رواية السجينة الفصل الخامس عشر 15 - بقلم شـــروق الــسامــرائي

#السجينة💔💔💔
الجزء السادس عشر....
أطهر أنواع ألحب ،،
أن تحب شخص وأنت تعلم انهُ لن يكون ملكك
ولامن نصيبك ولكن تبقى تحبهُ وتحب أن ترآه سعيداً فقط لانك احببته....
حور:مرت الايام وصرت اتعمد اسأل سمرة
عن اهلهة عسى ولعل تحجيلي شي عن
ضرغامي،صدك هيج يسويهة الحظ
والتقي بيه،،،
سمرة:مرت شهرين ع الدوام وشفت
ابوية انهد حيله كل جم يوم مسافر للبصرة
وعلاقتي تحسنت بسجاد فرق هواية
عن قبل لكن ثنينة ساكتين محد اتجرأ يبوح
بمشاعره للثاني وبين فترة والثانية
يجي علمودي لبغداد حتى يشوفني
والبنات يظلون ينصبون علية،،
،الا ان بيوم اجاني للجامعة وشكله ضايج
خير سجاد شبيك مو ع بعضك،،صاير شي
سجاد:سمرة راح احجي وياج من الاخير
انتي صدك مرايدتني واصلا رافضة الزواج
مني،،،
سمرة:ظليت صافنة،هذا شبيه جاي شايط،،
ااا سجاد شجاب طاري هالموضوع???
سجاد:رحمة لوالديج اني مو لعبة بيدج
ساعة تضحكين بوجهي واحسج رايدتني
ومرة احسج نافرة مني،،بس فهميني
مشاعرج اتجاهي شنووو اخ،صديق،ابن
عم وبس فهميني ترى تعبت واني
انتظرج فخصميهة وياية وخل نذبحهة ع
قبلة ونفضهة،،،
سمرة:ع كيفك اكلتني وشربتني،كتلك اني
ممفكرة بالزواج....رأسا تعصب وقاطعني
سجاد:هاي هي يابت عمي وصلت الفكرة،،،
سمرة:تعال اكعد افعمك شبيك كبيت،،،
سجاد:عوفيني رحمة لاهلج لاتفهميني
ولا افهمج هاي حصلت جوابج وخلص
وبعد لاراح اجيج ولاتشوفيني يلة في
امان الله،،عفتهة وطلعت روحي مورثة
ظليت افتر ردت اهدأ شوية يلة ارجع
للبيت بس تشوفني جدتي يشتغل الاستجواب
سمرة:ورة مراح سجاد رجعت يم البنات
وكاموا يحجون علية،،،،
حور:اكو وحدة تسوي سوايتج هو اني
من كلتي هيج معناها رافضته،،،
سمرة:لا مو منطاني مجال اكمل،،،
سارة:بلة هاي شحجي وياها لج بابا شغلي
مخج شوية هو جان ينتظر منج جواب نهائي
واعتبره هذا ردج الاخير بس شكول ع
هذا واضربهة خفيف ع راسهة حجارة
هنا مو دماغ،،،،
حور:يلة بلكت يهدأ وترجع المي لمجاريها،،،
سمرة:مرت الايام وسجاد انقطع للاخير
حتى التواصل بالتليفون قطعه ظليت حايرة
شسوي كلت خل اراسله بلكت يفش شوية
راسلته،،هلوووو سجاد شلونك،،،وظليت
انتظر هسة يرد،،هسة يرد وماكو ورة ساعة
شفته متصل يعني قرة الرسالة،وراها بدقايق
شفت اخر ظهور قبل 5دقائق يعني شاف
الرسالة ومرد كلش ضجت شنو معناها
وضجت اكثر لان قللت من قيمتي،،،
لليل جنت كاعدة بالهول اقرة امي وابوية
نايمين اجاني اشعار مسج ع الفايبر
فتحته من سجاد،،،،
سجاد:هلو بيج عذريني جنت مشغول ومكدرت
ارد،،،
سمرة:ظليت صافنة اجاوبه لو هم اسوي
مثله والبسه،،بعدين كلت لا عيب يجوز
صدك جان مشغول،،،رديت
شلونك اخبارك،اشو ماكو منقطع،،
سجاد:صافن ع كلماتهة،،هاااا ياسمرة
جنج رايدة تحجيني حجيت بداخلي،،،رديت
الحمدلله،هاي ملتهي بالشغل،انتي اخبارج
شلونج بالدراسة،،،
سمرة:ماشي الحال تمام،،مكضيتهة وية
البنات،،
سجاد:حبيت استفزهة،،اي صدك شلونهم
والله مشتاق لكعدتهم سوالفهم حلوة
متنمل،،،سلميلي عليهم هواية
سمرة:قريت المسج شطت شو هذا ماخذ
راحته،،رديت،،وانت شوكت كاعد وياهن
بلة حتى هيج حبيت كعدتهن،،عزة هاي
اني شداكتب دامسح دست ارسال،،،
لاااا خرب ضربت كصتي خرب يومج
سمرة هسة شيكول عليج،،،،
سجاد:قريت ردهة متت ضحك دزيت،،،
دأشم ريحة شعواط،،،
سمرة:شنووووو ليش يابة،،،
سجاد:شمدريني انتي كولي،،،
سمرة:شكوول???
