رواية الريم بين احضان الاسد الفصل العشرون 20 - بقلم شيـخـة ✍️🖤

المهره الاصيله تلوك للخيال
المو خيال ليش يتعب المهره
المو ڪَد الاصايل ﻼ يدك طبول
تره معروفه الزلم مـن تاخذ الشمره..
.
.
.
.
.
بغداد ب10 صباحاً

حور: كاعدين اني والضابط ايان نتريك بس ولاكدرت اكل براحه ولااكدرت ارفع راسي احس ركبتي حطك من ورا هسه غير يحس ويكوم يلبس بدي صخام وجهي امداه لحضي كالي ..
ايان: حور
حور: بلي
ايان: انتي ابد متعرفين احد من اهلج
حور: من سمعته كال هيج بلعت غصتي وكلتله لا ماعرف داخلت للميتم جان عمري ايام
ايان: اني مو قصدي اضوجج بس اريد اعرف كلشي عنج يفيدني بالتحقيق
حور :عادي ماصار شي
ايان: زين انتي شبيج هيج مدنكه مو ركبتج حطك ارفعي راسج
حور: امداني وامده حضي دحس يمعود وكوم البس بدي لا ونوب يسئلني ليش ماترفعين راسج هذا بي شي يمكن والله؟
حور: ها ممو ششمسه هاي
ايان: شنو شسمه شبيج
حور: مو هيج ماكدر عوفني
ايان: شبيج يبوية شعوفج ارفعي راسج راح اطك ركبتج
حور:حجيت ع السريع
يبا دكوم البسلك قميص استري نفسك بي مو حتئ راسي راح ينفصل عن جسمي وانت ماتحس شبيك
حجيتها ع سريع ولهثت ونوب انتبه اني شحجيت لطمت ع حلكي
ايان: ههههههههه اوك يبوية اعتذر هسه راح البس حسيت هستوني
حور: اا سسففه موو قصديي ووالله
ايان: عادي ما صار شي يلا كملي اكلج علما ابدل واجي
حور: مماششي
راح ايان للغرفه يبدل
ايان: خطيه خجلتها للبنيه واني اكول شبيها ماترفع راسها ههههه بدلت ملابس ولبست البدله مالتي وخليت البيريه و طلعت
حور: كملت ريوكي ولميت الغراض وغسلت المواعين وكعدت بالمطبخ اشو هذا تأخر هو بدي شسالفه مااحس اله واكف ع راسي
ايان: حور
حور (بفهاوه) :ها
ايان: اني رايح للدوامي يمكن اتأخر ويمكن اجي من وكت كلشي بالثلاجه ابد لا اطلعين ولاتفتحين لاي واحد اني من اجي عمدي مفاتيج وافتحه ماشي
حور (بعدها صافنه عليه وكلشي ماسمعت) :ها
ايان: شبيها البنيه حور يبا وين صفنتي الوو مو احجي وياج وحركت ايدي كدام وجها هي فزت
حور: يا فشلتي ها ايي مافهمت ولاكلمه
ايان: اي طبعا ماتفهمين مدري وين صفنتي وخلصيتها عليه ها وها
المهم رايح لشغلي لا تطلعين اي شي تحتاجينه موجود لاتفتحين الباب لاي واحد يدكه واني من ارجع عندي مفاتيج وافتحه وادخل و يمكن اجي ع وكت ويمكن اتأخر وهاي الغرفه الثانيه الج صح مابيها اثاث مال بنات بس انتضريني هليومين افرغ واشتريلج اثاث غيرة اذا تريدين نامي بيها  ماشي بويه فهمتي هسه؟
حور: ايي فهمت ان شاء الله
ايان: يلا مع السلامه
حور: الله وياك
طلع ايان لدوامه واني سديت الباب ودخلت يبوووه شكد عيب هسه شيكول عليه ضلت تباوعلي ماشايفه زلم بحياتها
بس اني صدك ماشايفه زلم وما شايفه زلم حلوة مثله ولا هيبه هيج مثله يجننن يربي يااا يااا هاي اني شداحجي اتأدبي حور لاتمسلتين الله يحفظة للرجال ويرزقه
حور: كمت نضفت البيت وسويت اكل لان اعرف اطبخ من جنت بالميتم اطبخ للبنات طبخت تمن وطلعت دجاج وسويت تشريب و كليت الدجاج وسويت زلاطه وروبة اكو وطرشي اكو وطلعت الخضرة نضفتها ونوب طلعت لخبز وخليته شويه يحتر لان جامد نوب رحت للغرفه الي كالي عليها فتحتها تجنن شنو من غرفه لونها اسود كلها الكنتور ابو بابين اسود وجربايه ام نفر سودة وعليها فرشة رصاصي وكومدي و مرايه ع كد طولي رحت نضفتها ومسحت التراب وغير الفرشه وغسلت الفرشة الي شلتها ومسحت الارضيه وخليت بيها عطر وفتحت الشبابيك بس سديت البردة خلي يتغير جو الغرفه ردت اسبح
بس ماعندي ملابس باوعت للساعه بعدها ب12هو كال يمكن اتأخر خلي ادخل اسبح واغسل ملابسي واشرهن علما ينشفن والبسهن
دخلت للحمام لكيت بي اشكال وانواع العطورات والشامبوات والصابون وغسول الجسم ومعطر جسم وكريمات والحمام بانيو وزجاجي. يجنن فتحت المي بي وخليت معطر الجسم بي وترسته وكعدت بي اااوف استرخيت راحه نفسيها ههههه المهم كملت لكيت روب مال حمام قطني كلت ايي همزين خلي البسه لبسته وخليت شعري مانشفته ضل ينكط مي وغسلت ملابسي وجففتهن و شريتهن ورا الباب مال الحمام وطلعت رحت للغرفه مشطت شعري ورحت للمطبخ اريد اشرب مي جاي اشرب مي ماااحس اله الضابط ايان وراي صافن وكع الكوب مال المي من ايدي واطشر الكزاز ضليت اباوع عليه وهو يباوع عليه مصدوم هسه اكيد كال هاي مو زينه وجاي تسوي شغلات علمود تغريني واني والله العظيم مااعندي ملابس....

