرين ظهررري
خرررب بالـــ*** ليششش سويتي هيج وخليتيني
امدددد ايدي عليج واضرررربج ،

- الشذام :- اباوع ع شُعاع شلون اتبهذلت
حالته وهو يطبطب عليها يحاول
يصحيها

خشمها ينزف وماصحت شالها وضمها الصدره
خايف عليها يرجف
وطلع بيها برى يركض بدون ما ينتبه النفسه
ولا ينتبه الها بدون
حجاب وشعرها طالع ركضت ورى اصيح عليه
بالشارع
- الشذام :- لكككك خوووويه تعااال بالسياره
وين رااايح خلي نلحك نوصلها
للمستشفى ،
التفت الي ينهت وبالكوه يتنفس
- شُعاع :- ااااي ااااي يلاااا شغل السياره بسرررعه ،
- الشذام :- رجع يركض للسياره صعدها وحطها بحضنه
قميصه انفتح وحالته تبهذلت
- شُعاع :- لللللللك اااامشي سررررريع شبيييك
راح تمووووت
- الشذام :- أهدأ بس ع كيفك خويه لا نسوي حادث
هاي والله راح نوصل
بس مسافه الطريق
- شُعاع :- اي يلا ، كله بسببي الله يلعن الساعه
الي ضربتهااا بيهااا
ااااخ الله ...

- الشذام :-
وصلونا للمستشفى نزل شُعاع من السياره يركض
وهو حاضنها الصدره
يصيح لم المستشفى علينا واني اركض ورى
- شُعاع :- دكتووووووور ..
طلع النا واحد ركض جاب الستديه
حطها شُعاع عليها ساعدته
واخذوها من عنده للطوارئ بسررعه
بقينا برى منتظرين
تقربت منه ربتت ع كتفه احاول اهدي
- الشذام :- خويه كول يا الله هسه يطلع الدكتور يكول مابيها شي وترجع تصحى لا تسوي بنفسك
هيج
- شُعاع :- بسس فهمني شلون شلون والله من
حركه كلبي اني هيج ضربتها
والله ما واعي ع الي سويته من راحت ٤ ايام
ماعرف هي وين
ماعرف وين راحت بقيت خايف عليها
خايف لا سوت بنفسها شي لو راحت الهم رجعت
ووووين ناااامت وين رااااحت
شنو جانت تسوي طول هاي الايام
- الشذام :- اششش كافي شبيك
- شُعاع :- لك شذذذام شفتهااا بالمرايا واني بالسياره
شلون جانت تمشي هي وخايفة
من شافتني نزلت النقاب وراحت تركض
مني واني الي حميتها
ماتعرررف الناااس الي برى شلون وحووووش
ماتعرف شنو ممُكن يصير الهاااا بلمح البصر
ااااخ الله
- الشذام :- استغفر الله..

طلع الدكتور ورى فتره ركضنا عليه

- شُعاع :- دكتووور شلونهاااا
- الدكتور :- بس اريد اعرف منو ضاربها هيج ضرب ؟
لزم الدكتور من كتفه
- شُعاع :- اااحجي شلونهااا شبييهااا ؟
- الدكتور :- المريضه كلبها وووكف
ضغط ع كتفه بقوه صاح بي
- شُعاع :- شششنو تحجي ششنو وكككف
- الشذام :- أهدأ شُعاع خلي نفهم
- الدكتور :- جايتها ضربه حيل قويه ع كلبها
ابتلع ريقه بصعوبه
- شُعاع :- شنو يعني ماتت ؟؟؟؟؟؟
- الدكتور :- لا سوينا آلها انعاش ورجعت الحمدلله
هسه حالتها استقرت ،
تقرب شُعاع راد يضرب الدكتور ولزمه الشذام
يحاول ويا
- الشذام :- شبيييك يخوي الزم نفسسك
- شُعاع :- اريد اشوفهااا هسه
خاف منه رد عليه
- الدكتور :- اي اي هسه تشوفها ..

- نارا :- فتحت عيوني اباوع هاي اني وين
تحركت وتألمت جسمي احسه
متكسر نزلت عيوني ع اليمين عرفت نفسي اني بالمستشفى
غمضت عيوني متحسره حسيت ع فتحه
الباب التفتت شفته شُعاع دخل وسد الباب ورى
اني من شفته درت وجهي عنه
ماريد احجي ويا وحيل مقهوره منه هو ملامح
وجهة انتبهت عليهن واضح خجلانه من
فعلته وياي
بس احس هو حيل اذاني
حسيت بخطواته ديتقرب مني إلى أن صار
بصف السرير

- شُعاع :- شلون صرتي
- نارا :- مارديت عليه
- شُعاع :- نارا
- نارا :- هم مارديت عليه ابد هو شكد حاول وياي
حتى احجي وارد عليه بس اني بقيت ساكته
ومنطيته ظهري
- شُعاع :- انتِ الي وصلتي نفسج
الهاي النقطه انتِ الي خليتيني اسوي هاي السوايه
الي بحياتي ما مفكر اسويها
فهمنيي اكو بنت ، بنت أصول تسوي هاي سويتج هااا
تطفرين من البيت للشوارع تفترين
ماخفتي مافكرتي وين تروحين
هاي الشوراع حاويه مال وحوش

حجيت من مكاني بدون ما
التفت اله احس هو هواي جرحني واذاني وكسر
كلبي

- نارا :- شُعاع من تطلعت من هذا الباب تنسى
شي وحده اسمها نارا تنساااني اني
اطلع من هذااا الباب هسه واني اشوفك منو
هي المو بنت أصول شنو تكدر تسوي ،
حسيته سحب نفس بقوه ورد عليه
- شُعاع :- ماشي ..
- نارا :- طلع وسد الباب ورى اني ما تحملت
بقيت ابجي بحركه وكلبي صار يأذيني
موو بيدي ليششش هو ما يفهمني ليشش ومايفهم
الي صاير بيييه والله تعبت
خاصه الموضوع الي بيه ياكل ويشرب وياي
التفكير دمرني
وهو بس يدري ماراح يتقبلني ردت اخلص
ردت ابتعد ماريد ابقى
فوك هذا هسه ضربني ..

