رواية الريم بين احضان الاسد الفصل الثامن عشر 18 - بقلم شيـخـة ✍️🖤

وعلگني مثل الصوغة حتلو معگود
اطراف العلگ حرية من ينشدن
وارسمني حفنة من الوجع بيها ألوان
اشكال الوجع تنعاش ما ينرسمن
.
.
.

السليمانية ....
حور: طبعا عرفت مكان ريم وهي هسه عد الشيخ اسد بس ما راح ياخذني الها لان هذا الشي خطر عليها و عليه وعلئ الشيخ اسد راح اروح وي الضابط ايان لبغداد ثقيت بيهم غصب عني لان ماعندي غيرهم يساعدني وهم لو مو خوش ناس جان ما خلصوني من ابو فتنه ولا حموا ريم وسجئ المهم اني صافنه وحاجاني الشيخ اسد الي يصيحلي حورية ههههه...
الشيخ اسد: بوية حورية
حور: ها عمو
الشيخ اسد: حضري نفسج يبوية ان شاء الله باجر الصبح نطلع لبغداد
حور: ماشي عمو ماعندي شي
الشيخ اسد: اي يبوية تصبحين علئ خير
حور: وانت من اهله عمو
رحت نمت علئ الجربايه والشيخ نام علئ الجربايه الثانيه والضابط ايان ابد ماحجه شي كل الوكت ساكت ونام بالكاع ماقبل انام بالكاع ...

السليمانية 7:00 الصبح
حور: كعدني الشيخ اسد صبحت عليهم غسلت وجهي ولفيت الحجاب مالتي لكيتهم جايبين الريوك كعدت اكلت شوية لان استحي منهم خلصنه وطلعنه من الفندق و راح الشيخ اسد يسد الحساب مالتهم وبقه يمي الضابط ايان
ايان: عدلي شالج
حور (بغباء): شلون
ايان: اكو وحدة ماتعرف عدل حجابها
حور (بغباء) :اي والله اني
ايان (بنفاذ صبر) :شنو اول مرة تلبسين حجاب انتي شبيج يبوية
حور: والله اني اول مرة البسه مااعرفله ريم ما علمتني شلون اسوي
ايان: وهو يوكف مقابيلها ويعدل بحجابها ويدخل خصلات شعرها الطالعات ويضحك بداخله علئ خدودها شلون صارن طماطه من الخجل
حور: من تقدم وصار مقابيلي ارتبكت عدلي حجابي واني احس عضامي كلها اطك عضم بعضم من الرجف وخجلت حيل خدودي صارن طماطه

الشيخ اسد: رحت اسد الحساب التفت واشوف ايان واكف كدام حور ويعدل بحجابها وهي اباوع علئ ايديها يرجفن وخدودها حمر هههههه وهو شلون يعدل بحجابها كاتل نفسه والله ووكعت كلبك هلحورية ي ايان وحركت هل كلب الحجر واخيرا توجهت عليهم وحم حمت
الشيخ اسد: اح احم يلا بوية نتوكل
حور فزت وابتعدت عن ايان وايان ابتعد عنها بكل هدوء وكاله
ايان: نتوكل يخوي ...
حور الطريق كلش طويل صارت ب12الظهر واحنه بعدنه ماواصلين نزلنه تغدينه ونوب كملنه الطريق تناوب الشيخ اسد والضابط ايان علئ سياقه السيارة واحد يسوق وواحد يرتاح
خلص نص الطريق ونوب بدة يسوق الضابط ايان حسيت الطريق كله عيونه مو علئ الشارع لا عليه ضليت كلساع اعدل بحجابي خاف مخربط واعدل بنفسبي خاف بيه شي والله حسسني بيه شي غلج من كد ما باوع عليه جان الشيخ اسد نايم وما حاس بالدنية كد ماتعبان واني جاي اعدل بحجابي كالي
ايان: كافي يبوية تعدلين حجابج عدل
حور(حجتها بدون قصد) : ها لا مو اخاف شعري طالع وانت ماترضئ
ايان(اكو فرحه بداخله) :هههههه لايبوية ماطالع شعرج واذا طالع اني اكلج
حور: ايي
ايان: يلا بوية نامي هسه وارتاحي من نوصل اني اكعدكم
حور: ماشي
خليت راسي علئ الجامه وغمضت عيوني بس احس اكو احد دا يباوعلي اتجاهلت الامر ورحت بالنومه العميقه هههههه وابد ماحسيت بالوقت ....

