رواية السجينة الفصل الاول 1 - بقلم شـــروق الــسامــرائي

بقلمي،،،،،،شــروق الــســامـرائي

وإن سألوني يومآ عما أريد ؟
سأجيب بمنتهى الهدوء ،،،
كل ما أريده أن تتركنى الحياه وشأنى
ف أنا ما عدت أريد منها شيئآ ..!!
أصعب شي يمر على الأنسان هو أن يظلم بذنب لم يرتكبه....
وأكثر ما هو أدهى وأمر هو أن يظلم من قبل
أقرب الناس إليه.....
في هذه الحالة يموت كل شيء جميل داخله ويغدو
جسد خاوي بلا روح،لاطعم للحياة يعيش كأنه سجين
ينتظر حكم الاعدام بحقه...
قصتنة تتكلم عن فتاة تعاون كل من اقرب الناس
اليها بأن يجعلوا من حياتها جحيم لايطاق...بطلة القصة هي حور ذات ال13عام عاشت وعانت
من الذل والاهانة ما عانت في ظل وجود والديها
الا انها تعتبر يتيمة بسبب تخلي كل من والديها
عنها..
....... ........ ...... ........ .....
ام حور(عبير):كافي مليت منك ومن عيشتك الفگر
طلگني من اخرب الساعة الي شفتگ بيهة
ابو حور(سعد):من انعل أبوج لابو الخلفج ميت عليج
اني قسم بالله مخليج بهالبيت لخاطر هالطفلة
وبس والا اني من زمان ناوي ارجعج للمزبلة
الي جبتج منهة بت الفگر جانت اللكمة حسرة
عليج هسة معجبتج عيشتي
حور:ماما..ماما...جوعانة...
عبير:انطيج سم وحووو واخلص منج لج كله منج
لوما انتي جان اني هسة خلصانة منكم،،
ولزمتني امي موتتني كتل بدون اي ذنب ذنبي
الوحيد ان جيت ع هاي الدنيا ورغم عن ارادتي
هاي حياتي بوجود امي وابوية كلمن لاهي بحياته
امي تحب ابن خالهة واتزوجت ابوية غصب
ابوية حاول بالبداية وية امي ويخليهة تتقبله
لكن دون فائدة....
جنت دائما وصخة ومرعبلة وجوعانة اكضيهة لو خبز
وياه طماطة وخيار وحسب الي يجيبه
ابوية للبيت فاكهة وخضرة ومرات امي جانت
تذبه بالزبل حتى ابوية يتعارك وياها ويطلكهة
النوب سجلت بالمدرسة وهم نفس الشي
اروح بلا ريوك واخذ وياية خبزة والف بيهة لو بيض
مسلوك لو خيار وطماطة والمعلمات يحجون
علية لان ممرتبة وما اعرف كلشي واروح
للمدرسة ممحضرة واجباتي،حياتي جانت جحيم
صح جنت طفلة بس جنت دائما باليل اكعد ابجي
واتمنى اكعد الصبح وامي تغسلي وتبدلي
وتنظف ملابسي وتكعد تحضر وياية
واجباتي واصير شاطرة مثل البنات الي بصفي
ويطلعوني بالاصطفاف ويخلولي شريط اخضر
مال شطارة هاي جانت احلامي بسيطة ع كدي
وجنت احلم امي وابوية يبطلون مشاكل....
هاي احلام الطفلة حور الي ابد متحقق ولا شافته
شمس.....
اجة اليوم المشؤوم الي ابوية بلغ امي ان هو
تزوج عليهة وامي كلبت الدنيا وكومت الدنيا
ومكعدتهة وعافتني وراحت لبيت جدي وابوية
احتار وين يوديني اخذني لبيته الثاني يم زوجته
الثانية جانت كلش حلوة وملابسهة حلوة
احلى من امي وبيتهة نظيف ريحته تخبل
كلش حبيت البيت وامي الجديدة ظليت واكفة
استحي ادخل بعدين اجة ولد اكبر مني وبنية
بكدي بس كلش حلوة ونظيفة....
اوووووع ماما هاي منين هاي الوصخة???
