رواية الريم بين احضان الاسد الفصل الثاني 2 - بقلم شيـخـة ✍️🖤

يا خسارة نوحنه ويا رخص ذيچ الونه !
-عريان
.
.
.
.
.
ريم:بعد مادخلتني خاله ام اسد ربي يحفظها شكد انسانه طيبه وخلوقه كعدتني على القنفه وجان اكو مرة جبيرة بالعمر يمي يصيحولها الشيخه وجهه بي نور الرحمه مبينه انسانه طيبه حبابه استقبلتني بالاحضان وهي طايرة من الفرحه
الشيخه: هلا بيج يمه نورتي يفدوة اروحن لطولج حبيبه تعالي اكعدي يمي تعالي
ريم:هلا بيج بيبي فدوة لكلبج وكعدت يمها وكالت تعبانه مو يمه كتلها موكلش بس اني ميته من التعب هلكانه بس عيب من الناس شيكولون عليه
الشيخه: تنادي البنات لان كلهم مجتمعين بالمطبخ يجهزون لاستقبال الشيخ اسد ولجن وينجن يمصكوعات مامش وحدة منجن تجي تجيب كلاص ميه للبنيه
اجن البنات يركض ها جدة هياته كلاص المي وقدمتلي بنيه حلوة وناعمه كلاص مي كتلها تسلمين كالتي الله يسلمج وبدت الشيخه تعرفني عليهن
الشيخه: يمه هذني بنياتنه هاذي نيران وضي الگمر بنات الشيخ طه ابني وعزوتي الجبير وهذني شمس واصيل وترف بنات الشيخ حسن وليدي الثاني وهذني نازك و ملاك و نجمه و ديمه بنات الشيخ رضا ابن الزغير وبعد ويلادهم ان شاءالله شوي وتتعرفين عليهم ادري هم هواي وصعب تحفظيهم
ريم: لاجدة ربي يحفظهم الج وجانت الجدة من تعرفني على كلوحدة من تكول اسمها تتبتسم
الشيخه:نيرانو ام لسان اشو خانسه ماتجين تاخذين البنيه ترتاح بين مايجي الشيخ
نيران:ها جدة استلمتيني ام لسان شمسوية هاي لان احجي الحق مو يلا تعودت عليكم هو اني مثل السمج ماكول مذموم
الشيخه: شوف شوف ام لسان طلعته علينه تولين من كدامي لااكسر العصه على راسج
نيران:رايحه عيني رايحه يلا حبيبه كومي وياي
ريم:كمت من مكان وي نيران وصعدنه فوك للغرفه مالتها هي وضي الگمر هي مو غرفه عبارة عن سويت كامل يجنن
نيران:ها حبيبه ادخلي ارتاحي
ريم:فدوة لكلبج
نيران:اي عيني ماعرفتيني عليج
ريم:اسمي ريم وعمري18سنه
نيران:عاشت الاسامي كلش حلو اسمج والعمر كله حياتي
ريم:تعشين حبيبتي انتي الاحلئ
نيران:اي خيه انزعي نكابج محد يمنه بس انه وياج خل شوف جمالج
ريم:وهي خجلانه ها اي ثواني ونزلت النكاب عن وجهه ونيران معالم الصدمه مرسومه علي وجهه
نيران:يالله هذا الملاك الساحر منين نزل اني بحلم لو بعلم
ريم:ضحكت علئ كلام نيران وهي خجلانه عفيه نيران لاتخجليني
نيران:خيه شخجلج دشوفي جمالج اني احلا بنات العشيرة طالعه جني قرد كدام جمالج
ريم:فدوة حبيبي لا والله انتي احلئ
نيران:بعد كلبي يلا حبيبه اخذي راحتج وهذني ملابس وهذاك الحمام وطلعت وسدت الباب وراها
ريم:ورا ماطلعت نيران اني كمت قفلت الباب ودخلت للحمام وسبحت وبدلت ولفيت الثام علئ وجهي ونزلت من الدرج وشافتني الشيخه جانت كاعدة بنفس مكانها
الشيخه:هلا يمه ارتاحيتي
ريم:هلا بيج جدة الحمدلله ارتاحيت مادري شلون اجازيكم
الشيخه:لايمه لاتكولين هيج انتي بنيتنه
ريم:ابتسمت وكتلها رحم الله والديج جدة

بالديوان
الشيخ طه مترأس الديوان وجاي يجهزون لدخول لشيخ
بوية حسين كملت الكهوة
حسين: يي شيخنه كملتها
الشيخ طه:كفوو
دخل آشم شخينه وصل الشيخ اسد

الشيخ اسد الله
وصلت ديرتي واخير كلش مشتاق ل اهلي وعمامي ولد عمامي ولكاعنه وهواها وكلشي بيها وصلت باب الديوان واشوف عمامي ولد عمامي وابوي واخوتي واكفين وجايبن ذبايح
نزلت من السيارة سلمت علئ ابوي
شيخ طه:هلا والله هلا بالشيخ نورت الديرة
الشيخ اسد الله :بالمهلي يبوي مشتاگلك رحمه الله
الشيخ طه: وانه اكثر يوليدي طولت الغيبة وانه ابوك
الشيخ اسدالله:والله يبوي شغل لحد راسي
الشيخ طه: الله يساعدك بوية
اسد الله
نوب سلمت علئ عمامي واخوتي وولد عمي
واخيراً عضيدي وحزام ضهري شهم
شهم:هلا شيخ اسد يبوي والله مشتاكيلك طولت الغيبة
الشيخ اسد :انه اكثر يخوي شلونك شخبارك
شهم: والله من شفتك صرت بخير
الشيخ اسد:يوجه الخير عوفنه خل ندخل الديوان
دخلو لديوان وترأس الديوان الشيخ طه وعلئ يمينه الشيخ اسد وعلئ يسارة اخوة الشيخ حسن كعدو يسولفون
الشيخ طه :آشم وانه ابوك شوفلنه الغدة جهزة لو لا حتئ يدخل الشيخ يتغدة ويرتاح
آشم:تأمر شيخ

