الربتج " حالك الاسوداد " الفصل الثلاثون 30 - بقلم رهف علي

ستدرك في وقت متأخر
من الحياة أن معظم المعارك التي خضتها
لم تكن سوى أحداث هامشية
أشغلتك عن حياتك الحقيقية
فاجعل هذا الإدراك مبكرًا

ايُهما أشد قسوهٌ الموتُ اما الفراقِ ؟

°****************°

صار صوت حيل قوي بأذني طووووووووط وشه حيل قويه
صارت بأذني مدنكه راسي والبنات بصفي يتصارخن خايفات رفعت راسي ارجف دفعت البنت الي موجوده يمي وفتحت باب السياره ونزلت هنَ يصرخن واني ما اهتميت
بقيت امشي كُلها للامام امشي رجليه تاخذني اريد اروح
الهذا المكان الي جانوا بي الي شُعاع موجود بي كلبي يسحبني اله قبل رجليه اباوع صارت كدامي ناار مشتعله مال الانفجار التفتت السيارات هواي موجوده كعدت بالكاع
سحبت رجليه الصدري وخليت اديه ع راسي مثل المجنونه بقيت اهز بنفسي وجسمي يرجف طبكن سيارات هوااااايه ونزلوا منها القوه الي طلبوها قبل لا يتم الانفجار كُلها لابسه لبس عسكري يصيحون عليه منو انتِ اسمع صوت البنات يصرخن وخايفات ينزلن ويشوفن

رفعت راسي اباوع سياره شُعاع محتركه والنار بعدها بيها
رجع صوت الطفل يصرخ بأذني وصوت الطلق رجع من جديد براسي خليت اديه ع أذاني حتى اخفف من مصدر الصوت رفعت نفسي وكمت صار واحد كدامي يحجي وياي يريد يعرف منو اني واذا أقرب الهم ويحاول يهديني
خليت عيني عليه هزيت راسي بحركه سريعه همست
- وينه شُعاع اريد شُعاع ، فتح عيونه وصاح
- شُعاع !!!!!! منوووو انتِ شنو اتقربين اله ؟
ما اهتميت اله هو كدامي مانعني امشي دفعته واتقربت
امشي اريد ادور ع شُعاع اتقربت مسافه من النار والمكان
الي صار بي الانفجار فتحت عيوني ع وسعهن واني اشوف
اجسادهم متمدده ع الارض ومن ضمنهم شُعاع !!!!!!

اني من صدمتي بقيت واكفه اباوع مصدومه من شفت شُعاع بهذا المنظر صرخت صرخه طلعت من كل كلبي
يييييييااااااااا علييييييييييييي .
ركضت بكُل حيل عندي اريد اتأكد هذا هوَ شُعاع وصلت يمه وكعدت بصفه اتمنيت مايطلع هوَ لو ميته ولا شايفته
بهذا المنظر لزمته ارجف واصيح بعلوا صوتي اتهسترت
- لا لا لا لاتعووووفني شُعاع انتَ وعدتني ما تعوووووفني .

واكفين فوك راسي يصيحون " صعدوا النسوان بهذيج السياره بسرررعه " صعدوهن و واحد منهم صعد يسوق بيهن واني بقيت تقربوا مني يريدون ياخذون شُعاع من حضني واني
لزمت بي مثل المجنونه اصيح بيهم " اترررركوا مابي شي هوو عايششش " صاح بيه واحد منهم
- اااامشي اصعدي للسياره بسرعه "
رجعت صحت بي باعصاب ترجف وجسمي يهتز
- ماااا اعوووووفه هو هو ابويه ماااا اعوووفه "
همَ مستغربين مني ومن كلامي اني ارجف بس ما ابجي
مثل الي داخله بحاله صدمه قويه سحبوا من عندي بسرعه
ومشوا يركضون بي اني وكفت ع طولي وركضت وراهم
للسياره الي متوجهين الها صعدت بسرعه وهم حطوا صار راسه بحضني سريع انعاد الشريط براسي من طلعنا من الموصل هم نفس الشي صار ويانه هم حطوا بحضني
وهو تعبان وطالع من حلك الموت من شده قوه الموقف الي اني بي ماكدرت احجي بس بقيت امتمت وادندن بحروف
مُختلفه مره " نننننن " ومره " ممممم " حاطه ايدي ع شعره وهمَ يباوعون عليه مستغربين كأن كدامهم شي غريب صعدوا سريعه وطلعوا ع مستشفى كربلاء .

اخذوا كُل الجرحه للمستشفى اول ما وصلوا نزلوا يركضون
يصيحون ع الدكاتره والستديات لان الجرحه مو بس شُعاع لا جماعه هم ويا نزلوهم من السياره وخلوهم ع الستديات والبنات يتصارخن نزلوا شُعاع وحطوا ع الستديه واني ورى اركض دخلوا للطوارئ واني بقيت واكفه بمكاني صدومه
كعدت بالكاع حسيت صار واحد فوك راسي رفعته شفته
نفسه هذا الي سألني رجع مره ثانيه سألني
- منو انتِ ؟ "
اني ما جاوبته رجعت نزلت راسي اباوع ع الكاع ماحسيت
الا صوت الشذام صار بترس اذني دخل يصيح " ناااااراا وين شُعاع " رفعت عيني ورجعت نزلتها ما جاوبته ما اعرف شبيه اجه تقرب مني يحجي " نارا تسمعيني " اني بس ارفع راسي وارجع انزله اباوع ع الكلع صاح بصوت عالي
- الشذام " وين الممرضه "
هي اجتي سريع صاح الها
- الشذام :- تعالي بسرررعه شوفي البنت فاقده
- اني ما احجي اجت الممرضه تحجي وياي ماجاوبتها حتى الدكتوره تحجي وياي " انتبهيلي تسمعيني " واني ارفع راسي اباوع عليهم وارجع انزله حسيت صارت رجفه بجسمي وصارت بارده بقيت ارجف من البرد واهز بنفسي
ما طلع من شفايفي بس اسم " شُعاع شُعاع شُعاع "
ماحسيت الا كف صار ع وجهي فزيت فزه حيل قويه
رفعت راسي الشذام فوك راسي والدكتوره والممرضه بصفي
- الدكتوره :- اهدئي كومي "
اني دفعتها وصحت ووووين شُعاع ويننننه اتلفت اصيح شُعاع ووووينه

