رواية الـرياش نَهج مُغاير الفصل الرابع والعشرون 24 - بقلم اسـاور حسين 🦢✨

نزلت ايده على أيّده مادها عفته وطلعت صاحني
ازهر:  اذا احتاجك اخابرك .
علي الآكبر: احاول اخليك تشوفني بعد .

اخذت جود وصعدنا بالسيارة وهذا صافن بوجهي
جود : ليش من مد أيده ما سلمت ؟
علي الآكبر : و وبيت الرياش كلهم نفس الخيسة .
جود : راح تضرب عصفورين بحجر واحد .
علي الآكبر: ياسين ويوسف انتهوا باقي يسار وأبو يسار والعار
عمّهم الجبير هذا راح يروح بالرجلين .
جود : ليش مو انت سلمت الأورآق للدولة .
علي الآكبر : اذا اصير بالصورة يهددوني بيكم
واضطر اخسر الأوراق واتنازل خليني بعيد
وخايس ياكل بخايس واني بس اشفي غليلي بيهم .

جود : هههههههههه هسة ثبتت من يگطع النفس يستهدف القناص .
علي الآكبر: بعد وبعد اذا ما اخليهم يخافون من اسمي .
جود : علي الآكبر بعد .
علي الآكبر: أعجبك .

وصلته للبيت مايقبل ينزل خابر على ابوية يطلع عصبي
يسب ويهدد ضرب على سيارة ويصيح بنص الشارع
_ انزل ولك انت فد واحد سايب هاج بالشوارع
تنام بالسيارة ماعندك بيت يا سـ***  .
_ عندي شغل .
_ انزززززززززل .
قفلت السيارة ونزلت وهو يأشر على باب البيت دخلت
وامي تلگتني تبجي بست راسها وبدون ما احجي
صعدت اخذت ملابس وسبحت رجعت على غرفة
اسمع صوت شعارات التلفون والرقم غريب فتحته مكتوب .
" اني ريــان "
" ما اتعجب من انتقامك "
"كُلشي اتوقع من هل حياة "
"هو اذا اهلنا غدروني وكرهوني بحياتي انت الغريب تساعدنا "
شمرت التلفون متجاهل كُلشي شفّت العجايب خلوني اعيش الموت .

بقيت بدوامة قفلت الغرفة وتلفوني على شحن آحسب بالساعات
خلصت يومي بالتفكير ، الثاني يوم وصلني اتصال من ازهر
_ قدمت بيهم بلاغ واستخدمت نفوذي حالياً طالعين
دورية القاء قبض عليهم كلهم .
_ العنوان ؟
سجلت العنوان بدلت وطلعت مستعجل جود لمحني
وركض على ركضتي رفعت لثامي على وجهي
وصرت قريب من بيتهم بس وصلت النجدة فتحت
الكاميرات وصورت مثل ما صورت يوسف وياسين
هجموا على بيت بأمر القاء قبض وتحري
بس طلعوا جود شغل بعالي صوت مسجل السيارة
" يا فارس بدر يا حيدر يا فارس بدر "
التفت يسار وابو مثل المخابيل يدورون منا ومنا
بس لمحني رفعت ايدي اسلم عليهم السلام الأخير
وياها ضحكت انتصار جان لابد يصير .

دُر ...

برودة واضاءة عالية ، ضياع ، خذلان ، گلب مكسور
كلهن عشتهن وصّلني الداخلي مستشفى درت وجهي
قريت "صالة الطوارئ " رفعت راسي شفت المغذي بعده
نزلت نظراتي على حرة سندت راسها على طرف السرير ونامت
مسحت دموعي وأنا ارجع اتذكر وحالتي بالأيام الفاتت .

دخل ريان بيده گلاص جاي من شافني كعدت نزله على
ميز واجه يمي انصدمت من مد ايده ومسح على راسي
_ خوفتيني عليچ .

