رواية الـرياش نَهج مُغاير الفصل السابع 7 - بقلم اسـاور حسين 🦢✨

_ شكو بيها ؟
_ شكوووووووو بيهاااا شنووو شكوووو بيهاااا
انتَ شنو تشوووف كدامك ممكن افتهم منك استاذ
يعني اني اقبل تخطبني وانت خاطب ؟
اني لو ادري بيك خاطب حتى حرف ما احجي وياك .

علي الآكبر : و رفضتيني يعني مو بالج
زواج ، يعني خاطب مو خاطب مايفرق .

دُر : يفرررق كلش هووواي يفرق عندي ما اقبلهااا
هسة اني صاعدة وياك والبنية عفناها ورانا مقهورة
انت سويت هيج حتى تقهرها تريد تحرك كلبها بيه شنوووو .

صرت احجي وارجف فار دمي فار وهو يحجي بدم بارد
ويراقب تصرفاتي : لو اموت ما اقهر حرمه بحرمه .

دُر : وهذا الصار ، تعرف هسة شكد نزلت من عيني .

علي الآكبر: دُر اذا انتِ لهل درجة يفور دمج علية ليش ترفضيني ؟

دُر : لان ما اعرفك ولا انت تعرفني لا تكلي المحادثة
كلها اشياء ثانوية اسراري ما انطيهااا ماكو احد يستحق الثقة
هاي انتَ وثقت بيك وطلعت خاطب وتستخدمني حتى تقهرها بيه .

وكف السيارة فتح بطل مي  : اشربي كافي اشربي .

اريد انزل قفل الباب ضربت على باب وصحت
_ افتح اريد اروح اختنكت .

علي الآكبر: خطبتها 16 يوم بس وفصخنا
وصار اربع سنوات على هل موضوع مو جديد .

دُر : منو يگول صدك وبعدين جذب صدك مو مهمممم والله .

علي الآكبر: لا تحلفين جذب .

دُر : شنو قصدك ترا اني مو غبية عبالك اغار واهتم مو ؟
والله غلطان وماعندي مشاعر اتجاهك الله شاهد ما احبك
بس ما انكر معجبة بشخصيتك القوية واحب مساعدتك اليه
بس ما احبك ابد ما احبك والله وماعندي ذرة مشاعر اتجاهك
إنّي اصلا تربيت بيت مايعترفون لا بمشاعر ولا بحب
كبرت على برود يعني لا تفكر بيوم اعرف احبك حتى ما اعرف شنو الحب
وشلون الشخص يعرف نفسه يحب هذا الشي ما موجود بحياتي .

مركز باهتمام بكل كلمة أنطقها بأخر كلامي هز راسه فاهم كلامي
ابتسمت وبرز اسنانه ودار وجهه شغل السيارة رجعني للبيت
بس نزلت صاحني : دُر انتبهي على نفسج .

دخلت للبيت مطلعين مساعدات حتى ينظفون الصار البارحة بالبيت
صفية وحدها ما تكدر عفتهن وصعدت اصوات ابوية وامي طالعة
قفلت باب غرفتي وكعدت بالزاوية سديت اذني اهز بروحي
ودموعي تتسابق على خدي رحميني يا دنيا رحميني ثكلت والله ثكلت
همومي بعد ماعندي طاقة اتحملها ربي ساعدني اني شسويت
واتعذب كل هل عذاب ما ادري منين تجيني المصايب ماتخلص .

بهل ليلة يسار وانور مختفين ، اهلي سكنوا اصواتهم اختفت
ريان لليوم مختفي ومحد طمني عنه ، بقيت اقرا بغرفتي
الثاني يوم انتظرت جود ماكو ، اضطريت اروح وحدي
داومت ويسار ماكو ، نرجس اختفت كلبي لعب حسيت صاير شي
كملت الدوام بس فكري مشتت ، كملت دوام ورحت للمطعم اكلت
وقريت هناك شوية ورجعت للبيت سيارة انور موجودة
فتحت الباب واشوف عمامي نفسهم الي ضربوا امي موجودين
هم 3 متوزعين كل واحد بمكان مستندين على حايط يباوعون
علية بطريقة خلتني انشل من الخوف بلعت ريگي وهمست
_ السلام عليكم .
باوع واحد بيهم على انور اشر براسه علية عبالك من هذولي المجرمين
ذبيت الملازم وطلعت اركض لزمني انور سحلني
من شعري : انور لاااا ولككككك خرب كلبك اني اختك حيووووووان
تفوووووو عليك يا خايسسس تفوووووو .

