رواية الريم بين احضان الاسد الفصل الرابع عشر 14 - بقلم شيـخـة ✍️🖤

• شنو متوضيه بورد ؛🌼☄.'
• شگد جميله وطاهره؟؛🌔💜.'
.
.
.
.
الديوان
جان الشيخ طه مترأس الديوان وعلئ يمينه الشيخ حسن وعلئ يسارة الشيخ رضا و الولد كاعدين مقابيلهم....
الشيخ طه: حسن رضا
الشيخ حسن: ها يخوي
الشيخ رضا: أمرني
الشيخ طه: شتكولون نروح نزور النجف وكربلاء والكاظميه نبقه اسبوع نرتاح
الشيخ حسن: اي والله خوش فكرة
الشيخ رضا: هي خوش فكرة بس شلون نخلي الشيخه
الشيخ طه: منو كالك نخليها لا ناخذها وناخذ ام اسد وام شهم وام حسين مادام الحجي بالعمرة احنه هم نروح نرتاح ونزور ونغير جو وهنا يبقون الولد واسد موجود هو يدير باله علئ البيت
الشيخ رضا: اي جا هاي هيه
الشيخ حسن: اي نخلي البنات يجن يبقن عنا والولد هم ينجمعون فد بيت احسن
الشيخ طه: اي احسن شي
الشيخ طه(وهو يوجه كلامه للموجودين وبالخصوص الشيخ اسد ):احنه راح ناخذ الشيخه و وياها ام اسد وام شهم وام حسين ونروح نزور نبقه اسبوع اسد انت الاعتماد عليك
الشيخ اسد: من عيوني
الشيخ رضا: البنات كلهن يجتمعن. يبقن هنا والولد هم
الشيخ حسن: تبقون كلكم جوة عيون الشيخ اسد هذا افضل شي
الشيخ اسد :تأمر يعمي
الشيخ حسن: كفوو يبو نمر
الشيخ طه: يلا نروح ننطيهم خبر حتئ يتجهزون باجر نطلع
جود جهز السيارة الجبيرة وكول ل ادم هو الي يسوق
جود:تأمر وراح جود يحضر المطلوب

البيت...
البنات كاعدات بالمطبخ يسولفن ويضحكن كلهن حتئ ريم
ريم: اكلجن بنات
البنات: هااا
ريم:خلي نسوي كيك وكنافه وحلويات شتكولن
شمس:يي والله
ريم: جا كومن نحضر الغراض ونجهز
الشيخ طه: اي بويه وجهزي وياج جدرين دولمه ودجاج وبرياني انتي والبنات
ريم: تتدلل شيخ
نيران: حبيبي باباتي
الشيخ طه:عيوني
نيران: شتسوي بهذا الاكل كله
الشيخ طه: نريدة لباجر ورانه طريق ونبات
نيران:وين
الشيخ طه: تعالن للاستقبال
راحن البنات ورا الشيخ طه
الشيخ طه: شيخه حضري روحج باجر نروح نزور اني وياج وام اسد وابو شهم وام شهم وابو حسين وام حسين
الشيخه: اي والله يمه مشتاكه ازور ابا عبدالله
الشيخ طه: تأمرين يالغاليه
الشيخ طه: شرفن بويه البنات كلجن تبقن هنا وحتئ الولد يجون هنا بيت حسن وبيت رضا ينقفلن خوش
البنات: حاضر .....

جهزو البنات الاكل وجهزو ملابس الشيخه والشيخ وام اسد وحضرووا كلشي ....
الصبح. الساعه ب5:00
الشيخ طه: اسد ماوصيك بوية علئ اخوتك
الشيخ اسد: شيخ توصيني علئ الزلم خو ماكو شي ههههه
الشيخ طه: كفووو منكم ولدي
الشيخ اسد: ادم ماوصيك سوق علئ كيفك
ادم: تأمر شيخ
الشيخ طه: يلا اودعناكم
الشباب والبنات: توصلون بسلامه
اصيل: طشت وراهم مي
دخلوا الكل للبيت البنات صعدن ينامن والولد هم راحوا ناموا....

