رواية السجينة الفصل السادس عشر 16 - بقلم شـــروق الــسامــرائي

#السجينة💔💔💔
الجزء السابع عشر.....
#الأعمى شما حفظ #دربه

يضل بعازة #الحيطان

#وإني شما تمرني #الناس

اضل #بعازتك_يفلان
حور:مرت الايام عادية لاجديد سارة بدت
تميل لزيد لكن ماكو اي تواصل بينهم غير
النظرات،سمرة رجعت علاقتهة بسجاد وقرر
يخطبهة بس تخلص السنة،،،،
اما اني فأكتفيت بس اسمع اخبار ضرغامي
ونبهت ع سمرة متجيب طاري لاي احد
لان كفاية الي صار بيهم بسببي،،،،
سارة:اليوم اخر يوم امتحانات قررنة نتأخر
حتى نشبع من بعض وقررنة نرجع وحدنة
بدون الخط وبلغنة زيد،،
زيد:اليوم اخر يوم اكدر اشوف سارة بيه
لازم احجي وياها،،صار وقت تجمع الخط
بس الثلاثي المرح ماكو،،بهالاثناء دكت سمرة
وكالت يرجعون وحدهم اني تخبلت اولا
همة بأمانتي وثاني شي بلوة كلبي شلون
ترجع وحدهة،،،
زين الاهل شلون يدرون تعرفين انتو مسؤلين
مني ارجعكم،،،
سمرة:اي اكيد متقصر رحمة الله والديك،،،
زيد:هاي هي ماشي،،ااا بس لحظة ممكن
تنطيني سارة،،،
سمرة:هاج يريدج،،،
سارة:شنوووو،،شمرت علية التليفون واخذت
حور وكعدوا ع المصطبة،،،الوووووو
زيد:هلووووو،،هااا يابة شلون ترجعين
وحدج انتو بيوتكم بعيدة عن بعض،،،
سارة:ارتبكت،،ااا عادي،،،
زيد:لا موعادي،،يظل بالي يمج،،ظليت
ساكت وهي هم،،ماشي شوفي
شكد تتأخرون اني اكمل الخط واجيكم ماشي،،
سارة:لا ماكو داعي،،،
زيد:لا اكو من كل عقلج اخليج ترجعين الظهرية
وحدج،،،
سارة:لا مو وحدنة ع الاكثر يجي ابن عم سمرة
زيد:هلوووو ياب شنووو اكعدي وسكتي
انتظريني اذب الخط واجيج،،،
سارة:ترى خطيبهة،،،
زيد:مالي دخل خطيبهة رجلهة هي تروح
وياه انتي اني ارجعج وشوفي حور
هم اذا محد يجي عليهة ارجعهة بابا مو مال
ترجعون وحدكم ظهرية،،يلة ماشي
مو اجي لخاطركم وما الكاكم،،،يلة باي
وسديته منطيتهة مجال تحجي شي،،،
سارة:هاج تليفونج،،،،
حور:شكوووو شبيج،،،
سارة:حجيتلهم الي صار،،،
حور:والله عمي خوش ولد،،يلة يمعودة
بعد احسن من نرجع وحدنة،،،،
ظلينة نضحك ونسولف ونتذكر مواقفنة
مرة نضحك مرة نبجي صارت ساعة2:30
سمرة اجاها سجاد،،مجرد شفته
كلبي اتذكر ضرغامي،،وتحاضنة وظلينة نبجي
سجاد:يمعودات مظل شي وتستقر ابغداد
وشبعوا شوف،،،وغمزت لسمرة،،،
سمرة:ضحكت وسلمت ع البنات وطلعنة للكراج
سجاد:شنو رأيج نتغدة ونرجع،،،
سمرة:ماشي،،،
سجاد:شغلت اغاني وظليت ادندن وكل
شوية اندار عليهة،اهر شي متحملت
