رواية الـرياش نَهج مُغاير الفصل الثالث والعشرون 23 - بقلم اسـاور حسين 🦢✨

_____________________ الــريـاش
﷽

𓆩 اســاور حــسين 𓆪
بقلمي رواية : الــرياش

لطفا لا تنسون التصويت والتفاعل بين الفقرات

⊰ دُر⊱

الـرياشُ بـ نهجٍ مُغاير
حكايتهُ كما وصفناها تجعلك مُنبهرٌ ، حائِر
مُصاب بـ سقمٍ إسمهُ الـدُر
عِـلاجهُ عيناها !
همهُ ينجلي بـ رؤياها ..
قلبهُ مُعلقٌ على أطراف يَداهـا !

أمـا مسارهُ ..
فَـ هذهِ المَـرة مليئٌ بالغِلِ والثأر
على مَن جعلوهُ تائـه من دون قَـرار
ليست كلماتٍ عابـرة تُقال وتُمحى في ظِل هذا الإنحدار
لا بَل هدم قلبهُ وِلد بداخله روحٌ للإنتقام والشَر
أكبـرٌ ، غائِـر العينين ، مُحـتار
مَخذول ، مُهَـدم ، يسعى للدمـار
سينتقم منهـا أم من تلكَ الأقدار ؟
أم مِـمَن أصدروا هذا القَـرار ؟

_ سامحني ما راح انساك .
علي الآكبر: دُر ما اسامحچ وراح ادور عليكم
كلكم انتِ وعمامچ ادمررررررركم كلكم اهدمكم واحد واحد
وانتِ على راس القائمة راح اخليچ تكرهيني مثل ما راح
اكرهچ لچ بيدي ادمرچ مثل ما دمررررررتيني
علي الآكبر يهدمچ هددددددم دُر وراكم وراكم للموت
لو انتوا لوووووو علي الآكبر ...

سد ياسين الخط بوجهه نزلت دموعي على ملابسي
من رفعت عيوني بعيون ريان : ساكت ماتحجي هيج
بهل سهولة عندك عادي نسافر .

انور : لازم نكمل الأجراءات بسرعة راح يخلص الوقت
وتطلع الطيارة امشوا كلكم .
دُر : انور ما اريد اسافر عليك القران مو كلبي راح يوگف .

كملوا الأجراءات بالكامل ومشيت بممر الطيارة
وياسين متابع كل حركة من عدنا ، رفعت راسي من شفت الطيارة
كلبي راد يوگف مردني مرد صعدتها وإني اناشغ خلص يعني
لازم ينتهي كلشي هنا ؟

ريان نظراته وتصرفاته مو خاليه كتله من التفكير
يمشي بس كُل خطوة منه غامضة ومدروسة
انور اوف يا انور من اشوفه حيلي يروح
اول ما صعدنا راح على مقعده ورجع راسه
لأول مرة احس بي شايل حمل جبال بس يكتمها
حرة شاردة الذهن أعصابها منهارة طاغيه على
ملامحها البريئة ، قابضة ايدها على شكل بوكس
وتهز برجلها بقوة عيونها تلمع بالدموع بس رافضه
ينزلن ويشوفها أحد ضعيفة أربعتنا بمكان كارهين
وجودنا بي بس مجبورين اليوم احنا ضحية عائلة الرياش الطاغية .

ضجيج نداء الطائرة وتعليماتها تبلغنا نربط الحزام
مسحت دموعي وربطت الحزام بقيت انتظر حرة
تربط الحزام بس جانت جامدة ما يبدر منها حركة
بس عيونها ترمش : حرة الحزام راح تقلع الطيارة .
حتى ما تشوفني بقت نفس وضعها هزيتها وصحت
_ حرة لا تخوفيني .

على صوتي التفت انور وريان ركزوا بيها والتعليمات بعدها
والطيارة راح تقلع مديت ايدي اريد اسد الحزام دفعت ايدي
ماتقبل اطخ ايدها ، فزيت من انفتح حزام ريان وتقدم اتجاهنا
مستعجل نزل بدون كلام سحب الحزام بكل قوته يضيق بي
وحرة ثابته رافعه راسها بوجهه مال راسه شافها ورجع
المكانة وهو ينافخ من العصبية .