صوت جهاز الشيخ اسد
رفع راسه يشوف جهازة فتحه وكال
الشيخ اسد: ايان
ايان: صباح الخير شيخ
الشيخ اسد: صباح النور
ايان: بس لا نايم بعدك
الشيخ اسد: اي والله صوت الجهاز كعدني
ايان صدك تحجي الساعه ب ال10 الصبح
الشيخ اسد: صدكك
ايان: والقران
الشيخ اسد: والله خذتنه النومه
ايان: يلا عادي تعبانين
الشيخ اسد: اي والله
ايان: الشيوخ طلعوا مو
الشيخ اسد: اي طلعوا ب5 الصبح
ايان: يرحون ويرجعون بسلامه
الشيخ اسد: الله يسلمك
ايان: اسد هذا الميتم باجر عدهم سفرة يطلعون البنات ويبقه بس الحارس شتكول نروح؟
الشيخ اسد: اي هاي خوش فرصه باجر نطلع من الصبح
ايان: هاي هيه نتوكل باجر
الشيخ اسد: اي
ايان: يلا مع السلامه
الشيخ اسد :الله وياك
طلع للمطبخ وانصدم ب.....
ريم كعدت ب 10 الصبح اباوع للبنات كلهن نايماات وني جوعانه نزلت علئ الدرج اباوع للولد نايمين بالاستقبال نزلت للمطبخ لابسه دشداشه قصيرة لونها جويتي (الازرق الغامق)وشعري ضافرته نزلت بدون حجاب كلت علسريع اسوي لفه واصعد طلعت جبن و خبز وسويت جاي علما يصير الجاي لكيت مواعين وصخه غسلتهن ومسحت الكاونتر صبيت جاي ولفيت خبرة ودرت اريد اطلع و اشوف الشيخ اسد واكف بالباب مال المطبخ صافن عليه اني من صدمت وكعت الجاي وكع علئ رجلي كبل صرخت وحطيت ايدي علئ حلكي مااحس غير اني بس بحضن الشيخ اسد ورجلي جوة المي احس الدم كله صار بخدودي من الخجل انتهيت كمت ابجي من الحرك كالي.....
الشيخ اسد: التفت بيدها جاي ولفه ولابسه دشداشه لونها ازرك غامق والشعر واصل لحد ركبته رجلها ضافرته والرجلين ينكرطن من البياض ونوب لابسه هذا اللون يدمر عليها من شافتني هدت كوب الجاي ونجوت كبل صرخت وحطت ايدها علئ حلكها اني لكفتها وكبل غسلت رجلها اباوعلها صارت طماطه وهي بحضني نوب عطرها يدوخ سطرتني كتلها
الشيخ اسد: شبيج يبوية اكو واحد يهد الكوب هيج
ريم: بقيت بس ابجي
الشيخ اسد: غسلتلها وكعدتها علئ الكرسي وهي تبجي جبت كريم من الثلاجه ونزلت لرجلها هي كبل سحبت رجلها
ريم: لا ميصير
الشيخ اسد: انطيني رجلج بويه
ريم: لا لا اني اسويها
الشيخ اسد: كتلج انطيني وجريت رجلها خليتلها الكريم وبردت رجلها
وهي عيونها يصبن كتلها
الشيخ اسد: كافي يلا هسه تصيرين زينه شجاج شفتي جني شو هاي طفرت كبل
ريم: من كالي هيج ذكرت نفسي واني بهل الشكل كدامه كبل طفرتهو لزم ايدي
الشيخ اسد: شبيج طفرتي ما اكلج
ريم: نزلت راسي وكتله لا مو تاكلني بس بس اني شسمه
الشيخ اسد: ضحكت عليها انتي شسمه
ريم : اني ملابسي. شسمه هيج
الشيخ اسد: انتبهت عليها كتلها اصعدي بوية ودنكت بست راسها ورحت لغرفتي حسيتها انصدمت ههههه
ريم: باس راسي وصعد اني تصنمت بمكاني ونوب حسيت نفسي راح اوكع طفرت للغرفه وسديت الباب وكعدت ورا الباب وايدي علئ كلبي وابتسمت وغمضت عيوني واني اتذكر من حضني واشتميت عطرة ومن باسني براسي حسيت بالامان فتحت عيوني واني مصدومه من نفسي شلون افكر هيج استغفر الله كمت لفراشي ونمت ....