مسح دموعي وهو حاير يعرف شنو سبب مرضي
دُر : اريد اطلع منا .
ريان : لازم تاكلين .
دُر : لا ما أكدر نفسي تلعب من كل الأكلات .
_ اذا ما تاكلين ممنوع تطلعين الدكتور مايقبل .
حجاها وراح شال حرة من الكرسي ولا أراديا
هي نايمة لزمت بالقميص نومها على سرير
قريب من سريري وغطاها بالبطانية ورجع يمي
_ دُر لا تكتمين احجي ترا مشكلتنا كلنا وحدة .

ظل يحجي ويايه ويحاول واني على وضعي
مليت من الحجي والبجي والانتظار خلصني
لا عندي طاقة واتحمل الغربة وضياعها
ومليت واني ابرر غدر علي الآكبر بأصعب أيامنا
بليل واجه الدكتور يفهم ريان على حالتي
دُر : ها نطلع .
_ يلة .

راح على حرة بطرف ايده هزها
_ حرة رايحين لو باقية بالبيت احسن شنو الفايدة منچ .
كعدت مددت بجسمها وهي تجاوبه
_ والله انت واخوانك تحتاجون گلب بصف كلبي حتى اتحملكم .

لزمها من طرف التيشيرت ونزلها من السرير لبست الحذاء
واجت لبستني وتعدل بشعري ونزلت لبستني حذائي
وبعدهم مستمرين واحد يقصف بالثاني ، سندتني وطلعتني
للسيارة رجعت للبيت بالمصعد حضنتني ما اتحمل ادوخ بي
بس دخلت الشقة طلع انور من غرفته يضحك
ريان : شبيك ؟
انور : بيت الرياش بالسجن ، مو لازم نرجع نلزم شغل اهلنا .

دخلني نومني بالغرفة وطلع وهوه متردد
ريان : ما اريد افرح بسرعة ادري الفرح مو ثوبي
هسة بس اتحمس واضحك انضرب ضرب مثل اللي قبلها.

انور : شنو قصدك ؟
ريان : مانرجع اذا ما نتأكد رجوعنا خطر .
انور : اني راجع انت انتظر يااااا برودك يا اخي .
ريان : مو برود حرص عليكم نسيت تهديدهم وتعرفهم ينفذون .
انور : انت متعود على سفر الطوويل اني انتهيت من الغربة
اريد ارجع للعراق هناك حياتي جماعتي شغلي شسوووي هنااا فهمني .
ريان : اصبر بس هل فترة وينتهي الكابوس .

اجت حرة تنطيني العلاج حجيت وياها بضياع
_ لو بس يقبلون ينطوني تلفون .
_ شنو الفايدة ؟
_ انتوا ماتعرفون شي بس خلوني اوصل لعلي الآكبر.
_ يمعودة هو ريان صاحبة الروح بالروح ومن عصبيته غدره .
_ اني اختلف ضروري أراسله .
_ تخابرين لو تراسلين .
_ اراسله اريد اراسله حتى نرجع .

بقت بحيرة ويايه هي تعرفهم ممنوع التلفون
نامت بصفي ولزمت إيدي تستمع اليه
واني احجي الها على محادثتي القديمة اني وعلي الآكبر
وشلون كل ما احتاجه اراسله وهو ويقرا بدون جواب
بس ينفذ ويحلها ويساعدني ويغير مسار المشكلة كلها .
_ يمه عشقت هل فقرة حلو من عدنا شخّص يستمع
ويساعد بحب بدون تردد ولا غاية .
رجعت راسي على مخدة وجاوبتها
_ ما ادري اذا بعده او تغير مرعوبة اريد اموت من التفكير .

فكرت ويايه وكل شوية تريد تطلع
وترجع اخر شي قبل لا تطلع طمنتني
حرة : اليوم تراسلي عوفي الموضوع عليَّ .
دُر : شلون ؟
حرة : نامي ارتاحي ومن تصحيحين تشوفين التلفون يمچ .