ماحسيت الا طلع الدكتوره تقربوا منه كُلهم وهو يحجي
ويا الشذام سمعته كال اله
- الدكتور :-حالتهم كُلهم زينه بس من قوه الانفجار وللن همَ قريبين منه مأثر عليهم وفاقدين الحمدلله ع سلامتهم
- اني من سمعت كلامه صفنت بوجهة وبقيت اشهك
احس حتى الهوى صار يدخل يخنكتني ماكدر حتى اتنفس من شافوا حالتي اجوي عليه التموا يدكون ع ظهري ويشربوني مي يحاولون يخلوني أهدأ بالكوه يلا كدرت اسحب نفس شهكت بصوت عالي اسحب النفس وصرت ابجي تركتهم ودخلت اركض للغرفه الي بيها شُعاع

اول ما دخلت شفته كدامي مغمض عيونه بقيت صافنه عليه احس جسمي يرجف ما مصدكه الي كاله الدكتور
نزلت دموعي واحس منظره مثل الجمره وصارت بكلبي
تقربت منه احجي ويا وشفايفي ترجف من القهر ومنه
- ليشش هيج هااا ليشش يعني تريد تعوفني وتروح ما فكرت بيه منو الي منو يبقى الي ماعندي غيرك احد بس انتَ سند الي ليش هيج تأذيني بييييك شُعاع وما اكدر اعيش من دونك اموووت " دنكت عليه لزمت ايده
ردت ابوس ايده وصار صوته بأذني
- شُعاع :- ليش اني من دونك اعيش ؟
- شهكت من سمعت صوته رفعت راسي بجيت بسرعه
وارتميت بحضنه حضنته اريد ادخله بنص روحي واقفل عليه بقيت اشم بي واني ابجي ما مصدكه رجعت حضنته
هو رفع نفسه يحجي وياي
- شُعاع :- شبيج بابا مابيه شي اني
- نارا :- شلون شلون تروح وانتَ تعرف اكو انفجار
تدري سيارتك شنو صاااار بيها شُعاااااع
- شُعاع :- ادري.
- نارا :- بجيت ، شششلون ؟ سحبني الصدره وضمني بحضنه وباسني من راسي .

- شُعاع :- الله انطاج الي نعمه يا بعد نعماتي الـــ٥
- نارا :- منو نعماتك الـــــ٥ ؟
- شُعاع :- النظر ، السمع ، الشم ، السمع ، المس ، هذن كلهن نعمه من الله وانتِ السادسه الهن
- نارا :- ما رديت عليه ضميت روحي بصدره من جهة
كلبه اسمعه شلون يدك بقوه رفعت راسي ، كلبك يدك سريع ! ابتسم بوجهي و جاوبني
- شُعاع :- لان انتِ بحضني وقريبه مني هيج يدك .
- نارا :- ماعرفت شنو احجي رجعت نزلت راسي وضميته بحضنه .

سمعنا صوت الشذام شُعاع بعدني عنه وهو دخل رافع
حاجبه
- الشذام :- ها ارتاحيت
- شُعاع :- احنه ناس فقره
- الشذام :- واضح ، شلون صرت خويه
- شُعاع :- احسن ، الولد بيهم شي ؟
- الشذام :- لا كاعدين مابيهم شي يم نسوانهم
- شُعاع :- الحمدلله هسه نطلع دام ما بينه شي
- نارا :- بعد المغذي عن ايده
- نارا :- ماحسيت الا جر الكانونه من ايده وصارت نزف دم
عطت بي ، ششششششبيك ؟؟؟
-شُعاع :- يابه عوفج من هاي السوالف مابيه شي
-

نارا :- كام سحبني من ايدي وطلع واني صافنه عليه
عليه طلعنا برى كُلهم موجودين اجه الدكتور بقى صافن عليه
- الدكتور :- منو سمح لك تطلع
- نارا :- تقرب شُعاع ربت ع كتفه وحجه ويا
- شُعاع :- ديربالك ع نفسك مو عليه
- نارا :- رفع راسه وصاح
- شُعاع :- يلا يا ولد نطلع.
- نارا :- اباوع ع البنات شحالهن خطيه كُلهن تراب ورجعنا البغداد حتى ولا واحد اهتم بالصار كأن سبق مرتبين الموضوع وما مهتمين

اول ما وصلت للبيت دخلت ارجف
- نارا :- اني بردت
- شُعاع :- ادخلي للغرفه
- نارا :- دخلت وكعدت ارجف ، شُعاع ممكن اتفهمني؟
- شُعاع :- لا مو ممكن
- نارا :- تقرب مني وحضني بقوه وهو منا كُله تراب واني مثله
- شُعاع :- احبج
- نارا :- بقيت اباوع عليه، شُعاع
- شُعاع :- عيونه
- نارا :- اريد اروح للدكتوره
- شُعاع :- بيج شي ؟
- نارا :- لا بس اريد اروح اجيك وضعي
- شُعاع :- ها هي أن شاء الله حبيبتي اني اخذج
- نارا :- رجع حضني بقوه حسيت اعضامي اتكسرت
شبييك شُعاع اني اختنكت؟؟؟
- شُعاع :- احبج غير
- نارا :- اي بس خنكتني ماكدر اتنفس
- شُعاع :- مو صوجج صوجي

