رواية الريم بين احضان الاسد الفصل الثالث 3 - بقلم شيـخـة ✍️🖤

وحشة فُراگك چبيرة .. چبيرة ! بگد عشرتك ♥️
.
.
.
.
.
.
الديوان ....

الشيخ طه:بوية اسد
الشيخ اسد:ها يبوي
الشيخ طه:اكو مشكله لازم تحلها ان شاء الله ورا ماترتاح تستلمها وتبدي بيها
الشيخ اسد:شنهي المشكله يبوي
الشيخ طه:دخيله داخله علينه واريدك تشوف وتحل انت هاي السالفه
الشيخ اسد:تأمر بوية ان شاء الله محلوله

أشم:وهو يوجه كلامه لشيخ طه
شيخنه الغدة جهز تفضلو
الشيخ طه:يلا تفضلو

المطبخ البنات رتبن الغراض والولد يشيلون الاكل اجه امير وكال
انطوني سله الخبز وينها
صاحت اصيل دمدوم السله يمج انطيها لامير
ديمه ضلت صافنه مرة تباوع لامير ومرة لاصيل لان اصيل تدري بيها وتدري شكد تخاف من امير
امير:شبيج ماتنطيني السله شكو صفنتي
ديمه:اله شوية يغمئ عليها من الخوف
كالتله ها اي اي هاي السله وراحت تقدمت وانطته السله وهو ياخذ السله منها لزم ايدها وسحب السله منها وغمزلها وراح هي صفنت مامستوعبه الي سوا امير ودارت وجهه للبنات شفتن شسوة مو
البنات كلهن دارن وجهن عليها وبنفس الصوت منووووو
ديمه:امير
البنات نفس الصدمه شسووة
ديمه لزم ايدي وغمزلي
البنات جذاااااببببة
ديمه: ونبي
البنات طكنها ضحكه علئ ديمه الي كامت تضرب صفنات
ورجعن يشتغلن وخلصن وجهزن السفرة مال النسوان لان الزلم وحد والنسوان وحد وكعدن كلهن يتغدن وكامت نجمه تجهز الجاي
نجمه:خليت الاستكانات بالصينيه والتفت اريد اروح للقوري مال الجاي وشفت محمد واكف بالباب مال المطبخ ومكتف ايديه ويباوع عليه اني خدودي صارن حمر من الخجل وبيني وبين نفسي اكول شبي محمد اول مرة يباوعلي هيج
محمد:احم...نجمه الجاي كمل لو لا
نجمه:ها اي دقايق بس اصب
محمد:تمام
نجمه:صبيت الجاي واجيت انطي ل محمد كالي
محمد:صبت الجاي واجت تريد تنطيني الصينيه كتلها نجمه اليوم اشوفج بالمخزن عندي حجي وياج الساعه 12ونص تمام؟
نجمه:اني نصدمت كمت امتمت هاا شتريد مني احجي
محمد:مثل ماكتلج مو تتاخرين
نجمه بتوتر وخوف:اي اي. ورجعت للصاله يم البنات

الشيخه
ها يمه ريم ماتحجيلنه قصتج يبنيتي
ريم:دنكت راسي وتذكرت معاناتي شيخه يصير احجي لحد مايجي الشيخ
الشيخه علئ راحتج بنيتي

الديوان ...
كملوا الاكل وشربوا الجاي
الشيخ طه:اسد بوية كوم ادخل سلم علئ الاهل وارتاح انت جاي من طريق طويل
الشيخ اسد:اي والله يبوي مشتاق لشيخه كلبي وتعبان كلش
الشيخ طه:اخذ راحتك وليدي

البيت....
الكل كاعدين نسوان العمام والشيخه والبنات كاعدات وريم كاعدة يم الشيخه ومنزله راسها والبنات يحجون وياها
اجت نيران تركض
اجه اجه
الشيخه:منهو الي اجه شبيج هيج مصروعه
نيران:شبيج جدة اجه شيخ كلبج الشيخ اسد
الشيخه :هلا بوليدي وينه خلن اشوفه
ريم:اني من سمعت نيران تكول اجه الشيخ وتحجي وي الشيخه خفت لان شفت كل الي كاعدات عدلن كعدتهن والبنات وكفن استعداد لاستقبال الشيخ انه كبل ختلت ورا الشيخه ورا ضهرها وكمت ارجف من الخوف ماعرف ليش الخوف تملكني

