رواية السجينة الفصل الثاني 2 - بقلم شـــروق الــسامــرائي

الكــاتبة،،، شــروق الســامرائي

.
حور:لح حسام وياية وصار يتجرأ ويدخل غرفتي
غصب وصارت لمساته اجرأ وكلامه اكثر جراءة
وتهديداته متخلص ونويت احجي لتغريد بلكت
تحجي وياه يفك عني النوب ياريتني مفتحت
حلكي انذبت السالفة براسي وراحت لابوية
وحجتله وحسام طلع خوش ممثل وحلف عود
حاسبني اخته وطلعت اني الاصعدله واطب جفت
وووووو حجي كومة وانكتلت بوكتهة كتلة
من ابوية ردت اموت الاشوية وحسام ظل
اسبوع ابيت جده زعلان وراحله ابوية بنفسه
ورضاه ورجعه للبيت واني طاح حظي بالزايد
صرت منبوذة ومحد يحجي وياية وابوية يعيرني
بأمي وع ذنب مسويته،،،،،
اما حسام فهذا قضية ثاني،،،،
حسام:صدكي ياحور ردي عليج ثكيل اذا
مخليتج تجين تبوسين قندرتي لحتى ارضى عليج
هين يا حور،،،،
حور:ظليت ارجف من تهديده كدهة ويسويهة
النوب تحرم علية اقفل الباب شلون حسيت
نفسي بخطر ورحت ثاني يوم للدوام
وحجيت وية ست هناء نفسهة معلمتي مال الفنية
القديمة وحجيتلهة كلشي ورادت خطية
تحي لابوية وتحجي وياه بس منعتهة لان المضرة
تكون اكثر من المنفعة،،،،،
ومرت الايام والليالي هدوء وماكو شي والحمدلله
حسام كف عني التهى وية جماعته يومية
سفرة شكل واني ارتاحيت لان ميتواجد هواية،،،

الى ان اجة اليوم المشؤوم الي قلب كل موازين
حياتي وخلاها سودة عتمة خالية من النور
جان يوم خميس ساعة 10باليل بشهر ال1
لحد هسة التاريخ مطبوع ابالي22/1الجو بارد
ثلج جنت وحدي بالبيت ابوية وعائلته يم اهل مرته
معزومين وكالعادة اني ممنوعة من الطلعة
سمعت صوت حركة بالمطبخ طلعت عبالي رجعوا
حتى اشوف اكو طلبات اخرى لو انام،،،
بس جان الجاي حسام شفته اتخربطت كل اموري
رجعت بسرعة للغرفة داقفل الباب محسيت
غير اندفعت قوي،،،،
حسام:هااااا يابزونة ناوية تختلين عبالج مشفتج
من انهزمتي،،،
حور:يحجي ويتقرب عليه وهالمرة ناوي ع الشر
حسام فدوة تعبانة واريد انام باجر عود نحجي
حسام:ضحكت بصوت عالي ليش انتي منو
كلج جاي حتى اسولف،،،
حور:ظليت امتمت لللللعد شنووووز شراييييد???
حسام:رايدج الج وهجمت عليهة مخليت شي
بيهة صاحي،،،جنت كلش عنيف وقاسي وياها
وهي منا تقاومني واني جنت قافل عليهة
عشعشت بمخي اول مشفتهة مفرعة وشفت
المضموم عن العين،،بحيث افترستهة افتراس
وسلبت منهة اعز ماتملك محسيت غير هي
فاقدة ظليت اضرب بيهة ماكو متكعد عفتهة
وطلعت من البيت،،،،
طبعا محد يدري بيه راجع من السفر جيت هيج
غفل حتى قبل موعد رجوعي المخبرهم بيه
طبيت للبيت والحمدلله محد موجود لان ظام
مفاجأة لحور كلت هاي احلى فرصة متتكرر
لازم اخذ الاريده بعد ما اتحمل شكد سويت
علاقات وية بنات بس هي تربعت ابالي وكلت
لازم ارجع اضوك الشفايف واكثر بحيث اول
مشفتهة عرفت راح تنهزم وتقفل الباب بعد وين
احصل هيج فرصة وبعدهة صار الي صار،،،،،
حور:بالكوة فتحت عيني بس الم فظيع احس
سجاحين بكل جسمي وبطني تملخني
وبين رجلية الم فظيع لا اكدر احجي ولا داسمع
شي بس وشوشة ماكو صوت واضح،،،،
شوية شوية بدى الصوت يوضح،،،
جان ابوية يمي وتغريد،،وابوية جان كلشي
عصبي ويغلط كل ظني عرف بحسام هو الي
اذاني،،،،
بااابااا،،،محسيت غير شي هجم عليه وبدت
الضربات تتوالى مثل المطر وبعد محسيت
بشي ظليت مدري شكد بالمستشفى مااعرف
ليلي من نهاري اكعد يجون علية يضربوني
ابر وارجع انام وظليت ع هالحالة ما ادري شكد
الى ان بيوم جتي دكتورة شابة تطلع بال30
حلوة ومرتبة كعدتني وبدت تسألني انت
منو??وشنووو قصتج????
