رواية الريم بين احضان الاسد الفصل الثالث عشر 13 - بقلم شيـخـة ✍️🖤

مذهلة وكأنها مقتبسة من ورد 💜🧬.*
.
.
.
.
.
الولد....
محمد: اي هاي الكعدة الزينه صار شكدزماكاعدين هيج
جود: اي والله حتئ الجو كلش حلو اليوم
الشيخ اسد: دسولنه نركيله خلي نريح شوية
شهم: مو تدلل شيخ ويغمزلة
الشيخ اسد: كفخته علئ راسه وكتله لاتغمز لا افكس عيونك
شهم: هههههه
صوت موبايل اسد.
الشيخ اسد: ها ايون وين صرت
ايان: هياتني اجيت بس وين المكان بالضبط
الشيخ اسد: يم عمود 25علئ ايدك اليمنه اكو بسطيه زغيرة احنه كاعدين كدامها
ايان: ها خوش هاي كدامكم اني
الشيخ اسد: هلا بيك
شهم: ها وصل
الشيخ اسد: اي وصل
محمد: تدري شيخ احسن ايان كلش طيب وحباب بس يخفيهه ببرودة
الشيخ اسد: اي صح هو هاي طبيعته
ذو الفقار: شتريد من واحد صديق اسد خو ماتريدة يكركر 24 ساعه ويتمركص اكيد تلكي عاكد حواجبه و الغضب متملكه والبرود الف عندة هههههه
الشيخ اسد: يا ادب سزز و دفرة من هاي الزينه ضل ذو الفقار يتلوئ والولد يضحكون عليه
ايان:  السلام عليكم
الشباب: وعليكم السلام
الشيخ اسد: هلا ب ايون
ايان: اسودي مشتاكتلك بالقران
الشيخ اسد: والله اني اكثر حبيبي...
ضلوا الولد يحجون ويسولفون ويضحكون اخر شي نط كيان
كيان: اسمعوني
الشباب وجهو نضرهم ل كيان
كيان: خلي نلعب لعبه
شهم: يي بله شنيه
كيان :صراحه وجرأة شتكولون
كلهم قبلو
وبدو يلعبون فرو بطل المي وكع علئ محمد وامير
امير: هلا هلا امممم صراحه لو جرأه
محمد: جرأة
امير: انزع ملابسك وصيح اني مخبل هههههههه
محمد: لا يا زمال
امير: يلا مايصير تتراجع
الشيخ اسد وهو ميت من الضحك: اي كوم محمد خلي نضحك شوية عليك
محمد: لا مامرجيه منك شيخ
الشيخ اسد: كوم لا ادفرك
كام محمد نزع قميصه وصاح اني مخبل وهم ماتو من الضحك
ورجوا فرو البطل وكع علئ ايان وهمام
همام: صراحه لو جرأة
ايان: صراحه
همام: امممم انت ليش علئ طول هيج معصب ولاتضحك وشكللك بارد
ايان: هههه طبيعيتي هاي
همام: صلوات ضحك
الشباب: ههههههههه
رجعوا فرو البطل ووكع علئ امير وكيان
كيان: صراحه لو جرأة
امير: صراحه
كيان: هم حبيت؟ واعترفتلها لو لا
امير: (وهو يتذكر ديمه) :اي حبيت بس مااعترفتلها
محمد: لايا نذل وليش ماتكلي
امير:لابله
الشيخ اسد: ها امير منو سعيدة الحظ
امير (وهو يباوع ل كيان) :وحدة سعيدة الحظ وخلص
الشيخ اسد: فهم من نضرة امير لكيان ان امير يحب وحدة من بنات عمه حسن كاله
الشيخ اسد: احسبها الك اموري
امير: دنك راسه وكال الله يسمع منك شيخ
رجعوا فرو البطل وكع علئ شهم واسد
شهم: يطك اصبع ويسوي العب بيها يابو سميرة هههههه
الشيخ اسد: نجب واسئل فضني
شهم: تدلل صراحه لو جرأة
الشيخ اسد: صراحه
شهم: صارلك شكد من تحبها
الشباب انصدموا من سؤال شهم
وكالو منيه
الشيخ اسد: نجب واحجي عدل لا اعدل فجك ببوكس افلشه
شهم: شبيك هو اني شكلت
الشيخ اسد: مااحب ويلا
شهم وهو يضحك: تمام تمام
فرو البطل وطاح علئ كيان وهمام
كيان: صراحه لو جرأة
همام: صراحه
كيان: شنو اكثر شي تحبه بالبنيه
همام (اجت بباله ترف) :خدودها من تخجل مني
كيان: لا بربك منيه هاي
همام: نجب وانت شعليك
الشباب: هههههههه
فرو البطل وطاح علئ محمد وحسين
محمد: صراحه لو جراة
حسين: جرأة
محمد: انزع ملابسك وروح اسبح بالشط عكسي لمدة 10 دقايق
حسين: بدون حجي راح نزع ونزل للشط ويسبح عكس المي 10 دقايق وكالوله خلص الوكت طلع لبس ملابسه
امير: صارت ب2 و نص
الشيخ: يلا كومو باجر ورانه شغل
ايان: الحمدلله باجر عندي اجازة ارتاح
الشيخ اسد: باجر غداك عدنا
ايان: تسلم ابو نمر
الشيخ اسد: الله يسلمك ننتضرك مو ماتجي ترا ازعل
ايان: لا ان اشاء الله ....
رجعوا الشباب كل واحد لبيته وكل واحد غفه وهو علئ باله حلم يتمنئ يحققه .....

