رواية الريم بين احضان الاسد الفصل العاشر 10 - بقلم شيـخـة ✍️🖤

خدچ ورد گُلش ترف
‏و اترف ،  بعد من ينخسف
‏وتبين الغمازه♥️😉
.
.
.
.
.
نيران طلعت من الحمام
ريم: نعيما كلبي
نيران: ينعم الله عليج حبي يلا روحي اسبحي
ريم: ااي راح ادخل بس ممكن طلب زغيرون
نيران: عيوني الج حبيبي
ريم: تسلم عيونج...بس اني لكيت هذا الفستان وي الملابس الي جابتهن خالتي ام الشيخ اسد واني اشوفها الفستان وهذا الشال اختاريتهن البسهن بعد شوية تكدرين ترتبيلي وياهن فد اكسسورار موو
نيران: اوووي يجننن الفستان والله ذوق امي راقي ...اي حبيبي ولا يهمج انتي اسبحي وكملي ومن تطلعين اجهزلج ويا اكسسوار
ريم: شكرا نارو
نيران: تدللين ريومه
ريم: دخلت للحمام ....
نيران: دخلت ريم تسبح رحت طلعتلها سنسله طويله بنهايتها وردة لونها اسود وبنصه نقطه صفرة كلش حلو يكعد وي فستانها وخليته علئ ميز المراية وبديت اجهز نفسي الي راح يجون مو غربه كلهم ولد عمي وعمامي المهم
لبست فستان ماروني طويل كلش حلو ونازك وبي فيكه من يم الصدر وبروش لونه نيلي مرتب الفستان وطلعت ويا شال نيلي لبستهن ونوب طلعت حجلي لبسته برجلي وبديت اخلي مكياج دمجت بين الماروني و النيلي ركزت بيهن علئ عيوني وجريتهن بالكحل طلعن فد شي وخليت حمرة لونها ماروني قاتم اباوع لشكلي بالمرايه طلعت جمال اووي فديتني فدي هههههه...
نروح لباقي البنات

وبيت الشيخ حسن
اصيل: لبست فستان تسعين يعني شويه عن حجل الرجل بشبر لونه زيتوني مخصر علئ الجسم سادة كلش حلو لبست ويا شال بيجي ولبست حجل برجلي واسوار ب ايدي ومداليه علئ شكل فرس اسمها الاصيل خليت مكياج زيتوني وبيجي ركزت بي علئ عيوني وجريت كحل وخليت حمرة مات بيجي كلش لونها حلو طلع عليه ولبست حذاء بيجي سبورت  ...

شمس: لبست فستان لون اصفر مخصر من فوك انوب من يصير كلوش من الخصر وليجوة وب اطرافه ورد ناعم لون نيلي خليت كحل لعيوني وايلاينر وخليت حمرة وردي فاتح طلعت كلش حلوة وي مكياجي ونوب لبست اسوار ومداليه علئ شكل شمس امي جابتليها هدية وحذاء لون نيلي سبورت...

ديمه: لبست بدي مخصر لونه احمر وبي وردة سودة من يم الصدر وي الخصر ولبست ويا تنورة نفش لونها اسود وب اطرافها ورد احمر وبيها تور ولبست شال احمر ومقفل ب اسود ولبست سوار ومداليه نفس الموديل بي شكل وردة وخليت مكياج اسود لعيوني وجريت الكحل طلعن عيوني فد شي وخليت حمرة احمر مات قاتم ولبست حذاء سبورت احمر وبي وردة سودة ...

نجمه: لبست بدي سمائي وبنطرون جينز نيلي وفوك بشت عريض خليجي ولبست شال نيلي وبي وردة سمائية وخليت مكياج خفيف مجرد كحل ومسكارا وحمرة لون وردي فاتح بناتي واحمر خدود وايلاينر ماطوخت ب شي كلهن خفيف لبس اسوار ومداليه علئ شكل نجمه ولبست حذاء فلات لونها سمائي ....

