الفصل الثالث

رواية الصعيدية المجنونة والدكتور الأمور الجزء الثالث 3 بقلم هويدا زغلول الصعيدية المجنونة والدكتور الأموررواية الصعيدية المجنونة والدكتور الأمور الحلقة الثالثة ليله فضلت قاعدة وماسكة التلفون اللي ادتهولها كوثر وهي بتفكر في مازن وفي الاخر اخدت قرار واتصلت بيه وهو رد عليها بسرعة وكأنه كان مستني مكالمتها مازن بلهفه

ليله كيفك انتي بخير يا ليله طمنيني عليكي اني من وجت ما كوثر رجعت من عندك وجالت لي ان التليفون معاكي وآني مستني اتصالك على نار جولي لي وطمنيني عليكي عملوا فيكي حاجة ولا حد جرب منك ولا الزفت سيد ديه حاول يضايجك او يجرب منيكي ليله اطمن يا مازن اني زينه والحمد لله ومحدش جدر يجرب مني واصل لأنهم كلهم مصدجين إن اني مخاويه وخايفين يدخلوا الأوضه عندي مازن

هههههه يعني عملتي عليهم الشويتين بتوعك والله براوة عليكي يا ليله ده انتي علي اكده ميتخافش عليكي واصل بجا ليله بحزن لا متجلجش عليا هو صحيح اني تعبت نفسيا من اللي اني فيه وحاسه ان الدنيا كلها فوج راسي بس اني لسه واجفه على رجلي ومش هسمح لحد انه يكسرني واصل مازن

اني عارف ان اللي انتي فيه ديه صعب اي واحده في سنك تتحمله بس اني عارفك جويه ومحدش هيجدر يعمل فيكي حاجه عفشه واني عايزك تخلي بالك من نفسك ولو حسيت بأي خطر كلميني في أي وجت ليل أو نهار وآني والله ما هسيبك مهما حصل وهافضل أجري في كل طريق لحد ما أرجعك بيت أبوكي معززة مكرمة ليله

ربنا يخليك ليا يا دكتور وجودك جنبنا هو اللي مخليني لسه مستحمله كل اللي اني فيه ولو انت مكنتش واقف ويايا كان زماني انهرت من أول يوم برغم اننا متكلمناش كتير مع بعض بس حاسه اني بعرفك من زمان جوي مازن طبعا يا ليل وبعدين انتي بت عمي يعني احنا الاتنين دمنا واحد واني عايزك تطمني علي الآخر لأن خلاص القضية بقت في إيد النيابة وإن شاء الله كل واحد هياخد حجه ليله

يارب يا مازن نفسي أصحى من الكابوس اللي اني فيه ديه وأرجع وسط أهلي وأنسى الأيام السوده دي كلاتها مازن هترجعي بإذن الله وأول ما يطلع قرار النيابة هجيلك بنفسي وهرجعك دار أبوكي وأوعي تخافي طول ما اني عايش تمام ليله حاضر يا مازن اني هعمل كل اللي هتجولي عليه وقفلت ليله المكالمة وابتسمت وهي حاسه إنها مرتاحه وان فيه أمل يرجع لها حياتها من تاني

وتاني يوم في النيابة وقف سيد قدام وكيل النيابة ومازن وعاصم موجودين وليله كانت واقفه برة وكيل النيابة احكي يا سيد بالتفصيل إزاي تم الجواز وهل البنت كانت موافقة بنفسها ولا لا سيد يا باشا اني دخلت البيت من بابه وأبوها وافج بنفسه وجوزهالي بعلمه وإرادته ودفعنا المهر واتكتب الكتاب رسمي وكل حاجة كانت جدام الناس واللي بيحصل دلوك ده كله عشان يهربوا مني بعد ما اني خلصت كل ديونه مازن

يا فندم رضا الأب وحده مش كفاية والبنت كانت رافضة الجواز من البداية وكل الموجودين يشهدوا على اكده وهي بنفسها جالت إنها ما وافجتش ولا حد خد رأيها والجواز كان بالإكراه لا يصح شرعا ولا قانونا وكيل النيابة بص لعاصم وقال وانت يا عاصم قول الحقيقة كاملة عاصم اني غلطت يا باشا وبعترف بغلطي اني عملت كل ديه عشان الديون عميت عيني وخوفت أدخل السجن فضحيت ببتي ووافجت على جوازها وهي كانت رافضة واني مستعد أتحمل أي عجوبة بس بنتي ترجعلي

