رواية الريم بين احضان الاسد الفصل الحادي والعشرون 21 - بقلم شيـخـة ✍️🖤

ياعشگي لونك بهت
هم تعبتك فرگتي ؟ لو عدت الفتره
مالومك بگطعتك (محروس من كلَ جرح)
برد المشاعر تره الماكمل العشره !

الديوان
الساعه ب7:30 مساءً
همام: ها شباب اليوم نكعد مووو
حسين: ان شاءالله
الشيخ اسد: انتو كلتوا للبنات موو
جود: اي كتلهن
همام: الضهرية كلها ولحد العصر هن يسون حلويات وحبشكلات للكعدة مامصدكات هههههه
الشيخ اسد: ههههههه والله يولد افكر باجر ناخذهن ونطلع للمزرعه خطيه يغيرن جو ويتونسن لان صارلهن هواي ماطالعات وبس للدوام والدراسة
شهم: ايي صح
امير: خوش اني اخابر الفلاليح باجر مايطلعون حتئ ناخذ راحتنه وهن هم يرتاحن ماكو غريب
الشيخ اسد: ايي اموري عفيه عليك
حسين: اييي وهسه خلي تصير ب10 بلكي بعد محد يجي حتئ نسد الديوان ونصيحهن يجن
همام: ايي مستعجل علئ الحلويات
ذو الفقار: الكبر راح يموت ابو بطن
همام: انجب لك انت ماشايف شسون والله ادفع نص عمري حتئ اكل الحلويات
الشباب ههههههههههه.......

البنات .....
اصيل: يلا كومن اسبحن وبدلن حتئ نروح للديوان لان صرنه كلنه وصخ وريحه طبخ
نيران: ايي والله
ريم: شتسون بالديوان
شمس: الولد كالوا نكعد نسوي جلسه شعرية ونتونس شوية

ريم: بس اني ماعرف اقرة اشعار
نجمه: عادي بس استمعي او اكعدي ارسمي محد عليه بيج
ريم: والله مدري يمكن ماروح
ضي الگمر: لا ريوم فدوة
ريم الله كريم
راحن البنات يسبحن وبدلن وكملن صارت ب10:30 ومحد من الولد اجه صاحهن

نجمه: اكلجن شو محد اجه
ديمه: خاف بطلوا يحضي
ضي الگمر: ايي والله يمكن
اصيل: حرامات عبالنه نكعد

دخل عليهن ذو الفقار
ذو الفقار: بنات اذا كملتن يلا تعالن الديوان محد بي وقفلنا
نيران: يلا بنات
كامن البنات وطلعن ورا ذو الفقار وصلن للمضيف ودخلن وحدة ورا الثانية سلمن وكل وحدة كعدت بصف اخوتها
نيران وضي الگمر كعدن يم الشيخ اسد ونوب ذو الفقار وبعده جود.و اصيل وشمس وديمه ونجمه وترف كعدن يم شهم وكيان ونازك وملاك كعدن يم محمد وحسين وامير وهمام اما ريم ف كعدت بنهايه الديوان بس قريبه عليهم كعدت وحدها وبيدها دفترها مال الرسم واقلامها
كعدوا البنات والشباب يحجون ويضحكون وياكلون بس ريم تستحي ماتحجي شي ابد بس ع كد السؤال
همام: اكلج ريم
ريم: ها
همام: انتي هيج ابد ماتحجين ولاتضحكين
حجت شمس من يمها
شمس: ايي هي قليل الكلام وكثيرة الحكم هههههه
همام: يووو بس لاتطلعين متعجرفه
الشيخ اسد زعجه كلام همام ع ريم
الشيخ اسد: همام عوف البنيه بحالها
همام: ماحجيت شي اني
الشيخ اسد: اسكت بوية
همام: حاضر
ورجعوا يكملون حجيهم و ضحكهم وريم بس تبتسم وقليل تشاركهم
جود: يلا نبدي بالشعر هاا شتكولون
الشيخ اسد: بكيفكم بوية
جود: انت ابدي انت الجبير
الشيخ اسد: حاضر تدلل

الشيخ اسد (يكول)