- نارا :- كم ابتعد عني نزع ملابسه ودخل للحمام واني بس صافنه معقوله ضاج مني بقت براسي معقوله ضاج
كمت اخذت ملابسه خليتهن بالغساله ورحت اسوي اكل
سويت سريع طماطه مثل الي يحبها وأخذتها للغرفه اول مادخل شافني ابتسم بوجهي
- شُعاع :- ويلوموني ليش احبج
- نارا :- تقصد اني ؟
- شُعاع :- لا ع الطماطه
- نارا :- اجه كعد ياكل واني صافنه عليه ، شُعاع واني ؟
- شُعاع :- لا انتِ تختنكين مني جنت اضحك وياج
- نارا :- اني بس صافنه ردت ابجي من شافني ضحك بصوت عالي وحضني بقوه
- شُعاع :- غبيه بس احبج هواااااي
- نارا :- ضحكت بفرحه وحضنته

من التعب بس خلص اكل كام غسل وبقى بالحمام فوك النص ساعه بس يغسل اسنانه واديه وبعدين رجع سحبني من ايدي نومني ع السرير ونام بحضني ابتسمت خليت ايدي ع شعره ادلك راسه وهو نام من التعب سريع ما طول

كعدت الصبح لكيته كاعد قبلي صافن عليه يباوع
ابتسمت سريع تقرب باسني من راسي
- شُعاع :- احبج
- نارا :- حضنته اضحك ، شكد ؟
- شُعاع :- اكثر من ما تتخيلين
- نارا :- نام ع بطنك ، عقد حاجبه
- شُعاع :- ليش
- نارا :- هسه بس نام ، هو انصاع للموضوع ونام ع بطنه
اني سريع صعدت ع ظهره لزمته من شعره أجره واحجي
ويا ، ع منو تكول البارحه احبج ع الطماطه مو ؟؟؟
- شُعاع :- اخخخ لج شعري جنت اجذب والله انزلي لج
- نارا :- ع منو اتجذب هااا ، ماحسيت الا قلبني وصار هو فوكي صحت بصوت، اووووكف خلي افففهمك
- شُعاع :- لا افهمج ولا اتفهميني
- نارا :- اوكف شسمه اي اتذكرت الطماطه البارحه طيبه
- شُعاع :- اريد
- نارا :- ها تريد طماطه اي وخر اسوي لك
- شُعاع :- لا اريدج انتِ
- نارا :- لاااااا وخر ههههه ، تقرب شلع رقبتي يصيح
- شُعاع :- ولك وووووووولك ريحه طفل
- نارا :- ااااخ مو هيج وخر
- شُعاع :- هاهيَ قررت اتزوج الثانيه
- نارا :- عززززززه شنووو
- شُعاع :- اي اتزوج الثانيه
- نارا :- اتحداااااااك

ابتعدت عنه وهو يضحك اتقربت كرصته بقوه صاح بيه
ابتعدت اضحك
- كوم انسوي ريوك سوه
- يلا يابه شعدنا انسوي وياج يا مدام شُعاع
- نزلنا جوه اول ما دخلت المطبخ ضحكت درت عليه ، انتَ سوي النا ريوك ، ضرب كصته يصيح
- اااااي اعرف راح تفتر السالفه عليه
- ههههههه شبيك شُعاع
- خوش بس بشرط
- شنو هو ؟ اتقرب مني غمز
- اعضج من ازنودج
- ياااااااا شنو هاااي حبيبي مستجلب صاير ، هو فتح عيونه ع وسعهن واني انصدمت شلون زلكت من حلكي هل كلمه طفرت من كدامه اركض وهو ورايه يركض
لزمني صرخت ، لااااااااا عوفني اسفه اسفه هههههه ،
ماكو ولا يمه لزمني جعصني جعص يصيح
- اني المستجللللب ولج اصبريلي
- ماحسيت الا يلكفني بعضه من زمني فرفحت روحي
تركتي اكمز من الالم اباوع ع طبع اسنانه بأيدي هو كدامي يباوع ع إنجازه ويضحك صحت، روووح زعلت منك ، عفته وهو حضني من ورى باسني ويضحك راح يسوي ريوك
ابتسمت فرحانه رحت ورى شفته يسوي الاكل واني حضنته من ورى بقوه
-شُعاع شكد تحبني ؟
- وليدي وخر جاي اسوي اكل لا تنجوي
- ماا كول شكد تحبني ، سحب نفس
- كد هذا الكون
- بس هذا الكون صغير !
- احبج بكد رحمه الله
- ابتسمت بفرحه وبسته من ظهره وابتعدت

فتحت الثلاجه احجي ويا .

- شُعاع راح اتصل ع عنقاء تروح وياي للدكتوره
- اني اوديجن
- بس خاف الشذام مايقبل تاخذها وياي
- لا يقبل بس انتِ اتصلي عليها وشوفيها
- تمام ، طلعت من المطبخ وهو عاط
- وووين تعالي
- شنو غير اتصل ع عنقاء
- ارجعي بربكه
- فتحت عيوني ، ياااا ليش
- ارجعي لا ****
- عززه شُعاع هاي عليه
- اي عليج حبيبي
- عطت بي ، شعييييع هسه اموتك، ضحك بصوت عالي
- شحلاه اسمي وانتِ تنطقي فدوه الاسمي والج
- هزيت راسي اضحك شكد منحرف هذا الرجال