وكيل النيابة وهل تم سؤال البنت عن موافقتها وقت العقد عاصم لاه يا باشا ومحدش خد رأيها وهي كانت بتعيط من الأول وكيل النيابة طيب تمام هاتوا البنت عشان اسألها بنفسي ودخلت ليله وكيل النيابة انتي كنتي موافقة على الجواز ده يا ليله ولا مكنتيش تعرفي حاجه عنه ليله لاه يا باشا والله العظيم اني ما وافجتش ولا حد سألني واني اتاخدت غصب عني ورفضت من أول لحظة ولسه برفض الجواز ديه لحد دلوك

وكيل النيابة بص للراجل اللي قاعد جنبه وبيكتب الأقوال وكيل النيابة تمام اكتب عندك يابني بعد سماع جميع الأطراف قررنا تسليم الفتاه لولي أمرها مؤقتا لحين انتهاء الإجراءات واتخاذ اللازم بشأن بطلان عقد الزواج وإلزام سيد بإنهاء العلاقة وفقا للإجراءات القانونية خرجت ليله وهي فرحانه وحضنت أمها وسيد كان واقف هيموت من الغيظ وبعدها سيد كان قاعد مع واحد من رجالته وقال سيد

اسمعني زين يا مخيمر اني مش هسيب اللي اسمه مازن ديه لأنه هو اللي خرب عليا كل حاجة وعايزك تجيب لي كل كبيرة وصغيرة عنه واعرف لي تاريخه كله من يوم ما وعي علي وش الدنيا مخيمر

ولا يهمك يا معلم سيد اني اصلا سألت عنيه وعرفت حاجة يمكن تفرحك الدكتور اللي اسمه مازن ديه شغال في مستشفى في مصر ومن كام أسبوع اكده كانت معاه حالة في المستشفى وحصلها خطأ طبي كبير والناس هناك بتجول إن المريض ديه بين الحياة والموت وبعدها مازن ساب المستشفى ورجع البلد هربان من عملته سيد بصدمه انتي بتجول ايه يا مخيمر انت بتتكلم جد ولا انت بتسمعني حكايات وخلاص مخيمر

والله دي المعلومات اللي وصلت لها ولو بلغت عنه الحكومه هيفتحوا الملف من جديد ويمكن يتجبض عليه ويدخل السجن ابتسم سيد بخبث وقال سيد اكده بجا اللعب هيشتغل واللي وجعني هوجعه أضعاف أضعاف اني لازم اعمل معاه اللي ميتعملش وفعلا سيد قدم بلاغ وبعد أيام وصلت الشرطه علي بيت مازن وأتقبض عليه واتفتح التحقيق في القضية ووصل الخبر لبيت عاصم وليله اتصدمت ليله

إيه اللي انتو بتجولوه ده يعني ايه مازن واد عمي اتجبض عليه بسبب بلاغ من سيد معجوله الراجل اللي وقف جنبي وضحى بنفسه عشاني يدخل السجن واحنا نتفرج عليه يا بوي عاصم والله يا بتي انتي متعرفيش اني حالتي عامله كيف من وجعت ما عرفت وما كنتش أتمنى واصل اللي حصل ديه بس واضح إن سيد بيحاول ينتجم من كل واحد وقف جصادة ليله

لاه يا بوي احنا مش ممكن نسيب مازن لوحده ديه عمل عشاني اللي محدش عمله ووقف جدام سيد واحنا لازم نجف جنبه زي ما وجف جنبنا ونشوف له محامي ونعمل كل اللي وسعنا ونثبت براءته ونفضل وراه لحد ما يخرج بالسلامة عاصم عندك حج يا بتي واني مهما كان اللي هيحصل هبيع آخر حتة أرض عندي لو احتاج الأمر المهم مازن اللي حاول ينجذ بنتي يطلع من المصيبة ديه بريء ويرجع مرفوع الراس ليله

وأني أوعدك يا بوي إن سيد مهما حاول ان يوجعنا في مصايب عمره ما هيفلح واصل لأن الحج عمره ما بيضيع بعدها تاني يوم عاصم وليله مكتب المحامي ولما قعدوا قدامه المحامي اني قريت كل الورج اللي جبتوه وفهمت تفاصيل الجضية كلها واللي اقدر أجولهولكم إن الموضوع مش سهل بس برضو مش مستحيل ولو الدكتور مازن مظلوم يبجا بأمر الله اني اجدر اثبت ده بالدليل لأن المحاكم مبتحكمش بالعواطف ولازم تحكم بالأوراق والشهود والحقايق الواضحة ليله

