رواية السجينة الفصل الرابع عشر 14 - بقلم شـــروق الــسامــرائي

#السجينة💔💔💔
الجزء الخامس عشر......
مساء الندى المرتجف في أحضان الورد...
مساء النور الضعيف المنبعث من شمس خجولة..
مساء القهوة التي تغلي حبا لتنشر عطرها ودفئها ..
مساء التفاصيل الصغيرة التي نراها كل يوم ..
مساء الورد احبتي ...
في أغلب الأحيان تكون حياة الأنسان مسيرة
وليست مخيرة،،
فليس كل ما يتمناه المرء يدركه،،،،
وتأتي الرياح بما لاتشتهي السفن،،،،،
كل مرء منا يحاول سلك سبل الحياة
بأبسط تفاصيلها،لأنك مهما تضايقت وتمردت
على الدنيا فهي ماضية القدم لن تنتظر،
ولن تصحو الأ على الشيب والماضي
لن يعود يوما.......
ضرغام:بعد مرور ايام ع الحديث الي
دار بيني وبين والدتي واخير خطيت الخطوة
الي مجنت حاسبهة ابالي وبلغت الوالدة
تبحث عن زوجة الي ولكن تاخذ حذرهة
بكل تفصيل يدور حول البنية،،،،،،
اما بالنسبة لموضوع سجاد بلغت عمي
وتعذر كال ما اريد اشغل بالهة بأي
موضوع خارج الدراسة لكن بلغته ان سجاد
مستعد ينتظرهة والرجل محجة شي،،،،،
سجاد:بلغني ضرغام بقرار عمي اني
مكلت شي عادي انتظرهة،لان ادري بعمي
راح يتعب بين بغداد والبصرة وهي كذالك
لان متحب تضغط ع عمي ومتأكد اذا
فتحت الموضوع مرة ثانية راح يكون
الرد مختلف،،،،،،
مازن:الحمدلله بعد ما رجعت حوراء لبيتهة
كلشي بحياتي تغير وصارله طعم مختلف
صح اول ليلة جانت بعدهة زعلانة و وجهة ثكيل
بس عرفت شلون ارجع حمامتي لعشهة،،،
رجعت مثل قبل قايمة بكل صغيرة وجبيرة تخصني
وتخص البيت الحلووو رجعت علاقته بأمي
مثل قبل واحسن،،،،،،،
بيوم الي رجعت حوراء امي رادت الجهال يمهة
لان مشتاقتلهم واني استفردت بأميرتي
وحدنة هي كضتهة ساكتة ترتب اغراضهة
واغراض الجهال واني مستمتع اراقب
حركتهة وادري بيهة ترتبك من وجودي يمهة
جانت من تشتغل تطردني من يمهة تكول
نظراتك تربكني وايدي متاخذ شغل،،،
جتني الضحكة كامت تخلي هدومهة وية
هدوم الجهال،،،،
احمممم،،حبيبي ترى هذا كنتور الجهال
ذاك كنتورنة،،،،
حوراء:خزرته،،انت مو تدري بيه ما اعرف
اشتغل واحد يمي،،،
مازن:تقربت عليهة وحجيت بمكر،،،
وليش يابة،،،
حوراء:هااااا وخر خليني اكمل الغراض
حتى انيم الجهال،،،
مازن:تقربت منهة وحضنتهة من ورة
ودفنت راسي بركبتهة،،،الجهال يم
امي اليوم هي رادتهم،،شميت عطرهة
افيييييشششش ياعطرج شكد مشتاقله،،،
حوراء:جمدت بمكاني مشتاقة اله بكد رحمة
الله بس بعده كلبي ناغزني من كلامه،،،،
حجيت بصوت حزين،،مازن عوفني تعبانة
مازن:جلبت بيهة ودرتهة صارت بوجهي
لج احبج واعشگ تراب رجلج،،صدكيني