من الكلشي احس تعبان !
من الدنيا من ناسي
من عشگي الكسر ضهري
كبل ليجذب احساسي
من ربعي الخذو ضحكي
او ولا قدرو مقياسي
من دخاني المجودر
عَلى اشفافي
لحد ما كايم الهث
حته بانفاسي ..
التعب رافكني لاحلامي
التعب صايرلي وهواسي !
التعب فززهن اوجاعي
اوبدن من جدمي حد راسي
بديت اتنخه بالمامش
بديت اتفگد احواسي
بديت انهار واتكسر
بديت انهدم واتثلم
طحت من راسي
حد ساسي ..
قسه وكتي بكثر
ماجان مو قاسي
منو الينقذني انه انهديت ؟
مامش گلب اليواسي
كلها اتناست اليوجع
هضيمة الكاني ماناسي
بيمن هسه اذب اللوم
اذا ماخاسر ابداسي ؟
هلي الجبتوني عل دنيا
هضيمة اتلفت اومالكه
بس كاسي !
واذا حراس خليتولي ممنونين
ابشركم لوو ذرعاني حراسي

نيران: اوووويي فدوة احساس

شهم: ابو نمر مدام انه موجود محد يولي ذراعك يخوي
الشيخ اسد :كفففو يالذيب /مجرد كلمات انه محد يولي ذراعي

جانت ريم منتبه علئ كلمات اسد بتركيزز بس ماحجت ولاعلقت

جود: ايي نيران دورج يلا

نيران (تكول)
شلونك يـ ابو الضِحكات
شـ اخبارك يـ ابو الوِنسه
گالو تعبوك هواي باچر تكبر و تنسهہَ

ذو الفقار: الله الله شنو هل الاحساس نارو
جود: منو هذا ولج ابو الضحكات
نيران :الله عليك فقوري //شبيك جودي هو شعر ترا ماقاصدة احد والله
جود: وهو يضحك ادري نارو
شهم: حلللو بنت العم
نيران: شكرا
جود:حسين دورك
حسين: ايي

حسين (يكول)
‏يگلبي ليا وكت تعتني المايشتاك
وتبذر احساسك على المايهتم..
رِف لكن على اليستاهلونك كون
ع المن تشب نارك حرگ بي تشتم ..
على المن مايشوفك بالحلم يومين
الف حسبة على باله من القلق تلتم

الشباب والبنات:الله عليك ابو علي
حسين: يحفظكم
جود :يلا اصيل
اصيل: ماشي

اصيل (تكول)
لا انة اليتاني احباب
لا شدتني دگة باب
اعرف بي غريب الجاي
چي دگ بابنا المفتوح.

البنات: هلا والله ب اصيل عاشووا
اصيل: تعيشن حب

شهم (يكول)
- إحنه چذبه !
‏شوگنه وملگانه چذبه
‏وذاك ليل اللمنه چذبه
‏يگول ما لمكم بتاريخي نجم
‏إحنه حيل عيون بس ماكو حلم .💫🖤"

ذو الفقار (يكول)
جنت مدنك !
جاي استفرغ حزني بدمعي
جانت هوسه ابالي وضجة
وصحتي باسمي وفزلج سمعي
كتلج ها يبنيه اتفضلي ؟
وضليتي اتسئليني شبيه ؟
وياهو مخرب صحتي ووضعي
كتلج يبنيه الدايخ ؟
مايرتاح اله بحضنج ،
خل احجيلج وانتي اتربعي
من حاجيتج باسلوبي الواضح
ماجاي اتحارش ! مو من طبعي
بس عينج خلتني اتوگح
لو باقي ؟ اكل باضفر صبعي
وهاي العين البيها انضرلج
من لمحت وجهج مادمعت
كامت بس تضحك ماتنعي
انسي شبيه ومدي اجفوفج
خل تحويني ولاتهملني
لازم لـ گليبي شوي تسعي !