كمت من السرير ونزلت بس بالكون
سجدت ع الارضيه
احجي
واني اشهك
" ياااربي اني عبد من عبادك وكُلش تعب هذا العبد ،
ياربي هذا الاغتصـــــ*** الي صار بيه مو بيدي
وحتى ما ادري بي ولا شوكت بالضبط
مريت بشغلات كلش جبيره وامتحنتني بهواي
امتحانات
اهلي وبكل شي بحياتي واني قابله والحمدالله بي
وصابره بس يا الله يا للهي احس صبري
بلش ينفذ مني بحق حبيبك محمد
بحق علي مثل ما وكفت وياي وطلعتني من داع١١
أريدك هسه تساعدني وتخلي الي سند
اللهي اني غلطت هواااي ساعدني ادمرت اني "

حسيت الباب انفتح رفعت راسي عن الارضيه
شفته شُعاع دخل وبيده عصير
بقى يباوع عليه
اني امسح بوجهي من الدموع
- شُعاع :- ليش شالعه المغذي ؟؟
- نارا :- مابيه شي بعدين مو كلت لك لا ترجع
ليش رجعت ،
اجه تقرب مني يريد يحاول يكومني عطت بي
حتى ما يلزمني بس
هو اله غير رأي ماسمع اله سحبني من اكتافي
وحطني ع السديته
كعدني
وكعد بصفي ..

- شُعاع :- نارا اول ما فزيت عليج ، حسيت
بكلبي يلوذ بيج ويريدج ، اني ردتج يمي وما لكيتج
وانتِ روحي واني كلت الج
وارجع اكولها انتِ اهلي بس فهميني ليش
ماتقبلين حبي الج لج بابا والله اني احبج
تدرين شنو صار بيه بهاي الاربعه ايام حسيت ظهري
مكسور كسره كلش قويه
والله لو يكولون الي روحك تطلع وترجع الي تحبها
مستعد انطي روحي الج فدوه الج
تدرين شنو يعني احبج لج احبج افهميها ...

- نارا :- شُعاع اني جنت احجي ويا عنقاء ودخل
صاحب دخول قوي
شافني وخزرني حسيت روحي ما مرغوبه ومايريد
حتى اتقرب من زوجته
وانتَ منا الله اعلم شنو تفكر بيه
صدُك حسيت نفسي منبوذه من كل الأطراف
واني الطرف الوحيد الي مامرغوب ..
- شُعاع :- شذام سامعج تكول الها ساعديني
انُ انتِ مسويه شي غلط وتريدين زوجته تساعدج
وبيوم التخدير مالتج هم حجيتي حجي
خليتي عقلي يفتر
وهو هم شاك بيج انتِ تشتغلين وياهم وأثبت
هذا الكلام من طلعتي مهزومه من البيت
- نارا :- ههههه انتوا صدُك تحجون
- شُعاع :- احجيلي حتى اساعدج ليش هيج خايفة
وضامتها بنفسج
- نارا :- شُعاع شلون هيج يحجي عليه ليش ما سكته
- شُعاع :- اششك حلك الي يحجي عليج
كائن من يكون انتِ ماتسوين شي غلط

رفعت عيوني احس ماعرف شبي يعني
احسه هو الي ما مصدك بيه ويحاول يطمني بكلامه
حتى يسحب الحجي

- نارا :- شُعاع اسمعني وحق من انزل القرآن
ع النبي محمد مستعده اني اطلع من هذا المكان
وهذا وجهي ما اخليك تشوفه مره
ثانيه ، اصلاً تحلم تشوفني مره ثانيه حتى لو طيف
طول عمرك ما تشوف حتى اظفري
اعرف بهذا مو تفكير الشذام هو مايعرف عني الي انتَ
تعرفه واعرف هذا تفكيرك انتَ الي تشك
بيه لان انتَ ما تخلي ولا تسمح الأحد يحجي
عليه حتى لو بالغلط ،
سكتت اباوع عليه هو ضحك بصوت عالي واهتزت
اكتافه

- شُعاع :- ذكيه بنت علي

- نارا :- اي ذكيه إلى درجه اول ما خطفت السياره
من عندي اني عرفتك عرفت انتَ بيها
ذكيه إلى درجه اول ما شكيت انتَ بيه اني عرفتك
عرفتك
- شُعاع :- ما شكيت بيج
- نارا :- لا تكمل كلامك اني هم ما اثق بيك
مثل ما انتَ ما تثق بيه
والمرينه بي مو سهل وما مستعده اتلقى هيج
شكوك واني بهذا الوضع الصعب
- شُعاع :- حقج ، ماشي

اندك الباب ودخل الشذام
- الشذام :- الحمدلله ع السلامه خويه
- نارا :- مارديت عليه انتبهت شُعاع غمز اله
حتى يغلس ورجع التفت
الي
- شُعاع :- بس يخلص المغذي نطلع نرجع للبيت
- نارا :- ما أريده يكمل ، شذام رفع عيونه علينا
- الشذام :- والله عنوديه
- نارا :- رفعت اله حاجبي معاجبني كلامه
ولا عاجبني احجي ويا وهو سكت وشُعاع يضحك
يحاول يستفزني
كمل شُعاع إجراءات الخروج وطلعنا من
المستشفى
بس اني ما متقبله الي صار وحازه بخاطري

