رواية الريم بين احضان الاسد الفصل الثامن 8 - بقلم شيـخـة ✍️🖤

رغم حچيك
چان بارد
حيل بارد
بس حرگني
_
.
.
.
البنات بعد مابدلن ملابسهن اجتمعن بغرفه ضي ونيران

اصيل: ريم عرفينه عليج من اجيتي لهسه ماحجيتي شي بس كاعدة مالج صوت

نجمه: يي والله صدك
نازك: خوب وجهها ابد ماشفنا منكبه 24ساعه ادري ماتختنكين
ديمه: ترا والله احنه بنات ما ناكلج ههههه
ريم: هههههه تمام راح اعرفكم عليه وانزع النكاب بس اقفلو الباب حتئ محد يجي عيب
شمس: لاتخافين محد يجي الولد كلهم بالديوان مايدخلون هيج وكت
ريم: ها تمام
اسمي ريم محمد حسن عمري 19سنه درست لحد الاول متوسط وبعدين تركت من دخلت للميتم اني يتيمه من عمري 9سنوات بابا وماما اتوفو بحادث سيارة وماعدهم اخوة اخذوني كرايبنه لحد عمري 12 سنه ونوب ودوني للميتم لان ماعدهم مصاريف وهناك بالميتم مادرست وبعدين اجيت لهنا

اصيل: ياعمري البقيه بحياتج
ريم: حبيبتي
شمس: شلون اجيتي لهنا شنو السبب
ضي الگمر: شبيج شموسه مادام اختصرت سبب الجيه اذا هو سبب خاص متكدر تحجي خليها علئ راحتها
شمس: اسفه ريوم
ريم: عادي
ترف: ريم يلا انزعي النكاب خلي نشوفج
ريم: نزعت النكاب اشوف البنات فكن حلكهن هههه
نازك: سبحان الله
ديمه: اللهم صلى على محمد وال محمد
اصيل: فدوة شنو هجمال ولج
ضي الگمر: يبوي فلكه مال كمر
ريم: هههه خجلتوني والله
ملاك :لاخيه احنه الخجلنه كدام جمالج طلعتينه قروده والعباس
ريم: لالا والله انتو كلش حلوات سبحان الله اول مرة اشوف هيج بنات بهذا الجمال
البنات: تسلمين حبي
ديمه: انزعي الحجاب خلي نشوف شعرج
ريم: تمام
ريم: نزعت الحجاب والبنار يباوعن عليه ماا احس اله الباب انفتح علينه واشوف .....

الشيخ اسد: طلعت من الديوان لان نيران اتصلت عليه اكو ملازم ناسيتهن وعدها محاضر تريد اجيبلهيا دخلت للبيت مالكيت احد عبالي كاعدات مثل كلمرة بالحديقه الخلفيه صعدت لغرفه نيران وضي وفتحت الباب واشوف ملاك نازل بالكاع الوجه ناعم وابيض كطن والعيون كبار وسود يخبلن والحواجب طبيعيات مرسومات رسم والخشم زغيرون والشفايف منفوخات ورمان والخدود كبار ولونهن احمر والشعر لحد ركبت رجلها اسود بسواد اللليل ضليت صافن
ماحس بس البنات اطافرن لان بدون حجاب وهي تركض منا وترد منا ادور علئ حجابها اني انتبهت علئ نفسي كبل طلعت وسديت الباب وصحت ضيوووش بوية تعالي ردت عليه ضي
ضي الگمر: ايي بوية اجيت
طلعتلي ضي تضحك
الشيخ اسد: شبيج تضحكين
ضي الگمر: البنات شلون اطافرن من دخلت علينه
الشيخ اسد: اعتذريلي منهن عبالي جنتن بالحديقه الخلفيه اني دوم زلكاجن هناك من تختفن من البيت
ضي الگمر: عادي يبوية ...اي شردت مني
الشيخ اسد: ها اي والله نسيت خابرتني نيران ناسيه ملازمها وعدها محاضرة وكالت ضيوش تندلهن روحي جيبيهن لان عندي شغل واريد اطلع
ضي الگمر: حاضر بوية
الشيخ اسد: دخلت ضي تجيب الملازم واني افكر بهاي الحورية الي شفتها ماعرف وحدة من كرايبنه هيج ولاشايف وحدة من صديقات اخواتي بهاي المواصفات يجوز وحدة من صديقات بنات عمي طلعت ضي
الشيخ اسد: هابوية
ضي الگمر: هذني الملازم محتاج شي
الشيخ اسد:لا بوية ....وتذكرت اكلج ضيوش
ضي الگمر :ها بوية
الشيخ اسد: منو هاي البنيه الي جانت واكفه وفاتحه شعرها
من كرايبنه؟
ضي الكمر: ههههههههههه لا مو كرايبنه
الشيخ اسد: جا منهي؟
ضي الگمر: تود صدك ماتعرفها
الشيخ اسد: لاوالله منهي؟
ضي الگمر: ههههه هاي ريم البنيه الي دخلت علينه
الشيخ اسد: لاصدك
ضي الگمر: والله العظيم
الشيخ اسد :سبحان الله
ضي الگمر: شكلت؟
الشيخ اسد: ماكلت شي يلا رايح
ضي الكمر: اودعناك
الشيخ اسد: نزلت واني مصدوم هاي شنو من جمال شايله حقها متنكبه ومنزلة راسها سبحان الخالق جمالها مفرط
انوب كلت استغفرالله هاي شجاي افكر صدك بله اول تالي افكر با اعراض الناس استغفر الله ربي واتوب اليه وكملت طريقي