سجاد:ضجت وطفرت روحي،،دزيت
هيج ماكو شي،،يلة يابت عمي اخذي
راحتج وتصبحين ع خير وطفيت النت وانخمدت
سمرة:ياااا هذا شبيه ميتحجة صاير
شفته غير متصل،،كلش ضجت ادري
كلما تجين تكحليهة تعميهة،،هففففف شلت
غراضي وصعدت لغرفتي تمددت بفراشي
ونمت،،ثاني يوم نفس الروتين اجاني
الخط سلمت وكعدت يم الثنائي مالي،،،
سارة:ياستار ياربي شكوو كالبة الخلقة
من الصبح،،،
حور:يااا شبيج راح تبجين،،،
سمرة:مو هسة من نوصل نحجي براحتنة،،
حوء&سارة:ماشي،،،
سمرة:وصلنة للجامعة المحاضرة الاولى
انضربت ماكو الاستاذ رحنة للكافتريا
كعدنة وسولفت للبنات الي صار البارحة،،،
حور:والله انتي وحدة عوبة وهاي كله
بسبب هالموضوع،ترى متسوة،،،
سمرة:حور بلة انتي طبكي ع صفحة انتي
لو تقوم القيامة هم تكولين مبالغة ومتسوة،،
سارة:دغيت سمرة،،جنج زوديتهة،،،
حور:لا عادي،سارة،،
سمرة:اووووف،،حبي لاتزعلين مني الله
عليج والله موقصدي،،،
حور:لا والله عادي،،النوب العوبة كامت تعوي
لج بابا والله عادي،،وبالمناسبة حجيج صحيح
يمكن من كثر ما شفت بحياتي كمت احس
كلشي يصير بالدنيا ميسوة نتأثر بيه،،
سمرة:وانتي اشايفة بلة اشووو كلشي
محاجية النة،،،ظلينة اني وسارة صافنين
عليهة وهي انرسمت ع ملامحهة الحزن،،
سارة:يلة اليوم يوم الصراحة العالمي احجي
حور:بس ما اريد الي احجي يخليني اخسركم،،
سارة:حبيبي احنة بالهوى سوة،،احجي
حتى اني هم احجيلكم قصتي بما انه يوم
الصراحة،،،،
حور:بديت احجيلهم قصتي من اول موعيت
ع الدنيا لحد هاللحظة بحيث صار وقت المحاضرة
الثانية وقررنة انكنسل المحاضرات اليوم
ونسمع هموم بعض،،،،
سمرة وسارة كلش اتأثروا وبجوا وياية
وظلوا يواسوني،،،
سمرة:ظلت حور تحجي قصتهة وراها ظليت
صافنة تشبه قصة البنية الي جانت يم
عمي الله يرحمه وحتى هي حجت،،،
حور حبي شسمه الرجال الي اخذج،،،
حور:من شدة غبائي نسيت هي تقربلهم
بس شفت صدمة بعيون سمرة،،،
سمرة:يعني انتي البنية الي التقيت بيج قبل
كم سنة،،،
حور:وعيت ع الي حجيته وظليت صافنة،،
سويت نفسي عود متفاجئة واول مرة ادري
بيهة قريبتهم،،،