الدكتورة براء:انتي شسمج حبيبتي???
حور:دايخة وراسي يفتر،،،
براء:اي حبيبتي هاي من الادوية الي تاخذيهة
وهسة ع كيف احجيلي قصتج اريد اساعدج
حور:ماشي وبديت احجي للدكتورة كلشي
صار وياية،،،
براء:ماشي اسمعيني زين وانتبهي علية
هسة راح ادز ممرضة تنقلج لغير غرفة ماشي
واي شي تسألج لا اجاوبين اوك،،،
حور:زين دكتورة اني ليش هنا،،يعني ابوية
جان يمي وزوجته هم وين راحوا???
براء:بعدين افهمج هسة مو وكتهة،،،
جنت منقولة جديد لمستشفى.....وشفت
حالة غريبة بنية صغيرة يطلع عمرهة10او11
سنة مبين متعرضه لتعنيف وجهة مشوه من الضرب
وهي المسكينة فاقدة،،،،
سألت الممرضات عنهة وكاموا يغلطون عليهة
ع مدري ويامن مصخمة بس جانت مرة
جبيرة كاعدة جاية وية مريض رزلتهن،،
عيب وحرام تتهمن حظ وبخت البنية انتهت من
الضرب هذا الظالم عود ابوهة عشتوا،،،
عاد اخذت الملف مالتهة وقريت التقرير
ان هي متعرضة للاغتصاب وبوحشية بالاضافة
الى العنف والضرب رحت داحاجي ابوهة
شفته اتفق وية دكتور وينطي فلوس
ان تظل بنته بالمستشفى والدكتور يتصرف
بطريقة يخلص بيهة من بنته بس بطريقة شرعية
يعني يصير السبب طبي،،،
وبديت اراقب الممرضة الي يدزهة الدكتور
الفاجعة شفت خطية المسكينة يضربوهة
ابر مقوية لعضلة القلب وبمرور الزمن تصيبهة
سكتة قلبية ويكون السبب واضح وبدون اي
تشكيك بموتهة،،،،
وقررت لازم اطلعهة قبل لايسولهة شي،،
وبالفعل ثاني يوم ظليت اراقبهة اول مكعدت
حجيت وياها وكدرت انقلهة لغير غرفة بحجة
افحصهة لان المسكينة صار عدهة جرح بسبب
الاغتصاب واخذتهة بحجة اشوف وضع الجرح
والخياط،،،،
الدكتور بالبداية اعترض بس لكوني دكتورة
نسائية اضطر يسكت،،
براء:العفو دكتور انت من اي ناحية متابع
حالة المريضة???
لا هيج بس تصير بت صديقي و وصاني اهتم
بيه لحد ميخلص من قضيتهة،،،
براء:اهااا تمام ان شاءالله اكمل فحص وانطيك
خبر بوضعهة،،،
رجعت للغرفة خطية لكيتهة بالكوة كاعدة كومتهة
باعيني حور ركزي وياية زين ماعدنة
وقت لازم تنهزمين من المستشفى،،،
حور:شنووووو ليش دكتورة الله يخليج
شمسوية اني والله ابوية يذبحني،،،
براء:حور صيري قوية ابوج ذبج بالمستشفى
وسلط ناس عليج ينطوج دوة بالغلط
حتى تموتين افتهميني بنتي ثقي بيه والله
ما راح اذيج هاج لبسي هاي العباية والبوشي
ولا تهتمين لاي شخص وطلعي بوجهج للباب
الخارجي،،،
حور:ظليت اشهك وابجي بس اني ما اندل
كلشي منين اطلع،،،
براء:اوووف استغفرالله ماشي حبيبتي امشي
وراية ومالج دخل ماشي،،،
حور:ان شاءالله،،لبست العباية والبوشي
وظليت ورة الدكتورة،،،
براء:طلعت وسويت نفسي احجي وية حور
عود هي مريضة لان الدكتور جان جاي بأتجاهي،،،ماشي ام علي هاي الادوية
كتبتهة الج وحاولي هالايام لاترضعين
الطفل من صدرج حتى لاتأثر عليه الادوية،،
ماجد:دكتورة براء لعد وين حور???