الشيخ اسد: يارب صبرك هلبنيه راح تخبلني برائتها وتصرفاتها الطفوليه لو عطرها لو ملامحها ااااه يارب ....

كعدوا البنات والشباب
المطبخ....
ريم: صباح الخير
اصيل وشمس وملاك: صباح النور
ريم: شنو البنات وين
اصيل: راحوا ينضفون علما يكمل الريوك حتئ نكعد ماعدنا شي
ريم: هااا
نيران: ها حياتي شونكم
البنات: اجت الخبله
ريم: ههههههه
نيران: طاحضجن
دخلت نازك
نازك: ولجن متت من الجوع
البنات: ههههههه
اصيل: يلا كملت
ضي الگمر: جا والولد شلون يتريكون
اصيل: الشيخ اسد كالي يطلعون ياكلون برة مشتهين يكعدون يم الشط
ضي الگمر: هاا
اصيل: اي عيني يلا تعالن نتريك
كعدن البنات يتريكن خلصن وبدن بالشغل نضفن البيت كله
شمس: اني راح اكعد اقرة عندي امتحان اول ماتخلص اجازتي
(طبعا الشيخ اسد اخذ اجازة لكل البنات من الدوام حتئ يبقون هذا الاسبوع بالبيت لحد مايجي الشيخ وطبعا الاجازة مو بس للبنات الولد هم الي يدرس اخذله اجازة)

نازك: اني هم اروح اقرة
باقي البنات هم كعدن يقرن بقت بس ريم
طلعت دفتر الرسم وكعدت ترسم لان ريم رسامه مبدعه
صارت الساعه ب 11:30
نيران: بنات اني راح اسوي غدا قبل لايدخلون الولد من الديوان
اصيل وديمه :احنه وياج
نزلن البنات جهزن الغدا وكعدن تغدن والولد تغدوا بالديوان البنات كملن تنضيف وصعدن للغرفه والولد بالديوان
الشيخ اسد: حسين شهم
شهم: ها شيخ
حسين: نعم شيخ
الشيخ اسد: شوفو بوية اني صار عندي شغل مستعجل اريد اروح اكمله باجر ان شاء الله اني وايان نروح وارجع بليل اريدك تنتبهون علئ الولد والديوان يبقئ مفتوح وماتطلعون منه مفهوم
حسين وشهم: تأمر شيخ
شهم: شنو هذا الشغل يبو نمر
الشيخ اسد: اروح اتأكد من حجي الدخيله
شهم: ها الله يسهلك يخوي
الشيخ اسد: بعد ماوصيكم
شهم وحسين: لاتشيل هم ....

ثاني يوم الساعه 6:00الصبح
الشيخ اسد: شهم حسين بعد ماوصيكم
شهم: توكل بطريقك ولاتشيل هم يخوي
الشيخ اسد: اودعناكم
حسين وشهم: توصل بسلامه
الشيخ اسد: الله يسلمكم
الشيخ اسد: ها ايان اني اجيتك
ايان: يلا اني منتضرك باب الفندق
توجه الشيخ اسد ل ايان حتئ ياخذة ويرحون لوجهتهم
ايان: صباح الخير
الشيخ اسد :صباح النور
ايان: يلا نتوكل
الشيخ اسد: يلا
طبعا الطريق من الجنوب لشمال كلش طويل وتناوب علئ السياقه بين اسد و ايان وصالو الساعه 12 الضهر وراحوا لفندق يرتاحون ويطلعون العصر .....