صفنت بعدها حجيت ويا بهدوء
- شُعاع اريد اكعد ويا مصطفى، هو التفت عليه
- ليش بيج شي ؟
- لا بس هيج ، سحب نفس بقوه وابتسم بوجهي
- سهله بابا اتصل عليه ويجي
- كملنا الريوك وهو راح يسبح ويغير ملابسه يريد يطلع
اني كمت طلع الدجاج وخليته بالمي حتى يموع وغسلت المواعين وهو نزل يباوع عليه ابتسم
- شنو راح تسوي غده ياحلو
- نعيما حبيبي مقلوبه تحبها ؟
- الله ينعم عليج حبيبي ، اكيد احبها اريد اجرب اكلج
- انششوف ، هو راح طلع واني بقيت الوحدي البيت نظيف ومابي شي يتنظف صرت اجهز بأغراض المقلوبه اسوي بيها وبديت بالبصل عيوني راحن وهو دخل باوع عليه انصدم عباله ابجي
- شبيييج تبجين ؟
-ههههه هذا من البصل
- والله بيج كتله
- هههههه فدوه لليخاف عليه ، بسته بالهوى واندك الباب باوع بالكاميرا كال
-اجه مصطفى
- انتَ خابرته ؟
- لا والله، روحي اصعدي غيري لبسج وانزلي

- هزيت راسي صعدت غيرت لبسي ونزلت دخلت سلمت عليه ورحت للمطبخ اكمل وهمَ دخلوا اثنينهم ورايه

- مصطفى :- شنو جاي اتسوين ؟
- نارا :- مقلوبه ، هو فتح الثلاجه يصيح
- مصطفى :- هاي شنو يا خونه مال هسه اشيل الثلاجه واخذها وياي للغرفه مالتي
- نارا :- ضحكنا عليه وهو يحشش ، سمعت رنه جهاز مال شُعاع اباوع عليه رفع الجهاز وتغير لونه حسيته توتر اخذ جهازه وطلع من المطبخ للصاله مصطفى يحجي وياي واني بالي ويا شُعاع بس صوت الجهاز مال شُعاع عالي يعني ينسمع اتقربت شويه وشُعاع فتح الجهاز سريع سمعت صوت بنت !!!! اني بقيت الوب بمكاني منو
هاي البنت اتقربت اكثر ومصطفى انتبه عليه
- مصطفى :- شكو ؟
- نارا :- اشششش ، اتقربت اكثر اخر شي سمعته كال الها " بعد لا تخابرين " وسده اني كلبي صار يرجف
رجعت بسرعه كعدت بس عقلي صار يضرب اخماس بأسداس منو هاي وليش هيج يحجي وياها بصرامه منو هاي البنت ، دخل شُعاع للمطبخ وجهة احمر

بلعت ريقي وسألته .

- نارا :- بيك شي حبيبي ؟ طبعا مصطفى حيل ذكي بقى صافن علينه بيده تفاحه عضها وهمس
- مصطفى :- انلاصت ورب الكعبه
- نارا :- رفع شُعاع راسه سأله
- شُعاع :- شنو ؟
- مصطفى :- اقصد التفاحه مالتكم تختلف من مالتنا
- نارا :- هز راسه والتفت الي
- شُعاع :- اني راح اطلع
- نارا :- اني صافنه اباوع عليه ومصطفى سحب شعره للورى لان طويل حجه
- مصطفى :- اني هم طالع
- شُعاع :- لا ابقى اني شويه وراجع ما أطول
- مصطفى :- تمام انتظرك
- نارا :- اني بقيت صافنه اسوي بالاكل وهو صعد اتقرب مصطفى يحجي وياي
- مصطفى :- شنو سمعتي نارا ؟
- نارا :- ضغطت ع ايدي ، اسكت مصطفى
- مصطفى :- خلي اسكت لا احضل كفخه
- نارا :- احس النار بكلبي ، مصطفى
- مصطفى :- ها
- نارا :- تعتقد شُعاع يخوني !! هو صفن عليه مصدوم
- مصطفى :- لا مستحيل ترى شُعاع يحبج صح النسوان يركضن ورى بس هو يحبج الج

- نارا :- نزل شُعاع من فوك يعدل بقميصه باوعت عليه العطر وصل الي قبل لا ينزل مرتب ع الاخر لابس قميص
اسود وبنطرون قماش اسود والحذاء اسود والساعه مالته السوده تلمع لمع بأيده وهو منا اسمر شعره مو طويل وحالق جديد
فكه المشدود وتقاسيم وجهة المشدوده انتبهت عليه من فوك للجوه صافنه بي ابتسم بوجهي بدون ما ينتبه عليه مصطفى باسني بالهوى وطلع

اني بقيت صافنه والفكره براسي معقوله ! سريع دموعي نزلن مصطفى انتبه عليه
- مصطفى :- شبيج ؟
- نارا :- مصطفى اني سمعته يكول بعد لا تخابرين ، هو صفن بوجهي
- مصطفى :- اهدئي يمعوده
- نارا :- قرب مني الكرسي حتى اكعد جاب الي مي وطفى الطباخ وكف كدامي
- مصطفى :- شنو سمعتي بالضبط
- نارا :- يمكن اكو وحده تخابره ، هو ضحك طلع عنده غمازه مثل شُعاع
- مصطفى :- تغارين ؟
- نارا :- اكيد
- مصطفى :- بس شُعاع يحبج حب ماصاير تدرين لو لا
- نارا :- ادري ، بس خايفه من النسوان
- مصطفى :- لا والله اكلج كومي كملي الغده اريد اتغده يمكم وحتى نسولف
- نارا :- اسكت
- مصطفى :- لا اريد اسولف وياج
- نارا :- تمام

