رواية السجينة الفصل الثالث عشر 13 - بقلم شـــروق الــسامــرائي

#السجينة💔💔💔
الجزء الرابع عشر.....
سمرة:من اخر مكالمة دارت بيني وبين
سجاد بعد مسمعت شي ولا عرفت اخباره
واصلا اني لا رايده ماهر ولاشي وحتى
بلغت ابوية وامي تخبلت،،،،
عفاف:ادري ياخاتون متكليلي المن تريدين
ياهو الي جاي ترفضي بس لايكون بعده
ابن زهرة ابالج،،،،
سمرة:اووووو يمة لخاطر الله شبيج ناشبة
وياي الي يكول بت ضرتج موبتج،،،كلما..
دخل ابوية ورزلني،،،،
كمال:سمرة شنو هالصوت العالي بوجه
امج،،،،
سمرة:اسفة يابة،،اسفة يوم بس والله
ضجت من موضوع الزواج يعني اكلكم
اريد اكمل ما اريد ازوج هسة امي تكب
علية ادري هي غصب،،وشغلة ثانية
يابة انت ليش خال دراستي والزواج بكفة
وحدة وتريد تعادل بينهن،،،،
كمال:بنتي غير اخاف عليج ما امن تسكنين
بالاقسام منعرف الاوادم شنوووو
سمرة:يابة دامك واثق بيه شلك بالناس فدوة
اروحلك عوف الزواج واتوكل يابة هاي تعب
سنين فدوة اروحلك،،،وكمت ابجي ابوية
تأثر،،،،
كمال:اوووووف ياسمرة تراج شلعتي كلبي
ودموعج غالية لاتنزليهة ع كلشي،،،
سمرة:رحت لحضنة بابا بس دراستي مو اي
شي جان هذا حلمي الي تعبت عليه
وسهرت ليالي حتى احققه،،،
كمال:هاي هي يابعد ابوج مسحي دموعج
وتوكاي ع الله ان شاءالله ارتبهة وننزل
لبغداد حتى تسجلين بس هاااا ما ارجع
الا اقتنع واطمن عليج،،،،
سمرة:كمزت فرح وبوست ابوية فدوة
لكلبك حبيبي،،،،والحمدلله هاي خلصت
من موضوع الزواج،،،،
بعدين عرفت من امي ان ابوية مخابر ع
خال سجاد وفهمة ان ممفكرة بالزواج
حاليا اهم شي تحصل الشهادة لان ابوية
مرادهم يجون من بغداد لهنا ويردهم خايبين
حبيبي معدل ويعرف الاصول،،،،
ورة يومين ابوية بلغني ان من الفجر
نطلع لبغداد لان بدة التسجيل واني الدنيا
مواسعتني من الفرحة ومن الفجر طلعنة
اني وابوية بس استغربت رحنة لبيت عمي
مالك ورة شوية طلع سجاد سلم وابوية
طلب من سجاد يسوق،،،،
كمال:اي ياسمرة بعد شتريدين ابن عمج
الدليل مالتج مقبل نروح وحدنة كال فرة
واتعبون،،،،
سمرة:حجيت من ورة خشمي،،يسلم
راح نتعبه،،،،
سجاد:يحجي وعيونه بالمراية ويعاين ع سمرة
لا ولو فدوة الج بنت العم تستاهلين جم
سمرة عدنة،،،ويغمزلهة،،،
سمرة:ياالله غير يرفع عينه عاد ربكني
الطريق كله مرفع عينه عني،،،،وصلنة
لبغداد وتوجه سجاد لبيت جده اووو فشلة
من بيت خاله،،ابوية مقبل بس سجاد
اصر،،،،
سجاد:عمي ع الاقل بس الكيلك فندق مرتب
خما تظل انت وسمرة تفترون،،،وصلنة
بيت جدي وتلكونة لان اني نطيتهم علم
استقبالهم جان حلو وصلنة تقريب ظهرية
حضروا غدة وغرف حتى يرتاحون بس
عمي ترخص وتخبل جدي من سمع يريد