محمد (يكول)
ياحبيبه جيوبي صحره !
وبيها باكيت الجگاير مو جديد
ياحبيبه جيوبي ماچاست الدرهم
يم ونستج ماتفيد ..
فكي "شباجي البصدري"
وراح تلكين العشگ فايض لحد اخر وريد
كل مراسيلج انجمعن وانكلب گلبي بريد
-

جود (يكول)
عوفني اغنيه ابلسانك
بيه ردد من تضيگ الدنيا عندك
من تعاين للوجوه ومامش ابنادم يودك
من تروح ابعيد واتاني اليردك
ياحبيبي انته بغيابك وين حدك
ياحبيبي شما غبت تلكاني افكدك
ياحبيبي اشتاكلي دورني بيك
أيجوز تلكاني نمش طايح بخدك
أيجوز نلكاني وشم طابع بزندك
أيجوز صاير بالمسامات البجلدك
وانه اعذرك جيف ماتعرف غلاتك
انته باب الريه مامعقوله اسدك
انته اخر نفس بيه شلون اهدك
ياحبيبي البارحة ساعي البريد
اتنكريته وجيت اسعدك
جيت جايبلك مراسيلي اليفرحن
تالي ارد من دون ردك
اخ لو اعرف علي ياهو اليوزك ؟
جنت اچز من الگلب بس الاذيه
وانته اول اخ بيه وماچزك
مِن شربتك كلها صاحت سم عَليك
اوانه مافكرت ابزك !
جبل اذكر جنت يمي
وماتطخ راسك الواحد
هسه ياهو اليجي يهزك
لاتفكر عود اضرك
بيدي ابره وانته ماي شلون ابزك ؟
-

امير (يكول)
عده العمر شده اعله شده
ماكو استراحه ! اتكول هده
ذاك انه وحده وكلها ضده
جن واحد امسويله فسده
هذا انه حزني (الماكو كده) ،
مگطعني گطعة ورگ ورده
مشكلته ما من يمه شرده
ومو جني خاطر مني اطرده
كون آلحزَن مو دوم مده
چا يبست خدود المخده !
حزني انه المتعبني حزني
ودي اعرف الي يريده مني
مو كافي صبح وليل اغني ؟
ومبچي جيراني اعله وني
هذا الفراغ العنديي مهدور
لابد اشوفه بيوم محفور
خاطر يضم اوجاعي التفور
جنه الفراغ البين الكبور
جم دوب اضلن هيجي جم دوب ؟
موكافي اضل بفراشي مصلوب ؟
ريت آلحزَن مِن گلبي مسلوب
چا تلكه ضحكي بوكت الغروب
من الزغر ضليت موجوع
كلهن هذني وراسي مرفوع
يشتد ضلامي وماكو فازوع
ويخنكه ليله الگلبه مفچوع
لو هذا دمعي الليله مسموع
چا فزت امي وكامت تلوع !
لسعة ورق بالنار ملسوع
مو صعبه اذا نزلت الدموع
-

همام (يكول)
هي مثل عيونچ الدنيا وسيعه
وتصغر بگد محبس ايدچ لو بَعدتي .كلتلهم بچت ؟
دنگو گالو لا ....!
عيونـﭷ درابيـنْ الطفولة
بوگـت صيف ومغربية
وگعدة ٲُمي وﭼـآيـها

كيان (يكول)
حجيك مو شقه ومقصود وياي
من حاجيتني وغيرت الاسلوب
من چزيتني من كلشي بي زين
من ضليت تحجي بطاري العيوب
انه ممنونلك بس بيش اجازيك ؟
عفيه اعليك خبره بكسر الگلوب
انه مو رب واسامح واشطب الصار
واغفرلك ذنب مابين الذنوب
ذنبك مو اصغير حته اعديي
ذنبك كفره وبساعات الغروب !
باصعب حالتك جنت انه وياك
من الكيتك من الكلشي مسلوب
ابد مستنكفت من جيت اواسيك
من ضليت حته بنومك اتلوب
عكس ظرفي وجيتك ! ناوي اخاويك
رغبتك من كبل لتصير مرغوب
هويتك مو مصالح ، بس الفلوس !
خلن ماي گصتك بين الجيوب
حرامات الوكت مو منصف هواي
جي خلاك من اعزازي محسوب
ياماكتلك انه الدنيا دولاب
اذا تشطبني هم الكاك مشطوب
مجال انطيتك وسويتك جبير
ماحسبالي تمشي ويايه مكلوب
هوى بارد ردت تتعنه للبيت
عجاجة الكيتك وسديتها البوب !
-

ضي الگمر
يالرسمك بعيني انطبع
راحت عيوني وما رحت
واعيد بذگرياتك والمشاهد!
ماحنيت؟ من شفت صورنه
ماهزتك دمعة وبچيت؟.