كمت اسوي بالغده وهو بس يحجي
- مصطفى :- اني الهسه ما متزوج
- نارا :- ليش
- مصطفى :- بعدني ما لاكي بنت الحلال الي تعجبني
- نارا :- ليش
- مصطفى :- أريدها كلاسك مثلي
- نارا :- عقدت حاجبي ، شلون يعني ؟
- مصطفى :- يعني ايجابيه ، فرفوشه ، نفس جووي
- نارا :- انتَ ماحبيت
- مصطفى :- لا شكد شفت بنات بالجامعه بس ماحبيت
- نارا :- ليش علم النفس بالضبط تحبه ؟ سحب نفس بقوه وزفره كعد ع الكرسي يحجي
- مصطفى :- لان جنت اتمنى شخص يسمع الي لو اساعده
- نارا :- يعني ؟
- مصطفى :- مريت بهواي شغلات محد وكف الي بيهن
واحس هواي ناس مثلي
- نارا :- شغلات مثل شنو ؟
- مصطفى :- مثل وفاه ابويه ، اختفاء شُعاع، اخواتي وامي واني الهن ، ومن اني وصغير اكتم بداخلي اشوف امي تبجي واخواتي وجنت دائما استمع الهن اما اني حيل كتوم مااكدر حتى احجي الي بداخلي جنت أفرغ الي بداخلي بالرسم
- نارا :- اي شفت غرفتك ، ابتسم
- مصطفى :- هو الرسم ملجأ الي جان ، وخاصه الفتره الي مريت بيها وفاه والدي ومنا شُعاع ماكو حسيت اخواتي ما الهن احد وصار الاعتماد عليه فجأه من بعد ما جان ابوي وشُعاع موجودين ومنا اخواتي جامعه بقيت خايف عليهن من كل شي رغم ما اتغير تعاملي وياهن
بس اذا اشوف غلط اتعارك وياهن وهن دائما يشوفني ع غلط وماكدرت اوصل الهن خوفي عليهن وجانن يشوفن خوفي عليهن شي سلبي لان قيدتهن احتويتهن وماخليتهن يحسن بموت ابويه بس حسن خوفي الهن انُ اني اكرهن، ف بهذاك الوقت حيل تعبت وماعندي احد اشكي اله لجأت للرسم وبعدها دخلت كليه علم النفس يلا شويه كدرت اتعود ع الوضع وارتاح شوي
- نارا :- زين هم تشوفهن يغلطن ؟
- مصطفى :- اي بنت تغلط لكن ما لازم تعالج الغلط بغلط ثاني اكبر منه وما لازم توكف ع هذا الغلط وتسكت
وما لازم اتضم شي حيل جبير عن أهلها لازم يكونون هم السند آلها ويساعدوها، واني حاجيت امي طلت الها
لو اجن الج وحجن وياج بمشكله او حتى عن حبهن الشخص احتويهن حتى ما يروحن الغير طريق
- نارا :- ابتسمت ، تفكيرك حلو

- مصطفى :- باعي نارا البنت وخاصه بهذا الوقت إذا صارت وياها مشكله صغيره راح تحسها حيل جبيره وتروح تحلها بمشكله ثانيه لان ماعندها احد تشكي اله حتى الصديق ذاك من ذاك الي يكون زين واليوفي وياك حتى السر
مالازم انطي الصديق وأهلي موجودين ممكن يكون هو العكس ويغدر بوقت انتَ ماتعرف بي مثل ما يكولون
" احذر من عدوك مره ومن صديقك الف مره "
- نارا :- اخواتك هنيالهن لان عندهن هيج اخو مثلك
- مصطفى :- وانتِ صرتي وحده منهن ، شلون طلعتي من السادس ؟
- نارا :- صرت شاخطه يلا طلعت ههههه
- مصطفى :- هههههه كولي غيرها
- نارا :- والله شبيك لا اكل مثل الاوادم ولا النومه حسره عليه ارتاح ، استمرينا نحجي واني اسوي بالغده
إلى أن رجع شُعاع دخل ، حسيت كلامي ويا مصطفى خفف عني التفكير الي فكرت بي بشُعاع
كعدنا نتغذه وراها راح مصطفى واني ما فتحت الموضوع ويا شُعاع ولا سألته بس هم اكو شي خايفه منه
غسلت المواعين شفت الوقت لازم اروح للدكتوره ويا عنقاء جهزت نفسي واني انطيتها خبر ونزلت شُعاع هو الي وصلنا للدكتوره

دخلت فحصتني وسويت تحليل كُل بالي انُ اني حامل
لان كُل شي يشير للحمل
اول ما شافتني هزت راسها حجت وياي
- الدكتوره :- ماكو اي حمل والأعراض الي تصير عندج هاي خلل بالهرمونات

- نارا :- سحبت نفس ورجعت صح جان بالي اصير حامل
بس هم تفكيري مو يم الموضوع يم الجهاز اريد اعرف منو هاي بالضبط لازم افتح جهاز شُعاع حتى اشوف
صار الليل اجه حضني واني مو يمه راح نام واني سحبت نفسي منه بهدوء سحبت الجهاز من يمه وأخذته احس كلبي يدك بسرعه وبقوه اعرف افتح الجهاز مالته اول ما فتحته صار الضوه نصيته بعدني داقلب بيه وماحسيت
الا انسحب الجهاز من ايدي و صار فوكي بقيت صافنه مصدومه

- شُعاع :- نارا شنو جاي تسوين ؟؟؟؟
- نارا :- فاتحه عيوني ع وسعهن ، ششنو !
- شُعاع :- شنو هذا التصرف ؟؟؟
- نارا :- انتَ الي شنو هذا التصرف ترى اني مرتك انطيني الجهاز
- شُعاع :- ما انطي
- نارا :- شُعاع ليش ما تنطي شبييييي ؟؟؟؟
- شُعاع :- بي شغل
- نارا :- ششششغل شششنو ؟ انطيني الجهاززز
ييييااااا هي القندرررره الي الظهرررر تخابرك ، هو فتح عينه
- شُعاع :- تسمعين عليه !!!!
- نارا :- احجي بحركه ، انطييني جهازك لا هسه اشوي الليله زقووووم ، هو ابتعد عني عاقد حاجبه شمر الجهاز عليه وطلع اني من حركه كلبي شلت الجهاز وركعته بالحايط منهاره فلشت الجهاز سديت الباب وقفلته اصيح
، اااذذذذذا ما راااايدني طططلكني منو هااااي الي تحجي
وياهااااا الظهر روح الهاااااا خلي هي تفييييدك
سمعت صوته من جوه
- شُعاع :- صووووتج
- نارا :- مااا اريد اسسسسكت ، اني ابجي واصيح وهو ساكت واني بس ابجي ومنهاره شويه وسمعت صوته ديصعد الدرج ودك الباب مال الغرفه
- شُعاع :- افتحي الباب
- نارا :- مااااا
- شُعاع :- وروح أبويه اكسرررره وافلش البيت