سارة:ممكن تحجولي شديصير راح اطلعون
خوات وما ادري،،،
سمرة:ضحكت خرب ببليسج سارة لا يولي،،
وحجيتلهة بدوري الي صار يم عمي الله يرحمه
وسئلتني حور ع الاهل وحجيتلهة الي
صار كله بالتفصيل هي كامت تبجي كلش
وتأثرت خصوصا من عرفت بموضوع ابن
عمي ضرغام،بس الي جنت غافلة عنه سبب
بجيهة كل ظني ان لان ساعدوهة جنت
غافلة بذاك الوقت ان سبب بجيهة ع شي
ثاني،،،،،،
اخذنة ريست شوية ظلينة ساكتين،،،
تدرون بنات اليوم يوم عجيب ،،،اي سارة
هسة دورج،،،
سارة:اني قصتي قصة بسبب غبائي،،،
شوفوا اني جنت احب ابن خالتي من اني
وصغيرة بس هو ابد مجان حاس بية هو اكبر
مني ب8سنوات جنت بذاك الوقت عمري11
سنة ورة سنة اتغيرت كل اطباعه وياية
يهتم بية يسأل علية يهتم بأدق تفاصيلي
وحياتي واني لشدة فطاريتي تعلقت بيه
اكثر وصار يتصل بية ويجيبلي هدايا
وصار يتحكم بلبسي ويامن اطب واطلع
يعني وهمني ان احنة بعلاقة،،،
صرت صف ثالث متوسط وانصدمت صدمة
عمري طبعا احنة حالنة ع كدنة يعني
الحمدلله مكفين يومنة بس بقية خالاتي
وخوالي لا حالتهم كلش زينة بس جنت
دائما احس خالاتي يستغلن طيبة امي
وحبهة الهم جانوا بأي مناسبة عدهم او
عزيمة يدزون ع امي تساعدهم بالتنظيف
والتحضير وامي جانت تاخذني غصب
لان تتعب وحدهة والي يقهر اكثر
من نشتغل محد يوصل للمطبخ كأنما
عاملات عدهم مو اختهم وبنتهة،،المهم
والي صار ان مرة جنة اني وامي يم خالتي
الي احب ابنهة طبعا هو اسمه ياسر
جانت عدهة عزيمة صاحب رجلهة هو وعائلته
جايين من الخارج،،فجنت اشتغل وامي سئلت
ع ياسر الي بوكته جانت متخرج من الجامعة
وهو جان يدرس طبية وبعد التخرج
رأسا ابوه عينه بالمستشفى الي يداوم بيه
ذولة بيت خالتي واصلين بالدراسة حتى
رجل خالتي دكتور وجراح وبناته ثنينهم
صيدلة،،،المهم،،،،امي سئلت خالتي،،،
ان شعجب لسه ممفكر يتزوج،،،
خالتي ردت:لا حبي ان شاءالله عن قريب
تسمعين اخبار حلوة يوم لبناتج،،،
اني بوكتهة ضحكت كل ظني اني المقصودة
بس الي صار،،،،،،،،،
خلونة نرجع بالسنين للخلف ونشوف قصة
سارة......
................... ........ ..................
مرحبا....