الشيخ اسد
دخلت للبيت وكبل للصاله لكيت نسوان عمامي كاعدات وامي وجدتي الشيخه واخواتي واكفات هن وبنات عمامي مثل كل مرة يستقبلني كلهن بس لمحت وحدة ةاكفه ورا جدتي مااهتميت زايد سلمت علئ امي وبوست راسها
ام اسد:هلا بوليدي يمه شكثر مشتاكتلك ليش هيج طولت بغيبتك
الشيخ اسد:هلا بيج ينور كلبي مشتاكلج اكثر والله يروحي الشغل شلونج
ام اسد:صرت بخير من شفت طولك
الشيخ اسد:بوست ايديها وراسها
انوب اجن نسوان عمي نسوان كبار سلمن عليه بست راسهن احترامن الهن ولكبرتهن انوب اجن اخواتي
نيران:يمه ردت روحي من شفت طولك يبعد اخيتك
الشيخ اسد:اوف نيراني شلون تحركني بكلامها العسل تعاي يبعد اخوج مشتاكلج وفتحت اديه الها اجت تركض عليه وحضنتها
وضي الگمر واكفه تباوعلي اشرتلها اجت تركض هلا بكمري مشتاكلج فصعونه
ضي الگمر تبجي:اني اكثر بوية (ضي الگمر تصيح لشيخ اسد بوية)
الشيخ اسد:يبعد ابوج وبوست راسهن انوب اجن بنات عمي سلمن عليه وتحمدلي بسلامه
نوب توجهت لشيخه كلبي
الشيخه:ها ولك اشو نسيتني وماجت تسلم عليه
الشيخ اسد:شيخه كلبي شلون انساج وهو يتوجه الها وهي تنهض من مكانها تتقدم عليه ومامنتبهه للي وراها واكفه كوة من الخوف
حضنها وباس راسها واديها ويكللها اوف ردتلي روحي من حضنتج شيختي
الشيخه:عيب ولك هسه جدك يغار
الشيخ اسد:ههههههه هو وينه جدي ماشفته
الشيخه: راح معزوم
الشيخ اسد: جا خوش نوب انتبه للي واكفه ومنزله راسها
وسأل جدته
شيخه كلبي (بهمس)منهو هاي الي واكفه وراج كبل الشيخه شهكت يمه سودة بوجهي التهيت بيك وعفت بنيتي
الشيخ اسد: استغربت منو بتها شني الموضوع
شنهي جدة لازم ولدتي من جديد وهو يضحك
الشيخه:هئ وولك عيب يمه روح ارتاح بعدين تعرف منو هاي
الشيخ اسد:يي والله شيخه كلبي كلش تعبان
روح ارتاح يمه
ريم:اني متت بدمي من سأل عني مادري ليش تملكني الخوف جان صوته رجولي بشكل كلش حلو مارفعت راسي ماشفت شكله بعدين راح رفعت راسي وعيوني مليانه دموع
الشيخه من شافتها بجت
الشيخه:هئ هئ ليش تبجين يمه
ريم:اخاف الله يخليج جدة والله ماسويت شي
اخاف الشيخ مايصدكني
الشيخه:لايمه يصدكج بس احجي الصدك ولاتجذبين بشي وهسه روحي ارتاحي ومن يكعد الشيخ نعرف سالفتح
ريم:ان شاءالله جدة وصعدت لفوك اريد ادخل وسمعت صوته خنست وتجمدت ماكدرت اتحرك و اني اسمع صوته يكول منو انتي
الشيخ اسد: صعدت لغرفتي اريد ارتاح اخذت ملابس وطلعت اسبح بالحمام لان المي بالحمام مالتي مكطوع مدري ليش وماردت اصيح وحدة من البنات خطيه تعبانات وهسه يشتغلن بالمواعين وفجأة شفت وحدة صعدت وتريد تدخل للغرفه مال البنات صحت بيها منو انتي اشو هاي ماتحركت بعد ودارت وجها عليه اني نصمدت شفت العيون شلون هيج لونهن يدمر وشكد كبار ضليت صافن بيها جان لابسه عبايه ومنكبه طالعات بس عيونها ومبينه جانت تبجي لان عيونها حمر سألتها انتي منو ؟
ريم:ها اني
الشيخ اسد (بزمخه وصوت عالي): لا ابوي
ام اسد: سمعت صوته ركضتله اوكف يمه شجاك تصيح علئ البت
الشيخ اسد(بعصبيه):منو هاي وهو يأشر علئ ريم
ام اسد:يمه مو جدتك كالتك ارتاح و بعدين تعرف منو هاي و نوب و هي توجه كلامها ل ريم يمه روحي ادخلي للغرفه و من اصيحلج انزلي
ريم:هزت راسها بمعنئ حاضر ودخلت للغرفه
الشيخ اسد:شنو الموضوع ليش محد يفهمني شي
ام اسد:شبيك يايمه هاي البنيه دخيله معقولة الشيخ ماكالك عليها
الشيخ اسد:وهو يتذكر ابوة من كاله عليها وهو خستوه يلا تذكرها كاللها لا حجيه كالي بس راحت من بالي يلا اروح اسبح ورتاح لاحد يكعدني ترا كلش تعبان وهلكان
ام اسد:سودة عليه يمه يلا اخذ راحتك ونزلت
الشيخ اسد:ضل يفكر و هو من شاف عيونها لسه دايخ بيهن منهو هاي و شنو سالفتها و شنو سرها توجهت للحمام و اني بعدني افكر بيها

ريم...
بعد مادخلت للغرفه كبل قفلت الباب ومتت خوف ياربي شنو هذا من رجال شنو من جمال سبحان الخالق صدك ابدع بخلقه نوب كلت استغفر الله ريم شبيج شنو هذا الحجي الله يحفظه لهله ونوب تمددت علئ الجربايه مال ضي الگمر شكد اسمها حلو وهي بعد احلئ ونمت ..............

اتمنئ تصوتون وتعلقون حتئ اعرف القصه عجبتكم لو لا💜😇

و هنا خلص هذا البارت اتمنئ يعجبكم
في امان الله وحفظة

الكاتبة#شيخة