بيت الشيخ طه
البنات ....
نيران: اكلج ضيوش ماتخلينه نطلع الزوالي نغسلهن حتئ نغير زوالي الصاله والاستقبال والديوان
ضي الگمر: ماشي
ترف: اني اغسل وي ضيوش انتي روحي شوفيلج غير شغلع
نيران: بعد احسن هههه
راحت ترف و ضي الگمر يطلعن الزوالي ويفرشنهن بالطارمه وطلعن التايت والفرش مال الغسل. لبست ترف برمودة لركبه و كيمونه صلوخ وضي لبست شورت وكيمونه صلوخ وكعدن يغلسن بالزوالي ويضحكن وحدة ترش مي علئ الثانيه

حسين: اشم انت و همام روحوا للحديقه الخلفيه جيبوا حطب خلي نسوي كهوة
اشم: خلي همام يروح مالي خلك اتحرك
همام: لا والله اشتغل عندك ماروح
حسين: مقل الحبابين تكومون ثنينكم تجيبون الحطب وترجعون بدون كاف لام خووووش
همام: اووووف خوش
اشم: خوش
حسين: انتبهوا خاف البنات بالطارمه
اشم: اي
راحوا اشم و همام دخلوا لطارمه يضحكون مامنتبهين و بس انتبهوا واحد بقه يباوع لثاني
همام (بكلبه) :احتوكوا اهلج ترف هاي شلون طالعه هيج
اشم (بكلبه) :حلو ضي ماتسمعين الكلام ولبستي ملابس بعد افضح وكاعدة بالطارمه
اشم: بصوت عالي وهو يدير وجهه لجهه الثانيه وهمام نفس اشم هم دار وجهه لجهه الثانيه سون طريق طريق نريد نعبر ولا تطلعن هيج بعد ويلا طبن لجوة بصوت علةالي حيل

البنات
ضي :جاي نغسل ومانحس بس صوت اشم يصيح سون طريق وطبن للبيت لاحد تطلع هيج بعد اني اطفر اخوي عامر اجر ب ترف وراي وهي كامت تلطم
ترف: يمه عزا العزاني همام اليوم يذبحني الحكني ولجن راح يغمئ عليه ونبي
ضي الگمر: ههههههه اركضي ولج ودخلن لللبيت وجهن صفرة و ضي ميته ضحك علئ ترف و ضامه خوفتها بكلبها ...
تلكهن البنات شبيجن ولجن
ضي الگمر: اشم وهمام دخلوا لطارمه وشافونه هيج واشم ضل يصيح وههههههه وهاي العوبه ههه بطني يمه هاي العوبة كامت تلطم هسه همام يذبحني يمه متتتت ههههه
ترف: انجبي انتي ولج اصيل ونبي هسه يذبحني. انوب اشم شافني هيج والقران اروح اتشاهد علئ نفسي واتحضر علمود كبل يكتلني واني متشاهدة وكامت تبجي
البنات ماتن ضحك علئ ترف شلون كامت تبجي من الخوف واصيل كوة تسكت بيها وتضحك ....

اشم: همام
همام (وهو بعدة صافن ):هاا
اشم: شبيك صافن
همام: كامت تبدأ ي موو
اشم: هي منيه
همام (وهو منتبه لنفسه) :ها لا ماكو شي
اشم(بعصبيه): منو قصدك ترف لو ضي
همام: شبيك اشم شتحجي ضي شنو
اشم: قصدك ترف موو
همام (بتوتر) :لا شعندي وياها بس هي
اشم (ابتسم) :شبيها تحبها موو
همام (ارتبك وتوتر اكثر) :اشم ولي عني
اشم: والله ولاا اعوفك اني مو اخوك احجي تحب ترف موو
همام: اي احبها ارتاحيت
اشم (بفرحه) : اي ارتاحيت وهي تدري بيك تحبها
همام: اي تدري ومحذرها تطلع لطارمه بدون حجاب و المدام مصخمتها طالعه بالاضرب
اشم: هههههه
همام (بعصبيه) بس لا باوعتلها وشفتها
اشم: لا والله حتئ مامنتبه عليها
همام: جا وين منبه وهو يغمزلة
اشم: انجب وامشي
همام: والله فلا امشي تحب ضي موو
اشم: اكل تبن وامشي ولا تجيب اسمها علئ لسانك
همام: هههههههههههه واكع الاخ
اشم: اكل تبن همام وامشي نجيب الحطب هسه حسين افندي ياكل روسنه
مشوا الولد وهمه يضحكون .....

