رواية الريم بين احضان الاسد الفصل التاسع 9 - بقلم شيـخـة ✍️🖤

- ساخبر الجميع ، انني احببتك فـ خذلتني ،

الشيخ اسد ...
بعد ماعرفت بسالفه ريم. كلت لازم ابدي ادور علئ هذا الميتم واعرف مكانه وقسمت بالله اله اخلي هذا الحارس يتمنئ الموت بس ماياخذة علئ الي مسوي ب ريم وسجئ والله الي يعلم كد بنيه مسوي بيها شي ومعتدي عليها ...
فكرت لازم اسئل ريم عن موقع الميتم واسم الحارس واسم المديرة
دخلت للبيت
الشيخ اسد: السلام عليكم
الكل: وعليكم السلام والرحمه
الشيخه: هلا بوليدي تعال اكعد يمي
الشيخ اسد: يي شيخه كلبي جايج بس ضيوش بوية اريد استكان جاي يعدل الراس
ضي الگمر: حاضر
الشيخه: ها يمه شبيك راسك بي شي
الشيخ اسد: لاشيخه كلبي سلامتج مابيه شي بس مصدع شوية
الشيخه: هاا
الشيخ اسد: ايي ...شيختي شني السالفه اليوم محد بالبيت جا وين امي ونسوان عمي وبنات عمي مو من عادتهن مايجن يمج
الشيخه: والله يوليدي امك ومرت عمك رضا راحن للسوك يشترن ملابس ل ريم لان ماعدها تلبس خطيه ومرت عمك حسن ورا البيت تخبز وبالبنات كلهن بالدوام بس ضي مامداومه تكول مالي خلك اداوم اليوم
الشيخ اسد: ها خير ان شاء الله
اجت ضي بيدها كلاص الجاي
تفضل بوية جايك
الشيخ اسد: يي رحم الله والديج
ضي الگمر: تدلل
الشيخ اسد:بوية ضيوش ليش مامداومه اليوم مريضه؟
ضي الگمر: لابوية مابيه شي بس مالي خلك اداوم تعاجزت هههه
الشيخ اسد: ها خوش ههه العجوزية
ضي الگمر: ها راح تطلعلي لقب موو
الشيخ اسد: هههههههه

ريم ...
جنت بالغرفه بدلت ملابسي وضفرت شعري وكلت خلي انزل يم ضي والشيخه عيب شيكولن عليه خاتله بالغرفه وهسه محد بالبيت كلهم بالشغل حطيت حجابي علئ جتوفي ونزلت واني اصيح ب اسم ضي ضيييوش كلبي وينج وصلت للصاله التلفت محد بيها دخلت للصاله الجبيرة بدون انتباه وصحت ضيوش خيه وينج
مااسمع بس واحد يحمحم درت وجهي واشوف الشيخه وضي ميتات ضحك والشيخ اسد صافن عليه اني كبل ركضت ووكعت علئ وجهي ب اول درجه واسمع صوته يكول علئ كيفج يبوية لاتتعورين يبووة طبني عرج تفشلت شنزلني هسه اني ورحت ركض للغرفه