جريت ايدهة وخليتهة بأيدي هي تفاجأت
بست ايدهة،،سمرة كلبي بعد ما اتحمل
بعدج لحظة عني اني قررت احجي وية
عمي واطلبج منه،،،
سمرة:شلون ودراستي،،،
سجاد:عادي استقر ابغداد لخاطر عيونج
كملي دراستج وحصلي الشهادة والله كريم
سمرة:وعمتي شلون،،،
سجاد:مالج دخل بشي الج الصافي،،،
سمرة:ماشي،،،
سجاد:بفرح يعني موافقة،،،
سمرة:بخجل هزيت راسي اي،،،
سجاد:اووووووف من فدوة اروح لليخجل
لج اموت بيج ياروحي الله لايحرمني منج،،،
ان شاءالله باجر اطلع للبصرة واحجي وية
الاهل واخلي عمي هم يرتاح واجيج
يابعد كلبي،،تغدينة ورجعتهة للبيت كعدت
شوية يم عمي،،،
كمال:بضحك ومكر خييير اشوف البسمة
مرسومة بوجهكم،،،
سجاد:كل الخير ان شاءالله عمي،،ان شاءالله
باجر طالع للبصرة،،،
كمال:ليش تطلع وحدك ابني خل نطلع سوة
سجاد:لا عمي عندي شغلة افضهة وان
شاءالله اجيك جية خاصة باوعت ع سمرة
وابتسمت،،،
كمال:اي بيهة الخير كل الهلا بيك وبالي وياك،،
سارة:ظلينة كاعدين ورة مطلعت سمرة
دك تليفوني شفته سجاد،،الووووو
زيد:هاااا انتو وين،،،
سارة:بالكافتريا،،،
زيد:يلة اني بالباب،،منتظركم،،،،
سارة:ماشي،،،سديته يلة حور اجة زيد،،
حور:احم،،احم،،كلمن اجاها حبيبهة بس
اني مسكينة،،،
سارة:ضربتهة ع جتفهة انجبي هو الولد
عرض خدمته النة ثنينة،،،
حور:اي عيني،،اي،،
زيد:جنت كاعد وصلن حور وسارة سلموا
وكعدوا واني عيني كله ع سارة لازم احجي
وياها مابيهة بعد مجال،،
حور:رحمة الله والديك تعبناك،،،
زيد:لايابة صدك جذب اصلا ماعندي شي
واباوع لسارة،،،
سارة:كلما ارفع راسي تجي عيني بعينه
وعرفت راح يوصل حور بالاول وبالفعل
وصلنة لبيت حور سلمت علينة ونزلت
وحرك زيد السيارة،،،
زيد:اي ست سارة شناوية تسوين بالعطلة
سارة:احم صوتي راح من الارتباك،،ماكو شي
معين،،،
زيد:ردت الطريق يطول لاقصى حد
واشبع منهة،،وحالفني الحظ،،،تدرين
سارة اول مرة بحياتي احب الازدحام،،
سارة:فتحت عيني عليه،،وشفت الطريق
قافل،،ليش بلة،،
زيد:حتى اشبع شوف من هالعيون،،،
سارة:اوووف متت بدمي ظليت مدنكة
راسي ظليت بس اكلب بالتليفون حتى
ما ارفع راسي،،محسيت غير التليفون
انسحب مني،،،جفلت،،شهكت هاي
شدسوي،،،
زيد:من احجي وياج رفعي راسج يعني
اكلج اريد اشبع شوف من عيونج وانتي
حايرة بالموبايل،،،
سارة:ممكن تنطيني التليفون،،،
زيد:بشرط تذبيه وظل وياية،،،
سارة:هزيت راسي اي،،نطاني الموبايل،،،
زيد:سارة وداعة امي والله العظيم لاناوي