يسكن بفندق حلف علية يمين يظل ابيته
لحد ميخلص شغلته،،بس الظاهر همة
مستحين علمود سالغة ابن خالي ماهر
لان انرفض وهيج شي،،،،
سمرة:ابوية ورة مشرب جاي الغدة دخل
يرتاح لان ضغطه يصعد اذا تعب،،واني ظليت
يم بيبية سجاد لان مجنت تعبانة نمت
هواية بالطريق اجة سجاد تمدد بحضن بيبيته
سجاد:شنوووو سمرة مناوية تمددين شوية
متعبانة من الطريق احجي وعيني عليهة
سمرة:اوووف لوما بيبيتك،،لا متعبانة نمت
بالطريق،،،
سجاد:اجة ماهر ابن خالي بيتهم كبال بيت جدي
شاف سمرة واكلهة اكل بالسلام وعينه
عليهة وهي هم نست روحهة تسولف
وتضحك واني فرت فور،،،،،
احم مم سمرة ارتاحيلج شوية ترى موزين
تجريهة،،،،
سمرة:جنت داسولف وية ماهر وهو حباب
وخلوق ويندمج بسرعة،،حاجاني سجاد
كتله،،،لا متعبانة والله شبيك،،،
كامت بيبيته،،تروح تمدد،،يمة بنيتي البيت
بيتج لاتستحين عذريني بس اتعب اذا مريحت
شوية،،،وعاد ذولة يمج،،،اشرت ع سجاد
وماهر،،ادري بسجاد كلش تعبان بس
ميريد يكوم علمود ماهر،،،،
سجاد:تعبت كلش والخاتون كاضيتهة سوالف
وضحك،،يربي شلون همزين ماهر دك
تليفونه وكام،،،،
ماهر:هسة اجيج بس اشوف الوالدة
شمحتاجة وارجع مو تنامين،،،،
سمرة:ضحكت لا ما انام،،،انداريت سجاد
عيونه تجدح وعصبي اول مرة اشوفه
عصبي هيج،،،اشرتله خييير شبيك
هيج تباوعلي،كز ع اسنونه ويقلد لا ما انام
مو،،،
سجاد:لج اني شكايل جم مرة نبهتج ماهر
اتجنبيه،،،،،
سمرة:درت علية وصرت كباله،،،شوف اكلك
ترى اني جاية وية ابوية فاهم وهاي افلامك
متمشيهة علية،،،درت وجهي داكوم
محسيت الاجرني ولزم فكي عصره،،،،
سجاد:سمعيني عدل لاتخلين خبالاتي تطلع
عليج فاهمة واحجي عدل وياية،،،
سمرة:اااي سجاد وخر ايدك شبيك تخبلت،،،
هدني ودفعني،،،
سجاد:وهسة روحي انطمي لا اعرف شلون
اتصرف وياج،،،
سمرة:مالك دخل بيه فاهم الف مرة اعيدهة
عليك مالك دخل ويامن اكعد ويامن احجي
هذا مو شغلك ولايخصك،،،
سجاد:مخلت عقل براسي من حجت هيج
كمزت من القنفة عليهة بس هي شنوووو
الخوف امل عيونهة بس متبين واكفة
بطولهة كدامي،،ولج سمرة اتجفي شري
احسنلج وكعدي راحة،،،
سمرة:تخوصرت كدامه وحجيت بنترة وعدم
مبالاة واذا مسويت الي يعجبك بلة شراح تسوي
سجاد:اتلفت يمنة يسرة شفت ماكو احد
هي ظلت مستغربة وصافنة مثلي غافلتهة
واخذت شفايفهة وعضيتهة حيل طلع دم
بالكوة شلعت روحي منهة وهي تدفع بيه
ارتجيت ع الميز الي بظهري وهسة يا
سمرة كلبي عرفتي شراح اسوي،،،،
سمرة:ظليت استفزه بالحجي واني مستمتعة
واشوف غيرته وحركان دمه كبالي بس
ابد مجنت متوقعة ردة فعله وهو وعدني
ان يعاقبني بطريقته اذا عاندت وياه
اشوووو هذا ظل يتلفت واني صافنة شبيه