ترف: لبست تنورة بينصل لونها وردي وبدي لونه سماكي قريب تدريجه من التنورة لبست شال وردي وبي وردة مثل لون التنورة ولبست سوار ومداليه بيها اسم ترف وشايلته طيور ابوي جابلياها هديه خليت مكياج وردي علئ عيوني وكحل وحمرة لون وردي طوخ صارت حيل حلوة لبست حذاء فلات سماكي وبيها وردة سودة .....

ام شهم: يلا ولجن وين صرتن تأخرنه
اصيل: اجينه ماما
يلا بنات الساعه ب7 راح نتأخر
يلا يلا ونزلن البنات وشافتهن امهن
ام شهم: اللهم صلئ علئ محمد وال محمد بنياتي نور عيوني الله يحفظجن ويخليجن الي ويستر عليجن وبجت
شمس: ماما هسه ليش البجي ياروحي
ودارن البنات حضننها ويخليج النه يروح البيت
ام شهم: يلا يلا امشن تأخرنه وطلعن لبيت الشيخ طه ....

هسه نروح لبيت الشيخ رضا
ملاك: لبست بنطرون وبدي لونهن اسود وعليهن جاكيت لونه نيلي ولبست ويا شال وردي وسويت مكياج نيلي ووردي وحمرة لونها وردي  ولبست سوار ولبست حذاء كعب لونه اسود

نازك: لبست تنورة نفش لونها اسود وبدي زيتوني وشال زيتوني وبي وردة وخليت مكياج اسود علئ عيوني وخليت حمرة لونها بيجي علئ وردي ولبست مداليه علئ شكل ملكه نازكه وناعمه ولبست محبس بشكل ملكه ولبست حذاء سبورت لونها بيجي ....

ام حسين: يلا يمه وينجن انزلن تأخرنه خابرتني مرت عمجن ام شهم تكول طلعنه وانتن لسجن
نازك وملاك :هايوم حلوين مووو
ام حسين: فدوة بنياتي تخبلن يحرسجن الرحمن
نازك وملاك: باسن راسها وطلعن وصلن لبيت الشيخ طه نزلت نيران كاشخه علئ اخر موديل
سلمت عليهم
نيران: كومن وياي خلي نبدل ل ضي لسه ماتدري
البنات: يلا صعدن البنات للغرفه
ضي الگمر: انتن وين تردن ترحن طالعات عرايس
شمس: شعليج انتي
ضي الگمر: ها شعليه هسه
شمس: اي معليج يلا
البنات يضحكن عليها
اصيل: اكلج ضيوش
ضي الگمر: ها عمري
اصيل: اريد احلئ فستان عندج ويا شال وحذاء وسوارات
ضي الگمر: تدللين بس المن؟
اصيل: لبنيه صديقتي
ضي الگمر تدللين هسه
راحت ضي طلعت فستان نفش لونه بنفسجي واسود واخذت ويا شال بنفسجي وحذاء سودة وانطتهن ل اصيل
هاج حبي هذني
اصيل: الله يجنن شو بله البسيهن بربج
ضي الگمر: ولج شبيج غير لصديقتج
اصيل: اي ادري بس ديلا البسيهن
راحت ضي لبست الملابس طلعت جمال كعدتها اصيل علئ الكرسي اجت نيران وبدت تخليلها مكياج
ضي الگمر: عوفيني شعدج تمكيجين بيه خلي انزع انطيهن للبنيه
نيران: اثبتي بمكامج يبوة شكد تتحركين
و بلشت نيران بمكياج ضي طلعت جمالل ولبستها الحذاء اتصدمن البنات لان اللون عكس علئ بياض بشرتها
شمس: اللهم صلئ علئ محمد وال محمد
نازك: هسه اخوي بس يشوفها ينجلط ويطيح جتيل
البنات نطن من الضحك و ضي خجلت
نجمه: اكلجن شو ريم ماكو
نيران: جاي تبدل بالحمام وتسوي مكياجها
نجمه: ها خوش يلا ننزل نزلن البنات كلهن وضي ماتدري شنو السالفه بس بدلن ونزلن