اضحك عليج حشاج ولا شي لا والله
صدكيني انتي خلقتي بيه احساس حلو
احساس ابدي حياة حلوة بعيدة ع البنات
والعلاقات وشفتي كل هاي المدة
اتعرضلتج او سمعت شي محلو او خليتج
بموقف محلووو،
سارة:لا،،،
زيد:اني حجيت وية اهلي وبلغتهم بقراري
سارة:بصدمة،،شنووو،،وشنو كتلهم
زيد:حجيتلهم عنج وعن كلشي يخصج وللعلم
حتى ابوية سئل عليكم وكال خوش
ناس وبناته وردة وامي كيفت لان بقيت
بس اني وشالع كلبهة ع الزواج يعني
بقة بس تكولين اي واجيب اهلي واجي
سارة:ظليت ساكتة ما اعرف شحجي،،،
زيد:جاوبي ليش ساكتة،،،
سارة:ما اعرف،،،
زيد:زين باعيني،،،مو وياج باوعي علية،،
سارة:رفعت راسي جتني عيني بعينه،،،
زيد:انتي موافقة اتقدملج لو اكو شخص
معين ابالج عادي احجي هاي حياتج
سارة:هزيت راسي لا،،،
زيد:متحملت اوووووف وضربت ع الستيرن
فدوة اروحلج لاتختصرين وتحجين بالاشارات
سارة:لا ماعندي احد معين،،،
زيد:يعني افهم موافقة اتقدملج،،،
سارة:اهم شي رأي اهلي شيقررون اني
وياهم،،،
زيد:اي ولج تفرحي كلبي عاد مو متت
ان شاءالله شغلة ايام واجيج،،،
سارة:ظلينة الطريق كله يشاقى ويسولف
صدك اتعجبت بشخصيته،،مومثل ممتعودين
علية بالخط الطريق ازدحام نزل يم مطعم
جاب لفتين همبركر وقوطتين ببسي،،،
زيد:تفضلي ست سارة،،،
سارة:هاي شنووووو،،
زيد:لعابة،،،يعني شنو همبركر وببسي،،
سارة:ليش زحمت نفسك،،،
زيد:عيب اخذيهة عاد اظل ماد ايدي،،،عود
اذكرج بيهة ورة منزوج من اجيب لفة الي
اشوف هم تحجين نفس هسة لو تكومين
تخنكيني،،،،
سارة:صدك ضحكت من حجة هيج بداخلي
كتله لايابة اشايف انتي مني بعد اني كلشي
ولا بطني اهم شي عندي الاكل،،،
زيد:احجي وياية احسن متحجين بكلبج،،
سارة:ظليت صافنة عزة شنو هذا يقرأ
افكار،،اباوع علية ياكل بشهية منظره يخلي
الواحد يجوع يشهي بأكله،،،
زيد:شفتهة صافنة علية ضحكت،،لاتباوعين
ترى ميت جوع،،،
سارة:استحيت،،لا والله بالعكس منظرك
يشهي،،عزة حطيت ايدي ع حلكي ردت
ابجي من الفشلة،،شفته ضحك ورفع
حاجب واللكمة بحلكه،،،
سارة:ظليت امتمت اريد اصلح غلطي،،قصدي
طريقتك بالاكل،،يعني اوووووف عيوني
دمعن كوة لازمة نفسي ما ابجي،،اكو واحد
يجفص هالجفصة،،،
زيد:ضحكت من كل كلبي ع برائتهة وعفويتهة
وشلون صارت طماطة وراح تبجي حتى
اختنكت باللكمة،،،
سارة:اسم الله يمعود شبيك المفروض
اني اختنك مو انت،،،
سارة:نعلا على والله ضحكتيني من كل كلبي
لج بابا شبيج راح تبجين لاتخافين فهمت
قصدج شنو،،ان ....