طيب يا متر اني بترجاك انك تعمل كل اللي في وسعك الدكتور مازن ضحى بنفسه عشاني ووجف ويايا في أصعب وجت ومينفعش نسيبه يتحبس في حاجة معملهاش المحامي طيب وانتي تعرفي من وين ان هو برئ يا ست ليله ليله اني متأكدة ان هو برئ يا متر الدكتور مازن ديه لا يمكن يكون عمل حاجه عفشه في حد واصل المحامي

برضك مفيش حاجه بتمشي بالعوطف جدام المحكمه وعلي العموم اني هعمل كل اللي جدر عليه بس انتو لازم تساعدوني واني محتاج ملف الحالة بالكامل وتقارير المستشفى وأسماء كل الدكاترة والممرضات اللي كانوا موجودين يوم العملية واني هاروح القاهرة بنفسي في المستشفى واعرف ايه اللي حصل عاصم طلع له الأوراق من الشنطة وقال عاصم

اتفضل كل اللي طلبته هتلاجيه اهنه يا متر واني هلف بنفسي على أي حد يعرف الدكتور يمكن يفيدنا المهم تنجذ ولد أخوي لأنه اصله ما يستاهلش اللي حصله ديه واصل وبعدها المحامي راح المستشفى وبدأ يسأل كل العاملين عن مازن وكل واحد كان بيحكي عنه بكل احترام و احده من الممرضات قالت الممرضه والله يا أستاذ الدكتور مازن عمره ما قصر مع اي مريض ولا رفع صوته على اي حد وكان دايما آخر واحد يخرج من المستشفى عشان يطمن على الحالات

والمحامي وهو بيسأل الكل راحت عليه ممرضة وقالت له الممرضه اني عندي حاجه مهمه اوي ولازم اقول لحضرتك عليها انا اعرف الحقيقة كلها المحامي طيب زين جوي ياريت تجولي كل حاجه تعرفيها وصدجيني شاهدتك هتنقذ واحد بريء الممرضة

انا هقول كل حاجه لان من يوم اللي حصل وضميري بيعذبني وكمان عشان الدكتور مازن معملش أي خطأ والدكتور اللي كان معاه هو اللي أخطأ في العلاج وبعد ما الحالة تعبت خاف على نفسه وغير الأوراق وخلى المسؤولية كلها تقع على الدكتور مازن المحامي انتي مستعدة تجولي الكلام ديه جدام النيابة الممرضة أيوه مستعدة مهما حصل واني كمان معايا رسائل وصور من سجل المتابعة تثبت إن الدكتور التاني هو اللي كتب التعليمات الغلط المحامي

الحمد لله دي الشهادة اللي كنا محتاجينها وتاني يوم راحت الممرضة مع المحامي للنيابة وحكت كل اللي شافته وسلمت الأدلة والنيابة اتاكدت إن مازن اتظلم وبعدها خرج مازن من القسم ولما شاف ليله واقفة مستنياه جريت عليه وهي فرحانه ليله الحمد لله يا مازن والله كنت بدعي ربنا ليل ونهار عشان تظهر الحجيجة وكنت واثقة إنك بريء وربنا عمره ما بيضيع حج حد مازن

الحمد لله إن الحق ظهر وربنا رزقني بناس وقفت جنبي ومسابونيش لوحدي واني عمري ما هنسى وقفتكم معايا طول العمر يا ليله عاصم حمد لله على السلامه يا ولدي النهارده انت هترجع مرفوع الراس واللي حاول ان هو يوجعك زمانه دلوك بيندم ان عمل فيك أكده مازن الحمد لله يا عمي ليله طيب يلا بينا بجا نرجع البيت خلونا نمشي من المكان العفش ديه مازن يلا بينا يا ليله

ومشيوا راحوا البيت وبعدها مازن رجع ومارس حياته عادي وفي يوم ليله راحت له العيادة وقالت له ليله ممكن ادخل يا كتور ولا مش فاضي لي مازن لو مش فاضي يبجا افضي لك تعالي يا ليله ايه النور ديه كلاته العياده نورت والله مازن تعرفي اني كنت لسه بفكر فيكي وجلت يا ترى ليله عامله ايه ولجيتك جايه لحاله اكده ونورتي المكان والله ليله

اني جولت اجي اطمن عليك بعد اللي حصلك وكمان كان نفسي أشوفك وأجولك إن ربنا جبر بخاطرك لما وجف لك الناس ولاد الحلال اللي اعترفوا دول مازن الحمد لله ده كرم كبير من ربنا عليا بس تعرفي يا ليله لو مكنتيش انتي وعمي والمحامي وجفتوا وياي من بعد ربنا كان يمكن حقي يضيع بس ربنا بعتكم سند ليا واني عمري ما هنسى المعروف ديه طول عمري ليله يا مازن متجولش اكده يا مازن عشان اللي بينا أكبر من أي جميل انت واد عمي اللي يعتبر راجلنا دلوك