مو بقصد طلع الحجي مني والله بس
تعرفين بذيج الفترة شلون كلنة ع اعصابنة
من ورة امي،،،،
حوراء:مازن لو كلهة حجت الي حجيته انت
يمكن فترة وانسى بس انت غير مشفت
نفسك من حجيت لسة موقفك و وكفتك
كبالي ما اكدر انساها كأنما واحد اطلق
سراح كلبك وكلك احجي،،،نزلت دموعي
مازن:تخبلت لاتبجين دموعج مو هينة وروح
ابوية،،خلص راح اخليج براحتج بس لاتحرميني
اكثر منج ومن حضنج تدرين بيه ما ارتاح
الا وياج لج كل هاي الفترة الي مضت
جني طفل مضيع امه،،،،
حوراء:شبه لنت وياه لان احبه مو بيدي
واتعديت مرحلة الحب وياه وصلنة لمرحلة
العشق والتيم،،،،
صح ظل وجهي ثكيل بس نص الليل عرف
شلون يراضيني واخذني بين احضانه
لعالمنة الخاص مابيه غير حوراء ومازن
وعشت وياه ليلة تجنن،،،
زهرة:اخذت جهال مازن يمي هم مشتاقتلهم
وهم ردت تصفى الكلوب بينهم ويرجعون
مثل قبل واحسن والحمدلله من صبحت بوجه
حوراء شفت اللمعة والفرحة بعيونهة
ارتاحيت لراحتهم كعدنة نتريك اني وياها
والجهال وبعدين كعد مازن وجه يضحك
مازن:كعدت الصبح وشفت حبيبة كلبي
الجسم والشعر منتثور والغرفة باردة وظلمة
دكيت ع ضرغام،،،الووووو هلا بالضلع
ضرغام:ترى غرفتي بعد كم خطوة
خيييرك،،،
مازن:خوية طالبك بخدمة،،،
ضرغام:من الصبح خيييير،،،
مازن:اجازة اليوم مالي خلك اطلع للشغل،،،
ضرغام:مالك خلك موووو ليش يابة عريس
مازن:اوووووف اي والله،،
ضرغام:دروح يلة بس هاااا بس اليوم،،
مازن:بضحكة خل يخلص اليوم والله كريم
لباجر،،،سديته ورجعت لحبيبة روحي
محسيت الا الفراش فارغ اباوع ع الساعة
11اوووو هاي شكد نايم غسلت ولبست
ملابس بيت برمودة وتشيرت لكيتهم
يتريكون كعدت وياهم والفرحة غامرتني،،،،
زهرة:يمة مازن اليوم العصر اخذ حوراء
وياية وبقي الجهال وياك بس الصغير
تاخذه امه،انت بس وصلنة وارجع علينة،،،،
مازن:خيييير يمة وين ترحين،،،
زهرة:لبيت الشيخ كامل اريد اخطب لاخوك
مازن:ياهو منهم،،،،
زهرة:ضرغام يمة،،واخيرا الله هداه وقبل
يزوج،،،،
مازن:اي ياالله بيهة الخير ان شاءالله،،،
زهرة:دك تليفوني ضرغام حاجيته وبلغته
ضرغام:دكيت ع امي لان داكة علية وجنت
مشغول ما ادري بالتليفون وبلغتني بروحتهة
هي حجتلي قبل كم يوم ع بنت عمي واني
شايفهة حلوة ومرتبة وخوش بنية بس ارملة
بس ماعدهة اطفال واني معترضت بشي،،،،
اكلج يمة قبل لاتورحين لبيت عمي كامل،،،،
عمي كمال اولى بروحتج حلي سوء
الفهم بينكم واني اجيج العصر ونروح سوة
شكلتي،،،،
زهرة:اي والله يمة زين تسوي والله استحي
اخلي عيني بعينهم،،،لعد راح انتظرك،،اكلك صدك شنو مراح تجي ع الغدة،،،
ضرغام:لا يمة صار عندي شغل اكمله