هذا مجنت واعية للي يدور براسه محسيت
غير افترسني واني شكو احساس بالدنيا
صار عندي،،جفلة ع خوف ع خجل ع احساس
جديد ممجربته بحياتي كلهن انضربن
بخلاط وصارن بداخلي دفعته بالكوة واني
احاول اوازن نفسي واستوعب الي صار
عطت بيه شنووو انت متستحي ترى اني
مو مثل.....قاطعني،،
سجاد:خليت اصبعي ع حلكه واتلمس
شفايفهة،،،اشششش ولاحرف اذا كملتيهة
هسة اشك حلكج واخلي الدم يجري
واتصور تعرفين شلون وغمزتلهة،،،
سمرة:عرفت قصده ع البوسة لزمت شفتي
احسهة وارمة توجعني،،ضربته ابطنه،،،
سجاد:ااااخخ،،خرب لشتج بس تمونين ع
الكلب وصاحبه،،،،
سمرة:طلعت من الهول اركض وتوجهت للغرفة
الي كالت عليهة بيبي تمددت واني اريد
استقر ع احساس معين ماكو مشاعري
خبط هوسة صايرة،،ظليت اهدأ نفسي
اهدئي كصار شي هنة يومين اتحمليه
شلون مجان واتجنبيه،،اففففف كفخت
روحي خبال والله كاعدة احجي وية روحي
مثل المخبلة،،ليش هو هذا الخبل يخلي
واحد صاحي،،،نمت وكعدت وية المغرب
ابوية كعدني،،،،
كمال:كومي باباتي بعد متنامين باليل
وهسة غوربت،،،كومي خل افرج شوية
ابغداد،،،،
سمرة:بالبداية مردت اكعد بس من سمعت
فرة كمزت من الفراش وين نروح،،،،
كمال:هااااا هسة تنشطتي صار ساعة
تعبت من الحجي وماكو رد،،،،يلة تحضري
اني انتظرج برة،،،،
سمرة:غسلت وبدلت ملابسي لبست قميص
بيجي للورك وياه كيلوت ماروني وحجاب ماروني
والكب بيجي وجنطة وحذاء ماروني،،،،
واكسسوارات بسيطة ومكياج خفيف
كحلة ومسكارا ومرطب شفاه ابوية ميقبل
اخلي مكياج،،،طلعت لكيت الكل
بالحديقة سلمت وكعدت شربت جاي
واكلت كيك مال بيت بييي مسويته وراها
ترخص ابوية وكام كمت وياه،،،،
كمال:يلة بوية سجاد شوفنة فراتك،،،،
سمرة:وكفت واباوع لسجاد غمزلي
ومشة توجه للسيارة وهم هم يسوق ابوية
ميحب السياقة عدل المراية وجهة علية
ظليت اتأفف عباله مثل صاحباته الين
بهيج سوالف،،لبست الوضعية وظليت اتفرج
ع الشوارع والبنات ولبسهن ونسيت حتى
سجاد ظلينة نفتر كل شوية مودينة لمكان
اخر شي ابوية تعب،،،،
كمال:شباب نرى تعبت راح اكعد بالمطعم
انتظركم من تجون نتعشى،،،
سمرة:لاحبيبي اني هم اكعد وياك،،،،
كمال:لا بوية روحي وية سجاد كملي
شغلاتج ماعلية شي،انداريت ع سجاد
ابني ديربالك عليهة يلة توكلوا ولا تتأخرون
حتى نتعشى سوة،،،،سمرة بوية ما اوصيج
بعد،،،،
سمرة:ضحكت لاتوصي حريص وانة بنتك،،،
كمال:كرصتهة من خشمهة ام السان،،،خليت
بيدهة فلوس وطبيت للمطعم،،،،
سجاد:تمشينة اني وياها تلملم شغلات بناتية
اكلج يعني تقنعيني انتي كلشي ماعندج،،،
سمرة:ضحكت،،ليش اجذب عندي كومة
بس ذني وحد يعني لازم اشتري،،،
سجاد:كملنة كلشي اخذت ملابس وكلشي