شمرني جوة رجلهم بقيت ارعش كل ذرة بجسمي
يبست من طلع التلفون صورة علي الاكبر بالمطعم
_ تعرفي .

باوعت بعيونه وبتحدي صحت : اشتكي عليكم والله بس اطلع
منا اشتكي عليكم واحد واحد لا عبالكم اخاف هي موته وحدة .

ضحك ورفع التلفون گلب الصورة ورجع وجهه
عليَّ : هذا منووو عرفتي .
هزيت راسي لاااااا لاااااا هاي شنووو لاااااااا علي الآكبر
اخذت التلفون من ايده اكبر بالصورة اشرت على تلفون
وعطت : هذا علي الاكبررررررر .
_ مات .
_ لااااا ما يمووووت هذا بطل ما يمووووت
هسة يجي يلعب بيكم لعب اذا يدري بيكم تضربوني .

دار وجهه على ابوية كاعد بعيد مرجع ضهره
ومكتف ايده : بنتك صلفة تعترف هي تعرفه .

دُر : وافتخر اني عرفت انسان مثّله اصلا هذا اول رجل
أقابله بحياتي من بعد ابووو وبعدهم اخوانه تعلمووووا منهم .

رفع رجله وبحذائه دفرني على وجهي
خوت روحي وگعت ما اكدر ارفع راسي بعد
_ شوفي هذا كلامج اخوج يعبره الج اما احنا
ثمن كلامج هذا كتل غسل ولبس بس بعدنا ما مكمّلين كلامنا .
ذب مي بارد على وجهي وكعدني دفعني على حايط مديت
رجلي وسندت نفسي بيدي جنت اهتز من البرد ومن الخوف
وكلبي دكاته فاقت الوصف عيوني ضايعة ما ادري ادافع
على نفسي لو اوكف بوجهم لو اتوسل بيهم حرت والله حرت .

سمعت صراخ امي من فوك زاد رهبتي صرت اشهگ
واغلط عليهم ضربني بطل المي حتى اسكت
تقدم شوفني صورة بالسيارة كاعدين اني وعلي الاكبر هاي اخر
مرة شفنا بعض بيها ، طگ رقبته وبصوت مقرف صاح
( الصار بي ثمن كُل مرة اقترب بيها منج )
صارت صورت على الآكبر مقابيلي مگلوب على وجهه الدم خافي ملامحه
وأيده معوجة واگع بشارع : خطية مات بحادث سيارة .

شهگت واني الطم على راسي دفرني
رفعت راسي وعطت بي : أنتوا لعبتوا ويه الناس الغلط
مابيني وبين علي الآكبر علاقة ولا اقترب مني بيوم
بس هو ينقهر على عذابي وياكم ويساعدني ومصار هواي اعرفه
يااااااااااا مجرمييييييين .

يوسف : هو قبل سنتين اشتغل ويايه وشفته عينه عليها
ويدخل بـ كلشي يخصها صار بيناتنا هواي مشاكل بطلته
يمكن من يومها هو اقترب منها وحبها وگع هل غبية .

بقيت اباوع بوجهه بقرف
_ انتَ هم تحسب نفسك زلمة مخلي اخوانك يضربون بنتك
وكاعدددددد تبااااوعععععععععع عليهم اذوني حسسسسس
موووتوني ولااااااا تذلووووني .

ضربني راشدي هذا عود عمي ورفع راسه على ابوية
_ هي حتى راشدي مابيها هسة بدفرة تموت بيدي .

لزمت وجهي ارافس من الوجع وهو يحجي زحفت
وركضت بتعب على درج اريد افوت غرفتي
ودرت على صوت امي تصيح : دُر تعالي هناااا تعالي بسررررعة .