براء:دزيتهة بيد الممرضة رجعت لغرفتهة،،
ماجد:اهااا شكرا دكتورة،،،
براء:العفو،،،يلة حور امشي سريع،،والحمدلله
طلعتهة وجان ابن اختي منتظرني برة
المستشفى طبعا نطيت علم لاهلي وكتلهم اريد
اساعدهة بالبداية عارضوا بس بعدين الله
هداهم علية،،،
براء:محمد هاي البنية امانة وديهة كبل لامي
ولاتخلي احد يشوفك او يشوفهة ماشي،،
محمد:صار دكتورة،،بس فهميني انتي دكتورة
لو رئيس مافيا،،
براء:انجب بلة لغوة وامشي يلة،،،
والحمدلله خلصت واندعيت من الله تعدي ع خير
ماجد:ست براء ممكن اعرف البنية وين???
براء:مثل مكتلك البنية رجعت للغرفة،،
وصارت مشادة كلامية والمشرف علينة دزنة
للمدير لان وصل الحجي والحمدلله طلعت
منهة لان قرة التقرير وعرف اكو غلط بنوع
الادوية واني وضحت سببي ان اني دكتورة
نسائية واني مجرد اديت واجبي جنت خفر
وافتريت ع كل المريضات الي يحتاجن فحص
لا اكثر ولا اقل وماجد حصل انذار من المدير
وهو برر موقفه ان ابوهة كال هي عدهة
ضعف بعضلة القلب وماعدهم احد يبات يمهة
وينطيهة العلاج واني مجرد انطيهة علاجهة وبس
براء:خلص الشفت مالتي وثاني يوم كبل
طلعت للبيت طبيت ركض،،
هلا يوم بشري البنية وينهة???
امي:نايمة سودة علية هاي شصاير بيهة
براء:اي والله شفتي ليش ردت اساعدهة
طفلة بعدهة والله لو الزم ابوهة لا احركهة
حرك،،،
ابوية:هلا بالعراكة المن تحركين،،
رحت علية بسته من راسهة الله يساعدك بابا
ويساعدج بنيتي،،تعالي احجيلي كلشي
ع هاي البنية،،،
وحجيتلهم قصتهة وشلون ابوهة راد يكتلهة
خلاص والصار البارحة،،،
ابوية مقبل نسلم البنية الا تطيب وتوكف لحيلهة
ونفهم منهة يلة،،،

حور:بعد ما طلعت من المستشفى رحت
لبيت الدكتورة وتلكتني مرة جبيرة بالعمر
ورجال هم جبير بالعمر ورحبوا بيه،،
تعالي بنيتي اني اصير امهة للدكتورة براء
تعالي حبيبتي هاي الغرفة الج ارتاحي بيهة
حور:بالكوة احجي تسلمين خالة،،،
ام براء:شبيج بنيتي،،يمة اسم الله،،،
ابو براء:خير حجية شصاير،،??
ام براء:خطية المسكينة وكعت يمكن مماكلة شي،،
ابو براء:اني راح اروح اجيب عشة جاهز واجي،،
ام براء:بجيت عليهة خطية طفلة وشكلهة كلش
تعبان ذبيت مي عليهة ونيمتهة بدت تصحصح
واجة الحجي جايب معلاك شوي ع النص
بالكوة وكلتهة كملت واخذتهة للحمام مقبلت
اغسللهة بس اني لحيت عليهة شفت جسمهة
كله زراك وطبعات زركة وخراميش
كسرت كلبي مبين الي صار غصب عنهة
لو برضاتهة مجان هيج حالهة غسلتلهة
ونشفتهة ونطيتهة دشداشة من براء صح جبيرة
وعريضة بس مؤقت علما باجر اني اطلع
اشتريلهة،،وجبتلهة حجاب رادت الا شيلة مني
لان جبيرة حتى تنزل تغطي جوة صدرهة
طلعتهة للغرفة مشطتلهة شعرهة،،
يمة صلوات شعرج حلووو ابد ما كاصتهة??
