رواية السجينة الفصل الحادي عشر 11 - بقلم شـــروق الــسامــرائي

#السجينة💔💔💔
الجزء الثاني عشر.....
شلون ابدي واكلك اني #مشتاك 💔
وانت اول شخص زلزل #كياني
وانت اول عشك شيبني بصباي
وانت اول حرف يتعلمه #الساني
وانت اول عشك مطبوع بالروح
ربيته عله ايدي وهوى #رباني
جنت تايه بغربه ودربي ڱڵـه هموم💔
ومشيت بدرب #حبك وهوى دلاني
كل لـحـظـــِه حبيبي لشوفتك اشتاك؟
لان شوكي بغيابك حيل أإأذأإأني 💔
حور:رجعت بيه السنين ليورة شلون جنت
و وين صرت،اذكر نفسي قبل وحدة جبانة
تنهزم بأبسط المواقف بس هسة لا صرت
ما اخاف من شي دام اني ع حق وشفت
الي يغلط زيظل يداري غلطه عن الناس
شلون يصير ضعيف وقليل حيلة،،واني
الحمدلله توكلت ع ربي وما خيب ظني
نصرني ع كلمن اذاني وهسة اني طالبة
جامعية مرحلة ثانية وعمري 20سنة لان اني
تاركة سنة،،اداوم بجامعة بغداد بالجادرية
هندسة مدني،،،،
خل نرجع كم سنة ليورة ونشوف شلون بدت حور رحلتهة وية حسام وظلم ابوهة،،،،
............................
حسام:بعد مطلعنا من بيت ابو ضرغام وعقدت
ع حور توجهنة لبغداد ظلينة ساكتين معرفت
شلون احجي وياها وهي هم نفس الشي
ابد مرفعت عينهة بأتجاهي،،ظلينة قريب ااساعتين
ع نفس الوضعية وراها وكفت السيارة
كبال مطعم مرتب،،،،
يلة حور نزلي خل نتغدى ونرتاح شوية،،
حور:نزلت من السيارة بدون ما احجي شي
انتبهت علية ظل صافن وفرك وجهة حيل
مرات اشوف بعينه نظرة ندم،،بس اني قررت
ما اهتم لاي بشر بعد لازم اعتمد ع روحي
واقوي نفسي،،نزلنة تغدينة طلبنة مشاوي
وشربنة جاي وغسلنة وكملنة طريقنة
وصلنة لبغداد باليل وكفنة كبال بيت غريب
مو بيت ابوية،،،
حسام:قبل لا اسافر للبصرة حجيت وية امي
وردت منهة مفتاح بيتنة القديم الي جنة
مأجريه وهي بدون متسأل نطتني مفتاح البيت،،
يلة حور نزلي،،،،
حور:بيت منو هذا????
حسام:بيتنة امي جانت مأجرته،،،
حور:هاااا،،نزلت وهو نزل جنطتي وفتح الباب
بيه حديقة صغيرة وطرمة بس نظيف كلش
دخلنة للبيت حسام فرني بيه،،،،
البيت بيه بابين باب تطل ع الهول والباب الثانية
مال مطبخ طابق واحد بيه غرفتين وهول
وحمام مشترك ومطبخ ودرج يودي للسطح،،
حسام:حور هاي الغرفة مال النوم اخذي
راحتج ارتاحي علما اجيب عشة واجي،،،
حور:بدون ما احجي هزيت راسي وانداريت
فتحت الجنطة وافرغ ملابسي وغراضي
فتحت الكنتور شفت ملابس رجالية اكيد
مال حسام معناتهة الافندي ناوي انام
بنفس الغرفة لازم اقوي نفسي وابيلنه ان
اني مخايفة منه واكدر اواجهة واحمي نفسي
فتحت باب ثانية لكيت الخانات فارغة اكيد خالهة الي
رتبت غراضي واخذت ملابس وطبيت للحمام
البيت حلو ونظيف ومرتب سبحت وطلعت
لبست دشداشة طويلة واردان كاملة نشفت شعري
ولبست الحجاب وكعدت بالهول شوية
ودخل حسام شايل علاليك طب من باب
المطبخ كمت اخذت العلاليك هو شافني
