رواية الريم بين احضان الاسد الفصل السابع 7 - بقلم شيـخـة ✍️🖤

راجعلي من گلبك خسر !
فضلت غيمه عَ الگمر ، طبعاً تحن لأيامي .

❤️🔥😌

.
.
.
ريم...
اخذتني الشيخه لديوان لان الشيخ اسد يريد يفهم سالفتي
دخلنه الديوان واشوف كلها كاعدة الشيوخ الكبار وولد عمهم واخوته كبل نزلت راسي كالتلي الشيخه اكعد بالمكان القريب علئ الشيخ اسد رحت كعدت و

الشيخ اسد: جنت بالديوان اني وابوي وعمامي وولد عمي واخوتي ودخلت الشيخه علينه ووياها الدخيله وكالتلها روحي اكعدي يم الشيخ اسد اجت البنيه كعدت يمي وابد مارفعت راسها
الشيخ اسد: اي يبوية احجي شنو سالفتج
ريم: كالي اي يبوية احجي سالفتج اني ماريد احجي شي كدام احد ماريد اي احد يحجي عليه كتله شيخ من رخصتك اذا يصير مو كدام احد احجي وياك و وي الشيخه
الشيخ اسد: من كالتلي هيج كلت اكيد تستحي كتلها خوش يبوية كومي بالغرفه مال الشيخه
اترخصت من ابوي وعمامي ومن الكاعدين من ولد عمي واخوتي وكمت وهي وراي وكدامنه الشيخه
ريم: كالي خوش وكام وكمت ورا والشيخه كدامنه
دخلنه غرفه الشيخه وكعدنه هو كعد كبالي والشيخه بصفي وكال
الشيخ اسد: هسه تكدرين تحجين براحتج
ريم: شيخ اني يتيمه من عمري 9سنوات توفه ابوي وامي بحادث سيارة وهم جايين ياخذوني من مدرستي وصار وياهم الحادث ماعندي لاخوال ولاعمام امي وابوي الوحيدين لاهلهم الي سوة الفاتحه جدي ابو امي وهو رجال جبير ورا الفاتحه خلاني عندة صار عمري 11سنه توفه جدي محد من كرايبنه استقبلني كلهم طردوني اخذني ابن عمه ابوي وخلاني بالميتم اني من السليمانيه دخلت الميتم من عمر 11سنه (احجي وعيوني يصبن دمع) ولحد هذا عمري تدري شلون طلعت من الميتم
الشيخ اسد: شلون؟
ريم: لان الحارس الي يشتغل بالميتم يسوي اشياء مو زينه ويا البنات وبعد فترة البنيه بطنها تكبر ياخذوها بعد ماترجع يكولونه اهلها اخذوها لو ماتت بيها مرض مو زين احنه ندري بيها يصير عدها حمل ويروحون يذبحوها ف مانحجي ابد نسكت قبل سنتين عمري 17سنه جانت وياي بنيه صديقتي هم يتيمه من عمرها يوم هي بالميتم اسمها سجئ اكبر مني بسنه عمرها 18 وحور هم ويانه عمرها 17سنه بعمري عدها جهاز بس محد يدري بي تكول يجي يوم ونحتاجه وضامته دافنته حتئ ماندري بي المديرة الله لايوفقها هي الي تنطينه لهذا الحارس القذر وبيوم من الايام الحارس صاح ل سجئ تعاي ساعديني بهذني الكارتونات شالتهن ويا للمخزن وهو حصرها هناك راد يتحارش بيها هي كبل نهزمت منه وبعد ماعرفنه وينها ورا فترة تقريبا سنه اتصل علئ حور رقم غريب اني. وحور خفنه فتحنه خط وسمعنا صوت سجئ تصيح حور هاي اني سجئ جاوبي كبل جاوبناها كالتنه اني انهزمت وسولفتلنه الي صار بالمخزن كالت نهزمت للجنوب بمحافظة ... ودخلت علئ الشيخ طه وكعدت عدهم وبعد فترة تقدملي واحد من معارف الشيخ وتزوجت واني هسه حامل وطمنتنه علئ اخبارها وسدينه الجهاز وضمينا اهم شي هسه سجئ مابيها شي ومرتاحه كلش فرحنالها وبعد اسبوع تقريبا الحارس كالي كومي صبيلي جاي مو بس كاعدة اكل وشرب ونوم اني ماحجيت شي رحت اريد اسويله جاي بالمطبخ اجه تحارش بيه وشكك ملابسي عليه بس اني ضربته بالسراحيه مال المي علئ راسه ونهزمت للغرفه اخذت عباتي وحجابي وفلوس عندي ينطونياهن من نفوز بدورات الخياطه اني فزت خمس مرات علئ كل مرة ينطوني 40الف فجمعتهن صارن 200الف وطلعت اركض من الميتم وصلت لشارع العام وشفت رجال سئلته منين اركب سيارات للجنوب كلت بلكي اذا رحت للجنوب الكي سجئ وهي تساعدني ركبت سيارة للجنوب نزلت بالكراج وضليت امشي لحد ماوصلت للبساتين طلعن بساتينكم مادري بيهن الكم صارت الدنيا الليل شفت ولد شاب سئلته عليكم كلت اكيد انتو تعرفون بيت سجئ سئلته وين ديوان الشيخ طه من تقرب منين الولد بي ريحه مو طيبه وجنه مو صاحي ضل يجر بعباتي ويسويلي تعاي ويملخ بيها اني دفعته ودخلت اركض بالبستان وختلت ورا الجشرة الجبيرة بعد ماسمعت صوت بس الجلاب تعوي واني اخاف وارجف لان بدون اكل صار يومين لميت رجليه واستندت علئ الشجرة وغفيت ومادري بنفسي وبعدين الصبح اجه الشيخ طه واخذني للديوان والباقي تعرفونه اني يشهد النبي ماجذبت بكلمه وحدة من الي حجيته وبجيت