اعرفكم بنفسي اسمي سارة عمري 18سنة
بيضة عوني رصاصي طولي وسط رشيقة
محجبة حالي حال اي بنية احب اعتني
بنفسي ومظهري لكن بأحترام مو بأستهتار
عايشة وية امي وابوية الله يحفظهم
عندي خوات ثنين وحدة مزوجة الجبيرة واني
وحدة اصغر مني ماعدنة اخ،طبعا ابوية
الله يحفظه ميقبل ع المكياج وهاي السوالف
مجرد كحلة ومسكارا ومرطب حتى مو حمرة
حتى صبغ الاظافر ميقبل ع الالوان الصارخة
كله فاتحة وباهت واحنة تعلمنة ع طبعه
ومن كمت اطلع واشوف البنات واستهتارهم
باللبس احمد الله ان نطاني اب مثل ابوية
محافظ علينة،،،،،،
حاليا طالبة جامعية ادرس هندسة،،
حالتنة الحمدلله ميسورة الحال ابوية موظف
بوزراة التجارة امي ربة بيت احنة 3بنات
ماعندي اخ واني الوسطانية اختي الجبيرة
عمرهة28سنة حاليا متزوجة وعدهة3جهال
ولد2وبنية واني وبعدي رسل عمرهة
13سنة طالبة صف ثاني متوسط،،،ابوية
ازوج امي زواج تقليدي بس بمرور الزمن
حبوا بعض بشكل مو طبيعي،،،،
قصتي بدت من جان عمري11سنة وعرفتوا
جزء بسيط من قصتي وية ابن خالتي ياسر،،
نرجع لذاك اليوم بالتحديد يوم العزيمة ابيت
خالتي،،،،،،
طبعا جنت فرحانة ان واخيرا راح ننجمع
اني وياسر بس جنت خايفة وشايلة هم
شلون راح اكدر اتعايش وية اهلة خواته،امه،
حتى ابوه يدورون مناصب وبرستيج وجانوا
دائما ينتقدون امي شلون نلبس وشلون
ناكل ع كولتهم،،خلي بناتج يكون عدهم برستيج
خاص،،،،ههههههه امهات البرستيج،،،،المهم
امي:اي بيهة الخير ام ياسر،ومنية سعيدة
الحظ اعرفهة،،،،
خالتي:ضحكت،طبعا تعرفيهة وكاعدة وياها،،
سارة:متت بدمي من الفرحة والضحكة
تارسة وجهي،،،
خالتي:سما بنت عمه،،هم حلوة وهم نفس
مستواه وطالبة صيدلة مرحلة اخيرة،،،،
واصلا قارين فاتحتهم قبل اسبوعين وان شاءالله
العقد اسبوع الجاي،،هااا وانتي اكيد موجودة
تعرفين ما استغنى عنج بهيج اوقات،،،
امي:هاااا اي ان شاءالله،،
سارة:جاني الخبر مثل الصاعقة،،شنو سما
شنو مستواه واني،،وقاري فاتحته،،بدون
وعي وكعت الماعون من ايدي واطشر
بالكاع امي شهكت واندارت عليه شافتني
متحنطة ودموعي شلال،،،،
امي:يمة سارة حبيبتي شبيج،،،
خالتي:يااا هاي شبيهة بتج،،يلة فدوة الج
الماعون،،
سارة:رفعت عيني عليهة بحقد،،،
امي:سارة يمة كومي اوديج للبيت،،
سارة:بعدني واكفة وبالكوة مسيطرة ع نفسي
دخل ياسر من باب المطبخ هو وسما
وكايدهة من ايدهة،،هنا قضوا ع اخر
ذرة صبر عندي هو شافني مثل الي
ارتبك وكعت بعد محسيت بشي،غير اني
امددة بالهول ع القنفة وجهاز الضغط بأيدي
وامي تبجي،،،همست ليش تبجين مابية
شي حبيبتي،،،
ياسر:شبيج سارة شتحسين??
سارة:اتجاهلته ولاكأن اكو بشر ديحاجيني
يلة ماما خل نروح للبيت،،
امي:اندارت منحرجة من خالتي،،دقيقة يمة
بقى بس....
سارة:تهسترت،،ماما امشي ماشاءالله
البيت مليان بنات يكدرون يدبرون نفسهم،،،
رجع ياسر يحاجيني،،،
ياسر:لزمتهة من ايدهة سارة اهدي شبيج
اكو واحد يحجي هيج وية امه،،،
سارة:تنرفزت منهم واختنكت،،باوعت لايده
نفضتهة وانت شكو اني وامي،،،
ياسر:سارة شبيج???