وعكد حواجبه ههههه اكيد مستغرب
عباله راح البس من ذني الي مشتريهن
فتحت العلاليك جان جايب كنتاكي واجنحة مقرمش وفنكر ومقبلات
وبطل ببسي فرغتهن من العلاليك ورتبت
الاكل ع الميز هو اجة جان ديغسل ذب المنشفة
من ايده وكعد بدينة ناكل ومحد نطق بحرف
الى ان حسام كسر حاجز الصمت،،،،،
حسام:رجعت للبيت لكيتهة لابسة طويل وحجاب
ضجت اكيد هاي مناوية تجي بالساهل وياية
عفتهة ترتب الاكل ورحت غسلت ورجعت
كعدنة ناكل وهي ولا رفعت عينهة ولاغيرت
من كعدتهة ظلت ع كعدة وحدة هي هاي
حور من يوم يومهة هادئة وصامتة
لزمت ايدهة هي رجفت وفزت جرت ايدهة مني
ع السريع،،،،
شبيج ليش سحبتي ايدج ترى اني رجلج
هسة وهذا الشي مو حرام،،،،
حور:ترى اعرف كلش زين بس خلي ابالك
شغلة ترى من قبلت ارجع وياك مو لسواد
عيونك ولا حبا بيك بس ردت اخلص العالم
الي جنت يمهم من شرك ومشاكلك وعرفت
مراح اجوز منهم الا واني راجعة وياك،،
حسام:شنوووو معنى كلامج????
حور:معنى كلامي طل واحد يعيش بحاله
محد اله دخل بالثاني فاهم???وكفت لحيلي
وهو كام جرني من ايدي حيل،،،،
حسام:اولا احجي وياية بأدب،،وثاني
شي اني رجلج وغصب عنج تقومين بيه
وبواجباتي وغمزتلهة فاهمة لو لا،،،
حور:ظليت اجر بيدي بس ماكو فايدة قبضة
ايدهة قوية،،،،تحلم لو يكون اخر يوم بعمري
ماراح اخليك تلمسني،،،،
حسام:قربت وجهي عليهة وحضنت خصرهة
بالايد الثانية برضاج غصب عنج راح تقبلين
بيه ماشي وتركتهة ومشيت ،،،،
حور:معناها راح ترجع تغتصبني لكن بالحلال
مو?????
حسام:ضحكت وانداريت عليهة شتسميهة
سميهة،،المهم النتيجة،،ولاتنسين ترى اني
طلعتج من الموت ابوج جان جاي يكتلج،،،،
حور:ضحكت بأستهزاء،،قتلت القتيل ومشيت
بجنازته،،،بس صدكني ياحسام لازم يجي
يوم ورب العالمين يطلع حوبتي بيك،،وهاااا
لاتنسى ترى عدك اخت،،،
حسام:كلامهة استفزني ركضت عليهة وجريتهة
من شعرهة لاعبالج ساكت تظلين تلغين
براسي صيري حبابة وسمعي الكلام
لا اخلي حياتج جحيم،،،،
حور:حجيت ابرود عادي ليش اكو اكثر من
هالجحيم وباوعت بوجهة ويمكن هاي اول
مرة اخلي عيني بعينه،،،وهو ثار جرني من
شعري واني اقاوم وشفته مشة بأتجاه
الغرفة واني روحي راحت عرفت نيته،،،
شمرني بالغرفة وقفل الباب واني تخبلت
تذكرت يوم الحادث وتهسترت هو يمشي
ويباوع بنظرات مكر نزع ملابسه وجرني
واني ظليت اضرب بيه واقاوم،،،
الى ان لازمني ملخني ضربني واذاني
واخذالي يريده بالغصب وراها كام عني
واني حال حالي الميت بس اون لميت روحي
بالكوة،،،،
حسام:شوفي انتي جبتيهة لروحج ترى
تكدرين بكل سهولة تسمعين الكلام وتنسين
الماضي ونبدي صفحة جديدة،،،،
حور:حجيت بكل صعوبة،،مستحيل تكون
انت بشر بعد كل الي سويته بيه وتريد اجيك
برضاتي،،،،
حسام:حجيت واني الجكارة بحلكي خلص
لعد اتحملي الي يجيج،،،
حور:مرت الايام وية حسام ع نفس المنوال