والولد النوب اجة دفعني امشي ولي منا
لاتوصخين الكرسي،،
اني نزلت دوموعي وفشلت منهم...
تغريد:عوووفوهة هاي تصير بت عمو سعد،،
رقية:شنوووو يعني هاي القذرة راح تعيش
هنااااا???
حسام:خل تولي شحدهة تبقى اگتله خلاص
تغريد:لاحبيبي لاتزعل ولايهمك بس كم يوم وتروح
بعدين انت مو تعرف عمو سعد شكد يحبكم
جابلكم العاب وحلويات،،،
حور:ظلت دموعي تنزل بلا صوت شمعنى
ابوية يحبهم الهم واني لا????
مرت الايام واني يم بيت ابوية الثاني ومقبلت
اصيحلهة ماما جهالهة ميقبلون بس شوية
شوية كمت اتعلم ع النظافة واغسل ملابسي
وارتب نفسي بس ابد ما حسيت بأي حب وحنان
كلهة تكرهني ويريدون يخلصون مني،،،
وعشت ابيت مرة ابوية خدامة لا اكثر بس الحمدلله
خلوني اكمل مدرسة،،
وامي من يوم الي عافت البيت بعد ابد
مسألت علية ولا شفتهة ولا سمعت عنهة
ومرات اسأل ابوية يسكت ميجاوبني واني هم
حاولت اتناسى الموضوع اصلا هي من جانت
يمي مرايدتني ولا طايقتني هسة بعد ما راحت
راح تسأل علية ويهمهة امري،،،،
هاي حياتي اني حور بت سعد ظليت اخدم
مرة ابوية وجهالهة ورغم صغر سني درت
بيت كامل وكضيت حياتي من البيت للمدرسة
وبالعكس وكلشي بالحياة ممنوع علية،،،
بالبداية ابوية جان يرفض معاملة مرته وجهالهة
الي بس تغريد جانت تسمم راس ابوية
بأفكارهة السودة مرة سمعتهة تكولهة،،،،
تغريد:سعد حبيبي والله كل هذا لمصلحتهة
ياروحي ما اريد باجر عكبة تكبر وتفتح عينهة
عالشوارع والطبة والطلعة وتصير حالهة حال امهة
عافت بيتهة ورجلهة بلة شنووو تحب،،،
سعد:تغرييييد كم مرة كتلج لتجيبين طاري
هالموضوع???
تغريد:اعصابك حبيبي ادري صعبة بس حور
حلوة ودتكبر واخاف عليهة من ولد الحرام وهاي
بنتك فطيرة لاتتوقع اني ما احبهة بالعكس
الشغل حتى رقية تساهم بية مثل ما اريد اوعي
حور واعلمهة نفس الشي لرقية اذا انت هسة
ادافع لحور اذكر ان رقية مالهة غيري ومحد
يوكفلهة واذا تتحس من معاملتي لحور وتحس
اكو فرق عن رقية والله من باجر ادزهم
لاهل ابوهم اني ما اجبرك ع جهالي ولا اغصبك
تتقبلهم مثل حور،،وذبيت كم دمعة...
سعد:لا حبيبتي صدك جذب مو هيج قصدي
قصدي يعني شوية خفي ما اريدهة تنضغط
وتنجرف بسبب هذا الشي،،،
تغريد:هم رجعنة كتلك خلاص مالي اي دخل،،
سعد:كافي يا روحي اهم شي رضاج الي
يعجبج والي يريحج سويه انتي اعرف....
تغريد:ضحكت بدلع اووووف منك سعودي تدري
بيه ما اكدر ازعل عليك،،،
طبعا هذا كله اسويه في سبيل اخلص من هاي
الي كاعدة ع كلبي ما اريد احد يشارك جهالي
بشي خصوصا بعد مخلصت من ابوهم
اني عندي جهالي فوك كلشي حتى سعد
شكد يجيب ويحط واني اهتم بيه اكثر حتى
لا يضوج من اطفالي وصدك كمت احبه بس اكيد مو بكد اطفالي،،،،
حسام ورقية هم كلش حبوه لان جان كلش حنين وحريص مو مثل ابوهم جان كلش قاسي
وحارمهم من كلشي......