الساعه 7:30 الصبح
الشيخه:كاعدة بالحديقه وتسبح
الشيخ طه: صباح الخير شيخه
الشيخه: صباح النور يمه
الشيخ طه: شلونج حجيه
الشيخه: بخير يمه بخير انت شلونك
الشيخ طه: الحمدلله
الشيخ طه: ام اسد وين صار الريوك
ام اسد: اجيتك شيخ
وجابت صينيه الريوك وباست راس الشيخه وصبحت عليها وكعدوا يتريكون نزل الشيخ اسد.
الشيخ اسد :صباح الخير
الشيخه: صباح النور وليدي
ام اسد: هلا يمه
الشيخ طه: صباح النور ابو نمر
الشيخ اسد: تتريكون بدوني مو زعلت عليكم
الشيخه: انطم واكل بدون لغوة
الشيخ اسد: افه عليج شيخه اني عزيز كلبج هيج تحاجيني
الشيخه: اي ولك اكل واسكت صرعتني
الشيخ اسد: هههههه تدللين وو....
ريم ...
فزيت الصبح ب 7:45 كمت غسلت وجهي ولبست دشادشه من الي جابتهن مرة الشيخ لونها بنفسجي وبي ورد اسود ولبست شال اسود ونزلت اباوع البيت محد بي رحت للمطبخ هم محد ردت ارجع بس خاله ام اسد صاحت من الحديقه  تعالي بنيتي ريم
ريم: ماكدرت اتجاهلها تقدمت ورحتلهم كاعدين الشيخه والشيخ الجبير وام اسد والشيخ اسد
الشيخ طه: تعالي بنيتي
ريم: صباح الخير
الشيخه: صباح النور هلا ب عزيزة كلبي
الشيخ اسد:صباح النور ...شني جدة جا واني موش عزيز كلبج الشيخه: لا صارت ريم عزيزة كلبي انت ماريدك بعد
الشيخ اسد: بالعافيه عليها هههه
ريم كعدت يمهم
الشيخ طه: شلونج بوية
ريم: الحمدلله شيخ
الشيخ طه: مرتاحه بنيتي خو ما احد مضايقج
ريم: اي مرتاحه والله محد مضايقتني
الشيخ طه: الحمدلله يلا انه اروح عندي جم شغله اكضيهن
الشيخ اسد: خيرك حجي تريد عون
الشيخ طه: لابوية ماريد يلا مع السلامه
الكل: مع السلامه

الشيخ اسد ....
اجت ريم كعدت يمنه واني من شكلها انفتحت شهيتي علئ الاكل كمت اكل وارجع لورة هههههه شكلها طفولي بريئ عيونها كبار وجفنها بي خط احمر مال واحد بعدة نعسان هههه من كعدت وهي ابد مارفعت راسها مادري ليش تمنت ترفع راسها اتريكت ويانه اني خلصت
الشيخ اسد :الحمدلله شبعت اصلا راح اطك من كد مااكلت ههههه
ام اسد: بالعافيه يمه
الشيخه: شبيك تهرفلت علئ الاكل ماشايف
الشيخ اسد: والله يشيخه كلبي شهيتي نفتحت من الصبح شسوي
الشيخه: ليش بله شعجب اليوم شهيتك نفتحت
الشيخ اسد: لان شفت وجوهكم الحلوة وعيونه علئ ريم
الشيخه: هااا يي وجوهنه الحلوة موو وهي تغمز ل اسد
الشيخ اسد: ها حجيه شبيج تغمزين هههههه يلا مع السلامه
الشيخه :اشرد اشرد بس وين تروح الزمك
الشيخ اسد: وهو يمشي هههههه
الشيخه: ريم
ريم: ها جدة
الشيخه: شكد عمرج يمه
ريم: عمري 19 سنه
الشيخه: يمه بنيتي بعدها زغيرونه
ريم: ههههه
الشيخه: كوميني ندخل اتمدد تعبت
ريم: حاضر جدة وهي تكوم الشيخه ووصلتها لغرفتها تمددت وغطتها وطلعت راحت للمطبخ
ريم :خاله اساعدح بشي
ام اسد: لايمه كلشي ماعندي البنان نضفن البارحه قبل لاينامن وبعد وكت علئ الغدا روحي تمددي شوية
ريم: ماشي اذا تحتاجين شي صيحيلي
وصعدت للغرفه تمدتت وغفيت ....
فزيت ب12 ونص علئ صوت ضي
ضي الگمر: ريم اكعدي
ريم: ها ضيوش
ضي الگمر: تدرين الساعه ب12 ونص وانتي نايمه
ريم:لا عليج الله
ضي الگمر: والله
ريم: عزا شكد عيب اخذتني النومه
ضي الگمر: عادي المهم خلي اسولفلج البارحه شصار
ريم: شصار
ضي الگمر (بخجل) :اشم
ريم طفرت: شبي
ضي الگمر: كالي احبج
ريم: بفرحه احلفي
ضي الگمر: ونبي
ريم: شلون وشوكت
ضي الگمر: البارحه ووووو سولفتلها الصار كله
ريم: اااووي يعمري والله فرحتلج
ضي الگمر: لج ريم ونبي احس الكاع ماواسعتني منتضرة البنات اسولفلهن احس نفسي راح اطك
ريم: ههههههه حقج من الفرحه
ضي الگمر: ايي وربي و.......

هنا خلصنا هذا البارت اتمني يعجبكم حبايبي 💚😍

عدد كلمات.1142كلمه

في امان الله وحفظة
#الكاتبة زينب الساعدي