شمس
مهضوم مدري شبيه مهضوم ؟
وبعيني مو بسماي الغيوم
عاديي الوجع لو صار كلَ يوم
مامش فرق بي ويه الهدوم
حگي الوجع ، خلاني شايش
كون ابقه ذاك العاش طايش
بس كون ميضل جرحي عايش
مامش خلك يفلان مامش !
ياحزني يلساكن وريدي
مابيه اشيلن گطف بيدي
ياروحي اذا مو موت هيدي
يوم الاموتن يوم عيدي
ماتغفه عيني اله بـ دللول
منحول من الضيم منحول
والحيل صاير ‏حيل مشلول
(سلة البي سل انه مسلول)
بين الجرح والونه لعبي ..
من دمي حد الشوف تعبي
من دمعي محد راد گربي
جرة كحل مجرور گلبي !
-

نجمه
أتفقنا نموت لكـن وأحنا عدلين !
نضحك بس أكو بخاطرنه مأتم
الهوا يلاگـينا لكن مــا مبينيـن
مختنگـين بس نگـول نشتم.

أشم
ولك ردناك بس النه
شكثر جينه وترجعنه
شكثر دگينه بالبيبان
لسه ولون بيبانك بـ أصابعنه .

ديمه
تغيرو حتى النحبهم
محد يظل آعله حآله ..
چنه عدهم نسوه دنيآ
وصرنه مآ نسوه رسآله !!

نازك

كون تدري بعيني
سفرة شارع مگابلّ مشيتك
ليش ماتحسبني عثره ؟

ملاك
لا انة اليتاني احباب
لا شدتني دگة باب
اعرف بي غريب الجاي
چي دگ بابنا المفتوح.

ترف

المهره الاصيله تلوك للخيال
المو خيال ليش يتعب المهره
المو ڪَد الاصايل ﻼ يدك طبول
تره معروفه الزلم مـن تاخذ الشمره..

جود: عفيه عليج ترف
امير: خوووش والله كلش حلو هذا الشعر
ترف: شكرا

همام: ريم شو انتي ما انطتينه شعر

جان الشيخ اسد مراقب ديم طول الكعده ولحضها بس لمن شعر انتبهت بعدين نزلت راسها بالورقه الي بحضنها وبعدها مارفعته ابد

ريم: اني مااعرف اقرة شعر مااعندي موهبه
كيان: جا شنهي موهبتج

ريم (ب ابتسامه) :احب الرسم موهبتي الرسم
كيان: ها صدك ترسمين
ريم: اايي
شمس: ايي صح رسمت صورت ضيوش بعيد ميلادها عبالك صورة مو رسم
حسين: عفيه عليج

جود: واخيرا اكو واحد عندة موهبه مختلفه
حسين: ايي صح
همام: بله شرسمتي هسه لان كل كعدتنه انتي مارفعتي راسج من الورقه

ريم: وهي ترفع الورقه كلهم انصدموا
جانت راسمتهم بهاي كعدتهم هم وملامحهم كأنما صورة ملتقطه بالكامرا
شهم: والله وعاشت ايدج الصورة كلش حلوة
الشيخ اسد (يحس نفسه فخور بيها) :كفففو منج بوية
ريم: شكرا وكامت قدمت الصورة لشيخ
هاي الصورة الكم وبما ان انت الجبير انطيكياها
الشيخ اسد: يباوع بعيونها وابستم: ان شاءألله احتفظ بيها مشكورة
ريم :العفو

حسين: بنات
البنات: هااا
حسين: حضرن نفسجن باجر نروح للمزرعه نغير جو حضرن غراضجن والاكل لاتطبخن شي احنه هناك نشوي يعني حضرن بس المقبلات