خلي احجيلكم شلون اتعرفت ع سعد ودخلت حياته جنت شايفة الضيم وية زوجي المرحوم وجنت اخطط اشوفلي واحد
اوكعهة بيه حتى اطلك من رجلي وازوجه
جنت محرومة من كلشي لافلوس لا لبس
بية خير ولا رجال عليه اعتماد وجانت ايدة
والضرب،، وحالفني ان مرة من المرات
جنت طالعة اسوك وجنت عصبية والدنيا
ظهر وحارة امشي واحجي وية روحي
انضربت برجال بس شنوو يصفن مرتب وطول بعرض
سعد:أسف اختي خما تأذيتي????
تغريد:ظليت صافنة بوجهة،،هااا لا خوية مصار شي
وكلمن راح لطريقه وكمت اشوفه بالسوك
بس الرجال ابد لاتعرضلي وحتى يمكن ميتذكرني
وجنت اشوفه يهتم بلبسه ومظهرة مبين
عليه متمكن ماديا ظليت اتحسر ع رجال مثله
ومرة شفته طب بمحل صياغة عبالي يشتري
شي بس شفته كعد ورة الميز عرفته عاد
هو صاحب المحل حجيت وية روحي اووووف
كون مطلكة من ذاك ابو العرك وهذا رجلي
هسة اووووووف العب بالفلوس لعب ،،
بعدهة مشيت بطريقي ورجعت للبيت لكيت
العالم ملتمة اباب بيتنة وحماية الجبير واكف هم
رحت اركض عبالي حسام لو رقية بيهم شي
خيييييير خوية شصاير خما الجهال بيهم شي????
قاسم:هذا الهامج جهالج وابو بيتج طز بيه،،
بلة وين جنتي بهالظهرية????
تغريد:وين جنت غير البركة بالشفية اخوك عايفنة
بلا لكمة ولاكرصة خبز طلعت جبت لكمة هالمساكين
قاسم:لج اخوية مشمور بالمستشفى وحضرتج
متدرين بأراضي وين،،
تغريد:لطمت ع صدري جذب مجرد تمثيل
والا اني جنت اتمنى يوصلولي خبر موته،،
قاسم:اندعم وهسة حالته خطرة لان الضربة براسه
تغريد:اخذت الجهال لعيالي ورحت للمستشفى
مثلت الحزن كدام الكل وذبيت جم دمعة،،،
وراها ب3ايام توفى زوجي وظليت يم عيالي
ع كد ايام الفاتحة وراها اجرت بيتي ولزمت
عدة يم اهلي بيت اهلي بنفس المنطقة بس بغير فرع،،،
عيالي شدوا وياية علمود الجهال يريدون
ياخذوهم واني وكحة ابد ما اسكت خلصت العدة
ورحت سويت عركة وياهم ،،،
المهم عدت فترة وجازوا مني مرات يجون
يشوفوهم واصلا جهالي ممتعودين عليهم
ورجعت اشوف هذا الرجال بالسوك وجمعت
عنه كم معلومة وعرفت بيه هو من المنطقة
مزوج وعنده بس بنية والاحلى من كل
هذا طلع محل الذهب اله وهو صايغ معروف
يجون عليه من غير مناطق كلت هاي هي لكيتهة
لازم اصير كدامه واشوف ميه شنووو بيهة
مجال ياخذ مرة ثانية لو لا،،،
وفعلا بديت بخطتي جنت الايجار من استلمه
اروح لمحله اخذ شغلات بسيطة لرقية لو الي
تراجي بسيطة او محبس بسيط،،،
وصرت اختلط بيه نحجي ونسولف ومرات اطول
يمة ومن خلال حجيه مبين عليه ممرتاح ويتمنى
يلكى الي تفهمة وتريحه،،،
واني مقصرت عرفت شلون اجيبه للدرب
واخذ رقم تليفوني بحجة اذا جاب شغلات جديدة
مرة رسالة مرة مكالمة واطورت الامور
والحمدلله ورة فترة خطبني من اهلي واتزوجنة
بس بالبداية ضم الموضوع ع زوجته وهو متحمل
وخبرهة بالموضوع وهي طلبت الطلاق وطلقهة
بس المصيبة جابلي بتهة شفتهة وصخة ومرعبلة
بس مبين فقيرة وحبابة،،،
عرفت ليش جان كاره زوجته اني جنت دائما
نظيفة ومرتبة وجهالي يلمعون،،،
ومشت حياتي حلوة ومرتاحة واهم شي
جهالي الي يتمنوه ويريدوه يكوللهم تم وصار
يعتني بيهم اكثر من بنته،،،،،
هاي قصتي وية سعد،،،،،،،،،
........ ....... ....... ........ ........