رجعنا للبيت دخلت مشيت قبلهم وهم
ورايه احس جسمي متكسر
عبرت الاستقبال للصاله حسيت ع احد ورايه
التفتت لكيتها العنقاء
هي سريع اجتي حضنتني وصارت تبجي
- عنقاء :- وووين رحتي وين راحت روحي عليج
اكو وحده تعوف اختها وتروح
- نارا :- بقيت صافنه هي حاضنتي ووتبجي
واني ما بادلتها الحضن اديه منزلتهن بس صافنه
جامده إلى أن عيوني انملت بالدموع
رفعت اديه وحضنتها بكل قوتي وصرت اشهك
بالبجي
حسيت من صدُك اني بحضن اختي
- عنقاء :- كافي حبيبتي لا تبجين مردتي كلبي
عليج شو تعالي وياي كافي بجي
- نارا :- سحبتني من ايدي ودخلنا للمطبخ
كعدت تعاتب بيه وتحجي وتأنبني ع فعلتي
وهروبي من البيت

- عنقاء :- شلون تعوفيني وتروحين مو كلت الج
انتِ اختي والله هم يطلعون من البيت وانتِ
تبقين غضب عنهم ، تدرين شنو سووه شُعاع شنو صار بي
من عرف بيج انتِ طالعه
والله كلش تعب إلى درجه كلت هسه ينجلط
حسيت هو فقد شي حيل غالي عليه
وجزء من حياته
المفروض ما تسوين هيج ابد
- نارا :- عنقاء شايفه من عشيرتج كلها نكروج واهلج
ما يريدوج؟ شايفه من تتعرفين ع ناس جدد
الله حطهم بطريقج وماتعرفين اي شي عنهم
ولا اطباعهم وماتعرفين اذا هم متقبليج
او لا ؟؟
شايفه من شخص يهتم بيج وبعدين يتركج
باصعب حالاتج ويقل اهتمامه ؟
شايفه من انتِ واثقه بشخص الحد الموت ويطعن بيج ؟
وشاك بيج ويكول الج انتِ منو وشنو جابج
وهو يعرف شنو الي عشتي ؟؟؟
شايفه من شخص غريب كاعده بيته ويباوع
الج بنظرات كأن انتِ وحده رخيصه وشاك
بيج ويخاف ع اهله منج ؟؟؟

- عنقاء :- ووولج والله عرفت وحتى شسويت بيي
بسبب هاي نظراته
- نارا :- ميهمني خلص كلهن هذن عليه ، بعد اكو شغله
- عنقاء :- شنو هيَ احجيها والله اساعدج
- نارا :- لا ماكدر بس اريدج تاخذيني للدكتوره
بس ما اريد لا شُعاع ولا الشذام يعرفون
- عنقاء :- عادي بس الا بعد فتره
- نارا :- ليش ؟
- عنقاء :- حتى اكول الهم نروح للسوك او نروح لأهلي
- نارا :- اي ، دنكت راسي حيل اختنكت ،
يمكن الي سويته اني غلط بس حسيت بنفسي ثقل
- عنقاء :- ههههه شنو ثقل اذا هيج انتِ ثقل فهذا
احلى ثقل بحياتي اسمعيني
اني عندي ٣ اخوات وانتِ صرتي رقم ٤ وياهن
مو شرط الأخت تكون من رحم الام او من نفس البطن
مرات السنين والحياه والمواقف تعرفج
ع ناس زينين ما تكدرين تعوفيهم
ويملكون عزه نفس مثلج انتِ اهنيج ع هاي العزه
النفس الي عندج
مو بس هيج حتى جمال فدوه شكد حلوه انتِ .

دنكت راسي وهمست الها
- نارا :- اي ، مُمكن تتركيني الوحدي اريد ابقى
الوحدي شويه
- عنقاء :- تمام حبيبتي اخذي راحتج
البيت بيتج
هناك غرفه اكعدي بيها واذا احتاجيتي شي صيحني
- نارا :- رحت للغرفه دخلت وسديت الباب
كعدت افكر معقوله الي سويته اني غلط
اي يمكن غلط الي سويته ااااخ والله تعبت كُلش
ومن كُل شي اباوع ع جسمي
صاير ازرك والكدمات توجعني
زين هاي الكدمات تروح بس الالم الي بالروح
شلون يروح ؟؟؟
زين اني شلون ما حسيت بي ياربي
خليت راسي ع السرير غمضت عيوني
وبعد ما حسيت بنفسي وغفيت ..

- الشذام :- انتبهت شُعاع دخل للبيت بوقت
متأخر اعرف ضميره جاي يأنبه
شلون ضربها ومد ايده عليها هاي حبيبه
كلبه
اعرفه اخوي هذا واعرف تفكيره شلون
يكون واحنه الزلم هيج
كل الي صار هو خايف عليها إلى درجه مو معقوله
اول ما شافني سألني
- شُعاع :- وينهاا
- الشذام :- جوه
- شُعاع :- كول الزوجتك تروح الها اريد ادخل
احجي وياها حتى تسوي طريق الي
- الشذام :- قبل لا تحجي وياها اني عندي كلام وياكم
انتوا الاثنين
- شُعاع :- شنو هذا الكلام ؟
- الشذام :- خلي بالأول تجي نارا واحجي هذا
الحجي كدامكم
- شُعاع :- تمام
- الشذام :- رحت العناقي حجيت وياها ورجعت
كعدت يمه ننتظرها ..

- نارا :- جنت نايمه وحسيت الباب انفتح
دخلت بهدوء عرفتها عنقاء
كعدت وهي اجتي كعدت يمي بهدوء
- عنقاء :- زوجي يريدج
- نارا :- شنو يريد؟
- عنقاء :- ماعرف بس يريد يحاجيكم
انتوا الاثنين يعني وياج شُعاع
- نارا :- تمام بس انطيني ايدج حتى اكوم ، لزمت
ايدها وكمت
مشيت للاستقبال واني افكر شنو يريد
من عندنا احنه الاثنين
دخلت همَ جانوا الاثنين كاعدين
رحت كعدت بعد ما سلمت