كامت الشيخه حضنتني
الشيخه: ااوف يمه كطعتي كلبي سودة عليه الله لا ينطيهم انتي بنيتي مانطيج بعد لاتخافين
الشيخ اسد: كلش انقهرت عليها شكد شريفه هاي البنيه شلون حافظت علئ نفسها بكل الطرق كتلها
الشيخ اسد: ماعليج شر وانه موجود ان شاء الله هذا حارس الميتم احسبي تعاقب هو والمديرة والي تحارش بيج ببساتينه اني اعرف شلون الكي واعلمه وانتي اكعدي هنا معززة مكرمه حالج من حال بنياتنه لحد ماتجي قسمتج وتشوفين حياتج
ريم: الله يوفقك شي ويبعد عنك الشر
الشيخ اسد : لجميع يلا اني اترخص
طلعت للديوان وسئلني ابوي و كتله سالفه سهله تنحل ان شاء الله

محمد من يوم الي اعترفت لنجمه اني احبها بعد ماشفتها كلش انقهرت كلت اكيد ماتريدني ....
كاعدين اني والولد بالديوان نحجي واسمع صوت ضحك برة كلت منو هاي الولد مامنتبهين بس الصوت واضح ترخصت وطلعت من الديوان للحديقه اشوف ديمه ونجمه وملاك وضي الگمر وشمس واصيل ونازك يلعبن بالمي مسويات دائرة مخليات نجمه بالنص معصبات عيونها وهن يرشن عليها مي ويكللها منو الي رشت عليج المي وهي تكللهن ب اسم اللي رشت عليها ويكللها غلط بس هي صح ويضحكن وهي تضحك تقدمت للحديقه البنات شافني وكلهن طفرن لان ملابسهن لازكه عليهن من المي وعافن نجمه وحدها واكفه ودشداشتها لازكه عليها مفصله جسمها تفصال حتئ الملتبس الداخليه مبينه من الدشداشه وشعرها لازك علئ ضهرها مليان مي شلت سطل مي وشمرته عليها كالت اصيل والله عرفتج يلا وشالت العصبه مال عيونه وشافتني كدامها مجتف ادية وواكف هي تبسمرت بمكانها وو....
نجمه: جنه نلعب اني والبنات بالمي يرشن عليه واني احزر منو منهن ورا ثواني شفتهن هدئن ومااحس اله سطل مي نشمر عليه صحت اصيل هاي انتي والله عرفتج وشلت العصابه مال عيوني وواشوف محمد كدامي مجتف ادية ويباوعلي من فوك ليجوة تبسمرت بمكاني وبكلبي ادعي
عزا العزاجن شلون عفتني راح يذبحني
محمد: انتي شلون هيج واكفه ماتستحين بله طلع واحد وشافج هااا
نجمه: دنكت راسي ماحجيت هو اني والبنات جنه نلعب مو بس وحدي ف سكتت كلت مااحجي
محمد: دنكت راسها ماحجت شي عطت بيها امشي ادخلي واذا عدتيها قسم بمن احل القسم اذبحج فهمتي
نجمه بخوف؛: ايي فهمت وركضت كبل لجوة لكيت البنات بالمطبخ ميتات ضحك عليه
نجمه: طاحضجن ليش هيج ولجن حصلتلي رزاله من وراجن

شمس: شمدرينه احنه شفنا نسيناج وطفرنه احسن مانحصل كتله ورزاله
نازك: احمدي ربج حصلتي بس رزاله هههههه
اصيل وملاك وديمه وضي الكمر ونازك ضلن يضحكن نوب اصيل كالت
اصيل: امشن يلا لايجينه واحد ثاني وننكتل مو بس نترزل هههه خلي نبدل
صعدن يبدلن كلهن
ريم
اني كاعدة بغرفه البنات استحي اطلع كدامهم ودخلت ضي ناكعه بالمي وتضحك
ضي الكمر: لج ريم فاتتج والله لو نارله ويانه جنه نلعب المي
ريم: هههه لا ماريد ويشوفني واحد عيب
ضي: يي والله لكفنه محمد ابن عمي وطاحت السالفه براس نجمه اكلتلها شلون رزاله معدلة هههههه
ريم: خطيه ههههه وو.......

و هنا خلصت البارت اتمنئ يعجبكم
عدد الكلمات 1055كلمه واعتذر اذا اكو اخطاء املائية

في امان الله وحفظة

الكاتبة#شيخة