حور:بعد ما عرفتوا الجزء الاول من طفولتي شلون جان مرير جنت يتيمة بوجود اهلي لا ام لا اب اخ اخت محرومة من كل سند الا رب العالمين
هو سندي الوحيد وما خاب ظني بربي ابد
جنت دائما اردد هالعبارة(ما ضاقت الا فرجت،
وما عسر الا بعده يسر)....
اول مدخلت بيت ابوية الثاني جنت متأملة الكة
الحضن الدافي الي يعوضني عن كلشي
شفت جهال تقريبا بعمري كلت الدنيا ضحكتلي
لكيت الاخ والاخت بس يا حيف كل هذا طلع سراب
الاب الي هو ابوية حسني ثقل علية وع عائلته
اهتم بجهال مرته اكثر مايهتم بيه اني بنته
الي من لحمه ودمه،،ما ادري اعتب عليه لو
ع امي الي شمرتني ومصدكت مكلفت نفسهة
اني مرتاحة او لا.....
المهم،،،عشت حياتي وياهم بالبداية كلشي ماكو
هدوء والامور عادي بس بعد مرور شهر
عرفت هذا البيت راح يكون جحيم بالنسبة الي
هاي الاحداث دارت جان عمري 9سنين رابع
ابتدائي،،،،،،،،
ومن هذا العمر بدت مأساتي وية الحياة
ابوية رجع هملني مرت ابوية شغلتني خدامه
والمقابل هو دوامي واني وافقت كلت كلشي
ولا اترك المدرسة وبديت اهتم بنفسي وبدراستي
وحياتي صارت عبارة عن شغل البيت والدراسة
وابد مشكيت لان حتى لو ردت منو الي يسمعني
وينصفي،،،،،
وحسام ورقية صاروا اعداء الي مو سند يكرهوني
ع شنوووو ما ادري المفروض اني اكرهم
اخذوا ابوية واهتمامه،،،،
نطتني مرة ابوية غرفة صغيرة بصف المطبخ
بيهة سرير حديد ابو نفر وعليه دوشك وبطانية
وبيهة الحمدلله بنكة ومبردة صغيرة وبالشتة عندي
صوبة كهربائية صغيرة ع كدي اخليهة بصفي
وانام يادوب تكفيني،،،ع العموم الحمدلله ع كل
حال،حالي احسن من غيري،،،
ملابسي كلهة مال رقية اليعتك تنطيه الي مالي
حق اطلع واشتري لا بالعيد ولا اي مناسبة،،،
وجنت بالشتا كلش ابرد فكمت البس حجاب حتى
ادفه فتعلمت عليه كمت ابد ما انزعه حتى
بالصيف وجانت عندي معلمة كلش احبهة تجينة
بالفنية وجانت تحجيلنة ع الدين هواية وتحببنة
بيه تعلمت منهة هواية شغلات تعلمت الصح
والخطأ،وتعلمت ان الحجاب مفروض والصلاة
واجب علينة وحرام نتهرب منهة لان رب العالمين
بعد ميحبنة،،،،
وهاي جانت بداية حلوة حتى ابدي حياتي
من جديد قبل جان كل همي اخلي الكل
راضي عليه بس مجان عندي احد يعلمني ان
اكو الله سبحانه وتعالى هو احق ان نطلب رضا
بكل خطوة وبكل دقيقة وثانية،،،،
وهسة كلشي اختلف نسيت الناس والدنيا
ومعدت اهتم لغيري رضى عني او لا
مدام راضية ربي اصلي واقرة قران طبعا
السور القصار الي جنت ادرسهة بالمدرسة
وتعلمت اصوم،،،
جنت اتمنى ابوية يجي يكولي عفية بنتي او يجيبلي
هدية مثل مسوة وية حسام ورقية من
يشجعهم ع شي،،،،
جنت اتمنى وجود شخص بحياتي يحبني
بس للاسف محصلت هذا الشي....