- الشذام :- بويه الله بالخير
- ردوا سوه الله بالخير والعافية
- الشذام :- بويه انتوا الاثنين الي تسووا حرام
تحبون بعض لازم تزوجون مايصير باقين هيج
بدون زواج وعايشن سوه انتِ ما الج حق تحجين وياا ولا تكعدين يمه ولا تعيشين يمه
وانتوا مابينكم شي حلال
وحتى شُعاع حرام عليه مو بس الحرام عليج
خاصه هو نظراته الج تختلف يحبج وينظر الج ك حب وزوجه
يعني كل شي حرام بينكم مهما يكون الوضع
يعتبر هو رجال غريب عنج
لازم تتّزوجون

اباوع شُعاع ساكت ويهز برجله
ردت وجهي اباوع ع شذام وما اهتميت الشُعاع
- نارا :- صح كلامك بس اني ما اريد اتزوجه
- الشذام :- باعي خويه مو بحجه حركه كلب ما تقبلين
بي ترى هذا سندج ليش ترفضي
- نارا :- اعرف هذا الشي حرام
- الشذام :- اي حلو
- نارا :- وحتى هناك ساعدونا
- الشذام :- منو ؟
- نارا :- الله وأهل البيت ، انقصف البيت وطلعنا
مات الطفل بأيدي وعبالي شُعاع ميت بس
طلع عايش وطلعنا من الموصل
- الشذام :- ماطول هذا كلامج لازم ما تسوين
الحرام وترديهم بهاي الطريقه
اعقدوا وكملوا اموركم علمود كل شي بينكم يصير
بالحلال
مايصير تبقون هيج ياخويه

باوعت ع شُعاع هو يهز برجله
ونظراته مصبوبه عليه ما نزل عيونه مني
سحبت نفس خايفة من سؤالي
بس لازم اسأله حتى اعرف طريقي شنو

نارا :- سؤال طخ براسي ، شُعاع حسيته تقرب
مني وباله كله وياي ومركز حيلللل
- الشذام :- شنو هوَ
- نارا :- مثلا لو البنت معتدين عليها بدون ما هيَ
تدري هذا الشي هم يعتبر زنا ؟
حسيت المكان صار هدوء شُعاع فاتح عيونه ع وسعهن
ويبلع بريقه
من صدمته بسؤالي والثاني صافن بوجهي
مصدوم
رد عليه
- الشذام :- لا خويه ما يعتبر
- نارا :- وأهل البيت يحبونها
- الشذام :- اكيد الله وأهل البيت يوكفون وياها لان هي مظلومه
- نارا :- هااا
- الشذام :- اي خويه ..

- الشذام :- مثل ما كلت الكم لو تزوجون
لو بعد ما تشوفون بعض إلى أن تعقدون مايصير تبقون
هيج مايرضي الله
هذا الشي
- نارا :- انتَ دارس حوزه
- الشذام :- اي
- نارا :- باوعت ع شُعاع بعدين عليه ، اريد اروح الكربلاء
- الشذام :- سهله هاي بس مو هسه
- نارا :- ليش ؟
- الشذام :- لان الي بلغ ع شُعاع بعده
الحد الان عايش
- نارا :- فتحت عيوني مصدومه، ششششنو
- الشذام :- اي والله
- نارا :- تمام لعد اريد وقت إلى أن اشوف
- الشذام :- شنو تشوفين
- نارا :- ها يعني الي عشته مو شويه
- الشذام :- بس انتِ بالبدايه جنتي قابله
حسب كلام شُعاع
- نارا :- اي وهسه خفت
- الشذام :- حقج خويه
- نارا :- كمت طلعت من يمهم رحت للغرفه
احس شويه ارتاحيت لان مايعتبر زنا
هاي النقطه من صالحي الله راضي عليه لان
ماسويتها بأرادتي ولا اريد اسويها بحياتي ..

- شذام :- اباوع عليه اشو
هذا
وكف ع طوله وهو ينفر انفاسه بغضب
مكتوم التفت عليه ..

- شُعاع :- كوم وياي
- الشذام :- ها وين ؟
- شُعاع :- دكوم امشي وانت تعرف
- الشذام :- تمام ..

الشذام :-
طلعنا صعدنا بالسياره ومشينا
إلى أن وصلنا البيت مُعين شُعاع
سريع شخط السياره و وكف
فتح درج السياره سحب منها السلاح
فتح الباب ونزل
واني هم سريع من شفته سحبت سلاحي ونزلت ورى اركض سريع ويا بهمه
انتبهنا اكو كاميرات بالباب حطينا السلاح
بظهرنا وتقربنا ع الباب
رفع شُعاع ايده ودك الباب منتظر يطلع الشخص
الي يريده واني اباوع عليه بهدوء ومركز
اول ما انفتح الباب صار بوجهة
الشخص المطلوب اخخخخ هذا النذل نفسسه
رجعت نظري الشُعاع
ابتسم شُعاع بوجهة ابتسامه شيطانيه
وميل راسه لليمين
بطريقه مُرعبه وحجه ويا

- شُعاع :- سلااام ياحلو ، شلونك ؟؟

- الشذام :-
الولد من صدمته بشوفه شُعاع سريع حاول
يسد الباب بس ماكدر شُعاع حط رجله بين الباب يمنعه
عن غلقه ودفع الباب
بكل قوته دفره
ركض الولد خايف منه
وهو يمشي ورى بهدوء قاتل ويضحك ..
حجه وياي واني امشي ورى
- شُعاع :- الزمه شذاام ..
حاولت الزمه وهو النذل بقى يتلاوه وياي ضربني ورجعت
ضربته بقوه
رجع ضربني بعيني صحت بي
- الشذام :- ياااا سااافل اني اعلمك ..
رجعت ضربه بقوه
تقرب شُعاع منه ودفره بقوه ع بطلنه صار يفرفح جواه
حجه ويا شُعاع بهدوء قاتل ..
- شُعاع :- شلونك حبيبي ؟ مشتاقلك اني شعجب
طولت بهاي الغيبه صار الي فتره حيل
طويله ما شايفك وين ما وين ؟ شصار بيك بعد ماصار ؟؟
احجيلي