ايان: قبل لانطلع من الفندق راح اسد يسد الحساب مال الفندق حور جانت واكفه يمي بس اكو شعرايات طالعات من الحجاب ومبين عليها ماتعرف تلبس الحجاب (دار الحوار الي بينهم والي ذكرته سابقا) بعد ماطلعنه من الفندق تناوبنه اني واسد علئ سياقه السيارة من يجي دوري اسوق اوجهه المرايا عليها وعين علئ الطريق وعين عليها حسيتها ملاك طاهر منزهه من اي غلط طفله بريئة عفوية طفولية هادئة بيها كل الصفات الحلوة حسيت نفسي متعلق بيها من اول ماشفتها عيوني غصب عني تباوع عليها احس نفسي مسؤل عنها وعن كلشي يخصها والشي الي مفرحني اكثر ان راح اخذها وياي لبغداد اخليها عخدي وكدام عيني احس عيوني ماجاي تشبع من شوفتها تعلقت بيها مادري شنو هذا ابشي الي بداخلي من اشوفها احس نفسي مرتاح معقولة هذا الحب ؟ المهم كلتلها نامي وهي من صدك نامت بسابع نومه ماتحس علئ شي ابد وصلنه منطقه فارغه يعني قليل كلش سيارات تمر بيها تعبتت حيل بعد ماكدر اسوق و اسد نايم استخطيت اكعدة كلت اوكف هنا ارتاحلي ساعه واتحرك صفيت السيارة علئ جهه وسديت الجامات لان السيارة مضلله عيني بدون اي تفكير راحت عليها ضليت صافن بوجهه كان اريد احفظ ملامحها بعقلي واخليهن علطول كدام عيني اخذتلي بالربع ساعه اني صافن بوجهه ماحسيت علئ اسد من كعد كالي
الشيخ اسد: ها ضابط ايان مطول بصفنتك
ايان: فزيت من صفنتي ها اسودي كعدت
الشيخ اسد (وعلئ وجهه ابتسامه) :اي عيني ايون كعدت
ايان: ايي صح النوم يلا تجي تسوق
الشيخ اسد: لا عيني كمل صفنتك حبيب كلبي لان الوضع عاجبك كلش
ايان: شهل الحجي اسد ماعاجبني شي ويلا تعال سوق خلي ارتاح وهو اصلا مابقه شي ونوصل شي ساعتين واحنه ببغداد
الشيخ اسد: ولك والله ماتعبرهن عليه عمي كاشفك والله بس انت ماتريد تعترف بس يلا يجي يوم وتكلي الحكني وككعت بحبها وماعرف شلون اكللها ههههههه
ايان: غود ذاك الوكت تعال احجي هسه انزل وتعال سوق وخليني انطمرالشيخ اسد: ههههه يلا تعال