......... ........ ....... ........
حور:حاليا عمري13سنة صف ثاني متوسط،مواصفاتي بيضة عيوني
عسلي كبار ورموش كثيفة عيوني احلى شي بيه
عندي غمازات شفتي متروسة شعري طويل لحد نهاية ظهري لونه جوزي جسمي ضعيف
واصلا اني ناعمة وقصيرة،،،،
ظليت ع تواصل وية معلمتي مال الفنية الي
جانت تاخذنة بالابتدائية،،،
ومن شافتني كبرت وطبعا هي علمتني ع البلوغ
وشلون اتصرف،كامت تعلمني شلون
احصن نفسي من عيون الناس ابلبسي وتصرفي
واكثر شي جانت تحذرني من حسام ابن تغريد
لان هو غريب وشاب ويجوز تطمع عيونه بيه
ويحاول يأذيني،،،،،
واني كمت اتهرب منه ع كد شغلي واكعد
بغرفتي ادرس وصارت عندي موهبة الرسم
وشاركت بمسابقات تصير بالمدرسة وية مدارس
ثانية وهم صار عندي اهتمام ثاني صرت
هم افرغ جزء من وقتي للرسم حتى اطور
مهارتي بالرسم،،،،،،
حسام:طبيت للبيت جانت دنيا ظهر وجوعان
كلش امي جانت طالعة هي ورقية لبيت جدي
شفت عمي سعد نايم بالهول،،،،
اهوووو هسة لازم اروح لذيج الغبرة،،،،
صحت عليهة حور،،حور،،،
حور:جنت نايمة الظهر محسيت غير الباب انفتحت
كعدت شفته حسام،،،
لفيت روحي بالغطة،،،اطلع حسام جاية وراك
النوب شفته فاتح حلكه وصافن،،،
حجيت بنترة ممكن تطلع برة كتلك جاية،،،
حسام:ظليت اصيح ع حور بس ماكو
هاي وين صارت دكيت الباب ماكو متجاوب
فتحت الباب بس اتبسمرت بمكاني
جانت لابسة دشداشة قصيرة ربع اردان وشعرهة
لجوة ظهرهة نازل من السرير اريد احجي
بعد ما اكدر هي شافتني ظليت تغطي
بروحهة بس بعديش بعد مشفت كلشي
رجلهة عبالك مصبوبة صب بلة واني احجي
واعيب ع هالكيمر وراها سديت الباب وكعدت
بالمطيخ انتظرهة،،،
حور:كلش ضجت من شافني هيج لازم بعد اقفل
الباب من انام غيرت ملابسي ولبست
الحجاب وطلعت بدون ما احجي حميت الاكل
وحضرته ع الميز بس احس بيه عيونه وراية
وين ما اروح ونظراته تختلف عن كل مرة
جان يضوج مني واصلا ميباوع بوجهي
ومابينة اي كلام،،،
حسام:جتي حور للمطبخ وتفتر كدامي،،،،
اكلج حور،،،
حور:هااااااا
حسام:ليش تلبسين هيج بالبيت جنج عجوزة
ليش متلبسين مثل رقية وهذا الحجاب مملتي
منه???
حور:حسيت خوفة بكلبي،،لا ما احب اغير
لبسي مرتاحة بيه حطيت الكاسة مال زلاطة
اشو هذا جر،،حسام وخر ايدك عفية،،،
حسام:ليش هو اني شمسوي هو لازم ايدج??