- الشذام :- نزلت عيوني عليه
صاح الولد خايف من شُعاع
- وووووو الله اني ما مسوي شي والله ،
- الشذام :- اول ما نطق شُعاع تقرب منه وضربه بوكس ع وجهة
صار ينفر الدم من خشمه صاح بوجهة
- شُعاع :- اشششششش ولا حرف ولا حجايه
اسمع منك إلا اني اسألك
صوتك ما اسمعه لا هسه السانك اسوي أشلاء ،
رجع صاح خايف ومرعوب
- ووووالله بس تسوي بيه شي الا اندددمك .
ضحك شُعاع بصوت عالي
- شُعاع :- اتندم منو لللللللك ***** سربوووت ،
- الشذام :- التفت عليه صاحني ، شذااامي حبيبي
- الشذام :- أأمرني يالغالي
- شُعاع :- السجينه والبلايس الي بجيبك
جيبهن
- الشذام :- تدلل حبيبي

- الشذام :- تقربت انطيته السجينه والبلايس الشُعاع
باوع عليهن ضحك بوجهة اباوع شلون
سحب ايده وحط البلايس ع أظفره وهذاك يرافس جوه اديه
ويتوسل بي حتى ما يسويها
اني بقيت صافن ع قوه كلبه ماعنده رحمه
- شُعاع :- هذا الاظفر اقلعه الخاطر حبيبه كلبي ..
- الشذام :- قلع الاظفر بلمح البصر صرخ بصوت عالي
رجع حط البلايس ع اظفره الثاني
باوع بوجهة شلون يصرخ رجع شُعاع ضحك بوجهة
مثل المجنون ، حجه ويا
- الشُعاع :- وهذا لعيون ورموش ماشتي ..
- الشذام :- قلعه بسرعه صار يلوب ويبجي يتوسل
رجع حطه ع أظفره الثالث
- شُعاع :- وهذا العائلتها والرابع لكل واحد غدرت بي
اما هذا الأخير... الي اني بغدرك وطعنك
بظهري ياسربوت...

الشذام :- بقى يصرخ من بعد ما قلع خمس اظافره
وهو واكف فوك راسه
يباوع عليه بهدوء واني واكف بصفه اباوع
سحب شُعاع السجينه الي انطيتها اله وصار يمررها
ع وجهة
ونظراته متركزه بوجهة شخطه بالسجينه
بوجهة شوه وجهة صرخ متألم
و وجهة ينزف دم بغزاره عاط بي شُعاع
- شُعاع :- تبلغ ع منووو لك كلببببب ؟؟؟ ع منووو
بلغت عليه اااني ؟؟؟؟ ويا منو تشتغل انتَ
ياااخاااين
- الشذام :- رجع ضغط بالسجينه ع وجهة والثاني يفرفح
صاح بي
- شُعاع :- تبييييع ولد بلددددك للانذاااال يااا *****
تبيعهم و توكف وياااا الخسيسييين مثلك يا نذل
شسوي بيك اني هسه شسوي

صاح وهو يبجي
- ابووووووك هو الي بااااعك موووو اني ابوووك ال ***
هو الي انطى بيك
بالهجوم مال داع١١ الي صار قبل كم سنه وانتَ
انخطفت بي ابوك هو الي جان اله ايد بي
موو اني ....
- الشذام :- شفت شُعاع مصدوم
- شُعاع :- شنو تحجي انتَ ؟
- الشذام :- تقربت منه بسرعه البرق لزمته من شعره
وضربه بالحديدة مال الدرج
وصحت بي ،
والله جذاااب شُعاع لا تصدك بي
والحُسين جذاااااب ابوك ما سوه هيييج
شلون تصدك ابوك ينطي بيك لك ما تعرف شنو صار بي
من رحت ..
- شُعاع :- كمل
- هو ابوك الي انطه بيك ويدري أني الي راح أبلغ
واسلمك الهم لان همَ رادوك
- شُعاع :- جيد جداً
شو افتح الي حلكك افتتتتتتتح حلككك لك ..

فتح حلكه خايف تقرب شُعاع يباوع حلكه
مليان دم ركز بأسنانه ضحك
بصوره مُخيفه
- شُعاع :- عندك هذا السن مسوس يحتاج اله
قلع واني راح اقلعه لك ، شذاام انطيني
البلايس حبيبي
- الشذام :- صار حب
- شُعاع :- لا تخاف هاي بس حتى ترتاح وما تتألم
بسبب التسوس .
تقرب حط البلايس بحلكه وقلع السن بكل قوته
صار ينازع جوه ايده مفرفحه روحه
يصرخ متألم
- الله يخليك شنوو تريدون اسوي بس كااافي جاي
امووووت ساعدووووني
ابوووس رجليكم
- شُعاع :- لا ، كم واحد سلمته للانذال ؟؟
- بس انتَ ، رادوك لان ذكي وحتى ناخذ فلوس من ابوك
- شُعاع :- يعني الهذا السبب ما كتلوني الهذا
الوقت ؟.
- اي ، وابوك كال الهم اكتلوا
- شُعاع :- اممممم هيج يعني
- اي اي
- الشذام :- لك شُعاع لاتصدكه والله جذاب
- شُعاع :- خوش ..

- الشذام :- واكف صافن مصدوم من مدى
قوه كلبه ع الي سوه بالولد كدام عيوني وين راحت شفقته
وين راحت طيبه كلبه
ليش هيج تحول إلى انسان ثاني كأن مو شُعاع
وحش بهيئة انسان ، شيطان بهيئه انسان
فزيت من صفنتي ع صوت شُعاع
- شُعاع :- شذامي جيب بطانيه من جوه
بسرعه هذا تكسر والطلقه الي برجله هسه فاقد
بس ما يموت روح بزون
ركضت جبت البطانيه اباوع عليه يون بعده بي
روح النذل
لفينا بسرعه وطلعونا حطينا بالسياره سريع و
رجعنا للبيت مسحنا شكو شي يدل
ع وجود اثر النا
غسلنا الدم الموجود ع الارضيه ورجعنا كل شي
بمكانه
توجهنا للكاميرات كسرناهن تكسر واخذنا
حتى تخزين الكاميرا للااحتياط لكُل شي
صعدونا السياره وانطلقنا
الأقرب مكان
لكينا ساحه مليانه زبل شمرنا بالزبل وتركنا ومشينا
وهو فاقد ومكسر ..