مشاكل ولغاوي بس الحمدلله محاول
يتقربلي مرة ثانية،،،
وكم مرة جتي امه للبيت وصيحت وعيطت
وحتى ضرب تضربني لان الظاهر
حسام جان يحجي عليهة من تجيني وتسوي
هوسة،،،،كل هاي المشاكل الي عشتهة
ومنسيت الايام الحلوة الي عشتهة
بالبصرة جنت احاول انسى ضرغام لان بأعتباري
مرة مزوجة ميصير افكر بأي انسان ثاني
بس غصب عني يجي ابالي واقارن بينه
وبين حسام الفرق شاسع ذاك رجال بمعنى
الكلمة اما حسام حتى ما اعرف شنو اوصفه
بس ظليت اثنع نفسي ان هو انسان متزوج
وعنده حياة خاصة بيه وابن مستحيل
يوكف حياته يمي،،واكيد هسة نساني
واني هم قررت ابعده عن تفكيري والهي
نفسي بالدراسة لان محد يفيدني
مرت الايام ع نفس الروتين ومشاكلي
وية حسام كام يرجع للبيت وجسمه كله طكع
وريحته كريهة عرفت بيه يشرب بس
شسوي هذي قسمتي بعد،،،،
ومبقى شي ع بداية الدوام وطلبت منه ارجع
لدوامي بالبداية مقبل وتعاركنة وكتلني
بس ثاني يوم شرط علية شرط اذا انفذه
يخليني اكمل دوامي،،واني عرفت شرطه
وفعلا جان مثل متوقعت ان نرجع انام بنفس
الغرفة وما امنعه مني اني قبلت لان
هو ان كلت اي او لا هو الي يريده يسوي
وفعلا صار الي يريده وبدة الدوام
وحياتي انحصرت بين البيت والدراسة وكمت
ما اهتم لحسام ولا اعانده حتى لايمد ايده
علية وشديت حيلي بالدراسة والحمدلله حسام
بدة شوية يتغير من يشوفني اقرة
ما يحتك بيه وقبل ليطلع لشغله يخليلي
مصرف يلة يطلع،،،ويسألني شنو احتاج
وفعلا جنت اضطر اكله احتياجاتي لان ماعندي
غيره وكام ياخذني وياه نطلع اشتري
الاشياء الي احتاجهة ومخلة اي شي ناقصني
ومرة جنة طالعين جنت محتاجة شغلات من
السوك جنت هستوني دتصعد للسيارة
وسمعت صوت ابوية يسلم ع حسام
عباله وحده ظليت واكفة بمكاني وصافنة
والدموع تجري،،،ع هاي وكفتي
صارلي سنين اباوع ابوية شلون يحبهم
ويشاركهم نجاحهم وفشلهم واني ولا
حاسب حسابي ولا عبالك بنته هسة هو
كارهني ع اساس جان يحبني حتى يكرهني
اوووووف يادنيا شكد راح اشوف ظيم بعد،،
شفته باوع بأتجاهي ورجع يحجي وية
حسام بعصبية ويأشر عليه،،،اني كعدت
بالسيارة وظليت انتظر حسام،،ورة شوية
رجع،،،،
حسام:هااااا عندج بعد شي،،،محتاجة شي بعد،،
حور:هزيت راسي لا،،،،حسام شكلك ابوية،،،
حسام:شعليج منه مدامه بعيد عنج شيريد
يحجي خل يحجي،،،
حور:شنو احساسك من يحجي علية وانت
تعرف اني مضلومة وع ايدك،،،،
حسام:وكفت السيارة،،شلج بهذا الحجي
حور،،اني غلطت بحقج صح واعترف بس
هاي دتشوفين شلون احاول اصحح غلطي،،
حور:كمت اصيح شلون،،لك شلون فهمني
اتصحح غلطك تكول لابوية ان اني بكته وبكت
مرته وبعت شرفي لواحد احبه،،،شلون
هو هذا تصحيح خطأ برأيك،،،،هااااااا
جاوبني،،،
حسام:كمت اصيح ادري،،ادري ظلمتج ولسة
داظلمج بس صدكيني اني ما اكدر
احجي شي وراية امي واختي مالهم احد
واذا ابوج عرف راح يشمرهم بالشارع واني...