واجيج،،،سديته من يم امي والتهيت بشغلي
ماحسيت ع الوقت الا بالخمسة العصر،،
رجعت للبيت اكلتلي لكمة وسبحت وطلعنة
حانت حوراء ويانة،،،،
حوراء:صدك ضرغام نويت تزوج،،،
ضرغام:ان شاءالله اذا ربج قسمهة،،،
حوراء:احجي بداخلي والله خايفة لتنكلب
طنطل علية بالبيت لان اني ممعاشرتهن
بنات عمي كامل بس اسمع عنهن خشم
عالي وميعجبهن العجب،،يلة بلكت تطلع
حبابة لخاطر ضرغام مشلوع الكلب،،،،
زهرة:وصلنة بيت ابو مخلد وهو الي تلكانة
كمال:اندكت بابنة وطلعت اشوف منو
واتفاجئت بأم ضرغام،،،ياهلا نورتوا
الحمدلله ع سلامتج ام ضرغام تفضلي نورتي
بيتج،،،،
زهرة:غصيت بالحجي من هيج استقبلنة
اووووف يازهرة شمصخمة،،،تسلم
ابو مخلد يزيد فضلك بيتك منور بأهلة
طبينة للهول شفت عفاف متفاجئة بس تقربلهة
ابو مخلد مدري شحجة وياها جتي سلمت
بس سلامهة ثكيل،،،،
كمال:ام مخلد صيحي لسمرة خل تسلم
ع بيت عمهة،،،،
عفاف:يمكن نايمة،،،
كمال:خزرهة لا كعدت سمعت حسهة
بهالاثناء دخلت سمرة،،،
سمرة:هلا،،هلا،،اكول ليش البيت نور
زهرة:كمت لحيلي،،تلكيتهة منور بيج ياعيوني
سمرة:بوستهة واستغربت من تصرفهة
انتبهت ابوية اشر بعيونه معناها كعدي
كعدت يم حوراء،،،،ولج بذاته مشتاقتلج
متكولين عندي بت عم اسأل عليهة،،،،،
حوراء:لا ولج صارت مشاكل وجنت زعلانة
يم اهلي البارحة يلة رجعت،،وظلينة
نسولف وكمت وياها للمطبخ تحضر
الضيافة وسولفتلهة ع عمتي وشلون
جانت مريضة،،،،
سمرة:خطية والله متستاهل الله يساعدهة
احنة كلمن لاهي بحياته بس هي الليل
يصير وحشة عليهة،،،
حوراء:اي والله صحيح كلامج،،صدك نسيت
اكلج ضرغام موى يتأهل وياخذ رفل بنت
عمي كامل،،،،
سمرة:ادري شبيه شناقصة هيج مستعجل
وياخذ رفل،،
حوراء:ليش ولج شبيهة،،،
سمرة:استغفرالله مابيهة شي بس هنة
بنات عمي كامل شخم عالي لان ابوهن
الشيخ واصلا شكد تقدمولهة بس هي ترفض
حوراء:شمدريني بعد،،،
سمرة:استغفرالله خليهة البنية تمشي
قسمتهة،،،
حوراء:اي صحيح،،امشي عاد راح نظل هنا،،،
كمال:والله يا ام ضرغام جيتج ع راسي
ولو طالبة مني اجي جان جيتج علمود
هالموضوع مكلفة نفسج،،،
زهرة:لا يا ابو مخلد انت غالي علينة والله
شاهد بس هي جانت ايام صعبة
ولو المرحوم عايش مجان رضى بالي
صار واني حتى جيت اتعذر لبنيتي
وما اريد يتكدر خاطرهة،،،
سمرة:افااا عليج عمة بنيتج اني وبين
الام والبنت كلشي يصير وكمت بستهة من
راسهة شفت امي بس تخزر وابوية
معجبه وضع امي كلت مليار بالمية عركة
ورة ميطلعون،،،،
ظلوا كاعدين يسولفون وعمتي طلبت من
عمي يحضر وياهم لطلب ايد بنت عمي
لضرغام وابوية كيف وكام يغير لبسه