- الشذام :- توجهنا للحمام المدينه الموجودين بيها
دخلونا حتى نغسل نفسنا
من الاوساخ الي صارت بينا بسبب الخاين
- شُعاع :- اااخ الله لك شوف كل شي جاهز
هنا بهذا الحمام حتى ملح خشن موجود عوزك بس دولمه
وتكعد تلفها هنا
- الشذام :- ههههههههه والله عليك سوالف
- شُعاع :- شلون استرخاء حلو ، اي لك شلونك
- الشذام :- والله كسرت ظهري انتَ
- شُعاع :- هانت هانت ، شلون اشتغلت بكربلاء ؟
- الشذام :- لان درست حوزه وهم مو بسهوله لان
تعرف شغلي اني شنو وحساس
مقبلوا بسهوله شكوا حلكي يلة اقتنعوا اشتغل
وهسه اشتغل بالامام الحُسين
والله ذلوني ذله ما صايره واني روحي صارت هناك
وردت اشتغل
- شُعاع :- لك ضلعي ما عاش الي يذلك
- الشذام :- بعد روحي

نارا :- بقيت الوحدي بالغرفه كاعده الا ان دخلت
عليه عنقاء بسرعه البرق
دفرت الباب ودخلت حالها حال رجلها
تصيح
- عنقاء :- ووولج نااارا كووومي مو موتيني ما خمخمتي
بالغرفه
كومي وياي خلي نطلع انظف البيت نسوي اكلات
طيبه نسوي عنايه
شبيججج تاركتني وحابسه نفسج هنااا
دكووومي جنج تادانه
- نارا :- اسم الله ههههههه شنو يعني تادانه ؟؟
- عنقاء :- هاي قصيره وما تنشال الا بكرين
يلا يشيلوها
- نارا :- يااااااا سغسغيه هاي اني هيج
- عنقاء :- الله شوف شلون تكولهااااا عبالك عندها
لدغه
- نارا :- هههههه لا هاي اني هيج اكولها
حتى ما استحي وكذا
- عنقاء :- شو عليج الله عيديها
- نارا :- عوفج مني هسه وتعالي كولي الي
شلون تعرفتي ع الشذام ؟؟؟وين حبيتي
- عنقاء :- كومي هسه خلي نشغل وتغيرين جوه
واني احجي الج كل شي
- نارا :- اني لو ما شُعاع هم ما اتحمل ، يلا لعد
كمنا اني وياها
بس جذب ما خلتني اشتغل بس مجرد ساعدتها
شويه وهي تفتر وتحجي الي قصتها ..

في احدى الايام عند محافظه بغداد ...

- ام عنقاء :- عنقاء ماما خلي نروح الكربلاء والله مشتاقه
آلها نروح ؟
- عنقاء :- اي والله حتى اني مشتاقه الها
وهم نروح البيت خالتي
- ام عنقاء :- غير هذا ابوج خلانه نترك كربلاء وجابنه
هنا البغداد ماعرف شعنده هنا ..
- عنقاء :- ولج يما خاف ابويه متزوج عليج
- ام عنقاء :- هنياال امي اي والله خلي يتزوج جنه اسفنجه
- عنقاء :- والله عندج سوووالف ع ابويه هههههه ،
كمت رحت للغرفه اني متعوده
اخذ من حواجبي شويه كل ما اطلع طلعه
اذا الكربلاء او النجف خاصه
نروح لااقاربنا لازم اهتم بنفسي من مقشرات
وتنظيف وغيرها

خلصت ورحت نظفت البيت حتى من نرجع
يبقى نظيف وما بيه حيل اله
كملت ترتيب البيت وترتيب نفسي
وطلعنا وصلنا الكربلاء ويا صلاه المغرب
اول ما وصلنا رحنه صلينا وصلاه ركعتين لابو فاضل
وبعدها طلعنا نأكل لان ميته جوع
اكلنا وكملنا بعدها رحنا للأمام الحُسين
زرنا واجينا وكفنا نريد انصلي بالصحن
لان جوه حيل هوسسه
وماكو مكان
جانوا اكو منتسبين واكفين ب أماكن محدده للنساء
واكو واكفين
يم ترتيب الكتب وغيرها
رحنا يم الكتب كعدنا رفعت راسي شفت
واحد واكف قريب يمي بس
خرب شلون عليه شكل اني بنت وصفنت عليه
رجعت نزلت راسي استغفر الله شبيج
عنقاء انتِ وين شلون هيج
تسوين بس مو بيدي هي
عيوني راحت عليه
اباوع عليه لابس اسود وهو ابيضضض كطن
وبس عنده شوارب
وتسريحة شعره وهو حيل مرتب
حتى انتبهت ع رموشه حيل طوووول أطول من رموشي
بقيت صافنه عليه
نسيت اني وين طب واجه صار كدامي

رفع راسه يباوع عليه صارت عيني بعينه
اني احس عركت و وجهي صار حار
نااار
هو صفن بوجهي
صديقه بصفه مد ايده وكرصه حتى ينتبه واشر
اله ع الكاميرات
شو هذا دفع ايد صديقه وبقى صافن عليه
ييييمه احسس احتريت
حتى وجهي ماعرف وين اودي انتبهت
أشر الي براسه
يااااا ليكون يقصد اجي يمه !!!!
نزلت راسي امي بصفي وحيل خجلت منه
رجعت سرقت النظر عدل القاط الي لابسه
وتقرب علينا يمشي
ييييمه دخيلك ررررربي هذاااا شبي
احس احتريت واصفررريت
جسمي صار يرجف
اجه وكف كدام امي حجه وياها