سارة:الله عليك كافي انسى،،،
زيد:لا والله هاي هي يلة كملي اكلج،،،
وصلتهة للبيت ودعتهة ورجعت بوجهي
للمحل وسولفنة اني وسامر ما اظم
علية شي وهو كذالك وفرحلي،،،
حور:مرت ايام العطلة ملل وظلينة نتواصل
اني والبنات وسمعت الي صار بيوم
رجعتنة ظلينة نضحك ع سارة وبعدين
سمرة فتحت موضوع ضرغام،،،،
سمرة:حور ليش متتصلين بضرغام تدرين
ذاك اليوم حجيت وية حوراء،كالت ضرغام
ابد مناسيهة لحد هسة حتى هي خطية
تتمنى تلتقي بيج ولوما محلفتني جان سولفتلهة
حور:لا خلينة هيج خطية كفاية المشاكل الي
صارت مصدكنة العالم نست ذاك الموضوع،،،
سمرة:من الاخير حور ضرغام راح يخطب
وحدة من كرايبنة وهالاسبوع هي خطبة
هي عقد،،،
حور:حسيت روحي انسلبت مني،،،بالكوة
طلعت الحجاية مني،،الله يهني،،ااا بنات
امي تصيحني،،رأسا سديته منهة وظليت
ابجي اي شكو تبجين لا انتي الي رايدته
اوووووف،،ورة شوية اجاني مسج شفته
من سمرة،،،،
(هذا رقم ضرغام لج دكي عليه واذا تريدين
اني امهدلج الطريق)
اني ردت امسح الرقم بس مدري شلون
دكيت الرقم وظل كلبي وية كل رنة
يريد يوكف هستوني اسده اجاني صوته،،،
ضرغام:جنت امدد بغرفتي اتفرج تلفزيون،،
دك رقم غريب عفته شلته،،الووووووو،
حور:يمة صوته يرد الروح متغير خشنان
اكثر وبيه بحة اوووووف يا ضرغامي،،،
ضرغام:الوووووو،،يمعودين الوووووو
ترى اسمع النفس منو انت وشرايد،،،
حور:انصدمت وسديته بسرعة،،ياعزة بعينج
حور شسويتي،،النوب رجع يدك شلون
ياربي،،،
ضرغام:ظليت ادك ميجاوبون،،شمرت التليفون
سجاد:جنة كاعدين عصرية وفاتحت اهلي
بموضوع زواجي من سمرة واستقراري
ابغداد بالبداية امي عارضت ع اني اريد
افرح بيكم واحد حالف ميزوج والثاني يكعد
ابغداد،،بس بالكوة قنعتهة،،
زهرة:يمة باجر عكبة يصير عدكم جاهل
وين تخليه،،،
ضرغام:الله كريم يمة هسة خليه ياخذهة
مو انشلع كلبه،،،بالكوة اقتنعت ورحنة
ثاني يوم اني واخوتي وامي لبيت عمي
كمال وهم نفس معارضت امي عارضوا
وظلينة نتناقش النوب امهة كامت تحجي
معلك ع اجلوا كلشي لحد متتخرج
اشتعلت اعصابي ورجعنة وكلشي ممحصل
وامي مغثوثة من مرت عمي،،وحسب
معرفت من سمرة عمي حاجي وياها،،،
كمال:بنيتي فكري زين باجر عكبة يصير
عندج طفل وين توديه تحيرين بيه لو بالدوام
انتي اذا رايده ابن عمج ما اعارض بس
ع الاقل كملي دراستج،،،،
سمرة:الصراحة قنعني حجي ابوية وكتله
ع مخاوفي من امي و وعدني ميخليهة
تعارض وخابرت سجاد وكتله وظل يسب
ويلعن،،،
سجاد:لج لاتخبليني اني يوم يوم انتظرج
بحضني وانتي تكوليلي اصبر سنتين مدري
اتلاثة حرام عليج،،،
سمرة:كلامهم صح سجاد،،،
سجاد:قاطعتهة خلص يلة روحي كملي
عيني واني طبني ستين مرض،،وسديته،
واني افور اجاني ضرغام وهم نفس الحجي
حجة وياية بالكوة اقتنعت،،واخذت وعد
من عمي ان ميزوجهة لغيري لان حسيت
امهة مرايدتني،،،