سما:حبيبي عوفهة،وتباوعلي بأستصغار،،،
سارة:تمنيت اذبحهم كلهم،،الكل واكف متفاجأ
من تصرفي حتى امي الف سؤال بعينهة،،
يلة ماما فضيني عاد جريت امي من ايدهة
وطلعنة للطرمة وامي تمشي وراية
والدموع بعينهة يمكن حست بكلب
بتهة،،،،
امي:يمة بس اوكفي لحظة،،،
سارة:وكفت بعصبية،،شنووو امي شنوووو
تريدين ترجعين تخدمين ماما لو اختج
محترمتج ومعبرتج جان بكل صغيرة
وجبيرة تشاركج مو بس وكت الخدمة ادز
عليج تكربين افهمي عاد مو موتينة،،يعني
ابنهة خطب وقرت فاتحة خطوبته ومفكرت
تبشرج بتليفون ولوما سائلة جان مكلتلج
غير وكت العقد علمود الشغل وكالتهة بوجهج
مكالتلج انتي اختي واريدج وياية لا،،
تكولج تعرفين عني ما استغنى عنج
بهيج مناسبات،،اصحي لخاطر محمد ،،،
محسيت غير امي ضربتني راشدي وكدامهم
كلهم جانوا واكفين بالطرمة الي يباوع مندهش
والي يتشمت،اني متحملت درت وجهي
عن امي ومشيت والي ذبحني امي اندارت
تتعذر من خالتي والكل،،،،
خالتي:لاحبي عادي طيش مراهقة،،،
رجعنة للبيت ودموعي ع جرة وحدة اول
مطبيت حبست نفسي بالغرفة وبلش صياح امي
وظلت ادك بالباب كمت فتحتهة،،،
دخلت امي ظلت ساكتة وتباوع علية جتي يمي
كامت تبجي،،،،
ولج ليش هيج خليتيني امد ايدي عليج كدامهم
هاااا احجي ليش،،اني هيج ربيتج،،،
سارة:انداريت وكلي دموع ماما ديستغلوج
حاسبيج خدامة مو اخت ليش كلهن يجمعن
وانتي وحدج بالمطبخ فهميني ليش،،
وليش مافديوم وحدة فكرت تزورج هااااا
جاوبيني ماما ترى انذلينة احنة وحتى
ابوية بسببج كافي الله يخليج كافي،،،
امي:ماما بنيتي اني اساعدهم لان خواتي
وكلش احبهم ولهذا السبب ارفض اي
مساعدة من عدهم لان مااريدهم يحسون
اني عاملة عدهم،،،،
سارة:مسمعنة غير صوت ابوية فوكانة
ومتخبل من الي صار من جاي للبيت
سامع صياح امي اباب الغرفة واختي الجبيرة
حجتله الي صار لان حتى هي جانت
رافضة اسلوب امي وتصرفاتهة،،واصلا ابد
متخلتط بيهم وشكد امي تتوسل بس هي
ترفض،،،،
ابوية:شنووو هذا الي سمعته،،وتخبل
ظل يصيح ويعيط،،بناتي كاسر ظهري عليهن
اربيهن واعلمهن تاليتج تشغليهن خدامات
عدج خواتج وظل يسب ويلعن وحرم ع امي
تروح تشتغل ابيت احد عسما ديموتون
ابوية:وحق الحق اذا سمعت خادمة احد
وجلاله لله اطلكج مواني الي اذل بناتي واسمي
تالي عمري وعافنة وطلع وامي ظلت
تعاتب بينة شلون هيج سوينة ومرت الايام
وامي وابوية ميتحاجون ابوية عزيز نفس
والي سوته امي مينسكت علية وحتى
لو خواتهة كلشي اله حدود،،،،
خلص الاسبوع واجة يوم العقد مال ياسر
وسما وخالتي خابرت امي حتى تساعدهة
او بالاحرى تخدمهة وامي رادت تروح
وكالت اني اقنع ابوكم عاد اختي حلفت
يمين اذا طلعت امي تخابر ابوية عاد امي
كعدت وظلت تغلط علينة وتحجي واحنة كاعدين
كبالهة ردت خابرت خالتي وامي حجتلهة