زهرة:لحظة ابو مخلد بس من رخصتك
قبل لنطلع،،،،
كمال:كولي ام ضرغام،،،
زهرة:اني داخلة ع الله وعليك،،واتمنى
متردني،،،
كمال:انتي تأمرين يا ام ضرغام،،،
زهرة:وليدي سجاد تولع ومامنه امل بعد
ياريت تقبل طلبه ومترده خايب وطبعا
بموافقتك وموافقة الكل،،،،
كمال:ضحكت،،سجاد تولع ابن بغداد،،،
ضرغام:افاااا عمي ابنك هذا ابن الملحة
يابغداد ابن ديرته والله شاهد مو هو سجاد
القديم ،،،،
كمال:ضحكت ومسحت ع ظهر ضرغام
غالي يا ابن الغالي هي منكم وبيكم
والله يقدم الي بيه الخير،،،،
ضرغام:توجهنة لبيت عمي كامل وتلوكنة
ملكة حلو كعدنة شوية وعمي فتح الموضوع
عمي كامل رد علية،،،
كامل:صدك جذب كبع واخذ هذا ضرغام الغالي
ابن الغالي ما اعز عليه روحي تعز بنتي،،،
ضرغام:تسلم عمي رحم الله والديك،،،
قرينة الفاتحة وباجر بأذن الله العقد،،،
كامل:ابني برأي ماكو داعي للهوسة
ولاشي نسوي عزيمة النة احنة الاهل
بيوم العقد وشوكت ماخلصتوا اموركم
تجي تاخذهة بدون هوسة وخبصة،،،،،
ضرغام:اني كيفت من كال بلا هوسة
بس اجلت العقد ورة3ايام حتى نهيئ نفسنة
للعزيمة ونبلغ باقي الاهل،،،،
وراها عمي صاح لبنته رفل ماشاءالله حلوة
ومرتبة سلمت علينة وبوست امي وحوراء
عدنة حوراء كلش اجتماعية ظلت تسولف
وية رفل وذيج ع كد الجواب وتبتسم مجاملة
عمي كلهة كعدي يم خطيبج،،،،
جتي كعدت يمي بس مسافة كوشة بينة
مبروك يابنت العم،،،،
رفل:شكرا الله يبارك بيك،،،
ضرغام:بلغتهة الاتفاق لاهوسة ولاشي
والحمدلله معترضت،،،
رفل:بس سؤال اذا ردت اشتري فساتين
او الجهاز ممكن الوان،،،
ضرغام:اكيد من حقج واصلا السنة دارت
والالوان مالهة دخل اخذي الي يعجبج
وبراحتج،،،
رفل:ابتسمت شكرا،،
مرحبا...اني رفل بنت الشيخ كامل
عمري28سنة ارملة مطولت بزواجي
3اشهر وتوفى زوجي بحادث،،بيضة شعري
اسود طويل نص ظهري طويلة صاحبة جسم
انوثي بارز،،اعترف مغرورة بشكلي
وجسمي بعيد عن اني اني بنت الشيخ
واخر العنكود،،من سمعت ابن عمي رايدني
وابوية كبل نطاه الموافقة ضجت بس
من صاحني ودخلت تعجبت بشكله
وشخصيته صارلي هواية مشايفته
كعدت وحجيت وياه كلش جذبني حتى
من كال زواج بلاهوسة مجرد عزيمة بينة
وافقت لان كلش عجبني،،،،
ضرغام:تعشينة يم بيت عمي وطلعنة،،،
وصلنة عمي ورجعنة لكينة سجاد ومازن
وية الجهال بالحديقة وطالبين اكل من برة
مازن:ليش لا مو بعد وكت،،،
حوراء:ياااا مازن هاي ليش هيج حال
الجهال خطية شنو اسرى،،،
مازن:اي همة خطية بس اني لا يمعودة
بزعوني اركض وماكو فايدة،،،،
سجاد:خربت ضحك عليه،،والله لعبوا بيه
فلك الا جيتي وسووا نفسهم فقرة،،،
كامن علا وتقى التوم،،،،هااااا سجاد