ريم: دخلت للحمام ابدل واسمع صوت للبنات شلون يضحكن نهضمت تذكرت من جنه نكعد اني وسجئ وحور بعيد ميلاد وحدة من عدنه ونكعد نضحك ونسولف والله مشتاقتلهن وبجيت اخذتلي نص ساعه ابجي انوب كمت غسلت وبدلت وماخليت مكياج بس كحل و احمر خدود وخليت حمرة ونوب مسحتها صارن شفايفي ورديات واني عندي شفايف منفوخه عبالك مضروبات فلر كملت وطلعت مالكيت احد بالغرفه ضليت كاعدة مانزلت استحيت....
الديوان ....
كاعدين الشيوخ الكبار الشيخ طه والشيخ حسن والشيخ رضا وولدهم والشيخ اسد
الشيخ طه: بوية واحد منكم يشوفلنه البنات كملن لو بعدهن حتئ ندخل
همام: حاضر شيخ هسه اني اشوفهم
همام رحت للمطبخ واني اتمنئ اشوفها شلابسه حبيبه كلبي
دخلت للمطبخ ماكو احد صحت يالله يالله اسمع صوت عمتي ام اسد تكول ادخل يمه ماكو احد. غريب كلهن اخياتك
دخلت للصاله البنات كاعدات واني عيني تدور عله ترفايتي ماشفتها
همام: عمه يكول الشيخ كملتوا حتئ ندخل
ام الشيخ اسد: اي عمه تفضلوا كملنه
همام: يالله طلعت واني جنت اتمنئ اشوفها بس مدري وينها رحت للديوان
همام: شيخ تكول عمتي خلي يتفضلون صارت ب9
الشيخ طه: يالله تفضلو
وراحو الشيوخ وولدهم يمشون وراهم ودخلو للاستقبال وبدت النضرات بين الاحباء نضرة محمد من شافه نجمه شلون طالعه ونضره امير من شاف ديمه ونضرة همام من شاف ترف والنضرة الي لمعت من بينهم نضرة شهم ل نيران الي اول مرة يشوفها و عرفها من صاحتلها اصيل قبل لايدخلون
دخلوا كعدو يسولفون ويضحكون
الشيخه: يلا يمه صيحن ضي خلي تطفي شمعتها
اصيل: حاضر جدة
كامن البنات صعدن لفوك لكن ضي كاعدة تحجيي وي ريم وكالن يلا ضيوش تعالي شيخ اسد يريدج وانتي ريم هم لان يدرن بيها ماتريد تطلع يجرن بضي ويضحكن. واول درجه من الدرج اشتعل ن الاضوية والشموع الي بالكاع لحد نهايه الدرج نوب فارشات ورد من نهايه الدرج لحد الاستقبال دخلت ضي متفأجاه من الي يصير كدامها كلش فرحت تقدمت علئ ابوها بوستها وعايدها وراحت لجدتها نوب لامها ونوب لاعمامها وونوب للبنات ونوب سلموا عليها اخوتها ولد عمها وصلت يم اشم وجها صار احمر كبل دنكت راسها
اشم: اشوف ضي شلون طالعه ملاك شمعه وتضوي كتلها
ككل عام وانتي بالف الف خير العمر كله يارب ودنكت عليها وكتلها انتضرج اليوم حتئ اشوفج بالمخزن مووو؟هي رفعت راسها مصدومه
ضي الگمر: اا لليش
آشم: حتئ انطيج هديتج غير
ضي :ليش ماتنطينياها هنا
اشم: هنا محضورة وغمزتلها
ضي الگمر: غمزلي دنكت كاليي ب12 الكاج هناك ضواي
اشم: اشوفها صارت حمرة من الخجل .....

هنا كملت هذا البارت اتمنئ يعجبكم وماقصرت وياكم ابد 😍💚
عدد كلمات 1281 كلمه
في امان الله وحفظة

الكاتبة #زينب الساعدي