تحركت الطيارة وطارت بينه رجعت راسي ودموعي اخذت
مجراها مانشفت دقيقة كلامه بكلبي يحفز حفر مافكر بيه
مو يعرفهم يدمرون اكبر واحد مجبورة منو يفهمك اني مجبورة
ذكرياته ندبات سببت هلاكي، وصلنا بعد وقت طويل نزلت
ضايعة بهل دنيا الصعبة اريد اشرد منها بس وين اروح
وحرة من اشوف كسرتها اتذكر كلام ريان
" خايف يهدمون گلبچ بيوم مثلي "
اليوم هدموا كلوبنا كلنا يا ريان .

على طول السفره امي بعالم ثاني باردة أعصابها
بعد حين وصلنا نزلنا شي بعد شي بقيت انتظر
وريان وانور كملوا باقي الأجراءات وطلعنا
الكل ساكت وبس نتلفت حتى الدولة المسافرين
عليها من اختيارهم ، اخذنا سيارتين صعد ويانا
ريان يشرح العنوان ويسكت مابي حيل حتى يحجي
وگفت السيارة مقابيل عمارة عملاقة بكبرها
دفع الفلوس وفتح الباب : انزلن .

اخذتني رجلي للمجهول باب العمارة شاب بعمر ريان
ينتظرنا من نزلنا سلم على ريان وانور وسلمهم مفاتيح
ظل انور يحجي وياه وريان فتح المصعد صعدنا
للطابق الخامس فتح باب شقة جانت بمثابة بيت راقية
ومرتبة حتى أثاثها جاهز بيها صعد انور هو والولد
دخلوا الجنط وامي تتشكر من عنده عبالك اختي مو امي
من الاناقة والراحة بوجهه ، بس طلع تريد تروح للغرفة
صدت عينها بعيني نظرت الها بحقد وكره وصحت
_ حسبي الله ونعم الوكيل عليچ يااااا ظالمة .

لا أباليه امي عاشت لا أباليه بس من شافت كلامي طالع
من كل كلبي هجمت عليه وضربتني على ظهري ودفعتني
_ تتجاوزين عليّ مقهورة اخذوچ من واحد حافي .
ريان : حافي ولا ***** مثلكم يا *****  .
وفاء : ريان احترم نفسك وروح فوت غرفتك
وانتِ اذا تكرريها السانچ بيدي اقلعه .

انور : لاااااا دوخوني صوت ما اريد اسمع لا فوگ
روسنا تتعاركن روحي بخشمي انعل ***** .
وفاء : انوووور .
انور : وانتِ بالخصوص انتِ حرف واحد ما اسمع منچ .
وفاء : اخابر ابوكم وهو يتصرف خلي يعرف هاي عاشقة
المتسولين تعلم اخوانها يتعاركون ويرفعون صوتهم على امهم .
دُر : تخوفيني بخروفچ ؟
وفاء : هههههههه لا تمثلين دور المقهورة وعلى اساس
احنا سبب خراب حياتچ لچ اني ساعدتكم انتِ واخوانچ
انتِ اهل علاوي كارهين اسمج مثل ما حجيتها قبل
مو اجيت بداية زواجج وبلغتچ فترة وكلها تكرهچ ؟

دُر : من وراكمممم انتووووا السبب .
وفاء : المهم مايريدون يشوفون وجهچ ومشاكلهم صايرة
ملاحم وانتِ بيت اهلچ تصيحين يسار ويتحارش هسة
سافرتي اخوانچ وياچ خلصتي من مشاكل عيالج وخلصتيهم
من مصايبچ انتِ واهلچ لان لا ابوچ ولا عمامچ يتقبلون
علي الآكبر واهله بيوم مستحيل هل شي يصير .

ريان : هو انتوا متقبلين بس نفسكم هههههههه .
وفاء : هههههههه الف مبروك على زواجك ماما ريان
حرة حلوة بس صلعة يجي يوم ويطول شعرها ان شاء الله
تتقبلها وتنسى الميتين وتعيش طبيعي مثل العالم والناس
وتبطل لعبان النفس وتذب صور الميتين .

انور : امشي امشي رووووووحي من وجهي رووووحي .
وفاء : اعصابك ماما يلة لان اول مرة تحب تحسها صعبة
كلها كم يوم وتنسى اخت علاوي هههههه عفية لا ولدي يحبون
حب بي خير ولا بنتي كل اختياراتهم طايح حظها مثلهم  .

دُر : على الأقل نحب مو مثلچ صايره آستغفر الله خلّيني ساكتة .
وفاء : كلكم تحبون الفگور تموتون على ريحة الرطوبة .