اشووو كلبت،،،
سجاد:اي سجاد حاف مو اني البنكلادش
مال الخلفوكم وما ادري،،،
زهرة:دكافي شبيكم وية الجهال تعالوا
يمي مالكم دخل بيهم هاكم شوف
شجبتلكم،،،
هااااا يمة ان شاءالله راضي ومقتنع،،،
ضرغام:الحمدلله يمة البنية مبينة حبابة
وية ميتي تجي ان شاءالله،،،،
كاموا مازن وسجاد بوسوه وباركوله،،،
اني راح اصعد انام لان ميت تعب واباوع
لمازن،،اكلك لاتغلس باجر تطلع قبلي ماشي
مازن:ماشي تددلل عريسنة،،،
ضرغام:صعدت سبحت وتمددت وظليت افكر
خطر ابالي شي جنت ناسيه قررت امر لبيت
عمي وابلغهم بيه،،،،
كعدت ثاني يوم متأخر طلعت لشغلي
قبل وقت الظهر مريت لبيت عمي كامل،،،
عمي البارحة غاب عن بالي موضوع
يخصني ونسيت احجي بيه كدام بنت عمي
وبالليل قررت امرلك واحجي وياك،،،
كامل:كول ابني خير،،،
ضرغام:من بعد اذنك تكعد بنت عمي
والحجي يصير كدامهة،،جتي رفل سلمت
وكعدت،،حجيتلهة ع التشوه الي بظهري
وسببه لان مردت اعيش نفس التجربة
واشوف الاشمئزاز بعين رفل ،،،
رفل:انتفضت من مكاني،،شنووووووو
وانت ليش مكتلي البارحة،،،
كامل:اكعدي الرجال مينعاب بشكله
ينعاب بأخلاقه وتصرفاته واذا بيه اثر
حادث،،،افرضي اخذتي ملك جمال واتعرض
لحادث وتشوه تتركيه،،،
رفل:وكفت بكل غرور اسفة اني نفسي
متتقبل هيج شي ممجبورة اضغط ع نفسي
خلص دامنة بالبداية كلمن بطريقه،،،
كامل:لج انتي تخبلتي،،ابني مالك دخل
بحجيهة احسبهة علية،،،
ضرغام:حسيت بأنكسار بداخلي،،لاعمي
ع شنووو هاي حياتهة وهي حرة
عزت علية نفسي ابقى كمت لحيلي،،،
يلة عمي اني اترخص والخطوبة فسختهة
وان شاءالله تلكه نصيب احسن،،،
كامل:لا والله...
ضرغام:قاطعت عمي لاتحلف عمي الله
يخليك اني وبنتك منتوالم بعد وهذا عمر
مينعاش بالجبر يلة في امان الله،،،
طلعت واسمع حجيهم عمي يكلهة فشلتيني
بعمرهم بيت مالك مدكوا بابي بحاجة
ساعة الي اجة هيج تكسريني كدامه،،،
امهة تخبلت ليش شبيه بنتي وانطيهة
لواحد مشوه دشوف جمالهة،،،صدك كرهت
روحي رحت للشط اختنكت،،،
صدك جذب الناس صار همهة مظاهر وبس
ياناس ياعالم هو اثر بظهري هيج خلة
الكل ينفر مني،،،،دك تليفوني عمي كمال،،،
كمال:وليدي وين انت هسة عمك خابرني
وحجالي الي صار،،،،
ضرغام:حجيت لعمي الموضوع تخبل ومرضى
وتحلف لرفل شكد حاولت اقنعه مفاد،،،
كمال:لك انت شدتحجي والله الا اطيح
حظهة لك انت ابن عمهة وسنده شلون
هيج تفكر هامهة الجمال وبس،،،
ضرغام:ظليت للعصر كاعد ع الشط غوربت
يلة رجعت للبيت متكأب وكاره الدنيا،،،
تلكتني امي،،تواسيني واخوتي وحوراء
كاعدين،،،،كلهة تواسيني،،،
زهرة:يمة من عين باجر اجيبلك ست....