محتاجته وشغلات اصلا ممهمة بس هنة
ذني البنات من يشوفن سوك،،،،طبعا
مخليتهة تدفع فلس وهي ضاجت وبس تتأفف
يلة عاد بطني كام تردح من الجوع،،،،
سمرة:هاي هي خلصت،،طبعا امشي وهو
شايل العلاليك ومقبل ياخذ الفلوس مني،،،
سجاد احنة شتفقنة بس كدام ابو المحل
تدفع وراها تاخذ الفلوس،،،
سجاد:كرصتهة من خدودهة فدوة الج
الفلوس وصاحبهة ميغلى شي ع سمرة
كلبي وام جهالي،،،،يلة لاتضفنين ترى
متت جوع،،،،
سمرة:ما اكذب داخلي يركص ويغني من
كلامه وتصرفاته طبعا مجنت متوقعته
حريص هالكد بالشارع كل شوية فارني من
مكان حتى محد يطخني وحتى الملابس
الي اخذتهة شارك رأية بيهة من ناحية
كصيف او قصير،،رجعنة للمطعم،،،،
كمال:والله بعد وكت جان خليتوهة ساعة
اللخ،،،،،ويضحك
سجاد:ااااااه،،ذبيت العلاليك والله ياعمي
متت طلعة النسوان متنراد،،،،
كمال:ضحكت،،هااااا خوش غرة فرتك مو،،،
سمرة:هاااا يابة سالمين اشووو صفيت
وياه،،،
كمال:ليش هو اني اكدر يابعد ابوج،،هاااا
اخذتي كل الي بنفسج ومحتاجته،،،،
سجاد:قاطعت عمي بضحك وداعتك
اخذت الي بنفسهة ونفس بنات بغداد
كلهة،،وضحكنة ثنينة واباوع عليهة شلون
مغتاضة،،وعمي ميكدر ع زعلهة،،،
كمال:لا لحد يحجي ع بنيتي الحلوة،،،،،
سمرة:بالمناسبة ابن اخوك مقبل ادفع شي
كمال:بجدية لاسجاد لابوية احنة ما اتفقنة
هيج،،،،
سجاد:عمي متسوى والله وهاي اعتبرهة
هدية نجاحهة،،،صار نقاش ع الفلوس
عمي بداعة الغالي وروح ابوية ما اخذ منك
فلس صدك جذب،،،،
كمال:ماشي،،لعد العشة علية وشرط ارد
احلفك بالغالي تطلب الي تشتهية ومتكوم
اذا متشبع،،،،
سجاد:هاي هي خلص،،بالنسبة للفلوس
مراح ترجع للوالد،،وابتسمت بخباثة،،،
سمرة:باباتي حبيبي،،،
كمال:ضحكت هاااا يالمشيطنة شرايدة????
سمرة:الفلوس،،،
كمال:اوووف اخذيهن وامري لله،،،بضحك،،
سجاد:ظليت صافن بأبتسامة ع علاقة عمي
وية بنته شكد يحبهة لخاطر الله،،،،،،هي
هم تنحب بنت الاوادم،،،،
تعشينة وسوالف وضحك وشربنة جاي
ورجعنة للبيت،،،،
ثاني يوم طلعنة من الصبح وتوجهنة لجامعة
بغداد جانت مكتظة بالطلاب لان بدة
تسجيل المراحل الاولى بما اني جنت طالب
بيهة فأندلهة شبر شبر توجهنة لمكتب
التسجيل واسمهة حان موجود سجلت
وعرفنة تفاصيل دوامهة وكلشي خاص ومتعلق
بالدوام بقت بس مشكلة الاقسام،،،
بعيدة عن الجامعة عمي ظل قلق ومتوتر
ميرد يكسر بخاطر بنته وسمرة هم متوترة
متعرف شلون راح تدبر،،،،
كملنة شغلنة بالجامعة صار الظهر كعدتهم
بمطعم وعمي مشغول باله وكل شوية
صافن ع سمرة وهي خطية الاشوية وتبجي،،،
كمال:خلص بنتي ولا يهمج ان شاءالله اداومين
سمرة:لابابا هاي هي خل انقل مجنت
متوقعتهة هيج صعبة واني .....