حور:اي حتى لو ميجوز انت غريب وهاي
لزمة ايدك غلط،،،مجنت ادري بهاي الحجاية
راح افتح ع روحي باب،،،،
حسام:جريت ايدهة وشميت باطن كفهة،،،،
انتهيت ظلت هي تجر بأيدهة وتبجي جريتهة
حيل وبستهة من شفايفهة وعضيتهة هي ظلت
ترفس وخرت منهة شفتهة كامت تذب دم ،،
حور:الله ينتقم منك ياكلب ياحقير،جرني من
شعري وضربني راشدي،،
حسام:اياج تعلين حسج وتجاوزين علية
ادفنج هنا بأرضج وشغلة ثانية يا حلوة الي
صار اذا سمعتهة من احد يصير شي ميعحبج
ومشيت ايدي ع جسمهة،،،
حور:صارت رجفة بجسمي من خلة ايده علية
عافني وراح حتى متغدة اني ركضت لغرفتي
طبيت وقفلت الباب وظليت ابجي شلون
ياربي شلون راح اتصرف هذا اذا اسكتله معناها
يتمادى اكثر،،راح اعدي الموضوع هالمرة
بس اذا تكرر اشوف شلون اتصرف،،،،،
مرت الايام والحمدلله ما اندك حسام بيه بعد
صح نظراته وصخة ومطمن بس اخذت حذري
وياه،،،،،،
......... ......... .......... ...........
في مكان آخر في محافظة البصرة،،،
سجاد:تالي وياكم كتلكم غير شهد ما اخذ البنية
احبهة وتحبني ليش مصرين تفرقونة،،،
مالك(ابو سجاد):يعني انت مناوي تعقل مكافي
ميبس راسك ومراضي تفهم لك البنية لا من
ثوبنة ولا من عاداتنا شلون تتوالم ويانة وع
عاداتنا،،،
زهرة(ام سجاد):يمة وليدي كول ياالله وتوكل
ع الله وارضى بنصيبك،،،يمة البنية مرتاحيت
لطبعهة راح نتعب كلنة بسببهة،،،
سجاد:مستحيل اكتل نفسي،،،
مالك:ويطبك مرض لك انت توك شبت وهيج
تتحجى كدامي والله والي خلق هالكون
متاخذ البنية الا ع جثتي،،وبنت عمك محد ماخذهة
غيرك،،،هاااااا ولعلمك اذا طلعت عن شوري
اني متبري منك ليوم الدين ومالك كعدة عندي
وحتى تتأكد كمت لزمت القران وحلفت علية،،،
سجاد:تسلم يابة ورحمة الله والديك،،،عفتهم وطلعت
عصبي،،،،
زهرة:كمت الطم لا يامالك فدوة اروحلك
كله ولا هاي،،،،
مالك:خلص يامرة الي ميقدر تعبي وشگاي
كل هاي السنين ومايصون اسمي وبيتي
خلص ما اااارييييدده،،آآخ بوية ضرغام،،،
زهرة:يمة اسم الله الحافظك خيرك يابعد هلي
وناسي،،،
يمة...ضرغام ولك ضرغام،،،
ضرغام:جنت توني راجع للبيت وسمعت
صياح امي طبيت اركض لكيت ابوية واكع
خير يمة،،يابة خير شبيه???
شلت ابوية وطلعت بيه كبل للمستشفى وكبل
مغذي وابر وطبعا محد يحجي شنووو
الفلم بعدهة اجة الدكتور وكال الوالد ضاربته
جلطة بس الحمدلله خفيفة ويحتاج رعاية
ويبتعد عن التوتر والانفعال والعصبية،،،
خابرت امي وطمنتهة والمسكينة كامت تبحي
ودكيت ع اخوتي انطيهم خبر مازن وسجاد
مازن جاي بالطريق وهذا الارعن مغلق اكيد
دايح وية جماعته السگط خل بس ارجع واذا
طلع هو السبب بوكعة ابوية اخلص علية،،،
............ ........... ......... ........
مرحبا...