البيت وتحديدًا المطبخ
ام اسد:ولجن همن اديجن الشيخ وصل وانتن تتملعبن هسه يجون يسونه سالفه فضنها
ضي الگمر:ييي حجيه يي بس روحي لاتثولينه وتبقين تصيحين عليه نروحلج فدوات
نيران:يي والله يمه روحي ارتاحي
ام اسد:يلا انه رايحه يم نسوان عمامجن والشيخه
البنات بضحكه الله وياجج ههههههه
اصيل: يلايلا همن اديجن مابقه. شي
اصيل:ضي الگمر انطيني السله مال الخبز
ضي الگمر: اووي عيني ماتجين انتي تاخذيها ماتشوفين بيدي شغل وضحكت

وي ضحكت ضي الگمر دخل آشم
وسمع الضحكه وانسحر بيها بس ماعرف من صاحبه الضحكه
اول مادخل هن كلهن سكتن ونزلن روسنه يشتغلن وضي الگمر بقت تضحك ماتدري آشم دخل للمطبخ دارت وجهه خايبات شبيجن مالجن حس ودارت وجهه تشوفهن منزلات روسهن ويمزمزن من الضحك كوة لازمات روحهن وآشم خازرها وصافن عليها
ضي الگمر: اني شفت آشم واني جفلت كمت ماعرف شتصرف انزل بثوبي لان شايلته بملابسي لل...و اعدلحجابي و سويت ونزلت راسي
أشم:ضحكت على تصرفها وكلت لاصيل
اشم:اصيل خوية كولي لمرت عمي الشيخ اسد بالديوان وا لشيخ طه يكول جهزو السفرة
اصيل:رفعت راسها وكالته حاضر خوية وراحت
اشم:بقيت صافن علئ ضي الگمر دارت وجهه تشتغل
والبنات يشتغلن مامنتبهاتلي خليت وطلعت واني احجي وي نفسي
شبيك اشم شنو اول مرة تشوف ضي الگمر يبوووية مو بت فلك دهرها شهلضحكه شلت حالي شل لنوب كلت.استغفرالله اني شحجي مايصير اباوع علئ عرضي وخليت ومشيت لديوان

بالمطبخ ضي الگمر بس طلع اشم كعدت بالكاع وخلت ايدها علئ كلبها وتكلهن ولجن الحكني راح اموت يمه كلبي والبنات ميتات من الضحك عليها لان يدرن بضي الگمر تحب اشم بس اشم مايدري وهي تخاف منه وتخاف تعترفله لان شخصيته جادة وقوية وتخوف
ملاك وهي تضحك: شجاج خيه راح تموتين قابل راح ياكلج كومي كومي
ضي الگمر:حكج خيه ماشفتي اخوج شلون خزرني حسيت نفسي بدون ملابس
البنات:هههههههههه
اصيل:اجت من الصاله ها ولجن شكو تتمضحكن
ترف:فاتتج خيه صار فلم هندي ب ضي الگمر لو تشوفين آشم شلون خزرها وهي وكعت من طولها اول ماطلع ههههههه
ضي الگمر و هي تريد تبجي:كافي لاتضحكن عليه
اصيل: ولجن عوفنها حقيرات تريفان كون يجي همام هسه اله تكومين تتراجفين من تشوفين طوله هلكد ماعاشكته وهي تحجي ودخل همام وسمع الحجي كله ملاك شافته ضلت تغمز ل اصيل واصيل مستمرة تحجي ولاوحدة من البنات شافته يضحكن علئ ترف شلون صارت طماطه من الخجل واصيل: ها ولج صرتي حمرة عود خجلتي مثلن اويلي شوكت يدري همام بيج ونشوفج هم تخجلين كدامه هيج ونضل نضحك عليج وهي تحجي همام كال احم ترف ماعت روحها كبل واصيل كامت تمتمت والبنات يركضن ل ترف يصحنها ماكو لمن اجت نجمه بيدها كلاص مي وغسلتلها وكعدت وهمام واكف بمكانه ينتضرها تكعد عباله صار بيها شي
اول مافتحت عيونها وهي بحضن شمس. و اصيل كدامها
ترف:سمعج همام موو وهي تريد تبجي
اصيل :ايي سمعني بس والله مو متقصدة
ترف: رحت بيها ولج يمه
همام: ها يبوية كعدت خو ماصارلها شي
ترف:كبل سوت روحها ميته و لا تريد تشوفه
اصيل: ها اي اي كعدت مابيها شي انت من شوكت اجيت
همام: من اول مااجيتي من الصاله وتحجين ويا البنات علمود يبين الها ان سمع كلشي
اصيل: ضلت صافنه وماتدري شتسوي
ديمه:ها خوية تريد شي تريد تلاحك الموقف ولا يصير شي لان خافن
همام: ي دمدوم انطيني سويج السيارة خليته يم ملاك
ديمه: حاضر هسه اروح اجيبه منها لان راحت تنطي جاي لجدتي
همام:تمام وهو عيونه علئ ترف الي اول ماكامت شردت لصاله وصعدت للغرفه مال البنات باوعلها وابتسم

وهنا خلص البارت الثاني اتمنئ يعجبكم
ولاتنسون تصوتون اذا عجبتكم القصه

في امان الله وحفظة

#الكاتبة شيخة