اصيل: جا والفلاليح موجودين موو
امير: لا محد موجود باجر بس احنه خابرتهم وكتلهم باجر مايطلعون

نيران :خوشش
بنات كومن خلي نحضر كلشي علئ السريع حتئ نطلع باجر برحتنه

البنات: كلهن كامن وكالن
تصبحون علئ خير
الشباب
وانتن بخير

الساعه ب12:45 ليلاً

حضرن البنات شغلاتهن والاشياء الي يحتاجنهن
نيران: ضيوش روحي للمخزن جيب السله مال السفر وخلي بيها الغراض اني راح ادخل اسبح وانام اعتمد عليج

ضي الگمر: ماشي هسه اروح
راح ضيوش للمخزن فتحت الباب ودخلت ادور علئ السله لكيتها رادت تطلع اجه آشم هي ارتبكت رادت تطلع وكف كدامها
ضي الگمر : اا خخلي ااططللعع
آشم: لا
ضي الگمر: ححبابب خللليي ااططللع
آشم: كتلج لا
ضي الگمر: للييششش
آشم: بكيفي وهو يجرها ويدخلها للمخزن وبقفل الباب
سألته ضي بخوف
ضي الگمر: هااييي شتسوي حححباب خلي اطلعع
آشم: مااسوي شي بس تعبان واريد ارتاح
ضي الگمر: روح ارتاح بسس خخللييني اطلع
آشم: لا انتي راحتي
وتقرب عليه وصار وجهه بوجها حاوطها من خصرها و صار جسمها لازك علئ جسمه هي غمضت عيونها وهو ابتسم كاللها
آشم: افتحي عيونج
ضي الگمر: لا
آشم: ضي افتحي عيونج
ضي الگمر: وهي تفتح عيونها شتريد تسوي بيهن
آشم: اريد اشوفهن زين اريد اشوف العيون الي وكعني بحبهن وتقرب وباس عيونها ونزل لخدودها ونوب رجع باس جبينها وارنبه خشمها (طبعا ضي جانت بدون حجاب)
نوب حط راسه بركبتها ويشتم بيها وكال
آشم: اوووف ياريحه الجنه ورجع يبرس بركبتها ويشمها وهمسلها (*احبج ضي*)
حست بنفسها من الفرحه صارت بالسمه مثل الطير صح مو اول مرة يكوللها احبج بس هاي الكلمه الي من زمان تنتضرها وتنتضر يعيدها عليها بكل مرة ابتسمت وكالتله
ضي الگمر (بهمس) :شكد
آشم: لحد مااموت ابقه احبج
ضي الگمر ابتعدت عنه ووجها صار مقابيل وجهه خليت اصبعها علئ شفايفه وكالتله لالا اسم الله عليك عمرك طويل يارب من عمري علئ عمرك ابتسم اشم علئ كلامها وكاللها
آشم: هلكد تخافين عليه يا ضواي
ضي الگمر : (بخجل) واكثر بعد
اشم: بدون مايحجي شي اخذ شفايفها بوسسه قوية وبنهم يذوق طعم هلشفايف العسل ضل يتعمق بالبوسة وايدة صارت علئ صدرها وتتحرك بحرية حس ب ضي راح توكع من كد ماتخدرت بحضنه شدد علئ حضنها وعصرها عليه وضل يبوس بيها وايده اخذ حريتها بالتجرء علئ جسمها و اخيراً فصل البوسة جانت ضي مغمضه عيونها. ضحكه عليها
اشم: خدرت ضواي
ضي الگمر: فتحت عيونها ونزلت راسها بخجل
اشم: هههههههه ابوية انتي فدوة لهل الخدود الرمان
ضي الگمر: ضحكت
اشم: ابوس ضحكتج
ضي الگمر: اششم
اشم: عيونه
ضي الگمر: كافي خلي اروح البنات هسه يدورن عليه والله ولاايجي احد ويشوفنه
اشم: ماشي يلا اطلعي باجر حضري نفسج ابوكج منهم اخذج لمكان بس اني وياج
ضي الگمر: ان شاءالله واخذت السله وطلعت
دخلت لكت البنات كلهن نايمات ولاوحدة موجودة تنهدت وكالت
ضي الگمر: الحمدلله محد موجودة جان استلمني تحقيق ومااخلص منهن هههههه غسلت السله ونشفتها وخلت الغراض بيها وحضرت الفراش وخلتهن علئ الكاونتر و صعدت للغرفه لكتهن كلهن نايمات دخلت سبحت ورجعت نامت بمكانها وهي تبتسم علئ الي صار بالمخزن وشلون آشم باسها واتجرء وياها وخلت اديها علئ وجها بخجل وضلت تفكر لحد ما نامت ....