البنات ....
ريم من دخل الشيخ اخذله صفنه وماحس بس البنات اطافرن لان بدون حجاب اني انتبهت لنفسي وتيهت حجابي ضلت اركض منا ومنا هو انتبه وطلع كبل وسد الباب وصاح لضي
وشوية ودخلت ضي تضحك
والبنات ماتن من الضحك علئ نفسهن شلون اطافرن
ضي الكمر: يمه بطنب بعد ماكدر من الضحك ههههههه
شفتن روحجن شلون طفرتن عبالك هجموا عليه يا يمه هههههههههه
اصيل: نجبي خيه شلون فشله بدون حجاب كدام الشيخ
ديمه: اي والله شكد عيب وفشله
نازك: انتبهت لريم تبجي ريم شبيج تبجين
ريم: شلون مابجي واني رجال غريب شاف شعري
ملاك: ترا موقصدج يا كلبي وهو مايدري
ضي الگمر: يي والله مايدري اجه يريد ملازم نيران وعباله احنه بالحديقه الخلفيه يكول ودخلت جفت ماقصدي حتئ كالي اعتذريلي منهن لان عيب
ريم: اااوف شكول لاربي واني شافني الغريب هذا ذنب شكبره هسه اني شنزعني الحجاب الله ياخذني
شمس: شبيج ريوم ترا كلنه نستحرم ومحجابات كدام اولاد عمنه والشيخ مو قصدة
ريم: ادري والله ادري مو قصدة ووووف
اصيل: يلا حبيبتي استهدي بالرحمن مصار شي
ريم: استغفر الله ياربي
ضي الگمر(تريد تغير جو لان توتر):ريم تدرين اول مرة اشوف هيج شعر
شمس: ااي والله صح احنه شعرنه طويل وسرح بس شعرج روعه
ديمه: بالتعبير الصحيح جماله فوق الخيال
ملاك: خيه انطيني الوصفه اخليها لشعري
ريم: خجلتوني والله بس ماستخدمله شي هو من الزغر ماكصيته واحبه ومداريته
ضي الگمر: اووي يجنن
ريم: فدوة
ضي الگمر: ترف بربج ماتنزلين تسويلنه كيكه وجاي ككيكتج طيبه
ترف: تدللين حبي نازله
ترف نزلت للمطبخ اسوي كيكه للبنات ماحس اله نجريت من ايدي حسيتها نخلعت