ما صدكت بقيت اباوع رجعت تصيح رحت الها اركض
حضنتها الاول مرة انهاريت بحضنها : يمممه خلصيني منهم
اذوني يممممه راح يمووووتوني .

سحبتني للغرفة وسدت الباب عفتها وصرت اضرب على راسي
منظر علي الاكبر عذبني : مات موتوا يممممه والله ما يستاهل والله .

سدت شفايفي بقيت اشهك تخبلت انهاريت شحال ابو حسن هسة
واخوانه وامه واخواته بسببي خسسسسسسر شبابه الله لا يوفقني
ولا يوفقهم ربي ينتقممممم منكممممم كلكم .

دفر الباب امي وكفت بوجهه سحبها ملخها تملخ
والثاني اخذني سحل طلعني للصالة بين الغرف
ركض يسار على الدرج وكف مقابيله : عوفها لا تموتها عوفها
اني اعاقبهاا والله اسمع مني مثل ما نهيت اني وانور
على علي الآكبر ، هاي سهلة دواها عندي .

_ تعقد عليهااا تتزوجهاااا .

دُر : لااااا موتني اريد اموت موتني ولا يعقّد عليَّ .

لزمني من فكي وصاح بعالي صوته محروك كلبه مني
يريد ياكلني بسنونه : لج الـ****** ومات بعد شنو يمنع
نتزوج هااااا تريدين تموتين بس ما تتزوجيني لج والله
اخلي حياتج جحيم والله سهلة انطيتج على مايج زايد عن الزوم .

باوعت على انور شكد كرهتهم بس انووور حقدت علية حقد
ماصاير ولا راح يصير : انت تستاهل كل ضربة ضربها الك
علي الآكبر غدرتوووووا لان ما تگدرون علية مووووو
مثل ما گال احودك حود وحادك حوود وعدني اذا تأذيني
يسبيكم سبي بس غدرتووووا يا جبناء تخافون من خيالكم
تكدرون بس علية حيوووووووانات انتوا حيووووانات .

بلحظتها انضربت ضرب الى ان فقدت الوعي
ماجنت اعرف منو يضرب يسار لو عمامي لو انور
كعدت جنازة لا احس بـ ايدي ولا برجلي ولا بكل جسمي
حتى راسي انشليت بالمعنى الحرفي شلوني شل
بس دموعي تصب على خدي وكل ما اكعد ارجع افقد من الوجع
يومين يدخلون علية باليوم مرّتين صفية ادخلني حمام وتوكلني
وترجعني للفراش ، حتى حجي ما اكدر احجي حلگي كله قرح
فركاس حرارة من الوجع والقهر الصار .

اربع ايام وكدرت احجي اول كلمة نطقتها
اريد اموت من الوجع والذل اريد امووووووت
كلها تحسدني عليهم خلي العالم تجي تعيش عيشتي
من جهه الوم بروحي بعد اسبوع من الصار كدرت
اكعد واني بالحمام دخلتني صفية وانور كعد بغرفتي
حتى خاف نسوي شي هو يراقب ، همست بـ اذنها
- خابرتي على ابو حسن ؟
_ لا ماما اخاف موت بس خابر موت .
طلعتني بسرعة حتى صفية تخاف تساعدني نومتني
درت وجهي من هل قذر الله يلعنه الحقير طلعها وطلع

بعد عشر ايام بالضبط صرت اكدر اوكف على رجلي
نزلت اكلت حركت جسمي حتى الدم يمشي بجسمي

فات انور يطوطح بالمشي مستند على بنية
وراه يسار يضحك من شافني فتح ايده
_ الله مرتي هنااااااا .

تقرب يريد يحضني دفعته حيل
لزم بـ ايد البنية واقترب منها اكثر : هاي المخبلة مالتي شوفيها .
باسها بشفايفها كدامي ردت املخهم عفتهم وصعدت فوك
وهمه يصعدون ورايه يضحكون : انور شكو بيها انت تاخذ هل
حلقوم واني اروح عند اختك .