ضرغام:انتفضت بحده يمة كافي موضوع
زواج متفتحيه وياية نهائي ماشي،،،
عفتهم وصعدت لغرفتي،،اباوع لروحي
بالمراية ،،هاااا يضرغام هم راح ترجع
تكسر وتحطم ردت تضرب المراية بس
تعوذت من الشيطان لااااا لهنا وكافي
مو ضرغام الي ينهز ويراعي مشاعر
الكل ومحد بحاله خلص راح اعيش لنفسي
وبس وادوس ع كلمن يحاول يدوسني
بنظرة،،،تمددت بفراشي ونمت،،،،،،
............... ......... ..............
في مكان آخر بغداد....
حور:واكفة اباوع ع روحي بالمراية اليوم
راح ادخل دنيا جديدة وحياة جديدة وناس
جدد،،،،
ياحور مريت بالاصعب هاي لاشيء
بالنسبة للمحن الي عشتيهة لازم اثبت لادنيا
خلص معاد تكدر تكسرني اليوم اصبحت
حور القوية الي راح تشق طريقهة
بنفسهة،،غمضت عيني،،،يارب عليك توكلي
وماخاب من توكل ع العزيز الجبار
فتحت عيوني حسيت هاي الكلمات نتطتني
طاقة ايجابية،،،وهالة راح تحميني من
كل بشر يحاول يأذيني،،،،
طلعت من الغرفة شفت خالة ماما هناء
محضرة الريوك،،،طبعا ست هناء ازوجت
ابوية والحمدلله صارتلي الام الي انحرمت
منهة او بالاحرى الي هي حرمتني نفسهة
هناء:هاااا بنتي مستعدة،،ما اوصيج بعد
اريدج قوية ومتنهزين ولاتنخدعين بأي
شخص سواء بنية او ولد،،،
حور:ان شاءالله،،كملت ريوك ورتبت نفسي
اللمسات الاخيرة دك هورن ابو الخط
طبعا ابوية تغير كلش وياية صح منكعد
ونحجي هواية لكن موفرلي كلشي ومرات اسمعه
يحجي وية ماما يوصيهة علية،،،،
سعد:هاااا بنتي اجة الخط،،،
حور:اي بابا وصل،،،
سعد:محتاجة شي،،،
حور:سلامتك،،اتفاجأت من تصرفه باسني
من راسي،،،،
سعد:الله يحفظج ويحميج بنتي،،شال مصرف
نطاني سلمت عليهم وطلعت،،،،
صعدت بالخط جانت سيارة ستاركس
طالب ويانة بالجامعة والخط مختلط وكلنة
طريقنة واحد يعني بيوتنة بمناطق قريبة
عن بعض مابيه فرة والاحلى مو كلش
بعيد عن الجامعة،،،سلمت وكعدت
اباوع ويانة بالخط طلاب من غير مراحل
جانوا بنات ثنين من جهتي ديسولفون
مبين مثلي مرحلة اولى،،،،وصلنة
لاجامعة(زيد)ابو الخط وصانة نلتقي بالساحة
الخاصة بالخطوط ونطانة رقمه اخاف احد
نتيه المكان جنت بس اني وبنات ثنين
و ولد جديدين بالخط الباقي لا يعرفوه
من زمان وياه،،،نزلت وبديت ارتبك لان
الجامعة كلش جبيرة،،ياربي هسة وين
راح اروح ما اندل،،،،،
سمرة:هلوووووو شبيج حايرة،اني وياج
بالخط،،،
حور:ابتسمت،،افف ارتاحيت والله بصراحة
ما اندل زين،،،
سمرة:مديت ايدي اصافحهة مرحبا اني سمرة
مرحلة اولى هندسة،،،
حور:ابسمت ومديت ايدي حور وهم مرحلى
اولى هندسة،،،
سارة:واني سارة وهم مثلكم،،،،
حور:ضحكنة وتمشينة ظليت صافنة هاي البنية
اسمهة وشكلهة مو غريب مدرت بال
للموضوع وسجلنة وباشرنة وبدينة
