رواية الريم بين احضان الاسد الفصل السابع والعشرون 27 - بقلم شيـخـة ✍️🖤

الله اكبر ع الشته
يكفر بـ اليحب من صدگ ،
بـ اليوجعنه يذكره
يخلي الحچي الماينحچي ،
مدري شيسوي بصدره
.
.
.
.
.
.
بغداد....
حور :نضفت البيت كله خليته يلمع لمع نوب رحت طلعت السمج وصدفته وكطعته وملحته وبديت اكلي ونوب ركبت التمن وكملت تكلاه وبديت اثرم بصل وحمسته وحطيت عليه كشمش وهم حمسته وياه وخليت ملح وبهارات ورحت اكمل السمج .. تهدر التمن طفيته وكملت السمج وكملت حمس الحشو وطفيت النار ونوب طلعت طماطه وخيار وخس وليمون والطرشي والبن والخضرة ثرمت الزلاطه وكملتها ورشيت عليها التتبيله الخاصه بيها وشوية ملح كملتها وعزلتها نوب طلعت المواعين والخواشيك حضرتهن نوب غسلت الفواكه وخليتهن بسله جبيرة وطلعت الحلويات خليتهن بماعون وسط وكملت كلشي دخل ايان
ايان: الله شنو هل الريحه الي ترد الروح
حور:هههه هذا الغدا طبعا
ايان: والله عاشت ايدج وعفيه عليج
حور:تسلم
ايان: جهزي الحمام لان الولد تعبان ويريد يسبح
حور: تدلل ....رحت غسلت الحمام ورشيت بي عطر وجهزت الصابون والشامبو وغسول الجسم وطلعت ليفه جديد علكتها وجبت خاولي هم علكته وطلعت
ايان: اجه الولد اني نازل عليه لان مايندل
حور: ماشي
ايان :يلا مااتأخر
نرلت للكراج لجيت حسين صافط سيارت وواكف منتضرني
ايان: ابو علي الله يساعدك
حسين: حبيبي ايون ويساعدك
ايان: الحمدلله ع السلامه
حسين: الله يسلمك
ايان: اعذرني خاف اتأخرت عليك وانت تعبان
حسين: لا يخوي والله فلا تأخرت
ايان: لعد يلا نصعد
حسين: يلا
صعد حسين وايان وصلوا للشقه مال ايان فتح الباب ودخل حسين اتفاجأ من شاف حور
حور: السلام عليكم عمو ....الحمدلله ع سلامتك
حسين: وعليكم السلام ...الله يسلمج بنيتي
والتفت ل ايان همسله لك ايان بس لامتزوج من ورانه وعلي اخلي الولد يدكونك دك وانت تدري بيهم بعد
ايان: يمعود ددخل استلمني من الباب تعديد لا مامتزوج من وراكم بس البنيه امانه الشيخ اسد
حسين (باستغراب):امانه الشيخ اسد؟
ايان: اي والله ....عوفنه من الحجي تعال ارتاح وادخل اسبح بين مايجهز الاكل حتئ تاكل وتنام وتريح جسمك
حسين: اي والله يخوي جوعان وتعبان هههه
ايان:ادخل اسبح وبدل ملابسك علما يجهز الاكل
حسين: اي والله ......راح حسين طلع ملابسة ودخل للحمام
ايان: دخل للمطبخ ....ها حور
حور: كملت كلشي اخذ السفرة افرشها
ايان:تمام ....راح ايان فرش السفرة بالصاله وبدت حور تصب اللاكل بالمواعين
ايان: فرشتها اشيل المواعين لو بعدج
حور: يلا شيلها كملت معندي شي
ايان:تمام ..شال ايان المواعين وررتبهن وجهزوا السفرة كامله .....طلع حسين من الحمام ينشف بشعرة
حسين: الله شني هاي الريحه الطيبه
ايان: ههههه يلا تعال اتفضل
حسين: يالله ...بسم الله الرحمن الرحيم
ايان:عليك الله اكل ولاتستحي
حسين:والله العيب بالجيب وراح اكل لمن اشبع
ايان: الف عافيه يبعد اخوك
حسين :جا البنية وين
ايان: تتغدة بالغرفه
حسين: لا والله صيحها تاكل ويانه هي اخيتي شني السالفه ايون
ايان: والله اني مااعليه هي تريد تاكل بالغرفه
حسين: لا بداعه الخوة صيحها
ايان: حاضر .....حور خور بوية وينج
حور: بلي موجودة اتفضل
حسين: تعاي بوية تغدي ويانه
حور:لا الف عافيه
حسين: لا والله تجين تتغدين ويانه
ايان:اكعدي حور
حور: شكرا .....كعدت حور وبدت تاكل وياهم بس مامنتبه للعيون الي محاوطتها وتباوعلها بنضرة حب وعشك وخوف
وطبعا حسين ما جان غافل عن هاي النضرات وعرف ب ايان يحبها ....كملت حور قبلهم وكامت حطت القوري مال الجاي ع النار وحضرت الاستكانات والصينيه