كمال:كتلج لاتشيلين هم،،اني راح اجر بيت
قريب ع الجامعة ونستقر بيه اني وانتي وامج
لحد ما تخلصين دراسة،،،،
سمرة:صدك يابة وكامت باست راسه،،بس
امي منو يكول تقنع،،،،
كمال:نحجي وياها والله كريم واذا قفلت
نجي بس اني وانتي وبالعطل نرجع للبصرة
لو شتكول سجاد،،،
سجاد:اي والله عمي هي خوش فكرة بس
انت شلون شغلك،،،،
كمال:الله كريم شوف شلون ادبرهة وية
الولد،،،اهم شي ميتكدر خاطر سمرتي،،،،
سجاد:ردت اكلهة ازوجهة واستقر هنا،،بس
كلت لا ضرغام وعدني يحجي وياه،،،،
تغدينة ورجعنة وبلغونة الدوام بعد اسبوعين
يبدة،،رجعنة للبصرة ونويت اخلي
ضرغام يستعجل يحجي وية عمي،،،
مازن:صار شهرين حوراء زعلانة ومترضى
تحاجيني ومخليت شي مسويته اخر شي
امي كالت،،،،
زهرة:تعبت واني اشوف ولدي مشمرين
وممستقرين بديت بأول خطأ لازم اصلحه
يمة مازن لاتشيل هم اني باجر اروح
واحجي وياها مهما كان اني هم غلطت
بحقهة وهي متستاهل،،،
مازن:كيفت من حجت هيج امي بستهة
من راسهة وبالفعل ثاني يوم رحنة العصر واجة
ضرغام هم بأعتباره الاخ الجبير والاب
من بعد والدي الله يرحمه،،،،
ضرغام:قررت اروح وية امي ومازن لهنا
وكافي،،،،وصلنة تلكانة خالهة واستقباله
جان حلو وامهة هم جتي من سمعت بينة
خطية مقعدة،،،وفتحنة الموضوع بس
طلبت حضور حوراء ورة شوية جتي،،،
خوية ام مرتضى تدرين بمعزتج عندي
حالج من حال البنات الله شاهد والي صار
ساعة شيطان وانتي اكثر وحدة تدرين
بالي صار والي وكع علينة واخوية
غلطان ما اكلج مغلط وهاي جاج اكثر
من مرة وشرحلج موقفه فيا اختي لهنا
وكافي شنو ذنب هالاطفال بعيدين عن
بيتهم صح هذا بيت جدهم لكن مرجعهم
مو هنا لاتخربين بيتج بأيدج وهاي اني
اكلج كدام خالج وامج والكل شاهدة حتى
لو مازن نفسه راد الطلاك فعلى جثتي
ميصير هذا الشي،،،،استهدي بالرحمن
ياخوية وارجعي لبيتج معززة مكرمة
وهاي امي جتج برجليهة ترجعج وبالمناسبة
الي صار خارج ارادة امي بساعة عصبية
وساعة شيطان وان شاءالله متنعاد،،،،
زهرة:يمة حوراء لاتزعلين مني بعد عمتج
ساعة غضب وفاة عمج هد حيلي وعماني
الحمدلله الي وعيت ع الي صار يمة البيت
اظلم من دونج بلاج مختنك البيت ماعندي
ونس ولاعندي الي يداهرني ويكعد ويسولف
وياية والله البيت وحشة دونج ودون
هالمشيطنين والله مشتاكتلهم نزلت دموعي
متحملت لان مو طبعي ولا اني الي هيج
اسوي وشفت حوراء مكسورة مني
ومن مازن،،،
حوراء:كمت ع عمتي وبستهة من راسهة