تبادل ايان واسد بالمكانات وبدة الشيخ اسد يسوق ويفكر بالملاك الي عافه بيته والي شغلت باله من اول مرة من شاف عيونها ويتذكر هدوئها وجمالها ونعمومتها وطفوليتها من ترسم ابتسم وهو عينه علئ الطريق بس باله يمها والضابط ايان اكيد نام اما حورية ف ما حاسه علئ اي شي غاطه بسابع نومه هههههه
الشيخ اسد وصلنه لبغداد تقريبا الساعه ب8 بليل ايان وحور نايمين وماحاسين علئ شي المهم ربع ساعه ووصلت للشقه مال ايان طبكت السيارة بالكراج وكعدت ايان كتله وصلنه
الشيخ اسد: ايان اكعد وصلنه
ايان: ها الحمدلله ع السلامه
الشيخ اسد: الله يسلمك يلا انزل وكعد وياك حورية اني رايح لهذا المطعم الي براس الشارع اجيب عشه واجيكم
ايان: ماشي
راح الشيخ اسد للمطعم
ايان: نزلت ورحت فتحت الشقه ورجعت نزلت لسياره فتحت الباب باوعت لحور هسه من اكو افجر المكان ماتكعد شلتها ويسديت الباب وقفلت السيارة وصعد بيها للشقتي دخلت كبل للغرفة مالتي خليتها ع الجرباية وغطيتها ورحت للكنتور طلعت ملابس الي ومنشفه وبوجهي للحمام دخلت سبحت وخليت ملابسي بالسله مال الملابس الوصخه وطلعت انشف بشعري لكيت اسد جاي ومخلي الاكل ع الطبله مال الطعام
الشيخ اسد: نعيما ايون
ايان: الله ينعم عليك شيخ
الشيخ اسد: يلا تعال اتعشه بس وين حور شو مالها صوت
ايان: نايمه بغرفتي
الشيخ اسد: هااا يلا تعال نتعشه نخليلها اكل من تكعد تاكل
ايان: ايي يلا
اتعشه ايان واسد وكملوا راح اسد يسبح وايان نضف الطبله و عزل اكل حور ودخل للغرفه لكاها ع نفس نومتها ابتسم لمنضرها نوب راح طلع فراش علمود ينامون عليه بالصاله لان الغرفه الثانيه ما مرتبها لان جان مايستخدمها المهم فرش الفراش وتمدد طلع اسد من الحمام
ايان: نعيما
الشيخ اسد: الله ينعم عليك حبيبي
اليوم انام هنا؟
ايان: ايي والله شوفت عينك
الشيخ اسد: عمي امرنه لله
ايان: ههههه ديلا نام واسكت
الشيخ اسد: باجر ان شاء الله من الصبح ارجع للبيت
ايان: ابقه يومين شبيك مستعجل
الشيخ اسد: والله يخوي ماكدر انت تدري الشيوخ الكبار ما موجودين والديوان مفتوح وكاعد بي شهك ةحسين وخطيه عدهم هواي اشغال تركوا اشغالهم وكعدوا بي والشيوخ الكبار هليومين راجعين
ايان: توكل بالله حبيبي
الشيخ اسد: تصبح علئ خير
ايان :وانت من اهله .....