حسين:ايان
ايان:ها خوية
حسين:شني سالفتها هل البنيه
ايان: اسأل الشيخ اسد
حسين:تحبها؟
استغرب ايان من سؤال حسين
ايان:شنو هذا السؤال ابو علي
حسين: عيونك فاضحتك ايوني
ايان:ها وبله شلون
حسين:هههههه فاضحتك وفاضحه حبك الها
ايان: ها والله هيج مفضوح
حسين: اي وداعتك
ايان: لعد انغسلت بعد اخوك
حسين: والله وطايح ومحد مسمي عليك
ايان:ههههههه بالضبط
حسين: بس ها ايون لاتنسه هاي امانه الشيخ اسد وانت تدري بي مايحب الي يخون الامانه
ايان: ع بختك ابو علي والله صاين الامانه
حسين: اي بعد اخوك والله يسهلك امرك
ايان: ان شاء الله
حسين(بصوت):عاشت ايدج بوية الاكل كلش طيب
طلعت حور من المطبخ وبيدها صينيه الجاي
الف عافيه عمو ....اتفضلوا هذا الجاي
حسين: رحم الله والديج ....سويتيني عمو
ايان :هههههههههه حتئ لاسد تكله عمو
حسين:هههههه يلا عمو ولا جدو
ايان:ههههههه اي والله
شربوا حسين وايان الجاي و حور نضفت المواعين والمطبخ ....
ايان: يلا بوعلي كوم ارتاح
حسين: وين
ايان: بغرفتي شبيك
حسين:لايخوي خليني نايم هنا افضل
ايان: صدك تحجي شنو تكاطعت الدنيا لا عيني كوم بالغرفه مجهزة ولاتخاف ماانام وياك
حسين:هههههه هم عوزها
ايان:ههههه..يلا كوم ارتاح حتئ بليل نطلع افررك ببغداد
حسين:ان شاءالله..يالله اترخص
ايان:اخذ راحتك
راح حسين دخل للغرفه يرتاح ....
حور طلعت من المطبخ...
ايان: رحم الله والديج بوية ماقصرتي
حور: تدللون
ايان:بلا زحمه عليج افرشيلي فراش هنا
حور: حاضر سيدي
ايان (بهمس) يبعد عيون سيدج
راحت حور طلعت فراش ومخدة وبطانيه واخذتنهن للصاله فرشت الفراش وخلت المخدة والبطانيه ...كملت
ايان: ايي رحمه للهلج
حور: رحم الله والديك...محتاج شي
ايان:لا سلامتج ...اخذي راحتج
راحت حور لغرفتها وايان تمدد حتئ ينام وهو يفكر ب حوريته.........

الديوان
الشيخ حسن:اكول خوية
الشيخ طه:كول
الشيخ حسن:الناس الجمعه تجي
الشيخ طه:هلا بيهم
الشيخ حسن: بس ترا راح يجي الولد وابوة واخوته وامه ياخذون رئينه وبعدين يحددون المشيه كال الزلم
الشيخ طه: خير ان شاءالله .....

نجمه :جاي اغسل بالطارمه واندك الباب
صحت منو
محمد: اني
نجمه: رحت ركض لبست حجابي وفتحت الباب
محمد: السلام عليكم
نجمه :وعليكم السلام ....اتفضل
محمد:لا بس شهم موجود
نجمه: لا والله طالع
محمد:ها زين ..... حجه بهمس (*مشتاقلج*)
نجمه خجلت وصارت خدودها حمر
محمد: اريد احجي وياج
نجمه: اي احجي
محمد: لا بليل تجين لبيت عمي ابو اسد مو
نجمه: اي ان شاء الله
محمد: من تجين دزيلي رساله
نجمه: ماشي
محمد: يلا اني اروح مع السلامه
نجمه: بحرس القران .....

اااااافففف اي ينجمه كون تتهنين بعشكج ولاينشلع كلبج
بس صدك شيريد مني؟؟
يلا المهم بليل اعرف هلي اكمل هسه ......