الشيخه وضي
الشيخه: لج ضي شفتي الي اسوفه مو جدة
ضي الگمر(بفرحه) :ييي جدة شفته شلون صفن عليها وباله وياها شلون خاف عليها وتدرين جدة
الشيخه: بشنو ولج
ضي الگمر: اللبارحه ...وحجتلها الصار
الشيخه: اوفف يوم المنئ الي نشوف اسد مستقرر والله ريم وردة وخوش بنيه
ضي الگمر: يي والله جدة
الشيخه( بضحكه) : ها يمه اسد وين وصلت
الشيخ اسد: وهو ينتبه لنفسه شلون صافن ها شيخه كلبي وين
الشيخه: هههههه
الشيخ اسد: خير ان شاء الله
الشيخه: خير خير
الشيخ اسد: ضيوش روحي صيحي ريم اريد اسئلها
ضي الگمر :تأمر وراحت ضي تصيح ريم
الشيخه: ها يمه شتريد منها
الشيخ اسد: والله اريد اسئلها عن اسم الميتم ومكانه واسم المديرة والحارس اول شي اريد اتأكد من كلامها وثاني شي اكسر الحارس واطرد المديرة
الشيخه: الله يسهلك يمه
الشيخ اسد: امين
ضي صعدت ل ريم
ضي الگمر: ريم
ريم (وهي تفز من صفنتها) :ها كلبي
ضي الگمر: الشيخ اسد يريدج
ريم (ب استغراب): ليش
ضي الگمر: مادري والله يلا البسي حجابج وانزلي
ريم: تمام نزلت ضي وريم لبست حجابها ونكابها وعبايتها ونزلت بعدها خجلانه ومتفشله من الشيخ
ريم(بتوتر) :ها شيخ طلبتني
للشيخ اسد: اي بوية تعاي اكعدي
ريم: كعدت يم الشيخه ونزلت راسي
الشيخ اسد: انطيني اسم الميتم واسم الخارس واسم المديرة
ريم: حاضر االميتم اسمه .... المديرة اسمها شجون محمد حسن كامل والحارس اسمه محسن علي جاسب يصيحولة ابو فتنه
الشيخ اسد: خوش زين شنو اسم البنيه الي وياج نسيت اسمها
ريم(بفرحه) :حور اسمها حور سالار جان
الشيخ اسد: ماشي اخذي راحتج بوية اني طالع وسلمت علئ الشيخه وطلعت
اتصلت علئ ولد صاحبي يشتغل بالمخابرات وضابط
الشيخ اسد: الوو
ايان: هلا والله ب اسد
الشيخ اسد: هلا بيك خوية
ايان: بعد كلبي شيخ شلونك
الشيخ اسد: بخير انت شلونك
ايان: والله صرت بخير من شفت اتصالك
الشيخ اسد: هههه عسالك دوم بخير ايون
ايان: دوم للضحكه شيخ
الشيخ اسد: دايمه ايامك اخوي
ايان: بعد كلبي
الشيخ اسد: ايان اريدك ب بشغله
ايان: تأمر
الشيخ اسد: اريدك تكلي وين مكان ميتم اسمه ....واريد المعلومات الكامله عن شجون محمد حسن كامل و محسن علي جاسب يصيحولة ابو فتنه
ايان: تدلل شيخ يومين ويكون عندك ملفهم
الشيخ اسد: ما يدلل عليك ضالم
ايان: محتاج شي
الشيخ اسد :سلامتك
ايان: مع السلامه
الشيخ اسد: الله وياك و.....
البيت
اجن البنات من الدوام واجتمعن بغرفه الضيوف
ترف: راح اكول شي بس اسمعني لاتقاطعني
ريم: اي حبيبتي احجي
شمس: شكو ولج احجي
ترف: تدرن شصار البارحه
اصيل (بنفاذ صبر) :شصار بله
ترف: همام
البنات كلهن عدا ريم لان ماتعرفه (بصدمه) :شبي
ترف :اعترفلي 
البنات: جذابه
شمس ولي عبالي اكو شي بي خير
ملاك: كاعدة تضحك علينه
ترف: لا يا ثولات جاي احجي صدك
البنات: تجذبين مو
ترف: والله مامجذبة شبيجن
نازك: اخوي الذيب
ملاك: هلا ولله اعترف الاخ
ترف: ييي ولجن
اصيل: وشكتيله يثولة
ديمه: شوكت صار هذا الحجي ولج
ضي الگمر:صدك ولله تعاي شوكت صار
ترف: البارحه
البنات: شوكت البارحه يعني
ترف: من نزلت اسويلجن كيكه وحجتلهن كلشي صار
ملاك: طفرت علئ ترف وحصنتها اوووي فدوة لمرت اخوي
و تبوس بيها
ترف ضحكت بخجل
ريم: ممكن احد يفهمني منو همام وشنو السالفه
اصيل :اني افهمج
ترف بس عفيه ريم لاتحجين كدام اي احد
ريم: شنو السالفه المن احجي
اصيل: اي خيه و. ....وحجتلها السالفه
ريم: يعني همام ابن عمج رضا وانتي من زمان تحبي وخايفه وعرف بالغلط من اصيل وبعدين اعترفلج ان هو هم جان يحبج صححح؟ لو اني غلطانه
ترف: صحيح
ريم: اوي فدوة ربي يجمعكم بالحلال وميفرقكم عن بعض
البنات: امين يارب
اصيل: ويارب الدور يلحك ضيوش ونخلص
ريم: شبيها ضي
ضي الگمر: اسكتي اصيل تدرين بيه الشي الي ببالي مستحيل لاتدعين لان مااسوي مثل ترف واكله هم احبك
اصيل: عابتلج وليش يمه
ضي الگمر: مستحيل اخاف
نازك: شبي اخوي قابل وحش وتخافين
ضي الگمر: لا مو هيج تدرون بيه اني جبانه مو مال هاي السوالف ابد
البنات: ندري بيج الثولة
ريم: شوفي ضيوش والله اني اعتبرتج اختي من اول ماشفتج وشفت طيبه كلبج ومو بس انتي البنات كلهن الله شاهد انصحج نصيحه من اخت لاختها صح ماعندي تجربة بموضوع الحب بس الحب شي حلو مفرح يخلي الي يعشه سعيد اذا اكان متفاهم وهادئ ويحب من كلبه اذا انتي تحبين اشم لاتخافين لا انتي مامسوية شي غلط الحب مو حرام لان النبي محمد (صلئ الله عليه وال وسلم)  حب السيدة خديجه حباً جما حب طاهر عفيف ونضيف وانتي ماعندج غير هذني الاشياء بكلبج غير انج عفيفه ونضيفه وطاهرة وصادقه بحبج لذالك اذا سمحتلج مثل فرصه ترف لا تترددين ب اعترافج حتئ لاتتندمين بعدين من يروح من ايدج سمعتي كلبي

البنات: اوي كلامج يجننن ريم
ريم: حبيباتي
ضي الگمر: ان شاء الله راح افكر بكلامج
ريم: عفيه عليج

نجمه: ريم انتي ابد ماحبيتي
ريم: لا والله ابد لان اني ماطلع من الميتم ابد ولا مختلطه بجنس ادم عدا جنت اشوف حارسنه يعني حياتي بس ويا البنات وين تحب وانحب؟
نجمه: حقج والله ..تدرين كلامج عجبني وحفزني اسوي شي واتقدم بشغله
ريم: يارب يوفقج بيها
نجمه : امين وهي تفكر بكلام محمد لازم تنطي فرصة لان هي ماتكدر تنكر مشاعرها اله اخر فترة ووو......

اتمنئ يعجبكم البارت 😊😍
عدد الكلمات 1169  كلمه

في امان الله وحفظة
الكاتبه #زينب الساعدي