حور: بعد مانمت بالسيارة ماحسيت ع شي ابد فزيت الساعه ب2 بليل اول مافتحت عيوني شفت نفسي اني بغرفه غريبة عليه رفعت راسي غرفه كامله استغربت بعدين كلت يمكن وصلنه بغداد بس شلون وصلت لهنا منو جابني للغرفه اووويلي يبا بس لا الشيخ اسد شايلني لهنا عززا لو الضابط ايان يافشلتي كعدت عدلت حجابي وصفطت الشرشف وعدلت الجرباية وكلت خلي اطلع بلكي الكي شي اكله لان متت من الجوع فتحت باب الغرفه ع كيف وطلعت باوعت بالصاله الشيخ اسد والضابط ايان نايمين بالكاع واحد بصف الثاني رحت للمطبخ لكيت علاكه ع طبله الطعام فتحتها لكيت صاج وبيتزا وفنكر رحت للثلاجه لكست عصاير وببسي وكلشي بيها مليانه حلويات وخضروات ومشروبات غازية وعصائر المهم اخذت قوطيه ببسي وكعدت ع الطبله اكل كملت الاكل ضميت الاكل الي زاد بالثلاجه ونضفت الطبله ورجعت نمت ......

البصرة الساعه 8:00 الصبح
كعدوا البنات جهزوا الريوك وانطوا للشباب حتئ يتريكون وهن كملن ريوكهن وكل وحدة راحت بجهه تشتغل وتنضف علمود لان اليوم يجي الشيخ اسد حضرن كلشي وكملن صارت الساعه ب10:30 كامت اصيل وريم يطبخن وطلعت ريم ابداعاتها بالطبخ طبخت بريانني ومطبك سمج وسوت مرك باميا واصيل سوت الحلويات والزلايط والحبشكلات كملن الساعه ب12

الديوان....
الساعه ب9:00 الصبح
حسين: شباب خابرني الشيخ اسد البارحه وكال اليوم يجي رتبولي الديوان وكولو للبنات يحضرن الغدا
جود: ماشي
راح جود كال للبنات ورجع للديوان رتبوا الديوان ونضفوا وسوو كهوة وكعدوا مر الوكت وصارت ب 12 وصل الشيخ اسد للبيت ودخل للديوان استقبلوا الولد وكعدوا وضلوا يحجون وبعدين اتصلت نيران ع جود
نيران: جودي حبيبي يلا تعالوا تغدوا كملنه كلشي
جود: ماشي نارو جايين
جوود: يلا شباب الغدا كمل تفضلوا
كاموا الشباب ودخلوا للبيت كعدوا علئ سفرة وحدة واكيد المتراسها الشيخ اسد وعلئ يمينه جود وعلئ يسارة ذو الفقار ونوب علئ الجهه اليسرة يترتبون ولد عمهم رضا حسين واشم وهمام ومحمد و امير ونازك وملاك  وعلئ يمين السفرة ولد عمهم حسن شهم وكيان اصيل ونجمه وترف وديمه وشمس  ونوب نيران وضي الگمر و ريم كاعدة بالاخير لان تستحي وهي اصلا غصب من البنات نزلت وياهم
كملوا غداهم وجابت شمس صينه الجاي وصبته وانطتهم وراحت وي البنات للمطبخ نضفن وكملن ....
الشيخ اسد: شباب اترخص اني تعبان كلش من الطريق
حسين: روح ارتاح شيخ بس لاتنسه اليوم عدنه كعدة حلوة من البارحه متفقين عليها نكعد بالديوان والبنات ويانه
الشيخ اسد: ها حلو ان شاء الله ماانسه ماعندي شي
شهم: روح ارتاح شيخ
الشيخ اسد راح يريد يرتاح وصلل لغرفته ومر من يم غرفته البنات شاف ريم واكفه يم المرايا تضفر شعرها وتدردم تريد تكصه كاللها ....

ريم: كملوا البنات واني صعدت قبلهن سبحت ونشفت شعري ووكفت يم المريا امشط شعري حييل متعبني احجي وي نفسي
ريم: يبيوه والله تعبني مو شعر شطولة ورفعت كصيبتها بعلي اله اكصج واعبر ذاك الصوب وانعل يومج والله تعبتيني
(كل هذا والشيخ واكف يباوعلها)
ماحسيت بس ع صوت الشيخ اسد
الشيخ اسد: حتئ اكص ايديج بس تكصين شعرايه وحدة منه
ودار وجهه وراح لغرفته دخل سبح وصوره ريم كبل عيونه ماتروح كمل من السبح نشف بدل ملابسه وشمر نفسه علئ الجرباية ونام من كثر التعب مال الطريق

ريم: كالي اكص ايديج بس تكصين شعراية وحدة منه ركضته ديت الباب وضلت ادك علئ وجهي ودموعي تصب اني شسويت بنفسي شكول لربي ليش ماسديت باب الغرفه الله لايوفقج ريم ع هاي الدكه وضليت ابجي لحد ماغفيت ع الباب ...