الساعه ب2:45 فجراً

ريم: كعدت عطشانه بس احس نفسي نايمه ماادري شحجي وشسوي جنت لابسه برمودة وبدي بيهن ميكي ماوس لونهن اسود نزلت شربت مي وكعدت علئ الطبله مال الطعام حسيت اكو احد نزل بعد مااعرف شسوي ضليت اركض منا ومنا انفتح الضوة واشوف الشيخ اسد جان لابس بس بجامه رصاصي رياضيه و بدون فانيله وشعره مهوس ونازله خصلات علئ جبهته هو منا اني مطفيه وهذا نزل بشكله اللطيف فهيت علئ الاخير حاجيته بنعاس
ريم (وهي نعسانه ومغمضه كوة نفتح عيونها) :اكلك هو انت علئ طول هيج لطيف وكيوت لو اني جاي اتخيلك هيج لو جاي احلم بيك
ايي اكيد اني جاي احلم بيك اصلا اتعودت يوميه انت بحلمي
بس تعال عود شعندك تجيني بالحلم شكو شتريد مني
جان الشيخ اسد بس صافن مستغرب من كلام ريم

الشيخ اسد فزيت باليل وفزتي سمعت فتحه مال باب كلت يجوز وحدة من البنات نزلت خلي انزل اشرب مي لبست بجامتي لان جنت بس بالشورت ونزلت دخلت لكيت ريم واكفه وكوة تفتح بعيونها ولابسه تراك برمودة اسود وبي رسمات كارتونية غير يذبح عليها يبوية مو بنيه اله ملاك (مموش بنيه غمبله هههههه / الكاتبة)
وجانت لازمه بيدها كلاص مي ضلت تحجي تكلي انت ليش كيوت ولطيف علئ طول ابتسمت عليها نوب تكلي شكو بحلمي يلا بله هسه هاي شحاجيها ماتكولين نفسج شكو تفكرين بيه ههههههه بس استغربت منها ومن جرئتها ريم من اجت لهنا لليوم ماتصرفت تصرف مو حلو و دائما هادئة بس اباوعلها مطفيه كلش وكوة تفتح بعيونها عبالك نايمه وتحجي نوب كالت
ريم: اي هسه غير يخلص الحلم واكعد يبوو والله راح اموت من ورا لطافتك
الشيخ اسد :ليش انتي بحلم هسه
ريم: اي جاي احلم بيك
ورجعت غمضت عيونها وفتحتهن ضحكت عليها
نوب سمعت صوت خاف واحد من الولد اجه او البنات كعدت وحدة منهن كبل سديت الضوة وجريتها صارت بحضني وعطرها دخل بريتي نوب هي حضنتني وخلت راسها بصدري وغمضت عيونها ونفسها ثكل نامت الثولة يله هسه هاي شلون بيها
المهم انفتح الضوة اباوع من ورا الباب مال الكومدي هذا شهم جاي يشرب مي حس اكو احد كال
شهم: منو هنا
رجع كال منو هنا
وضل يفتر بالمطبخ
الشيخ اسد: خرب هسه وكتك تكعد شهم
بصوت ناصي كلت هذا اني اسد
شهم: اسد شعندك ورا الكومدي
الشيخ اسد: جاي العب ختيللان شعندي
شهم: عود تحجي صدك
الشيخ اسد: لااشاقه وياك شبيك شهم امشي ارجع نام خلي احل هاي المصيبه العندي
شهم :شكو شبيك شو دطلع من ورا الكومدي ادري لزكت
الشيخ اسد: امشي شهم روح نام ولاتجي يمي
شهم: ليش
الشيخ اسد: خوب لزكت ليش وليش عمي البت بدون حشمه امشي انصكع لفراشك
شهم: ياهيه بدون حشمه يابت شبيك اسد