دخلت بكُل برود وثقة للغرفة اختارتها بكيفها
بقينا واحد يلتفت على ثاني لا بيدهم يتصرفون
وياها مهما يكن امهم ولا نگدر نبلع كلامها
حرة عافتنا وراحت للحمام وريان اول غرفة
شافها آخذ الجنطه وفات بيها وبس صوت
القفل مسموع بيها كسروهم الله يكسرهم .

دُر : ليش رجعت تاخذ مخدرات؟
انور : لا تاخذين وجه زايد وتظلين تكثرين اسئلة .
دُر : والله الصار بينا بالخمس ايام الفاتت بكوم
ومنظرك من تشم مخدرات بكوم ثاني من اتذكر .
اريد اكمل كلاميّ ماكدرت ظميت وجهي بيدي
وبجيت بصوت مخنوگ المنظر مايروح من بالي
مايروح والله مايرررروح  ، رفعت راسي شفت
انور گاعد على تخم مقابيلي وعيونه لمعت بدموعها
انور : مو بس اني كلهم يتعاطون حتى يتحملون جبروت الرياش
شايفتهمممممم من يجبروك تتصرف وتعيش براحتهم
ومثل مايحبون وانت رجال شكبررررك شكد صعبة .

دُر : صار فترة تتعالج نفسك رجعتك اختيارك اختاريت دمارك .
انور : اذا ما افصل على العالم اموتهم كلهم بيدي اسوي بيهم مجازر .
دُر : الله يخليك خلي ايدك بيد ريان ورجعونا للعراق شنسوي كلنا
هناا صعبة نعيش بهل بلد وكل مستقبلنا واحلامنا بالعراق .
انور : ريان ذكي يعرف يتصرف وياهم بدهاء حتى
الصار هو حاسب كلشي صار صح الخسارة جبيرة
بس المهم متأكد بيت الرياش راح يتحاسبون وحسابهم مو هين .

ضرب على رجله ونهض راح على غرفة بوسط البيت
دخلها وسد بابها ، بقيت افر براسي فتحت باب شفت
المطبخ رحت الباب ثاني غرفة صغيرة دخلتها
وكل مصايبي مطرت على راسي بهل لحظة
شمرت روحي وره الباب ولميت رجلي على صدري
ودموعي تجري واردد بلا وعي  ، شلون راح افهمك ما عفتك
وما اريد اعوفك واريد اعيش وياك علي الآكبر تريد تكرهني
ودمرني ، بنيتي تگلي بنيتي لا تروحين بنيت بيتنا لا تروحين
لطمت على وجهي واني اتذكر كلامه
" الله لا يگولها واعيش فراگج الموت ارحم "
" اتجرع السم بفراكچ انا اتعب هواي اتعب "

انقبض گلبي وانا اتخيل حالة علي الآكبر جبل ماينكسر
رفعت رأسي وبحيل مهدود دعيت
" ربي صبّرني وصبره ساعدني وساعده
اجبر خاطره يا جبار الخواطر واجبر خاطري
واذا هو من نصيبي اجمعني بي بيوم يارب "

خليت كل احلامي ، وظنوني بيد ربي
حاولت اساعد روحي واطلع من فقدت حرة
وينها ، مشيت للحمام مقفول بعده ضربت
حجيت ردت ماكو جواب منها على صوتي
طلع ريان مبين طالع من الحمام بغرفته
لابس بس فانيلة وبجامة طابگ حاجبة
مستغرب ، التفتت على باب انور انفتح
ريان : شصاير دُر .

صار يدور على حرة هي الوحيدة ماكو بيناتنا
دُر : بعدها بالحمام من اول ما وصلنا .
راح ريان على باب يضرب يريد يسمع صوتها
ريان : حرة تسمعيني .
انور : وين نسخ المفاتيح ؟
صاروا يدورون بالبيت وآني آصيح على حرة أتأمل تجاوبني
ريان : هاي المفاتيح بموجودة بملحق الكهرباء .
ركض على باب ضرب وهو ينبهها
_ حرة راح افتح الباب .

فتح الباب مايشوف شي ولا اني اشوف شي والمي مفتوح
البخار كفخني كفخ حتى ما اكدر أتنفس
ريان : غطيهااااا .
سحبت منشفة من شفتها بلا ملابس غطيت جسمها وصحت
_ ريان غطيتها .
انور رجع للغرفة وريان شالها وتوجهي على غرفتي
نومها على سرير وطبطب على خدها ولازم ايدها يشوف النبض
_ دُر تعالي خلي راسچ على گلبها اسمعي صوته يدگ .