البنات ...
نيران: بنات ترا اليوم الشباب كالوا نكعد كلنه بالديوان نسوي كعدة مال شعر وكذا
اصيل: ايي حلو
نازك: جا خلي نسوي حلويات بعد وكيك حتئ تصير الكعدة حلوة
ضي الگمر: اي والله
وراحن البنات يسون بالحلويات ويضحكن ويتشاقن
دخل عليهن همام
همام: احم احم
البنات لبسوا احجبتهم وترف كامت اطكطك
اصيل: ادخل خوية محد غريب
همام: ها بنات شتسون
نيران: والله ياكلبي شوفت عينك انسوي حلويات علمود كعدة اليوم
همام: ايي عفيه عليجن حتئ ناكل حلويات ياعيني
البنات: هههههههههه
اصيل: ترف جيبي مي عطشت
ترف (بينها وبين نفسها) :عفيه اصيل ماكو غيري تصيحي كدام همام تريدي يذبحني بس يلكفني
ترف: ااي اي حاضر
وراحت ترست سراحيه مال مي وانطتها وضلت تنطي للبنات انوب اوصلت لهمام
ترف: ت تتفضل
همام (خزرها وهز راسه يتوعد الها) :شكراً
ترف: بالعافيه
همام(وهو يباوع لترف) : شربت المي و كتلهن اويلي سون حلقوم صار هواي ماماكل وكلش مشتهي
ملاك: يمه بعد اخيتك تدلل الحلقوم موجود بس كوم اكل
وهي تباوع ل ترف
اصيل : ولج مليكه اكعدي واسكتي لاتجفصين
ملاك: هسه اني شحجيت كتله موجود يعني قصدي بالمحل يروح يشتري (وهي تضحك)

شمس: اويلي منج وج خيه حافظتج اني
ديمه: ماشي خوية اني هسه اسويلك تدلل
همام(يباوع ع ترف) : لا دمدوم مشكور اني حلقومي موجود بس مو هسه اكله
نجمه: بالعافيه عليك همام ههههه
همام: الله يعافيج نجومه يلا باي
طلعت همام وترف كعدت بالكاع يمه والعباس همام اذا لزمني يذبحني خلص
نازك: يا ولج عليمن
شمس: متحلفلها من هذاك اليوم من شافها بالحديقه هي وضي وجان داخل هو واشم ومحذرها ماتلبس هيج لبس وتطلع للحديقه

نازك: حححيل وياها كون يكرصها خوش كرصه
ترف: ليش ولج حقيرة شمسويتلج وتدعين عليه هيج
ملاك: ههههههه والله تستاهلين

ضي الگمر: لاتخافين هو مشتهي حلقوم بوسي وهو يسكت مايعاقبج
اصيل :كفختها علئ راسها اتأدبي ولج شهل الحجي عيب مايصير
شمس: هههههه هو انتن مال تكفخ

ترف: كاعدة يم البنات وهمام دزلي رساله

📩همامي: تعالي لبيتنه هسه الج ربع ساعه فهمتي

ترف رفعت راسها
ترف: ولجن الحكن
نيران: هاشبيج
ترف: شوفي
وشوفت نيران رساله همام
والبنات هم شافنها
شمس :روحي ترف قابل هو شراح يسويلج
نازك: والله لاتخافين مايسوي شي يجوز كلش كلش يرزلج وهاي هيه والله العظيم و......

لهنا خلص هذا البارت اتمنئ يعجبكم واعتذر عن الاخطاء الاملائية وكلش كلش اعتذر عن التأخير ...
عمري انتو اتمنئ تدعموني بتعليقاتكم والتصويتات فدوات وطبعا اذا شفت تفاعل قوي بهذا البارت انزل الكم بارت هدية تمام يحلوين

عدد كلمات البارت 2092 كلمه

في امان الله وحفظة
#الكاتبة زينب الساعدي