سارة:بعد مرور اسبوعين من العطلة جان
وقت عصرية كاعدين اهلي بالهول واني نايمة
ع القنفة اندكت الباب اجة ابوية
صاح امي،،،هاي نسوان برة جايات عليج
امي:منووووو،،
ابوية:والله ما اعرفهم اول مرة اشوفهم،،،
طلعيلهم واني هنا يم الباب شوفي شيريدون
امي:لبست الحجاب وطلعت يااااا منو ذني
اهلا وسهلا،،،
ام سارة عيني،،،
امي:ياهلا وصلتوا،،
اني ام زيد اكيد متعرفيني
امي:ولا صغرا بيج،،،
زيد الخط مال سارة،،،
امي:ياهلا وكل الهلا تفضلوا عيني،،،ابو
زهراء طريق عيني عذريني لان مشايفج
خاف كال اتأكدي منو،،،
ام زيد:لاعيني حقه عين العقل،،،
امي:تفضلوا عيني،،دخلتهم بالاستقبال
وطلعت وصحت رسل ماما ضيافة حبيبتي،،
ام زيد:لا عيني لاتزحمين نفسج،،
امي:لا شلون عيني واجبكم،،،
ام زيد:شوفي حبيبتي لا راح الف وياج
ولا ادور ان شاءالله جايتج بكل خير
اعرفج عن نفسي ان ام زيد وهاي اختي ام
نمر وهاي حماتي عمة زيد ام وسام،،،
امي:اهلا وسهلا بيكم اتشرفنة بيكم،،
ام زيد:اي عيني احنة جاييكم بطلب
وان شاءالله متردونة،،والله ابني حمد
ابنتج سارة واخلاقهة يكول سنة كاملة
مشفت شي عليهة وبلغ الحجي ابوه
وسئلنة عليكم ومسمعنة غير كل الطيب
والنعم منكم ومن تربيتكم واجيت اليوم
ابلغكم ووان شاءالله شتأمرون احنة
حاضرين،،،وهذا رقمي شوكت متحبين
رجعيلي جواب براحتكم
امي:والله الشور يرجع لابوهة ان شاءالله
ابلغه ويصير خير الي كاتبه الله يصير
تفضلوا عيني،،،،
كعدوا شوية وراحوا،،،طبيت للبيت اباوع
ع سارة شلون نايمة دمعت عيوني،،،
ابوية:هااااا لازم الموضع يخص سارة،،،
امي:اي وكعدت وحجيتله كلشي،،
ابوية:يصير خير نسأل ع الولد واهله
ونشوف رأي سارة،،،،
سارة:كعدت من النوم لميت الفراش ورحت
للمطبخ امي تحضر عشة ورسل يمهة
هلووووو لعد بابا وين،،،
رسل:وهلاااا بالعروس،،،
سارة:دولي لج ماما جوعانة،،مشفت غير
اني جتي حضنتني وتبجي،،،
سارة:خير ماما شكو ابوية وين،،
رسل:ثول فال الله ولا فالج،،راح يجيب
صمون،،لج غير جوج خطابة،،،
سارة:ضحكت عبالي تنصب،،امي هزت
راسهة بضحكة،،،
امي:ملعونة طابختهة ومتكوليلي،،،
سارة:طبعا احنة علاقتنة بأمي كلش حلوة
علاقة صداقة ومنضم عليهة شي وهي دائما
تنصحنة،،شنوووو يوم والله مفتهمت،،
رسل:ابو الخط مالج سيد زيد دز امه عيني
وجتي اليوم العصر وحضرتج جنتي نايمة
اخخخ لوما اختي جان جبتهة تشوفج وانتي
نايمة جان طلعت عايطة،،،،
امي:انجبي لج ليش شبيهة الف من يتمناها
سارة:ظليت اليوم كله بس ابتسم وبعدين
امي كالت ابوية سائلهة يريد يعرف اذا
عندي شي وياه او اي نوع من انواع التواصل
ورخلفت لامي ورحت حجيت وياه وقسمتله
خطية حسيته فرح وكيف،،،،
سارة:لاتخاف مو بنتك الي تنزل هالشيبات
بهيج سوالف،،،
ابوية:الله يحميكم ويسعدكم،بس هاااا
بنيتي اني راح اسأل عنهم واذا....