مازن تعرفي يا ليله اني من أول يوم شوفتك فيه واني حسيت انك جواكي جلب نضيف وكل يوم كنت بتعلج بيكي أكتر من اليوم اللي جبله ليله واني لما كل مرة كنت بشوفك فيها بحس بالأمان ويمكن دي أول مرة في حياتي أحس إن في حد خايف عليا بجد اكده مازن

طيب طالما انتي بجا جولت لي الكلام الحلو ديه يبجا لازم أجول اني كمان علي اللي في جلبي ناحيتك اني بصراحة اكده يا ليله بحبك وعايز أكمل عمري كله وياكي هااا جولتي ايه موافجه تبجي مرتي وشريكة حياتي ليله بارتباك ااا انت بتجول ايه يا مازن بجا انت يا دكتور عايز تتجوزني أني مازن ايوه لانك اجمل واحلي بنت شوفتها في حياتي كلها ليله ضحكت

خلاص أني موافجة يا مازن وصدجني ده هيبجا أسعد يوم في حياتي لما اكون مرت الدكتور مازن اني ربنا عوضني بيك بعد كل اللي شوفته مازن بابتسامة تعرفي ان دي أحلى كلمة سمعتها في حياتي ويلا بينا دلوك على بيتكم نروح عمي عاصم عشان أطلبك منه رسمي ونجرا الفاتحة ليله وهي بتضحك يلا يا دكتور وربنا يجعل أيامنا كلها فرح وسعادة

خرج الاتنين من العيادة وهما فرحانين وبيضحكوا وفجأة لبله لمحت سيد واقف بعيد وملامحه كلها شر وكان ماسك سلاح في إيده وقال بصوت عالي سيد دكتور مازن نهايتك علي يدي عشان اني مش هخلي ليله تبجي لغيري ولا هتتهنى بيها طول ما اني عايش ورفع السلاح وضغط عليه والطلقة جات في كتف مازن ووقع على الأرض وليله صرخت صرخة وهي بتحاول توقف الدم وفضلت تعيط وتقول ليله

لا يا مازن بالله عليك متغمضش عينيك وخليك معايا اسعاف يا ناااس اسعاف الراجل هيروح مني الحجوه والناس بسرعة اتصلوا بالإسعاف والشرطة وأخدوا مازن للمستشفى وتقبض علي سيد ودخل مازن العمليات وليله فضلت واقفة قدام الباب تدعي ربنا وجالها ابوها وحكت له اللي حصل عاصم ولد المحروج ديه هو فاكر حاله مين عشان يعمل اكده ربنا ينتجم منيه وبعدها خرج الدكتور وقال الحمد لله الرصاصة خرجت وحالته استقرت اطمنوا ليله

الحمد لله يارب الف حمد وشكر ليك يارب مازن هيجوم بالسلامه يابوي وساعتها ابوها كان مستغرب من تصرفاتها بس كان بيطمنها وبعد شوية بدأ مازن يفوق وفتح عينيه وشاف ليله كانت جنبه وبتعيط وعاصم عمه مازن بتعب انتي اهنه يا ليله ليله انت كيفك دلوك يا مازن بلاش تتكلم كاتير عشان الجرح مازن اني بخير يا جلب مازن اطمني يا حبيبتي وبص لعمه عاصم وقال مازن

بجولك ايه يا عمي إني طالب منك يد ليله رسمي ولو ربنا كتبلي عمر جديد يبجا أول حاجة هعملها إني أتجوزها وأعيش وياها بجيت عمري كله عاصم وأني موافج طبعا يا ولدي والله ما فيه حد يستاهل بتي غيرك وربنا يتمم لكم بخير يا ولاد ويجمع بينكم في الحلال ويكتب لكم أيام كلها فرح وسعادة وبعدها مازن اتعافي وخرج من المستشفى واتعمل فرح كبير اوي ليه هو وليله والبلد كلها فضلت تحكي عنه وقالها مازن

متعرفيش اني فرحان كد ايه يا ليله عشان انتي هتبجي مرتي اني بحبك جوي ليله واني كمان يا مازن بحبك جوي ربنا يخليك ليا طول العمر يارب وقرب منها ورجعوا البيت وعدت الايام وعاشوا في سعاده وبكده تكون خلصت قصتنا