حور:ابتسمت بوجع لا مكاصتهة،،،
بست ايدهة وكمت ابجي،،الله يجازيج خير
ياخالة والله ما اعرف شلون اجازيج،،
ام براء:لا يمة لاتحجين هيج ماسويت شي
مبين عليج نعستي،،
حور:ابتسمت بوجهة،،،
ام براء:تعالي مددي ع كيف انتبهي ماما لا
تفتحين رجلج زايد ولا تكعدين عدل كله صفح
لحد مطيبين ماشي يمة،،،يلة تصبحين
ع الف خير ان شاءالله،،،
ابو براء:هااااا شلونهة البنية،،،
ام براء:ظليت ابجي عليهة اي المسكينة نامت
شكولك حجي منتهية من الضرب والاذية
جسمهة مشوه وبس تبجي،،،

نرجع للدكتورة براء.....
ماما اني رايحة للبنية ظل بالي صارت ب12
ليش مكعدت???
طبيت فتحت البردة ع كيف لزمت كصتهة
الحمدلله ممصخنة ومبين غاطة بالنوم
كعدت بصفهة ومسدت ع راسهة كسرت
كلبي هالبنية بس خطية جفلت من لزمتهة
اسم الله حبيبتي هاي اني اشششش ليش
تبجين،،،
حور:خفت عبالي....
براء:انسي لا تظلين تفكرين وانتي راح تظلين
هنا الى ان اطيبين وتوكفين لحيلج وهااااا
ترى هاي اوامر الحجي والحجية،،،،
ضحكت ردت الطف الجووووو،،
بلة هتي شمسوية للحجية،،،
حور:اني والله ممسوية شي،،
براء:لج انتي غير فطيرة،،الحجية بس تهذي
بيج يمكن راح انسي اني،،،،
طبت امي:هاااا يمة شلونج اليوم بنيتي???
براء:هااااا مو كتلج شكلي راح انسي،،،
ام السان مو يكدر ينساج،،يلة كوموا
صار الغدة وابوج جوعان كال صبي ،،
حور:كلش خجلت النوب شفت الساعة12:30
ضحكت،،،
براء:ضحكينة وياج،،،
حور:لا بس داكول لازم اسجل اليوم بالتاريخ
لان كعدت ب12:30،،
براء:احجيلنة ع اهلج حياتج،،،
حور:انطلقت احجي وعبالك ممصدكة اكو
بشر يسمعني حجيت قصة حياتي كلهة
لان لازم يعرفون كلشي عني وحتى نطيتهم
عنوان بيتنة ومدرستي،،
انتبهت عليهم مصدومين من الي ديسمعوه
وشلون بنية بعمري حملت الي حملته،،،
خطية كلهم دمعت عيونهم والحجي كلش
تأثرت،،،،
ومرت علية ايام واني ابيت الدكتورة وما اعرف
شلون اجازي هاي العائلة الى ان بيوم
جنت بالمطبخ يم الحجية وجتي الدكتورة
مستعجلة و وياها مرة ثانية،،،،
ست هناء:حور،،،
حور:ست هناء شبكتهة وكمت ابجي شفتي
ست شصار بيه وابوية شمرني وحسبني
عار عليه،،،
ست هناء:العفو خالة سلمت عليهة وبوستهة
وعرفتهة عن نفسي،،،
وانداريت ع حور،،حبيبتي تعالي كعدي
حور:خير ست شكلج يكول عندج حجي تفضلي،،
ست هناء:باعي حبيبتي اني رحت لبيتكم
وحجيت وية ابوج اني ما جنت ادري بلي
صار وياج بس سئلت بالمدرسة وكالوا غياب
صارلهة فترة ولذالك رحت للبيت،،،
بس ابوج صدمني بعد الحاح طويل علية
كلي ان انت عندج علاقة بولد من خارج المنطقة
ومواعدته بالبيت وماخذ عذريتج وماخذة ذهب
تغريد وفلوسهة ومنطيتهة للولد ومن رافض
يزوجج مهددته تفضحي ومتعارك وياج وضاربج
وذبيتي السالفة براس حسام وان مرت ابوج
قبل فترة كشفتج وهددتج اذا متركتي الولد
تحجي لابوج وانتي رجعتي التهديد
ان تذبين السالفة كلهة براس حسام
لهذا هي لحت علية يسافر حتى ميتواجد