ومسحت دموعهة،،لاياعمة دموعج اغلى
من روحي الي تريديه يجرالج واني بنتج
مو دومج هيج تكولين،،،،
مازن:ارتاحيت من اصافت الكلوب ترخصت
حوراء وراح تلم غراضهة طبوا الجهال جانوا
طالعين وية خال حوراء الصغير بعده ممزوج
سلم علينة وكعد فهم الموضوع واتفهم
بس هم رجع نبه علية ميتكرر الصار ورادوا
نبقة ع العشى بس ترخصنة وطلعنة،،،،
ضرغام:يلة اليوم عشاكم علية بمناسبة
رجعة ام مرتضى وين يعجبكم تتعشون،،،
اخذتهم ورحنة لمطعم طلبنة مشاوي
وبية كعدة عربية ع الشط التمينة وتعشينة
براحة،،بداخلي هم وانزاح هاي ثاني واحد
خلصت من مشكلته ورجعت مرته بقى
بس سجاد ان شاءالله يرجع عمي واحجي
وياه لان خطية صدك تغير وعرفت قيمة سمرة
زهرة:وين صافن يمة،،،
ضرغام:يست ايدهة ولاشي يالغالية،،،
زهرة:ابتسمت بحزن اخوتك مو،،،يا ابني
فطر بروحك انسى الماضي والي راح
ابدي صفحة جديدة ازوج وعيش حياتك
وخاي وحدة تشاركك همك وحزنك وتأنس
وحشتك يا ابني الى متى تظل تركض
وهاي اخوتك كلمن لاهي بحياته ميكدرون
يقدمولك اكثر،،،،فكر بكلامي يمة،،زين،،،
ضرغام:ان شاءالله يمة الله كريم،،،صفنت
صحيح كلام امي هسة اكيد البنية عايشة
حياتهة والله اليعلم كم طفل عدهة
وبعدين احنة دروبنة بعيدة ماكو امل باللقاء
خلص ياضرغام شوف شكد صار عمرك
وانت لامرة ولا طفل اذكرت علاوي
اوووووووف ياعلاوي ياتعب كلبي لك شكد
دست ع نفسي واتحملتهة لخاطرك تاليهة
اوووووف ياكلبي،،،،
تذكرت من جتني قبل 3اشهر مذلولة
وتطلب اسامحهة وارجعهة،،،بهذاك اليوم
خبرتني ان علاوي توفى وحسب متكول
ان رب العالمين انتقم منهة بأبنهة وجانت
جايبته للعراق ادفنه لان مراح ترجع للخارج
وجتني حتى تريح كلبي بالحقيقة طلبت
منهة اشوفه للمرة الاخيرة وفعلا
رحت وياها للمستشفى وشفته اذكرت كل
لحظة وياه اول منولد لحد الليلة الي اخذته
بيهة وطلبت فحص DNAوطلع
فعلا مو ابني رميت عليهة اليمين بالمستشفى
وطلعت جنت كلش بارد بذيج اللحظة
يمكن بسبب الي خسرته قبل او يمكن
لان بردت الشغلة ابالي ما اعرف
زين وهسة ياضرغام شناوي،،راح تظل
عايش طول عمرك تنتظر حور يخيالك
وخيالهة يداعب فكرك ،،،
‏في الحب . . .
‏لا توجد معادلة متساوية ،
دائمآ هُناك ‏قلب يُعطي أكثر ، ويتألم أكثر ، ويشتاق أكثر ..!
............ ......... ......
#من زغري جنت اسمع نعاوي
#فراك
#وكبرت على الهم والحزن سوية
#دنيا بلا رحم ما توفي وي#الزين
#عمت #عينج#يدنية # شكد# قوية