- نارا :- كمت فتح اله الباب ابجي صحت ارجف شتريييييد ؟ هو تقرب سحبني الحضنه وحضني
بقوه صرت ادفع بيه ابجي ، وووخر وخرررر ، هو ابتعد عني شاف الجهاز متفلش هز راسه
- شُعاع :- لج شبيججج بابا
- نارا :- منوووو هااااي
- شُعاع :- والله محد والحُسين محددد
- نارا :- عقلي رافض كعدت ع السرير ابجي اجه تقرب مني حضني من ورى
- شُعاع :- لو اريد اخونج احجي كدامج ؟
- نارا :- بس انتَ حجيت كدامي
- شُعاع :- اعرف بيج اتسمعتي عليه لان حسيت بيج من شفتج ومن شفت مصطفى شلون ساكت
- نارا :- لا والله
- شُعاع :- لج بابا اكو واحد يحب من بعدج يعني كل هذا الحب الي احبه الج وما واثقه
- نارا :- لعد ليش سحبت الجهاز هيج
- شُعاع :- لان اعرف بيج متهوره وتعصبين بسرعه
- نارا :- سكتت ابتعد عنه واتمددت راد يحضني بعده عني
وبقيت ابجي شعور يخوف من شخص معتبره كل حياتك
وتشك بي هو ويا غيرك هذا الشي اكل مخ راسي رغم فهمني بس عقلي شيفهمه

ثاني يوم الصبح سويت ريوك ورحت كعدت اول مافتح عيونه
عقد حاجبه من شافني
- شُعاع :- نارا وحق علي اذا تبقى هاي حالتج اتخبل هسه
- نارا :- شنو !
- شُعاع :- اي حلفت الج وفهمتج ماعندي شي بطلي هاي النظرات
- نارا :- عافني ودخل للحمام يدردم نزلت وهو نزل ورايه ياكل اني صافنه رفع عينه عليه
- شُعاع :- يعني لو عندي شي اخاف منح مثلاَ ؟
- نارا :- هااااا
- شُعاع :- مو قصدي الي فهمتي بس جاي اكول لو عندي اخاف احجي او اضم عليج شبيج انتِ تدرين بيه ما اخاف
- نارا :- ولا تحترمني
- شُعاع :- بالعكس احترمج لج بابا انتِ مرتي بس لو عندي شي ترى يبين
- نارا :- سكتت هو سحب نفس وزفره
- شُعاع :- مو تريدين تحجين ويا مصطفى
- نارا :- اي
- شُعاع :- اي هو اني اتصلت عليه راح يجي وحجيت ويا علمودج
- نارا :- تنام ، وكف راد يتقرب يبوسني اني ابتعدت ، الله وياك
- شُعاع :- خير ان شاء الله
- نارا :- طلع وهو عاقد حاجبه وسد الباب ورى بقوه حسيته اتفلش اني بس ارجف ماعرف شبيه احس شي بكلبي انكسر

لبست لبس مستور وعريض وعدلت الحجاب مالتي خاف طالع من شعري شي انتظر مصطفى يجي شويه واندك الباب باوعت بالكاميرا هو رحت فتحت الباب ودخل كالعاده لابس لبس كلاسيك

- مصطفى :- شلونج ؟
- نارا :- زينه اتفضل ، دخل بالصالة واني رحت جبت عصير ومي خليته كدامه واني كعدت ساكته هو سحب العصير وشرب منه بس احسه يتعمد يطلع صوت صحت بي ، شبيك اشرب عدل
- مصطفى :- اني اتعمدت اسوي هيج
- نارا :- ليش ؟
- مصطفى :- لان الانسان من يتنرفز يحجي الي بداخله
- نارا :- مو صح
- مصطفى :- بعض الناس
- نارا :- سحب الكرسي كعد كدامي
- مصطفى :- اي نارا شبيج
- نارا :- ها ! بقيت صافنه عليه
- مصطفى :- تذكرين هذيج المره من وكعتي
- نارا :- اي !
- مصطفى :- من هذاك اليوم الهذا اليوم واني بقيت ابحث
شنو الي يصير وياج
- نارا :- وشنو عرفت
- مصطفى :- هاي تعتبر نوبات صدمه كثر الصدمه الي مريتي بيها هسه او قبل حيل قويه وما طلعت من عقلج
ف عقلج الباطني تشبع بيها وبهاي الشغله
لان الانسان من يحط بعقله شي سالفه وحتى ان كانت مو حقيقيه وهميه عقله الباطني راح يتأثر بيها مثلاً شُعاع يحبني ويحترمني لكن مجرد ما عاملني معامله اشبع عقلي بهذا التفكير ف عقلي خلاص اخذ هاي الفكره من الصعب تغيرها خاصه الانسان الي مار بمواقف حقيقيه
مو وهميه من الصعب نسيانها لو تمر الف سنه عليها
يبقى كل فتره ترجع والألم يخف بس يبقى الأثر
- نارا :- زين اني من أمر بحاله صدمه بس اصفن وما انطي اي ايعاز
- مصطفى :- اي انتِ صار بيج شي
- نارا :- شنو ؟
- مصطفى :- عقلج الباطني ماعاد يستعوب الي يصير ويا الا ياخذ فتره من الوقت بعدها يستوعب
- نارا :- وصوت اطفال اسمعه
- مصطفى :- سمعتي صوت اطفال هناك ؟
- نارا :- اي ، حتى صوت ابويه اسمعه
- مصطفى :- اذا ما ناسيتهم اكيد يرجعن الج ،كل هذا تخيل بسبب الي مريتي بي هي هاي الصدمات تاخذ من الانسان عمر يلا يكدر يتخطى
- نارا :- اني مرات اتخيل اهلي واعيش وياهم الدور وكأن هم عايشين وراها اصحى
- مصطفى :- هاي صدمه وتخيلات
- نارا :- التقيت بأخواتي وحضنتهن بس احس ماشبعانه منهن شلون بيه