وياج بالبيت واصلا بيوم الحادثة جان حسام
مسافر وراجع ورة الحادثة ب3ايام واحتمال
ابوج شاك انتي ابيت الدكتورة لازم نلكه حل،،،
حور:ظلت الدموع جامدة بعيني يحاجوني
ما انطق مصدومة ظليت نص ساعة ع هاي
الحالة وراها ظليت ارجف واكول بريئة والله
والله اني طاهرة وحسام هو الي اعتدى
علية وظليت ارجف الى ان اغمى علية،،،،
براء:جنت بالمستشفى كاعدة بمكتبي طبيت
علية مرة مرتبة تطلع بال40ونطتني اسم
حور بالكامل،،
اني اتوترت وخفت ع حور وهي حست
بيه،،،وراها عرفت هي معلمتهة ونطتني
الاخبار الجديدة خفت كلت معقولة تطلع
حور جذابة،،،اخاف النوب اورط نفسي واهلي
بسالفة جبيرة،،،
واقترحت علية ست هناء ان تروح وياية للبيت
وتفتهم السالفة ،،،،
النوب امي هم ظلت حايرة شلون بنتي
اخاف نتورط بمشكلة لا الهة اول ولا الهة
تالي،،،،
ست هناء راحت لليل فتحت الموضوع وية
ابوية واخوتي جانوا هم كاعدين الكل ضاج
واتفقوا ان البنية لازم ترجع لاهلهة نوديهة
ومنخلي احد يعرف بينة،،،،
يابة الوكت مو امان شلون تخليهة تجيب
بنية غريبة ومهدور دمهة بقضية شرف

حور:ظليت بالغرفة اسمع حجيهم وابجي شلون
ياربي وين اروح وحقهم العالم شلون يأمنون
بية الي سووه وياية ما انساه طولي عمري
وهسة صار لازم اترك البيت وابعدهم عن مشاكلي
.......... .......... ......... ........ ..........
ضرغام:جنت نازل لبغداد لبيت جدي اهل امي
خالي ديزوج ابنه ومحتاجني بكم شغلة
وصلت لبغداد ب11الصبح طبيت
و سلمت ع الكل وسئلوني ع
الاهل،،،،
جدة (ام امي اصيحلهة جدة)باجر ان شاءالله يجون لان مازن عنده كم
شغلة يخلصهة ويجيبهم،،،،
كعدنة تغدينة بس انتبهت جدتي وخالتي براء
مو طبيعيات وكل شوية وحدة تمر للغرفة
الي بنهاية الممر،،،
خالتي شبيج مو طبيعية صاير شي محتاجة
شي???
براء:لا حبيبي ماكو شي وغيرت الموضوع
اووووف مدام شكيت ياضرغام يعني لازم
تعرف،،،
ضرغام:هااااا خالتي لازم عجبتج وهيج صافنة،،
ورة الغدة جنة كاعدين نشرب الجاي
وخالي كام يحجي ع موضوع بنية اني ظليت
مثل الاطرش بالزفة منو هاي البنية وشصاير??
انداريت ع جدتي،،،
جدة خييير منو هاي البنية وشبيهة???
حجتلي جدتي قصتهة وما اعرف ليش انهضمت
عليهة وكسرت خاطري اثناء مدنحجي
اندكت الباب ودخلت بنية صغيرة لا مو بنية
طفلة لابسه حجاب وملابسهة محتشمة عريضة
عليهة،،،
حور:السلام عليكم ورفعت نظري ع الحجي
عمي ما اعرف شلون اتشكر منكم او اجازيكم
والحمدلله صحتي تحسنت واكدر هسة
اعتمد ع روحي بس بقى عندي طلب صغير
ابو براء:كولي بنتي،،،
حور:عمي ياريت بس احد يوصلني لمنطقتنة
لان اني ما اندل،،،
براء:وانتي ليش تريدين تروحين???
حور:دكتورة ما اعرف شلون اجازيج ع وكفتج وياية
بس لهنا وكافي ما اريد اسببلكم مشاكل
ولا اريد احد يسمعكم حجاية بسببي
ارجع لبيت ابوية احسن والي كاتبه رب العالمين
ما منه مفر،،،
براء:مستحيل حور تعرفين معنى رجوعج لابوج
شنووووو???