اجيت واني أرعش وآني من الخوف شكل عندي خفقان
خليت راسي على كلبها كلشي ما اسمع وهو فوك راسي
يحجي ويدردم ويسب عصبي : والله ما اسمع شي .

لزمني من ايدي سحبني ورفعها من ظهرها
ونزل أذنه على مكان گلبها دقايق وهو يطلع يحجي مستعجل
_ لبسيها ملابسهاا بسرعة ناخذها للمستشفى .
اريد اسأل ما ينطي مجال فات يركض فتحت جنطتها
اول ماشفت صورة الها رافعة شعرها ولابسة فستان قصير ابيض
ومبين حفلة عيد ميلاد وشاب نهاية العشرينات تقريباً كاعد
على تخم ولازم ايدها شمرت الصورة من دخل ريان
وسحبت فستان ورجعت البسها وهو طلع هلكت صعب هي
فاقدة تلبس ، قبل لا اخلصها فتحت عيونها ولزمت ايدي حيل
_ وين اني وين ؟
_ يمي حوة انتِ يمي لا تخافين .
_ ليش عفتيني بالحمام دُر ؟
_ ما ادري بيچ بيش احلف ما ادري .

وكفت اصيح ريان شفت الصورة ماكو بقيت بمكاني لدقايق
وكملت طريقي طلع من غرفته بنفس الهيئة الباردة
_ ها .
_ گعدت ريان .
راح للغرفة يمشي بكل هدوء دفع الباب ودخل
_ الحمدلله على سلامتج .
دُر : نروح للمستشفى .
ريان : تحتاجين تروحين ؟
بقت ما تحجي ولا عبالك موجود هو تحملها وطلع
دُر : شبيچ ؟
حرة : رجلي ما شالتني والمي صار حار دخت من البخار
ويمكن اني ضغطي هابط بديت اغفي بس فقدت مو بس غفيت .
غطيتها زين وبقيت يمها تمسكت بيدي ونامت من قهرها تهلوس
بكلمات ما مفهومة بس ركزت بأخر كلام" ليش قبل ليش جبرني "

حرة فقدت اليوم واليومين من حياتها وهيّ نايمة بغير عالم
معتزلة حتى اني ماتقبل تحجّي ويايه ، واني وياها من المشاكل
والضغط النفسي تمرضت ونمت بالفراش انور يطلع من الصبح
يرجع بليل بس اسمع صوت صدره التعبان من الجگاير
ريان معتزل وبس بليل يطلع يشتري علاج ويرجع
ومن اسأل شبيك يجاوبني بختصار : تمرضت تغير الجو عليَّ .

نايمة على مخدة اتذكر ايامي شكد صارت مشاكل بيت علي الآكبر
بس حبيتهم حياتهم بصعوبتها بحلوها وبمرها روح جود الحلوة
وسوالف شهد وتعليمها وتحملها من تكعد تعلمني ، اخوانه ولمتهم
عمي برغم المشاكل بس ظل بلسم على جرح ، حتى ام حسن تعاملها
واهتمامها بيه ما أنساه وأعذرها واحب خوفها على ولدها
جانت عكس امي بكلشي لهل سبب كلشي تسوّي ما ألومها .

عدلت نفسي من دخل ريان على غرفة نزلت نظراتي
على ايده بيها ورقة وهو بين يركز على حرة ويرجع
يركز بيه لملمت حرة نفسها متجاهله وجودة
ريان : دُر طلبت اكل صار كم يوم صايمين ما ناوين نفطر
روحي جهزي الأكل .

كعدت حرة ونزلت من السريع على سريع تحجي
_ آجي وياج دُر انتظريني .
لزمها من ايدها وسحبها رجعها على السرير
ريان : عندي حجي وياچ .
حرة : دُر مو غريبة ابقي هسة أخوج يخلص ونروح إني وياج .
ريان : توكلي دُر .

فتح الباب بقيت بين نارين هو يريد اطلع وهيّ خايفة تتوسلني
بعيونها ما اروح وأعرفها جريت نفس وطلعت عفتهم يتفاهمون
لان إدري بريان بكثر أغلاطه بس مستحيل يرفع ايده عليهه .

حُرة ..

تغيرت نبرة صوتي من طلعت دُر وبنيت سور القوة
حتى لو اخاف ما اخلي يشوف خوفي
رفعت نظراتي من قدم ورقة
ريان : اخذيها .
_ شنو هاي .
_ افتحيها .
آخذتها على سريع فتحتها عقّد زواجنا مردته بيدي وصحت
_ باطل لان اني ما اريد هل زفت هل زواج .