الي صار عاد خالتي ظلت تحجي حجي
زايد،،وكامت تعير امي بأبوية وع الفكر
كاتله وهمزين مني تجين واشيلج والا
انتو الفاكهة حسرة واللحم حسرة امي
تخبلت ظلت بس دموعهة تنزل،،،
هاي هي يابنت ابوية وامي رحمة الله
والديج مع السلامة،،،،
سدته وظلت خطية منهارة تبجي وممصدكة
اختي الجبيرة،،هاااا ماما شفتي
حقيقتهم،،،
سارة:كافي مو وكته هسة هذا الحجي
شوفوهة شلون تعبانة،،،اجة ابوية وشاف
وضعهة متحمل راح لبيت خالتي ومتعارك
وياهم رجع اخذ امي وطبوا لغرفتهم
لليل مطلعوا ظل بالي ابوية جان شكله
عصبي ومنا امي،،،،صارت ساعة8:15
اندكت الباب،طلعت،،،
سارة:منوووووو،،
ياسر:اني سارة ياسر،،،
سارة:من ورة الباب كتله خييييير لازم
جبتلنة فضالة مهرك،،،
ياسر:عيب شهالحجي افتحي الباب مناك
الجيران اريد احجي وية عمي،،،،
سارة:ضحكت بأستهزاء،فتحت الباب،،خيررر
ياسر:قبل لا احجي وية ابوج ممكن اعرف شبيج
سارة:سلامتك ماكو،،شي،،
ياسر:امممم شوفي ترى ابوية جبرني لان
مقبل اخذ غيرهة،،،
سارة:قاطعته،،هاااا بس تلعب بعقل وكلب
بت خالتك عادي،،لك يول اني عرضك شلون سمحت
لنفسك،،،
ياسر:ترى اني موعدتج بشي ماشي
ظليت مرتبك ما اعرف شلون ابرر،،وبعدين
انتي فسرتي تصرفاتي غير شي،،،
سارة:اي وهسة شرايد بالعافية عليك
الصيدلانية سما واستهزأ بيه،،،
ياسر:اووووو يعني شتريدين،،ابوية خيريني
بين عيشتي حاليا وعيشتي اذا ارتبطت بيج
يسحب السيارة ويطردني من شغلي
ووو....
سارة:ضحكت بحزن بالاول صير رجال
و واجهني بالحقيقة كل شوية مطلع عذر
لك بابا انت شنوووو وناطي اهمية لنفسك
ترى اني عادي ماعندي اشكال بس عزت
علية نفسي واهلي وانتو تحسسونة ان
احنة ادنى بكلشي،،،،بهالاثناء طلع ابوية
وصاح،،،بنتي شعندج هنا،،،،
سارة:ماكو شي حبيبي هذا ياسر
يكول اريد ابوج،،،،
ياسر:عمي....
قاطعه ابوية:احنة صح مو اغنياء بس
عدنة اصول فوت ابني جوة والي تريده
احجي،،،،
دخلنة جوة وظل ياسر يتعذر نيابة عن اهله
وشرح لاهلي ان هو مجبر ع الي صار
لان اهله قاسين بهيج مواضيع،،،،
ابني اني وعائلتي مالنة دخل بيكم هذا
بيتنة مفتوح دوم ياهلا الي يشرف بس
بأدب وميسئ لاي طرف من عائلتي وشغلة
ثانية خالتك اكبر خواتهة المفروض هنة
الي يجن مو هي تروح وتخدم بس طيبة
كلبهة ومشت بوصية امهة وابوهة للاسف
امك وخالاتك داسن عليهة،،،،
وبالنسبة الي وهاي كدامهة ممنوع منعا
باتا لاهي ولا بناتي يعتبون باب واحد منكم
ياسر:هاي هي عمي واني اعتذر مرة
ثانية،يلة مع السلامة،،،،
سارة:وهاي جانت اخر مرة نلتقي بواحد
من اهل امي مرت الايام والاشهر والحمدلله
البيت هدأ وانست السالفة ومرة جنت راجعة
من المدرسة شفت ياسر وسما بالطريق
راد يجي يسلم بس مدري شحجت سما
وياه واندار كمل طريقه شكد كرهته
وكرهت روحي بأن حبيته بيوم من الايام