حور:شكد ردت اقاوم دمعتي متنزل بس
مكدرت،،،اي دكتورة اعرف،،،
براء:لعد شلون.....قاطعني اخوية الجبير
عين العقل بنتي واكيد ابوج راح يسمع منج،،
خور:ظليت مدنجة،،،،
يلة بنتي اني ارجعج لبيتكم بس لاتجيبين
طاري اهلي ولا حتى الدكتورة،،،
حور:اطمن عمو اكيد مراح اذي الناس الي
حموني وراعوا الله بيه،،من رخصتكم،،،
براء:بابا صدك راح تخليهة تروح،،بابا يذبحهة
والله وظليت ابجي واخوتي كاموا يحجون علية
ضرغام:حسيت نفسي كاعد بمسلسل
الله يستر علينة وع حريمنة اقشعر جسمي
من الي صار واتخيل مصير هالطفلة شلون
تنذبح والله اعلم بذنب او بدون ذنب،،،
وخالتي فرفحت روحهة عليهة وجدتي تبجي
ورة شوية جتي البنية لابسة عباية وعيونهة
مورمة وتشهك،،استغفر الله شلون بلة وهي
ابد مرفعت عينهة مدنجة للكاع نسمع بس
شهكتهة،،،
سلمت ع جدتي بوستهة وباست ايد جدي
وهي بس تشهك،،،،
فركت وجهي بأيدي،،،ديطلعون وبأخر لحظة
صحت لخالي،،،
خال لحظة لا ترجعهة خلي اخابر الحجي
بلكت يكدر يسوي شي،،،،
بس شلون تورط اهلك بهيج شغلة???
ضرغام:خليهة ع الله خال،،،،
دكيت لابوية:حجي صارت شغلة ورايد
رأيك بيهة،،،
مالك:كووول ابني خييييرك،،
ضرغام:وحجيت القصة كلهة لابوية وظليت انتظر
رده،،،،هاااا حجي شنوووو رأيك ترجع
مالك:لا ابني بقيهة وجيبهة وتعال اطلع من بيت
جدك هسة،،،،
ضرغام:تم بوية،،رجعت لخالي،،،
جدي ابوية يكول جيبهة للبصرة وتعال حلهة
يمي،،،
حور:سمعت هذا الرجال شكال،،لاعمو
شيوديني للبصرة يذبحوني والله وظليت اضرب
بوجهي،،،
ابو براء:لاتخافين بنيتي هذا الرجال عنده
هواية معارف ابغداد وهواية ناس مثل حالتج
واكثر وكف وياهم وساعدهم وحتى
تطمنين اني جاي وياكم،،،
حور:صدك عمي ابو براء لبس وخالة نطتني
ملابس وكم حاجة وطلعنة وية هذا الرجال،،،
عموووو شلون اذا ابوية عرف انهزمت،،،
ضرغام:فتحتلهة باب السيارة جان تكولي
عموووو ظليت صافن عليهة اني بلة عمو
ضرغام:لاتخافين محد راح يعرف وان شاءالله
والدي يحلهة بأذن الله،،،
حور:طلعنة بالسيارة والطريق طويل كلش
تعبت وبديت احس بدوخة روحي لابت وصار
عندي غثيان قوي حاولت اسيطر ع نفسي
كمت ما اسمع بس وشوشة وكمت ما اشوف
محسيت غير فاتحين بوب السيارة واني
نايمة بحضن الرجال،،،
ضرغام:جنت ملتهي داسوق وصدفة صارت
عيني ع البنية عبالي نامت بس ع غفلة
وكعت ع الكشن وبعد متحركت رأسا طبكت
جدي:خير ابني ليش وكفت،،،
ضرغام:جدي هاي البنية يمكن تخربطت،،
جدي:شنوووو???
ضرغام:نزلنة فتحت باب السيارة احجي
وياها متجاوب النوب طريق خارجي لامحل لاشي
حرت زين شلون اكعدهة،،،
جدي لو جايبين خالتي ويانة،،،
جدي:ابني هاي حالة طارئة جائز تلزمهة كعدهة
اسندهة بحضنك خل تشم هوى،،،
ضرغام:ترددت بالبداية بس بعدين كلت
صدك حالة طارئة سندتهة بحضني ورفعت
راسهة نطاني جدي مي وذبيت ع وجهة ومسحت
وجهة النوب شممته عطر بدت تصحى
بس تفتح عينهة وتسدهة حور...حور....