- مصطفى :- نارا ارجعي للدراسه لاتبقين هيج الوحدج بالبيت ترى تتأذين اكثر كثر الفراغ الي انتِ بي راح تتخيلين اكثر وتتعبين اكثر
- نارا :- جاي أمر بشعور متناقض مره اضحك مره اصفن
ومرات ابجي
- مصطفى :- باعي الي عشتي صعب بس لازم تتخلصين منه ، اكو بعض البنات من عمر ٩ سنوات تبدي تنضج
خاصه اذا شافت شي كدامها تحب تستكشف وتعرف
تحب تكتسب معلومات واكو البعض لا يكون عقلها ع كدها
افهمج البنت الصغيره اذا شافت شي تروح تبحث عنه
حتى تعرف كل شي ومرات من يصير عندها فراغ شاسع تروح اطبق الشي الي شافته وهذا اكبر خطأ الها واكو
بيهن يكذبن ع اتفه شي وبعد ما يصدكن بأي شي الا بدليل
- نارا :- شلون يعني ؟
- مصطفى :- مثلاً قصتج الي عشتيها انتِ اطريحها ع شخص كذاب من كلا الجنسين ماراح يصدك لان هو كذاب
ومرات حتى الدليل ما راح اتصدك بي راح تصير تشك بأبسط شي واكو بيهم كثر المبالغه والي عاشوها وألفوها
بحياتهم كذلك ما راح يصدكون
وغيرها مثلا الي متعرضه العنف من الأهل ماراح تثق بأي شخص لان الي أقرب منهاا أذوها كيف بالغريب
ف شوفي ياا نارا شكد شغلات تشوفيها بسيطه بس بعدين تكبر وتكون من إحدى الأمراض العقليه وتأذي الشخص بحد ذاته وبعدها تصير تاذي الأشخاص الي حولين هذا الشخص فهمتي الي اقصده .

- نارا :- هزيت راسي وهو بقى صافن بوجهي نظراته
ماعرف شلونهن حتى خفت من يمه استمر يمكن دقيقه
صافن بوجهي بعدين ضحك بصوت عالي استغربت منه
- مصطفى :- ليش خفتي ؟
- نارا :- شنو !
- مصطفى :- شفتي شلون عقلج الباطني شنو استنتج وشنو انطى ايعاز الج " شنو يريد مني ، أو شبي هذا "
- نارا :- ههههه شلون عقل
- مصطفى :- هو العقل راح يألف من عنده قصص مجرد نظره وحده راح يكتسب قصه كامله
- نارا :- بس اني ماكذبت
- مصطفى :- اذا الاهل ينطون للبنت كامل الأجواء
والحياه الحلو ماتسويها بس هم مو سوه
- نارا :- شلون
- مصطفى :- اكو بيهم راح يتمردن اذا منعوهم من شي مع العلم يكون ضدها ف راح تلجأ الهذا الطريق
- نارا :- والصوت الي بدماغي
- مصطفى :- تدرين شد قوي ع العقل
- نارا :- ششكد ؟
- مصطفى :- خلي اسولف الج .

اسمعي اكو شخص تاجر مخدرات لزموا وحكموا عليه بالإعدام لكن قبلها المسؤول عنه راد يسوي تجربه
كال اله راح اخلي دمك يصفى وتموت وشغلوا صوت مزعج بالنسبه الهم نقاط المي بالغرفه وهي فارغه فصار الصوت اقوه و وهموا ضربوا ابره ف هو ورى ساعه مات
- نارا :- ششششنو !!!!
- مصطفى :- اي نعم مات لان العقل الباطني قوي بيهم يقتلهم بالمكان بسبب الاوهام
- نارا :- يعني حقيقي !!!
- مصطفى :- هاي القصه مو حقيقيه لكن اكو تصير واني انطيتج مثال عنها مثال عن قوه العقل شنو يكدر يسوي
من كوارث

- نارا :- زين اكو شي يحثني حتى اسوي سوالف تغضب الله واني ما اريد هذا الشي
- مصطفى :- وسواس الشيطان
- نارا :- وشخص يمنعني
- مصطفى :- ملاك الج تكدرين تخلصين من هذا الشي
قراءة ايه الكرسي والمعوذات وتنفخين ع كتفج الأيسر ٣ مرات وتنطقين " أعوذ بالله من الشيطان الرجيم " وكذالك ع كتفج الأيمن ٣ مرات وتنطقين " أعوذ بالله من الشيطان الرجيم "
- نارا :- بقيت صافنه واسجل بعقلي
- مصطفى :- وتكدرين كذلك تشغلين نفسج بالدراسه
واني راح احجي ويا شُعاع يرجعج تدرسين
- نارا :- والملاك
- مصطفى :- ما يضر البشر اذا وسوس الشيطان للانسان ع فعل قبيج اكو صوت بداخلج راح يحثج انُ ما تسويها لان تغضب الله هذا الملاك بس اكو نفوس ضعيفه قليله الايمان ، زين اسألج الشيطان من وين مخلوق ؟
- نارا :- من النار
- مصطفى :- يدخل النار ؟
- نارا :- اكيد ، اعتقد
- مصطفى :- متأكده لو تعتقدين ؟
- نارا :- الله راح يعاقب الكُل بيوم القيامه
- مصطفى :- راح انطيج مثال هذا الحياط كومي اركعي راسج بيج راح تتأذين
- نارا :- صفنت ، اي اكيد
- مصطفى :- خلاص
- نارا :- هههههه يعني يدخل النار
- مصطفى :- اي