سارة:قاطعتهة،،حضنتهة بابا حبيبي الي
انت تقرره اني راضية بيه ميهمني شي
بالكون غير رضاك انت وامي،،،وطرت
للغرفة حجيت وية البنات وفرحوا وخطية
عرفت شغلة سمرة بس نصحناها ان صدك
حجي اهلهم ولازم يصبرون وحور
حجتلنة شنو سوت وهم حجينة عليهة
بابا واجهي احسن متعيشين متندمة ع ال
لووووو،،ورفضت تسمعنة بس سمرة
ثاني خابرتني بدون علم حور و وصتني
ان ما احجي شي قررت هي توصل ضرغام
لحور بدون علمهة،،،،
ورة اسبوع امي خابرت ام زيد وبلغتهة
بالموافقة،،لليل خابرت ام زيد ع امي
جنة هستونة ناصبين العشة وبلغتهة هالخميس
تصير مشية الزلم،،،
اني احس دغدغة ابمعدتي ابوية وامي باركولي
ورسل هم واني طرت صدك كبر بعيني
كل هاي المدة مخلف بوعده ولا ضايقني
حتى بمسج اذكر حجايته،،انتظرج تصيرين
حلالي واشبع بيج،،،،اووووف يازيد
سمرة:بابا بداعتي احجي وية امي
سمية وسحر جايات لبيت عمي خل اروح
عفاف:اي خوش حتى تشبعين سوالف موو
كمال:عيب شنو هالحجي،،روح حضري
نفسج اوصلج،،،
سمرة:يوم يعني انتي ماعندج ثقة بية
اشايفتني وللعلم لليوم سجاد ممتعرضلي
بأي طريقة دائما اسمع منه كلمة انتي
عرضي لو اموت ما امسج بحجاية ودائما
يكول من تصيرين حلالي ،،،
كمال:سمرة كافي بلا حجي زايد وروحي
تحضري،،،
سمرة:لا يابة هاي هي بطلت ما اروح،،
كمال:بعصبية لج شنو جاهل كدامج مو ادكول
روحي يعني قابل ادزج لبيت اخوية واني
ما امأمن بولده امشي كدامي بسرعة
سمرة:بدلت و وصلني ابوية وكعد شوية
وراح جنت ناوية احجي لحوراء اول شي
حوراء عندي موضوع مهم وياج بس متحجين
لاي بشر،،حجيتلهة عن حور وتخبلت
وظلت تتوسل تحجي وياها،،،
لج لا يولي مو هيج راح تعرف اني
اريد احجي لضرغام،،،
حوراء:وهي ليش متقبل يعني
سمرة:تخاف من المشاكل تكول مكافي الي
صار بسببي،،،،
حوراء:اي وشلون ناوية توصلين الخبر
لضرغام،،،
سمرة:هو موجود موووو،،،
حوراء:اي،،،شناوية،،،
سمرة:باعي انتي راقبيه من يريد ينزل
افتح سبيكر واحجي وياها عود ما ادري
بيه واجرجرهة بالحجي انتي شغلج بس
تراقبيه شوكت ينزل،،،،
حوراء:ماشي،،،
ضرغام:كعدت العصرية جوعان سبحت
ونزلت سمعت صوت سمرة بالمطبخ،،،
سمرة:خابرت حور وفتحت سبيكر وجنت
داسوي كيكة،،،الوووو هلووو حور شلونج
ضرغام:سمعت اسم حور كلبي لزمني
وظليت واكف متقصد اسمع هالبنية،،،
حور:هلوووو ولج خبلة مشتاقتلج،،شعجب
اشوو سارة ماكو ع الخط،،،
سمرة:عيني سروش مو بحالنة بعد،،
خطية دتجهز للمهر مالتهة،،،
حور:اهاااا الله يتممهة ع خير وردة تستاهل
والله زيد طلع خوش ولد،،،
سمرة:اي والله،،واكفة ناطية ظهري
للباب ادري ضرغام موجود بس سويت نفسي
ما ادري،،،اي حبي انتي شخبارج
حور:تمام ماشي الحال،،احجيلي شدسوين
شنو صوت هالطركعة اليمج،،،،