سكت انور بس رفع راسه يشوف ردت فعلي
شلون رفعت ايدي وغميتهم غمه عالمية وركضت
للغرفة اسب بيهم واكثر بالسب حتى يسمعون
دخلوا للغرفة والأصوات القذره استمرت للصبح
خليت السماعة بـ اذني ومن كمية القرف ابجي
انور من ريان موجود يخاف ويتردد من هل امور
بس هسة صار البيت بس الهم هو ويسار
ابوية مسافر وامي محبوسة بالغرفة وهو يلعب براحته .

الثاني يوم صرت احاول اوصل التلفوني
دخلت الغرفة انور ادور بيها شفته نايم بس بلباس
وريحة الشرب تموت الميت ، لعبت روحي خليت ملابسي
على خشمي وبقيت ادور بين ملابسه الخايسة شفت
علبة بيها فلوس بس ماكو التلفون رفعتها لمحت علبة
ثانية اخذتها مقفولة اخذتها وطلعت نزلت للمخزن
فتحت ادوات صيانة اخذت درنفيس وضربت القفل
انفتح ومن بعد ايام كدرت ابتسم من شفت التلفون
اخذته وركضت فوك احاول بي حتى ينفتح واني اصعد الدرج
بس مابي شحن ولا قطرة ، واني امشي طلع انور يمسح براسه
وشعره حيل يريد ينزل خليت التلفون بصدري بسرعة
لمحني بس يمكن ما شافني زين تعداني ونزل
دخلت ركض للغرفة سديت الباب وبيه ما بيه جريت الميز خليته حتى
محد يفتحه وشحنت التلفون .

اول ما انفتح كتبت الرمز بالبداية غلط حاولت مرة الثانية فتح
سحبت نفس ودخلت على محادثة صفنت بالأسم ودموعي تجري
الرياش نهج مُغاير ، تذكرت إبتسامته من عرف سجلت رقمه والاسم .

مسحت دموعي وكتبت واني اشهك
_ متت بسببي اتذكر اخر كلمة حجيتها ويايه
دُر ديري بالج على نفسج ، انتَ مو حلفت تحميني
ودائماً تگول يمج رحت وعفتني اتعذب

سديت التلفون ورحت للحمام حتى ابجي وصوتي يطلع
اختنگت بعد ما اتحمل ، رجعت كتبت : ضربوووني هووواي ضربوني
خلوني انشل كلهم وحتى عمامي بعمري ما شايفتهم بس هسة طلعوا
تأذيت والله تأذيت .

باوعت على جسمي والكدمات ورجعت كتبت
_ كلهم ضربوني من عرفوا بموتك ماجنت اعرف الضربات منين تجي
صرت اكتب كلشي صار بالتفصيل اريد احجي اريد اشكي
بس هل مرة علي الآكبر مايشوف ماكووو مشاهدة ولا نشط .

فزيت على صوت الباب يدك بجنون شمرت الجهاز وره الكنتور
وفتحته لزمني انور من شعري وصاح : شعندج هنااااا لج ؟

ضربته على بطنه ورحت شلت بطل العصير كزاز
_ كااافي ضرب كافي يا خبل اريد انام وماعندي امان بيكم .

انور : مطلوبة انتِ عمامي جوة عدهم موضوع مهم .

هزيت راسي ونزلت اذا اعاند انضرب ادري واني الخسرانة
اصير عاجزة وهمه مايقصرون بالذل ، نزلت دخلت
للصالة كاعدين كلهم منتظرين وياهم ابو يسار ويسار
_ ههههههه زين زين بيج حيل عايشة .

دُر : اختصروا شنو تريدون مني ؟

ابو يسار : باجر الساعة خمسة العصر عقد زواجكم يتم انتِ ويسار .

دُر : هسة لوووووو تموتوني ما اقبل .

نزع واحد بيهم الحزام كمزت بنهاية الصالة
ضربني على رجلي صرت اكمز واكعد واوكف
احير شسوي وشلون اتحرك من وجعها رفع ايده بريد يضرب
الثانية ورفعت ايدي اصرخ : لاااااا وافقت والله ميخالف بس عوفني .

اجت صفية اخذتني وتسب بيهم بصوت ناصي تخاف يسمعوها
حضنتها وهي تمسح بدموعي مقهورة على حالي وحايرة
شلون تساعدني ، حرموني من طفولتي وهسة دراستي
وراح يكملوها ويزوجوني يسار العاااااااار .