محاضرات ومبين دراستنة كلش صعبة
مرت الايام وارتاحيت كلش لسارة وسمرة
وصرنة صديقات مقربات من بعض
نتواصل دائما ونسوي محادثات جماعية
ومكالمات جماعية نحشش ونضحك
كاش حبينة بعض وصار لحياتي طعم
ثاني جنت محرومة من هاي النعمة نعمة
الخوات والله سبحانه اشكر فضله عوضني
وحتى امي عرفتهم هلكد ما احجيلهة عنهم
وهي هم حبتهم لان سبحانة الله نفس
الطبع تلاثتنة والمعروف بالجامعات سالفة
التكبيل وشكد حاولوا ويانه حالنة من حال
بعض البنات رافضين هذا الشي
نهائيا غايتنا ندرس ونحصل شهادة
مو نحب وندور سالف عوج،،،،
سمرة:بنات اني عندي موضوع ضامته
عنكم،،،،
سارة&حور:شنووووووو
سمرة:سولفتلهم عن سجاد والتطورات
الي صارت بعلاقتنة،،،
سارة:اي وهسة شنووووو،،
سمرة:ما ادري ابوية خطية تعب بين بغداد
والبصرة وامي ممرتاحة،،،،
حور:نغزني كلبي من كالت البصرة،،،
اكلج ليش انتي من البصرة،،،،
سمرة:ضحكت صارلنة شكد سوية بس
ابد ممطرقة لهذا الشي،،،اي اني من البصرة
وطلع قبولي هنا مقبلت انقل لان قبولي
يصير من اعلى الى ادنى واني حلمي
جان الهندسة وابوية ميأمن اسكن بالاقسام
فأجر بيت هنا علمودي،،،وهاي كل القصة،،
سارة:والله اذا ابن عمج يحبج وانتي تحبي
وتكولين مثقف وفاهم واهم شي ممعارض
ع الدراسة،،،،
سمرة:اصلا هو كلي وافقي واني اخذج
نستقر ابغداد لغاية متتخرجين ونرجع
مستقر بالبصرة،،،،
حور:هاي هي حبي توكلي ع الله دامج
واثقة والحمدلله ابوج بظهرج،،لان شكلج
منتهية ع ابن العم،،،
سمرة:اووووووف ولج عشقي هذا عشقي،،،
هاااا باعي دك علية،،،الوووو،،،زينة
الحمدلله،،اي بالجامعة،،صدك والله،،،
ماشي احنة بالسنتر،،اي اي العام،،،يلة انتظرك،،
اووووي لكم جاي،،،
حور:يلة لعد احنة....
سمرة:قاطعتهة وين احنة بشرفج كعدوا
سارة:يلة كعدنة بصراحة اريد اشوفه
حور:ضحكنة وكعدنة شفت شاب اتقدم
ناحيتنة وسلمت سمرة علية،،،،
سمرة:بنات اعرفكم سجاد ابن عمي،،سجاد...
سجاد:قاطعتهة،،حور وسارة صح،،،هسة
منو حور ومنو سارة،،،،
حور:تعرفنة علية وكعدنة طلبنة غدة ونسولف
ونضحك بس ظليت حايرة ياربي هذا
وين شايفته ابد مو غريب علية،،،،
دك تليفونه وجاوب،،،،،،
سجاد:يعني شلون بيكم ولد مالك الزامل
مراح تعتقوني،،بربك مازن مخابرني
ع هاي لعد ضرغام وينه،،لا عكبه راجع
يلة في امان الله،،،،،،،
حور:،وجانت الصدمة كفيلة بأن ترجعني
3سنين ليورة،،،،،، الاسم
الي عمري مراح انساه معقولة فرتنة الدنيا
ومعقولة بيوم من الايام تلتقي الدروب...
#مثل مرجوحه #روحي
تصير تالي #الليل ،
تهز گلبي لحد ما يغفن #جروحه 💔
يتببببببببببببببببببببع
يا هل ترى راح تجمعهم الصدفة ام للقدر
حكاية ورأي آخر.........