طلعت وسدت الباب خلتني بحيرة اعرفهم اخواني قافلين
لا انور ولا ويان يقبلون وخلوني بوسط النار لا اعرف افهمهم
ولا أوصل لعلي الآكبر وأفهمه موقفي .

حُــرة ...

طلعت براسي ألف شغله ابتسمت من اجت عيوني بعيونه
وهوه عاقد النونه عبالك ميت ابو يخليني اتردد احجي
قويت نفسي واجيت قريب منه وبضحكة اسأل
_ جاي ، قهوة ، عصير ؟
رمقني بنظرة تعجب من راسي لإصبعي الصغير
_ شبيك عصبي ؟
ريان : سبحان مغير الأحوال من حال الى حال .
حُــرة : قادر على كُل شيء .

كعدت على تخم مقابيله وهو يشتغل باللابتوب
_ شنو لونك المفضل ؟
ريــان : شنو يدور بدماغچ الصغير من يوم موقف السوبر ماركت
وانتِ زعلانه اجي احجي وياج تجاهليني ، حتى مقابيل اخواني
تفشليني وهسة بعد كل هل ايام تجيني تضحكين .
حُــرة : بعد انت ابن عمي وانا امون عليك وانت تمون
زحمة نزعل بعد ما اتجاهل اجاوبك من تصيحني وتريدني .

سكت وهو يتهاون بكلامي رجع يشتغل واني اسوي نفسي
أشوف التلفزيون بس بالحقيقة صايرة نار وحرب داخلية
بين الساني وعقلي هو شنو هذا وانزل روحي حتى احجي وياه
اخخخخخخخ كون ألزمه املخ هل رجال تملخ املخه
اطلع بي ضيم كلبي كله ، من برودة صرت من اشوفه اثلج
قطعة جليد مثلجة هل بشر حياه كلها شغل بشغل لا يحب
يضحك والمجاملة ناسيها حذفها من قاموس حياته
بقيت بين احجي وبين ما اريد اسمع الرفض منه
اخاف من الساني بلحظتها شلون اسيطر عليّ وابطل اجفص
بالأوقات الغلط ومحتاجة مساعدته يبووو يا حاجتي .

ريــان :  وجهج بي حجي كولي  .
حُــرة : قابل وجهي مثل وجهك الفارغ .
ريــان : بس تجفصين بكلمة .
حُــرة : اي شسوي.
ريــان : الله اعلم .
حُــرة : اني مو زعلانة عليك .
ريــان : اي .
حُــرة : اسامحك بس عندي طلب .
ريــان : اسمع .
حُــرة : اريد تلفون ورقم الله يخليك
شوف ريــان كلنا خايفين وعايشين بقلق
ونعرف علي الآكبر يحب دُر وقبل شوية دُر حجت
بقيت اشرح على محادثات وحبه وتضحياته وكلشي عنهم
وهو بس صافن واني بلا وعي كملت
_ علي الآكبر رجال بمعنى الكلمة مواقفة تجنن
وهسة من سمعت تضحياته كبر بعيني يعني
صدك يستحق تتمرض الوحدة حتى بس ترجعله .

رفع حاجبه وذب القلم من ايده سند ايده على رجله وجاوبني
_ عاجبج ؟
_ منو ؟
_ علي الآكبر .
_ شخصيته حلوة .
_ اي .
_ وخوفه على دُر .
_ اي .
_ طريقة اهتمامه بيها تذكرني بمصطفى .

عض طرف شفته وبكل هدوء كمل
_ شلون يهتم بيج مصطفى .
_ يسمعني كلام حلو .
_ اي .
_ ينصحني هواي ينصحني .
_ كملي .
_ يخابرني يتأكد أكلت شربت نمت درست .
_ حلو حلو .
_ مصطفى آحلى رجال بهذا الكوون .
_ حلو حلو كملي .