حور:فتحت عيني عزة بعينج حور نايمة
بحضن الرجال،،،،شلت نفسي ع السريع
محسيت غير رديت وكعت بحضنه،،،،
ضرغام:جدي هاي البنية كلش تعبانة شلون
جدي:خل بس تصحى شوية ونكمل الطريق
لان مشينة مسافة مو مال نرجع نكمل احسن
حور:شممني عطر مرة ثانية حسيت ارتاحيت
شوية كعدت لحيلي واني ميتة خجل،،
عموووو اني اسفة والله تعبتكم هواية،،،
ضرغام:لا بوية لاتعب ولاشي اهم شي
تحسنتي هسة،،
حور:اي عمووو الحمدلله،،،
ضرغام:جدي يباوع علية ويضحك،،جان يكول
يلة بعد جدك خل نمشي بعد مسافة اكو
مطاعم حتى نرتاح شوية والبنية تاكللهة
لكمة،،،،
كملنة طريقنة والبنية الحمدلله احسن تقريبا فوك
النص ساعة وصلنة لمطعم جبير ومرتب
نزلنة البنية راحت تغسل،،،
حور:طبيت للحمامات نزعت الحجاب غسلت
ورتبت نفسي وطلعت خطية لكيتهم منتظرين
اطلب اني محجيت استحيت،،،
ضرغام:راح اطلبلج مشكل معلاك وكباب حتى
يسند معدتج ماشي،،
حور:اني هزيت راسي اي،،،وصل الاكل
اني طبعي كلش بطيئة بالاكل همة خلصوا
وشربوا جاي واني هم جابولي شربته وية الاكل
ردت اكوم اغسل مخلاني هذا الي اسمه
ضرغام،،،
ضرغام:وصل الاكل وكعدنة ناكل اباوع
عليهة شكد فاهية بالاكل ولكمتهة صغيرة
هاي شلون تشبع النوب كامت واباوع ماعونهة
نصهة مماكلتهة،،،،
بتي ميصير هيج لازم تكملين اكلج لاتروحين
تتخربطين بالطريق،،
وجدي اضاف لكلامي:اي بنيتي ترى
كدامنة طريق طويل ترى البصرة بعيدة،،
حور:خجلت منهم وكعدت والي اسمهة ضرغام
جر الخبز وكلي اكلي بدون خبز وخلاه كدامي
سوب دافي،واني جنت جوعانة بس استحيت
منهم وصدك كملت الاكل كله،،،،
......... ......... ....... ...........
البصرة الفيحاء،،،
مالك:جنت كاعد بالديوان ودك علية ضرغام
وحجالي ع مشكلة بنية،،،
احنة الحمدلله هواية نساعد الناس ونحل
هواية قضايا اني سابقا جنت شيخ عشيرة
لكن تأزمت حالتي ودخلت مستشفى فترة
طويلة ومن طلعت تنازلت عن المشيخة
لابن عمي كامل مني لان ولدي مفاضين
كلمن وشغله،،واخوية هم رفضهة ملتهي
بشغله،،،،
لكن هواية من الناس ظلت تجيني وتطلب
مني مساعدة سواء مشكلة او وظيفة او مادة
واني بطبعي ما ارفض ابد شخص طالبني
بشغلة،،،المهم
بعد محجالي ضرغام هن هاي البنية
قررت لازم اساعدهة بس المشكلة ان هي
ديرتهة بعيدة هي من بغداد واذا ردت
احل مشكلتهة وية اهلهة راح تعتبر مهزومة
قررت ان يرجع ضرغام واسمع من البنية
بالتفصيل والله كريم،،،،
سمرة:عمو،، عمو،،،
مالك:هااا العفو بنيتي السموحة منج،،،
سمرة:لا يعمي ع راسي تفضل جايك،،
مالك:عاشت الايادي،،اي سمرة اسمعج
جن بلسانج حجي???
سمرة:ضحكت شلون هيج تعرف عمي???
مالك:هههه ليش گليل(قليل)عشنة يابعد عمج
المهم احجي اسمعج،،
سمرة:عمووو فدوة قنع ابوية اروح وياك
اليوم خابرن البنات وكالن راح
يجن ويريدوني اجيكم بس ابوية تعرف بعد
هو اني كبرت لو ابتليت محرم علية كلشي،،،
مالك:كرصتهة من خدهة سمرة انتي لو عندج
وردة حلوة وانتي تعرفين كلش زين ومتأكدة
اذا الناس شافوهة عندج راح ياخذوهة منج
بطلب لو بالبوكة راح اطلعيهة وتشوفيهة
للناس???