الشيخ اسد: انت مطي بوية لو تستمطي راح اكلك ريم بدون حشمه ونايمه وهي واكفه امشي انصكع لفراشك راح اطلع ضيم كلبي بيك
شهم: ها خوش رايح لفراشي بس انت عود من تخلص تعال احجي وياك
الشيخ اسد: اي يلا بس روح لا تلزك امشي ولي
شهم: يلا رايح مو ماتنزل اريد احاجيك ههههههه
راح شهم لفراشه وضل كاعد منتضر اسد
واسد حاير بهاي الطفله الي نامت علئ صدرة وهي واكفه وكل هذا وعبالها حلم
المهم حضنها اسد وشالها وصعد للغرفه فتحت الباب شاف نيران مامغطايه وضي الگمر واكعه من الجربايه راح حط ريم بفراشها ومسح علئ راسها وباسها من راسها ونوب نزل باسها من خدها وهو بنفسه استغرب من تصرفه عافها وكام غطه نيران وباس راسها وراح شال ضي وخلاها بفراشها غطاها وباسها باوعلهن وطلع وسد الباب نزل لصاله لكه شهم كاعد بفراشه منتضره
شهم: ها نزلت يلا تعال سولفلي
الشيخ اسد :شسولفلك بله
شهم: الي صار قبل شوية
الشيخ اسد: شوف بوية اني ما مجبور ابررلك بس خلي احجي حتئ ماتضل كلساع وكامزلك بحجايه
شهم: اي بله احجي حتئ مااكمز عليك واثبت ان انت عاجبتك ريم ومرتاحلها كلش وغمز بنهايه كلامه
الشيخ اسد: لا تضل تمسلت
كعدت عطشان نزلت للمطبخ لكيت الضوة مفتوح وريم واكفه وهي مغمضه احاجيها ماتحجي تقربت يمه هزيتها شو هاي كالت نعسانه وطاحت عليه نامت وهي واكفه بعدين اجيت انت سحبت البت ورا الكودمدي والباقي تعرفه لاتمسلت بعد ويلا انطمر
شهم: خوب ماتقبل علئ كلامي بس تاليتلك توكع بحب هاي البت وهي جنها وردة وهادئة الله يحفظها وماشفنا شي مو حلو منها والله اصلا يوم عيد لو حبيتها
الشيخ اسد: الله كريم لا اني صاعد انام تصبح علئ خير
شهم: ونعم بالله /تلاكي الخير
صعد الشيخ اسد وهو يفكر بكلام شهم ان ممكن يحب ريم وهو صح من يوم الي شافها وهي مافاركت خياله معقولة يحبها؟ الله كريم ربي قدملي الي بي الخير وصعد نام
وشهم ضحك علئ اسد لان يدري بي من يوم الي شافها وهو مبين عليه حبها وارتاحلها لف راسه ونام .....

بغداد الساعه ب12 ليلاً
دخل ايان للشقه بيدة الاكياس مال ملابس جايبهن ل حور
كعد بالصاله نزع البدي مالته وخله الاكياس ع التخم وكام للمطبخ شاف اكو اكل ع الطبله مسويته حور ومغطيته كعد اتعشه وراح لغرفته سبح ولبس بجامته السودة وبدون فانيله ورجليه اخذته لغرفه الحورية بدون ميدري بنفسه فتح الباب ووووووو ........

هنا خلص هذا البارت اتمنئ ينال رضاكم جبايب كلبي 💙 💚 واعتذر عن الاخطاء الاملائية
اذا شفت اكو تفاعل الكم بارت هدية واذا ماكو تفاعل اوقف القصه تمام! ؟
عدد كلمات البارت 2953 كلمه

في امان الله و حفظة
# الكاتبة زينب الساعدي