سمرة:ولج اني ابيت عمي وداسوي كيكة
حور:اي اشتغلي من كلب ورب بيت
عيالج لج سوي كيكة بيهه حظ حتى عمتج
ترضى عليج،،،،
سمرة:تشجعت وكتلهة عوفج مني لحد
هسة مصرة ان ميعرف،،،
حور:اتركي الموضوع سمرة مدام راح
يزوج خليه يتهنى ان شاءالله،،،
سمرة:بتي شبيج ميحبهة والله،،،
حور:يلة خل اروح بعدين اخابرج،،واضحك
مسوية نفسي طبيعية،،ديربالج تحركين الكيكة،،
سمرة:نسيت نفسي وتعصبت،،لج انتي راح
تظلين ثولة اكلج ميحبهة بعده يحبج
ويذكرج وراح تضيعيه من ايدج،،نسيت
نفسي من حجيت ونسيت ضرغام وراية
مجنت ناوية احجي هيج،،سمعت صوت
خشن وبعصبية،،،،
ضرغام:ظليت استمع للمكالمة وشي بداخلي
يكلي لاتروح اسمع للاخير،،،مو شرط
هي الف وحدة بنفس اسمهة بس الي
خربط احوالي من كالت سمرة،بعده يحبج
وراح يزوج غصب،،اهنا تخبلت معقولة
هي،،،،بدون وعي حجيت،،،،
حووووور لج كل هالسنين محترك عليج
ومكلفتي نفسج بسؤال،،،
حور:سمعت صوته انرعبت وكبل سديت
الخط،،،يربي شلون عرفني معقولة سمرة
لامتسويهة حلفتلي متسويهة خابرت سارة
واصريت عليهة وحجتلي ورزلتهة وزعلت منهة
ضرغام:بعصبية سمرة هاي حور سمرة
احجيلي كلشي،،،
سمرة:خفت منه وكلت ياريت محجيت
وحجيتله بالتفصيل الي صار وعاتبني ليش
مكتله قبل ليخطب واتندمت كلش يعني
موقفي اجة متأخر مفكرت بهاي هسة
راح يتأذون اكثر،،،،وطلب رقمهة مني
ونطيته اله،،،
ضرغام:طلع مثل المخبل رحت بوجهي
للشط طالعة روحي حتى لجي بجيت
لشوكت هالدنيا تظل تلطش بيه،،يمتى
ارتاح يمتى هذا يعيش وظليت اضرب ع صدري
مخنوك كلش،،ربي رحمتك ضاكت بية دنيتي
ربي مالي معين غيرك حلم عمري الي
جنت انتظرهة تمرلي بحلم واطيب
جروحي خلت بيه والي جنت عايشة ع اثر
وعدهة وكلماتهة الي خانت بية ربي
ليش خلت بية ليش تعبت والله تعبت صحت
بصوت يرعد حسوا بية ياناس متت
كعدت ع اركبي بالكوة اجر النفس،،،،
لج كتلج انتي عافيتي و النفس الي يصعد
وينزل و وعدتج انتظرت عمر مو سنين
وانتي شسويتي وكفتي تتفرجين علية
شلون انتهي لج مو كالتلج يحبج ومنساج
ولج ليش اووووووووف يا حورية كلبي
ربي اخذ امانتك تعبت ياربي ماعاد الي
صبر،،،،،
مثل طير الحمام وجنحي مكسور
غريب وحطمت حالي اليالي
ظليت انتظر محد رحم بالحال
تعال وشوف حالي شلون حالي
انزف من مشيت وجرحي ماطاب
وغيرك ابد لا ما عندي غالي
طحت بالكعاع واني الجنت ليفوك
نصيت وبعد لا ما ارد عالي
دم سهم الهجر ماينكطع يوم
ومن النوح ابد ما يوم خالي
اعاين عالدرب اسأل الرايح و جاي
ولا واحد سمع مني سؤالي
خايف لا تجيني ساعة الليل
ثكيل الليل من غير الغوالي،،،،،
يتبببببببببببببببببببببع
انتظروني في البارت الاخير شنووو راح
تكون نهاية ضرغام هل ينتهي العذاب،،،،،