اني ضرغام عمري28سنة مزوج صار3سنين
زواج تقليدي بأمر الوالد الله يحفظه،،
زوجتي(وردة) غريبة تصير بت صديق والدي والحمدلله
اموري ماشية تمام عندي ولد واحد علي عمره سنة و5اشهر،،،مواصفاتي
اسمر ابن البصرة بعد شكلي عادي طويل
وضخم بحكم شغلي حرك صاحب لحية وشوارب
اكيد ذني انطن مظهر اكبر لعمري شكلي
دائما جدي عندي كلشي اله وقت الجد والضحك
ممكمل دراسة للثالث متوسط لان ماعندي
طموح شهادة وكذا طموحي جان طموحي ابني
نفسي واصير سند لابوية واشيل
عنه الحمل بس عندي عيب بجسمي
نص ظهري بيه اثار مال حرك من جنت
بالخامس ابتدائي جنت العب وية ربعي
نحرك كصب وهاي السوالف وكبت بيه النار
ولاحت ظهري والتهب الحرك وترك هذا الاثر
ومن ازوجت جنت شايل هم وفعلا انكسرت
نفسيتي جنت اشوف وردة شلون جانت متحب
تتقرب لظهري وحقهة اذا اني نفسي
تلعب من روحي،طبعي حدي كلش وعصبي
ما احب اجامل ابد،،عندي اخوة ثنين
اني الجبير والجبير الله و وراية مازن والصغير
سجاد وبنات ثنين توم سمية وسحر،،،
مازن مزوج وعنده بنات ثنين توم تقى وعلا ولد
مرتضى مواصفاته حنطي ع بياض شعره اسود
طويل وصاحب عضلات يحب يبني جسمه
وكذا وطبعه مثل طبعي بكلشي بس عصبيته
اخف مني،،وخريج ادارة واقتصاد،،،،
سجاد ممزوج وهذا قصته قصة بعدين
تعرفوهة،،،،
والبنات مزوجات وثنينهن عايشات ابغداد
سمية اخذهة ابن خال ابوية حبهة وخطبهة
وسحر اخذهة صديق مازن وثنينهم من بغداد
اني لزمت شغل الوالد عدنه بساتين وحلال
خير من الله اني لزمتهن ومازن الحمدلله شد
ظهري ولزم جزء من الشغل وياية والف الحمدلله
والشكر الله رازقنة من اوسع ابوابه،،،
ابوية الله يحفظهة صاحب نظرة وحكمة من اول
نظرة اله للبشر يعرفه شنوووو ومعدنه شنوو
اني ومازن هواية طبعنة متشابهة نسمع لابوية
ومنخالفة الا اذا شفنة اكو غلط بحكمه،،،
والدليل زواجي وزواج مازن كان بشور الوالد،،،
والحمدلله والنعم من اختياره مازن اخذ بت عمي(حوراء)
هو عمره 23من ازوج وهي جان عمرهة 17
سنة والحمدلله هسة يحبهة يموت عليهة،،
اما سجاد هذا مصيبة ابد ميلزمله شغله
يدرس هندسة حاسبات بجامعة بغداد فترة
الدوام ينزل لبغداد لبيت جدي اهل امي ومدلل
مال بيت جدي خوالي وبيبتي الله يحفظهم
منطي عين زيادة وهو الوحيد بينة اشكر ع خوالي
وشايف روحه ع الكل بس حباب وكلبه طيب
وماعنده غش ودغش مو ملعب فطير
ابوية خلاه يكمل لانه يحب الشهادة لكن ميجبر
احد ع شي
تعرف ع وحدة وياه طالبة وظل علاقة وياها
سنتين ومحد يدري بيه نجح وصار مرحلة ثالثة
دك رجل لابوية اريد ازوج ابوية مرفض راسا
دز جماعة ثقة وسئلوا وطقسوا عن البنية
واهله طلعوا مو من ثوبنة البنية عائلتهة كلهة
سافرة من الام للخوات ولبسهم نشاز مو من
لبسنة وعاداتهم كلهة تختلف جذريا العائلتين
متتوالم كل وحدة نظامهة عكس،،،
الوالد من سمع هيج تخبل ولزم سجاد وحاجاه
العينتين تخبل لو هي لو احرك روحي
الوالد الله يحفظهة شاف عناده جبره ان لو بت
عمي لو ماكو،،،،
وهاي صارلنة مدة من بدة الدوام لحد هسة
يومية هوسة من وراه،،،
يتبببببببببببببع💖💖💖💖💖