حور:انت شنووو متكلي يعني خايف ع امك واختك
واني،،،،
حسام:انتي اني موجود يمج واحاول اعوضج
عن كلشي بس مال احجي الي صار قبل سنة
ما اكدر صدكيني ما اكدر،،،،
حور:ظليت ابجي ع موقف ابوية يعني
مفكر ولايوم يصيرلي اب لا وفوك كل
هذا اول ماسمع بالي صار اجة هاجمني
واتبرة مني ومو بس هذا راد يذبحني،،،،،
مرت الايام عادية وخلصت السنة الدراسية
واني نجحت بتفوق،،وحسام فرح وياية
وحار شجابلي حتى يرضيني واني هم حاولت
اتناسى الماضي وشفت اهتمامه يحاول
يعوضني،،جاباي تليفون حديث وعلمني
علية ونزلي برامج وعلمني عليهة،،،،
وبديت احضر نفسي للسادس،،،،
حسام:حور حضري نفسج العصر،،،
حور:وين،،،
حسام:لكيت دكتورة نسائية مضبوطة،،،
حور:استغربت شسوي بالدكتورة اني،،،،
حسام:يعني صارلنة فوك السنة متزوجين ولسة
كاشي ماكو،،،
حور:هااااا،هنا اني ارتبكت وخفت من ردة فعله
حسام:شبيج احمرتي واصفريتي،،،،
حور:هاااا لا ماكو شي،،،
حسام:بعصبية احجي حور،،،
حور:شحجي ماكو شي احجي،،،
حسام:طبيت للغرفة وبديت افتش بغراضهة
ولكيت شريط مال مانع وصحت بصوت رج البيت
هذا شنوووو،لج حرت شسويتلج وانتي
كل هذا مو بعينج،،،،
حور:اتحججت بالدراسة وان اذا صارلي
طفل وين اوديهة وما اريد ادمر مستقبلي،،،
وهم صار عصبي وشتم وغلط وضربني
وطلع،،،،
حسام:تخبلت شنوووو مانع شنوو صخام،،،
دك تليفوني جريته وغمضت عيني،،،
الووووو ها يمة،،شنوووو شبيج ع كيفج
مدافهم،،شنوووووو جايج هسة،،،
ختبرتني امي مغبوصة وبس تبجي وتكلي
اختك صخمت وجهي وعمك سعد حالف
يمين يدزهة لعمامك،،،،رحت لبيت عمي سعد
طبيت امي منتهية بس تبجي عمي سعد
كاعد واعصابه نار،،،تقربت يم امي كعدت
كبالهة خير يمة شصاير وين رقية،،،،
تغريد:جوة بغرفتهة،،،لك يمة اختك طمست
روسنة،،،،
حسام:دمي فار كمت اصيح،،يمة لخاطر
ربج احجي لاتنكطيهن علية مثل المي،،،
سعد:بعصبية شتحجي فهمني شتحجي اختك
الخاتون طلعت هي الي بايكتني وبايكة ذهب امك،،،
حسام:بصدمة،شنوووووووو،،شتحجي انت
عمي،،،،
سعد:اي البلوة الي انذبت براس حور طلعت
اختك المصون مزوجة بالسر،،،،ومنوووو
ههه صاحبك ابو العرك،،،،،والله يا الله
بشنو قصرت فهموني بشنووو قصرت هاااا
اشو صرت اب وحنون والي يتمنوه اجيبه
باوعيلي تغريد هسة تكومين تلمين غراضهة
وادزهة لاهل ابوهة همة الي يتصرفون
وياها وفلوسي اطلعهم من عينهة،،،،
حسام:عمي اصبر خل نتفاهم....
تغريد:بنتي متطلع منا نسيت ان ابني ستر
ع بتك وطمطم الفضيحة،،،،
سعد:لج شنووو تعيريني،،،
تغريد:لا اساومك بتك عايشة ومرتاحة
واني بنتي تنذبح،،،
سعد:عادي هسة اذبحهن ثنينهن،،،كوم
حسام جيب ذيج الجلبة اللخ،،،قسم ماابقي
وحدة بيهن،،،،
حسام:رحت لغرفة رقية،،مقفولة صحت
لامي انطيني المفتاح طبيت عليهة كاعدة
وتبجي،،لزمتهة من شعرهة وبالحايط
موتتهة كتل كعدت ع الجرباية تعبت وصاير
نار،،لج احجي منوووة عمي سعد يكول
صاحبك،،ظلت ساكتة صحت بصوت يرعد
منوووووووو???