سمرة:اكيد لا طبعا راح اضمهة حتى محد
يتجرا... ضحكت هاي هي عمي خلص
درسك وصل،،،بعد ما اوصيك بروح بيبي
احجي وياه ما اروح بعيد بس يمكم،،
مالك:ضحكت خلص ماشي اني احجي
وياه،،،،
مرحبا....اني سمرة،اكيد تستغربون
اسمي بس كل مافي الموضوع ام امي
جان اسمهة سمرة وامي من محبتهة
لامهة سمتني ع اسمهة شفتوا حظي بلة، عمري
16سنة صف ثاني متوسط ومستواي زين الحمدلله،حنطية ع بياض عيوني سود كبار شعري اسود طويل طولي بالنسبة لعمري
زين لابئس بيه،،عايشة وية امي وابوية الله
يحفظهم كمال وعفاف ،عندي 4اخوة وكلهم مزوجين
وعازلين مشتملات من البيت اني البنية الوحيدة
يعني (المدللة)مال ابوية،،،،
من جان عمري11سنة شفت سجاد ابن
عمي اجة يمنة شفتهة شكلهة حلو ومرتب
وانيق وجان مو دائما يجينة لان جان كاضيهة
ابغداد يجي لبيتهم ع كد الدوام والعطل طبعا
اكثرهن هم ابغداد،،،
كلش انعجبت بيه وجنت بعمر المراهقة
وماعندي احد بعمري اسولفله فظليت
ع عقلي اتخيل ننجمع سوة بالحلال واطورت
بمرور الزمن صارت عندي عادة ان
قبل لا انام اظل اتخيل حياتنة سوة وهذا الشي
خلق مشاعر جديدة بداخلي تجاه سجاد
ويوم عن يوم الاعجاب اطور واتحول اكيد راح
تكولون هذا الشي غلط واكيد كلامكم
صح بس فترة المراهقة فترة حرجة
لازم التوجيه مستمر واني مثل مكلت جنت
كله وحدي ماعندي خوات وامي نرة جبيرة
حجيهة كلهة اشتغلي كنسي باجر وراج زواج
هذا كل تفكيرهة وابوية حارمني من الطبة والطلعة يخاف
علية ع كد دوامي وهم وية السايق مالته،،،
وصار تفكيري بسجاد هو سلوتي الوحيدة
وبيوم جنت كاعدة بالمطبخ وسمعت امي
تكول لابوية ان ابن خالي رايدني واني خفت
ليوافق ابوية،،بس الي صار صدمني،،،،
عفاف:هاااا شكلت عيني كمال الولد خريج
ويشتغل وية ابوه ويملك خير من الله
يعني اذا صارت القسمة ان شاءالله متتبهذل،،
كمال:يا مرة ياعيني افهميني رفضي
مو بسببه او سبب شغله لو حالته المادية
سبب ان ابو ضرغام اخوية طلبهة مني،،
عفاف:والمن رادهة بس لا سجاد،،???
كمال:وليش شبيه سجاد،هاي السنة الاخيرة
و وراها شغله موجود ويلزمه حاله حال اخوته
عفاف:لا عيني فدوة الله يخليك هذا ترى
يشلع كلبهة هذا مدلل وابن بغداد هي امه
صايحة الغوث منه وبعدين.....
كمال:شتريدين اكوله لا ما انطيك لج تدرين
بيه يشيلهة بالصلوات وحتى ام ضرغام
مابيهة اي قصور،صح الولد بعده يدرس
وصحيح ان هو اكثر شي ابغداد بس
ترى انتي بعدج متعرفين سجاد،،،،
عفاف:يعني ترضى اخوية يزعل علية
وصارله فترة يحجي بالموضوع واني اجأله،،،
كمال:اي هاي بيهة الخير معناها تأجيلج اجة
بخير،،،
عفاف:يعني هاي هي خصمتهة ،،
كمال:اني كتله لابو ضرغام كبع واخذ بس
أجلتهة لحد متخلص سادس،،،
عفاف:عوجت حلكي،،هاي هي اخذ النسونجي
ابو البنات،،
سمرة:بعد ما سمعت الحجي الي دار بين
امي وابوية طرت من الفرحة معقولة اني
راح اصير لسجاد وسجاد الي،،،الله
يهديج يا امي جان فركشتيهة بأخر لحظة
يمة..يمة...الحب يمة راح يوكف كلبي
خل اروح اخابر فرح ابشرهة،،
طبعا فرح صديقتي الوحيدة اتعرفت عليهة
من دخلت الاعدادية وحالتهة مثل حالتي حب
من طرف واحد،،،،،،،،• اي عشڪـتك🙊🌸
وگـلبي طگ فرحهههہۦ عـليك😻
يالضـحـڪتك تارسةة گليبـي ترس💙
يتبببببببببببببببع💖💖💖💖💖💖ط