ومن ذيج اللحظة عاهدت نفسي ما انزل
نفسي ولا راس ابوية بهيج تفاهات
واخلي الدراسة هدفي الوحيد الى ان صرت
بالاعدادية اختي الجبيرة انخطبت لابن صديق
والدي جان خوش ولد وكلش يحبهة مطولوا
بالخطوبة الولد جانت حالته زينة وعنده
بيت وحده ومستقر بيه كلشي مناقصة
غير المرة وشاف اختي مرة وانعجب بيهة
وخطبهة والحمدلله ازوجوا ومرتاحة وياه
صح الحياة متخلوا من المشاكل بس الحمدلله
معديهة سوة،،،واني التهيت بدراستي خصوصا
من وصلت سادس شديت حيلي وطلعت معدل
عالي وانقبلت هندسة بجامعة بغداد
وتعرفت ع بنات ثنين حبابات ومؤدبات
مثل طبعي واخلاقي وصرنة صديقات
كلش،،ولليوم شكد حاولوا وياية بس ابد
منطيت لاي ولد فرصة حتى علاقة زمالة
ماعندي بأي ولد،،،،
وعاشوا عيشة سعيدة هاي قصتي،،،
سمرة:خرب بيكم شكد بجيتوني اليوم
طلعت بس اني المتعافية بيكم،،،،
حور:اي الحمدلله يمعودة،،،ضحكنة وقررنة
نطلع نتمشى شوية ونتغدة برة تونسنة
بيومهة ورة مخلصنة الفرة توجهنة للخط
شفنة زيد موجود بس وحده واكف يم السيارة
ردنة نرجع صاح علينة،،،،
جانت الدنيا باردة شهر ال1،،،،
زيد:تعالوا بنات صعدوا اذا اتحبون اشغللكم
تدفئة،،،اخذوا راحتكم اني هنا قريب
اذا احتاجيتوا شي،،،،
مرحبا اني زيد عمري23سنة هندسة نفط
مرحلة اخيرة اكيد تسألون ع عمري سنة
عدت السادس وسنة عدت مرحلة رابعة
شكلي عادي اسمر طويل العب حديد احب
اعتني بجسمي ما احب سوالف تسريحات
وشعر طويل عصبي وهذا الصفة كلش
اكرهة بروحي،،عندي محل كماليات وكوزمتك
نسائي جملة ومفرد شراكة اني وابن عمي
سامر بالنهار هو يكعد بية لحد العصر
وباقي اليوم اني لحد ال11باليل وعندي
سيارة ستاركس اخذ بيه خط طلاب وياية
عندي علاقات بنات وكذا بس ممطوخهة
كلش اخاف ع روحي وسمعتي ما احب
اتورط بهيح شغلات بس من داخل الكلية
خير من الله،،المهم بداية السنة اخذت 3بنات
و ولد جدد بالخط مرحلة اولى والباقي
لا اعرفهم وياية من زمان،،،،المهم
ورة مدة من الدوام كلش جذبني ذني ال3
بنات حور وسارة وسمرة مؤدبات ومبينين
ثلاثي مرح ميحجون وية احد ولا يختلطون
حتى بالخط حلوات ومرحات لبسهم وبساطتهم كلش حلوة
رغم بساطتهم بس انيقات بشكل والصراحة
بجامعتنة قلة قليلة هيج نماذج،،،،
صرت اتعمد اراقبهم عفويتهم تجذب
لكن عيوني انجذبت لوحدة اكثر من الباقيات
سارة بس وين يمكن لو اوذن يمهة مديرلي
بال بس صارت هاجس بالنسبة الي
يومية اظل اراقبهة وين متروح وشي
اكيد هي ولا يمهة اصلا مشايفتني
وهذا الشي جذبني اكثر عمري مراكض ورة
بنية جانن هنة يصيرن كدامي ويعرضن نفسهن
بحجة خط او محاضرة خصوصا بعد النقمة
الي اجانة والي هو النت شفت بيهة
هواية اشياء حلوة وهاي صار مدة
اراقبهة بنت اوادم وصاينة شيبات الي
رباها دخلت كلبي وعقلي واستحوذت