(مر الوكت وصارت الساعه ب 5 العصر الكل توجه لبيت الشيخ طه )

البنات متجمعات بالمطبخ والشباب كاعدين بالمضيف والشيوخ يمهم والنسوان الكبار كاعدات يم الشيخه يسولفن

نيران: لج اصيل راح تزوجين وبعد مانشوفج
ريم: يكلبي ربي يسعدج
اصيل: هههههه بعدني علئ كلوبتجن مااتزوج
ديمه: ولله شايله هم فراكها من هسه..هي امي الثانية شلون راح افاركها
اصيل حضنت ديمه وباستها من راسها
نجمه: والله هي روح البيت
شمس:اي عفيه اكلبنها مناحه علئ البنيه
ملاك: هسه تبطل من وراهن
ترف: نجبن ترا من صدك اصيل ابد ماتتفارك
نازك: احنه مامصدكين يصير عدنه عرس وهذني راح يخربن الاول والتالي الكبر وجوهه البومه بس ينعن
الكل:هههههههههههه
ريم: والله الي يسمعهن يكول راح تدخل البنيه حرب وخايفات تموت لاسامح الله وكاعدات يبجن عليها ههههههه
ضي الگمر: اكول اصيل اشو ولا واحد من ولدنه رادج
اصيل :ههههههه معتبريني اختهم .....

مرت الايام بين الدوام والتحضيرات لجيه اهل سيد اكرم وطبعا حسين ماايدري ....
يوم الخميس ...
نيران: واخير اجت الجمعه راح انام نومه اهل الكهف اليوم
ريم: شنو سالفتج وي النوم ولج
نيران: النوم عشقي ولج
ريم: ههههههه يلا خلي انزل
نيران:سدي الباب وراج هههه
ريم: تدللين ههههه....
نزلت ريم دخلت للصاله لكت الشيخه كاعدة
الشيخه: هلا بريمتي
ريم: هلا حبيبتي وباست راسها واديها
الشيخه: يملعونه شو مااشوفنج
ريم: والله جدة جاي اقرة اريد ارفع راس الشيخ وخالتي ام اسد
الشيخه:الله يوفقج بنيتي
ريم: بعد روحي جدة...
ريم والشيخه يسولفن ودخل الشيخ اسد
الشيخ اسد: السلام عليكم
الشيخه: هلا هلا يبعد رويحتي
ريم: وعليكم السلام
الشيخ اسد: شلونج شيخه كلبي
الشيخه: زينه ..ولي عني مااحجي وياك
الشيخ اسد:لا شيخه كلبي شلون ماتحجين وياي كلبي يكوم يوجعني
الشيخه: عبنك ماتسمع كلامي
الشيخ اسد:يا كلام حجيه
الشيخه:من كتلك اخطب ريم ضليت تتفلسف براسي
ريم من سمعت كلام الشيخه اتفاجأت كلش ووجها صار احمرر
الشيخ اسد:ههههههه والله يجدة عندج سوالف ومنو يكول ريم تقبل بيه بله هههههه
الشيخه: تلتفت لريم....ولج ريم بس لا ماتقبلين ب اسد هم عوزج ماتقبلين ماتلكين مثله ثنين
ريم:جدة صدك تحجين
الشيخه:جا ولج مجذبة عليج كبل
الشيخ اسد: شيفكج يبوية بعد منها ههههههه
ريم: لاجدة حشاج مو هيج قصدي ...وخلت وكامت تركض
الشيخ اسد: عيونه عليها وكلبه فرحان لان شاف خجلها
الشيخ اسد: ها شيخه كلبي ارتاحيتي شردتي البنيه
الشيخه:ختولي عبنها تطلعني جذابه زعلت عليها
الشيخ اسد:لاجدة حشاج بس هي تفاجات من حجيتي واستحت
الشيخه:وانت شمالك ضجت ولك
الشيخ اسد: شردتي البت مااخليتيني اشبع منها
الشيخه: يا ملعون الصفحه والله عرفتك رايدها
الشيخ اسد: ههههه والله مايعبر عليج شي
الشيخه:جا شلون انه ام طه ماتعبرني هل سويلفات
الشيخ اسد: اي والله
الشيخه:ها يمه هسه احاجي ابوك موو
الشيخ اسد :مو هسه حبيبه خلي نخلص من خطبه اصيل والله كريم بعدين
الشيخه:يلا اهم شي قبلت ....تعاي ولج ام اسد تعاي خلي افرحنج
اجت ام اسد من المطبخ تركض ها يمه شبيج
الشيخه: اسد قبل نخطبله ريم
ام اسد: بصلاه محمد ....صدك يمه اسد
الشيح اسد:اي حجيه
ام اسد: واخيرا فرجت اللهم صلى على محمد وال بيت محمد ......

وطبعا هذا البارت تصبيرة علماا اكمل البارتات .....ومابقه شي ع النهاية 😋

عدد كلمات البارت 1456 كلمه

احبكم كككككووووووومممماااااتتتت 🙈

في امان الله وحفظة

#الكاتبو زينب الساعدي