الديوان ....
همام: جنت كاعد بالديوان كلت خلي اكوم ادخل بلكي الكه ترف اريد احجي وياها دخلت للبيت لكيته سنطه ومااحس اله اكو واحد نزل من الدرج باوعت لكيت ترف نزلت واسمعها تكول حاضر اني اجهزة وي الكيك. ضحكت وكلت والله اجيتي ووكعتي بيدي اول ما دخلت لل مطبخ جريتها من ايدها وبوجهي للمخزن مال البيت
دخلتها وسديت الباب اباوعلها وجها صار اصفر
ترف: ه ه همام
همام: لا خياله
ترف: شتريد مني ليش جريتني هيج
همام: اريد اموتج شريد يعني غير احجي وياج هذاك اليوم ماخليتني احاجيج واني كتلج لازم نحجي بس بروح الحسن لاتتخرربطين وتموع روحج لا لازم سيف واكصب راسج ولااسويلج شي بس نحجي
ترف: ه هاا بشنو نحجي
همام: بحجي اصيل بيوم عزيمه الشيخ اسد
ترف: ه هاا يي شكو
همام: ضحكت ههههههه سلامتج بس دريت بيج تحبيني ونوب ماعت روحج ونوب ردت احجي وياج ثاني مرة وشفتيني ماعت روحج عبالك ملك الموت كدامج
ترف(وهي تحاول تقوي نفسها وتحجي الي بكلبها لان من زمان وهي تحب همام وتخاف تخسرة) :ههههف اسمع همام
همام: كلي اذن صاغيه احجيلي
ترف: شوف اني من زمان احبك بس اخاف احجي واعترفلك وتفهمني غلط وتكول بنت عمي مامربيه واني الي ادري بي من ابوي ان الحب لا عيب ولا حرام اذا مابي شي مو زين واني حبيتك بنيه صادقه وماحجيتلك خفت منك من تدري تحجي لاخوتي وتروح تصير سالفه مو حلوة ويزغر قدري كدام اخوتي وماريدهم ينزلون روسهم بسببي محد يعرف بحبي الك بالبدايه بس ملاك بنت عمي رضا لان هي الي احجيلها اسراري ومن جنت احجيلها مرة سمعتني اصيل وبعدين البنات كلهن عرفن بس لليوم محد منهن حجن شي و لا لمحن لان حتئ هنه خايفات من هذا الشي لحد يوم العزيمه من اني قلدت علئ ضي من دخلت اشم وهي ارتبكت وخجلت منه واني ضليت اضحك عليها وهي نطت من البجي واصيل كالت ان شاء الله من يعرف همام تحبي هم هيج يصير بيج ونكوم نضحك عليج وانت بهذا الوكت دخلت والباقي تعرفه وهسه ي ابن عمي اني مااجبرك تحبني واذا تعتبر هذا الشي غلط لاتخاف اني اموت كل حب الك بكلبي وماازعجك وبنهايه كلامها تنفست بقوة وباوعت عليه صافن عليها
همام: من حجتلي السالفه طلع شعور متبادل شكد فرحت بس من دريت بضي تحمل مشاعر ل اشم كلش فرحت المهم هي من خلصت زفرت هواء كان جان اكو جبل مال هموم علئ كلبها بلحضه اني جريتها لحضني وحضنتها ححححيل كل قوتي وبست راسها
همام: وووف ترف شكد احبج احسها تقلصت
ترف: جرني لحضنه وحضني حيل وباس راسي اني متت من الخجل نوب كال وووف ترف شكد احبج من الصديمه تصلبت وتقلصت دفعته علكيف وكتله
ترف (بصدمه): تحجي صدك؟
همام: اي والله احجي صدك
ترف: مارح تستهزء بيه وماتصدكني وتكول مشاعر مراهقه مثل كلام شمس ولا راح تحجي كدام اخوتي
همام: شبيج ترف احجي كدام اخوتج شنو جاهل كدامج وثانيا ما عليج بكلام شمس يمكن جانت خايفه وتريد تبعد عنج الحب بسبب خوفج وكالتلج هيج
وثالثا اني مامسوي شي غلط ولاانتي غلطانه بشي حتئ اكول لاخوتج
ترف: عليك الله صدك تحبني
همام: تريدين اثبتلج
ترف: ه ها ش شلون
همام: بدون ما احجي اخذت شفايفها ببوسة مليانه حب وضليت ابوس بشفايفها الترفات بحب وعلكيف وتعمقت بالبوسة وخليت ايدي علئ خصرها وسحبتها الي زايد لزك صدرها علئ صدري واني ابووس بيها لحد ماحسيت الهوا انكطع عنها يلا هديتها خليت جبهتي علئ جبهتها وكتلها وهسه ثبتتلج شكد احبج
ترف: باسني وضل يتعمق بالبوسة واني مصدومه نوب جرني لحضنه زايد وايدة علئ خصري حسيت نفسي نكطع من البوسة بعد عن وخله جبهته علئ جبهتي وكال هسه ثبتتلج شكد احبج يمه من الفرحه مااعرف شسوي كمت حضنته
همام: حضنتني بقوة اني ضحكت وبستها بخدها انوب كالت
ترف: يا عزا البنات ينتضرني اسوي كيك وتأخرت عليهن
همام: ههههه اوك روحي بس اريد من كيكتج
ترف :بخجل ان شاء الله
همام: اروح فدوة لهل خدود الترفات انتي رب مال ترافه عمي ماجذب من سماج ترف وكرصتها من خدودها
ترف: خجلت كلش ودنكت راسي وكتله يلا باي كال
همام: اوكفي خلشوف خاف اكو احد موجود
ترف: تمام
همام: طلعت ماشفت احد كتلها يلا اطلعي
ترف: طلعت ركض للمطبخ واني الكاع مو ساعيتني من فرحتي وو......

اتمنئ يعجبكم البارت وتدعموني بالتصويت وردات 💚😊
عدد الكلمات1492 كلمه

في امان اللة وحفظة

الكاتبة #شيخة