السليمانيه...
العصر الساعه ب 4:30
الشيخ اسد: ايان يلا اكعد خلي نروح للميتم
ايان: بس خمس دقايق
الشيخ اسد: ايان كوم لا وعلي اجيب سراحيه المي وانكعك مي
ايان: كمت كمت ما يخلي الواحد ينام
بعد ماكعدوا الولد طلعوا للمطعم يتغدون
الشيخ اسد: ها شتطلب
ايان: كلشي الجان لان متت جوع
الشيخ اسد: هههههه خوش نطلب مرق وتمن
ايان: ماشي
طلبوا وتغدوا وهم يشربون جاي
الشيخ اسد: ايان متأكد اليوم يطلعوهم سفرة
ايان: يي متأكد
الشيخ اسد: ماشي يلا كوم خل نشوف شغلنه
توجه الشيخ اسد وايان للميتم
الشيخ اسد: شو ماكو حارس معقولة يعوفووه هيج تايهه
ايان: والله مادري خل ندخل ونشوف
دخل ايان والشيخ اسد يمشون بين الممرات والغرف
ايان: اسد تسمع صوت صريخ
الشيخ اسد: اي صوت بنيه تصيح
ايان: الصوت من هذيج الغرفه
وهم يتوجهون للغرفه انفتح الباب وطلعت بنيه تركض عليهم وتصيح عفيه ساعدوني وتركض ب اتجاه الشيخ اسد وايان
الشيخ اسد وايان انصدموا جان شكل البنيه ملابسها مشككات و خشمها ينزف ومجروحه من يم شفايفها ولابسه بنطرون وقميص والقميص مشككوك من يم جتفها و الدكم مال القميص مفتوحات من فوك ....اجت علئ ايان كبل حضنته وهي تكول ساعدني فدوة ساعدني ووكعت اغمئ عليها
طلع وراها رجال جبير شوية بالعمر
ابو فتنه(وهو يتقدم علئ ايان الي شايل حور بحضنه) : حور حور بوية اكعدي شبيج
الشيخ اسد: انت منو
ابو فتنه: اني حارس الميتم ابو فتنه
الشيخ اسد :شبيها البنيه
ابو فتنه: مادري سمعتها تصرخ اجيت للغرفه لكيتها هيج نوب طلعت تركض
ايان: هه ابو فتنه وتريدني اصدك كلامك مو
ابو فتنه :وليش حتئ ماتصدكه ويلا انطيني البنيه واطلع لان الميتم اليوم مقفول
الشيخ اسد: اول شي البنيه ماننطيها وثانيا ماطلع من الميتم اله واني مكسرك تكسر ....ايان اخذها للفندق واني عندي حساب وي هذا اريد اصفي
ايان: ماشي
طلع ايان من الميتم وصعد حور بالصدر يمه وتوجه للفندق ...

الشيخ اسد وهو يكف ردن القميص
اي ووكعت بيدي يا نذل وطاح ب ابو فتنه كسرة تكسير خلا يزحف ..
عافه فاقد للوعي بسبب كثرة الضرب وتوجهه للغرفه الادارة وكعد يدور بالسجلات ولكه صورة ريم واخذ مستمسكاتها ولكه صورة حور وعرف هي نفسها هاي البنيه الي اخذها ايان وهي نفسها صديقه ريم هم اخذ مستمسكاتها وصورها وطلع من الميتم وتوجه للفندق وو..........

عدد كلمات البارت 2109 كلمه

في امان الله وحفظة
الكاتبة #زينب الساعدي