- نارا :- شلون اتخلص من الوسواس
- مصطفى :- شايفه الانسان الي يكول ما اكدر اصلي
اذا وكع بشده لا الشيطان يوكف اله ولا الساعات الي ترك بيهن الله راح يساعدنه
- نارا :- شلون ؟
- مصطفى :- ماكو انسان مايكدر يواجه الشيطان ع أفعاله التغضب الله وانتِ كذلك تكدرين تواجهين هذا الشي والي تارك ومبتعد عن الله هذا حتى حرام بي
ننطي مي
- نارا :- هم يرجعون ال الله ؟
- مصطفى :- الي يريده حبيبه يرجع اله
- نارا :- ما فهمت
- مصطفى :- مثلاً لو شُعاع طلب منج شغله تسويها لو لا ؟
- نارا :- اكيد اسويها
- مصطفى :- ليش برأيج؟
- نارا :- لان احبه واحترمه
- مصطفى :- خلاص ، رغم الله ما محتاج لا صلاتج ولا اي شي منج لكن يفيدج انتِ
زين اسألج سؤال
- نارا :- جواب
- مصطفى :- لو انطيتج كلبي وهو حتى لو ضعيف راح تشكريني لو لا
- نارا :- اكيد اشُكرك
- مصطفى :- ليش تشكريني ؟
- نارا :- لان ساعدتني
- مصطفى :- اذاً الله انطاج حياه وصحه زينه اكل ما الذب وطاب انطاج نظر سمع لمس حواس وغيرها ليش ما تشكري ولو لدقيقه ؟ وتدرين هاي الدقيقه شكد تكدر تحل الج مشاكل انتِ تواجهيها بحياتج الله يحلها الج بثانيه لان ببساطه " لَئِن شَكَرْتُمْ لَأَزِيدَنَّكُمْ "

- مصطفى :- وديري بالج تندبين حظج ، مايصير لان كُل شي مكتوب وقدر للانسان اذا قسمه ماصارت او شغل ما ضبط او حب ما اكتمل وغيرها كل شي بالحياه مكتوب للبشر من اول ما الله بث بي الروح وهو جنين بطن أمه
وكل شي يصير بي صالح الج اذا صار عكس ما تريدي
لان الله يريد الج او الغير الخير مو الشر والي ماترضى عن الي كاتبه الها الله وتكعد تبجي هذا الشي مايصير
تأذين نفسج بيها .

- نارا :- استمع اله واني فاتحه أذاني وعقلي ويا كلامه
يبث الاطمئنان بداخلي هو صفن رفع راسه يباوع ع الكاميرا عقد حاجبه مستغرب سألني
- مصطفى :- منو هذول ؟؟؟؟؟
- نارا :- رفعت راسي اباوع ع الكاميرا عقدت حاجبي مستغربه ، ماعرفهم منو هذول !!!
- مصطفى :- خاف اصدقاء شُعاع بس ليش هيج لابسين !!!!
- نارا :- رجف كلبي من منظرهم ، والله ماعرف انتظر مصطفى لا تطلع
- مصطفى :- لا اوكف خلي اطلع اشوفهم
- نارا :- باوع هو طلع باوعت بالكاميرا همَ صعدوا السياره وراحوا من طلع ما شافهم رجع دخل واني خايفه وجهي اصفر
- مصطفى :- اهدئي ماكو شي يمكن اتصلوا عليه وكال الهم مو بالبيت وراحوا
- نارا :- انتبهت للكاميرا رجعت نفس السياره فاتت من الشارع واني كلبي صار يدك بسرعه صحت ، مصطفى
رررررجعوووا !!!!!
- مصطفى :- اوكفي لا تخافين
- نارا :- اتصل ع شُعاع فتح السبيكر يحجي ويا واني اسمعه
- مصطفى :- شُعاع هذول أشخاص لابسن اسود وكِمامات
وكفوف سود يم بيتك يمكن جايين عليك
- نارا :- سمعت صوت شُعاع نطق وهو مستغرب
- شُعاع :- لاااااااا محد يعرف بيتي مصطفى
- مصطفى :- شُعاع ديفترون يم البيت

- نارا :- ماحسيت الا بصوت شُعاع وهو يصيح خايف علينا
- شُعاع :- مصطفى هسسسسه تقفل البيت وتاخذ نارا
وانتَ للغرفه الاخيررررره ما تطلعون منهااااا واني جايييكم مساااافه الطرييييق مصطفى لا تسوي غير الي كلت لك عليييييه فهمت
- نارا :- سد الجهاز واني صرت ارجف ماحسيت الا صار رمي حيل قوي ع البيت صرخت خايفه سحبني مصطفى
رجعني للورى ومصطفى جان واكف كدام الباب صاير كدامي ماحسيت الا مصطفى الدم ينفر منه صرخت بصوت عالي ركضت عليه مدنكه راسي من الطلق سحبته بسرعه اريد ابعده وهو وكع بالكاع والدم ملى المكان
صرخت مفزوعه ، لااااااا مصطفى لااااااااا!!!!!!! ..

◆♥︎♥︎♥︎◆

في النهاية لن نذكر كلمات أعدائنا،
بل صمت أحبّائنا . !!!!
" يتبع "

التوقعاااااااااااات بسررررررعه ✨️

.

.