ايان: كملت شغلي ب 1 الضهر وطلعت وكفت يم السوبر ماركت اخذت حلويات وكرزات ل حور خطيه تاكلهن ووتسله بيهن المهم وصلت للشقه فتحتها ودخلت مااكو صوت عبالي حور نايمه رحت للمطبخ اريد اشوف شمسوية غدا كلت اذا مامسوية انزل اجيب جاهز المهم دخلت للمطبخ واشوف حور بس بالروب مال الحمام و شعرها بي مي يكطر وجاي تشرب مي دارت وجها وشافتني صافن عليها وكع الكوب من ايدها واطشر وضلت تباوعلي واني عيوني ولاقبلت توخر منها ضليت صافن عليها شنو هل بياض دخيل ربج انتي منين مخلوقه خشمها احمر والشفايف وردي والخدود شحلاتهن يببوه لو الرجلين كطططن كطططن وجان فتحت الروب شويه مفتوحه ومبين صدرة يابوية احس نفسي شمروني بنص النار كتلها
ايان: حور ليش لابسه هيج (واني ادور وجهي عنها خطيه هي بس واكفه )
حور: وووالله والله شمسه هذا اني سبحت وماعندي ملابس غسلتهن وشريتهن علما ينشفن لبست هذا الروب مااعبالي تجي بهذا الوكت والله مو قصدي والله
ايان: يلا روحي لغرفتج بسرعه
حور: ححااضر. ورحت ركض للغرفه وسديت الباب وضليت الم شلون شافني هيج عزا العزاج حور صخام وجهي شسويت شطلعني اني المن سبحت توازيت يببو ع حضي

ايان: حسيت نفسي راح اتهور واسوي بيها شي كتلها روحي لغرفتج بساع وهاي طكتها ركضه وسدت الباب ضحكت عليها رحت غسلت وجهي بلكي اهدئ ياربي لاتخليني اوصخها هلبنيه طاهرة وبريئة يبربي هاي يتيمه وامانه عندي لازم اصونها يارب صبرني رحت لغرفتي طلعت برمودة سودة من مالاتي  وفانيله بيضه ورحت لغرفه حور دكيت الباب
ايان: حور وينج
حور: ها هياتني موجودة
ايان: هذني ملابس البسيهن بين ما ينشفن ملابسج
حور: رحت فتحت الباب ومديت بس ايدي انطاني الملابس وراح اباوعلهن هذني ملابسه شكبرهن عليه
لبستهن وغركت بيهن عود جايبلي البرمودة مالته صارت عليه بجامه طويله والفانيله شكبرها كلساع ونزلت من يم جتفي المهم لبستهن وطلعت لكيته كاعد بالصاله يدخن باوعلي وصفن عليه نوب ضحك
ايان: غركتي بيهن مو هههه
حور: اايي كبار عليه
ايان: يلا ان شاء الله اجيبلج ملابس
حور: شكرا اصبلك غدا متغدي
ايان: ليش انتي سويتي غدا
حور: اي سويت هسه اصبلك
ايان: ماشي
حور: رحت للمطبخ صبيت الاكل وحضرته وخليته ع الطبله والبدي كلساع نازل ع جتفي المهم صحت يلا تعال تغدا كملت اجه واني جاي اطلع مي هو كعد ع الطبله والبدي نزل من جتفي وبين صدري كله (يعني بالمعني الحرفي كله) كبل رفعت البدي وهو كبل نزل راسه وكالي
ايان: يلا اكعدي اتغدي كعدنه تغدينه وكملنه هو راح للصاله واني خليت القوري ع النار وغسلت المواعين صبيت الجاي واخذتله الكوب ورحت شفت كاعد ع التخم وبيدة جهازه لابس برمودة سودة وبدي اسود برز عضلات صدرة شكله تحفه فنيه تحمحمت وهو رفع راسه باوعلي
حور: اتفضل الجاي
ايان: اي والله اجه بوكته شكرا
حور: العفو
ايان: انطيني قياسج العصر اطلع اجيبلج ملابس
حور: بس اني مااعرف قياسي
ايان: اكو وحدة ماتعرف قياس ملابسها
حور: والله مااعرفه جانت المديرة تجيبلنه ملابس. وتكول البسن حتلو كبار عليجن ف مااعرف قياسي
ايان: شو بله كومي اوكفي
حور: ليش
ايان: كومي
حور: كمت هو ضل يباوعلي من فوك ليجوة حتئ خجلت من نضراته نوب كعدت
ايان: الاكل طيب والجاي عاشت ايدج اني اروح انام تعبان كعدني ب4 اريد اطلع
حور: ان شاء الله
راح ايان لغرفته نام وحور هم رحت نامت وو.....

هنا خلص هذا البارت حبايب كلبي اتمنئ يعجبكم
واعتذر عن الاخطاء الاملائية

عدد كلمات البارت 1198 كلمه

في امان الله وحفظة
#الكاتبة زينب الساعدي