علية كلي قررت اشوف رأيهة وابلغ
اهلي بقراري،،،،وظليت محتار
شلون احجي وياها،وبيوم جنت مخلص
محاضرات ومنتظر الخط جنت فاتح السيارة
وكاعد شفتهة اجتي هي وحور وسمرة
من بعيد من شافوني وحدي رادوا يرجعون
صحتهم وكعدوا بالسيارة شغلت التدفئة
و وكفت بعيد شوية عن السيارة
وتجرأت احاجيهة،،،،
زيد:سارة ممكن دقيقة من وقتج،،،
سارة:تفضل احجي،،،
زيد:ممكن وحدج،،،
سارة:بكل ثقة طبعا ممكن احجي العندك
كدام البنات اول وتالي ما اضم عليهم شي ،،
زيد:فركت لحيتي،،ماشي،،شوفي
يابنت الناس واسمعي للاخير،،اني اسمي
زيد عمري23سنة راسب سنتين مرة
بالسادس ومرة العام وعندي 3خوات مزوجات
واخوة ثنين اكبر مني هم مزوجين وعايشين
كلمن ابيته وادرس هندسة نفط مرحلة اخيرة
وعندي محل كماليات وكوزمتك نسائي
جملة ومفرد شراكة وية ابن عمي هو من
الصبح للعصر واني من العصر لل11بالليل
ما اجذب عليج سويت علاقات من داخل
وخارج الكلية بس متعديت حدودي الله
شاهد.....
سارة:لحظة...لحظة،،ممكن اعرف ليش
دتحجيلي قصة حياتك،،،
زيد:دصبري ياعيني،وهااا ترى عصبي حيل
ادري واني اهم اكره هاي الصفة الي
بيه بس تعرفين بعد مو بيدي،،،والخلاصة
يابنت الناس اني شفت بنت اوادم وصاينة
نفسج وصاينة الي رباج فأريد اعرف شنو
رأيج بية،،،،
سارة:يعني رأي من اي ناحية،،وليش
هيج هامك رأيي،،،
زيد:عليج الله،،بربج لعد فلم الرسالة الصار
قبل شوية المن لابوية،،،
سارة:حور وسمرة،،ضحكن وكتمن الضحكة
خزرتهن،،المهم هسة شرايد،،
زيد:اريد اتقدملج واريد اعرف رأيج حتى
ابلغ اهلي ونحدد يوم تجيكم الحجية،،،
سارة:شلون اكلك رأي واني كلشي ما ارعرف
عنك وشغلة ثانية حاليا دراستي وبس
ممفكرة اضيع وقتي هيج،،،
زيد:تحبين تتواصلين وياية وتتعرفين علية،،،
سارة:بحدة طبعا لا اني جاية ادرس
مو جاية اتعرف،،،،
زيد:بديت اتعصب فركت وجهي،،،
لعد شلون يابنت الناس،،،اني اظل هيج
سارة:ليش شبيك ما شاءالله حولك وحوليك،،،
زيد:ضحكت حتى اغطي عصبيتي،،
سارة:ماكو داعي تضحك وتجامل ترى بينت
اعصابك،،،
زيد:ضحكت ورفعت حاجبي شوفي مو
صعبة اذا تلاحظين الشخص المقابيلج
بمرور الوقت راح تتعرفين علية بلا تليفون
ولقاءات مثل ماعرفتج اني،،والله كريم
الايام الجاية ان شاءالله خير ومستعد
اصبر وانتظرج عمر،،يلة من رخصتكم
اخذوا راحتكم،،،
سارة:ظليت صافنة عافنة وراح انداروا
علية البنات،،،
حور:والله الصدك غير الولد شخصية ومرتب
ومبين علية ابن عائلة،،،
سمرة:اي والله صحيح،،مو سارة،،سارة،،
اهووووو البنية داخت ظلينة نضحك
ونسولف لحد ما خلص الدوام ورجعنة
كلمن لبيته،،،،،
الشخص الذي يرىٰ حزنك من وراء ٱبتسامتك
هو من يحبك حقاً و قلبه متعلق بقلبك
الذي يسأل عن حالك دون ٱن تشكو .. و يأتي إليك دون ٱن تناديه،،،،
يتببببببببببببببع