رقية:وسام،،،،،
حسام:ولج هذا دبسز طايح حظ ولج تدرين
بجم بنية لاعب هذا،،لج هذا بس لعب و ونسة
والفراش،،لج شسوي بيج فهميني ولج
عمي حالف يمين يدز لاهل ابوية والله
ليذبوحج وميرفلهم جفن،،،،كمت تفلت
عليهة وطلعت،،،امي صارت بوجهي
تغريد:هااااا يمة شراح تسوي،،،
حسام:شسوي،،راح اروح لذاك الكلب بلكت
يزوجهة شهر شهرين ويطلكهة وبعدين
الله كريم،،،،
سعد:من الهول صاح،،خلي ابالج بتج
متدخل بيتي بعد يحرم عليهة،،مفهوم
تغريد:شلون حسام فهمني،،،
حسام:يمة الله يخليج شنو بيدي اني
واسوي هي بتج بعملتهة نطت مجال لواحد
يتصرف،،،،،عفتهم وطلعت رحت بوجهي
للكوفي الي يكعد بيه وسام وطلبت احجي
وياه برة وحجينة بالي صار بس صدمني،،،،،،
وسام:شتحجي انت شتزوج منهة يمعود
تريد تبليني بيهة هي اختك يومية وية
واحد جاي تريد تلبسهة براسي،،،،
حسام:جريته من ياخته،لك انجب اختي اشر....
وسام:قاطعته،،انت اخر واحد يحجي
ع الشرف انت واختك وجه لعمله وحدة
حسام:انت واعدهة بأن تعلن زواجك منهة،،،،
لعد ع شنوووو اخذت منهة فلوس،،
وسام:لك وخر شدتحجي شنووو فلوس
شنووو زواج،،لك بابا اختك لاعب لعب
علما بزعانة،،وبعدين من كلك امي متزوجهة
لو ماخذ منهة فلوس،،حبيبي اختك من
جانت تجيني للشقة ونتونس سوة امي
الي انطيهة فلوس وحتى مرة جبتلهة
كلادة ذهب وانت تعرف بية اني ممحتاج
حتى اجي اطلب من اختك،،
حسام:هديتهة وكعدت ع الرصيف،،لك
وسام شدتحجي انت بس احجي الصدك
ماراح اطلب اكثر،،،،
وسام:كعدت يمه،،شوف حسام انت تعرفني
كلش زين لا اركض ورة بنية ولا شي
اختك هي الي اندكت بيه وظلت تراسلني
ع اكثر من برنامج بعدين كالت اني اخت
حسام وحبيتك ومن هالحجي بس ثق بالله
من البداية كتلهة اني لادرب زواج ولا
ذني السوالف وهي وافقت والي
صدمني ان هي طلعت مو باكر،،،،،
حسام:لك شنوووو هالحجي مالتك لك شنووو
وسام:صدكني والله اختك جانت مزوجة
بالسر وهذا الشخص تعرفه احمد،،،
حسام:انهد حيلي دخيلك ربي اختي مخالة
واحد من جماعتي يعتب عليهة عفته
وشغلت السيارة ومشيت زدت السرعة
واني افكر بالي صار اجتي ابالي حور
واذكرت كلامهة من كالت عدك اخت والدنيا
ادور،صدك ياحور ربج اخذ حقج وزيادة
محسيت غير الجام اطشر علية وظليت افتر
بمكاني وبعد محسيت بشي،،،،
صدق سبحانه عز وجل وعده بأنه سبحانه
يمهل ولا يهمل وان غفلت عيون جميع البشر
عن الحق،،فأن عينه سبحانه لاتغفل وتنام
وكم من مظلوم اضحى وامسى يلهج
بأسم الواحد الاحد وتوكل ع العزيز الجبار
لينصفه من هموم الدنيا ومضالمها،،،،
يا ويل للظالم من دعوة الظلوم لو عاش
الف سنة يأتيه عذاب الله سبحانه بغتة
ما خاب من توكل ع الله مالك الملك،،،،،،
يتببببببببببببببببببببببببببع،،،،،،،،،