- الشذام :- السلام عليكم، شلونج خالتي
- ام عنقاء :- وعليكم السلام ، هلا بيك خاله
- عنقاء :- اني انصدمت شنو راح يسوي هذا
شو ضحك باوع عليه
ورجع يباوع ع امي
- الشذام :- عندج بنات للزواج ؟
- ام عنقاء :- ههههه اي يمه
- الشذام :- زين هاي البنيه تنطوها
- ام عنقاء :- والله يا يمه اذا ابن أصول ليش لا
- الشذام :- يعني تنطوها الي
- ام عنقاء :- شنو ناقصك انتَ
- الشذام :- يمه اني اسمي الشذام واشتغل
بالعتبه الحسينيه ومن بغداد
واني رايد بنتج ع سنه الله ورسوله
- عنقاء :- احس اصفريت هو يحجي واني ارجف
- ام عنقاء :- يمه احنه هم اصلنا كربلائيين
وأهلي كلهم هنا بس عايشين بغداد
- الشذام :- يعني شتكولين
- ام عنقاء :- انشوف ابوها وان شاء الله خير.
- الشذام :- لعد هذا رقمي خلوا يمكم وانطيني رقمكم
اخلي الحجيه تتصل عليكم
علمود يصير حجي بينكم
- ام عنقاء :- زين يمه انتَ هم ترجع البغداد
- الشذام :- اي هم عندي دوام هناك ببغداد
- ام عنقاء :- دوام شنو
- الشذام :- يعني دوام بالدوله واداوم هنا وهناك ..

- عنقاء :- اني بقيت صافنه عليه خرب هو شكد
حلوو فهيت فد مره لو
يبيعوا اشتري ههههههههه
امي حيل كيفت بي وطب الكلبها بسرعه
رجع يحجي ويا امي

- الشذام :- اذا اجوي وحجوا وياج كولي انتِ
خالتي
لان راح يحجون وياج
- عنقاء :- ورى شويه هو واكف كدامنه
واجه شخص عليه يحجي ويا
- استاذ تعال شويه ..
- الشذام :- هاي خالتي سلم عليها
- عنقاء :- امي ما قصرت اكلتهم اثنينهم اكل بالسلام
وبعدين راحوا هم الاثنين
بس راح وبعده عيونه عليه ما نزلها
مر الوقت ورجع النا شكد حاول ويانه ورجع جاب عصير
واجه النه
يحاول يتودد الماما وكل شوي عينه عليه تجي
واني مثل الهبله صافنه
- الشذام :- والله ياخالتي لا تهتمون للمهر لو مليار
مايهمني
- ام عنقاء :- يمه ان شاء الله ابوها يقبل
- الشذام :- ان شاء الله خالتي

يباوع عليه ويضحك اسنانه بييييض
ابيض مني عبالك مسوي ابتسامه سألني
- الشذام :- شنو اسمج
- عنقاء :- هااا
- الشذام :- هههههه شوفي خاله هاي تعتبر شوفه
شرعيه ومن حقي اشوفها واحجي وياها واسألها
لان رايدها بالحلال
ف لا تعتبريها تجاوز مني او قله الادب
- ام عنقاء :- تعرف بالدين ومتعمق
- الشذام :- دارس حوزه اني وأخويه هم جاي يدرس هسه
واريد اشغله هنا وهو هم الحد هسه
ما متزوج حاله من حالي

اخر شي زرنا وكملنا ورجعنا لبغداد بس اني
ماعرف شبيه فاتحه حلكي وفرحانه
يمكن حيل أعجبت بي
ولو صارت عيني بعين امي أخجل لان هي تعرف كل شي
اول يوم سكته ماحجوا شي
ثاني يوم هم سكت واني الفضول صعد الراسي
ثالث يوم
جهاز امي دك فزيت ويا الدكه مالته
حسيت هذا الاتصال منه
وصحيح طلعت امه وبقت تحجي ويا امي وبعدين
امي حجت الأبويه عنهم وهو صار
يسأل عنهم من وين ووو ..
ورفض اخر شي
اني من سمعت رفض بجيت صح مابينه شي وماعرفه
بس دخل كلبي يمكن حب من اول نظره
يومين ورجعوا خبر الرفض الهم
واني دكيتها مناحه ابجي عليه وحيل مقهوره
ومن سألوا شنو سبب الرفض امي ردت
عليهم كالت ابوها الي رفض
وماعرف شلون اتواصل وياي ومن سألني
اني سولفت اله كل شي
اعرف الي سويته خطأ بس كلبي صار يمه
فد مره حبيته

طلب مني اللوكيشن ادزه واني دزيته
اله رد كال انتظري ٣ ايام وجهزي نفسج تمام
رديت عليه تمام
وصحيح ورى ٣ اايام اندك الباب مال بينا
اني انطيت خبر الماما حتى يكون عندها
علم بكل شي وهي كالت سوي نفسج ما تعرفين وحتى اني
ما اعرف
لان ااساساً ماما حيل اقتنعت بي وحبته مثلي
الساعه ٤ العصر بالضبط
اندك الباب راح ابويه يفتحه واحنه ركضنا نشوف
من الشباك احس كلبي يرجف

وهنااااك جان اشوف زززززلم هووووواي يسدون
عين الشمس
شيوخ كباااار ، شباب ، زلم كبااار
هوووواي هواااي بحيث بقيت فاتحه حلكي مصدومه
حتى الي يشتغلون ويا بالعتبه الحسينيه
جايبهم ويااا
اني من شفتهم بقيت انكزززز حيل فرحانه
طااايره من الفرحه حتى فرحتي ما اكدر اوصفها
ابويه حيل انصدم
بيهم لان ناس هواي
دخلوا جوه وصاروا يحجون ويا ويحاولون يقنعوا
واني كلبي يدك بقوه
حتى جايبين وياهم هديه الابويه
من صدك فرحت حسيت هو فعلا رايدني
اكون حلاله وزوجه اله
حتى جايب ويا بقلاوة وكيك وكل شي وجاي
صاروا يحجون ويا ابويه بالدين والزواج
إلى أن راحوا

بقوا ينتظرون جواب منه وابويه شالتنا
كلنا ما مقتنع ابد
شهر كامل وكل ما يسألون ما يرد
يكول بعد
حسيته يريد يطفرهم
و الشذام يتواصل وياي كل شوي
وكل يوم داز الي رساله ( ها ما قبل ابوج ، ها شوكت يرد خبر النا ، ها شوكت مو راح اموت وهو ما مقتنع بيه
شبيه اني )
واني منا اعصابي تلفت
من جهة ابويه ومن جهة شذام
وامي كل شوي تحجي ويا ابويه ويرزلها
إلى أن اقتنع ابويه ورد الهم الموافقه
هناااا حسيت روحي طااارت من الفرررحه
وافق واول ما سمع شذام بخبر الموافقه
اجه ثاني يوم هو والمشيه يخطبوني
بس المشي تسد الشارع سياااارات هوووواي
بسرعه بسرعه عقدنا
يخاف لا ابويه يغير رأيه

وهنا بعد ما عقدنا دخل بقى صافن بوجهي
اجه كعد يمي كل شويه يتغزل بيه
هو جان لابس اسود كلها طالع يجدح جدح
الساعه سوده وشواربه سود
وهو ابيض
بحيث عيوني ما شلتهن عنه البنات بقن صافنات
عليه حقهن والله اذا اني صفنت عليه
بس لو يعوفوني شويه الا اكمز عليه
واحضنه
هو يضحك لبسني الذهب وباسني من جبيني كدام الكل
اجه عمي شال البياض وحطه بيدي
وأهله منا يهوسون هوسات حيل حلوه
وهو باقي لازمني من ايدي ولازك بيه لزك
الا ان النسوان شلعنه من يمي شلع حتى يطلع
هو طفر برى وهن يضحكن عليه
بس جان من احلى الايام الي عشتهن بحياتي ...

- نارا :- اباوع عليها شلون تحجي وتشتغل
والابتسامه ع وجها
حيل فرحت الها
- اي انتِ هم ما مقصره ويا بديتوا بدايه
حلوه اكيد يكون زواجكم حلو
- عنقاء :- هو هم متفهمني حتى ايام الخطوبه
ما طلب مني اي شي موزين
وحيل فرحان بيه
حتى ع رقمي كاتب هديه الحُسين
لان تعرفت عليه هناك وطلبني هناك
حيل يحبني ويحترمني ما حارمني من اي شي
مخليني اني قبله
ما يتجاوز عليه وحيل يحترمني
واذا طلع الدوامه اذا بغداد او بكربلاء مايغمض عينه
الا ما يفتح كام وياي ويشوفني
- نارا :- ياعمري الله يحفظكم البعض أجمل اثنين شفتهم
بحياتي
- عنقاء :- حبيبتي الله يسلمج
- نارا :- زين همَ مو كأن تأخروا برى
- عنقاء :- عوفج منهم اولها وآخرها يرجعون تعالي
نعدل نفسنا بغرفتي
- نارا :- تمام ...

طلعوا من الحمام وشُعاع اخذ شذام
يدورون ع بيت مُناسب الهم
مايكدر يرجع البيت اهله بهذا الوقت الا وهو مرتب
نفسه ومرتب كل أموره
شذام ما تركه لحظه وحده ويا ويا وين ما يروح
رجله ع رجل شُعاع

- شُعاع :- ها نرجع للبيت تأخر الوقت
- الشذام :- اي بس خلي اتصل اشوف اذا محتاجين
شي انجيبه ويانه بطريقنا
- شُعاع :- تمام اتصل ..
- الشذام :- الو ها عيني دزيلي الي محتاجته برساله
حتى انجيبه بطريقنا من نرجع
دزت الي برساله ورحنا نشتري المطلوب
بالطريق شُعاع شاف بقلاوة كدامه
اخذ منها وشعر بنات اخذ لان انتبه عليه شلون
جنت مهتم اخوي
واعرفه ما اله علاقه بهاي الشغلات
بس الواضح الحب اله دور ومفعول ضحكت عليه وحاولت ما ابين
- شُعاع :- ها نرجع لو محتاج شي
- الشذام :- بس خلي نطلع للمكتب اجيب الملفات
نسيتهن وبعدين نرجع للبيت
- شُعاع :- تمام
- الشذام مشينا للمكتب نزلت وهو وبقى شُعاع بالسياره
كاعد ينتظرني
من رجعت اول ما صعدت السياره حجه وياي بسرعه
وهو يأشر ع السياره
- شُعاع :- بسرعه الحك هاي السياره
- الشذام :- ليش ولك
- شُعاع :- هذا واحد ملثم صار اله ساعه يحوم هنا
وبعدين شخط
السياره وطلع سريع لك الحكه
- الشذام :- ها ابن المدلل نرجع شنو تسوي بي
- شُعاع :- اكلك شذام امشي لا الطمك ع حلكك
- الشذام :- ههههههههه خوش اعصابك غير نعرف منو
- شُعاع :- معليك هسه امشي وبعدين تعرف
- الشذام :- تمام الله يستر
مشينا ورى

مشوا ورى وهو يمشي
ما منتبه الهم إلى أن وصلوا المنطقة ودخلوا
للبتاوين
بقى صافن هذا منو وشنو الي جابه هنا وليش
ورانه !!!
وكفوا يراقبوا نزل من السياره مالته
ونزع الثام مالته بس ما بين وجهة
دخل البيت ورى شويه رجع طلع راسه من
الباب يباوع صاح شُعاع
مصدوم من الشافه كدامه
- شُعاع :- ااااااابووووو نووووووووووووح !!!!!.

^^^^^^^^^

كلهن فوگي مَلتمات وين اليوجعَن گلبي .
يتبع ..

التوووووقعااااااات بسسسسرعه ..
صدمااا كبيراااا طن .
تررررى البارت حيل طوووووويل.

.